1 Tesalonik 1
1
Imbíkélie
1Niŋɔ́, Póole, na Sílas ne Timoté, tuɔ́kɔɔ́ŋɔn ɔlɔŋ ú peétépí únyɛɛ́ Tesalonik wúɔ́pinɔnɛ́ Támbákɛ́ɛ Síí nɛɛyɛ́ nɔ Ɔkɔ́n Yésus Kilíis.
Inyɛɛ́ Támbák núsool wóond únúfá kiyeéwe.
Póol élémbesi Támbákɛ́ɛ á kuátap kú Pakilístɛn
2Tuánúpítááka kisikɛl kitikit tupísókolonyée, tuond tulémbesi Támbákɛ́ɛ káánɔ́ ó pusíó panɔ́ peem, 3Tuápítááka mukɔt mú kuátap kúánɔ́ ké eŋís yá Támbákɛ́ɛ Síí waasɔ́, ni iŋɔyɔ yaanɔ́ ikɔtɔnɛ́ɛ, no pipíóndínyí ɔtɛ́m píánɔ́ pínyɛɛ́ pipílúndánɛ́n kɔ Ɔkɔ́n Yésus Kilíis. 4Paandimán tuémenyen peseé ɛ́ɛ́ Támbák mɔnúɔ́yɛ́t, woond waanúyɔ́ɔn ɛ́ núpá pɛ́ɛ́yɛ́. 5Púnyɛ ɛ́ɛ́, aká tumaánútíán insɔ́m yi indámb, kútimapá yá na tukál, maná na pukaaka ni iŋɔ́yikinɔ i emfúnukufúumɛ, numenyen peseé kése ɛ́ɛ́ epú tuɔyɔnɛ́ nyɛ kɔ́ɔk. Nuémenyien aná tuɔnyisɔtɔn káánɔ́ ɛ́kikɛtɛ́kɛtɛ é peseé waanɔ́. 6Panɔ́ kɔk, nuétúpíketi naasɔ́ nɔ Ɔkɔ́n, tɛ aná núányípá é muyú, nuátap nukál na anyamɔ́ ú emfúnukufúumɛ: 7Anakáani, nuɛ́yi pulinsí pú peétepí pɛ́nyɛɛ́ Masetuan na Akayí. 8púnyɛ ɛ́ɛ́, kútipá nukal nú Ɔkɔ́n núnanɔ́ nú mɔɔ́kɔ́mɔ́k kuanɔ, núanyiám Masetuán na Akayí, maná indumúndumú í pipíondínyí ɔtɛ́m píánɔ́ kákáyí á Támbák yasálamand kɔɔ́mɔ kitikit tutiányípá tuand apian insanɛ́ ɛ́ɛ́ túand kuɔyɔ mɔ. 9Á kiákí ɛ́ɛ́ peem ɔ́kɔyɔ aná nú moótukoli, na aná núónyíondíní Támbakɛ́ nuetúm pifɛ́lɛfɛ́lɛ kélém, ɛ́ɛ́ núkɔtɔn Támbákɛ́ɛ wɔɔkɔ́si unyɛɛ́ kémuémue. 10Ékupétenyi kinɔ́k kíɛ́yɛ́ kíóloniné mɛnɛ́mɛnɛ, kí kínyiɛ́ Yésuse ewú Támbák meényi á pilúŋ, utúɔkɔnɛ́ kí ilópi yóloné.
Currently Selected:
1 Tesalonik 1: yav
Highlight
Copy
Compare
Share
Want to have your highlights saved across all your devices? Sign up or sign in
© 2026, CABTAL