Roma 3
3
Cyó ŋɔŋ ŋgerɛ́ŋged ghú pó
1A kɛ́ʼɛ́ ŋuyúda tsɛɛ pecyó pɔŋ pe ne kɔ́ nɛ́? mbzírine ŋɔŋ pó tsɛʼɛ yɛ́rɛ́ ghebe? 2Pɔ́b tséʼé ghebe ne ŋkɔŋɔ ndzáʼamé náá. Ne sɔ́ yé, Mboʼmvé kɛ fɛ́ Nsó yé pe pwó pɛ Yúda péré. 3Kɔ́ yɔ́ɔ? A pɛ́ɛ́ yɛ́ pecyó pɔŋ ndzɔʼɔ pɔ́b, kɛ pe tíí ndzɔʼ yɔ́b mbəb Mboʼmvé ŋgú ne ssó nɛ́ pó, mbǒ yéré naŋa ŋgâ Mboʼmvé ndɛ ké ŋgyɛ̌ no yɛ́, a kɛ kaʼ nɛ́? 4Ngaŋ! Tɛɛmbɛ a naʼ mbé pé néré pó! A zɔŋɔ ŋgâ pe zé ŋgâ Mboʼmvé ŋɔŋ ŋgerɛ́ŋged, ŋkɔŋɔ pumésɔŋ náá pe ghaŋátsɔ́mbwɔ́, mbziʼe njʉ́ a ŋweʼéme ŋgâ: «A zɔŋɔ ŋgâ pe zé wo njʉ́ ŋɔŋ ŋgerɛ́ŋged nɛ́, ndzɔʼɔ ŋkɔŋɔ no yɛ́ wo tsɔ́ náá nɛ́, wo pó ndzó fiʼ ŋkhoʼyɛ́, pe tse fiʼɛ wo nɛ́.» 5A pɛ́ɛ́ yɛ́ kəpɔŋ yɛ́ piŋi zhyɛ́ nɛ́, pó ŋgyɛ́, pe zhʉ́ njʉ́ Mboʼmvé ŋgerɛ́ŋged nɛ́, tɛɛmbɛ́ piŋi pó ntsɔ́ɔ́ ŋgâ kɔ́ nɛ́? Ŋkhoʼyɛ́ Mboʼmvé pʉ́ʉ́ ŋgyé, gbíí wíŋi ne fě nɛ́, a kɛ́ʼɛ́ mbé zhyɛ́ no kəpɔŋ pɔɔ? Mə tsɔ́ yɔŋ no kaʼa pe njʉ́ ŋumesɔŋ ndɛ kpaŋa tó nɛ́. 6Ngaŋ! Tɛɛmbɛ a naʼ mbé pé néré pó! Ŋkyé ŋgâ a pɛ́ɛ́ pe pé néré, mbǒ Mboʼmvé ŋgyɛ níŋ fiʼɛ mvémvé? 7A pɛ́ɛ́ yɛ́ mbwɔ́ yɛ́ mə tsɔ́ nɛ́, zhyɛ́, pe zhʉ́ ŋgerɛ́ŋged Mboʼmvé kpaʼ yáŋme, néré ne fɛ́ne ghɛ́ɛ́ pwó ye nɛ́, á mbó ŋgyɛ kɔ́ nɛ́ ŋkʉ́rʉ́ ŋgâ, pe fiʼɛ ya njʉ́ taʼ vɔ̌no nɛ́? 8Néré, a zhyɛ́ kɔ́ nɛ́ ŋgâ piŋi ndɛ ŋgyɛ́ no kəpɔŋ, yânéré kɛ́ʼɛ́ ŋgâ no sʉ́ʼʉ twɔ́ ndúŋú, njʉ́ ghaŋá pégháá tsɔ́ ŋgâ, piŋi tsɔ́ nɛ́? A tsyɛ́ ne pɔ́b ŋgâ Mboʼmvé ke naʼ fiʼɛ wɔ́b fûŋ fuŋ. 9A kiʼi mbó mbé kɔ́? Piŋi pɛ piŋi pɛ Yúda nɛ́, piŋi tsɛɛ yiŋi pecyó pɔŋ pe ne kɔ́? Né cyó yɔ́b pó. Ngáŋ! Mə kɛ pě ŋgyɛ́ puŋ zé ŋgâ, ŋkɔŋɔ pɔŋ náá, kəpɔŋ ke ŋkɔʼɔkɔʼɔ ferɛ wɔ́b, ŋúyúda njʉ́ ŋɔŋ Gerɛʼ nɛ́. 10Njʉ́ a ŋweʼéme nɛ́ ŋgâ:
«Ŋɔŋ ŋgerɛ́ŋged yoʼo pó, mbɛ ndaʼ taʼ ye kaʼa yoʼo pó!
11Ghaŋázé ke mbé pɛ yoʼo pó, mbɛ ndaʼ taʼ ye wɛ́ a tse ntaʼa Mboʼmvé nɛ́ yóʼó pó.
12Ŋkɔŋɔ wɔ́b náá tee mɛndɔ́b sʉ́ʼʉ, cyó ŋɔŋ ndzɔʼɔ pɔ́b, ntséʼé cyó ghebe pwó Mboʼmvé ŋkʉ́rʉ́ pó!
Ŋɔŋ wɛ́ a tse ŋgyɛ́ no sʉ́ʼʉ nɛ́ pe pɛ yoʼo pó, mbɛ ndaʼ taʼ yé yóʼó pó.
13Ywʉ́ wɔ́b pɛ́ɛ́ njʉ́ taʼ sye wɛ́ a tsé wéé, mɛ pɔ́ŋ nɛ́,
kpəkpaŋ yɔ́b ke mbɛɛ ne shʉyɛ̌ne pɔŋ,
ŋgaŋ ŋkɔ́b pɛ ndúŋú kɔbɔ́ntswee mɔ́b.
14Pɛ ndɔŋ yúŋɔ ntswee pɔ́b pwɛ pɛ nsó kəpɔŋ,
15kpee mɔ́b zyaŋa sye ne khíne ndéé mvéd nsə.
16Ŋkɔŋɔ ywoʼ yɛ́ pɔ́b zaʼa náá nɛ́, pɔ́b ke mbóó ywoʼ pó, mbó ndzáá pɔŋ ne ŋgəʼo,
17pɔ́b pó mbé zé mɛndɔ́b mbúru pó.
18Cyó pɔ́ɔ́ Mboʼmvé zyé mbé pɛ ndzó ndzɔʼ yɔ́b pó.»
19Ntsʉʼŋgɛmbɛ́ piŋi zé, ŋgâ ŋkɔŋɔ yɔ́b yɛ́ kaŋ tsɔ́ náá nɛ́, a tsɔ́ɔ́ pwó pɔŋ pɛ́ a sáʼá kaŋ sáʼá wɔ́b nɛ́. Yânéré kɛ́ʼɛ́ ŋgâ ntswee ŋkɔŋɔ pɔŋ náá moʼ, ŋkɔŋɔ pɔŋ náá pó mbé ghaŋávɔno síŋ Mboʼmvé. 20Yé ke nɛ́ yɔ́b yɛ́, a zhyɛ́ ŋgâ tɛɛmbɛ́ Mboʼmvé pe naʼ náá mbziʼe njʉ́ ŋɔŋ nyí njʉ́ kaŋ tsɔ́ nɛ́, njʉ́ wé njʉ́ ŋúŋgə́rɛŋged nɛ́, pó. Ŋkyé ŋgâ kaŋ ke ŋgyɛ́ yé pé ndaʼ ŋgâ, pɔŋ zé yɔ́b yɛ́ kəpɔŋ yéré nɛ́.
Mbziʼe njʉ́ Mboʼmvé kpee pɔŋ nɛ́
21Ntsʉʼŋgɛmbɛ́ ne ŋkhoʼyɔŋ, Mboʼmvé nyoʼ ŋgerɛ́ŋged ye kii tsé ndiŋɛ́ no yɛ́ kaŋ tsɔ nɛ́. Ŋkɔŋɔ pɛ ŋweʼe kaŋ náá pwɛ ŋkɔŋɔ pɛ ghaŋátsɔ́kpaŋató Mboʼmvé náá kɛrɛ pě nsó no ndúŋú. 22Mboʼmvé yǎ ndúŋú psyɛ́ndzɔʼ yɛ́ pɔŋ tsɛʼɛ mbəb Yěsô Kristo nɛ́, njʉ́ wɔ́b njʉ́ puŋgerɛ́ŋged nɛ́. Yéré tiŋɛ́ ŋkɔŋɔ pɔ́ŋ pɛ́ pɔ́b tséʼé psyɛ́ndzɔʼ náá nɛ́. Pɔ́b kaa náá mbɛɛ taʼ no, ŋkyé ŋgâ, 23ŋkɔŋɔ pɔŋ náá kaa náá vó no, mbzyé ghɛ́ɛ́ Mboʼmvé. 24Ntsʉʼmbé Mboʼmvé yɔ́ɔ́ foʼndzəndzoʼ yé, njʉ́ wɔ́b nuŋ njʉ́ puŋgerɛ́ŋged nɛ́ siŋ yé, pe ndzəndzoʼ, ndâ mbəb Yěsô Kristo wɛ́, a kɛ yɔ́ɔ́ wé, mkpee wɔ́b nuŋ nɛ́. 25A ye mbé Ŋɔŋ wɛ́ Mboʼmvé kɛ tíí wé ŋgâ, a pɛ́d vúŋɔ́ ne nsə mé, ŋkyé pɔŋ pɛ́ pɔ́b tséʼé psyɛ́ndzɔʼ nɛ́. Néré kɛ́ʼɛ́ ne nyoʼne ŋgâ, a kɛ pe ŋgerɛ́ŋged, njʉ́ a kɛ pe záá pɔŋ ne ŋgəʼo nɛ́ pó, pɔŋ pɛ́ pɔ́b kɛ pɛ́ səssó, ŋgyɛ́ no kəpɔŋ nɛ́, 26ŋkhoʼyɛ́ a kɛ tséʼé gbǎndzɔʼ nɛ́. A kiʼi nyoʼo ŋgerɛ́ŋged yé nɛ́ ne zhyémve ndzebe, kɛ́ʼɛ́ ne mbéne ŋgerɛ́ŋged, mbó njʉ́ ŋɔŋ wɛ́ a tséʼé psyɛ́ndzɔʼ mbəb Yěsô nɛ́, njʉ́ ŋugerɛ́ŋged nɛ́. 27A kɛ́ʼɛ́, ywoʼ nyoʼo mbəb pó mbɛ yoʼo ŋkʉ́rʉ́? Ngáŋ! Ŋkye kɔ́ nɛ́? Ŋkye ŋgâ mbziʼe njʉ́ ŋɔŋ nyí njʉ́ kaŋ tsɔ́ nɛ́, pó mbé tséʼé cyó ghebe pɔɔ? A psyɛ́ndzɔʼ ŋɔŋ ŋkhoʼyɔŋ mbé yɔ́b yɛ́, a zhyɛ́ Mboʼmvé zhʉ́ wé njʉ́ ŋugerɛ́ŋged nɛ́. 28Ne ŋkhoʼyɔŋ, piŋi zé ŋgâ a zhyɛ́ psyɛ́ndzɔʼ Mboʼmvé tiŋɛ̂ ŋɔŋ njʉ́ ŋugerɛ́ŋged nɛ́, kii tsé ndiŋɛ́ mbziʼe njʉ́ a nyí njʉ́ kaŋ tsɔ́ nɛ́. 29Kii ŋgâ Mboʼmvé ke mbɛɛ ndaʼ Mboʼmvé pɛ Yúda? A ke mbé pɛ́ yé Mboʼmvé pɔŋ pɛ pɔ́b pɛ Yúda nɛ́ pɔɔ? Ngaŋ yɛ́! a ke mbɛ ye Mboʼmvé pɔŋ pɛ pɔ́b pɛ́ Yúda nɛ́ pó. 30Ŋkye ŋgâ a ndaʼ taʼ Mboʼmvé wɛ́, a yǎ ndúŋú psyɛ́ndzɔʼ, njʉ́ pɔŋ njʉ́ puŋgerɛ́ŋged nɛ́, pɔŋ pɛ́ pe psírɛ wɔ́b nɛ́, pwɛ pɛ́ pe psírɛ wɔ́b nɛ́ pó. 31Yéré nyoʼo ŋgâ, psi yɔ́ɔ́ psyɛ́ndzɔʼ kɔɔ kaŋ kɔɔ nuŋ? Ŋgáŋ! Psi pó nɛ́ nyoʼo ndáá ghebe yɛ́ kaŋ tséʼé nɛ́ nuŋ.
Currently Selected:
Roma 3: XMG
Highlight
Share
Copy
Want to have your highlights saved across all your devices? Sign up or sign in
Roma 3
3
Cyó ŋɔŋ ŋgerɛ́ŋged ghú pó
1A kɛ́ʼɛ́ ŋuyúda tsɛɛ pecyó pɔŋ pe ne kɔ́ nɛ́? mbzírine ŋɔŋ pó tsɛʼɛ yɛ́rɛ́ ghebe? 2Pɔ́b tséʼé ghebe ne ŋkɔŋɔ ndzáʼamé náá. Ne sɔ́ yé, Mboʼmvé kɛ fɛ́ Nsó yé pe pwó pɛ Yúda péré. 3Kɔ́ yɔ́ɔ? A pɛ́ɛ́ yɛ́ pecyó pɔŋ ndzɔʼɔ pɔ́b, kɛ pe tíí ndzɔʼ yɔ́b mbəb Mboʼmvé ŋgú ne ssó nɛ́ pó, mbǒ yéré naŋa ŋgâ Mboʼmvé ndɛ ké ŋgyɛ̌ no yɛ́, a kɛ kaʼ nɛ́? 4Ngaŋ! Tɛɛmbɛ a naʼ mbé pé néré pó! A zɔŋɔ ŋgâ pe zé ŋgâ Mboʼmvé ŋɔŋ ŋgerɛ́ŋged, ŋkɔŋɔ pumésɔŋ náá pe ghaŋátsɔ́mbwɔ́, mbziʼe njʉ́ a ŋweʼéme ŋgâ: «A zɔŋɔ ŋgâ pe zé wo njʉ́ ŋɔŋ ŋgerɛ́ŋged nɛ́, ndzɔʼɔ ŋkɔŋɔ no yɛ́ wo tsɔ́ náá nɛ́, wo pó ndzó fiʼ ŋkhoʼyɛ́, pe tse fiʼɛ wo nɛ́.» 5A pɛ́ɛ́ yɛ́ kəpɔŋ yɛ́ piŋi zhyɛ́ nɛ́, pó ŋgyɛ́, pe zhʉ́ njʉ́ Mboʼmvé ŋgerɛ́ŋged nɛ́, tɛɛmbɛ́ piŋi pó ntsɔ́ɔ́ ŋgâ kɔ́ nɛ́? Ŋkhoʼyɛ́ Mboʼmvé pʉ́ʉ́ ŋgyé, gbíí wíŋi ne fě nɛ́, a kɛ́ʼɛ́ mbé zhyɛ́ no kəpɔŋ pɔɔ? Mə tsɔ́ yɔŋ no kaʼa pe njʉ́ ŋumesɔŋ ndɛ kpaŋa tó nɛ́. 6Ngaŋ! Tɛɛmbɛ a naʼ mbé pé néré pó! Ŋkyé ŋgâ a pɛ́ɛ́ pe pé néré, mbǒ Mboʼmvé ŋgyɛ níŋ fiʼɛ mvémvé? 7A pɛ́ɛ́ yɛ́ mbwɔ́ yɛ́ mə tsɔ́ nɛ́, zhyɛ́, pe zhʉ́ ŋgerɛ́ŋged Mboʼmvé kpaʼ yáŋme, néré ne fɛ́ne ghɛ́ɛ́ pwó ye nɛ́, á mbó ŋgyɛ kɔ́ nɛ́ ŋkʉ́rʉ́ ŋgâ, pe fiʼɛ ya njʉ́ taʼ vɔ̌no nɛ́? 8Néré, a zhyɛ́ kɔ́ nɛ́ ŋgâ piŋi ndɛ ŋgyɛ́ no kəpɔŋ, yânéré kɛ́ʼɛ́ ŋgâ no sʉ́ʼʉ twɔ́ ndúŋú, njʉ́ ghaŋá pégháá tsɔ́ ŋgâ, piŋi tsɔ́ nɛ́? A tsyɛ́ ne pɔ́b ŋgâ Mboʼmvé ke naʼ fiʼɛ wɔ́b fûŋ fuŋ. 9A kiʼi mbó mbé kɔ́? Piŋi pɛ piŋi pɛ Yúda nɛ́, piŋi tsɛɛ yiŋi pecyó pɔŋ pe ne kɔ́? Né cyó yɔ́b pó. Ngáŋ! Mə kɛ pě ŋgyɛ́ puŋ zé ŋgâ, ŋkɔŋɔ pɔŋ náá, kəpɔŋ ke ŋkɔʼɔkɔʼɔ ferɛ wɔ́b, ŋúyúda njʉ́ ŋɔŋ Gerɛʼ nɛ́. 10Njʉ́ a ŋweʼéme nɛ́ ŋgâ:
«Ŋɔŋ ŋgerɛ́ŋged yoʼo pó, mbɛ ndaʼ taʼ ye kaʼa yoʼo pó!
11Ghaŋázé ke mbé pɛ yoʼo pó, mbɛ ndaʼ taʼ ye wɛ́ a tse ntaʼa Mboʼmvé nɛ́ yóʼó pó.
12Ŋkɔŋɔ wɔ́b náá tee mɛndɔ́b sʉ́ʼʉ, cyó ŋɔŋ ndzɔʼɔ pɔ́b, ntséʼé cyó ghebe pwó Mboʼmvé ŋkʉ́rʉ́ pó!
Ŋɔŋ wɛ́ a tse ŋgyɛ́ no sʉ́ʼʉ nɛ́ pe pɛ yoʼo pó, mbɛ ndaʼ taʼ yé yóʼó pó.
13Ywʉ́ wɔ́b pɛ́ɛ́ njʉ́ taʼ sye wɛ́ a tsé wéé, mɛ pɔ́ŋ nɛ́,
kpəkpaŋ yɔ́b ke mbɛɛ ne shʉyɛ̌ne pɔŋ,
ŋgaŋ ŋkɔ́b pɛ ndúŋú kɔbɔ́ntswee mɔ́b.
14Pɛ ndɔŋ yúŋɔ ntswee pɔ́b pwɛ pɛ nsó kəpɔŋ,
15kpee mɔ́b zyaŋa sye ne khíne ndéé mvéd nsə.
16Ŋkɔŋɔ ywoʼ yɛ́ pɔ́b zaʼa náá nɛ́, pɔ́b ke mbóó ywoʼ pó, mbó ndzáá pɔŋ ne ŋgəʼo,
17pɔ́b pó mbé zé mɛndɔ́b mbúru pó.
18Cyó pɔ́ɔ́ Mboʼmvé zyé mbé pɛ ndzó ndzɔʼ yɔ́b pó.»
19Ntsʉʼŋgɛmbɛ́ piŋi zé, ŋgâ ŋkɔŋɔ yɔ́b yɛ́ kaŋ tsɔ́ náá nɛ́, a tsɔ́ɔ́ pwó pɔŋ pɛ́ a sáʼá kaŋ sáʼá wɔ́b nɛ́. Yânéré kɛ́ʼɛ́ ŋgâ ntswee ŋkɔŋɔ pɔŋ náá moʼ, ŋkɔŋɔ pɔŋ náá pó mbé ghaŋávɔno síŋ Mboʼmvé. 20Yé ke nɛ́ yɔ́b yɛ́, a zhyɛ́ ŋgâ tɛɛmbɛ́ Mboʼmvé pe naʼ náá mbziʼe njʉ́ ŋɔŋ nyí njʉ́ kaŋ tsɔ́ nɛ́, njʉ́ wé njʉ́ ŋúŋgə́rɛŋged nɛ́, pó. Ŋkyé ŋgâ kaŋ ke ŋgyɛ́ yé pé ndaʼ ŋgâ, pɔŋ zé yɔ́b yɛ́ kəpɔŋ yéré nɛ́.
Mbziʼe njʉ́ Mboʼmvé kpee pɔŋ nɛ́
21Ntsʉʼŋgɛmbɛ́ ne ŋkhoʼyɔŋ, Mboʼmvé nyoʼ ŋgerɛ́ŋged ye kii tsé ndiŋɛ́ no yɛ́ kaŋ tsɔ nɛ́. Ŋkɔŋɔ pɛ ŋweʼe kaŋ náá pwɛ ŋkɔŋɔ pɛ ghaŋátsɔ́kpaŋató Mboʼmvé náá kɛrɛ pě nsó no ndúŋú. 22Mboʼmvé yǎ ndúŋú psyɛ́ndzɔʼ yɛ́ pɔŋ tsɛʼɛ mbəb Yěsô Kristo nɛ́, njʉ́ wɔ́b njʉ́ puŋgerɛ́ŋged nɛ́. Yéré tiŋɛ́ ŋkɔŋɔ pɔ́ŋ pɛ́ pɔ́b tséʼé psyɛ́ndzɔʼ náá nɛ́. Pɔ́b kaa náá mbɛɛ taʼ no, ŋkyé ŋgâ, 23ŋkɔŋɔ pɔŋ náá kaa náá vó no, mbzyé ghɛ́ɛ́ Mboʼmvé. 24Ntsʉʼmbé Mboʼmvé yɔ́ɔ́ foʼndzəndzoʼ yé, njʉ́ wɔ́b nuŋ njʉ́ puŋgerɛ́ŋged nɛ́ siŋ yé, pe ndzəndzoʼ, ndâ mbəb Yěsô Kristo wɛ́, a kɛ yɔ́ɔ́ wé, mkpee wɔ́b nuŋ nɛ́. 25A ye mbé Ŋɔŋ wɛ́ Mboʼmvé kɛ tíí wé ŋgâ, a pɛ́d vúŋɔ́ ne nsə mé, ŋkyé pɔŋ pɛ́ pɔ́b tséʼé psyɛ́ndzɔʼ nɛ́. Néré kɛ́ʼɛ́ ne nyoʼne ŋgâ, a kɛ pe ŋgerɛ́ŋged, njʉ́ a kɛ pe záá pɔŋ ne ŋgəʼo nɛ́ pó, pɔŋ pɛ́ pɔ́b kɛ pɛ́ səssó, ŋgyɛ́ no kəpɔŋ nɛ́, 26ŋkhoʼyɛ́ a kɛ tséʼé gbǎndzɔʼ nɛ́. A kiʼi nyoʼo ŋgerɛ́ŋged yé nɛ́ ne zhyémve ndzebe, kɛ́ʼɛ́ ne mbéne ŋgerɛ́ŋged, mbó njʉ́ ŋɔŋ wɛ́ a tséʼé psyɛ́ndzɔʼ mbəb Yěsô nɛ́, njʉ́ ŋugerɛ́ŋged nɛ́. 27A kɛ́ʼɛ́, ywoʼ nyoʼo mbəb pó mbɛ yoʼo ŋkʉ́rʉ́? Ngáŋ! Ŋkye kɔ́ nɛ́? Ŋkye ŋgâ mbziʼe njʉ́ ŋɔŋ nyí njʉ́ kaŋ tsɔ́ nɛ́, pó mbé tséʼé cyó ghebe pɔɔ? A psyɛ́ndzɔʼ ŋɔŋ ŋkhoʼyɔŋ mbé yɔ́b yɛ́, a zhyɛ́ Mboʼmvé zhʉ́ wé njʉ́ ŋugerɛ́ŋged nɛ́. 28Ne ŋkhoʼyɔŋ, piŋi zé ŋgâ a zhyɛ́ psyɛ́ndzɔʼ Mboʼmvé tiŋɛ̂ ŋɔŋ njʉ́ ŋugerɛ́ŋged nɛ́, kii tsé ndiŋɛ́ mbziʼe njʉ́ a nyí njʉ́ kaŋ tsɔ́ nɛ́. 29Kii ŋgâ Mboʼmvé ke mbɛɛ ndaʼ Mboʼmvé pɛ Yúda? A ke mbé pɛ́ yé Mboʼmvé pɔŋ pɛ pɔ́b pɛ Yúda nɛ́ pɔɔ? Ngaŋ yɛ́! a ke mbɛ ye Mboʼmvé pɔŋ pɛ pɔ́b pɛ́ Yúda nɛ́ pó. 30Ŋkye ŋgâ a ndaʼ taʼ Mboʼmvé wɛ́, a yǎ ndúŋú psyɛ́ndzɔʼ, njʉ́ pɔŋ njʉ́ puŋgerɛ́ŋged nɛ́, pɔŋ pɛ́ pe psírɛ wɔ́b nɛ́, pwɛ pɛ́ pe psírɛ wɔ́b nɛ́ pó. 31Yéré nyoʼo ŋgâ, psi yɔ́ɔ́ psyɛ́ndzɔʼ kɔɔ kaŋ kɔɔ nuŋ? Ŋgáŋ! Psi pó nɛ́ nyoʼo ndáá ghebe yɛ́ kaŋ tséʼé nɛ́ nuŋ.
Currently Selected:
:
Highlight
Share
Copy
Want to have your highlights saved across all your devices? Sign up or sign in