Roma 16
16
Pɔ́lə fɛ́ yáŋmvé
1Mə twɔ́ Febe, mɔ́ŋmɛ́ wíŋi wé məŋgʉ́yé wɛ́, a ŋgaŋafaʼ ndzó ndáméted Saŋkré nɛ́, ne puŋ, njʉ́ ŋɔŋ wɛ́ tɛɛmbɛ́ pe tíí ndzɔʼ mbəb yé nɛ́. 2Puŋ ghəyɛ wé nɛ́ ne tíí Ntsɛɛpɔŋ, mbziʼe njʉ́ a tsyɛ́ ŋgâ tɛɛmbɛ́ pǔkristo ghəyɛ pɔŋ nɛ́. Puŋ ghɛbɛ wé nɛ́, ne ŋkɔŋɔ meno pɛ́ a mbzírɛ́ ghebe náá ne puŋ nuŋu nɛ́. Ŋkyé ŋgâ a kɛ ghebɛ pɔŋ zááme, mbɛ kpaʼ tómbəb ya.
3Puŋ tsɛʼɛ Priska pú Akilasə, pɛkpee páá pɛ psi pɔ́b faʼa faʼ Yěsô Kristo nɛ́, ŋkyé ŋgâ: 4pɔ́b kɛ ghɛ́ mbzyé tsómvé yɔ́b, ŋkyé ya. Mə tse tsɛʼɛ wɔ́b zááme, a ké mbé pé ndaʼ mo ntsɛʼɛ wɔ́b pó, ŋkɔŋɔ pǔkristo pɛ pɔ́b pɛ́ Yúda nɛ́ pó, ke tsé ntsɛʼɛ wɔ́b. 5Puŋ ke ntsɛʼɛ pǔkristo pɛ́, pɔ́b tɛrɛ yoʼo pɔ́b nɛ́. Puŋ ke ntsɛʼɛ sɔ́ŋ ya Epayinɛtə, sɔ́ ŋukristo ndzó pɛrɛ ŋgɔŋ Azi. 6Puŋ tsɛʼɛ Malya, wɛ́ a kɛ yɔɔ ŋgəʼo mbəb puŋ zááme nɛ́. 7Puŋ tsɛʼɛ Andronikʉs pú Zhʉnyas, pɔ́ŋmɛ́ páá pɛ́, psi pɔ́b kɛ kúŋ tsáŋ nɛ́. Ghaŋántɔ́b fɛ́ ŋgúʼune ne pɔ́b kaʼatɛ. Pɔ́b kɛ pě mbé pǔkristo ŋkɔŋ, mə mbɔ́rɔ́ mbɛ ya. 8Puŋ tsɛʼɛ Ampilyatʉs mɔ́ŋmɛ́ wé tʉŋɔndɔŋ ne no Ntsɛɛpɔŋ. 9Puŋ tsɛʼɛ Ʉʉbɛŋ ŋgaŋakpee ywí ne no Kristo, ne sɔ́ŋ ya Stakis. 10Puŋ tsɛʼɛ Apelɛsə wɛ́ a kɛ zhyɛ́ meno psyɛ́ndzɔʼ ne no Kristo kaʼatɛ, pe zhʉ́ nɛ́. Puŋ tsɛʼɛ ghaŋándáb Aristobʉlə. 11Puŋ tsɛʼɛ Erodyɔŋ, mɔ́ŋmɛ́ ya. Ntsɛʼɛ ghaŋándáb Naasisə, pɔ́b pɛ pɔ́b pɔ́ŋ Ntsɛɛpɔŋ nɛ́. 12Puŋ tsɛʼɛ Trifɛnə pú Trifoozə, pɔ́b pɛ pɔ́b yɔɔ ŋgəʼo ne no Ntsɛɛpɔŋ nɛ́. Puŋ tsɛʼɛ sɔŋ ya Pɛɛsidə, mɔ́ŋmɛ́ wé məŋgʉ́yé we tʉŋɔ ndɔŋ wɛ́, a kɛ yɔɔ ŋgəʼo zááme ne no Ntsɛɛpɔŋ nɛ́. 13Puŋ tsɛʼɛ Rʉfʉsə, ye wɛ́ Ntsɛɛpɔŋ kɛ tsɔ́ʼ nɛ́, mbó ntsɛʼɛ mɛ́ ye wɛ́, a kembé mɛ ya nɛ́. 14Puŋ tsɛʼɛ Asiŋkritə, Flegɔŋ, Ɛɛmɛsə, Patrobasə, Ɛɛmasə pwɛ pɔ́ŋmɛ́ pɛ́, pwɛ pɔ́b yoʼo nɛ́. 15Puŋ tsɛʼɛ Filologə pú Zhʉ̂lí, Néré pú mɔ́ŋmɛ́ ye wé məŋgʉ́yé, Olɛmpasə pwɛ pǔkristo pɛ, pwɛ pɔ́b yoʼo nɛ́. 16Puŋ tsɛʼɛ mbəb yuŋ tsetsɛrɛ puŋ kaʼatɛ ŋgebe. Ŋkɔŋɔ ndáméted Kristo náá, tsɛʼɛ wuŋ nɛ́.
17Pɔ́ŋmɛ́ páá, mə mbóʼómbwó nɛ́ ne puŋ ŋgâ, puŋ suʼú mbəb yuŋ pfúŋɔ́ pɔŋ pɛ́ pɔ́b maʼa sáŋ tsetsɛrɛ pɔŋ nɛ́, pɔŋ pɛ́ pɔ́b zhyɛ́ ŋgâ pecyó pɔŋ sháŋa nɛ́. Pɔ́b pɛ́ pɔ́b tsé mbé psyɛ nyí njʉ́ ntʉ́ʉ́ yɛ́ pe kɛ fɛ ne puŋ nɛ́, tsɔ́ nɛ́ pó. 18Ŋkyé ŋgâ, pɔŋ péré pɔ́b faʼa pwó Kristo, Ntsɛɛpɔŋ wíŋi pó. Ntsʉʼmbé, pɔ́b faʼa pwó pfɔ̂ yɔ́b. Pɔ́b yɔɔ nsó pɔ́b pe sʉ́ʼʉ pwɛ koontswee, shʉyɛ̂ pɔ́ŋ pɛ́ pɔ́b ke mbɛ yɔ́b pe kaʼa nɛ́, nuŋ. 19Ŋkɔŋɔ pɔŋ náá zé mbziʼe njʉ́ puŋ zóʼontswee Ntsɛɛpɔŋ nɛ́. Mə tséʼé ndebéne nɛ́ ŋkyé wuŋ. Tsʉ́ʼmbé, mə tsé ndzɔŋɔ ŋgâ puŋ tséʼé zé, ne ŋgyɛ̌ne no sʉ́ʼʉ, kii no kəpɔŋ kʉ́yó fɛrɛ wé. 20Mboʼmvé, ye wɛ́ mbúru twɔ̌ pwó ye nɛ́, kyáŋá ŋgɔʼɔ Sátaŋ tsí kpéé múŋ. Á foʼndzəndzoʼ Ntsɛɛpɔŋ wíŋi Yěsô pɛ ne puŋ!
21Timoté ŋgaŋakpee ya tsɛʼɛ wuŋ nɛ́, mbɛ Lʉsyʉsə, Zhazɔŋ ne Sosipatrosə pɔ́ŋmɛ́ páá. 22Mo Tɛɛsyʉsə, wɛ́ mə ŋweʼe yɔŋ ŋweʼe nɛ́, mə tsɛʼɛ wuŋ nɛ́, ne tíí Ntsɛɛpɔŋ. 23Gayʉsə tsɛʼɛ wuŋ nɛ́. Ye wɛ́ mə ntsó ywoʼ yé, pe pó ŋkuŋɔ méted ywoʼ ye nɛ́. Erastə mbáŋ masá mbɛ́lʉ́ŋ tsɛʼɛ wuŋ nɛ́, mbɛ Kaatʉs mɔ́ŋmɛ́ wíŋi. [ 24Á foʼndzendzoʼ Ntsɛɛpɔŋ wíŋi Yěsô Kristo pɛ pwó ŋkɔŋɔ wuŋ náá.]
Njʉyí njʉyí ŋgúʼune
25Á ŋgúʼune pɛ́ pwó Mboʼmvé, yé wɛ́ a tséʼé tʉ̌ŋ ne ŋgyɛ̌ne, psyɛ́ndzɔʼ yuŋ pe tʉ̌ŋme mbziʼe njʉ́ Ŋkəŋ sʉ́ʼʉ yɛ́ mə cʉ́rɛ, ŋgɛmbɛ tsɔ̌ Yěsô Kristo nɛ́, ghú nɛ́. Mbé néré, pe njʉ́ Mboʼmvé kɛ nyoʼ meno pé, pe ywʉ̂me, féré mɛ ŋgoʼ, ne piŋi nɛ́. 26Ntsʉʼŋgɛmbɛ́ ne ŋkhoʼyɔŋ, a nyóʼó tétáá. Ŋkɔŋɔ pɔŋ pɛ́, pɔ́b pɛ Yúda náá nɛ́ pó, zé. A zhyɛ́ ŋweʼe ghaŋátsɔ́kpaŋató Mboʼmvé, mbziʼe njʉ́ Mboʼmvé, ye wɛ́ a naʼ ŋgú ndzó cyó ywoʼ nɛ́ pó, kɛ́ nsó nɛ́. Néré ne tyaŋáne wɔ́b, pɔ́b tséʼé psyɛ́ndzɔʼ mbó ndzoʼ ntswéé ye. 27Á pwó Mboʼmvé, ndaʼ ye wɛ́ a tséʼé zé nɛ́, á ghɛ́ɛ́ pɛ pwó ye, ndǎ mbəb Yěsô Kristo ne ŋgǒʼ ne ŋgôʼ, á pé néré!
Currently Selected:
Roma 16: XMG
Highlight
Share
Copy
Want to have your highlights saved across all your devices? Sign up or sign in
Roma 16
16
Pɔ́lə fɛ́ yáŋmvé
1Mə twɔ́ Febe, mɔ́ŋmɛ́ wíŋi wé məŋgʉ́yé wɛ́, a ŋgaŋafaʼ ndzó ndáméted Saŋkré nɛ́, ne puŋ, njʉ́ ŋɔŋ wɛ́ tɛɛmbɛ́ pe tíí ndzɔʼ mbəb yé nɛ́. 2Puŋ ghəyɛ wé nɛ́ ne tíí Ntsɛɛpɔŋ, mbziʼe njʉ́ a tsyɛ́ ŋgâ tɛɛmbɛ́ pǔkristo ghəyɛ pɔŋ nɛ́. Puŋ ghɛbɛ wé nɛ́, ne ŋkɔŋɔ meno pɛ́ a mbzírɛ́ ghebe náá ne puŋ nuŋu nɛ́. Ŋkyé ŋgâ a kɛ ghebɛ pɔŋ zááme, mbɛ kpaʼ tómbəb ya.
3Puŋ tsɛʼɛ Priska pú Akilasə, pɛkpee páá pɛ psi pɔ́b faʼa faʼ Yěsô Kristo nɛ́, ŋkyé ŋgâ: 4pɔ́b kɛ ghɛ́ mbzyé tsómvé yɔ́b, ŋkyé ya. Mə tse tsɛʼɛ wɔ́b zááme, a ké mbé pé ndaʼ mo ntsɛʼɛ wɔ́b pó, ŋkɔŋɔ pǔkristo pɛ pɔ́b pɛ́ Yúda nɛ́ pó, ke tsé ntsɛʼɛ wɔ́b. 5Puŋ ke ntsɛʼɛ pǔkristo pɛ́, pɔ́b tɛrɛ yoʼo pɔ́b nɛ́. Puŋ ke ntsɛʼɛ sɔ́ŋ ya Epayinɛtə, sɔ́ ŋukristo ndzó pɛrɛ ŋgɔŋ Azi. 6Puŋ tsɛʼɛ Malya, wɛ́ a kɛ yɔɔ ŋgəʼo mbəb puŋ zááme nɛ́. 7Puŋ tsɛʼɛ Andronikʉs pú Zhʉnyas, pɔ́ŋmɛ́ páá pɛ́, psi pɔ́b kɛ kúŋ tsáŋ nɛ́. Ghaŋántɔ́b fɛ́ ŋgúʼune ne pɔ́b kaʼatɛ. Pɔ́b kɛ pě mbé pǔkristo ŋkɔŋ, mə mbɔ́rɔ́ mbɛ ya. 8Puŋ tsɛʼɛ Ampilyatʉs mɔ́ŋmɛ́ wé tʉŋɔndɔŋ ne no Ntsɛɛpɔŋ. 9Puŋ tsɛʼɛ Ʉʉbɛŋ ŋgaŋakpee ywí ne no Kristo, ne sɔ́ŋ ya Stakis. 10Puŋ tsɛʼɛ Apelɛsə wɛ́ a kɛ zhyɛ́ meno psyɛ́ndzɔʼ ne no Kristo kaʼatɛ, pe zhʉ́ nɛ́. Puŋ tsɛʼɛ ghaŋándáb Aristobʉlə. 11Puŋ tsɛʼɛ Erodyɔŋ, mɔ́ŋmɛ́ ya. Ntsɛʼɛ ghaŋándáb Naasisə, pɔ́b pɛ pɔ́b pɔ́ŋ Ntsɛɛpɔŋ nɛ́. 12Puŋ tsɛʼɛ Trifɛnə pú Trifoozə, pɔ́b pɛ pɔ́b yɔɔ ŋgəʼo ne no Ntsɛɛpɔŋ nɛ́. Puŋ tsɛʼɛ sɔŋ ya Pɛɛsidə, mɔ́ŋmɛ́ wé məŋgʉ́yé we tʉŋɔ ndɔŋ wɛ́, a kɛ yɔɔ ŋgəʼo zááme ne no Ntsɛɛpɔŋ nɛ́. 13Puŋ tsɛʼɛ Rʉfʉsə, ye wɛ́ Ntsɛɛpɔŋ kɛ tsɔ́ʼ nɛ́, mbó ntsɛʼɛ mɛ́ ye wɛ́, a kembé mɛ ya nɛ́. 14Puŋ tsɛʼɛ Asiŋkritə, Flegɔŋ, Ɛɛmɛsə, Patrobasə, Ɛɛmasə pwɛ pɔ́ŋmɛ́ pɛ́, pwɛ pɔ́b yoʼo nɛ́. 15Puŋ tsɛʼɛ Filologə pú Zhʉ̂lí, Néré pú mɔ́ŋmɛ́ ye wé məŋgʉ́yé, Olɛmpasə pwɛ pǔkristo pɛ, pwɛ pɔ́b yoʼo nɛ́. 16Puŋ tsɛʼɛ mbəb yuŋ tsetsɛrɛ puŋ kaʼatɛ ŋgebe. Ŋkɔŋɔ ndáméted Kristo náá, tsɛʼɛ wuŋ nɛ́.
17Pɔ́ŋmɛ́ páá, mə mbóʼómbwó nɛ́ ne puŋ ŋgâ, puŋ suʼú mbəb yuŋ pfúŋɔ́ pɔŋ pɛ́ pɔ́b maʼa sáŋ tsetsɛrɛ pɔŋ nɛ́, pɔŋ pɛ́ pɔ́b zhyɛ́ ŋgâ pecyó pɔŋ sháŋa nɛ́. Pɔ́b pɛ́ pɔ́b tsé mbé psyɛ nyí njʉ́ ntʉ́ʉ́ yɛ́ pe kɛ fɛ ne puŋ nɛ́, tsɔ́ nɛ́ pó. 18Ŋkyé ŋgâ, pɔŋ péré pɔ́b faʼa pwó Kristo, Ntsɛɛpɔŋ wíŋi pó. Ntsʉʼmbé, pɔ́b faʼa pwó pfɔ̂ yɔ́b. Pɔ́b yɔɔ nsó pɔ́b pe sʉ́ʼʉ pwɛ koontswee, shʉyɛ̂ pɔ́ŋ pɛ́ pɔ́b ke mbɛ yɔ́b pe kaʼa nɛ́, nuŋ. 19Ŋkɔŋɔ pɔŋ náá zé mbziʼe njʉ́ puŋ zóʼontswee Ntsɛɛpɔŋ nɛ́. Mə tséʼé ndebéne nɛ́ ŋkyé wuŋ. Tsʉ́ʼmbé, mə tsé ndzɔŋɔ ŋgâ puŋ tséʼé zé, ne ŋgyɛ̌ne no sʉ́ʼʉ, kii no kəpɔŋ kʉ́yó fɛrɛ wé. 20Mboʼmvé, ye wɛ́ mbúru twɔ̌ pwó ye nɛ́, kyáŋá ŋgɔʼɔ Sátaŋ tsí kpéé múŋ. Á foʼndzəndzoʼ Ntsɛɛpɔŋ wíŋi Yěsô pɛ ne puŋ!
21Timoté ŋgaŋakpee ya tsɛʼɛ wuŋ nɛ́, mbɛ Lʉsyʉsə, Zhazɔŋ ne Sosipatrosə pɔ́ŋmɛ́ páá. 22Mo Tɛɛsyʉsə, wɛ́ mə ŋweʼe yɔŋ ŋweʼe nɛ́, mə tsɛʼɛ wuŋ nɛ́, ne tíí Ntsɛɛpɔŋ. 23Gayʉsə tsɛʼɛ wuŋ nɛ́. Ye wɛ́ mə ntsó ywoʼ yé, pe pó ŋkuŋɔ méted ywoʼ ye nɛ́. Erastə mbáŋ masá mbɛ́lʉ́ŋ tsɛʼɛ wuŋ nɛ́, mbɛ Kaatʉs mɔ́ŋmɛ́ wíŋi. [ 24Á foʼndzendzoʼ Ntsɛɛpɔŋ wíŋi Yěsô Kristo pɛ pwó ŋkɔŋɔ wuŋ náá.]
Njʉyí njʉyí ŋgúʼune
25Á ŋgúʼune pɛ́ pwó Mboʼmvé, yé wɛ́ a tséʼé tʉ̌ŋ ne ŋgyɛ̌ne, psyɛ́ndzɔʼ yuŋ pe tʉ̌ŋme mbziʼe njʉ́ Ŋkəŋ sʉ́ʼʉ yɛ́ mə cʉ́rɛ, ŋgɛmbɛ tsɔ̌ Yěsô Kristo nɛ́, ghú nɛ́. Mbé néré, pe njʉ́ Mboʼmvé kɛ nyoʼ meno pé, pe ywʉ̂me, féré mɛ ŋgoʼ, ne piŋi nɛ́. 26Ntsʉʼŋgɛmbɛ́ ne ŋkhoʼyɔŋ, a nyóʼó tétáá. Ŋkɔŋɔ pɔŋ pɛ́, pɔ́b pɛ Yúda náá nɛ́ pó, zé. A zhyɛ́ ŋweʼe ghaŋátsɔ́kpaŋató Mboʼmvé, mbziʼe njʉ́ Mboʼmvé, ye wɛ́ a naʼ ŋgú ndzó cyó ywoʼ nɛ́ pó, kɛ́ nsó nɛ́. Néré ne tyaŋáne wɔ́b, pɔ́b tséʼé psyɛ́ndzɔʼ mbó ndzoʼ ntswéé ye. 27Á pwó Mboʼmvé, ndaʼ ye wɛ́ a tséʼé zé nɛ́, á ghɛ́ɛ́ pɛ pwó ye, ndǎ mbəb Yěsô Kristo ne ŋgǒʼ ne ŋgôʼ, á pé néré!
Currently Selected:
:
Highlight
Share
Copy
Want to have your highlights saved across all your devices? Sign up or sign in