Matʉyo 2
2
Ghaŋázhʉ́saŋ kʉ́yó sô Mɔ́ŋ
1Njʉ́ pé kɛ pfɛ́ Yěsô pé Bételɛhɛm, a ŋgɔŋ Zhʉdé, ndzó pwó fɔŋ Erodə nɛ́, ghaŋázhʉsaŋ twɔ́ Sáʼáménab mbáŋá Yerʉ́salɛm, 2mbzirí ŋgâ: «Fɔŋ pɛ Yúda wɛ́ pé ke kɛ pfɛ́ wé pfé nɛ́ yɛ́? Psi zhʉ́ saŋ ye, a Sáʼáménab, mbó ŋkʉ́yó nɔŋ ne ŋgúʼune wé.» 3Njʉ́ fɔŋ Erodə pwɛ ŋkɔŋɔ mbé Yerʉ́salɛm náá kɛ zóʼ yéré no nɛ́, tó yɔ́b vaʼ. 4Fɔŋ Erodə téré ŋkɔŋɔ pɛ ntsɛ́ssó ghaŋáshʉ́ náá, pwɛ ŋkɔŋɔ pɛ ghaŋákeʼekaŋ Mboʼmve náá pwɛ pɔŋ, mbzirɛ́ wɔ́b ne ywoʼ yɛ́ pé kɛ ghɛ́ mvɛ́ Kristo nɛ́. 5Pɔ́b pɔ́rɔ́ pwó ye ŋgâ: «Pé kɛ ghɛ́ mvɛ́ wé pé Bételɛhɛm, ndzó ŋgɔŋ Zhʉdé, ŋkyé ŋgâ ghaŋátsɔ́kpaŋató Mboʼmvé kɛ ŋweʼé ŋgâ: 6Ŋgɛ́ mbɛ́ ne wo, mbɛ́lʉ́ŋ Bételɛhɛm, tsetsáʼ ŋgɔŋ Zhʉ́da. Wo mɔ́ŋtii ywoʼ ndzɔ́ʼɔ́ pɛ mbɛ́lʉ́ŋ kəkwéʼe ndzó ŋgɔŋ Zhʉ́da pó, ŋkyé ŋgâ fɔŋ wɛ́ a ŋkʉ́yó tyáŋa pɔ́ŋ Issayɛ, pɔ́ŋ páá nɛ́, ŋkʉ́yó ntwɔ́ pwó wo.» 7Néré, Erodə zhyɛ́ pe fú ghaŋázhʉsaŋ ndzə́ndzə́b, ŋgyɛ́ pɔ́b sɔ́ŋɔ́ wé ne kpaʼ ŋkhoʼyɛ́ saŋ yéré kɛ zyé ntwɔ́ne nɛ́. 8Fɔŋ Erodə twɔ́ ghaŋázhʉsaŋ Bételɛhɛm, ntsɔ́ ne pɔ́b ŋgâ: «Puŋ ghú cʉ̌yi ntsú tsi ne no Mɔ́ŋ wéré, ŋkhoʼyɛ́ pǔŋ zhʉ́ wé nɛ́, puŋ zhyɛ́ mə ndzé, kɛ́ʼɛ́ ŋgâ kɔ́ʼɔ́ tómbəb ya, mə ŋgú fɛ́ ŋgúʼune pwó yé.» 9Njʉ́ fɔŋ kɛ́ ke ntsó néré nɛ́, pɔ́b yɔ́ɔ́ mɛndɔ́b. Saŋ yɛ́ pɔ́b kɛ zhʉ́ Sáʼáménab nɛ́, nyǐ síŋ pɔ́b kaʼatɛ mbáŋá ndzó ywoʼ yɛ́ Mɔ́ŋ kɛ pé nɛ́, tsébé. 10Njʉ́ pɔ́b kɛ zhʉ́ saŋ yéré nɛ́, ndzɔʼ yɔ́b yáŋ kaʼatɛ. 11Pɔ́b kúŋɔ́ ndáb, njʉ́ Mɔ́ŋ pú mɛ́ ye Malya. Pɔ́b ghúŋú pfo ye, ŋgúʼɔ wé, ntáʼ pab yɔ́b, fɛ́ tʉŋɔ́paŋ, pwɛ yaŋ, pwɛ cyó mbziʼe yaŋ yɛ́ pe fú ne mii nɛ́, pwó Mɔ́ŋ. 12Njʉ́ yéré no kɛ záʼ nɛ́, Mboʼmve tsɔ́ ne pɔ́b ndzɔ́ʼɔ́ ndzəb ŋgâ, kii pɔ́b ndɛ mbó nzáʼá pfúŋú fɔŋ Erodə. Néré pɔ́b yɔ́ɔ́ yɔ́b cyô mɛndɔ́b mbɔ́rɔ́ yaʼ pɔ́b.
Yěsô pwɛ tɛd pe kí ŋgú ŋgɔŋ Egibto
13Ŋkhoʼyɛ́ ghaŋázhʉsaŋ kɛ ghú nɛ́, taʼ aŋgere Ntsɛɛpɔŋ mô ndzɔ́ʼɔ́ ndzəb, ntsɔ́ pwó Yesə́b ŋgâ: «Ŋǎ syé, ndɔ́ɔ́ Mɔ́ŋ pú mɛ́ ye, puŋ pɔ́b kí, ŋgú ŋgɔŋ Egibto. Ntsʉʼɔ yóʼó kaʼatɛ mə ntsɔ́ pwó wo ŋgâ wo ŋǎ, ŋkyé ŋgâ Erodə táʼa Mɔ́ŋ nɛ́ ne nɔ̌ʼne wé.» 14Njʉ́ a kɛ pé néré nɛ́, Yesə́b ŋǎ syé, ndɔ́ɔ́ Mɔ́ŋ, pú mɛ́ ye pe netsúʼ pwɛ pɔ́b kí ŋgú ŋgɔŋ Egibto. 15A cʉ́ʼɔ́ yóʼó kaʼatɛ fɔŋ Erodə pfó. Yânéré ŋgâ tó no yɛ́ ghaŋátsɔ́kpaŋató Mboʼmvé kɛ tsɔ́ ne tíí Ntsɛɛpɔŋ nɛ́ pwɔ́. No yéré kɛ pɛ́ɛ́ ŋgâ: «Mə fú Mɔ́ŋ ya ŋgâ, a twɔ́ ŋgɔŋ Egibto.»
Erodə nɔ́ʼ pɛ Mɔ́ŋ ndzó mbɛ́lʉ́ŋ Bételɛhɛm
16Ŋkhoʼyɛ́, fɔŋ Erodə kɛ́ zhʉ́ ŋgâ ghaŋázhʉsaŋ kɛ́ shʉyɛ́ wé, ŋgyé mé zúʼú kaʼatɛ. A twɔ́ pɔŋ ŋgâ pɔ́b ghú nɔʼɔ́ ŋkɔŋɔ pɛ Mɔ́ŋ náá, ndzyěne mbəb pɔ́ŋ mbɔ́d kaʼatɛ mbáŋá mbəb pɔ́ŋ pɛ́ pɔ́b tséʼé ŋgǒʼmvé yípáá nɛ́, ndzó mbɛ́lʉ́ŋ Bételɛhɛm pwɛ ŋkɔŋɔ yaʼ pɛ́ a kɛ tsyɛ́ we náá nɛ́, ndzyěne njʉ́ ghaŋázhʉsaŋ kɛ cʉ̌yi sɔ́ŋɔ́ wé nɛ́. 17Néré, tó no yɛ́ ŋgaŋatsɔ́kpaŋató Mboʼmvé Zheremi kɛ ntsó nɛ́, yúŋú. No yéré pɛ́ɛ́ ŋgâ:
18Taʼ wɛ́d ntwɔ́ mbɛ́lʉ́ŋ Rama, pe zóʼ,
Pɛ yaŋ pwɛ ndzɔb zááme:
A Rashɛ́lə, ŋkhɔ̂ pɔ́ŋ pé
Tsé mbé zɔŋɔ ŋgâ pe shí wé pó,
ŋkyé ŋgâ pɔ́b yóʼó ŋkʉ́rʉ́ pó.
Yěsô pwɛ tɛd pé pód ndzəb mbɛ́lʉ́ŋ Nǎzarɛd
19Njʉ́ fɔŋ Erodə kɛ pfó nɛ́, aŋgere Ntsɛɛpɔŋ mô ndzɔ́ʼɔ́ ndzəb pwó Yesə́b ŋgɔŋ Egibto, 20ntsɔ́ pwó ye ŋgâ: «Ŋǎ syé, ndɔ́ɔ́ Mɔ́ŋ pú mɛ́ ye, puŋ pɔ́b yɔ́ɔ́ mɛndɔ́b Issayɛ. Ŋkyé ŋgâ pɔŋ pɛ́ pɔ́b kɛ zɔŋɔ nɔʼɔ Mɔ́ŋ nɛ́ pfó.» 21Yesə́b ŋáá, ndɔ́ɔ́ Mɔ́ŋ pú mɛ́ ye, ghú ŋgɔŋ Issayɛ. 22Ntsʉʼmbé, ŋkhoʼyɛ́ a kɛ zóʼ ŋgâ Arkelayʉsə kɛ zó ndáb tɛd ye Erodə tsʉʼ fɔŋ pɛ́rɛ́ ŋgɔŋ Zhʉdé nɛ́, a pɔ́ɔ́ ne mbǒdne yóʼó. Mboʼmve yod ntʉ́ʉ́ wé ndzɔ́ʼɔ́ ndzəb, kaʼatɛ a pó ŋgú ndzó pɛ́rɛ́ ŋgɔŋ Galílya, 23ntsó ndzó mbɛ́lʉ́ŋ yɛ́ pe fú ne Nǎzarɛd nɛ́, yânéré ŋgâ tó no yɛ́ ghaŋátsɔ́kpaŋató Mboʼmvé kɛ ntsó nɛ́ yúŋú. No yéré kɛ pɛ́ɛ́ ŋgâ: «Pe ŋkʉ́yó fú wé ne ŋɔŋ Nǎzarɛd.»
Currently Selected:
Matʉyo 2: XMG
Highlight
Share
Copy
Want to have your highlights saved across all your devices? Sign up or sign in
Matʉyo 2
2
Ghaŋázhʉ́saŋ kʉ́yó sô Mɔ́ŋ
1Njʉ́ pé kɛ pfɛ́ Yěsô pé Bételɛhɛm, a ŋgɔŋ Zhʉdé, ndzó pwó fɔŋ Erodə nɛ́, ghaŋázhʉsaŋ twɔ́ Sáʼáménab mbáŋá Yerʉ́salɛm, 2mbzirí ŋgâ: «Fɔŋ pɛ Yúda wɛ́ pé ke kɛ pfɛ́ wé pfé nɛ́ yɛ́? Psi zhʉ́ saŋ ye, a Sáʼáménab, mbó ŋkʉ́yó nɔŋ ne ŋgúʼune wé.» 3Njʉ́ fɔŋ Erodə pwɛ ŋkɔŋɔ mbé Yerʉ́salɛm náá kɛ zóʼ yéré no nɛ́, tó yɔ́b vaʼ. 4Fɔŋ Erodə téré ŋkɔŋɔ pɛ ntsɛ́ssó ghaŋáshʉ́ náá, pwɛ ŋkɔŋɔ pɛ ghaŋákeʼekaŋ Mboʼmve náá pwɛ pɔŋ, mbzirɛ́ wɔ́b ne ywoʼ yɛ́ pé kɛ ghɛ́ mvɛ́ Kristo nɛ́. 5Pɔ́b pɔ́rɔ́ pwó ye ŋgâ: «Pé kɛ ghɛ́ mvɛ́ wé pé Bételɛhɛm, ndzó ŋgɔŋ Zhʉdé, ŋkyé ŋgâ ghaŋátsɔ́kpaŋató Mboʼmvé kɛ ŋweʼé ŋgâ: 6Ŋgɛ́ mbɛ́ ne wo, mbɛ́lʉ́ŋ Bételɛhɛm, tsetsáʼ ŋgɔŋ Zhʉ́da. Wo mɔ́ŋtii ywoʼ ndzɔ́ʼɔ́ pɛ mbɛ́lʉ́ŋ kəkwéʼe ndzó ŋgɔŋ Zhʉ́da pó, ŋkyé ŋgâ fɔŋ wɛ́ a ŋkʉ́yó tyáŋa pɔ́ŋ Issayɛ, pɔ́ŋ páá nɛ́, ŋkʉ́yó ntwɔ́ pwó wo.» 7Néré, Erodə zhyɛ́ pe fú ghaŋázhʉsaŋ ndzə́ndzə́b, ŋgyɛ́ pɔ́b sɔ́ŋɔ́ wé ne kpaʼ ŋkhoʼyɛ́ saŋ yéré kɛ zyé ntwɔ́ne nɛ́. 8Fɔŋ Erodə twɔ́ ghaŋázhʉsaŋ Bételɛhɛm, ntsɔ́ ne pɔ́b ŋgâ: «Puŋ ghú cʉ̌yi ntsú tsi ne no Mɔ́ŋ wéré, ŋkhoʼyɛ́ pǔŋ zhʉ́ wé nɛ́, puŋ zhyɛ́ mə ndzé, kɛ́ʼɛ́ ŋgâ kɔ́ʼɔ́ tómbəb ya, mə ŋgú fɛ́ ŋgúʼune pwó yé.» 9Njʉ́ fɔŋ kɛ́ ke ntsó néré nɛ́, pɔ́b yɔ́ɔ́ mɛndɔ́b. Saŋ yɛ́ pɔ́b kɛ zhʉ́ Sáʼáménab nɛ́, nyǐ síŋ pɔ́b kaʼatɛ mbáŋá ndzó ywoʼ yɛ́ Mɔ́ŋ kɛ pé nɛ́, tsébé. 10Njʉ́ pɔ́b kɛ zhʉ́ saŋ yéré nɛ́, ndzɔʼ yɔ́b yáŋ kaʼatɛ. 11Pɔ́b kúŋɔ́ ndáb, njʉ́ Mɔ́ŋ pú mɛ́ ye Malya. Pɔ́b ghúŋú pfo ye, ŋgúʼɔ wé, ntáʼ pab yɔ́b, fɛ́ tʉŋɔ́paŋ, pwɛ yaŋ, pwɛ cyó mbziʼe yaŋ yɛ́ pe fú ne mii nɛ́, pwó Mɔ́ŋ. 12Njʉ́ yéré no kɛ záʼ nɛ́, Mboʼmve tsɔ́ ne pɔ́b ndzɔ́ʼɔ́ ndzəb ŋgâ, kii pɔ́b ndɛ mbó nzáʼá pfúŋú fɔŋ Erodə. Néré pɔ́b yɔ́ɔ́ yɔ́b cyô mɛndɔ́b mbɔ́rɔ́ yaʼ pɔ́b.
Yěsô pwɛ tɛd pe kí ŋgú ŋgɔŋ Egibto
13Ŋkhoʼyɛ́ ghaŋázhʉsaŋ kɛ ghú nɛ́, taʼ aŋgere Ntsɛɛpɔŋ mô ndzɔ́ʼɔ́ ndzəb, ntsɔ́ pwó Yesə́b ŋgâ: «Ŋǎ syé, ndɔ́ɔ́ Mɔ́ŋ pú mɛ́ ye, puŋ pɔ́b kí, ŋgú ŋgɔŋ Egibto. Ntsʉʼɔ yóʼó kaʼatɛ mə ntsɔ́ pwó wo ŋgâ wo ŋǎ, ŋkyé ŋgâ Erodə táʼa Mɔ́ŋ nɛ́ ne nɔ̌ʼne wé.» 14Njʉ́ a kɛ pé néré nɛ́, Yesə́b ŋǎ syé, ndɔ́ɔ́ Mɔ́ŋ, pú mɛ́ ye pe netsúʼ pwɛ pɔ́b kí ŋgú ŋgɔŋ Egibto. 15A cʉ́ʼɔ́ yóʼó kaʼatɛ fɔŋ Erodə pfó. Yânéré ŋgâ tó no yɛ́ ghaŋátsɔ́kpaŋató Mboʼmvé kɛ tsɔ́ ne tíí Ntsɛɛpɔŋ nɛ́ pwɔ́. No yéré kɛ pɛ́ɛ́ ŋgâ: «Mə fú Mɔ́ŋ ya ŋgâ, a twɔ́ ŋgɔŋ Egibto.»
Erodə nɔ́ʼ pɛ Mɔ́ŋ ndzó mbɛ́lʉ́ŋ Bételɛhɛm
16Ŋkhoʼyɛ́, fɔŋ Erodə kɛ́ zhʉ́ ŋgâ ghaŋázhʉsaŋ kɛ́ shʉyɛ́ wé, ŋgyé mé zúʼú kaʼatɛ. A twɔ́ pɔŋ ŋgâ pɔ́b ghú nɔʼɔ́ ŋkɔŋɔ pɛ Mɔ́ŋ náá, ndzyěne mbəb pɔ́ŋ mbɔ́d kaʼatɛ mbáŋá mbəb pɔ́ŋ pɛ́ pɔ́b tséʼé ŋgǒʼmvé yípáá nɛ́, ndzó mbɛ́lʉ́ŋ Bételɛhɛm pwɛ ŋkɔŋɔ yaʼ pɛ́ a kɛ tsyɛ́ we náá nɛ́, ndzyěne njʉ́ ghaŋázhʉsaŋ kɛ cʉ̌yi sɔ́ŋɔ́ wé nɛ́. 17Néré, tó no yɛ́ ŋgaŋatsɔ́kpaŋató Mboʼmvé Zheremi kɛ ntsó nɛ́, yúŋú. No yéré pɛ́ɛ́ ŋgâ:
18Taʼ wɛ́d ntwɔ́ mbɛ́lʉ́ŋ Rama, pe zóʼ,
Pɛ yaŋ pwɛ ndzɔb zááme:
A Rashɛ́lə, ŋkhɔ̂ pɔ́ŋ pé
Tsé mbé zɔŋɔ ŋgâ pe shí wé pó,
ŋkyé ŋgâ pɔ́b yóʼó ŋkʉ́rʉ́ pó.
Yěsô pwɛ tɛd pé pód ndzəb mbɛ́lʉ́ŋ Nǎzarɛd
19Njʉ́ fɔŋ Erodə kɛ pfó nɛ́, aŋgere Ntsɛɛpɔŋ mô ndzɔ́ʼɔ́ ndzəb pwó Yesə́b ŋgɔŋ Egibto, 20ntsɔ́ pwó ye ŋgâ: «Ŋǎ syé, ndɔ́ɔ́ Mɔ́ŋ pú mɛ́ ye, puŋ pɔ́b yɔ́ɔ́ mɛndɔ́b Issayɛ. Ŋkyé ŋgâ pɔŋ pɛ́ pɔ́b kɛ zɔŋɔ nɔʼɔ Mɔ́ŋ nɛ́ pfó.» 21Yesə́b ŋáá, ndɔ́ɔ́ Mɔ́ŋ pú mɛ́ ye, ghú ŋgɔŋ Issayɛ. 22Ntsʉʼmbé, ŋkhoʼyɛ́ a kɛ zóʼ ŋgâ Arkelayʉsə kɛ zó ndáb tɛd ye Erodə tsʉʼ fɔŋ pɛ́rɛ́ ŋgɔŋ Zhʉdé nɛ́, a pɔ́ɔ́ ne mbǒdne yóʼó. Mboʼmve yod ntʉ́ʉ́ wé ndzɔ́ʼɔ́ ndzəb, kaʼatɛ a pó ŋgú ndzó pɛ́rɛ́ ŋgɔŋ Galílya, 23ntsó ndzó mbɛ́lʉ́ŋ yɛ́ pe fú ne Nǎzarɛd nɛ́, yânéré ŋgâ tó no yɛ́ ghaŋátsɔ́kpaŋató Mboʼmvé kɛ ntsó nɛ́ yúŋú. No yéré kɛ pɛ́ɛ́ ŋgâ: «Pe ŋkʉ́yó fú wé ne ŋɔŋ Nǎzarɛd.»
Currently Selected:
:
Highlight
Share
Copy
Want to have your highlights saved across all your devices? Sign up or sign in