1 Kwarintʉ iyi 1

Mbele

1Letir wa mawuzlelehe tə ndəra na, sa Pawl, hedi Bizlaf mə ɗafaŋ ma abə mba ŋga ley mbaɗ əŋ mələɓ tə Yesu Almasihu, abə tə ndəra zliŋmana takwa, Sawstenes#1:1 Pawl, mələɓ. Rawma iyi 1:1; 2 Kwarintʉ iyi 1:1; Galatiya iyi 1:1, Sawstenes Kəzəɗ tə Mələɓ iyi 18:17..

2Nini wuzlel letir ta wa əŋ jam talaŋ tə hedi makuw ma tə Bizlaf iyi tə əŋ Kwarintʉ#1:2 Kəzəɗ tə Mələɓ iyi 18:1-11., hedi tə Bizlaf iyi kəɗi jam talaŋ tə abə Yesu Almasihu, Bizlaf kəɗafaŋta ma za ley nja əŋ hedi ŋga iyi, abə hedi iyi i mə ɗafaŋ ma əŋ Bay Bayta takwa Yesu Almasihu kwa a tikey fuk, Bay Bayta tata seh, ar Bay Bayta tini bahayim. 3Bizlaf, Baba takwa abə Bay Bayta Yesu Almasihu i mə vəlaheni səntaŋ abə zahay#1:3 Səntaŋ abə zahay, gər baha əŋ Rawma iyi 1:7..

Məsəkəŋ maɗal səntaŋ iyi melimehe tə ndəra Almasihu

4Sa kəɗalaŋ sʉse əŋ Bizlaf na hwayhway məŋgəvday heni, a talaŋ səntaŋ ŋga mbiŋ mə vəlaheni kəɗi jam talaŋ təheni tə abə Yesu Almasihu. 5Məŋgəvday əŋ jam talaŋ tə abə Almasihu seh, Bizlaf kəgwaɗaheni za abə məsəkəŋ iyi fuk. Mənaŋ wa, kəgizehe zlap ŋga za abə səŋ məsəkəŋ. 6Sedewe maɗal tə a talaŋ Almasihu wa, kəɗal za lawlaw əŋ faŋw təheni. 7Mənaŋ wa, vəl tə Bizlaf kwa ntaɗ mayakaheni seh halla, əŋ heni hedi mə gəbar waŋ tə Bay Bayta Yesu Almasihu mə nda i gizehe wucum. 8Ar mbiŋ mə nda i ɗiyaheni lawlaw ha əŋ cukwaɗ tə məŋhayak, amba i mba i bərəslaheni ma kwa ntaɗ əŋ waŋ tə Bay Bayta Yesu Almasihu mə nda i ziŋgehe səku. 9Bizlaf abə talaŋ ŋga, kəɗafaheni ma za ley nja əŋ jam talaŋ abə Mbu ŋgaŋ Yesu Almasihu, Bay Bayta takwa: mbiŋ seh, hedi sə delele əŋ məsəkəŋ iyi mbiŋ mə zlap a vəl za.

Wuɗak əŋ jam talaŋ tə hedi makuw ma iyi

10Zliŋmana iyi, sa kərəkaheni abə miya tə Bay Bayta takwa Yesu Almasihu: Hi nja heni majam talaŋ iyi, ɓiz wucum a mba i ɗal əŋ faŋw təheni səku. Hi nja heni mə jemi lawlaw, abə wulək kə ɗal məsəkəŋ ntaɗ, abə wulək magar tə a lay ntaɗ. 11Mənaŋ wa, zliŋmana iyi, hedi tə ge Kwaluwe iyi i gizeke seh wulək kə day hedi iyi əŋ faŋw təheni aka. 12Ehe, məsəkəŋ sa mba i zlap: Əŋ faŋw təheni, hedi ntaɗ a zlap, a zla: «Sa seh, sa hedi tə Pawl.» Hedi wa, a zla: «Sa seh, sa hedi tə Apalaws.» Hedi məzəwindi, a zla: «Sa seh, sa hedi tə Piyer.» Hedi par baha, a zla: «Sa seh, sa hedi tə Almasihu#1:12 Piyer, Aka səku, Sefas Kəzəɗ tə Mələɓ iyi 18:24. Yahwana 1:42; 1 Kwarintʉ iyi 3:22; 9:5; 15:5; Galatiya iyi 1:18; 2:9-14; Matta 4:18..» 13Ayaw, hi wulək seh i gula i ɓiz Almasihu za vaw? Ar seh, Pawl mə məc məŋgəvday heni a mpay mazlaŋgal vaw? Aka səku, hi baŋ batem seh, abə miya tə Pawl vaw?

14Sʉse əŋ Bizlaf, məŋgəvday sa kəɗalaŋ batem kwa əŋ hedi ntaɗ əŋ faŋw təheni seh halla, sey əŋ Kirispus abə əŋ Gayus#1:14 Kirispus: Gər Kəzəɗ tə Mələɓ iyi 18:8. Gayus: Gər Kəzəɗ tə Mələɓ iyi 19:29.. 15Mənaŋ wa, kwa hedi mə nda i zlap, heni lim batem abə miya na seh halla. 16Ayaw! Ar məndiwiŋ, sa kəɗalaŋta batem za əŋ hedi tə ge Estefanas iyi bahayim, ama sa kəsəŋgu sa kəɗalaŋ batem əŋ hedi par seh halla. 17Almasihu kələɓaka ley ɗal batem seh halla: ama a ləɓaka seh ley giz Labara Səntaŋ Lawayaŋ. Sa kəgiz Labara ta abə zlap tə abə burŋguzl tə hedi dəgənak seh halla, amba məc tə Almasihu tə a mpay mazlaŋgal wa, a mba i mbaɗ əŋ məsəkəŋ haya səku.

Burŋguzl tə məŋhayak wa seh, ar məsəkəŋ haya

18Ley giz məc tə Almasihu tə a mpay mazlaŋgal wa seh, ar məsəkəŋ haya əŋ hedi mə kuɗəp talaŋ tata iyi. Ama nakwa hedi tə əŋ kataf kə reh iyi wa seh, nakwa iyi kəsəŋgu ar fagay tə Bizlaf.

19Ehe, ma mawuzlel tə əŋ Ɗerewel tə Bizlaf mə zlap, a zla:

«Sa kuɗəp burŋguzl tə hedi tə abə burŋguzl iyi za,

sa kap səŋ məsəkəŋ tə hedi mə səŋ məsəkəŋ iyi za.#1:19 Esaya 29:14.»

20Ayaw, hedi tə abə burŋguzl seh, mbə a tikey? Metir tə ma majaw iyi seh, i mbə a tikey? Hedi səndawl mə ɗal yawa mənjawa wa seh, mbə a tikey? Bizlaf kəgiz za burŋguzl tə əŋ məŋhayak wa seh, ar məsəkəŋ haya.

21Hedi dəgənak iyi abə burŋguzl tata iyi fuk, i gula i səŋ Bizlaf əŋ mbiŋ mə gizehe burŋguzl ŋga səku. Məŋgəvday a ɗek, Bizlaf kəɓət wulək za ley reh hedi makuw ma iyi məŋgəvday giz tə Labara hedi tə əŋ məŋhayak iyi i mə zlap, ar məsəkəŋ haya wa. 22Yahuda iyi i kəɗəp mazla iyi, Gərek iyi bahayim i kəpələk burŋguzl. 23Ama nini seh, nini kəgiz Labara tə Almasihu madar tə a mpay mazlaŋgal: Ar zlap mə ɗal micimbiɗim əŋ Yahuda iyi, ar zlap haya əŋ hedi Yahuda iyi səku. 24Ama əŋ hedi Bizlaf mə ɗafaŋta ma iyi seh, kwa tata Yahuda iyi, kwa tata hedi Yahuda iyi səku seh, Almasihu kəmbaɗ za əŋ fagay tə Bizlaf, əŋ burŋguzl tə Bizlaf. 25Məŋgəvday məsəkəŋ haya tə Bizlaf seh, pay day a burŋguzl tə hedi iyi fuk. Hulawf tə Bizlaf seh, pay day a fagay tə hedi dəgənak iyi fuk.

Hedi Bizlaf mə may iyi

26Zliŋmana iyi, heni gər talaŋ təheni, heni hedi maɗaf ma tə Bizlaf iyi: hedi dakayta iyi tə əŋ faŋw təheni aka, mənaŋ wulək tə hedi dəgənak seh, burŋguzl ɓəraŋ, fagay ɓəraŋ#1:26 Matta 11:25; Yahwana 7:48; Yakuba 2:1-5., hedi səndawl iyi ɓəraŋ. 27Ama Bizlaf kəmay məsəkəŋ haya za a nje tə məŋhayak, amba ley ɗalaŋta hawa əŋ hedi tə abə burŋguzl iyi. Kəmay hulawf iyi za a nje tə məŋhayak, amba ley ɗalaŋta hawa əŋ hedi tə abə fagay iyi, 28kəmay hedi sə sifteleh iyi za, kəmay hedi megeŋgir iyi za, aka səku hedi haya iyi tə a nje tə məŋhayak za, amba ley kuɗəp hedi mə gər talaŋ tata iyi tə əŋ məŋhayak wa, mənaŋ hedi səndawl iyi. 29Mənaŋ wa, kwa hedi dəgənak ntaɗ mə gula i hav talaŋ ŋga a ma tə Bizlaf seh halla#1:29 Rawma iyi 3:27; Efesʉ iyi 2:9.. 30Ama Bizlaf kəjamaheni za abə Yesu Almasihu, kəbuwanakwa burŋguzl takwa za kəɗi əŋ Almasihu: ar Almasihu ta, mə mbaɗanakwa əŋ hedi sə delele iyi a ma tə Bizlaf, mbiŋ mə vəlanakwa kataf ley nja əŋ hedi tə Bizlaf iyi, mbiŋ mə pəlanakwa əŋ hem. 31Mənaŋ wa, kəɗal za mənaŋ ma mawuzlel tə əŋ Ɗerewel tə Bizlaf mə zlap, a zla: «Əŋgah hedi a kəmba i hav talaŋ seh, sey mə havaŋ talaŋ əŋ kəzəɗ tə Bay Bayta mə ɗal#1:31 Yeremiya 9:22-23..»

Currently Selected:

1 Kwarintʉ iyi 1: xmd

Highlight

Copy