Lomɛ́ŋ 9
9
Na Gɔdányá na nigúl ɛnɛ́ uméeyíd
1Agá ɔfɛ́n wá Kilíse nŋuɔ́yɔ meliŋítas, ndigúnéŋe, na Ɛsámb yá Mefúny na ɔdɛm wám nyɛ béli bílaluá bám: 2Inyɛ na isígíl giod agá ɔdɛm yónd yíngényígenyi bɛsɛgɛl gidigid. 3Ubú mbílénené yaŋuá muát nyɛ ká Gɔdányá ɔ́nyɔmɛd, yádɔ́gan na Kilíse gá gisódio gá belimen bám bá nigúl. 4Bɔ́bɔ́ bányá baan bá Ísalayɛl ɔbɔ́ Gɔdányá méeyi bɔ́ baan bág, uwedíyé bɔ́ nugúm nág, uwabɛ́lád nɔbɔ, uwéŋin bɔ́ bisele, uwédíye bɔ́ anyɛ́ bábiananá ká bébúlígenyi wɔ́, uwéŋin bɔ́ ndán. 5Bányɛ́ baan bá besié ɔgunɔ́ bɛ́nsua ɔbɔ́ Gɔdányá méeyíd. Kilíse umáabá anɛ mɔnd nyɛ sɔ́n wa nigúl nɔ́b, unyɛ Gɔdányá udɔ́mbaná manda mem. Gɛfɔn bá agagá na baánamana! Anaány! 6Ndimɔ́yɛd ká Gɔdányá dimaal buand ubú umɔ́ɔyɛ́d, saá anaány. Baan bá Ísalayɛl gidigid dɛ́bá bɔ́bɔ́ bem mbanda baan bá Gɔdányá; 7Baan bá Ábalaháma gidigid dɛbá bɔ́bɔ́ bem mbanda baán bág, gágual ká Gɔdányá mɔyɛ́d gág ká: Baan ɔbɔ́ imáagudánɛn, agabia bɔ́ agá Ísaka. 8Anaány gúnyá ká, bádɛ́bá baan béméebíbién agá gubílén gá agánd na anɔ́mandɔ bányá baan bá Gɔdányá. Baan bébíbiénéné agá ndán ya Gɔdányá gusúg, bɔ́bɔ́ bányá mbanda baan bá Gɔdányá. 9Ndán ɛyɛ́ Gɔdányá máadánɛ́n Ábalaháma guɔ́yɔ ká: Agá gɛsɛgɛl egie, ngosiondo, Sála gabá umébien mɔɔn anɔ́mandɔ. 10Saá búbuány gusúg; Lebéka sɔ́n nyɛ kɔ́ umebién nɛbás, na mɔnd táŋ omoom, sié wasɔ Ísaka. 11-13Nɛbás iniány mabá nɛ́maányɛ nɛ́dɛ́bíbién, nɛ́maány nɛdial buand ububɛ́ ɔ́gɔɔ́ bá bese. Gɔdányá gányɛ ká Lebéka ká: Gilimbe gamányɛ́ganɛn ɛmbɔ́lɔ́bɔl. Musámb má Mbɔbɔnɔ guɔ́yɔ ká: Ngúbílén Yákɔba gudɔ́mb Esáwo. Gɔdányá máal anaány ká údiye ká, uguála anyɛ́ ubílénené, weye band anyɛ́ ubílénené, saá gá gual gɔ́b, gɔɔ́gɔ gá gubíléne gá Gɔdányá ɔbɛ́lanɛná. 14Diɔ́yɛd ká nanyá e? Diɔ́yɛd ká Gɔdányá dɛbá osi e? Ágó, ta siɔdɛd! 15Gágual ká, umáal gá Moyíso ká: ewe ngenúbílén ká yaán wɔ́ gɔsɔ́g, ngaán wɔ́ gɔsɔ́g, ewe ngenúbílén ká yaál wɔ́ bese, ngal wɔ́ bese. 16Saá gá guɔyɛd gá mɔnd ta gá bugaga bág, Gɔdányá walaná bú, agá bese waga. 17Gɔdányá mɔyɛ́d gá ofuŋ wá Esípit agá Musámb má mbɔbɔnɔ ká: Mmagudág ofuŋ ká ndíye bugaga bám ɔgɔwɔ, na ká band bá gus gidigid lɛ́ns ɔfɛ́n wám 18Anaány Gɔdányá ánaná mɔnd uwɔ́ úbílénené gɔsɔ́g, ulúndenyi ɔdɛm wá ewe anyɛ́ wambaná.
Ilób na guán gɔsɔ́g gá Gɔdányá
19Ala bágaal gám ká: Gɔdányá guánd gudiéŋen nsɔ́ŋa gá giág sɔ́n e? Ányá unyá bégúdémbényi gá ubú uwɔ́ ubílénené e? 20Aŋuá gɔg anyɛ ányá, ká ésúŋunenyi na Gɔdányá e? Isény nyɛ bóguófún emeés uságuma yɛ́ ká: Amáŋmaánán nɛnama enie góbusió bá giág e? 21Emeés guála buand gidigid ubú ubílénené na numa nág. Na gidɔ́b gá numa giád gímoom unyɛ wagúma isény yá mfí gúmén gɛbɔ́mb. 22Ooo! Gɔdányá águamba gudíyé ilób yág na gulinsi bugaga bág, uwɔ́mínɔn uwond uwebílímbid band bámáasɛgɛ́mánán na ilób yág ímáabá ta bóguɔyɔ, bɔ́bɔ́ baád bámáabá bágányɛ agá nŋili ya nigú. 23Agá bóndodió, uwedíye bɔ́ mahan mág. Uwambɛd ká úlínsi bɔ́ nugúm nág núnyá gianta, uwadábɔ́na bɔ́ ká bádáŋáb nugúm unuány. 24Band abaány bɔ́bɔ́ banyá basuá, umadɛ́bɛ́lɛ́gɛ́n, saá agá gadágadá wa Beyúdɛn gusúg, umadɛ́bɛ́lɛ́gɛ́n sɔ́n agá gadágadá wa ebe bádiábá Beyúdɛn. 25Búbɔ́ Gɔdányá ɔ́yɔnɔ́ agá mbɔbɔnɔ ya ibús Osé ká: Nigúl nínyá gual nídɛ́bá nám, nŋabɛ́laan nɛ́ ká nigúl nám, gɛdɔŋ ɛgɛ́ inyá gubá ndibíléné, nŋabɛ́laan gɛ́ ká gɛdɔŋ gám gá ɔdɛm. 26Kɔɔ́m ɔgɔ́ bɔ́mɔ́ɔyɛ́d gá band ká: «Nudɛbá nigúl nám», bágabɛ́laan bɔ́ gɔg ká baán bá Gɔdányá usɔ́dɔnɔ́. 27Esayí, gá igág giáy guɔ́yɔ gá ubú búlɛ́ŋaná gɛdɔŋ gá Ísalayɛl ká: Ta baan bá Ísalayɛl nyɛ giod anɛ ensénsény wá gɛsál gá manáŋ abɔsa, gɛdám gusúg, Gɔdányá gonúsódi; 28gágual ká ubú Ɔgúnɔ́ mɔ́ɔyɛ́d, ugofuógi bú gidigid fiaŋ fiaŋ egegus. 29Gɔɔ́gɔ anyɛ́ Isayí waád mɔ́ɔyɛ́d nsua na nsua ká: Ímábá Gɔdányá unyá na bugaga bum dɛmadɛ́tɛ́nɛn gɛdám gá nugɔgɔ, gesí dɛganyɛ anɛ tísɔn wa Sɔ́dɔm na wa Gomɔɔ́l. 30Anaány guɔ́yɔ gɔg ká giág e? Band bádiábá Beyúdɛn bámáal bádiámba busi, guádáb gɔ́b óguondi bɔ́ besi agá eŋís yá Gɔdányá. 31Agá igɔ́b giáy, baan bá Ísalayɛ́l bámáambá ká bábá besi agá eŋís yá Gɔdányá agá nŋili yá bisele, dɛmáamɛ́nɛn. 32Gá giág? Gágual ká bádɛmamba ká bábá besi agá nŋili yá guádáb, bámabɛ́dágá ká bágabá besi agá nŋili yá bielínyélínyé bɔ́b. Bégubúbén agá nɛdany nígusenyinyé, 33nɛ́nɛ́ niád, guɔ́ŋ ɔ́yɔnɔ ká: Ánuáná, mmág agá tísɔn wa Síyon nɛdány níbúbénenyé, gɛdány gígusenyinyé, ewe gɔg wuŋádabaná ndiínúsémbi wɔ́.
Currently Selected:
Lomɛ́ŋ 9: MMU2
Highlight
Share
Copy
Want to have your highlights saved across all your devices? Sign up or sign in
CABTAL
Lomɛ́ŋ 9
9
Na Gɔdányá na nigúl ɛnɛ́ uméeyíd
1Agá ɔfɛ́n wá Kilíse nŋuɔ́yɔ meliŋítas, ndigúnéŋe, na Ɛsámb yá Mefúny na ɔdɛm wám nyɛ béli bílaluá bám: 2Inyɛ na isígíl giod agá ɔdɛm yónd yíngényígenyi bɛsɛgɛl gidigid. 3Ubú mbílénené yaŋuá muát nyɛ ká Gɔdányá ɔ́nyɔmɛd, yádɔ́gan na Kilíse gá gisódio gá belimen bám bá nigúl. 4Bɔ́bɔ́ bányá baan bá Ísalayɛl ɔbɔ́ Gɔdányá méeyi bɔ́ baan bág, uwedíyé bɔ́ nugúm nág, uwabɛ́lád nɔbɔ, uwéŋin bɔ́ bisele, uwédíye bɔ́ anyɛ́ bábiananá ká bébúlígenyi wɔ́, uwéŋin bɔ́ ndán. 5Bányɛ́ baan bá besié ɔgunɔ́ bɛ́nsua ɔbɔ́ Gɔdányá méeyíd. Kilíse umáabá anɛ mɔnd nyɛ sɔ́n wa nigúl nɔ́b, unyɛ Gɔdányá udɔ́mbaná manda mem. Gɛfɔn bá agagá na baánamana! Anaány! 6Ndimɔ́yɛd ká Gɔdányá dimaal buand ubú umɔ́ɔyɛ́d, saá anaány. Baan bá Ísalayɛl gidigid dɛ́bá bɔ́bɔ́ bem mbanda baan bá Gɔdányá; 7Baan bá Ábalaháma gidigid dɛbá bɔ́bɔ́ bem mbanda baán bág, gágual ká Gɔdányá mɔyɛ́d gág ká: Baan ɔbɔ́ imáagudánɛn, agabia bɔ́ agá Ísaka. 8Anaány gúnyá ká, bádɛ́bá baan béméebíbién agá gubílén gá agánd na anɔ́mandɔ bányá baan bá Gɔdányá. Baan bébíbiénéné agá ndán ya Gɔdányá gusúg, bɔ́bɔ́ bányá mbanda baan bá Gɔdányá. 9Ndán ɛyɛ́ Gɔdányá máadánɛ́n Ábalaháma guɔ́yɔ ká: Agá gɛsɛgɛl egie, ngosiondo, Sála gabá umébien mɔɔn anɔ́mandɔ. 10Saá búbuány gusúg; Lebéka sɔ́n nyɛ kɔ́ umebién nɛbás, na mɔnd táŋ omoom, sié wasɔ Ísaka. 11-13Nɛbás iniány mabá nɛ́maányɛ nɛ́dɛ́bíbién, nɛ́maány nɛdial buand ububɛ́ ɔ́gɔɔ́ bá bese. Gɔdányá gányɛ ká Lebéka ká: Gilimbe gamányɛ́ganɛn ɛmbɔ́lɔ́bɔl. Musámb má Mbɔbɔnɔ guɔ́yɔ ká: Ngúbílén Yákɔba gudɔ́mb Esáwo. Gɔdányá máal anaány ká údiye ká, uguála anyɛ́ ubílénené, weye band anyɛ́ ubílénené, saá gá gual gɔ́b, gɔɔ́gɔ gá gubíléne gá Gɔdányá ɔbɛ́lanɛná. 14Diɔ́yɛd ká nanyá e? Diɔ́yɛd ká Gɔdányá dɛbá osi e? Ágó, ta siɔdɛd! 15Gágual ká, umáal gá Moyíso ká: ewe ngenúbílén ká yaán wɔ́ gɔsɔ́g, ngaán wɔ́ gɔsɔ́g, ewe ngenúbílén ká yaál wɔ́ bese, ngal wɔ́ bese. 16Saá gá guɔyɛd gá mɔnd ta gá bugaga bág, Gɔdányá walaná bú, agá bese waga. 17Gɔdányá mɔyɛ́d gá ofuŋ wá Esípit agá Musámb má mbɔbɔnɔ ká: Mmagudág ofuŋ ká ndíye bugaga bám ɔgɔwɔ, na ká band bá gus gidigid lɛ́ns ɔfɛ́n wám 18Anaány Gɔdányá ánaná mɔnd uwɔ́ úbílénené gɔsɔ́g, ulúndenyi ɔdɛm wá ewe anyɛ́ wambaná.
Ilób na guán gɔsɔ́g gá Gɔdányá
19Ala bágaal gám ká: Gɔdányá guánd gudiéŋen nsɔ́ŋa gá giág sɔ́n e? Ányá unyá bégúdémbényi gá ubú uwɔ́ ubílénené e? 20Aŋuá gɔg anyɛ ányá, ká ésúŋunenyi na Gɔdányá e? Isény nyɛ bóguófún emeés uságuma yɛ́ ká: Amáŋmaánán nɛnama enie góbusió bá giág e? 21Emeés guála buand gidigid ubú ubílénené na numa nág. Na gidɔ́b gá numa giád gímoom unyɛ wagúma isény yá mfí gúmén gɛbɔ́mb. 22Ooo! Gɔdányá águamba gudíyé ilób yág na gulinsi bugaga bág, uwɔ́mínɔn uwond uwebílímbid band bámáasɛgɛ́mánán na ilób yág ímáabá ta bóguɔyɔ, bɔ́bɔ́ baád bámáabá bágányɛ agá nŋili ya nigú. 23Agá bóndodió, uwedíye bɔ́ mahan mág. Uwambɛd ká úlínsi bɔ́ nugúm nág núnyá gianta, uwadábɔ́na bɔ́ ká bádáŋáb nugúm unuány. 24Band abaány bɔ́bɔ́ banyá basuá, umadɛ́bɛ́lɛ́gɛ́n, saá agá gadágadá wa Beyúdɛn gusúg, umadɛ́bɛ́lɛ́gɛ́n sɔ́n agá gadágadá wa ebe bádiábá Beyúdɛn. 25Búbɔ́ Gɔdányá ɔ́yɔnɔ́ agá mbɔbɔnɔ ya ibús Osé ká: Nigúl nínyá gual nídɛ́bá nám, nŋabɛ́laan nɛ́ ká nigúl nám, gɛdɔŋ ɛgɛ́ inyá gubá ndibíléné, nŋabɛ́laan gɛ́ ká gɛdɔŋ gám gá ɔdɛm. 26Kɔɔ́m ɔgɔ́ bɔ́mɔ́ɔyɛ́d gá band ká: «Nudɛbá nigúl nám», bágabɛ́laan bɔ́ gɔg ká baán bá Gɔdányá usɔ́dɔnɔ́. 27Esayí, gá igág giáy guɔ́yɔ gá ubú búlɛ́ŋaná gɛdɔŋ gá Ísalayɛl ká: Ta baan bá Ísalayɛl nyɛ giod anɛ ensénsény wá gɛsál gá manáŋ abɔsa, gɛdám gusúg, Gɔdányá gonúsódi; 28gágual ká ubú Ɔgúnɔ́ mɔ́ɔyɛ́d, ugofuógi bú gidigid fiaŋ fiaŋ egegus. 29Gɔɔ́gɔ anyɛ́ Isayí waád mɔ́ɔyɛ́d nsua na nsua ká: Ímábá Gɔdányá unyá na bugaga bum dɛmadɛ́tɛ́nɛn gɛdám gá nugɔgɔ, gesí dɛganyɛ anɛ tísɔn wa Sɔ́dɔm na wa Gomɔɔ́l. 30Anaány guɔ́yɔ gɔg ká giág e? Band bádiábá Beyúdɛn bámáal bádiámba busi, guádáb gɔ́b óguondi bɔ́ besi agá eŋís yá Gɔdányá. 31Agá igɔ́b giáy, baan bá Ísalayɛ́l bámáambá ká bábá besi agá eŋís yá Gɔdányá agá nŋili yá bisele, dɛmáamɛ́nɛn. 32Gá giág? Gágual ká bádɛmamba ká bábá besi agá nŋili yá guádáb, bámabɛ́dágá ká bágabá besi agá nŋili yá bielínyélínyé bɔ́b. Bégubúbén agá nɛdany nígusenyinyé, 33nɛ́nɛ́ niád, guɔ́ŋ ɔ́yɔnɔ ká: Ánuáná, mmág agá tísɔn wa Síyon nɛdány níbúbénenyé, gɛdány gígusenyinyé, ewe gɔg wuŋádabaná ndiínúsémbi wɔ́.
Currently Selected:
:
Highlight
Share
Copy
Want to have your highlights saved across all your devices? Sign up or sign in
CABTAL