Filipiɛ́ŋ 4
4
1Belimen bám bá ɛlɛka, ngúbianan nsana giod yaguand gunuán. Nuguála ká mbianan bɛdɔdɛn, nuond numbúlígenyi. Kányɛ inúbísógólonyó ká núlɔ́bɛn bábɛ́gɔ́dán tíndíŋ na Ɔgúnɔ́.
Bedɔdɛn na bumben
2Nguágan Efódie na Sintíse makánya ká bɔ́bígɔ́lɔɔn anyɛ belimen bányá baladán aga Ɔgúnɔ́. 3Aŋuá sɔ́n alaná buol búmoóm nám na nuládád, sígól, ágɛ́n bagánd bándɛ abaány ɔmbɔ́g gágual ká bágúnuanan ɔlɔŋ nam ká Ndág ya Nsɔ́m sálámand, ta Kelemáŋa sɔ́n, ta bɔsɔ́gɔ́ bóloól ɛfɛ́n sɔ́b nyá agá mbɔbɔnɔ inyá na ɛfɛ́n sa band bányá na gusɔ́d gá medúg mem. 4Ánubá agá bɛdɔdɛn bɛsɛgɛl gidigid anyɛ́ nunyá bulada na Ɔgúnɔ́, imóndídónyí ká ánúbá agá bɛdɔdɛn. 5Ánubá bese na mɔnd gidigid, gusiondo gá Ɔgúnɔ́ ganyɛ egúy. 6Nudigúbianan ká nuágɛ́nan ta ká buanda, ónuófoón gɔg Gɔdányá agá anama yá mbísógól giod gɛsɛgɛl gidigid buanda nuambaná, nuond nuéŋeen wɔ́ nukany. 7Anaány bumben bá Gɔdányá búdúmbaná nsiŋi gidigid ganúbɛ́dɛ́gaan ɛdɛm na ɛmbɛ́dágɛ́dɛ́n sán aga Yésu Kilíse. 8Manda eme nubiananá ká nuágaan mfí gá mɔ́: buanda gidigid búnyá meliŋítas buónd búsɛ́gɛmanan ká bɔ́gɔ́lɔɔn gɛsɛgɛl na bú, buanda gidigid búnyá osi na begubeg, na ubú bányá bágúlɛ́ga bónd béli gɛ́laluá gá bú, na búnyá bese taáaa, búsɛ́gɛmananá na nukany. 9Numɔŋɔ́bɔɔ́n yɔyɔ manda, unuaŋánaan yala mɔ́, unuafɔ́nɔfɔ́n mɔ́, unuond unuabɛ́dɛ́gaan mɔ́, ánualá anyɛ́ numáaŋánaán yala. Gɔdányá wéŋeniné bumben gabá nanɔ.
Paul guéŋen nukany gá manda umáabiá
10Imɔ́ɔb bese giod aga Ɔgúnɔ́ anyɛ́ nunyá guand gudíye ká numányá gumbɛ́dága. Ndiguɔ́yɔ ká numɔdɔ́mb gumbɛ́dága, nudimabianan gɔg nŋili ya gual ká núnlinsi bú. 11Ndiguɔ́yɔ bú anaány gágual ká nguámba buanda. Ágó, imafɔ́nɔfɔɔ́n guɔ́bɔɔn bese na gɛdam mbiananá. 12Ngúlɛnsan gusɔ́dɔɔn agá gɔsɔ́g, nlɛnsan sɔ́n gusɔ́dɔɔn agá gudeg. Imafɔ́nɔfɔɔ́n gusɔ́dɔɔn ta naány, ta búbá nanyá, ta mbianan manyán dubí, ta mbianan nsana, ta mbianan gudeg, gúmén siodɛd. 13Inyɛ báguala manda amaány gidigid na magɛ́nda Kilíse ámfánaná. 14Núgual gɔg bese gudúmbídenyi anyɛ́ nunyá guŋágɛ́n ɔmbɔ́g agám gá meyú. 15Banuá band bá tísɔn wa Filíp, nugúlɛnsaan bú bese ká anyɛ́ iméelíkí Maseduán, gɛsɛgɛl Ndag ya Nsɔ́m máabanyɛ́g gubiɔ́yɔ́, giɔ́b gá beédéb gímodió diméndúgún, asiá banuá. 16Anyɛ́ imáabá agá tísɔn wa Tesaloník, unuándɔ́mɛ́n manda iméeséménén saá ta gɛsɛgɛl gímoom. 17Anaány dɛguámba guɔyɛd ká nguámba ká bámfánan manda. Buanda yambaná nyá ká, Gɔdányá núfɔ́n góbúsió bá mfaán yanɔ. 18Nguélumenyi agá mbɔbɔnɔ eye ká imabiá imfaán sán gidigid, inyɛ agá gudeg. Anyɛ́ Epafolodíte máamfá manda amaány, ngúbianan giág gidigid yambaná. Manda amaány nyɛ aga Gɔdányá anyɛ gɛnɔ́g gá ɔlɔ́f, mányɛ anyɛ bɛbiág usaágugɛ́ndɛ́gɛn, biónd biálá wɔ́ bese. 19Gɔdányá wam nugúm nág nyá gianta ganúfá buanda gidigid búnuófoninó agá gélem gá Yésu Kilíse. 20Nsɛ́ dígúmenyi Gɔdányá sié wasɔ na bánamana, anaány.
Imbígélid
21Agá ɔfɛ́n wá Yésu Kilíse, énubígélídí band gidigid bányá bá Gɔdányá. Beédeb bányá nam ménúbígélídí. 22Band gidigid bányá bá Gɔdányá bányá aya ménúbígélídí, dúmbá dúmba ebe bálanɛná Sesála ofuŋ uwɔgɔn buol. 23Nsɛ́ Ɔgúnɔ́ Yésu Kilíse núfɔ́n.
Currently Selected:
Filipiɛ́ŋ 4: MMU2
Highlight
Share
Copy
Want to have your highlights saved across all your devices? Sign up or sign in
CABTAL
Filipiɛ́ŋ 4
4
1Belimen bám bá ɛlɛka, ngúbianan nsana giod yaguand gunuán. Nuguála ká mbianan bɛdɔdɛn, nuond numbúlígenyi. Kányɛ inúbísógólonyó ká núlɔ́bɛn bábɛ́gɔ́dán tíndíŋ na Ɔgúnɔ́.
Bedɔdɛn na bumben
2Nguágan Efódie na Sintíse makánya ká bɔ́bígɔ́lɔɔn anyɛ belimen bányá baladán aga Ɔgúnɔ́. 3Aŋuá sɔ́n alaná buol búmoóm nám na nuládád, sígól, ágɛ́n bagánd bándɛ abaány ɔmbɔ́g gágual ká bágúnuanan ɔlɔŋ nam ká Ndág ya Nsɔ́m sálámand, ta Kelemáŋa sɔ́n, ta bɔsɔ́gɔ́ bóloól ɛfɛ́n sɔ́b nyá agá mbɔbɔnɔ inyá na ɛfɛ́n sa band bányá na gusɔ́d gá medúg mem. 4Ánubá agá bɛdɔdɛn bɛsɛgɛl gidigid anyɛ́ nunyá bulada na Ɔgúnɔ́, imóndídónyí ká ánúbá agá bɛdɔdɛn. 5Ánubá bese na mɔnd gidigid, gusiondo gá Ɔgúnɔ́ ganyɛ egúy. 6Nudigúbianan ká nuágɛ́nan ta ká buanda, ónuófoón gɔg Gɔdányá agá anama yá mbísógól giod gɛsɛgɛl gidigid buanda nuambaná, nuond nuéŋeen wɔ́ nukany. 7Anaány bumben bá Gɔdányá búdúmbaná nsiŋi gidigid ganúbɛ́dɛ́gaan ɛdɛm na ɛmbɛ́dágɛ́dɛ́n sán aga Yésu Kilíse. 8Manda eme nubiananá ká nuágaan mfí gá mɔ́: buanda gidigid búnyá meliŋítas buónd búsɛ́gɛmanan ká bɔ́gɔ́lɔɔn gɛsɛgɛl na bú, buanda gidigid búnyá osi na begubeg, na ubú bányá bágúlɛ́ga bónd béli gɛ́laluá gá bú, na búnyá bese taáaa, búsɛ́gɛmananá na nukany. 9Numɔŋɔ́bɔɔ́n yɔyɔ manda, unuaŋánaan yala mɔ́, unuafɔ́nɔfɔ́n mɔ́, unuond unuabɛ́dɛ́gaan mɔ́, ánualá anyɛ́ numáaŋánaán yala. Gɔdányá wéŋeniné bumben gabá nanɔ.
Paul guéŋen nukany gá manda umáabiá
10Imɔ́ɔb bese giod aga Ɔgúnɔ́ anyɛ́ nunyá guand gudíye ká numányá gumbɛ́dága. Ndiguɔ́yɔ ká numɔdɔ́mb gumbɛ́dága, nudimabianan gɔg nŋili ya gual ká núnlinsi bú. 11Ndiguɔ́yɔ bú anaány gágual ká nguámba buanda. Ágó, imafɔ́nɔfɔɔ́n guɔ́bɔɔn bese na gɛdam mbiananá. 12Ngúlɛnsan gusɔ́dɔɔn agá gɔsɔ́g, nlɛnsan sɔ́n gusɔ́dɔɔn agá gudeg. Imafɔ́nɔfɔɔ́n gusɔ́dɔɔn ta naány, ta búbá nanyá, ta mbianan manyán dubí, ta mbianan nsana, ta mbianan gudeg, gúmén siodɛd. 13Inyɛ báguala manda amaány gidigid na magɛ́nda Kilíse ámfánaná. 14Núgual gɔg bese gudúmbídenyi anyɛ́ nunyá guŋágɛ́n ɔmbɔ́g agám gá meyú. 15Banuá band bá tísɔn wa Filíp, nugúlɛnsaan bú bese ká anyɛ́ iméelíkí Maseduán, gɛsɛgɛl Ndag ya Nsɔ́m máabanyɛ́g gubiɔ́yɔ́, giɔ́b gá beédéb gímodió diméndúgún, asiá banuá. 16Anyɛ́ imáabá agá tísɔn wa Tesaloník, unuándɔ́mɛ́n manda iméeséménén saá ta gɛsɛgɛl gímoom. 17Anaány dɛguámba guɔyɛd ká nguámba ká bámfánan manda. Buanda yambaná nyá ká, Gɔdányá núfɔ́n góbúsió bá mfaán yanɔ. 18Nguélumenyi agá mbɔbɔnɔ eye ká imabiá imfaán sán gidigid, inyɛ agá gudeg. Anyɛ́ Epafolodíte máamfá manda amaány, ngúbianan giág gidigid yambaná. Manda amaány nyɛ aga Gɔdányá anyɛ gɛnɔ́g gá ɔlɔ́f, mányɛ anyɛ bɛbiág usaágugɛ́ndɛ́gɛn, biónd biálá wɔ́ bese. 19Gɔdányá wam nugúm nág nyá gianta ganúfá buanda gidigid búnuófoninó agá gélem gá Yésu Kilíse. 20Nsɛ́ dígúmenyi Gɔdányá sié wasɔ na bánamana, anaány.
Imbígélid
21Agá ɔfɛ́n wá Yésu Kilíse, énubígélídí band gidigid bányá bá Gɔdányá. Beédeb bányá nam ménúbígélídí. 22Band gidigid bányá bá Gɔdányá bányá aya ménúbígélídí, dúmbá dúmba ebe bálanɛná Sesála ofuŋ uwɔgɔn buol. 23Nsɛ́ Ɔgúnɔ́ Yésu Kilíse núfɔ́n.
Currently Selected:
:
Highlight
Share
Copy
Want to have your highlights saved across all your devices? Sign up or sign in
CABTAL