Filipiɛ́ŋ 2
2
Guɔ́bɔ́n na gubíséli
1Anyɛ́ nunyá bulada na Kilíse búdiígunúfá bugaga é? Ɛlɛ́ga yág diígunúlénin makánya é? Nudíbá bulada na Ɛsámb yá Mefúny é? Nudibá na ɛlɛ́ga na gɛtɛ́nɛna banuá na banua é? 2Ánuŋágaán agá ɛyayɔ, nuɔ́bɔnɛn, nubá agá ɛlɛ́ga, na ɔdɛ́m táŋ ómoóm, na mbɛ́dágɛ́dɛ́n táŋ imoom. 3Nudialá manda ká núbídíyenyi, gúmén ká bánúyɛ́kɛ́na, búdɛ́bá ta buanda. Énubísélí, nuánaan bɔsɔ́gɔ́ anyɛ bágúnúdúmbaan. 4Nudiambá gɔɔ́gɔ bese wanɔ, ánuambá bese wá mɔnd gidigid. 5Ɔ́nusɔ́dɔ́n anaány banuá na banuá, anaány buófonó gusɔ́dɔɔn gɛsɛgɛl band nyá bulada na Yésu Kilíse. 6Umabá buanda búmoóm na Gɔdányá, uwebíséli, uwen gubá anyɛ Gɔdányá. 7Uwen buanda umáabiánán, uwɔgɔ́l edény wá giɔ́l, uwond anyɛ mɔnd gadágadá wa band, band gidigid abánaan ká unyɛ mɔnd. 8Uwebíséli, uwala nŋɔbɛnɔ gutɔ guám agá nigu, nigú agá bɔdɛ́d bá gɛsanda. 9Buád buanda Gɔdányá méebúlígí wɔ́ gɔdɔ́mb band gidigid, uwond uwafá wɔ́ ɔfɛ́n údúmbaná ɛfɛ́n gidigid, 10anaány ká agá ɔfɛ́n wá Yésu, bɛlɔŋalɔŋa gidigid egegus, na ugumuana, na gúsigúsié wa gus gúnsen wɔ́ enú, 11megélígélié gidigid sɔ́n ɔ́yɔ ká Yésu nyɛ Ɔgúnɔ́ agá nugúm ná Gɔdányá Sié.
Buol bá beédéb
12Buád buanda, belimen bám bá ɛlɛ́ga buófonó ká nuála Gɔdányá nŋɔ́bɛnɔ gɔɔ́gɔ anyɛ́ numáabanyɛ́g gualaan wɔ́ nŋɔ́bɛnɔ, saá gɔɔ́gɔ gɛsɛgɛl inyá, ánualá nɔ́ ta gɛsɛgɛl ndiábá, na buwa, na bɛlɔ́gɔ́mɛn gidigid. Énudíyényí agán gá bielínyélínyé ká nunyɛ bosódóny. 13Gɔdányá gúnúfánan bugaga bá gual ká núbílené guala gubílén gág na bielínyélínyé biálaná wɔ́ bese. 14Ánualá buanda gidigid kandɛ bioŋúló, kandɛ nsuŋié, 15ká núbá kandɛ gibɔ́liɔ́, begubeg, baan bá Gɔdányá bádiábá na gɛnana gadágadá wa biád bá band bémúnéŋén, nuségéde anyɛ gise egegus, 16banuá nubɛ́dɔ́ganá gugál gá gusɔ́d, búgabá nugúm nám buɔ́s béguúl bá Kilíse. Búgedíye ká buol bám na gɛdɔmbɔ gám dɛɛ́gugua agá madɛ́ga. 17Anyɛ́ nuádábaná Gɔdányá, búgúbɛ́fuáganan buol na gubiéŋin gán. Bunyɛ báguánɛ́g ká bɔ́ŋɔ́n, búmábiál nɔ́, manɔŋ mám gɔbiɔ́yɛ́kɛnɛn agá gúbiéŋin uguány, búgal ká yɔ́bɔɔn bese giod. Bɛdɔdɛn nganúbia, nguámba sɔ́n ká núbia bɛ́. 18Banuá sɔ́n nugɔ́bɔɔn bese. Ɛbal ɛ́yɛ nuganúbia, yaŋuá sɔ́n ngabá na yɛ́.
Buol bá Timoté na Epafolodíte
19Ngúbianan giondiɔdɛ́mɔ́ aga Ɔgúnɔ́ wasɔ Yésu ká nganúdúmɛ́n Timoté na gudán na gugɔl. Ɛnsɔ́m ɛsɛ́ uganúmfá gán góbusió gaal ká mbia makánya. 20Ndigúbianan mɔnd ondodió diafaná duged naga wond wágɛ́naan nanɔ, gúmén gúdiál uwɔ́. 21Bɔsɔ́gɔ́ bómodió gidigid báguámba bese wɔbɔ, saá bese wa Yésu Kilíse. 22Nugúlɛnsaan gɔg ká Timoté medíyé ubú umáabá, uwebiéŋin ɔlɔŋ nam gá buol bá Ndág ya Nsɔ́m anyɛ mɔɔn agá masiá má sié. 23Ɔwɔ́ yondonyó ɔdɛm ká inɔ́dɔ́mɛ́n wɔ́, ngal ímaán edény wám. 24Ngúbianan giondiɔdɛ́mɔ́ aga Ɔgúnɔ ká, ta yaŋuá, gá mɔɔn wá gɛsɛgɛl, ngasiám sɔ́n aganuá. 25Kányɛ inyá guán bese ká yaál gunɔ́dɔ́mɛ́n endimen wám Epafolodíte ɔwɔ́ dibígídené naga, diond diala buol ɔlɔŋ, numandɔ́mɛ́n wɔ́ ká wúndúgúne. 26Ugúmeny gúbílene ká únuán banuá gidigid, wond wágɛ́naan gágual ká núguɔ́b gunúma gág. 27Búnyɛ nɔ́ meliŋítas, úgunúma uwaal ugú, kányɛ Gɔdányá nyá guán wɔ́ gɔsɔ́g. Údíguán wɔ́ gɔsɔ́g ɔwɔ́ eŋényé, ta yaŋuá sɔ́n úguŋán gɔsɔ́g ká ndɛbiá meyú giod. 28Buád buanda inyá gual fiaŋ fiaŋ ká ínɔ́dɔ́mɛ́n wɔ́, anaány ká nugal númaán wɔ́, nuánd gúbá agá bɛdɔdɛn bɛ́gɔ́s, yaŋuá ndigand gubá gɔsɔ́g giod. 29Ónugólí wɔ́ na bɛdɔdɛn giod anyɛ endimen wanɔ wa nɛlad aga Ɔgúnɔ́. Ɔ́nugɔ́lɔɔ́n band anyɛ ɔwɔ́ gianta gá buanda, 30gágual ká nigú ɔ́gusiyɔ́l wɔ́, ɔwɔ́ wala buol bá Kilíse. Uwasɛngɛg gusɔ́d gág ká wúndúgúne gágual ká núdɛɛ́gubá bégundúgún banuá muát.
Currently Selected:
Filipiɛ́ŋ 2: MMU2
Highlight
Share
Copy
Want to have your highlights saved across all your devices? Sign up or sign in
CABTAL
Filipiɛ́ŋ 2
2
Guɔ́bɔ́n na gubíséli
1Anyɛ́ nunyá bulada na Kilíse búdiígunúfá bugaga é? Ɛlɛ́ga yág diígunúlénin makánya é? Nudíbá bulada na Ɛsámb yá Mefúny é? Nudibá na ɛlɛ́ga na gɛtɛ́nɛna banuá na banua é? 2Ánuŋágaán agá ɛyayɔ, nuɔ́bɔnɛn, nubá agá ɛlɛ́ga, na ɔdɛ́m táŋ ómoóm, na mbɛ́dágɛ́dɛ́n táŋ imoom. 3Nudialá manda ká núbídíyenyi, gúmén ká bánúyɛ́kɛ́na, búdɛ́bá ta buanda. Énubísélí, nuánaan bɔsɔ́gɔ́ anyɛ bágúnúdúmbaan. 4Nudiambá gɔɔ́gɔ bese wanɔ, ánuambá bese wá mɔnd gidigid. 5Ɔ́nusɔ́dɔ́n anaány banuá na banuá, anaány buófonó gusɔ́dɔɔn gɛsɛgɛl band nyá bulada na Yésu Kilíse. 6Umabá buanda búmoóm na Gɔdányá, uwebíséli, uwen gubá anyɛ Gɔdányá. 7Uwen buanda umáabiánán, uwɔgɔ́l edény wá giɔ́l, uwond anyɛ mɔnd gadágadá wa band, band gidigid abánaan ká unyɛ mɔnd. 8Uwebíséli, uwala nŋɔbɛnɔ gutɔ guám agá nigu, nigú agá bɔdɛ́d bá gɛsanda. 9Buád buanda Gɔdányá méebúlígí wɔ́ gɔdɔ́mb band gidigid, uwond uwafá wɔ́ ɔfɛ́n údúmbaná ɛfɛ́n gidigid, 10anaány ká agá ɔfɛ́n wá Yésu, bɛlɔŋalɔŋa gidigid egegus, na ugumuana, na gúsigúsié wa gus gúnsen wɔ́ enú, 11megélígélié gidigid sɔ́n ɔ́yɔ ká Yésu nyɛ Ɔgúnɔ́ agá nugúm ná Gɔdányá Sié.
Buol bá beédéb
12Buád buanda, belimen bám bá ɛlɛ́ga buófonó ká nuála Gɔdányá nŋɔ́bɛnɔ gɔɔ́gɔ anyɛ́ numáabanyɛ́g gualaan wɔ́ nŋɔ́bɛnɔ, saá gɔɔ́gɔ gɛsɛgɛl inyá, ánualá nɔ́ ta gɛsɛgɛl ndiábá, na buwa, na bɛlɔ́gɔ́mɛn gidigid. Énudíyényí agán gá bielínyélínyé ká nunyɛ bosódóny. 13Gɔdányá gúnúfánan bugaga bá gual ká núbílené guala gubílén gág na bielínyélínyé biálaná wɔ́ bese. 14Ánualá buanda gidigid kandɛ bioŋúló, kandɛ nsuŋié, 15ká núbá kandɛ gibɔ́liɔ́, begubeg, baan bá Gɔdányá bádiábá na gɛnana gadágadá wa biád bá band bémúnéŋén, nuségéde anyɛ gise egegus, 16banuá nubɛ́dɔ́ganá gugál gá gusɔ́d, búgabá nugúm nám buɔ́s béguúl bá Kilíse. Búgedíye ká buol bám na gɛdɔmbɔ gám dɛɛ́gugua agá madɛ́ga. 17Anyɛ́ nuádábaná Gɔdányá, búgúbɛ́fuáganan buol na gubiéŋin gán. Bunyɛ báguánɛ́g ká bɔ́ŋɔ́n, búmábiál nɔ́, manɔŋ mám gɔbiɔ́yɛ́kɛnɛn agá gúbiéŋin uguány, búgal ká yɔ́bɔɔn bese giod. Bɛdɔdɛn nganúbia, nguámba sɔ́n ká núbia bɛ́. 18Banuá sɔ́n nugɔ́bɔɔn bese. Ɛbal ɛ́yɛ nuganúbia, yaŋuá sɔ́n ngabá na yɛ́.
Buol bá Timoté na Epafolodíte
19Ngúbianan giondiɔdɛ́mɔ́ aga Ɔgúnɔ́ wasɔ Yésu ká nganúdúmɛ́n Timoté na gudán na gugɔl. Ɛnsɔ́m ɛsɛ́ uganúmfá gán góbusió gaal ká mbia makánya. 20Ndigúbianan mɔnd ondodió diafaná duged naga wond wágɛ́naan nanɔ, gúmén gúdiál uwɔ́. 21Bɔsɔ́gɔ́ bómodió gidigid báguámba bese wɔbɔ, saá bese wa Yésu Kilíse. 22Nugúlɛnsaan gɔg ká Timoté medíyé ubú umáabá, uwebiéŋin ɔlɔŋ nam gá buol bá Ndág ya Nsɔ́m anyɛ mɔɔn agá masiá má sié. 23Ɔwɔ́ yondonyó ɔdɛm ká inɔ́dɔ́mɛ́n wɔ́, ngal ímaán edény wám. 24Ngúbianan giondiɔdɛ́mɔ́ aga Ɔgúnɔ ká, ta yaŋuá, gá mɔɔn wá gɛsɛgɛl, ngasiám sɔ́n aganuá. 25Kányɛ inyá guán bese ká yaál gunɔ́dɔ́mɛ́n endimen wám Epafolodíte ɔwɔ́ dibígídené naga, diond diala buol ɔlɔŋ, numandɔ́mɛ́n wɔ́ ká wúndúgúne. 26Ugúmeny gúbílene ká únuán banuá gidigid, wond wágɛ́naan gágual ká núguɔ́b gunúma gág. 27Búnyɛ nɔ́ meliŋítas, úgunúma uwaal ugú, kányɛ Gɔdányá nyá guán wɔ́ gɔsɔ́g. Údíguán wɔ́ gɔsɔ́g ɔwɔ́ eŋényé, ta yaŋuá sɔ́n úguŋán gɔsɔ́g ká ndɛbiá meyú giod. 28Buád buanda inyá gual fiaŋ fiaŋ ká ínɔ́dɔ́mɛ́n wɔ́, anaány ká nugal númaán wɔ́, nuánd gúbá agá bɛdɔdɛn bɛ́gɔ́s, yaŋuá ndigand gubá gɔsɔ́g giod. 29Ónugólí wɔ́ na bɛdɔdɛn giod anyɛ endimen wanɔ wa nɛlad aga Ɔgúnɔ́. Ɔ́nugɔ́lɔɔ́n band anyɛ ɔwɔ́ gianta gá buanda, 30gágual ká nigú ɔ́gusiyɔ́l wɔ́, ɔwɔ́ wala buol bá Kilíse. Uwasɛngɛg gusɔ́d gág ká wúndúgúne gágual ká núdɛɛ́gubá bégundúgún banuá muát.
Currently Selected:
:
Highlight
Share
Copy
Want to have your highlights saved across all your devices? Sign up or sign in
CABTAL