Matáyoso 28
28
Yésu dɛbá andɔ agá gɛbɛl
(Mál 16.1-8; Lúk 24.1-11; Sáŋ 20.1,11-18)
1Buɔ́s bá Sábát máal búmádɔ́mb, tútútú wá sɔ́ndiɔ́, Maliá wa tísɔn wa Magadalá, na Maliá omodió, abáb gá guán gɛbɛl. 2Kɔ́ na kɔ́, gus uguébiéyidin na bugaga, gágual ká ɛngɛlɛs ya Gɔdányá móolín muana, iyedíŋílidi nɛdany iyelukumin gá nɛ́. 3Imabá iségéde anyɛ ikenyikeny, gɛla gág mabá fúuum anyɛ ndɛb. 4Buwa ubuádɛgɛn musia múmáabá kɔ́ gá ɔgɛ́g, umuédúm gudiŋimine, umuónd anyɛ bɛlɔŋ. 5Ta anaány, ɛngɛlɛs ya Gɔdányá ganyɛ gá bagánd ká: «Banuá, nudibiá buwa, ngúlɛnsaan ká Yésu bámáasánda agá kolós nuambaná. 6Udɛgábá andɔ aya, usaman guanyɔg agá ebeguén gɔɔ́gɔ anyɛ́ umɔ́ɔyɛ́d. Ánusián, aya béméebídígínyí wɔ́. 7Ánɔ́b fiaŋ fiaŋ nɛ́nuán, nuɔ́yɛ́dɛ́n bafɔ́nɔfɔ́n bág ká: “Usanyɔg aga ebeguén, uguénúbídényí agá giéns gá gus gá Galilé, uguány nuganuán wɔ́.” Ubuány imánubiánán ká ínuɔ́yɛdɛn.» 8Ebélíki ány fiaŋ. Na buwa bulényibulény na bidɔdɛn giod bámáabiánán, ɔbɔ́gɔ́l ɔdɛ́d gá guɔyɛ́dɛ́n bafɔ́nɔfɔ́n bá Yésu nsɔ́m. 9Kɔ́ na kɔ́, Yésu uwuúl, uwelumen nɔbɔ, uganyɛ gɔ́b ká: «Mbígélídi ó.» Abábɛ́nyɛkɛnɛn wɔ́, abádɛgɛn begɔ́nd bág ebédúm gubúlígenyi wɔ́. 10Yésu uwad guɔyɛd gɔ́b ká: «Nudibiá buwa. Ánɔ́b guɔyɛ́dɛ́n belimen bám ká báb agá giéns gá gus gá Galilé, ány báganúŋán.» 11Anyɛ́ bagánd abaány máabá agá nŋili, gɛdám gá musia gímáabá gá ɔgɛ́g agá gɛbɛl abáb agá tísɔn ɔbɔ́yɛdɛn bɔgɔ́gɔ buanda gidigid búmáabɛ́dɔ́mbaán. 12Bɔgɔ́gɔ na bagɔn bá gɛdɔŋ abál gɛgɔ́s, ɔbɔ́bɔɔ́n ká béŋin musia muonyi giod, 13bágányɛ gá mú ká: «Nugɔguɔ́yɛd ká: “Bafɔ́nɔfɔ́n bá mɔnd ewe soól na budug bémésiéb gɛlɔŋ gág gɛsɛgɛl diságubá dɛbɛ́dɛ́man.” 14Búmánɛ́g ká buóny ubuány mánaám agá idú sá ngɔ́mɔnɔ, digagúlɛns nanyá buófonó ká dígálɛ́d gág, ká únɛɛn buóny nudɛbiá bɛsan.» 15Musia umuány umuɔ́gɔ́l muonyi, umuál anyɛ́ bɔ́mɔ́ɔyɔɔ́n mú. Buóny ubú musia umuány mɔ́ɔyɛ́d, ubuásálámand aga Beyúdɛn, búmabása gubiɔ́yɔ gutɔ gusiám ínen.
Yésu mádɔ́m bafɔ́nɔfɔ́n bág
16Bafɔ́nɔfɔ́n bát na omoom abáb agá giéns gá gus gá Galilé, agá nɔgɔnd unú Yésu méedíbídényí bɔ́. 17Anyɛ́ bámáan wɔ́, ebédúm gubúlígenyi wɔ́, ta anaány, gɛdám ɔgɔ́b gá ɔlɔŋ mabá gɛ́mányɛ gɛ́dɛ́bɛ́n ká uwɔ́, wɔ́. 18Yésu gubɛ́nyɛkɛnɛn bɔ́, uganyɛ gɔ́b ká: «Bányɛ bámfaán bugaga gidigid bá muana ta bá gus. 19Ánɔbaán gɔg agá egúl yá gus gidigid, nuál ká bóndoon bafɔ́nɔfɔ́n bám#28.19 Ámámba gubífuógi, alɛ́ŋɛ́d mbɔbɔnɔ ya Bielínyélínyé., núduenen bɔ́ agá ɔfɛ́n wa sié, na wá mɔɔn, na wá Ɛsámb yá Mefúny, 20nuónd núfúnyifunyi bɔ́ ká bófuógonyi manda gidigid mmáal gán ká nuála. Yaŋuá, inyɛ nanɔ medug mem guám agá nɛmanɛn.»
Currently Selected:
Matáyoso 28: MMU2
Highlight
Share
Copy
Want to have your highlights saved across all your devices? Sign up or sign in
CABTAL
Matáyoso 28
28
Yésu dɛbá andɔ agá gɛbɛl
(Mál 16.1-8; Lúk 24.1-11; Sáŋ 20.1,11-18)
1Buɔ́s bá Sábát máal búmádɔ́mb, tútútú wá sɔ́ndiɔ́, Maliá wa tísɔn wa Magadalá, na Maliá omodió, abáb gá guán gɛbɛl. 2Kɔ́ na kɔ́, gus uguébiéyidin na bugaga, gágual ká ɛngɛlɛs ya Gɔdányá móolín muana, iyedíŋílidi nɛdany iyelukumin gá nɛ́. 3Imabá iségéde anyɛ ikenyikeny, gɛla gág mabá fúuum anyɛ ndɛb. 4Buwa ubuádɛgɛn musia múmáabá kɔ́ gá ɔgɛ́g, umuédúm gudiŋimine, umuónd anyɛ bɛlɔŋ. 5Ta anaány, ɛngɛlɛs ya Gɔdányá ganyɛ gá bagánd ká: «Banuá, nudibiá buwa, ngúlɛnsaan ká Yésu bámáasánda agá kolós nuambaná. 6Udɛgábá andɔ aya, usaman guanyɔg agá ebeguén gɔɔ́gɔ anyɛ́ umɔ́ɔyɛ́d. Ánusián, aya béméebídígínyí wɔ́. 7Ánɔ́b fiaŋ fiaŋ nɛ́nuán, nuɔ́yɛ́dɛ́n bafɔ́nɔfɔ́n bág ká: “Usanyɔg aga ebeguén, uguénúbídényí agá giéns gá gus gá Galilé, uguány nuganuán wɔ́.” Ubuány imánubiánán ká ínuɔ́yɛdɛn.» 8Ebélíki ány fiaŋ. Na buwa bulényibulény na bidɔdɛn giod bámáabiánán, ɔbɔ́gɔ́l ɔdɛ́d gá guɔyɛ́dɛ́n bafɔ́nɔfɔ́n bá Yésu nsɔ́m. 9Kɔ́ na kɔ́, Yésu uwuúl, uwelumen nɔbɔ, uganyɛ gɔ́b ká: «Mbígélídi ó.» Abábɛ́nyɛkɛnɛn wɔ́, abádɛgɛn begɔ́nd bág ebédúm gubúlígenyi wɔ́. 10Yésu uwad guɔyɛd gɔ́b ká: «Nudibiá buwa. Ánɔ́b guɔyɛ́dɛ́n belimen bám ká báb agá giéns gá gus gá Galilé, ány báganúŋán.» 11Anyɛ́ bagánd abaány máabá agá nŋili, gɛdám gá musia gímáabá gá ɔgɛ́g agá gɛbɛl abáb agá tísɔn ɔbɔ́yɛdɛn bɔgɔ́gɔ buanda gidigid búmáabɛ́dɔ́mbaán. 12Bɔgɔ́gɔ na bagɔn bá gɛdɔŋ abál gɛgɔ́s, ɔbɔ́bɔɔ́n ká béŋin musia muonyi giod, 13bágányɛ gá mú ká: «Nugɔguɔ́yɛd ká: “Bafɔ́nɔfɔ́n bá mɔnd ewe soól na budug bémésiéb gɛlɔŋ gág gɛsɛgɛl diságubá dɛbɛ́dɛ́man.” 14Búmánɛ́g ká buóny ubuány mánaám agá idú sá ngɔ́mɔnɔ, digagúlɛns nanyá buófonó ká dígálɛ́d gág, ká únɛɛn buóny nudɛbiá bɛsan.» 15Musia umuány umuɔ́gɔ́l muonyi, umuál anyɛ́ bɔ́mɔ́ɔyɔɔ́n mú. Buóny ubú musia umuány mɔ́ɔyɛ́d, ubuásálámand aga Beyúdɛn, búmabása gubiɔ́yɔ gutɔ gusiám ínen.
Yésu mádɔ́m bafɔ́nɔfɔ́n bág
16Bafɔ́nɔfɔ́n bát na omoom abáb agá giéns gá gus gá Galilé, agá nɔgɔnd unú Yésu méedíbídényí bɔ́. 17Anyɛ́ bámáan wɔ́, ebédúm gubúlígenyi wɔ́, ta anaány, gɛdám ɔgɔ́b gá ɔlɔŋ mabá gɛ́mányɛ gɛ́dɛ́bɛ́n ká uwɔ́, wɔ́. 18Yésu gubɛ́nyɛkɛnɛn bɔ́, uganyɛ gɔ́b ká: «Bányɛ bámfaán bugaga gidigid bá muana ta bá gus. 19Ánɔbaán gɔg agá egúl yá gus gidigid, nuál ká bóndoon bafɔ́nɔfɔ́n bám#28.19 Ámámba gubífuógi, alɛ́ŋɛ́d mbɔbɔnɔ ya Bielínyélínyé., núduenen bɔ́ agá ɔfɛ́n wa sié, na wá mɔɔn, na wá Ɛsámb yá Mefúny, 20nuónd núfúnyifunyi bɔ́ ká bófuógonyi manda gidigid mmáal gán ká nuála. Yaŋuá, inyɛ nanɔ medug mem guám agá nɛmanɛn.»
Currently Selected:
:
Highlight
Share
Copy
Want to have your highlights saved across all your devices? Sign up or sign in
CABTAL