Matáyoso 11
11
1Anɛ́ Yésu máal udɔmbɔɔn guéŋeen mbɛ́dɛ́na isiány gá báfɔ́nɔ́fɔɔ́n bág bát na bándɛ, uwadɔg ány geguúl úfúnyifunyi, wuúl wɔ́yɔ sɔ́n ndág yɛ nsɔ́m ɔgɔ́b gá bá Tísɔn.
Nŋófúny yá Sáŋa na biondiny bá Yésu
(Lúk 7.18-35)
2Anyɛ́ Sáŋa Batísite máabá agá gians gá mbíne, uwɔ́b bágála ɔfɛ́n wa Kilíse gá manda ɔmɔ́ úmáala. Uwadɔ́mɛn wɔ́ gɛdám gá báfɔ́nɔ́fɔɔ́n bág ká bófún wɔ́ ká: 3«Anyɛ ewe “ubiananá ká wuúl e” guméné dɛgubianan ká díbídenyi undodi e?» 4Yésu guondinyi bɔ́ ká: «Gɔɔ́nuɔyɔɔn Sáŋa ubú nuɔ́bɔnɔ́ nuond nuánaán: 5Bebúdebude guánaan, bigónd ánda ndényé, beŋúnúŋúnú éŋúgeen, beduedue ɔ́bɔɔn, ebeguén ányɔgaan, boól bɔ́yɔɔ́n basɔ́gasɔga ndág ya nsɔm. 6Bese giod na ewe ugenuén udɛdɔmbɔ guŋádábaan.»
7Bafɔ́nɔfɔ́n bá Sáŋa máal bémédúm gélem, Yésu uwɔb gá guɔyɔn biŋi bá band ubú Sáŋa nyá, uganyɛ ká: «Giág nunyá gualɛ́ŋá agá giɔ́lɔ e? Nubal unú ofufuny éyéné e? 8Ány gɔg núguánaán ányá e? Mɔnd umáabíláŋá na bɛnɔg bá bɛ́la e? Band bábɛ́láŋaná na bɛnɔg bá bɛ́la gubábá agá bians bá biánt bá band. 9Ány, ányá nuságɔb gá guán e? Ibús ya Gɔdányá e? Ɛ́ɛɛ ngúnuɔ́yɔɔn ká ugúdɔ́mbaan ibús yá Gɔdányá sɔ́n. 10Gágual ká Sáŋa nyɛ ewe uwɔ́ mbɔbɔnɔ ɔ́yɔnɔ́ gág góbusió ká: ɛ́nɛ́, gisiósio ká ásiáma, ngakɛn gusuŋinyi ɔsɔ́mɔsɔm wam ká udábɔ́ná nŋili yɔ́w. 11Agá meliŋítas nŋúnuɔ́yɔɔn ká, gá band gidigid ɔbɔ́ bagánd biénené omoom dɛbá kɔ́ udɔ́mbaná Sáŋa Batísite. Asiá unyá siɔdɛdɛdɛd agá búfuŋ bá muana, uwɔ́ unyá gianta gɔdɔ́mb Sáŋa Batísite. 12Gubanyɛg gigúl ɛgɛ́ Sáŋa Batísite mɔɔ́yɔ́ gugál gá Gɔdányá gusiám ínen, Bufuŋ bá muana nyɛ guɔgɔnɔgɔn, gɔɔ́gɔ bɛgaga biɔ́gɔnɔ́ bú. 13Gá guán, mubús má Gɔdányá gidigid na bisele bá Moyíso mɔyɔ́ Bufuŋ bá muana, ambál agá gɛsɛgɛl gá Sáŋa Batísite. 14Númámba ká nuɔ́b ubú inuɔ́yɔnɔ́ bese, ánulɛ́ns ká, uwɔ́ Sáŋa unyá Elí bɔ́mɔ́ɔyɔ́ gusiondo gág. 15Unyá na idú sá guɔ́b, wɔɔ́b. 16Inyɛ begúgedi nɔgɔndɔ ná band bá ínen na giág o? Bágúbɛ́fuáganan baábayɔ bányá ilukié kɔɔ́m bálaná bilumén agá bɔtísɔn, bábɛ́laan bɔsɔ́g baábayɔ á, bɔ́yɔɔn bɔ́ ká:
17“Dimɔ́dɔ́ŋɔ́ nselu, numén gúbíne!
Dimɔ́núdɔ́ŋɔɔ́n asag wa nigú, banuá ta gubaŋɛd!”
18«Nguɔ́yɔ anaány gágual ká Sáŋa móol egue egegus ɔdɛmanyánan, udɛmabúwánán, ebédúm guɔyɔ ká: “Ɔduɔ́ wág dɛguanda bese.” 19Mɔɔn wá mɔnd uwesiege unyánan, ubúwánan, ebédúm guɔyɔ ká: “Ɛ́nɛ́ gɔ́g ɔdɛm dɛ́m ewe, uwɔ́ nɔ́ ebél magɛ́b, ogúl wa band bɔ́gɔ́lɔnɔ́ tás, na band bálaná bɛfal!” Gigúl gɔ́g diananá manda ɔmɔ́ nsiŋi yá Gɔdányá álaná, dɛguádábaan ká iguála bese.»
Gɔsɔ́g na bɔtísɔn bá Galilé
(Mat 10.15; Lúk 10.12-15)
20Yésu agá ilób nagadá, uwedúm gúgálan band bamáabá agá bɔtísɔn ɔbɔ́, umáalá mesey mág giod kɔ́, gágual ká, bédimebínúgún. Uganyɛ ká: 21«Gɔsɔ́g nanɔ giod banuá band bá Kolasíŋ! Gɔsɔ́g nanɔ giod banuá band bá Bɛ́tɛ́sáyída! Gúmábá ká mesey mámáabɛ́dɔ́mbaán aganuá, mabɛ́dɔ́mbaán sɔ́n agá tísɔn wa Tiíl na Sidɔ́ŋ, gesí feké bámáabiágaán bilefi bá bɛla bá nigú, bébígúgúle sɔ́n ɔtɔ́ gegúdíye ká báguamba gubínúgún. 22Buád buand inuɔ́yɔnɔ́ ká, buɔ́s ubú Gɔdányá ganúsɔ́mba bɛsan, nugényigény ná band bá Kolasíŋ na Bɛ́tɛ́sayída gadɔ́mb nugényígeny ná band bá Tiíl na Sidɔ́ŋ. 23Banuá band bá Kapɛlɛnawúm, begenúbúlígi pát ugumuana e? Ágó! Begenúseli guám aga ebeguén. Agá meliŋítas mmábá ká mesey mámáabɛ́dɔ́mbaán aganuá mabɛ́dɔ́baán Sɔdɔm, gési Sɔdɔm#11.23 Band bámáabá agá bɛdɔŋ bá Sódɔm na Gomɔɔ́l mabá bála biád bá manda giod, buád buanda Gɔdányá máafá bɔ́ nusésídeny. Alɛ́ŋɛ́d Nid19.24-28 máanyɛ kɔ́ gusiáma ínen. 24Kánɛ inuɔ́yɔnɔ́ sɔ́nɔ ká, buɔ́s Gɔdányá ganúsɔ́mba bɛsan, nugényígény nánɔ banuá band bá Kapɛlɛnawum gadɔ́mb nú band bá Sɔdɔ́m.»
Na Sí na Mɔɔn
(Lúk 10.21-22)
25Ádiány, Yésu uwɔgɔ́l gugál uganyɛ ká: «Ngúgukanya, Babá Gɔdányá wa muana na gus, anyɛ́ ɔ́mɔɔ́sɛ́gɛ́n ndánd na bensɛ́ŋínsɛ́ŋ manda amaány, eyedíyé mɔ́ gá duábayuábáy. 26Ɛɛ́ɛ, Babá emebílén ká búbiál anaány. 27Mmadáŋáb buanda gidigid aga Babá. Ta mɔnd ɔdɛ́gɔ́lɛ́nsaan Mɔɔn gɔɔ́gɔ́ asiá Sié, ta mɔnd sɔ́n ɔdɛgɔ́lɛ́nsaan Sié gɔɔ́gɔ asiá Mɔɔn, na ewe sɔ́n uwɔ́ Mɔɔn ámbaná ká gesí umálɛns Sié.
28«Énuúlén agamia, banuá bem nunyá na gɛdɔ́mbɔ na bɛnɔ gɔnɔ́, nganúfá gudúkid. 29Ánubiág gilu gám, nubɛ́gɔ́dɛ́n gufúnyifunyi gám gágual ká ɔdɛm wám nyɛ fueee, na gubíséli. Ɛdɛm sán gabia gifuogidio. 30Búnyɛ́ nɔ́, gilu gámɛ dɛbá múyú gubɛ́dɔ́gɛn, gɛnɔ́ gám sɔ́n nyɛ lág lág.»
Currently Selected:
Matáyoso 11: MMU2
Highlight
Share
Copy
Want to have your highlights saved across all your devices? Sign up or sign in
CABTAL
Matáyoso 11
11
1Anɛ́ Yésu máal udɔmbɔɔn guéŋeen mbɛ́dɛ́na isiány gá báfɔ́nɔ́fɔɔ́n bág bát na bándɛ, uwadɔg ány geguúl úfúnyifunyi, wuúl wɔ́yɔ sɔ́n ndág yɛ nsɔ́m ɔgɔ́b gá bá Tísɔn.
Nŋófúny yá Sáŋa na biondiny bá Yésu
(Lúk 7.18-35)
2Anyɛ́ Sáŋa Batísite máabá agá gians gá mbíne, uwɔ́b bágála ɔfɛ́n wa Kilíse gá manda ɔmɔ́ úmáala. Uwadɔ́mɛn wɔ́ gɛdám gá báfɔ́nɔ́fɔɔ́n bág ká bófún wɔ́ ká: 3«Anyɛ ewe “ubiananá ká wuúl e” guméné dɛgubianan ká díbídenyi undodi e?» 4Yésu guondinyi bɔ́ ká: «Gɔɔ́nuɔyɔɔn Sáŋa ubú nuɔ́bɔnɔ́ nuond nuánaán: 5Bebúdebude guánaan, bigónd ánda ndényé, beŋúnúŋúnú éŋúgeen, beduedue ɔ́bɔɔn, ebeguén ányɔgaan, boól bɔ́yɔɔ́n basɔ́gasɔga ndág ya nsɔm. 6Bese giod na ewe ugenuén udɛdɔmbɔ guŋádábaan.»
7Bafɔ́nɔfɔ́n bá Sáŋa máal bémédúm gélem, Yésu uwɔb gá guɔyɔn biŋi bá band ubú Sáŋa nyá, uganyɛ ká: «Giág nunyá gualɛ́ŋá agá giɔ́lɔ e? Nubal unú ofufuny éyéné e? 8Ány gɔg núguánaán ányá e? Mɔnd umáabíláŋá na bɛnɔg bá bɛ́la e? Band bábɛ́láŋaná na bɛnɔg bá bɛ́la gubábá agá bians bá biánt bá band. 9Ány, ányá nuságɔb gá guán e? Ibús ya Gɔdányá e? Ɛ́ɛɛ ngúnuɔ́yɔɔn ká ugúdɔ́mbaan ibús yá Gɔdányá sɔ́n. 10Gágual ká Sáŋa nyɛ ewe uwɔ́ mbɔbɔnɔ ɔ́yɔnɔ́ gág góbusió ká: ɛ́nɛ́, gisiósio ká ásiáma, ngakɛn gusuŋinyi ɔsɔ́mɔsɔm wam ká udábɔ́ná nŋili yɔ́w. 11Agá meliŋítas nŋúnuɔ́yɔɔn ká, gá band gidigid ɔbɔ́ bagánd biénené omoom dɛbá kɔ́ udɔ́mbaná Sáŋa Batísite. Asiá unyá siɔdɛdɛdɛd agá búfuŋ bá muana, uwɔ́ unyá gianta gɔdɔ́mb Sáŋa Batísite. 12Gubanyɛg gigúl ɛgɛ́ Sáŋa Batísite mɔɔ́yɔ́ gugál gá Gɔdányá gusiám ínen, Bufuŋ bá muana nyɛ guɔgɔnɔgɔn, gɔɔ́gɔ bɛgaga biɔ́gɔnɔ́ bú. 13Gá guán, mubús má Gɔdányá gidigid na bisele bá Moyíso mɔyɔ́ Bufuŋ bá muana, ambál agá gɛsɛgɛl gá Sáŋa Batísite. 14Númámba ká nuɔ́b ubú inuɔ́yɔnɔ́ bese, ánulɛ́ns ká, uwɔ́ Sáŋa unyá Elí bɔ́mɔ́ɔyɔ́ gusiondo gág. 15Unyá na idú sá guɔ́b, wɔɔ́b. 16Inyɛ begúgedi nɔgɔndɔ ná band bá ínen na giág o? Bágúbɛ́fuáganan baábayɔ bányá ilukié kɔɔ́m bálaná bilumén agá bɔtísɔn, bábɛ́laan bɔsɔ́g baábayɔ á, bɔ́yɔɔn bɔ́ ká:
17“Dimɔ́dɔ́ŋɔ́ nselu, numén gúbíne!
Dimɔ́núdɔ́ŋɔɔ́n asag wa nigú, banuá ta gubaŋɛd!”
18«Nguɔ́yɔ anaány gágual ká Sáŋa móol egue egegus ɔdɛmanyánan, udɛmabúwánán, ebédúm guɔyɔ ká: “Ɔduɔ́ wág dɛguanda bese.” 19Mɔɔn wá mɔnd uwesiege unyánan, ubúwánan, ebédúm guɔyɔ ká: “Ɛ́nɛ́ gɔ́g ɔdɛm dɛ́m ewe, uwɔ́ nɔ́ ebél magɛ́b, ogúl wa band bɔ́gɔ́lɔnɔ́ tás, na band bálaná bɛfal!” Gigúl gɔ́g diananá manda ɔmɔ́ nsiŋi yá Gɔdányá álaná, dɛguádábaan ká iguála bese.»
Gɔsɔ́g na bɔtísɔn bá Galilé
(Mat 10.15; Lúk 10.12-15)
20Yésu agá ilób nagadá, uwedúm gúgálan band bamáabá agá bɔtísɔn ɔbɔ́, umáalá mesey mág giod kɔ́, gágual ká, bédimebínúgún. Uganyɛ ká: 21«Gɔsɔ́g nanɔ giod banuá band bá Kolasíŋ! Gɔsɔ́g nanɔ giod banuá band bá Bɛ́tɛ́sáyída! Gúmábá ká mesey mámáabɛ́dɔ́mbaán aganuá, mabɛ́dɔ́mbaán sɔ́n agá tísɔn wa Tiíl na Sidɔ́ŋ, gesí feké bámáabiágaán bilefi bá bɛla bá nigú, bébígúgúle sɔ́n ɔtɔ́ gegúdíye ká báguamba gubínúgún. 22Buád buand inuɔ́yɔnɔ́ ká, buɔ́s ubú Gɔdányá ganúsɔ́mba bɛsan, nugényigény ná band bá Kolasíŋ na Bɛ́tɛ́sayída gadɔ́mb nugényígeny ná band bá Tiíl na Sidɔ́ŋ. 23Banuá band bá Kapɛlɛnawúm, begenúbúlígi pát ugumuana e? Ágó! Begenúseli guám aga ebeguén. Agá meliŋítas mmábá ká mesey mámáabɛ́dɔ́mbaán aganuá mabɛ́dɔ́baán Sɔdɔm, gési Sɔdɔm#11.23 Band bámáabá agá bɛdɔŋ bá Sódɔm na Gomɔɔ́l mabá bála biád bá manda giod, buád buanda Gɔdányá máafá bɔ́ nusésídeny. Alɛ́ŋɛ́d Nid19.24-28 máanyɛ kɔ́ gusiáma ínen. 24Kánɛ inuɔ́yɔnɔ́ sɔ́nɔ ká, buɔ́s Gɔdányá ganúsɔ́mba bɛsan, nugényígény nánɔ banuá band bá Kapɛlɛnawum gadɔ́mb nú band bá Sɔdɔ́m.»
Na Sí na Mɔɔn
(Lúk 10.21-22)
25Ádiány, Yésu uwɔgɔ́l gugál uganyɛ ká: «Ngúgukanya, Babá Gɔdányá wa muana na gus, anyɛ́ ɔ́mɔɔ́sɛ́gɛ́n ndánd na bensɛ́ŋínsɛ́ŋ manda amaány, eyedíyé mɔ́ gá duábayuábáy. 26Ɛɛ́ɛ, Babá emebílén ká búbiál anaány. 27Mmadáŋáb buanda gidigid aga Babá. Ta mɔnd ɔdɛ́gɔ́lɛ́nsaan Mɔɔn gɔɔ́gɔ́ asiá Sié, ta mɔnd sɔ́n ɔdɛgɔ́lɛ́nsaan Sié gɔɔ́gɔ asiá Mɔɔn, na ewe sɔ́n uwɔ́ Mɔɔn ámbaná ká gesí umálɛns Sié.
28«Énuúlén agamia, banuá bem nunyá na gɛdɔ́mbɔ na bɛnɔ gɔnɔ́, nganúfá gudúkid. 29Ánubiág gilu gám, nubɛ́gɔ́dɛ́n gufúnyifunyi gám gágual ká ɔdɛm wám nyɛ fueee, na gubíséli. Ɛdɛm sán gabia gifuogidio. 30Búnyɛ́ nɔ́, gilu gámɛ dɛbá múyú gubɛ́dɔ́gɛn, gɛnɔ́ gám sɔ́n nyɛ lág lág.»
Currently Selected:
:
Highlight
Share
Copy
Want to have your highlights saved across all your devices? Sign up or sign in
CABTAL