Sáŋa 20
20
Guám gá Yésu agá gɛbɛl
(Mat 28.1-10; Mál 16.1-8; Lúk 24.1-12)
1Tútútú budug bá sɔndiɔ, Maliá wa Magadala gɔb agá gɛbɛl na dulimbíné. Anyɛ́ umáab guámá, uwaán ká nɛdány bámáag agá niíd ná gɛbɛl dɛmand gubá. 2Uwɔgɔ́l ɔdɛ́d gá gɔb guán Símune Piéle bámáabá na ɔfɔ́nɔfɔ́n omodió, ɔfɔ́nɔfɔ́n Yésu máabá ubíléné giod. Anyɛ́ umáab guám, uganyɛ gɔ́b ká: «Béguéli gɛlɔŋ gá Yésu Ɔgúnɔ́ wasɔ agá gɛbɛl, didigúlɛnsaan kɔɔ́m bányá guág gɛ́.» 3Piéle na ɔfɔ́nɔfɔ́n omodió uwaány bámáabá ɔlɔŋ guám gá gɔ́b agá gɛbɛl. 4Bem wɔ́b mabá bédíne. Sɔ́gɔ́ bámáabá ɔlɔŋ, uwakɛn guám agá gɛbɛl gágual ká umedíné gudɔ́mb Piéle. 5Wámáná, uwegudimid, uwaán biéns bá bɛla bɛ́máabá bibémbélídény egegus. Udimebíŋín gɔg nagadá. 6Símune Piéle umáabá uládaan wɔ́ máal na gusiám gá igág gɛsɛgɛl, uwebíŋín agá gɛbɛl. Umáal ubíŋene, uwaán biéns bá bɛla bɛ́máabá egegus, 7na nábɛ́kɛn bámáagɔ́d ɔduɔ́ wá Yésu na wɔ́; udimabá ebulídényi na biéns bá bɛla, umabá gágálá gágálá sáŋal agá kɔɔ́m gómodió. 8Kányɛ gɔg ɔfɔ́nɔfɔ́n omodió uwaány, ewe umáab guám wobusió agá gɛbɛl méebíŋín gá igág gɛsɛgɛl; umáal úmébíŋíne, uwaán, uwond uwádáb ká Yésu sanyɔg gá ebeguen. 9Gá guán, gutɔ gusiám gá gɛsɛgɛl igiány, bafɔ́nɔfɔ́n mabá bámányɛ bádɛ́sɔ́ŋɔ́n giéns gá inyɔ́ŋ gá mbɔbɔnɔ gímáabá giɔ́yɔ nanyá Yésu mábiánán ká wányɔg agá ebeguén. 10Agá gélem ány, bafɔ́nɔfɔ́n bándɛ abaány ebéguúg ɔgɔbɔ́.
Yésu gúgálagal na Maliá wa Magadala
(Mál 16.9-11)
11Maliá mabá ndénye egúy na gɛbɛl, umabá ubaŋa. Gɛsɛgɛl umáabá ubaŋa, uwegudimid uwalɛ́ŋɛ́d nagadá wa gɛbɛl; 12uwaán ɛngɛlɛs bándɛ ilukié kɔɔ́m bámáag gɛlɔŋ gá Yésu nsua, bámabiánán bɛla fuúmmm. Omoom mabá ilukié agá kɔɔ́m ɔduɔ́ wá Yésu máabá nsua, omodió agá kɔɔ́m bɛgɔnd máabá. 13Obófún wɔ́ ká: «Agánd, gágiág abaŋaná e?» Uwondinyi bɔ́ ká: «Gɛlɔŋ gá Ɔgúnɔ́ dɛgábá andɔ, ndɛgɔ́lɛnsaan kɔɔ́m bányá bágán gɛ́.» 14Umáal úmáagála anaány, uwabɛ́guagalɛd, uwaán mɔnd umáabá ány ndényé, udɛmalɛns gɔg ká búmabá Yésu. 15Yésu guófún wɔ́ ká: «Agánd, góbúsió bágiág abaŋaná? Ányá ambaná e?» Uwegedi ká mɔnd umáabá wala buol agá gɛsɔ́mb umáabá ugálá gág. Buád buanda umoófún wɔ́ ká: «Ɔgúnɔ́ ímábá aŋuá eseéguéli gɛ́, íŋɔyɛ́dɛ́n kɔɔ́m gínyá, yɛ́b yɔ́gɔ́l gɛ́.» 16Uwabɛ́lɛ́gɛn wɔ́, uganyɛ ká: «Maliá!» Uwedúmbi gubíguagalɛd, uganyɛ gág na nuébelé ká: «Labúni!» Anaány guámba guɔyɛd ká ofúnyifúny. 17Yésu ganyɛ gág ká: «Edindúmbí gɛsɛgɛl#20.17 Bómodio guɔ́yɔ ká: Ɔdɛmbɛ́gɔ́dɛ́n gágual ká imányɛ ndɛbɔ́lɛ́g agá Babá. Ɛmbɛ guɔyɛ́dɛ́n bafɔ́nɔfɔ́n bám, ál gɔ́b ká Ɔgúnɔ́ máal ká umébúlígí agá Sié unyá sɔ́n Babá wasɔ, agá Gɔdányá unyá sɔ́n Gɔdányá wasɔ.» 18Maliá wa Magadala gɔb gɔg gá guɔyɛ́dɛ́n bafɔ́nɔfɔ́n. Anyɛ́ umáab guám uganyɛ ká: «Imaán Ɔgúnɔ́!» Uwɔyɔɔn bɔ́ giág gidigid Yésu máal gág ká wɔ́yɔ.
Yésu mébídíyé gá bafɔ́nɔfɔ́n bág
(Mat 28.16-20; Mál 16.14-18; Lúk 24.36-49)
19Na niɔb ná waád sɔ́ndiɔ omoom, bafɔ́nɔfɔ́n mabɛ́gɔ́sɛ́gán agá gians. Gágual ká bámabá bédíne bagɔn bá Beyúdɛn, buád buanda béméfúg eŋíd yá gians gidigid, bámabá kɔ́ na dufúnin. Yésu guúl, uwedélímin gadágadá wɔbɔ, uganyɛ ká: «Bumbén bá nanɔ.» 20Umáal úmáagálɛ́d, uwedíye bɔ́ ɛmbɔ́g ság na nɔndɔ nág. Bafɔ́nɔfɔ́n mɔ́ɔbɔɔ́n bese giod anyɛ́ bámáan Ɔgúnɔ́. 21Yésu guand guɔyɛd gɔ́b ká: «Bumbén bá nanɔ. Anyɛ́ Babá máandɔ́mɔ, yaŋuá sɔ́n imánɔ́dɔ́m.» 22Agá gélem anyɛ́, uwefúnyídin bɔ́, uganyɛ ká: «Anugɛ́ndɛ́gɛ́n Ɛsámb yá Mefúny; 23band ɔbɔ́ nuganúnɛnɛn bɔ́ bɛfal bɔ́b, Gɔdányá sɔ́n ganɛnɛn bɔ́; ɔbɔ́ nugenuén gunɛnɛn bɔ́, Gɔdányá sɔ́n dɛganɛnɛn bɔ́.»
Yésu gúgála na Tómasia
24Tómasia gɔg, omoom wa bát na bándɛ bábɛ́laná sɔ́n ká Didim, dɛmabá na bɔsɔ́g bafɔ́nɔfɔ́n gɛsɛgɛl Yésu méebídíyé gɔ́b. 25Bɔsɔ́gɔ́ abaány ganyɛ gág ká: «Dɛsaán Ɔgúnɔ́.» Ɔwɔ́ gɔg guondinyi bɔ́ ká: «Yaŋuá kand guán imféŋ imfɔ́ŋɔ máanɛɛ́n agág gá ɛmbɔ́g, ímaál ndiág inɔ́nɔ́ yám agá kɔɔ́m imfɔ́ŋɔ máanɛɛ́n imféŋ, imaál ndiág sɔ́n inɔ́nɔ́ yám nɔndo nág, ndɛba bágɔ́bɛ́n ká unyɛ ɔgɔ́s.» 26Sɔ́ndiɔ umáaládaán, bafɔ́nɔfɔ́n mánd gúbá babɛ́gɔ́sɛ́gán agá gians ɔlɔŋ na Tómasia. Ta anyɛ́ eŋíd yá gians máabá éfúgén ná dufúnin, Yésu guúl, uwedélímin agá gadágadá wɔbɔ, uganyɛ ká: «Bumbén bá nanɔ.» 27Umáal na guɔyɛd anaány, uganyɛ gá Tómasia ká: «Ág inɔ́nɔ́ yɔ́w aya, óndo alɛ́ŋɛ́d ɛmbɔ́g sám; ányɛkɛn ɔmbɔ́g wɔ́w aya, ónd ág wɔ́ agá nɔndɔ nám. Dɔmbɔ guágaan mfal, inyɛ ɔgɔ́s ádáb gɔg nɛ́nuán ká ngúsɔ́dɔɔn.» 28Tómasia guondinyi wɔ́ ká: «Anyɛ Ɔgúnɔ́ wám, aŋuá nɔ́ Gɔdányá wam.» 29Yésu ganyɛ gág ká: «Gágual ká amáŋán buád buanda amánuádáb; bese giod na ebe bádábaná kand guáná.»
Buanda búmáal ká Sáŋa ɔ́ŋ mbɔbɔnɔ eye
30Agá eŋís yá bafɔ́nɔfɔ́n bág, Yésu malá giod gá mesey, mómodió dibá mɔ́ɔŋɔ́n agá mbɔbɔnɔ eye. 31Gɛdam gímɔ́ɔbiɔ́ŋ, bɔ́mɔ́ɔŋ gɛ́ ká nuádáb ká Yésu nyɛ Kilíse bɔ́dɔ́búnɔ, mɔɔn wá Gɔdányá. Sɔ́n ká númádábaan wɔ́, nugadáŋáb gusɔ́d gá kand nɛmanɛ́ná agagá.
Currently Selected:
Sáŋa 20: MMU2
Highlight
Share
Copy
Want to have your highlights saved across all your devices? Sign up or sign in
CABTAL
Sáŋa 20
20
Guám gá Yésu agá gɛbɛl
(Mat 28.1-10; Mál 16.1-8; Lúk 24.1-12)
1Tútútú budug bá sɔndiɔ, Maliá wa Magadala gɔb agá gɛbɛl na dulimbíné. Anyɛ́ umáab guámá, uwaán ká nɛdány bámáag agá niíd ná gɛbɛl dɛmand gubá. 2Uwɔgɔ́l ɔdɛ́d gá gɔb guán Símune Piéle bámáabá na ɔfɔ́nɔfɔ́n omodió, ɔfɔ́nɔfɔ́n Yésu máabá ubíléné giod. Anyɛ́ umáab guám, uganyɛ gɔ́b ká: «Béguéli gɛlɔŋ gá Yésu Ɔgúnɔ́ wasɔ agá gɛbɛl, didigúlɛnsaan kɔɔ́m bányá guág gɛ́.» 3Piéle na ɔfɔ́nɔfɔ́n omodió uwaány bámáabá ɔlɔŋ guám gá gɔ́b agá gɛbɛl. 4Bem wɔ́b mabá bédíne. Sɔ́gɔ́ bámáabá ɔlɔŋ, uwakɛn guám agá gɛbɛl gágual ká umedíné gudɔ́mb Piéle. 5Wámáná, uwegudimid, uwaán biéns bá bɛla bɛ́máabá bibémbélídény egegus. Udimebíŋín gɔg nagadá. 6Símune Piéle umáabá uládaan wɔ́ máal na gusiám gá igág gɛsɛgɛl, uwebíŋín agá gɛbɛl. Umáal ubíŋene, uwaán biéns bá bɛla bɛ́máabá egegus, 7na nábɛ́kɛn bámáagɔ́d ɔduɔ́ wá Yésu na wɔ́; udimabá ebulídényi na biéns bá bɛla, umabá gágálá gágálá sáŋal agá kɔɔ́m gómodió. 8Kányɛ gɔg ɔfɔ́nɔfɔ́n omodió uwaány, ewe umáab guám wobusió agá gɛbɛl méebíŋín gá igág gɛsɛgɛl; umáal úmébíŋíne, uwaán, uwond uwádáb ká Yésu sanyɔg gá ebeguen. 9Gá guán, gutɔ gusiám gá gɛsɛgɛl igiány, bafɔ́nɔfɔ́n mabá bámányɛ bádɛ́sɔ́ŋɔ́n giéns gá inyɔ́ŋ gá mbɔbɔnɔ gímáabá giɔ́yɔ nanyá Yésu mábiánán ká wányɔg agá ebeguén. 10Agá gélem ány, bafɔ́nɔfɔ́n bándɛ abaány ebéguúg ɔgɔbɔ́.
Yésu gúgálagal na Maliá wa Magadala
(Mál 16.9-11)
11Maliá mabá ndénye egúy na gɛbɛl, umabá ubaŋa. Gɛsɛgɛl umáabá ubaŋa, uwegudimid uwalɛ́ŋɛ́d nagadá wa gɛbɛl; 12uwaán ɛngɛlɛs bándɛ ilukié kɔɔ́m bámáag gɛlɔŋ gá Yésu nsua, bámabiánán bɛla fuúmmm. Omoom mabá ilukié agá kɔɔ́m ɔduɔ́ wá Yésu máabá nsua, omodió agá kɔɔ́m bɛgɔnd máabá. 13Obófún wɔ́ ká: «Agánd, gágiág abaŋaná e?» Uwondinyi bɔ́ ká: «Gɛlɔŋ gá Ɔgúnɔ́ dɛgábá andɔ, ndɛgɔ́lɛnsaan kɔɔ́m bányá bágán gɛ́.» 14Umáal úmáagála anaány, uwabɛ́guagalɛd, uwaán mɔnd umáabá ány ndényé, udɛmalɛns gɔg ká búmabá Yésu. 15Yésu guófún wɔ́ ká: «Agánd, góbúsió bágiág abaŋaná? Ányá ambaná e?» Uwegedi ká mɔnd umáabá wala buol agá gɛsɔ́mb umáabá ugálá gág. Buád buanda umoófún wɔ́ ká: «Ɔgúnɔ́ ímábá aŋuá eseéguéli gɛ́, íŋɔyɛ́dɛ́n kɔɔ́m gínyá, yɛ́b yɔ́gɔ́l gɛ́.» 16Uwabɛ́lɛ́gɛn wɔ́, uganyɛ ká: «Maliá!» Uwedúmbi gubíguagalɛd, uganyɛ gág na nuébelé ká: «Labúni!» Anaány guámba guɔyɛd ká ofúnyifúny. 17Yésu ganyɛ gág ká: «Edindúmbí gɛsɛgɛl#20.17 Bómodio guɔ́yɔ ká: Ɔdɛmbɛ́gɔ́dɛ́n gágual ká imányɛ ndɛbɔ́lɛ́g agá Babá. Ɛmbɛ guɔyɛ́dɛ́n bafɔ́nɔfɔ́n bám, ál gɔ́b ká Ɔgúnɔ́ máal ká umébúlígí agá Sié unyá sɔ́n Babá wasɔ, agá Gɔdányá unyá sɔ́n Gɔdányá wasɔ.» 18Maliá wa Magadala gɔb gɔg gá guɔyɛ́dɛ́n bafɔ́nɔfɔ́n. Anyɛ́ umáab guám uganyɛ ká: «Imaán Ɔgúnɔ́!» Uwɔyɔɔn bɔ́ giág gidigid Yésu máal gág ká wɔ́yɔ.
Yésu mébídíyé gá bafɔ́nɔfɔ́n bág
(Mat 28.16-20; Mál 16.14-18; Lúk 24.36-49)
19Na niɔb ná waád sɔ́ndiɔ omoom, bafɔ́nɔfɔ́n mabɛ́gɔ́sɛ́gán agá gians. Gágual ká bámabá bédíne bagɔn bá Beyúdɛn, buád buanda béméfúg eŋíd yá gians gidigid, bámabá kɔ́ na dufúnin. Yésu guúl, uwedélímin gadágadá wɔbɔ, uganyɛ ká: «Bumbén bá nanɔ.» 20Umáal úmáagálɛ́d, uwedíye bɔ́ ɛmbɔ́g ság na nɔndɔ nág. Bafɔ́nɔfɔ́n mɔ́ɔbɔɔ́n bese giod anyɛ́ bámáan Ɔgúnɔ́. 21Yésu guand guɔyɛd gɔ́b ká: «Bumbén bá nanɔ. Anyɛ́ Babá máandɔ́mɔ, yaŋuá sɔ́n imánɔ́dɔ́m.» 22Agá gélem anyɛ́, uwefúnyídin bɔ́, uganyɛ ká: «Anugɛ́ndɛ́gɛ́n Ɛsámb yá Mefúny; 23band ɔbɔ́ nuganúnɛnɛn bɔ́ bɛfal bɔ́b, Gɔdányá sɔ́n ganɛnɛn bɔ́; ɔbɔ́ nugenuén gunɛnɛn bɔ́, Gɔdányá sɔ́n dɛganɛnɛn bɔ́.»
Yésu gúgála na Tómasia
24Tómasia gɔg, omoom wa bát na bándɛ bábɛ́laná sɔ́n ká Didim, dɛmabá na bɔsɔ́g bafɔ́nɔfɔ́n gɛsɛgɛl Yésu méebídíyé gɔ́b. 25Bɔsɔ́gɔ́ abaány ganyɛ gág ká: «Dɛsaán Ɔgúnɔ́.» Ɔwɔ́ gɔg guondinyi bɔ́ ká: «Yaŋuá kand guán imféŋ imfɔ́ŋɔ máanɛɛ́n agág gá ɛmbɔ́g, ímaál ndiág inɔ́nɔ́ yám agá kɔɔ́m imfɔ́ŋɔ máanɛɛ́n imféŋ, imaál ndiág sɔ́n inɔ́nɔ́ yám nɔndo nág, ndɛba bágɔ́bɛ́n ká unyɛ ɔgɔ́s.» 26Sɔ́ndiɔ umáaládaán, bafɔ́nɔfɔ́n mánd gúbá babɛ́gɔ́sɛ́gán agá gians ɔlɔŋ na Tómasia. Ta anyɛ́ eŋíd yá gians máabá éfúgén ná dufúnin, Yésu guúl, uwedélímin agá gadágadá wɔbɔ, uganyɛ ká: «Bumbén bá nanɔ.» 27Umáal na guɔyɛd anaány, uganyɛ gá Tómasia ká: «Ág inɔ́nɔ́ yɔ́w aya, óndo alɛ́ŋɛ́d ɛmbɔ́g sám; ányɛkɛn ɔmbɔ́g wɔ́w aya, ónd ág wɔ́ agá nɔndɔ nám. Dɔmbɔ guágaan mfal, inyɛ ɔgɔ́s ádáb gɔg nɛ́nuán ká ngúsɔ́dɔɔn.» 28Tómasia guondinyi wɔ́ ká: «Anyɛ Ɔgúnɔ́ wám, aŋuá nɔ́ Gɔdányá wam.» 29Yésu ganyɛ gág ká: «Gágual ká amáŋán buád buanda amánuádáb; bese giod na ebe bádábaná kand guáná.»
Buanda búmáal ká Sáŋa ɔ́ŋ mbɔbɔnɔ eye
30Agá eŋís yá bafɔ́nɔfɔ́n bág, Yésu malá giod gá mesey, mómodió dibá mɔ́ɔŋɔ́n agá mbɔbɔnɔ eye. 31Gɛdam gímɔ́ɔbiɔ́ŋ, bɔ́mɔ́ɔŋ gɛ́ ká nuádáb ká Yésu nyɛ Kilíse bɔ́dɔ́búnɔ, mɔɔn wá Gɔdányá. Sɔ́n ká númádábaan wɔ́, nugadáŋáb gusɔ́d gá kand nɛmanɛ́ná agagá.
Currently Selected:
:
Highlight
Share
Copy
Want to have your highlights saved across all your devices? Sign up or sign in
CABTAL