Bielínyélínyé 23
23
1Pólo uwadámb band bámáabá agá nɛgál ɛnɛgɔn ná Beyúdɛn eŋís, uganyɛ ká: «Belimen, imedúm gúsɔ́dɔɔn góbusió bá Gɔdányá gutɔ gusiám ínen, ndɛbá ta na buanda báguágɛ́naan gá bɔ́ sɔ́n.» 2Ɔgɔ́gɔ, Ananiása uwéŋin bugaga ká bánáŋɛ́d Pólo agá niíd. 3Pólo ganyɛ gág ká: «Aŋuá bunɔ́g bá yubu ebue, Gɔdányá gagúnúnáŋɛ́d! Anyɛ ilukié ány ká éngélenyi anyɛ́ bisele ɔ́yɔnɔ́, éŋeén bugaga ká béngide, saá anaány bisele ɔ́yɔnɔ́.» 4Ebe bámáabá egúy na Pólo ganyɛ gág ká: «Agúsɛga Ɔgɔ́gɔ e?» 5Pólo uwondinyi ká: «Belimen, ndɛmálɛnsaan ká unyɛ ɔgɔ́n wa bɔgɔ́gɔ, ngúlɛnsaan ká inyɔ́ŋ guɔ́yɔ ká: Adɛ́nugálɛ́d bɔbɛ gá úbú búlɛ́ŋaná ofuŋ wa nigúl nɔ́w.» 6Pólo malɛnsaán ká band bányá agá nɛgál nyɛ na Basaduseyɛ́ŋ, na Bafalisiɛ́ŋ. Buád buand umáansɛ́d ekelu magɔ́gɔ́n agá gadágadá wɔbɔ, uganyɛ ká: «Belimen, inyɛ Falisiɛ́ŋ, gubién gá Bafalisiɛ́ŋ. Bégúngélenyi gágual ká nguádábaan ká band ebeguén ganyɔg, gá bú béngélenyé.» 7Pólo máal na guɔyɛd buóny ubuány, Bafalisiɛ́ŋ na Basaduseyɛ́ŋ abábanyɛg guegenyigenyi, giɔ́b igiábiáfɛd. 8Basaduseyɛ́ŋ guɔ́yɔ ká guanyɔg gá ebeguén dɛbá, ta ɛngɛlɛs, ta bíliíndié, nánié Bafalisiɛ́ŋ guádábaan mɔ́ gidigid. 9Band gidigid ebédúm guánsa. Bóŋ bisele bóndodi agá ɔlɔŋ wá Bafalisiɛ́ŋ guadɔg na bugaga bágányɛ ká: «Díguánaan ká mɔnd ewe dɛmaál ta buanda bá bɔbɛ. Ala gíliíndié gúmén ɛngɛlɛs mágálɛ́d gág.» 10Anyɛ́ guegenyigenyi máabá gúgányɛ bugaga, ɔgɔ́n wa bagɔn bá musia uwabia buwa ká bádígafɛ́d Pólo biéns biéns. Buád buanda uméeŋín bugaga gá musia mág ká bédúnúg agá nɛgál ɛnɛgɔn, bɔɔ́g Pólo, bósiond naga agá nuyá nugɔ́n. 11Mémbelibél na budúg, Ɔgúnɔ́ uwámɛ́n Pólo, uganyɛ gág ká: «Bá guanyɛguany, eméelí gɛ́laluá gám góbúsió aya Yelúsalɛm, búguófoon sɔ́n ká éli gɛ́laluá nɛnám nímoom Lɔ́m.»
Beyúdɛn guɔ́ŋoon Pólo ɛdɔg
12Gúbélénenyi na budúdug, Beyúdɛn bóndodi oboóŋ ɛdɔg, abábɛ́lia, abásɔ́mb ká bádɛ́bá bágúnyá, ta gubúwa kand gubá ká bɔ́mɔ́ɔn Pólo. 13Ebe bómóoŋ ɛdɔg iyaány madɔ́mbaán etín ándɛ. 14Ɔbɔ́nɔyɛ́dɛ́n bɔgɔ́gɔ na bagɔn. Bágányɛ gɔ́b ká: «Dɛsabɛ́sɔ́mbɛ́n, dɛmábɛ́liá ká, didigagúbiág buanda agás gá duna dímábá dimaányɛ didiɔ́n Pólo. 15Banuá gɔg ekelu ómoom na bagɔn bá nɛgál ɛnɛgɔn, ɔ́nuɔyɛ́dɛ́n ɔgɔ́n wa bagɔn bá musia ká únúlénín Pólo. Nuál gág ká, gág góbusió nunyá ilukié ká núlɛ́ns buóny bág bese na bese. Basuá dɛnyɛ ndényé ká diɔ́n wɔ́ gisiósio ká úsiám.» 16Embiény wá Pólo, mɔɔn wa endimen wág wa agánd, uwɔɔ́b bágála ɛdɔg iyaány. Uwɔ́ gɔb guebíŋín agá nuyá nugɔ́n, uwebiés Pólo. 17Pólo uwabɛ́lɛ́gɛn gɔg ɔgɔ́n wa musia uwomoom, uganyɛ gág ká: «Mbɛ́ na Ndɔmbuɔ́ ya mɔnd eye aga ɔgɔ́n wa bagɔn bá musia, gágual ká, ugúbianan buanda bɔ́guɔyɛdɛn wɔ́.» 18Mɔnd uwaány uwɔgɔ́l ndɔmbuɔ́ iyaány, uwɔb na yɛ́ aga ɔgɔ́n uwaány, uganyɛ ká: «Gɛmbɔg Pólo sambɛ́lɛ́gɛn, umáal gám ká ngúlín na ndɔmbuɔ́ eye, igúbianan buóny bágual ká íguɔyɛdɛn.» 19Ɔgɔ́n uwaány uwɔgɔ́l ndɔmbuɔ́ iyaány agá ɔmbɔ́g, uwɔbɛ́gɔ́gɛ́d na yɛ́ uwɔ́ eŋényé. Uwófún yɛ́ ká: «Giág ányá na gɛ́ gá guŋɔyɛdɛn e?» 20Iyóndinyi ká: «Beyúdɛn bóndodi águám ekelu ká bɔ́guɔyɛdɛn ká, nŋɔ́guɔ́, oól na Pólo ogóbusió bá nɛgál nɔ́b, ká úgédi ká, báguámba guanɔn buóny bág bese na bese. 21Adiádábɛ́n bɔ́, band etín ándɛ ɔgɔ́b gá ɔlɔŋ guámba gubiɔ́sɛgɛn wɔ́ ká bádɛgɛn wɔ́. Bágubɛ́lia ká bádɛ́bá bágúnyá, ta ká gubúwá bámaál bámányɛ bɔ́diɔ́n Pólo. Nɛ́nuán, bányɛ ndényé, bégúbídenyi gɔɔ́gɔ ká ádáb.» 22Ɔgɔ́n wa Musia uwaány uwɔyɛd gá ndɔ́mbuɔ́ ká: «Ɔdiɔyɛ́dɛ́n mɔnd buóny ɔmɔ́nuŋɔyɛ́dɛ́n.» Uwegúgi mɔ́nɔmbɔ.
Bémédúmbí Pólo Sesalé
23Agá gélem ány, ɔgɔ́n wa bagɔn bá musia uwabɛ́lɛ́gɛn bagɔn bág bá musia bándɛ, uganyɛ gɔg ká: «Ánugɔ́sɛd musia dɔgɔ́n duándɛ, musia má bɛkabɛlɛ etín ádadɔ na biát, béti ɔŋɔŋɔ dɔgɔ́n duándɛ. Banuá gidigid núbɛ́dábɔ́n gá gɔb Sesalé gá bɛsɛgɛl biányɛ́manyɛ nomo bá budug. 24Ánúdábɔ́n sɔ́n bɛkabɛlɛ gá gúbɛ́dɔ́gɛn Pólo ká nɔ́b naga aga ngɔ́mɔno Felíse, ta buanda búdiál wɔ́.» 25-26Ɔgɔ́n wa bagɔn bá musia uwaány ɔfɛ́n ká Kolódo Lísiása uwɔɔ́ŋ mbɔbɔnɔ uganyɛ ká: «Imébígélídí ɔgúnɔ́gɔ́n ngɔ́mɔnɔ Felíse. 27Beyúdɛn ɔ́gugɔ́l mɔnd uwaány imánugudɔ́mɛn, bágubá ká bɔɔ́n wɔ́, iyasiám na musia mám, iyaŋɔ́n wɔ́, Nguɔ́b ká unyɛ mɔɔn wá Lomɛ́ŋ. 28Anyɛ́ inyá gubá yamba ká nlɛ́ns buanda Beyúdɛn bóndodi fudenyé wɔ́ gá bɔ́, iyɛɛb naga ɔgɔ́b gá nɛgál ɛnɛgɔn. 29Nguán ká bɔ́gusɔ́mɛ́n wɔ́ gá mand málɛ́ŋaná bisele bɔ́b bɔ́bɔ́ muát. Bádɛgúbianan gɔg ta nɛɛ́m ná gual ká bɔɔ́n wɔ́, ta ká bág wɔ́ agá gians gá mbíne. 30Anyɛ́ bányá gumbiés ká Beyúdɛn móoŋ ɛdɔg gág góbusió, buád buanda imánugudɔ́mɛ́n wɔ́ nɛ́nuán. Nsɔyɛdɛn ebe bányá gusɔ́mɛ́n wɔ́ ká básɛdál gisɔ́mɔnɔ gɔ́b ɔgɔwɔ.» 31Musia umuál anyɛ́ ɔgɔ́n wɔ́b mɔ́ɔyɛ́d. Ɔbɔ́gɔ́l Pólo na budug, abaáb naga agá tísɔn wa Antipatilís. 32Mémbelibélí, musia múmáandá egegus, umuébídúnyígin agá gɛgaga gá nuyá, abátɛɛ́n ebe bámáabá babɔ́lɛ́gán agá bɛkabɛlɛ, abáb na ɔŋɛnd nobusió na Pólo. 33Bámáal na guám Sesalé, musia má bɛkabɛlɛ umuéŋin ngɔ́mɔnɔ mbɔbɔnɔ ɔlɔŋ na Pólo. 34Ngɔ́mɔnɔ uwaány uwabanan mbɔbɔnɔ uwófún ká unyɛ wa giéns gá gus gínúm. Anyɛ́ umáalɛ́ns ká Pólo nyɛ wa giéns gá gus gá Silisí, 35Ngɔ́mɔnɔ iyaány ganyɛ gá Pólo ká: «Ngegugélí anyɛ́ ebe bɔ́gúsɔ́mɔnɔ́ ganúsiam.» Uwéŋin gɔg bugaga ká báb guebíŋínyí Pólo agá ndáŋá ɛyɛ Elódo máafuág.
Currently Selected:
Bielínyélínyé 23: MMU2
Highlight
Share
Copy
Want to have your highlights saved across all your devices? Sign up or sign in
CABTAL
Bielínyélínyé 23
23
1Pólo uwadámb band bámáabá agá nɛgál ɛnɛgɔn ná Beyúdɛn eŋís, uganyɛ ká: «Belimen, imedúm gúsɔ́dɔɔn góbusió bá Gɔdányá gutɔ gusiám ínen, ndɛbá ta na buanda báguágɛ́naan gá bɔ́ sɔ́n.» 2Ɔgɔ́gɔ, Ananiása uwéŋin bugaga ká bánáŋɛ́d Pólo agá niíd. 3Pólo ganyɛ gág ká: «Aŋuá bunɔ́g bá yubu ebue, Gɔdányá gagúnúnáŋɛ́d! Anyɛ ilukié ány ká éngélenyi anyɛ́ bisele ɔ́yɔnɔ́, éŋeén bugaga ká béngide, saá anaány bisele ɔ́yɔnɔ́.» 4Ebe bámáabá egúy na Pólo ganyɛ gág ká: «Agúsɛga Ɔgɔ́gɔ e?» 5Pólo uwondinyi ká: «Belimen, ndɛmálɛnsaan ká unyɛ ɔgɔ́n wa bɔgɔ́gɔ, ngúlɛnsaan ká inyɔ́ŋ guɔ́yɔ ká: Adɛ́nugálɛ́d bɔbɛ gá úbú búlɛ́ŋaná ofuŋ wa nigúl nɔ́w.» 6Pólo malɛnsaán ká band bányá agá nɛgál nyɛ na Basaduseyɛ́ŋ, na Bafalisiɛ́ŋ. Buád buand umáansɛ́d ekelu magɔ́gɔ́n agá gadágadá wɔbɔ, uganyɛ ká: «Belimen, inyɛ Falisiɛ́ŋ, gubién gá Bafalisiɛ́ŋ. Bégúngélenyi gágual ká nguádábaan ká band ebeguén ganyɔg, gá bú béngélenyé.» 7Pólo máal na guɔyɛd buóny ubuány, Bafalisiɛ́ŋ na Basaduseyɛ́ŋ abábanyɛg guegenyigenyi, giɔ́b igiábiáfɛd. 8Basaduseyɛ́ŋ guɔ́yɔ ká guanyɔg gá ebeguén dɛbá, ta ɛngɛlɛs, ta bíliíndié, nánié Bafalisiɛ́ŋ guádábaan mɔ́ gidigid. 9Band gidigid ebédúm guánsa. Bóŋ bisele bóndodi agá ɔlɔŋ wá Bafalisiɛ́ŋ guadɔg na bugaga bágányɛ ká: «Díguánaan ká mɔnd ewe dɛmaál ta buanda bá bɔbɛ. Ala gíliíndié gúmén ɛngɛlɛs mágálɛ́d gág.» 10Anyɛ́ guegenyigenyi máabá gúgányɛ bugaga, ɔgɔ́n wa bagɔn bá musia uwabia buwa ká bádígafɛ́d Pólo biéns biéns. Buád buanda uméeŋín bugaga gá musia mág ká bédúnúg agá nɛgál ɛnɛgɔn, bɔɔ́g Pólo, bósiond naga agá nuyá nugɔ́n. 11Mémbelibél na budúg, Ɔgúnɔ́ uwámɛ́n Pólo, uganyɛ gág ká: «Bá guanyɛguany, eméelí gɛ́laluá gám góbúsió aya Yelúsalɛm, búguófoon sɔ́n ká éli gɛ́laluá nɛnám nímoom Lɔ́m.»
Beyúdɛn guɔ́ŋoon Pólo ɛdɔg
12Gúbélénenyi na budúdug, Beyúdɛn bóndodi oboóŋ ɛdɔg, abábɛ́lia, abásɔ́mb ká bádɛ́bá bágúnyá, ta gubúwa kand gubá ká bɔ́mɔ́ɔn Pólo. 13Ebe bómóoŋ ɛdɔg iyaány madɔ́mbaán etín ándɛ. 14Ɔbɔ́nɔyɛ́dɛ́n bɔgɔ́gɔ na bagɔn. Bágányɛ gɔ́b ká: «Dɛsabɛ́sɔ́mbɛ́n, dɛmábɛ́liá ká, didigagúbiág buanda agás gá duna dímábá dimaányɛ didiɔ́n Pólo. 15Banuá gɔg ekelu ómoom na bagɔn bá nɛgál ɛnɛgɔn, ɔ́nuɔyɛ́dɛ́n ɔgɔ́n wa bagɔn bá musia ká únúlénín Pólo. Nuál gág ká, gág góbusió nunyá ilukié ká núlɛ́ns buóny bág bese na bese. Basuá dɛnyɛ ndényé ká diɔ́n wɔ́ gisiósio ká úsiám.» 16Embiény wá Pólo, mɔɔn wa endimen wág wa agánd, uwɔɔ́b bágála ɛdɔg iyaány. Uwɔ́ gɔb guebíŋín agá nuyá nugɔ́n, uwebiés Pólo. 17Pólo uwabɛ́lɛ́gɛn gɔg ɔgɔ́n wa musia uwomoom, uganyɛ gág ká: «Mbɛ́ na Ndɔmbuɔ́ ya mɔnd eye aga ɔgɔ́n wa bagɔn bá musia, gágual ká, ugúbianan buanda bɔ́guɔyɛdɛn wɔ́.» 18Mɔnd uwaány uwɔgɔ́l ndɔmbuɔ́ iyaány, uwɔb na yɛ́ aga ɔgɔ́n uwaány, uganyɛ ká: «Gɛmbɔg Pólo sambɛ́lɛ́gɛn, umáal gám ká ngúlín na ndɔmbuɔ́ eye, igúbianan buóny bágual ká íguɔyɛdɛn.» 19Ɔgɔ́n uwaány uwɔgɔ́l ndɔmbuɔ́ iyaány agá ɔmbɔ́g, uwɔbɛ́gɔ́gɛ́d na yɛ́ uwɔ́ eŋényé. Uwófún yɛ́ ká: «Giág ányá na gɛ́ gá guŋɔyɛdɛn e?» 20Iyóndinyi ká: «Beyúdɛn bóndodi águám ekelu ká bɔ́guɔyɛdɛn ká, nŋɔ́guɔ́, oól na Pólo ogóbusió bá nɛgál nɔ́b, ká úgédi ká, báguámba guanɔn buóny bág bese na bese. 21Adiádábɛ́n bɔ́, band etín ándɛ ɔgɔ́b gá ɔlɔŋ guámba gubiɔ́sɛgɛn wɔ́ ká bádɛgɛn wɔ́. Bágubɛ́lia ká bádɛ́bá bágúnyá, ta ká gubúwá bámaál bámányɛ bɔ́diɔ́n Pólo. Nɛ́nuán, bányɛ ndényé, bégúbídenyi gɔɔ́gɔ ká ádáb.» 22Ɔgɔ́n wa Musia uwaány uwɔyɛd gá ndɔ́mbuɔ́ ká: «Ɔdiɔyɛ́dɛ́n mɔnd buóny ɔmɔ́nuŋɔyɛ́dɛ́n.» Uwegúgi mɔ́nɔmbɔ.
Bémédúmbí Pólo Sesalé
23Agá gélem ány, ɔgɔ́n wa bagɔn bá musia uwabɛ́lɛ́gɛn bagɔn bág bá musia bándɛ, uganyɛ gɔg ká: «Ánugɔ́sɛd musia dɔgɔ́n duándɛ, musia má bɛkabɛlɛ etín ádadɔ na biát, béti ɔŋɔŋɔ dɔgɔ́n duándɛ. Banuá gidigid núbɛ́dábɔ́n gá gɔb Sesalé gá bɛsɛgɛl biányɛ́manyɛ nomo bá budug. 24Ánúdábɔ́n sɔ́n bɛkabɛlɛ gá gúbɛ́dɔ́gɛn Pólo ká nɔ́b naga aga ngɔ́mɔno Felíse, ta buanda búdiál wɔ́.» 25-26Ɔgɔ́n wa bagɔn bá musia uwaány ɔfɛ́n ká Kolódo Lísiása uwɔɔ́ŋ mbɔbɔnɔ uganyɛ ká: «Imébígélídí ɔgúnɔ́gɔ́n ngɔ́mɔnɔ Felíse. 27Beyúdɛn ɔ́gugɔ́l mɔnd uwaány imánugudɔ́mɛn, bágubá ká bɔɔ́n wɔ́, iyasiám na musia mám, iyaŋɔ́n wɔ́, Nguɔ́b ká unyɛ mɔɔn wá Lomɛ́ŋ. 28Anyɛ́ inyá gubá yamba ká nlɛ́ns buanda Beyúdɛn bóndodi fudenyé wɔ́ gá bɔ́, iyɛɛb naga ɔgɔ́b gá nɛgál ɛnɛgɔn. 29Nguán ká bɔ́gusɔ́mɛ́n wɔ́ gá mand málɛ́ŋaná bisele bɔ́b bɔ́bɔ́ muát. Bádɛgúbianan gɔg ta nɛɛ́m ná gual ká bɔɔ́n wɔ́, ta ká bág wɔ́ agá gians gá mbíne. 30Anyɛ́ bányá gumbiés ká Beyúdɛn móoŋ ɛdɔg gág góbusió, buád buanda imánugudɔ́mɛ́n wɔ́ nɛ́nuán. Nsɔyɛdɛn ebe bányá gusɔ́mɛ́n wɔ́ ká básɛdál gisɔ́mɔnɔ gɔ́b ɔgɔwɔ.» 31Musia umuál anyɛ́ ɔgɔ́n wɔ́b mɔ́ɔyɛ́d. Ɔbɔ́gɔ́l Pólo na budug, abaáb naga agá tísɔn wa Antipatilís. 32Mémbelibélí, musia múmáandá egegus, umuébídúnyígin agá gɛgaga gá nuyá, abátɛɛ́n ebe bámáabá babɔ́lɛ́gán agá bɛkabɛlɛ, abáb na ɔŋɛnd nobusió na Pólo. 33Bámáal na guám Sesalé, musia má bɛkabɛlɛ umuéŋin ngɔ́mɔnɔ mbɔbɔnɔ ɔlɔŋ na Pólo. 34Ngɔ́mɔnɔ uwaány uwabanan mbɔbɔnɔ uwófún ká unyɛ wa giéns gá gus gínúm. Anyɛ́ umáalɛ́ns ká Pólo nyɛ wa giéns gá gus gá Silisí, 35Ngɔ́mɔnɔ iyaány ganyɛ gá Pólo ká: «Ngegugélí anyɛ́ ebe bɔ́gúsɔ́mɔnɔ́ ganúsiam.» Uwéŋin gɔg bugaga ká báb guebíŋínyí Pólo agá ndáŋá ɛyɛ Elódo máafuág.
Currently Selected:
:
Highlight
Share
Copy
Want to have your highlights saved across all your devices? Sign up or sign in
CABTAL