Mata 25
25
Maŋgəla ata hildimi wam
1«Azha, la ndza bay ma ndza a wəzəm a saɓ abə labar hildimi ma wam ma ji patərla ta aska aagi nda a lima abə mawəl dəma. 2Dzaɓən a taba ta, aa tabam ta, ndiɓi ma dzaɓən aagi wirwir ikwa. 3Hildimi ma dzaɓən ma bama ta watsa aagi, leŋ aa ji patərla ta, aa taji mali aara akas. 4Ama, hildimi ma dzaɓən ma wirwir watsa aagi, leŋ aa ji patərla ta, zhana ɗa aa ɗa mali aara. 5Ndə mawəl dəma a həzək tə a ndaha, hildimi watsa aagi tiwtiw, wan dəba a adzata, wan aa wan ta.
6A tapah zaɗə, həji zlima wəla a kadzaha: “Mawəl dəma tsakwa! Huni ndaa a bəza, huni nda lima abə sha!” 7Azha, takaw hildimi ma wam watsa aagi gar a wəzəm tiwtiw, dəba aagi asla ha abə patərla ta aagi. 8Ma dzaɓən ma bamabam aagi, zlap aa zlapatana a hildimi ma wirwir ma dzaɓən aagi, iŋgaya: “Huni ɗalzani mali kuni kajik ara ndə patərla cini aagi aa kaɗiw a mca ta,” aagiy. 9Hildimi ma wirwir watsa aagi, aa zlapatana, aagi iŋgaya: “Aŋghə, ara ndə a ɗa, a kaɗa teete abə aŋkwa akas, galaɓa huni nda ara həji ma kaber mali aagi, huni səkəmaɓa ataa aŋkuni,” aagiy. 10Tiɗa ndə, aa kanda ta a səkəmha mali ya, mawəl dəma taa tə, hildimi ma sla ha aagi bəza tsaa kanda ta a jak ta ɗal gwaygwaya, a diwzha, tsak aa tsak majak aka. 11A diwzha, kajik, peteŋ aa taa ta yəm ana hildimi ma dzaɓən ma bamabam watsa aagi, azha, dəba aagi azlap: “Bay Madagal, Bay Madagal, dəɗani majak!” aagiy. 12Ama, mawəl dəma zhin a zhinatana, iŋgaya: “Sa zlapahuni, a ɗa ŋter: Sa kasənahuni səku.”»
13Yesu zhana iŋgaya: «Huni ndza abə nja, ara ndə a ɗa, huni kasən vah tə səku kwa ler tə,» iy.
Maŋgəla ataa həji ma mahkaɗ ma ɗal zlən aagi.
(Luk 19.12-27)
14«Bay ma ndza a wəzəm a wəzlaf a saɓ andza ala ma nda tə a ciwirha gədək. Azha ya a ya həji ma kaɗalanə zlən aagi, pa a vəlatana səkən tə aagi ka aska ra ta. 15Pa a vəlanə dala wəshi teemeri dzaɓən a mampər, a magbak, pa a vəlanə dala wəshi teemeri gbak azha, a mamahkaɗ, pa a vəlanə dala wəshi teemeri. Kwa vaye, aska, ŋgalaŋ tə. A tsutsa a tsutsa, ala watsa tsaa kanda tə. 16Ala ma lima dala wəshi teemeri dzaɓən, ləm a ləm a bəw ra abə sha, talima mbak teemeri dzaɓən aha dala tə. 17Andza ikwa yəm ana ləm ataa ala ndə a vəlanə dala wəshi teemeri gbak, tambakazə teemeri gbak aha yəm. 18Ama, ala ndə a vəlanə dala wəshi teemeri, tsaa nda, ra a ra wəli ka a hayak, azha ɓah a ɓah dala cina jak tə watsa ka a mən.
19Wan dagala a diwzha, madagal ta watsa, zhin a zhina tə, dəba a aɗiwzata, aska aagi a ghalanə zlən ndə aa ɗalə abə dala tə. 20Ala ndə a vəlanə dala wəshi teemeri dzaɓən, tsaw a ndaha azha, ghal a ghalanə dala wəshi ma teemeri dzaɓən, iŋgaya: “Cina jak naka, hwa tavəlaka dala wəshi teemeri dzaɓən. Tsakwa, sa talima teemeri dzaɓən zhana aha,” iy. 21Madagal tə, zlap a zlapanə, iŋgaya: “Kadək, maɗal zlən ma təwah ma dəlili. A zlən ma feŋ, hwa taɗal bəza a heɗe a heɗe, sa atsahu ka, aha zlən ma dagal ma dəy aha watsə, ndaha a ɓas abə sa,” iy. 22Ala ma ɗal zlən ma lima dala wəshi teemeri gbak, tsaw a ndaha yəm, iŋgaya: “Madagal naka, hwa tavəlaka dala wəshi teemeri gbak, sa talima aha zhana teemeri gbak, tsakwa,” iy. 23Madagal tə, zlap a zlapanə, iŋgaya: “Kadək, maɗal zlən ma təwah ma dəlili. A zlən ma feŋ, hwa taɗal bəza a heɗe a heɗe, sa atsahu ka, aha zlən ma dagal ma dəy aha watsə, ndaha a ɓas abə sa,” iy. 24Azha, ala ma lima dala wəshi teemeri, tsaw a ndaha yəm, iŋgaya: “Madagal naka, sa kasənə, ŋkwaɓ kwa ɓərɓər ikwa, hwa kadzam səkən ata la ndə hwa ŋkula zləgə, səkən ndə hwa ŋkula ŋgəɓə ana ndə hwa kambalə. 25Ŋzliŋ tadzaka bəza, sa tanda a ɓahahu dala kwa ka a hayak, tsakwa, ji səkən kwa,” iy. 26Madagal tə zhin a zhinanə, iŋgaya: “Maɗal zlən ma gamak, masagal! Sa kadzam səkən ata la ndə sa ŋkula zləgə, zhana səkən ndə sa ŋkula ŋgəɓə ana ndə sa kambələ hwa kasən azha vəw? 27Azha kadək a hwa tsaka dala naka ka ata la mbəla dala, ndə sa kazhina naka, sa ndaha a ji dala naka tafəlzə kusəm. 28Azha, huni ji ka dala watsa bəza ara, huni vəlanə ana ala ndə dala wəshi bəluk dala ŋtaɗ ara. 29Ara ndə a ɗa, kwa vaye ma ndza abə səkən dagala, a alima minja zhana dəy aha ma ndza ara, ama ala ma ndza abə səkən kajik, həji aji bəza ara. 30Ama, ataa maɗal zlən ndə kat tə a ŋkula ndza aka, huni fakə a bəza a ləvaŋ, ata la ndə həji aagi kahan, zhana aa kaɓam zliɗeŋ aagi,”» iy.
Guma ma vah ta kəɗaŋ manahayak.
31«Tiɗa ndə, Mbə həji ma dəgnak a kaandaha a sləf tə, abə matəf Bizlaf aagi tiwtiw a diwzha tə, azha a andza ata la ndza bay tə ma ndza abə sləf. 32Həji ma ndza ata manahayak tiwtiw, aagi adzama ka atama tə, a apəreh həji aagi bəza abəra ndiɓi aagi, andza mbə njin ma kapəreh ŋcimi abə ŋhwi aagi. 33A atsa ŋcimi ka ata guva zəm tə, azha, ŋhwi aagi ata guva gula tə. 34Azha, bay a zlapatana, a ma ndza ata guva zəm tə aagi: “Huni ndaha, huni ndə bəzla Vana ma təwah ata huni aagi, huni ji la ndza bay ndə a slahuni ka, ꞌwa aka ata diw baaha manahayak. 35Ara ndə a ɗa, mintish tadzaka, huni tavəlaka səkən zəm, yəm tadzaka, huni tavəlaka yəm a sa, sa taɗa ndə mbələm a hayak kuni, huni talamzaka abə ra gbak a wata kuni. 36Sa tandza a matirshishim, huni tatsaka rəkuts aka ata zlikusəm, sa tadawər naka, huni taha a taŋzaka, sa taha a jak ta sa yaka azha huni taha a taŋazaka.” 37Mbara azha, həji ma dəlili, ma ɗal zlən ndə Bizlaf a kamay aagi azhinanə: “Bay Madagal, azha vepiy abə mintish a dzahu, ni tavəlahu səkən zəm? Aka səku azha vepiy abə yəm a dzahu, ni tavəlahu yəm a sa? 38Azha vepiy abə ni gərahu andza ndə mbələm ara ni talamzahu ra gbak a wata cini? Aka səku, azha vepiy abə ni gərahu hwa kandza a matirshishim, pa ni tsahu rəkuts aka ata zlikusəm? 39Azha vepiy abə ni gərahu, hwa kadawər, aka səku hwa a jak ta sa yaka ya, ni taha a taŋzahu?” 40Azha, bay a azhinatana: “Sa zlapahuni, a ɗa ŋter, kala səkən ndə huni ɗalanə a ŋtaguleŋ a taba wəzhi ma fashiɗ, ma ɗa zlina aagi, huni ɗalaka a sa,” iy. 41A diwzha tə, bay a azlapatana a həji ma ndza ata guva gula tə aagi: “Huni ndazaka, a bəza a ɗi gədək abəra sa, həji ndə gəy ata təmta aagi! Huni nda a kwahu ma ŋkula mca ndə həji slə ka aska Wəliɓi abə matəf tə aagi. 42Ara ndə a ɗa, mintish tadzaka, huni taji a vəlaka səkən zəməs, yəm tadzaka, azha huni taji a vəlaka yəm a sa səku. 43Sa taɗa ndə mbələm ara huni, azha huni talamzaka akas, sa tandza a matirshishim azha huni taji a tsaka rəkuts aka ata zlikusəm səku, sa tadawər, sa a jak ta sa yaka azha huni taha a taŋzaka akas.” 44Azha, aagi azhinanə yəm: “Bay Madagal, azha vepiy abə ni gərahu mintish, aka səku yəm tadzahu, ni gərahu andza ndə mbələm aka səku a matirshishim, ni gərahu hwa kadawər, aka səku hwa a jak ta sa yaka azha ni taji a nda lamzahu aka səku watsa?” 45Azha, a azhinatana: “Sa zlapahuni, a ɗa ŋter: Kala səkən ndə huni ŋkalzə a ɗalatana a ŋtaguleŋ a taba wəzhi ma fashiɗ, ma ɗa zlina aagi, a sa abə ha naka ana ndə huni ŋkalzə a ɗalaka.” 46Azha, həji watsa aagi anda sa yaka ma ŋkula kəɗaŋ, ama, həji ma dəlili aagi anda a miɗ ma ŋkula kəɗaŋ.»
Currently Selected:
Mata 25: GOU
Highlight
Share
Copy
Want to have your highlights saved across all your devices? Sign up or sign in
Mata 25
25
Maŋgəla ata hildimi wam
1«Azha, la ndza bay ma ndza a wəzəm a saɓ abə labar hildimi ma wam ma ji patərla ta aska aagi nda a lima abə mawəl dəma. 2Dzaɓən a taba ta, aa tabam ta, ndiɓi ma dzaɓən aagi wirwir ikwa. 3Hildimi ma dzaɓən ma bama ta watsa aagi, leŋ aa ji patərla ta, aa taji mali aara akas. 4Ama, hildimi ma dzaɓən ma wirwir watsa aagi, leŋ aa ji patərla ta, zhana ɗa aa ɗa mali aara. 5Ndə mawəl dəma a həzək tə a ndaha, hildimi watsa aagi tiwtiw, wan dəba a adzata, wan aa wan ta.
6A tapah zaɗə, həji zlima wəla a kadzaha: “Mawəl dəma tsakwa! Huni ndaa a bəza, huni nda lima abə sha!” 7Azha, takaw hildimi ma wam watsa aagi gar a wəzəm tiwtiw, dəba aagi asla ha abə patərla ta aagi. 8Ma dzaɓən ma bamabam aagi, zlap aa zlapatana a hildimi ma wirwir ma dzaɓən aagi, iŋgaya: “Huni ɗalzani mali kuni kajik ara ndə patərla cini aagi aa kaɗiw a mca ta,” aagiy. 9Hildimi ma wirwir watsa aagi, aa zlapatana, aagi iŋgaya: “Aŋghə, ara ndə a ɗa, a kaɗa teete abə aŋkwa akas, galaɓa huni nda ara həji ma kaber mali aagi, huni səkəmaɓa ataa aŋkuni,” aagiy. 10Tiɗa ndə, aa kanda ta a səkəmha mali ya, mawəl dəma taa tə, hildimi ma sla ha aagi bəza tsaa kanda ta a jak ta ɗal gwaygwaya, a diwzha, tsak aa tsak majak aka. 11A diwzha, kajik, peteŋ aa taa ta yəm ana hildimi ma dzaɓən ma bamabam watsa aagi, azha, dəba aagi azlap: “Bay Madagal, Bay Madagal, dəɗani majak!” aagiy. 12Ama, mawəl dəma zhin a zhinatana, iŋgaya: “Sa zlapahuni, a ɗa ŋter: Sa kasənahuni səku.”»
13Yesu zhana iŋgaya: «Huni ndza abə nja, ara ndə a ɗa, huni kasən vah tə səku kwa ler tə,» iy.
Maŋgəla ataa həji ma mahkaɗ ma ɗal zlən aagi.
(Luk 19.12-27)
14«Bay ma ndza a wəzəm a wəzlaf a saɓ andza ala ma nda tə a ciwirha gədək. Azha ya a ya həji ma kaɗalanə zlən aagi, pa a vəlatana səkən tə aagi ka aska ra ta. 15Pa a vəlanə dala wəshi teemeri dzaɓən a mampər, a magbak, pa a vəlanə dala wəshi teemeri gbak azha, a mamahkaɗ, pa a vəlanə dala wəshi teemeri. Kwa vaye, aska, ŋgalaŋ tə. A tsutsa a tsutsa, ala watsa tsaa kanda tə. 16Ala ma lima dala wəshi teemeri dzaɓən, ləm a ləm a bəw ra abə sha, talima mbak teemeri dzaɓən aha dala tə. 17Andza ikwa yəm ana ləm ataa ala ndə a vəlanə dala wəshi teemeri gbak, tambakazə teemeri gbak aha yəm. 18Ama, ala ndə a vəlanə dala wəshi teemeri, tsaa nda, ra a ra wəli ka a hayak, azha ɓah a ɓah dala cina jak tə watsa ka a mən.
19Wan dagala a diwzha, madagal ta watsa, zhin a zhina tə, dəba a aɗiwzata, aska aagi a ghalanə zlən ndə aa ɗalə abə dala tə. 20Ala ndə a vəlanə dala wəshi teemeri dzaɓən, tsaw a ndaha azha, ghal a ghalanə dala wəshi ma teemeri dzaɓən, iŋgaya: “Cina jak naka, hwa tavəlaka dala wəshi teemeri dzaɓən. Tsakwa, sa talima teemeri dzaɓən zhana aha,” iy. 21Madagal tə, zlap a zlapanə, iŋgaya: “Kadək, maɗal zlən ma təwah ma dəlili. A zlən ma feŋ, hwa taɗal bəza a heɗe a heɗe, sa atsahu ka, aha zlən ma dagal ma dəy aha watsə, ndaha a ɓas abə sa,” iy. 22Ala ma ɗal zlən ma lima dala wəshi teemeri gbak, tsaw a ndaha yəm, iŋgaya: “Madagal naka, hwa tavəlaka dala wəshi teemeri gbak, sa talima aha zhana teemeri gbak, tsakwa,” iy. 23Madagal tə, zlap a zlapanə, iŋgaya: “Kadək, maɗal zlən ma təwah ma dəlili. A zlən ma feŋ, hwa taɗal bəza a heɗe a heɗe, sa atsahu ka, aha zlən ma dagal ma dəy aha watsə, ndaha a ɓas abə sa,” iy. 24Azha, ala ma lima dala wəshi teemeri, tsaw a ndaha yəm, iŋgaya: “Madagal naka, sa kasənə, ŋkwaɓ kwa ɓərɓər ikwa, hwa kadzam səkən ata la ndə hwa ŋkula zləgə, səkən ndə hwa ŋkula ŋgəɓə ana ndə hwa kambalə. 25Ŋzliŋ tadzaka bəza, sa tanda a ɓahahu dala kwa ka a hayak, tsakwa, ji səkən kwa,” iy. 26Madagal tə zhin a zhinanə, iŋgaya: “Maɗal zlən ma gamak, masagal! Sa kadzam səkən ata la ndə sa ŋkula zləgə, zhana səkən ndə sa ŋkula ŋgəɓə ana ndə sa kambələ hwa kasən azha vəw? 27Azha kadək a hwa tsaka dala naka ka ata la mbəla dala, ndə sa kazhina naka, sa ndaha a ji dala naka tafəlzə kusəm. 28Azha, huni ji ka dala watsa bəza ara, huni vəlanə ana ala ndə dala wəshi bəluk dala ŋtaɗ ara. 29Ara ndə a ɗa, kwa vaye ma ndza abə səkən dagala, a alima minja zhana dəy aha ma ndza ara, ama ala ma ndza abə səkən kajik, həji aji bəza ara. 30Ama, ataa maɗal zlən ndə kat tə a ŋkula ndza aka, huni fakə a bəza a ləvaŋ, ata la ndə həji aagi kahan, zhana aa kaɓam zliɗeŋ aagi,”» iy.
Guma ma vah ta kəɗaŋ manahayak.
31«Tiɗa ndə, Mbə həji ma dəgnak a kaandaha a sləf tə, abə matəf Bizlaf aagi tiwtiw a diwzha tə, azha a andza ata la ndza bay tə ma ndza abə sləf. 32Həji ma ndza ata manahayak tiwtiw, aagi adzama ka atama tə, a apəreh həji aagi bəza abəra ndiɓi aagi, andza mbə njin ma kapəreh ŋcimi abə ŋhwi aagi. 33A atsa ŋcimi ka ata guva zəm tə, azha, ŋhwi aagi ata guva gula tə. 34Azha, bay a zlapatana, a ma ndza ata guva zəm tə aagi: “Huni ndaha, huni ndə bəzla Vana ma təwah ata huni aagi, huni ji la ndza bay ndə a slahuni ka, ꞌwa aka ata diw baaha manahayak. 35Ara ndə a ɗa, mintish tadzaka, huni tavəlaka səkən zəm, yəm tadzaka, huni tavəlaka yəm a sa, sa taɗa ndə mbələm a hayak kuni, huni talamzaka abə ra gbak a wata kuni. 36Sa tandza a matirshishim, huni tatsaka rəkuts aka ata zlikusəm, sa tadawər naka, huni taha a taŋzaka, sa taha a jak ta sa yaka azha huni taha a taŋazaka.” 37Mbara azha, həji ma dəlili, ma ɗal zlən ndə Bizlaf a kamay aagi azhinanə: “Bay Madagal, azha vepiy abə mintish a dzahu, ni tavəlahu səkən zəm? Aka səku azha vepiy abə yəm a dzahu, ni tavəlahu yəm a sa? 38Azha vepiy abə ni gərahu andza ndə mbələm ara ni talamzahu ra gbak a wata cini? Aka səku, azha vepiy abə ni gərahu hwa kandza a matirshishim, pa ni tsahu rəkuts aka ata zlikusəm? 39Azha vepiy abə ni gərahu, hwa kadawər, aka səku hwa a jak ta sa yaka ya, ni taha a taŋzahu?” 40Azha, bay a azhinatana: “Sa zlapahuni, a ɗa ŋter, kala səkən ndə huni ɗalanə a ŋtaguleŋ a taba wəzhi ma fashiɗ, ma ɗa zlina aagi, huni ɗalaka a sa,” iy. 41A diwzha tə, bay a azlapatana a həji ma ndza ata guva gula tə aagi: “Huni ndazaka, a bəza a ɗi gədək abəra sa, həji ndə gəy ata təmta aagi! Huni nda a kwahu ma ŋkula mca ndə həji slə ka aska Wəliɓi abə matəf tə aagi. 42Ara ndə a ɗa, mintish tadzaka, huni taji a vəlaka səkən zəməs, yəm tadzaka, azha huni taji a vəlaka yəm a sa səku. 43Sa taɗa ndə mbələm ara huni, azha huni talamzaka akas, sa tandza a matirshishim azha huni taji a tsaka rəkuts aka ata zlikusəm səku, sa tadawər, sa a jak ta sa yaka azha huni taha a taŋzaka akas.” 44Azha, aagi azhinanə yəm: “Bay Madagal, azha vepiy abə ni gərahu mintish, aka səku yəm tadzahu, ni gərahu andza ndə mbələm aka səku a matirshishim, ni gərahu hwa kadawər, aka səku hwa a jak ta sa yaka azha ni taji a nda lamzahu aka səku watsa?” 45Azha, a azhinatana: “Sa zlapahuni, a ɗa ŋter: Kala səkən ndə huni ŋkalzə a ɗalatana a ŋtaguleŋ a taba wəzhi ma fashiɗ, ma ɗa zlina aagi, a sa abə ha naka ana ndə huni ŋkalzə a ɗalaka.” 46Azha, həji watsa aagi anda sa yaka ma ŋkula kəɗaŋ, ama, həji ma dəlili aagi anda a miɗ ma ŋkula kəɗaŋ.»
Currently Selected:
:
Highlight
Share
Copy
Want to have your highlights saved across all your devices? Sign up or sign in