Mata 18
18
Madagal ma ndza ata la ndza bay ma ndza a wəzəm a wəzlaf
(Mrk 9.33-37; Luk 9.46-48)
1A tsutsa, magəli ataa Yesu aagi tsaw aa ndaha ara, dəba aagi aɗiwzə: «Ma kaɗa madagal a la ndza bay ma ndza a wəzəm a wəzlaf vaya?» 2Yesu daŋ a yaha mbə ma feŋ, gar a gar ka a taba ta. 3Azha, iŋgaya: «Sa zlapahuni, a ɗa ŋter: andza huni tabəw kuni andza wəzhi aagi aka səku, huni kaagwar a nda tep a la ndza bay ma ndza a wəzəm a wəzlaf səku,» iy. 4«Sha ana ndə a ɗa, kwa vaye, ma bəw ha tə ka feŋ andza mbə watsə, sha ana ma kaaɗa madagal ma pa dəy a la ndza bay ma ndza a wəzəm a wəzlaf. 5Kwa vaye ma lamzə mbə ma feŋ andza mbə watsə ata zləm naka, sa abə ha naka ana ndə ala watsa a lamzə.»
Keŋ ha ara ghut həji aagi ɗal mpət
(Mrk 9.42-48; Luk 17.1-2)
6Ama, Yesu iŋgaya: «Ala ma ghut ala ŋtaguleŋ a taba wəzhi watsə aagi, aska a ndəv a mpət a taba həji ma kaɗal awa aska ma naka watsə aagi, galaɓa həji dzawanə mana ŋvən aka a wəla, azha, ŋtsuk həji ŋtsuk ka aska bay gaw a mtil. 7Dadawər ata manahayak watsə! Vərəm ana səkən ma kaghut həji aagi a ɗal mpət, həji kula a takə səku. Ama, dadawər ata ala ndə a kandaha gwara ara ana səkən ghut həji watsa aagi.
8Andza ra kwa, aka səku ŋgas kwa ana ma kaghutahu a ɗal mpət ya, zlərata bəza, kwiyata a bəza gədək abəra hwa. A ɗa galaɓa, hwa nda abə ra ŋtaguleŋ, aka səku ŋgas ŋtaguleŋ ata la ndə miɗ ma təwah aka aha ndə, hwa kaanda abə ŋgas kwa aagi, aka səku ra kwa aagi gbak gbak a fak aka a kwahu ma ŋkula mca kwa vepiy. 9Andza nja kwa ana ma kaghutahu a ndəv a mpət, dəɗazə bəza, fak bəza gədək abəra hwa, galaɓa hwa nda abə nja ŋtaguleŋ ata la ndə miɗ ma təwah aka, aha ndə hwa kanda abə nja kwa aagi gbak gbak a nda a fak a kwahu ma ŋkula mca kwa vepiy. »
Maŋgəla ma ndza ata ŋcemek ma fəcak tə
(Luk 15.1-7)
10Azha, Yesu zlap a zlap maŋgəla watsə, iŋgaya: «Huni mbəla ŋkwaɓ! Ara ndə huni kaaŋkula cecef kwa ala ŋtaguleŋ a taba wəzhi ma fashiɗ aagi, ara ndə a ɗa, sa zlapahuni, matəf Bizlaf ta a kandza kapish kapish atama Vana ma ndza a wəzəm a wəzlaf. 11Ara ndə a ɗa, Mbə həji ma dəgnak a ndaha a reh həji ma fəcak ta aagi.
12Deŋ ŋkwaɓ kuni avaŋga? Andza ala abə ŋcimi teemeri ara ya, ŋtaguleŋ a fəcak a taba ta ci, ma kaaji a mbasl ma radzaŋfaɗ aha dzaŋfaɗ ka ata bəra bərla, a nda gas ma ŋtaguleŋ ma fəcak tə watsa wəra? 13Sa zlap huni ŋter: Ndə ala watsa a kagəra bəza, a ɗa mkpef abə ɓas a ꞌunəf tə, dəy aha ma radzaŋfaɗ aha dzaŋfaɗ ma finha ndə a mbaslata aagi. 14Andza ikwa yəm, Cihw kuni ma ndza a wəzəm a wəzlaf, a kaji a kwa ŋtaguleŋ a taba wəzhi ma fashiɗ watsə aagi a fəcak tə akas.»
Zhinha zlinahw bəza ata laɗal mpət
15Yesu a zlap zhana, iŋgaya: «Andza zlinahw taɗalahu mpət aka, nda ara ŋtaguleŋ tə abə ha tə, ghalanə mpət ndə a ɗalə. Andza tateh ma kwa, hwa tareh bəza. 16Ama, andza taji a teh ma kwa səku, yaha ala aara ŋtaɗ, aka səku həji aagi gbak abəra hwa, aska huni riy ma watsa a taba kuni, abə zlap həji ma gbak watsa aagi, aka səku ma mahkaɗ watsa aagi. 17Ama, andza a taji a teh ma ta tiwtiw səku, jaɓ ma tə ara həji Bizlaf aagi, andza taji kwa ma ataa həji Bizlaf aagi səku, bəw ka ana ataa ŋkwa andza ala ma ŋkula sən Bizlaf, zhana andza ala ma tsak jamargwal. 18Ayəw, sa kazlapahuni a ɗa ŋter: kala səkən ndə huni dzaw ka a ɗi ata hayak ci, a adzawa ka ikwa a wəzəm a wəzlaf. Kala səkən ndə huni pəl ka ata hayak watsə, a apəla ka a wəzəm a wəzlaf.
19Sa kazlapahuni zhana, andza həji aagi gbak a taba kuni, a manahayak watsə, aa tadzəv ha ka a ɗiw kwa səkən veme abə tarha, Vana ma ndza a wəzəm a wəzlaf a avəlatana səkən ndə aa ɗiw ara. 20Ara ndə a ɗa, la ndə həji aagi gbak, aka səku mahkaɗ, aa tadzəv aka ata zləm naka, sa a taba ta», iy.
Pəl mpət ma ndza a walaŋ zlina mama aagi
(Luk 17.4)
21Azha, Piyer tsaw a ndaha ara Yesu a ɗiwzə, iŋgaya: «Bay Madagal, zhin vana abə sa apəlanə mpət ataa zlina ma gəyaka ma ka? A ɗa zhin ŋshiliɗ vəw?» 22Yesu i kəsha iŋgaya: «Aŋghə! Sa kazlapahu, zhin ŋshiliɗ, siy hwa akas, ama zhin raŋshiliɗ zhin ŋshiliɗ,» iy.
Mava ma ŋkula ndza abə hahər
23«Tsakwa ana saɓ la ndza bay ma ndza a wəzəm a wəzlaf: a ndza andza bay ma dagal minja aka, ma kaɗiwzə həji ma ɗalanə zlən tə aagi aska aagi a ŋgəɗanə səkən tə ma ndza ara təmta aagi. 24Diw tə, leŋ aa daanə ala minja, ndə a kanjinə abə bay dala. 25Ndə səkən a ŋkula ndza ara ala watsa a zhin dala watsa, cina jak tə watsa, zlap a zlap aska aagi a ber bəza andza mava, ha tə, wala tə, wəzhi tə aagi abə səkən ma ndza a ra tə aagi tiwtiw, aska a ŋtəra dəwa watsa. 26Ala ma ɗal zlən watsa fak a fakakənə ha, gəliɓ a gəliɓ tə ka atama madagal tə watsa, i kəsha, iŋgaya: “Tuh, vəlaka wan kajik atama, sa aŋtərahu səkən kwa aagi tiwtiw,” iy. 27Hahər kpa a dza madagal tə watsa bəza: Mbasl a mbasl dəwa watsa ka tiwtiw, tsaa kanda tə.
28Ndə maɗal zlən watsa, a ndaa tə a bəza a gi ataa madagal tə, gəra a gəra ala minja a taba həji ndə, aa kaɗal zlən abə təmta ata la ma ŋtaɗ aagi, ndə a kanjinə ata dəwa dala kajik ikwa. A tsutsa, njap a mbəl bəza a wəla, a ŋgərəɗə abə ɓərɓər tə, iŋgaya: “Ŋtəraka dəwa naka ma ndza ara hwa bəza anawatsə,” iy. 29Ala tə ndə, aa ɗal zlən ata la ŋtaɗ abə sha watsa, dəba adzanə ra, iŋgaya: “Tuh, vəlaka wan kajik, sa aŋtərahu dəwa kwa ka,” iy. 30Ama ala watsa tajis, tsaa kanda fak a fak ka a jak ta sa yaka a vaŋ ata ndə a ŋtəranə dəwa tə watsa bəza tiwtiw. 31Ndə həji ma ɗal zlən ndiɓi aagi gəra səkən ma ɗal ya, tikush aa ghuɗek ta azha, aa tsaa kanda ta a ghalanə a madagal ta ana səkən ma pew tiwtiw. 32Azha, madagal ta daŋ a yaha ala ma ɗal zlən watsa, i kəsha iŋgaya: “Ala ma ɗal zlən ma gamak, sa mbaslahu dəwa ma ndza aska hwa ka ara ndə, hwa dzaka ra a mbaslahu ka. 33Kadək hwa yəm, a hahər a dzahu aska ala ndə, huni kaɗal zlən ata la ma ŋtaɗ aka səku, andza ndə, hahər a dzaka aska hwa yəm wəra?” 34Azha, tikush a ghuɗek tə ana madagal, jaɓ a jaɓ ala ma ɗal zlən watsa ka ara a həji ma kasatana yaka a həji aagi abə ɓərɓər tə, a gwar ata ndə, a kaaŋtəranə dala bəza.» 35Azha zhana, Yesu iŋgaya: «Ikwa abə Vana ma ndza a wəzəm a wəzlaf a aɗalanə, a kwa vaye, ma ŋkula ji a pəlanə mpət ataa zliŋgin aka abə ꞌunəf ŋtaguleŋ ndə, a gəyanə ma ka,» iy.
Currently Selected:
Mata 18: GOU
Highlight
Share
Copy
Want to have your highlights saved across all your devices? Sign up or sign in
Mata 18
18
Madagal ma ndza ata la ndza bay ma ndza a wəzəm a wəzlaf
(Mrk 9.33-37; Luk 9.46-48)
1A tsutsa, magəli ataa Yesu aagi tsaw aa ndaha ara, dəba aagi aɗiwzə: «Ma kaɗa madagal a la ndza bay ma ndza a wəzəm a wəzlaf vaya?» 2Yesu daŋ a yaha mbə ma feŋ, gar a gar ka a taba ta. 3Azha, iŋgaya: «Sa zlapahuni, a ɗa ŋter: andza huni tabəw kuni andza wəzhi aagi aka səku, huni kaagwar a nda tep a la ndza bay ma ndza a wəzəm a wəzlaf səku,» iy. 4«Sha ana ndə a ɗa, kwa vaye, ma bəw ha tə ka feŋ andza mbə watsə, sha ana ma kaaɗa madagal ma pa dəy a la ndza bay ma ndza a wəzəm a wəzlaf. 5Kwa vaye ma lamzə mbə ma feŋ andza mbə watsə ata zləm naka, sa abə ha naka ana ndə ala watsa a lamzə.»
Keŋ ha ara ghut həji aagi ɗal mpət
(Mrk 9.42-48; Luk 17.1-2)
6Ama, Yesu iŋgaya: «Ala ma ghut ala ŋtaguleŋ a taba wəzhi watsə aagi, aska a ndəv a mpət a taba həji ma kaɗal awa aska ma naka watsə aagi, galaɓa həji dzawanə mana ŋvən aka a wəla, azha, ŋtsuk həji ŋtsuk ka aska bay gaw a mtil. 7Dadawər ata manahayak watsə! Vərəm ana səkən ma kaghut həji aagi a ɗal mpət, həji kula a takə səku. Ama, dadawər ata ala ndə a kandaha gwara ara ana səkən ghut həji watsa aagi.
8Andza ra kwa, aka səku ŋgas kwa ana ma kaghutahu a ɗal mpət ya, zlərata bəza, kwiyata a bəza gədək abəra hwa. A ɗa galaɓa, hwa nda abə ra ŋtaguleŋ, aka səku ŋgas ŋtaguleŋ ata la ndə miɗ ma təwah aka aha ndə, hwa kaanda abə ŋgas kwa aagi, aka səku ra kwa aagi gbak gbak a fak aka a kwahu ma ŋkula mca kwa vepiy. 9Andza nja kwa ana ma kaghutahu a ndəv a mpət, dəɗazə bəza, fak bəza gədək abəra hwa, galaɓa hwa nda abə nja ŋtaguleŋ ata la ndə miɗ ma təwah aka, aha ndə hwa kanda abə nja kwa aagi gbak gbak a nda a fak a kwahu ma ŋkula mca kwa vepiy. »
Maŋgəla ma ndza ata ŋcemek ma fəcak tə
(Luk 15.1-7)
10Azha, Yesu zlap a zlap maŋgəla watsə, iŋgaya: «Huni mbəla ŋkwaɓ! Ara ndə huni kaaŋkula cecef kwa ala ŋtaguleŋ a taba wəzhi ma fashiɗ aagi, ara ndə a ɗa, sa zlapahuni, matəf Bizlaf ta a kandza kapish kapish atama Vana ma ndza a wəzəm a wəzlaf. 11Ara ndə a ɗa, Mbə həji ma dəgnak a ndaha a reh həji ma fəcak ta aagi.
12Deŋ ŋkwaɓ kuni avaŋga? Andza ala abə ŋcimi teemeri ara ya, ŋtaguleŋ a fəcak a taba ta ci, ma kaaji a mbasl ma radzaŋfaɗ aha dzaŋfaɗ ka ata bəra bərla, a nda gas ma ŋtaguleŋ ma fəcak tə watsa wəra? 13Sa zlap huni ŋter: Ndə ala watsa a kagəra bəza, a ɗa mkpef abə ɓas a ꞌunəf tə, dəy aha ma radzaŋfaɗ aha dzaŋfaɗ ma finha ndə a mbaslata aagi. 14Andza ikwa yəm, Cihw kuni ma ndza a wəzəm a wəzlaf, a kaji a kwa ŋtaguleŋ a taba wəzhi ma fashiɗ watsə aagi a fəcak tə akas.»
Zhinha zlinahw bəza ata laɗal mpət
15Yesu a zlap zhana, iŋgaya: «Andza zlinahw taɗalahu mpət aka, nda ara ŋtaguleŋ tə abə ha tə, ghalanə mpət ndə a ɗalə. Andza tateh ma kwa, hwa tareh bəza. 16Ama, andza taji a teh ma kwa səku, yaha ala aara ŋtaɗ, aka səku həji aagi gbak abəra hwa, aska huni riy ma watsa a taba kuni, abə zlap həji ma gbak watsa aagi, aka səku ma mahkaɗ watsa aagi. 17Ama, andza a taji a teh ma ta tiwtiw səku, jaɓ ma tə ara həji Bizlaf aagi, andza taji kwa ma ataa həji Bizlaf aagi səku, bəw ka ana ataa ŋkwa andza ala ma ŋkula sən Bizlaf, zhana andza ala ma tsak jamargwal. 18Ayəw, sa kazlapahuni a ɗa ŋter: kala səkən ndə huni dzaw ka a ɗi ata hayak ci, a adzawa ka ikwa a wəzəm a wəzlaf. Kala səkən ndə huni pəl ka ata hayak watsə, a apəla ka a wəzəm a wəzlaf.
19Sa kazlapahuni zhana, andza həji aagi gbak a taba kuni, a manahayak watsə, aa tadzəv ha ka a ɗiw kwa səkən veme abə tarha, Vana ma ndza a wəzəm a wəzlaf a avəlatana səkən ndə aa ɗiw ara. 20Ara ndə a ɗa, la ndə həji aagi gbak, aka səku mahkaɗ, aa tadzəv aka ata zləm naka, sa a taba ta», iy.
Pəl mpət ma ndza a walaŋ zlina mama aagi
(Luk 17.4)
21Azha, Piyer tsaw a ndaha ara Yesu a ɗiwzə, iŋgaya: «Bay Madagal, zhin vana abə sa apəlanə mpət ataa zlina ma gəyaka ma ka? A ɗa zhin ŋshiliɗ vəw?» 22Yesu i kəsha iŋgaya: «Aŋghə! Sa kazlapahu, zhin ŋshiliɗ, siy hwa akas, ama zhin raŋshiliɗ zhin ŋshiliɗ,» iy.
Mava ma ŋkula ndza abə hahər
23«Tsakwa ana saɓ la ndza bay ma ndza a wəzəm a wəzlaf: a ndza andza bay ma dagal minja aka, ma kaɗiwzə həji ma ɗalanə zlən tə aagi aska aagi a ŋgəɗanə səkən tə ma ndza ara təmta aagi. 24Diw tə, leŋ aa daanə ala minja, ndə a kanjinə abə bay dala. 25Ndə səkən a ŋkula ndza ara ala watsa a zhin dala watsa, cina jak tə watsa, zlap a zlap aska aagi a ber bəza andza mava, ha tə, wala tə, wəzhi tə aagi abə səkən ma ndza a ra tə aagi tiwtiw, aska a ŋtəra dəwa watsa. 26Ala ma ɗal zlən watsa fak a fakakənə ha, gəliɓ a gəliɓ tə ka atama madagal tə watsa, i kəsha, iŋgaya: “Tuh, vəlaka wan kajik atama, sa aŋtərahu səkən kwa aagi tiwtiw,” iy. 27Hahər kpa a dza madagal tə watsa bəza: Mbasl a mbasl dəwa watsa ka tiwtiw, tsaa kanda tə.
28Ndə maɗal zlən watsa, a ndaa tə a bəza a gi ataa madagal tə, gəra a gəra ala minja a taba həji ndə, aa kaɗal zlən abə təmta ata la ma ŋtaɗ aagi, ndə a kanjinə ata dəwa dala kajik ikwa. A tsutsa, njap a mbəl bəza a wəla, a ŋgərəɗə abə ɓərɓər tə, iŋgaya: “Ŋtəraka dəwa naka ma ndza ara hwa bəza anawatsə,” iy. 29Ala tə ndə, aa ɗal zlən ata la ŋtaɗ abə sha watsa, dəba adzanə ra, iŋgaya: “Tuh, vəlaka wan kajik, sa aŋtərahu dəwa kwa ka,” iy. 30Ama ala watsa tajis, tsaa kanda fak a fak ka a jak ta sa yaka a vaŋ ata ndə a ŋtəranə dəwa tə watsa bəza tiwtiw. 31Ndə həji ma ɗal zlən ndiɓi aagi gəra səkən ma ɗal ya, tikush aa ghuɗek ta azha, aa tsaa kanda ta a ghalanə a madagal ta ana səkən ma pew tiwtiw. 32Azha, madagal ta daŋ a yaha ala ma ɗal zlən watsa, i kəsha iŋgaya: “Ala ma ɗal zlən ma gamak, sa mbaslahu dəwa ma ndza aska hwa ka ara ndə, hwa dzaka ra a mbaslahu ka. 33Kadək hwa yəm, a hahər a dzahu aska ala ndə, huni kaɗal zlən ata la ma ŋtaɗ aka səku, andza ndə, hahər a dzaka aska hwa yəm wəra?” 34Azha, tikush a ghuɗek tə ana madagal, jaɓ a jaɓ ala ma ɗal zlən watsa ka ara a həji ma kasatana yaka a həji aagi abə ɓərɓər tə, a gwar ata ndə, a kaaŋtəranə dala bəza.» 35Azha zhana, Yesu iŋgaya: «Ikwa abə Vana ma ndza a wəzəm a wəzlaf a aɗalanə, a kwa vaye, ma ŋkula ji a pəlanə mpət ataa zliŋgin aka abə ꞌunəf ŋtaguleŋ ndə, a gəyanə ma ka,» iy.
Currently Selected:
:
Highlight
Share
Copy
Want to have your highlights saved across all your devices? Sign up or sign in