Mata 10
10
Zlən ataa həji ta zlən Yesu ma wam aha gbak aagi
(Mrk 3.16-19; Luk 6.14-16)
1A diwzha tə, Yesu ya a yaha həji ta zlən tə ma wam aha gbak aagi, pa a vəlatana ɓərɓər ta gam miɗ ma gamak abə kwaleŋ dawər aagi tiwtiw, abə reh həji ma gəy ta aagi. 2Tsakwa, ana zləm ataa həji ta zlən Yesu ma wam aha gbak watsa aagi: Diw tə mampər Simun, ma ɗa Piyer abə zliŋgin Andire. Tiw Yakuba abə zliŋgin Yahwana, wəzhi ataa Zebede aagi gbak gbak, 3Filip, Bartelemi, Tumas abə Mata ma tsak jamargwal. Yakuba mbə Alfa abə Tade, 4Simun, ala ma kaləm aska a pəl hayak tə, zhana Yahuda Iskariyut ma kaaɓin a aber Yesu.
(Mrk 6.7-11; Luk 10.3-12; Luk 9.3-12)
5Yesu zlən a zlənzə həji tə ma wam aha gbak aagi a zlən, abə zlap watsə aagi iŋgaya: «Huni mbasl hayak ma ŋkula ɗa hayak Yahuda aagi ka, azha ara huni anda kwa a hayak ma ɗa hayak ma dzamadzam Samariya kwa ŋtaguleŋ.» 6Aɓa azha, huni nda gwara ara həji Isərayila ma fəcak ta andza wəzhi ŋcimi aagi. 7Ata təf, huni ɗafatana ma ci, la ndza bay ma ndza a wəzəm a wəzlaf huk, huniy təmta. 8Huni kwaleŋatana dawər həji ma kadawər aagi bəza, huni səfənha həji ma bazl ta aagi bəza a jiɓ, huni sugufatana fagwalakw həji fagwalakw aagi bəza, azha huni gam miɗ ma gamak aagi bəza. Ɓərɓər watsa huni lima ɓəlaakaka, azha huni vələ ɓəlaakaka yəm.
9«Huni ɗiw a ji kwa wəshi ara səku, kwa dala, kwa ɓərzləm bənaɓ a slibi kuni aagis.» 10Huni ɗiw a ji slibi ta ciwir kuni ara səku, kwa rəkuts gbak, kwa aŋci gbak, kwa dambəy. Ara ndə, ala ma ɗal zlən abə təf a zəm wəda.
11«Ndə huni kaaɗa gwar a hayak ma dzamadzam aka səku hayak ma dzuk dzuk aagi, huni gas ala ma slaha tə bəza a lamzahuni, azha huni ndza a tsutsa a gwar ata vah ndə huni kandaa kuni a bəza a tsutsa. 12Ndə huni kaaɗa peteŋ a wata watsa, huni zlap mpər: Təwah maɗal abə huni, huniy. 13Andza, həji ma ndza a gi watsa aagi, aa talamzahuni katkadək ya, təwah kuni watsa mandza ata təmta, ama andza aa talamzahuni katkadək aka səku, təwah kuni watsa mazhina tə ara huni. 14Andza a wata ala, aka səku a hayak ma dzamadzam, həji aagi aa kaji a lamzahuni səku, aka səku a teh ma kuni səku, huni nda kuni a bəza a tsutsa, kwa birdibirdi hayak ma ndza ata ŋgas kuni, huni ŋtəwatana ka, aska aagi a sən ci, deŋ ŋkwaɓ ta kadək səku. 15Sa kazlapahuni a ɗa ŋter: Vah ndə Bizlaf a kazla guma ya, a ɗa galaɓagha guma ataa hayak tiw Sadum abə Gumara aha ataa həji ma ndza a hayak watsa aagi.»
Ghal yaka ma kaandaha
(Mrk 13.9-13; Luk 21.12-17)
16«Huni tehzə, sa zlənahuni andza ŋcimi ma ndza a taba həzhi damə aagi. Huni ndza abə wirwir andza sheshuk, azha andza ꞌwanan ndə ma ŋkula andza a heɗe.
17Huni mbəla ŋkwaɓ, ara ndə həji aagi, aa kaajaɓahuni ka ata guma, azha aagi agəzlahuni a ŋge a jak ta tarha ta aagi. 18Aagi ajaɓahuni atama həji ma ndza aha hayak aagi abə atama bay magulakwakw aagi dawna sa, aska huni ghal səkən ndə huni gəra abə ndə huni zlima ata sa atama ta abə həji ma ŋkula ɗa Yahuda aagi. 19Ndə aa kajaɓahuni ata guma, ŋzliŋ a ɗiw a dzahuni ata ma ndə huni kaazlapazə avaŋgəy abə huni areh kuni səku, ara ndə vah watsa Bizlaf a kaghalahuni ma ndə huni kazlapə. 20Ara ndə a ɗa, huni ma kaazlap ma watsa səku, ama Miɗ ataa Cihw kuni ma kaazlapahuni. 21Həji aagi ata zliŋgin ta, minja a aber zliŋgin tə ma ꞌwa aska aagi a dzə ka a mci, ikwa zhana abə cina wəzhi aagi aɗalə abə wəzhi ta aagi. Ama wəzhi aagi azhinaktana ha a cin ta aagi, azha aagi abazlata ka a mci. 22Həji aagi tiwtiw, aagi aŋkalzə nja kuni dawna sa. Ama ala ma səw bəza a gwar ata kwakuɗaŋ tə, a aɗa reh. 23Ndə aa kasahuni yaka a hayak ma dzamadzam watsa, huni shi kuni a hayak ma dzamadzam minja. Sa zlapahuni, a ɗa ŋter: Huni kaagwar a dzəsl hayak Isərayila ma dzamadzam tiwtiw abə Mbə həji ma dəgnak a ndaha səku. 24Mbə ma dərakw səkən a kadəy masərək tə səku, azha ala ma ɗal zlən a kadəy madagal tə səku. 25A ɗa tiw, andza mbə masərək səkən tabəw tə a masərək tə, azha maɗal zlən tabəw tə andza ala ma dagal ma tsəz ka a ɗalanə zlən. Andza a kaasən a ranə dahalay a cina jak Belzebul, ma ɗa bay Gətili ya, azha həji ma ndza a gi watsa aagi ana ndə, aa kaɗa gwar takum a ratana dahalay azha vəw.»
Ala ndə ŋzliŋ a zhiva a dzahəji ara vaya?
(Luk 12.2-7)
26«Ŋzliŋ a ɗiw a dzahuni ara həji aagi səku. Kala səkən ma ɓahaɓah aagi tiwtiw, aagi aghala ta, abə ma hahash a zləm tiwtiw, a aghala tə. 27Ma ndə sa ghalahuni a ləvaŋ, huni ghalatana a həji aagi ata varvara a bay pish abə ndə ala a hahashahuni a zləm kuni, huni ghalə andza ala ma kadza wəla ma payha aha bəza. 28Ŋzliŋ a ɗiw a dzahuni ara həji ma dza həji aagi səku, aa kula a dza miɗ ma ndza a huni səku. Aba azha ci, ŋzliŋ madzahuni ara Bizlaf, ma kula ɗa kwa a diwzha mci kuni, kula zhin a dza miɗ kuni ka, zhana a fakahuni ka a kwahu ma ŋkula kəɗaŋ. 29Həji kaber zaghwala gbak ata dala ŋtaguleŋ aka wəra? Ama andza ŋtaguleŋ tandəvha ata hayak ci, abə may Cihw kuni. 30Ataa aŋkuni, kwa dzuguɗ ha kuni tiwtiw taŋgəɗaya. 31Ŋzliŋ a dzahunis, huni dəy aha zaghwala aagi aka wəra? 32Kwa vaye ma sən ka ata nja manahayak, a ɗa magəla naka, sa asən atama Vana ma ndza a wəzəm, a ɗa ala naka. 33Ama andza, ala taghal bəza ata nja manahayak, a kasənaka səku, sa aghal yəm, atama Vana ma ndza a wəzəm a wəzlaf ya, sa kasən səku.»
Yesu tadaaha təwah akas, ama a daaha ghəm
(Luk 12.51-53)
34«Huni ɗiw a deŋ ka ya, sa ndaha a manahayak a daaha təwah səku: sa tandaha a daaha təwah akas, ci ghəm.» 35Ara ndə a ɗa, sa ndaha a ɓizh mbə abə cin, tiw mama abə həla tə, tiw mana mawəl abə wala mbə tə. 36Həji ma ndza a gi kwa aagi, ana ma kaaɗa həji jaga kwa aagi.
37«Ala ma kamay cin tə dəy aha sa, aka səku mamən, tazhiva a ɗa ala naka səku. Ala ma kamay mbə tə dəy aha sa, aka səku həla tə, tazhiva a ɗa ala naka səku. 38Ala ma ŋkula ji a tiw mpi ma gəzlaŋgarak tə, a səbaraka, tazhiva a ɗa ala naka səku. 39Ala ma kamay a ɓah miɗ tə, a afəcak bəza, ci ala ma kaafəcak miɗ tə bəza aska sa, a agəra bəza.»
Ala ma lamzahuni, a lamzaka
(Mrk 9.37, 41; Luk 9.48; 10.16; Yhw 13.20)
40«Kwa vaye ma lamzahuni, a lamzaka. Kwa vaye ma lamzaka, a lamzə ala ma zlənaka. 41Ala ma lamzə ala ma ɗaf ma ndə a zlimazə ara Bizlaf, ara ndə a ɗa ala ma ɗaf ma ndə a zlimazə ara Bizlaf, a alima wəda zlən ma kavəla ana ala ma ɗaf ma ndə a zlimazə ara Bizlaf. Azha, ala ma lamzə ala ma dəlili ataa Bizlaf, ara ndə a ɗa, ala ma dəlili, a alima wəda zlən ma kavəla ana ala dəlili watsa. 42Sa zlapahuni a ɗa ŋter: ala ma sazanə yəm ma ɗimɗim a tikshiyəm ŋtaguleŋ a taba ma fashiɗ ataa magəli naka aagi ara ndə a ɗa, magəla naka, a alima wəda zlən tə.»
Currently Selected:
Mata 10: GOU
Highlight
Share
Copy
Want to have your highlights saved across all your devices? Sign up or sign in
Mata 10
10
Zlən ataa həji ta zlən Yesu ma wam aha gbak aagi
(Mrk 3.16-19; Luk 6.14-16)
1A diwzha tə, Yesu ya a yaha həji ta zlən tə ma wam aha gbak aagi, pa a vəlatana ɓərɓər ta gam miɗ ma gamak abə kwaleŋ dawər aagi tiwtiw, abə reh həji ma gəy ta aagi. 2Tsakwa, ana zləm ataa həji ta zlən Yesu ma wam aha gbak watsa aagi: Diw tə mampər Simun, ma ɗa Piyer abə zliŋgin Andire. Tiw Yakuba abə zliŋgin Yahwana, wəzhi ataa Zebede aagi gbak gbak, 3Filip, Bartelemi, Tumas abə Mata ma tsak jamargwal. Yakuba mbə Alfa abə Tade, 4Simun, ala ma kaləm aska a pəl hayak tə, zhana Yahuda Iskariyut ma kaaɓin a aber Yesu.
(Mrk 6.7-11; Luk 10.3-12; Luk 9.3-12)
5Yesu zlən a zlənzə həji tə ma wam aha gbak aagi a zlən, abə zlap watsə aagi iŋgaya: «Huni mbasl hayak ma ŋkula ɗa hayak Yahuda aagi ka, azha ara huni anda kwa a hayak ma ɗa hayak ma dzamadzam Samariya kwa ŋtaguleŋ.» 6Aɓa azha, huni nda gwara ara həji Isərayila ma fəcak ta andza wəzhi ŋcimi aagi. 7Ata təf, huni ɗafatana ma ci, la ndza bay ma ndza a wəzəm a wəzlaf huk, huniy təmta. 8Huni kwaleŋatana dawər həji ma kadawər aagi bəza, huni səfənha həji ma bazl ta aagi bəza a jiɓ, huni sugufatana fagwalakw həji fagwalakw aagi bəza, azha huni gam miɗ ma gamak aagi bəza. Ɓərɓər watsa huni lima ɓəlaakaka, azha huni vələ ɓəlaakaka yəm.
9«Huni ɗiw a ji kwa wəshi ara səku, kwa dala, kwa ɓərzləm bənaɓ a slibi kuni aagis.» 10Huni ɗiw a ji slibi ta ciwir kuni ara səku, kwa rəkuts gbak, kwa aŋci gbak, kwa dambəy. Ara ndə, ala ma ɗal zlən abə təf a zəm wəda.
11«Ndə huni kaaɗa gwar a hayak ma dzamadzam aka səku hayak ma dzuk dzuk aagi, huni gas ala ma slaha tə bəza a lamzahuni, azha huni ndza a tsutsa a gwar ata vah ndə huni kandaa kuni a bəza a tsutsa. 12Ndə huni kaaɗa peteŋ a wata watsa, huni zlap mpər: Təwah maɗal abə huni, huniy. 13Andza, həji ma ndza a gi watsa aagi, aa talamzahuni katkadək ya, təwah kuni watsa mandza ata təmta, ama andza aa talamzahuni katkadək aka səku, təwah kuni watsa mazhina tə ara huni. 14Andza a wata ala, aka səku a hayak ma dzamadzam, həji aagi aa kaji a lamzahuni səku, aka səku a teh ma kuni səku, huni nda kuni a bəza a tsutsa, kwa birdibirdi hayak ma ndza ata ŋgas kuni, huni ŋtəwatana ka, aska aagi a sən ci, deŋ ŋkwaɓ ta kadək səku. 15Sa kazlapahuni a ɗa ŋter: Vah ndə Bizlaf a kazla guma ya, a ɗa galaɓagha guma ataa hayak tiw Sadum abə Gumara aha ataa həji ma ndza a hayak watsa aagi.»
Ghal yaka ma kaandaha
(Mrk 13.9-13; Luk 21.12-17)
16«Huni tehzə, sa zlənahuni andza ŋcimi ma ndza a taba həzhi damə aagi. Huni ndza abə wirwir andza sheshuk, azha andza ꞌwanan ndə ma ŋkula andza a heɗe.
17Huni mbəla ŋkwaɓ, ara ndə həji aagi, aa kaajaɓahuni ka ata guma, azha aagi agəzlahuni a ŋge a jak ta tarha ta aagi. 18Aagi ajaɓahuni atama həji ma ndza aha hayak aagi abə atama bay magulakwakw aagi dawna sa, aska huni ghal səkən ndə huni gəra abə ndə huni zlima ata sa atama ta abə həji ma ŋkula ɗa Yahuda aagi. 19Ndə aa kajaɓahuni ata guma, ŋzliŋ a ɗiw a dzahuni ata ma ndə huni kaazlapazə avaŋgəy abə huni areh kuni səku, ara ndə vah watsa Bizlaf a kaghalahuni ma ndə huni kazlapə. 20Ara ndə a ɗa, huni ma kaazlap ma watsa səku, ama Miɗ ataa Cihw kuni ma kaazlapahuni. 21Həji aagi ata zliŋgin ta, minja a aber zliŋgin tə ma ꞌwa aska aagi a dzə ka a mci, ikwa zhana abə cina wəzhi aagi aɗalə abə wəzhi ta aagi. Ama wəzhi aagi azhinaktana ha a cin ta aagi, azha aagi abazlata ka a mci. 22Həji aagi tiwtiw, aagi aŋkalzə nja kuni dawna sa. Ama ala ma səw bəza a gwar ata kwakuɗaŋ tə, a aɗa reh. 23Ndə aa kasahuni yaka a hayak ma dzamadzam watsa, huni shi kuni a hayak ma dzamadzam minja. Sa zlapahuni, a ɗa ŋter: Huni kaagwar a dzəsl hayak Isərayila ma dzamadzam tiwtiw abə Mbə həji ma dəgnak a ndaha səku. 24Mbə ma dərakw səkən a kadəy masərək tə səku, azha ala ma ɗal zlən a kadəy madagal tə səku. 25A ɗa tiw, andza mbə masərək səkən tabəw tə a masərək tə, azha maɗal zlən tabəw tə andza ala ma dagal ma tsəz ka a ɗalanə zlən. Andza a kaasən a ranə dahalay a cina jak Belzebul, ma ɗa bay Gətili ya, azha həji ma ndza a gi watsa aagi ana ndə, aa kaɗa gwar takum a ratana dahalay azha vəw.»
Ala ndə ŋzliŋ a zhiva a dzahəji ara vaya?
(Luk 12.2-7)
26«Ŋzliŋ a ɗiw a dzahuni ara həji aagi səku. Kala səkən ma ɓahaɓah aagi tiwtiw, aagi aghala ta, abə ma hahash a zləm tiwtiw, a aghala tə. 27Ma ndə sa ghalahuni a ləvaŋ, huni ghalatana a həji aagi ata varvara a bay pish abə ndə ala a hahashahuni a zləm kuni, huni ghalə andza ala ma kadza wəla ma payha aha bəza. 28Ŋzliŋ a ɗiw a dzahuni ara həji ma dza həji aagi səku, aa kula a dza miɗ ma ndza a huni səku. Aba azha ci, ŋzliŋ madzahuni ara Bizlaf, ma kula ɗa kwa a diwzha mci kuni, kula zhin a dza miɗ kuni ka, zhana a fakahuni ka a kwahu ma ŋkula kəɗaŋ. 29Həji kaber zaghwala gbak ata dala ŋtaguleŋ aka wəra? Ama andza ŋtaguleŋ tandəvha ata hayak ci, abə may Cihw kuni. 30Ataa aŋkuni, kwa dzuguɗ ha kuni tiwtiw taŋgəɗaya. 31Ŋzliŋ a dzahunis, huni dəy aha zaghwala aagi aka wəra? 32Kwa vaye ma sən ka ata nja manahayak, a ɗa magəla naka, sa asən atama Vana ma ndza a wəzəm, a ɗa ala naka. 33Ama andza, ala taghal bəza ata nja manahayak, a kasənaka səku, sa aghal yəm, atama Vana ma ndza a wəzəm a wəzlaf ya, sa kasən səku.»
Yesu tadaaha təwah akas, ama a daaha ghəm
(Luk 12.51-53)
34«Huni ɗiw a deŋ ka ya, sa ndaha a manahayak a daaha təwah səku: sa tandaha a daaha təwah akas, ci ghəm.» 35Ara ndə a ɗa, sa ndaha a ɓizh mbə abə cin, tiw mama abə həla tə, tiw mana mawəl abə wala mbə tə. 36Həji ma ndza a gi kwa aagi, ana ma kaaɗa həji jaga kwa aagi.
37«Ala ma kamay cin tə dəy aha sa, aka səku mamən, tazhiva a ɗa ala naka səku. Ala ma kamay mbə tə dəy aha sa, aka səku həla tə, tazhiva a ɗa ala naka səku. 38Ala ma ŋkula ji a tiw mpi ma gəzlaŋgarak tə, a səbaraka, tazhiva a ɗa ala naka səku. 39Ala ma kamay a ɓah miɗ tə, a afəcak bəza, ci ala ma kaafəcak miɗ tə bəza aska sa, a agəra bəza.»
Ala ma lamzahuni, a lamzaka
(Mrk 9.37, 41; Luk 9.48; 10.16; Yhw 13.20)
40«Kwa vaye ma lamzahuni, a lamzaka. Kwa vaye ma lamzaka, a lamzə ala ma zlənaka. 41Ala ma lamzə ala ma ɗaf ma ndə a zlimazə ara Bizlaf, ara ndə a ɗa ala ma ɗaf ma ndə a zlimazə ara Bizlaf, a alima wəda zlən ma kavəla ana ala ma ɗaf ma ndə a zlimazə ara Bizlaf. Azha, ala ma lamzə ala ma dəlili ataa Bizlaf, ara ndə a ɗa, ala ma dəlili, a alima wəda zlən ma kavəla ana ala dəlili watsa. 42Sa zlapahuni a ɗa ŋter: ala ma sazanə yəm ma ɗimɗim a tikshiyəm ŋtaguleŋ a taba ma fashiɗ ataa magəli naka aagi ara ndə a ɗa, magəla naka, a alima wəda zlən tə.»
Currently Selected:
:
Highlight
Share
Copy
Want to have your highlights saved across all your devices? Sign up or sign in