Luka 13
13
Mbaɗ landza abə mci
1Vah watsa, həji ndiɓi aagi taha, a ghalanə a Yesu avaŋgəy ndə Pilatu tabazl həji hayak Galili aagi, tiɗa ndə aa kaɗalanə kwakus a Bizlaf. 2Yesu zhin a zhinatana: «Deŋ kuni ci, həji Galili ndə a bazlata ka watsa aagi, mpət ta, dəy aha ataa həji Galili ndiɓi aagi tiwtiw vəw ? 3Aŋghə, sa kazlapahuni ya, andza huni tambaɗ landza kuni bəza aka səku, huni abazl kuni tiwtiw andza təmta. 4Azha, deŋ kuni ci, həji ma wam aha dzamahkaɗ ma bazl ta, ndə jak a zahhaktana a Siluwe aagi ci, mpət ta dəy aha ataa həji ndiɓi aagi ma ndza a Wərusalima ma tiwtiw aagi vəw ? 5Aŋghə, sa kazlapahuni ci, andza huni tambaɗ landza kuni bəza aka səku ya, huni abazl tiwtiw andza təmta.»
Maŋgəla ma ndza ata shikiɗ
6Azha, Yesu zlap a zlapatana maŋgəla watsə: «Ala minja aka, taŋgəɓ nduŋ shikiɗ aka a la tə. Tsaw a ndaha a mbal mbə tə, ama talima mbə tə kwa a heɗe akas. 7A tsutsa, zlap a zlapanə ana ala ma həbar la: “Va mahkaɗ, sa kandaha a mbal mbə ataa mpi watsə, kwa sa talimaɓa mbə a heɗe akas. Bəl bəza mbeh a ma hayak! Kat tə ndə a kazla la bəza veme?” 8Ama, ala ma həbar la i kəsha iŋgaya: “Madagal, mbasl ka ata va watsə zhana, sa aranə la ka aska nduŋ tə, sa azanə dadə. 9Kata akaca a makuɗə, a kaambəwazə kusəm kavəw. Andza tambəwha mbə aka səku, hwa tsa kabəl ka.”»
Yesu tambəl wala ma huləm tə ma vah ta nəp
10Ma vah ta nəp minja, Yesu a kasərəkatana ma a həji aagi a jak ta tarha. 11Wala minja aka a tsutsa, va wam aha dzamahkaɗ, miɗ ma gamak tahuləm bəza; a nda ata laɗakw, kula a gar səku. 12Ndə Yesu a gəra wala watsa, daŋ a yaazə, zlap a zlapanə, iŋgaya: «Wala, dawər kwa kwaleŋ tiw,» iy. 13Pa a tsa ra a heɗe, azha a tsutsa a tsutsa, takaw a gar tə a wəzəm, dəba a ahəmən Bizlaf. 14Ama, ala madagal ma ndza aha jak ta tarha, ꞌunəf tə tamgbikw tə, ara ndə Yesu a reh ala ma vah ta nəp. Zlap a zlapatana a ŋgaɓa həji aagi, iŋgaya: «Wan ŋkwah ana ndə həji kaɗal zlən a heɗe. Huni ndaha a lima mbəl ma vah watsa aagi, mba ma vah ta nəp aka!» 15Madagal zhin a zhinanə, iŋgaya: «Ŋgwashŋgwash aagi! Ma vah ta nəp kwa vaye, a taba kuni, ma ŋkula ji a kapəlha zla tə, aka səku, madambərzhahw tə aha bəza, a jaɓ a sanə yəm vaya? 16Azha, wala watsa, a ɗa shiŋ Ibərahima, va wam aha dzamahkaɗ, Gətili tadzaw ka. Kadək a həji a pəl ka ma vah ta nəp səkwa?» 17Zhinha ma tə watsa, tadza həji jaga tə aagi bəza a haw tiwtiw ci, ŋgaɓa həji aagi, abə ɓas ata zlən ma ŋtan ndə Yesu a ɗalə.
Saɓ la ndza bay Bizlaf abə veme ?
(Mat 13.31-32; Mrk 4.30-32)
18A diwzha tə, Yesu zlap a zlap: «Abə veme, ana saɓ la ndza bay Bizlaf ? Sa saɓ abə veme? 19A saɓ andza mbə magəy guma ma ndəv tə, ala ji a ji, zləga a zləgə ka a la tə. Dəf a dəf tə, gəl a gəl tə a mpi ma dagal, vigin aagi aa tsa kalam jak ta ata maram tə aagi.»
20Yesu zlap a zlap zhana: «Sa saɓ la ndza bay Bizlaf abə veme? 21A saɓ abə faŋtər ndə wala a ɗə kajik, kəvəɗ a kəvəɗ ka a bay ŋfa tə, aska a bərəf ŋfa watsa tiwtiw.»
Majigjigi ma ŋteŋw
(Mat 7.13-14, 21-23)
22Yesu a kapew a hayak ma dzamadzam aagi abə hayak ma dzuk dzuk aagi, azha a kasərəkatana ma a həji aagi, ndə a kanda a Wərusalima. 23Ala minja ɗiw a ɗiwzə: «Bay Madagal, a ɗa həji aagi kajik ikwa ana ma kaareh ta gagagha vəw?» Zhin a zhinatana: 24«Huni ŋcah, a nda gwara majigjigi ma ŋteŋw. Ara ndə a ɗa, sa zlapahuni, həji aagi dagala ana ma kaaɓin a gas la nda ma gwara a tsutsa aagi, ama aa kaalimas.
25Ndə a kaɗa, cina jak a kaagar tə a wəzəm ci, a tsak majak tə ka, huni aɗa mba a bəza. Huni adza majak, huni azlap: “Madagal, Madagal, dəɗani majak.” A azhinahuni: “Sa kasənahuni kata huni ɗa həji tə aagi vaye səku!” 26Mbara azha, huni azlap: “Həji tava a zəm səkən abə sa səkən aagi abə huni, hwa tasərəkatana ma a həji aagi, a hayak ma dzamadzam cini.” 27A azhin a zlapahuni: “Sa kasənahuni kata huni a ɗa həji tə aagi vaye səku, huni jizaka ŋgas a bəza a ɗi, huni həji ma kaɗal zlən ma gamak aagi.”»
28Azha iŋgaya: «A tsutsa, abə huni ahan, huni aɓam zliɗeŋ, ndə huni kaagəra Ibərahima abə Isiyaku abə Yakubu abə həji ma ɗaf ma ndə aa zlimazə ara Bizlaf aagi tiwtiw a wəzəm a la ndza bay Bizlaf. Azha, huni, huni aɗa mba a bəza! 29Həji aagi ma ndaha gwara ata la mbirha pish aagi, gwara ata la ndəv pish, gwara a mbaha ata ha aagi, abə ma ndza a nduŋ aagi, aa kaaji la ndza, aa kaazəm səkən a wəzəm a la ndza bay Bizlaf. 30Azha ya, həji ma ndza akacihwa a baraf aagi, təmta ana ma kaaɓin a ndza atama. Həji ma ndza atama akacihwa aagi, təmta ana ma kaaɓin a ɗa mba a baraf aagi.»
Yesu a amca a Wərusalima
(Mat 23.37-39)
31Ata vah watsa, Farisa ndiɓi aagi, kərəɗ aa kərəɗha abəra Yesu, zlap aa zlapanə: «Nda kwa, ji ŋgas kwa a bəza a ɗi, ara ndə a ɗa, Haridus a kagas a dzahu ka.» 32Yesu zhin a zhinatana: «Huni nda a ghalanə a mbiyga watsa: Aŋgha sa kagam miɗ ma gamak aagi, abə kwaleŋ həji dawər aagi akacihwa a vaŋ apat, azha vah ma mahkaɗ tə, sa akəɗaŋ zlən naka bəza. 33Ama, a kazhiva a sa a nda naka akacihwa, a vaŋ apat, abə apat minja, ara ndə a ɗa ya, a kadək ana həji ma ɗaf ma ndə a zlimazə ara Bizlaf a mca ata la minja səku, səy a Wərusalima.
34Wərusalima, Wərusalima, hwa ma bazl maɗaf ma Bizlaf aagi, azha, hwa taŋgwafata abə ŋkəɗaŋ! Zhin dagala sa tamay a dzam wəzhi kwa aagi andza mana gamtak ma kadzam wəzhi tə aagi aska papa tə, ci, hwa tajis. 35Yawa, Bizlaf a ambaslahuni jak kuni ka. Sa kazlapahuni: huni kaaɓin a gəraka ꞌwa aka akacihwa a gwar ata vah ndə huni kaazlap: Bəzla Bizlaf maɗal ata ala ma ndaha ata zləm Bizlaf Bay Madagal, ana huniy, səku.»
Currently Selected:
Luka 13: GOU
Highlight
Share
Copy
Want to have your highlights saved across all your devices? Sign up or sign in
Luka 13
13
Mbaɗ landza abə mci
1Vah watsa, həji ndiɓi aagi taha, a ghalanə a Yesu avaŋgəy ndə Pilatu tabazl həji hayak Galili aagi, tiɗa ndə aa kaɗalanə kwakus a Bizlaf. 2Yesu zhin a zhinatana: «Deŋ kuni ci, həji Galili ndə a bazlata ka watsa aagi, mpət ta, dəy aha ataa həji Galili ndiɓi aagi tiwtiw vəw ? 3Aŋghə, sa kazlapahuni ya, andza huni tambaɗ landza kuni bəza aka səku, huni abazl kuni tiwtiw andza təmta. 4Azha, deŋ kuni ci, həji ma wam aha dzamahkaɗ ma bazl ta, ndə jak a zahhaktana a Siluwe aagi ci, mpət ta dəy aha ataa həji ndiɓi aagi ma ndza a Wərusalima ma tiwtiw aagi vəw ? 5Aŋghə, sa kazlapahuni ci, andza huni tambaɗ landza kuni bəza aka səku ya, huni abazl tiwtiw andza təmta.»
Maŋgəla ma ndza ata shikiɗ
6Azha, Yesu zlap a zlapatana maŋgəla watsə: «Ala minja aka, taŋgəɓ nduŋ shikiɗ aka a la tə. Tsaw a ndaha a mbal mbə tə, ama talima mbə tə kwa a heɗe akas. 7A tsutsa, zlap a zlapanə ana ala ma həbar la: “Va mahkaɗ, sa kandaha a mbal mbə ataa mpi watsə, kwa sa talimaɓa mbə a heɗe akas. Bəl bəza mbeh a ma hayak! Kat tə ndə a kazla la bəza veme?” 8Ama, ala ma həbar la i kəsha iŋgaya: “Madagal, mbasl ka ata va watsə zhana, sa aranə la ka aska nduŋ tə, sa azanə dadə. 9Kata akaca a makuɗə, a kaambəwazə kusəm kavəw. Andza tambəwha mbə aka səku, hwa tsa kabəl ka.”»
Yesu tambəl wala ma huləm tə ma vah ta nəp
10Ma vah ta nəp minja, Yesu a kasərəkatana ma a həji aagi a jak ta tarha. 11Wala minja aka a tsutsa, va wam aha dzamahkaɗ, miɗ ma gamak tahuləm bəza; a nda ata laɗakw, kula a gar səku. 12Ndə Yesu a gəra wala watsa, daŋ a yaazə, zlap a zlapanə, iŋgaya: «Wala, dawər kwa kwaleŋ tiw,» iy. 13Pa a tsa ra a heɗe, azha a tsutsa a tsutsa, takaw a gar tə a wəzəm, dəba a ahəmən Bizlaf. 14Ama, ala madagal ma ndza aha jak ta tarha, ꞌunəf tə tamgbikw tə, ara ndə Yesu a reh ala ma vah ta nəp. Zlap a zlapatana a ŋgaɓa həji aagi, iŋgaya: «Wan ŋkwah ana ndə həji kaɗal zlən a heɗe. Huni ndaha a lima mbəl ma vah watsa aagi, mba ma vah ta nəp aka!» 15Madagal zhin a zhinanə, iŋgaya: «Ŋgwashŋgwash aagi! Ma vah ta nəp kwa vaye, a taba kuni, ma ŋkula ji a kapəlha zla tə, aka səku, madambərzhahw tə aha bəza, a jaɓ a sanə yəm vaya? 16Azha, wala watsa, a ɗa shiŋ Ibərahima, va wam aha dzamahkaɗ, Gətili tadzaw ka. Kadək a həji a pəl ka ma vah ta nəp səkwa?» 17Zhinha ma tə watsa, tadza həji jaga tə aagi bəza a haw tiwtiw ci, ŋgaɓa həji aagi, abə ɓas ata zlən ma ŋtan ndə Yesu a ɗalə.
Saɓ la ndza bay Bizlaf abə veme ?
(Mat 13.31-32; Mrk 4.30-32)
18A diwzha tə, Yesu zlap a zlap: «Abə veme, ana saɓ la ndza bay Bizlaf ? Sa saɓ abə veme? 19A saɓ andza mbə magəy guma ma ndəv tə, ala ji a ji, zləga a zləgə ka a la tə. Dəf a dəf tə, gəl a gəl tə a mpi ma dagal, vigin aagi aa tsa kalam jak ta ata maram tə aagi.»
20Yesu zlap a zlap zhana: «Sa saɓ la ndza bay Bizlaf abə veme? 21A saɓ abə faŋtər ndə wala a ɗə kajik, kəvəɗ a kəvəɗ ka a bay ŋfa tə, aska a bərəf ŋfa watsa tiwtiw.»
Majigjigi ma ŋteŋw
(Mat 7.13-14, 21-23)
22Yesu a kapew a hayak ma dzamadzam aagi abə hayak ma dzuk dzuk aagi, azha a kasərəkatana ma a həji aagi, ndə a kanda a Wərusalima. 23Ala minja ɗiw a ɗiwzə: «Bay Madagal, a ɗa həji aagi kajik ikwa ana ma kaareh ta gagagha vəw?» Zhin a zhinatana: 24«Huni ŋcah, a nda gwara majigjigi ma ŋteŋw. Ara ndə a ɗa, sa zlapahuni, həji aagi dagala ana ma kaaɓin a gas la nda ma gwara a tsutsa aagi, ama aa kaalimas.
25Ndə a kaɗa, cina jak a kaagar tə a wəzəm ci, a tsak majak tə ka, huni aɗa mba a bəza. Huni adza majak, huni azlap: “Madagal, Madagal, dəɗani majak.” A azhinahuni: “Sa kasənahuni kata huni ɗa həji tə aagi vaye səku!” 26Mbara azha, huni azlap: “Həji tava a zəm səkən abə sa səkən aagi abə huni, hwa tasərəkatana ma a həji aagi, a hayak ma dzamadzam cini.” 27A azhin a zlapahuni: “Sa kasənahuni kata huni a ɗa həji tə aagi vaye səku, huni jizaka ŋgas a bəza a ɗi, huni həji ma kaɗal zlən ma gamak aagi.”»
28Azha iŋgaya: «A tsutsa, abə huni ahan, huni aɓam zliɗeŋ, ndə huni kaagəra Ibərahima abə Isiyaku abə Yakubu abə həji ma ɗaf ma ndə aa zlimazə ara Bizlaf aagi tiwtiw a wəzəm a la ndza bay Bizlaf. Azha, huni, huni aɗa mba a bəza! 29Həji aagi ma ndaha gwara ata la mbirha pish aagi, gwara ata la ndəv pish, gwara a mbaha ata ha aagi, abə ma ndza a nduŋ aagi, aa kaaji la ndza, aa kaazəm səkən a wəzəm a la ndza bay Bizlaf. 30Azha ya, həji ma ndza akacihwa a baraf aagi, təmta ana ma kaaɓin a ndza atama. Həji ma ndza atama akacihwa aagi, təmta ana ma kaaɓin a ɗa mba a baraf aagi.»
Yesu a amca a Wərusalima
(Mat 23.37-39)
31Ata vah watsa, Farisa ndiɓi aagi, kərəɗ aa kərəɗha abəra Yesu, zlap aa zlapanə: «Nda kwa, ji ŋgas kwa a bəza a ɗi, ara ndə a ɗa, Haridus a kagas a dzahu ka.» 32Yesu zhin a zhinatana: «Huni nda a ghalanə a mbiyga watsa: Aŋgha sa kagam miɗ ma gamak aagi, abə kwaleŋ həji dawər aagi akacihwa a vaŋ apat, azha vah ma mahkaɗ tə, sa akəɗaŋ zlən naka bəza. 33Ama, a kazhiva a sa a nda naka akacihwa, a vaŋ apat, abə apat minja, ara ndə a ɗa ya, a kadək ana həji ma ɗaf ma ndə a zlimazə ara Bizlaf a mca ata la minja səku, səy a Wərusalima.
34Wərusalima, Wərusalima, hwa ma bazl maɗaf ma Bizlaf aagi, azha, hwa taŋgwafata abə ŋkəɗaŋ! Zhin dagala sa tamay a dzam wəzhi kwa aagi andza mana gamtak ma kadzam wəzhi tə aagi aska papa tə, ci, hwa tajis. 35Yawa, Bizlaf a ambaslahuni jak kuni ka. Sa kazlapahuni: huni kaaɓin a gəraka ꞌwa aka akacihwa a gwar ata vah ndə huni kaazlap: Bəzla Bizlaf maɗal ata ala ma ndaha ata zləm Bizlaf Bay Madagal, ana huniy, səku.»
Currently Selected:
:
Highlight
Share
Copy
Want to have your highlights saved across all your devices? Sign up or sign in