Rawma ege 3
3
Kaw vayay a kala gay
1Mada ana ebe ŋghe ca, Yahudu ege, əy nadayzata hejəye vedəye a vemey? Lazla mandulay ca, taŋtaŋ anta aka vaw? 2Njenjəwen ca, Yahudu ege əy dayzata hejəye vedəye ca, a səkan ege vəram, mavəday, Gazlavay a veletene zlap anta ege ma mpar anta ca, ŋ tata. 3Cemey, mada hejəye vedəye ŋ taba tata, əy kála səkan a heɗe a heɗe, askwaw ca, Gazlavay a nayakza ka ŋ la taŋtaŋ anta mavəday ma əy kála səkan a heɗe a heɗe, səkwaw wese vaw? 4Njenjəwen ca, kaw askwaw! Səy hune san ka, Gazlavay a zlap ca, ma ma njenjəwen, cemey, hejəye tewtew ca, ara mazla metəwle ege. Ana ma kéŋtereye, a ŋgaya:
«Səy kaw vayay megəre hwa ɗala ma taŋtaŋ ŋ zlap ŋkwa ege tewtew leŋ
hwa káŋta ha gamzakw aza ata hejəye ma keghemahwaw ege.»
5Cemey, mada gay ŋtakwaw ege, əy kaghwalza taŋtaŋ mala Gazlavay ca, heje nazlap vaŋgay? Ca, mada Gazlavay, a kasaheje gef ata lada unaf anta ca, heje kazlap, hejey, mbəy kadak səkwaw, askwaw vaw? Sa zlap ana hejəye. 6Njenjəwen ca, kaw, askwaw! Mada Gazlavay a kala səkan a heɗe a heɗe askwaw ca, a nasan ŋ ja guma ata manhayak ca, vaŋgay? 7Cemey, mada metəwle naka a kaghwalza Gazlavay a kazlap ma ma njenjəwen, a kaghwalza ɓardakw anta ca, a ghemekey ana ɗala ma la gay ca, ŋ vay? 8Hejəye vedəye əy karaheje, hejəye ŋghe anta ege ca, əy tete ata lem ghem. Əy kazlap ma ma kadak səkwaw, əy ŋgaya: «Ŋ lakwaw dadawar, ndar taŋtaŋ a ghwalaha ŋma!» Əy ya, ca, heje lakwaw dadawar anta səkwaw, vemey?
9Ca, na ŋgha ca, vaŋgay? Heje Yahudu ege ca, heje pa ma day aha hejəye vedəye eze vaw? Kaw askwaw! Cemey, sa kázlap aza mpar, Yahudu ege ey Yunanəyŋkaw ege tewtew, gay a kedetene ma. 10Ana maa kéŋtereye, a ŋgaya:
«Kaw ɗala teŋguleŋ, ma kala taŋtaŋ, askwaw.
11Kaw ɗala ma ŋkwaɓ ŋ ha aka, askwaw,
kaw ɗala ma kampam Gazlavay, askwaw.
12Tata tewtew tata, əy káyakza taf ma taŋtaŋ aka, əy kéfətek tata.
Kaw ɗala teŋguleŋ, ma kala taŋtaŋ, askwaw.
13Maŋgwarlam tata ege, əy nja ana jeɓ mazlarazlar,
əy kabaɗzata hejəye a ganana tata ege.
Zlap ma kadamaha ŋ pakam tata ege ca, a nja ana maslalaw mala ŋkursla.
14Zlap ma ŋ pakam tata ege, əy kagayzaheje, əy ɗeɗəwek.
15Əy kehey kəcaŋ, ŋ nda, ŋ ja ŋkəɗeh.
16Ata la maa əy nda ca, əy gay la ara,
əy kefətekzata hejəye ara.
17Əy kasan taf zəhay, səkwaw.
18Kaw əy kalalak ata Gazlavay, səkwaw.»
19Cemey, heje kasan ca, ma maŋkanaŋkan ma kazlap tewtew ca, a zlepetene ca, ŋ hejəye ma kewenzene ha aka ŋ ma maŋkanaŋkan ege, ndar kaw vayay, a mpak ma anta ka, aya hejəye tewtew əy san ka ca, Gazlavay a neghem kaw vayay, a manhayak. 20Mavəday anta, kaw ɗala ma kanaghwalza ha anta mbəy kadak a tama Gazlavay mavəday a kasəbar ma maŋkanaŋkan ca, askwaw. Cemey, ma maŋkanaŋkan a ghwalzaheje ca, gay ŋtakwaw ege.
Gazlavay a rehzata hejəye ca, vaŋgay?
21Cemey, na ŋgha ca, Gazlavay kághwalzaheje aza, a bawzaheje aza ŋ hejəye ma taŋtaŋ ege a tama anta ca ta ŋ ma maŋkanaŋkan, səkwaw. Ma maŋkanaŋkan ey uzəye ma zlap ma mala Gazlavay ege, əy kághwalza zlezle. 22Gazlavay kábawzata hejəye tewtew ma lamza Yesu Almasəyhu ege aza, ŋ hejəye ma taŋtaŋ ege, mavəday a tama anta ca, hejəye tewtew, əy ndəlaŋw. 23Hejəye tewtew, əy kála gay, mavəday anta, əy gədak, a ɓardakw mala Gazlavay. 24Cemey, Gazlavay ca, kábawzata aza mala bəse a taŋtaŋ anta, ŋ hejəye ma taŋtaŋ ege ta ŋ Yesu Almasəyhu ma pelzetene gay tata ege aza. 25Yesu Almasəyhu anta ca, ara mbe maa Gazlavay a valza, ndar hejəye əy lem lapal gay tata ege ta ŋ lalam, mavəday mbambaz anta maa a zahaha. Ana ebe ŋghe, Gazlavay a ghwalza ca, mbəy a taŋtaŋ kaw vepey mavəday zlezle káyakzata hejəye aka ŋ ghemata ata gay tata ege. 26Ata vah wese ca, Gazlavay késew ka. Ana ebe ŋghe, a kaghwalaza taŋtaŋ anta ata vah ma na ŋgha. A ɗaw ca, a nja mbəy a taŋtaŋ leŋ a bawzata hejəye ma lamza Yesu ege aza ŋ hejəye ma taŋtaŋ ege. 27Mavəday anta ca, ghav kémenaheje vaw? Kaw askwaw! Ca, mavəday vemey? Mavəday zlan ege vaw? Kaw, askwaw, səy a lalam. 28Heje kasan njenjəwen, Gazlavay a kabawza ɗala aza ŋ ɗala ma taŋtaŋ ca, mavəday lalam, səkwaw ca, mavəday zlan ege maa a lata ana maa ma maŋkanaŋkan a kaɗaw, səkwaw. 29Askwaw ca, Gazlavay ca, ara Gazlavay mala Yahudu ege gagaha vaw? Ara Gazlavay mala Hejəye ma tata Yahudu ege səkwaw yam, səkwaw vaw? Njəwen, Gazlavay ca, ara Gazlavay mala hejəye maa tata Yahudu ege səkwaw, yam, 30mavəday, Gazlavay ca, teŋguleŋ. Ara mbe ma kanabawzata Yahudu ege aza ŋ hejəye ma taŋtaŋ ege ta ŋ lalam, a zeney, ara mbe ma kanabawzata hejəye maa tata Yahudu ege səkwaw aza, ŋ hejəye ma taŋtaŋ ege ta ŋ lalam. 31Ayaw, ana ebe ŋghe ca, heje kula ŋ sarza ma maŋkanaŋkan aza ana səkan bəse, ta ŋ lalam, vaw? Kaw, askwaw! Karba ca, heje nevelene taŋtaŋ anta, a heɗe a heɗe.
Currently Selected:
Rawma ege 3: BHS
Highlight
Share
Copy
Want to have your highlights saved across all your devices? Sign up or sign in
© 2025 CABTAL
Rawma ege 3
3
Kaw vayay a kala gay
1Mada ana ebe ŋghe ca, Yahudu ege, əy nadayzata hejəye vedəye a vemey? Lazla mandulay ca, taŋtaŋ anta aka vaw? 2Njenjəwen ca, Yahudu ege əy dayzata hejəye vedəye ca, a səkan ege vəram, mavəday, Gazlavay a veletene zlap anta ege ma mpar anta ca, ŋ tata. 3Cemey, mada hejəye vedəye ŋ taba tata, əy kála səkan a heɗe a heɗe, askwaw ca, Gazlavay a nayakza ka ŋ la taŋtaŋ anta mavəday ma əy kála səkan a heɗe a heɗe, səkwaw wese vaw? 4Njenjəwen ca, kaw askwaw! Səy hune san ka, Gazlavay a zlap ca, ma ma njenjəwen, cemey, hejəye tewtew ca, ara mazla metəwle ege. Ana ma kéŋtereye, a ŋgaya:
«Səy kaw vayay megəre hwa ɗala ma taŋtaŋ ŋ zlap ŋkwa ege tewtew leŋ
hwa káŋta ha gamzakw aza ata hejəye ma keghemahwaw ege.»
5Cemey, mada gay ŋtakwaw ege, əy kaghwalza taŋtaŋ mala Gazlavay ca, heje nazlap vaŋgay? Ca, mada Gazlavay, a kasaheje gef ata lada unaf anta ca, heje kazlap, hejey, mbəy kadak səkwaw, askwaw vaw? Sa zlap ana hejəye. 6Njenjəwen ca, kaw, askwaw! Mada Gazlavay a kala səkan a heɗe a heɗe askwaw ca, a nasan ŋ ja guma ata manhayak ca, vaŋgay? 7Cemey, mada metəwle naka a kaghwalza Gazlavay a kazlap ma ma njenjəwen, a kaghwalza ɓardakw anta ca, a ghemekey ana ɗala ma la gay ca, ŋ vay? 8Hejəye vedəye əy karaheje, hejəye ŋghe anta ege ca, əy tete ata lem ghem. Əy kazlap ma ma kadak səkwaw, əy ŋgaya: «Ŋ lakwaw dadawar, ndar taŋtaŋ a ghwalaha ŋma!» Əy ya, ca, heje lakwaw dadawar anta səkwaw, vemey?
9Ca, na ŋgha ca, vaŋgay? Heje Yahudu ege ca, heje pa ma day aha hejəye vedəye eze vaw? Kaw askwaw! Cemey, sa kázlap aza mpar, Yahudu ege ey Yunanəyŋkaw ege tewtew, gay a kedetene ma. 10Ana maa kéŋtereye, a ŋgaya:
«Kaw ɗala teŋguleŋ, ma kala taŋtaŋ, askwaw.
11Kaw ɗala ma ŋkwaɓ ŋ ha aka, askwaw,
kaw ɗala ma kampam Gazlavay, askwaw.
12Tata tewtew tata, əy káyakza taf ma taŋtaŋ aka, əy kéfətek tata.
Kaw ɗala teŋguleŋ, ma kala taŋtaŋ, askwaw.
13Maŋgwarlam tata ege, əy nja ana jeɓ mazlarazlar,
əy kabaɗzata hejəye a ganana tata ege.
Zlap ma kadamaha ŋ pakam tata ege ca, a nja ana maslalaw mala ŋkursla.
14Zlap ma ŋ pakam tata ege, əy kagayzaheje, əy ɗeɗəwek.
15Əy kehey kəcaŋ, ŋ nda, ŋ ja ŋkəɗeh.
16Ata la maa əy nda ca, əy gay la ara,
əy kefətekzata hejəye ara.
17Əy kasan taf zəhay, səkwaw.
18Kaw əy kalalak ata Gazlavay, səkwaw.»
19Cemey, heje kasan ca, ma maŋkanaŋkan ma kazlap tewtew ca, a zlepetene ca, ŋ hejəye ma kewenzene ha aka ŋ ma maŋkanaŋkan ege, ndar kaw vayay, a mpak ma anta ka, aya hejəye tewtew əy san ka ca, Gazlavay a neghem kaw vayay, a manhayak. 20Mavəday anta, kaw ɗala ma kanaghwalza ha anta mbəy kadak a tama Gazlavay mavəday a kasəbar ma maŋkanaŋkan ca, askwaw. Cemey, ma maŋkanaŋkan a ghwalzaheje ca, gay ŋtakwaw ege.
Gazlavay a rehzata hejəye ca, vaŋgay?
21Cemey, na ŋgha ca, Gazlavay kághwalzaheje aza, a bawzaheje aza ŋ hejəye ma taŋtaŋ ege a tama anta ca ta ŋ ma maŋkanaŋkan, səkwaw. Ma maŋkanaŋkan ey uzəye ma zlap ma mala Gazlavay ege, əy kághwalza zlezle. 22Gazlavay kábawzata hejəye tewtew ma lamza Yesu Almasəyhu ege aza, ŋ hejəye ma taŋtaŋ ege, mavəday a tama anta ca, hejəye tewtew, əy ndəlaŋw. 23Hejəye tewtew, əy kála gay, mavəday anta, əy gədak, a ɓardakw mala Gazlavay. 24Cemey, Gazlavay ca, kábawzata aza mala bəse a taŋtaŋ anta, ŋ hejəye ma taŋtaŋ ege ta ŋ Yesu Almasəyhu ma pelzetene gay tata ege aza. 25Yesu Almasəyhu anta ca, ara mbe maa Gazlavay a valza, ndar hejəye əy lem lapal gay tata ege ta ŋ lalam, mavəday mbambaz anta maa a zahaha. Ana ebe ŋghe, Gazlavay a ghwalza ca, mbəy a taŋtaŋ kaw vepey mavəday zlezle káyakzata hejəye aka ŋ ghemata ata gay tata ege. 26Ata vah wese ca, Gazlavay késew ka. Ana ebe ŋghe, a kaghwalaza taŋtaŋ anta ata vah ma na ŋgha. A ɗaw ca, a nja mbəy a taŋtaŋ leŋ a bawzata hejəye ma lamza Yesu ege aza ŋ hejəye ma taŋtaŋ ege. 27Mavəday anta ca, ghav kémenaheje vaw? Kaw askwaw! Ca, mavəday vemey? Mavəday zlan ege vaw? Kaw, askwaw, səy a lalam. 28Heje kasan njenjəwen, Gazlavay a kabawza ɗala aza ŋ ɗala ma taŋtaŋ ca, mavəday lalam, səkwaw ca, mavəday zlan ege maa a lata ana maa ma maŋkanaŋkan a kaɗaw, səkwaw. 29Askwaw ca, Gazlavay ca, ara Gazlavay mala Yahudu ege gagaha vaw? Ara Gazlavay mala Hejəye ma tata Yahudu ege səkwaw yam, səkwaw vaw? Njəwen, Gazlavay ca, ara Gazlavay mala hejəye maa tata Yahudu ege səkwaw, yam, 30mavəday, Gazlavay ca, teŋguleŋ. Ara mbe ma kanabawzata Yahudu ege aza ŋ hejəye ma taŋtaŋ ege ta ŋ lalam, a zeney, ara mbe ma kanabawzata hejəye maa tata Yahudu ege səkwaw aza, ŋ hejəye ma taŋtaŋ ege ta ŋ lalam. 31Ayaw, ana ebe ŋghe ca, heje kula ŋ sarza ma maŋkanaŋkan aza ana səkan bəse, ta ŋ lalam, vaw? Kaw, askwaw! Karba ca, heje nevelene taŋtaŋ anta, a heɗe a heɗe.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2025 CABTAL