Mata 16
16
Farəysa ege ey Sadukəy ege əy ɗawza Yesu ŋ la zaɓəla
1A təwse ca, Farəysa ege ey Sadukəy ege, əy ndaha ara Yesu ŋ slanza. Aya, əy ɗawza, ma ghwelzetene zaɓəla ma ndaha aka mgba ata uzlaf. 2Yesu a zenetene, a ŋgaya: «Mada pes kándav anta ca, hune zlap huney: “A mapat ca, la a nazlar kadak kadak, mavəday la ma ata uzlaf vəre.” 3Aya, mala mapat ca, huney: “Van a naɗa a tambaca, mavəday kuzle mgba ata uzlaf, mahwabakw aka.” Mada hune sar la mgba ata uzlaf ca, hune kaghwalza səkan ma kanalaha, ca, hune kula ŋ san səkan maa vah ma na ŋgha a kaɗaw ŋ ghwalza a mpat a tama səkwaw vaw? 4Hejəye ma na ŋghe ege ca, ara hejəye dadawar ege, əy kasəbar zlap mala Gazlavay zeney askwaw, əy kaɗaw ŋ gəre zaɓəla, cemey, əy kenelemew, askwaw, səy zaɓəla mala Yawnas, mba ma zlap ma mala Gazlavay.» Aya, Yesu a yakzata aka a təwse, tel a nda anta.
Farəysa ege ey Sadukəy ege ca, əy nja ana əys
5Maa madarlaŋw Yesu ege, əy kazlaŋ kəɗa aha bəza ŋtele ca, əy kéheseŋza aza ŋ ŋta peŋ ara. 6A təwse ca, Yesu a zlepetene ŋ malaɓ anta ege, a ŋgaya: «Hune sla ka kadak kadak ata əys mala Farəysa ege ey Sadukəy ege.» 7Malaɓ Yesu ege, əy zlap ŋ taba tata, əy ŋgaya: «A zlap ana ebe ŋghe ca, mavəday maa heje kádaha peŋ ara, askwaw vaw?» 8Cemey, Yesu a kasan səkan maa əy kazlap. Aya, a ɗawzata, a ŋgaya: «Hune hejəye maa lalam ŋkune parham ŋghe ege, hune deŋ ŋkwaɓ ŋ taba ŋkune ata maa hune kádaha peŋ ara askwaw ca, ŋ vay? 9Ha na ŋgha ca, hune kasan səkwaw war vaw? Sa kézemetene səkan ŋ hejəye bəlakw jaɓan, a peŋ jaɓan leŋ ma menha ca, ujam ege vanay? Ca, hune kesenzene səkwaw vaw? 10A zeney, sa kézemetene səkan ŋ hejəye bəlakw ŋfaɗ a peŋ ŋsəleɗ leŋ ma menha anta ca, ujam ege vanay? Ca, hune kesenzene səkwaw vaw? 11Maa sa zlapahune, sa ya: “Hune slaka ata əys mala Farəysa ege ey Sadukəy ege” wese ca, sa zlapahune ca, ata peŋ səkwaw, ca, hune kasan səkwaw vaw?» 12A təwse ca, malaɓ Yesu ege əy kásan aza, Yesu a zlepetene ca, ata əys mala peŋ səkwaw, cemey, ata laghwal zlap mala Farəysa ege ey Sadukəy ege.
Pəyer a ghwalza Yesu ca, ara Almasəyhu
13A dəwze anta, Yesu a nda ŋ hayak Kaysarəya mala Fəyləypəy. A təwse ca, a ɗawzata madarlaŋw anta ege, a ŋgaya: «Hejəye əy kazlap ata sa, sa Mba Ɗala ca, sa vayay?» 14Malaɓ anta ege wese, əy zenene, əy ŋgaya: «Hejəye vedəye, əy kazlap, hwa ca, hwa Yuhana maban hejəye a yam baptəysma, hejəye vedəye yam, əy kazlap, hwa ca, hwa Eləya. Hejəye vedəye zeney, əy kazlap hwa ca, hwa Yereməya, askwaw ca, hwa mba ma zlap ma mala Gazlavay wende.» 15Yesu a ɗawzata malaɓ anta ege zeney, a ŋgaya: «Ca hune yam ca, hune kazlap, sa ca, sa vayay?» 16A təwse ca, Səymawn Pəyer a zenene, a ŋgaya: «Hwa ca, hwa Almasəyhu, Mba Gazlavay ma a nje.» 17Aya, Yesu a zlepene, a ŋgaya: «Bəzla Gazlavay mbəy ata hwa, Səymawn mba Yawnas, mavəday ara heje dakənak ma ghwalzahwaw ma ma njenjəwen ŋghe səkwaw, cemey, ara Vana ma mgba ata uzlaf ma ghwalzahwaw. 18Aya, sa yam, sa kazlapahwaw: hwa ca, hwa Pəyer, ana zlap ca, kefe. Cemey, ata kefe anta ca, sa naba lajav hejəye ma lamza ma naka aza ege, a heɗe. Kaw ɓarɓar mala mac ca, a kanala kula a heɗe səkwaw. 19Sa navalahwaw səkan ma ata zlarza ma ujek ŋ Lazam bay ma mgba ata uzlaf. Ma maa hwa kanaŋkan ka ŋ manhayak ete ŋghe ca, kéŋkeneye ŋ mgba ata uzlaf yam. Ma maa hwa kanapalza ka ŋ manhayak ete ŋghe ca, képeleye ŋ mgba ata uzlaf yam.» 20A dəwze anta ca, Yesu a ŋgazata madarlaŋw anta ege aka, əy ɗaw ŋ zlepene ŋ kaw vayay, mbe ca, ara Almasəyhu səkwaw.
Yesu a ghwalza lamac anta ey lagwarzam aza anta ata lamac
21Aya, mar aka ata vah wese ca, Yesu a ghwelzetene zlap ŋ madarlaŋw anta ege delele. A zlepetene a ŋgaya: «Kulakw, sa nanda ŋ Urusaləyma, sa nasa gef dakala asa ra madakal dakal ma a tama Yahudu ege ey madakal dakal ege mala kwakwas ege leŋ maghwal ma maŋkanaŋkan ege, əy nejekey aza, cemey, ata pes mamahkaɗ anta ca, sa nagwarzamha aza ata lamac.» 22A təwse ca, Pəyer a njew Yesu aza teŋguleŋ anta ata zlaŋgal, a zlepene, a ŋgaya: «Bay Madakal, Gazlavay aka ca, a ɗaw ŋ laha, səkwaw. Səkan ma da ebe ŋghe ca, a ɗaw ŋ ndewzahwaw səkwaw.» 23Cemey, Yesu a bawha tama, a zlepene ŋ Pəyer, a ŋgaya: «Kese aza gədak a sa, Malula, hwa kampam taf ŋ bewzekey taf naka aza, mavəday ledeŋ ŋkwaɓ ŋkwa ca, ara ledeŋ ŋkwaɓ mala Gazlavay səkwaw, cemey, ara ledeŋ ŋkwaɓ mala hejəye dakənak ege.» 24Aya, Yesu a zlepetene ŋ madarlaŋw anta ege, a ŋgaya: «Mada ɗala a kaɗaw ŋ səberekey ca, a ɗaw ŋ deŋza ata ha anta səkwaw, metew mpe gafaŋgal anta, mesəberekey. 25Kaw vayay ma kaɗaw ŋ rehza ha anta aza ca, a nakuɗapza aza. Cemey, ɗala ma kuɗapza ha anta aza, mavəday sa ca, a nerehza aza. 26Mada ɗala, kélem səkan ma a manhayak ŋghe aza tewtew, cemey, kákuɗapza ha anta aza ca, a nelem vemey? Kaw askwaw! Səkan maa ɗala kula ŋ valza aza mavəday ŋ rehza ha anta aza ca, askwaw. 27Cemey, Mba Ɗala ca, a nandaha ŋ ɓardakw mala Cen Gazlavay, zlaɓa malaɓ anta ege. Aya, a neŋterene ŋ kaw vayay tete ata zlan anta ma a laza. 28Sa kazlapahune njenjəwen, hejəye vedəye ŋ taba ŋkune ete ŋghe, əy kanamac tata, askwaw, səy əy megəre Mba Ɗala ma ndaha aza ana Bay kwagwa.»
Currently Selected:
Mata 16: BHS
Highlight
Share
Copy
Want to have your highlights saved across all your devices? Sign up or sign in
© 2025 CABTAL
Mata 16
16
Farəysa ege ey Sadukəy ege əy ɗawza Yesu ŋ la zaɓəla
1A təwse ca, Farəysa ege ey Sadukəy ege, əy ndaha ara Yesu ŋ slanza. Aya, əy ɗawza, ma ghwelzetene zaɓəla ma ndaha aka mgba ata uzlaf. 2Yesu a zenetene, a ŋgaya: «Mada pes kándav anta ca, hune zlap huney: “A mapat ca, la a nazlar kadak kadak, mavəday la ma ata uzlaf vəre.” 3Aya, mala mapat ca, huney: “Van a naɗa a tambaca, mavəday kuzle mgba ata uzlaf, mahwabakw aka.” Mada hune sar la mgba ata uzlaf ca, hune kaghwalza səkan ma kanalaha, ca, hune kula ŋ san səkan maa vah ma na ŋgha a kaɗaw ŋ ghwalza a mpat a tama səkwaw vaw? 4Hejəye ma na ŋghe ege ca, ara hejəye dadawar ege, əy kasəbar zlap mala Gazlavay zeney askwaw, əy kaɗaw ŋ gəre zaɓəla, cemey, əy kenelemew, askwaw, səy zaɓəla mala Yawnas, mba ma zlap ma mala Gazlavay.» Aya, Yesu a yakzata aka a təwse, tel a nda anta.
Farəysa ege ey Sadukəy ege ca, əy nja ana əys
5Maa madarlaŋw Yesu ege, əy kazlaŋ kəɗa aha bəza ŋtele ca, əy kéheseŋza aza ŋ ŋta peŋ ara. 6A təwse ca, Yesu a zlepetene ŋ malaɓ anta ege, a ŋgaya: «Hune sla ka kadak kadak ata əys mala Farəysa ege ey Sadukəy ege.» 7Malaɓ Yesu ege, əy zlap ŋ taba tata, əy ŋgaya: «A zlap ana ebe ŋghe ca, mavəday maa heje kádaha peŋ ara, askwaw vaw?» 8Cemey, Yesu a kasan səkan maa əy kazlap. Aya, a ɗawzata, a ŋgaya: «Hune hejəye maa lalam ŋkune parham ŋghe ege, hune deŋ ŋkwaɓ ŋ taba ŋkune ata maa hune kádaha peŋ ara askwaw ca, ŋ vay? 9Ha na ŋgha ca, hune kasan səkwaw war vaw? Sa kézemetene səkan ŋ hejəye bəlakw jaɓan, a peŋ jaɓan leŋ ma menha ca, ujam ege vanay? Ca, hune kesenzene səkwaw vaw? 10A zeney, sa kézemetene səkan ŋ hejəye bəlakw ŋfaɗ a peŋ ŋsəleɗ leŋ ma menha anta ca, ujam ege vanay? Ca, hune kesenzene səkwaw vaw? 11Maa sa zlapahune, sa ya: “Hune slaka ata əys mala Farəysa ege ey Sadukəy ege” wese ca, sa zlapahune ca, ata peŋ səkwaw, ca, hune kasan səkwaw vaw?» 12A təwse ca, malaɓ Yesu ege əy kásan aza, Yesu a zlepetene ca, ata əys mala peŋ səkwaw, cemey, ata laghwal zlap mala Farəysa ege ey Sadukəy ege.
Pəyer a ghwalza Yesu ca, ara Almasəyhu
13A dəwze anta, Yesu a nda ŋ hayak Kaysarəya mala Fəyləypəy. A təwse ca, a ɗawzata madarlaŋw anta ege, a ŋgaya: «Hejəye əy kazlap ata sa, sa Mba Ɗala ca, sa vayay?» 14Malaɓ anta ege wese, əy zenene, əy ŋgaya: «Hejəye vedəye, əy kazlap, hwa ca, hwa Yuhana maban hejəye a yam baptəysma, hejəye vedəye yam, əy kazlap, hwa ca, hwa Eləya. Hejəye vedəye zeney, əy kazlap hwa ca, hwa Yereməya, askwaw ca, hwa mba ma zlap ma mala Gazlavay wende.» 15Yesu a ɗawzata malaɓ anta ege zeney, a ŋgaya: «Ca hune yam ca, hune kazlap, sa ca, sa vayay?» 16A təwse ca, Səymawn Pəyer a zenene, a ŋgaya: «Hwa ca, hwa Almasəyhu, Mba Gazlavay ma a nje.» 17Aya, Yesu a zlepene, a ŋgaya: «Bəzla Gazlavay mbəy ata hwa, Səymawn mba Yawnas, mavəday ara heje dakənak ma ghwalzahwaw ma ma njenjəwen ŋghe səkwaw, cemey, ara Vana ma mgba ata uzlaf ma ghwalzahwaw. 18Aya, sa yam, sa kazlapahwaw: hwa ca, hwa Pəyer, ana zlap ca, kefe. Cemey, ata kefe anta ca, sa naba lajav hejəye ma lamza ma naka aza ege, a heɗe. Kaw ɓarɓar mala mac ca, a kanala kula a heɗe səkwaw. 19Sa navalahwaw səkan ma ata zlarza ma ujek ŋ Lazam bay ma mgba ata uzlaf. Ma maa hwa kanaŋkan ka ŋ manhayak ete ŋghe ca, kéŋkeneye ŋ mgba ata uzlaf yam. Ma maa hwa kanapalza ka ŋ manhayak ete ŋghe ca, képeleye ŋ mgba ata uzlaf yam.» 20A dəwze anta ca, Yesu a ŋgazata madarlaŋw anta ege aka, əy ɗaw ŋ zlepene ŋ kaw vayay, mbe ca, ara Almasəyhu səkwaw.
Yesu a ghwalza lamac anta ey lagwarzam aza anta ata lamac
21Aya, mar aka ata vah wese ca, Yesu a ghwelzetene zlap ŋ madarlaŋw anta ege delele. A zlepetene a ŋgaya: «Kulakw, sa nanda ŋ Urusaləyma, sa nasa gef dakala asa ra madakal dakal ma a tama Yahudu ege ey madakal dakal ege mala kwakwas ege leŋ maghwal ma maŋkanaŋkan ege, əy nejekey aza, cemey, ata pes mamahkaɗ anta ca, sa nagwarzamha aza ata lamac.» 22A təwse ca, Pəyer a njew Yesu aza teŋguleŋ anta ata zlaŋgal, a zlepene, a ŋgaya: «Bay Madakal, Gazlavay aka ca, a ɗaw ŋ laha, səkwaw. Səkan ma da ebe ŋghe ca, a ɗaw ŋ ndewzahwaw səkwaw.» 23Cemey, Yesu a bawha tama, a zlepene ŋ Pəyer, a ŋgaya: «Kese aza gədak a sa, Malula, hwa kampam taf ŋ bewzekey taf naka aza, mavəday ledeŋ ŋkwaɓ ŋkwa ca, ara ledeŋ ŋkwaɓ mala Gazlavay səkwaw, cemey, ara ledeŋ ŋkwaɓ mala hejəye dakənak ege.» 24Aya, Yesu a zlepetene ŋ madarlaŋw anta ege, a ŋgaya: «Mada ɗala a kaɗaw ŋ səberekey ca, a ɗaw ŋ deŋza ata ha anta səkwaw, metew mpe gafaŋgal anta, mesəberekey. 25Kaw vayay ma kaɗaw ŋ rehza ha anta aza ca, a nakuɗapza aza. Cemey, ɗala ma kuɗapza ha anta aza, mavəday sa ca, a nerehza aza. 26Mada ɗala, kélem səkan ma a manhayak ŋghe aza tewtew, cemey, kákuɗapza ha anta aza ca, a nelem vemey? Kaw askwaw! Səkan maa ɗala kula ŋ valza aza mavəday ŋ rehza ha anta aza ca, askwaw. 27Cemey, Mba Ɗala ca, a nandaha ŋ ɓardakw mala Cen Gazlavay, zlaɓa malaɓ anta ege. Aya, a neŋterene ŋ kaw vayay tete ata zlan anta ma a laza. 28Sa kazlapahune njenjəwen, hejəye vedəye ŋ taba ŋkune ete ŋghe, əy kanamac tata, askwaw, səy əy megəre Mba Ɗala ma ndaha aza ana Bay kwagwa.»
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2025 CABTAL