Roméne Ŋgíŋgáánéná
Ŋgíŋgáánéná
Kárate ójó Póoro a ma tiréná vatɔ́wɔ ává na edɔŋgɔ yá Róma kóojó. Póoro a ma ríi a arɔ́wɔ́ ka enda ondo oja Usi wa Cómó ɔ́kɔ́, moto undyeé kójo a ma ojá Usi wa Cómó pere eméje kó vatɔ́wɔ vá ma ríi vá etá ɔ́wɔ́. Wandá mwané kówo Póoro a ma wó tóméná kárate ojó ukú ójó anáá a wó ojána áné ójó a ámó, a wunde o wó tánéna anáá ará a né riyámó na wenda ówó na edɔŋgɔ yá Panyá, a né bákámó na vámwané índi a wó rérye nóto na pé ra Kirítu éjé vá ma wɔ́rɔ́, kó a ma wó susé honó anáá vá kóorana na wusó wáa ukú ójó anáá a timbe pé ra wenda ówó oŋgendɔ mwané. Póoro a ma wó tíhíyé naáté yá kárate ojó até éyé é cákámó orií mpí na ŋgɔ́tééná éjé na Kirítu, aye nawó anáá vato bimé vá ma eŋgá nyéŋgé kó vá ta geréméná na niimí ná Irɔŋgɔ, vedá tetee ojó vá hítyámó owunde mií na Irɔŋgɔ mwané ŋgé vá ríi ndata na Yésusu Kirítu. Póoro a járámó hée nawó anáá Usi wa Cómó ójó a ojámó, a ámó ekáné yá ŋguru ra Irɔŋgɔ ukú ójó anáá ojo a atɔ́wɔmó a timbe esɔ́tɔ́. Kó wó ta ne rií anáá oojó a ámó Yúdene oojó a ta ámó, ítɔɔ oojó a ámó mbékí oojó a ámó ncecí, naáté yá iretye éyé na Kirítu, to ámó sɛ́ɛm wa wandá, omo a ta tómbá sɔ́ɔ́. Irɔŋgɔ a wɔ́rɔ́mó vato bimé ává vá tímbámó ŋgɔ́tééná ámó va ndíŋgirííŋ vá vato, wandá mwané kówo vatɔ́wɔ vá géremenámó osɔ́tɔ́ naáté yá mowáana, andiŋgé ka jósyé vasɔ́ɔ́ esene éyé naná kówo Kirítu maté a katé yeére vato.
Tékéná mamba éjé na kárate ojó
1. Mbétíyé na woja ówó Usi wa Cómó (1:1-17).
2. Vato bimé káva vá ma eŋgá nyéŋgé (1:18–3:20).
3. Twiŋí kówo Irɔŋgɔ a wɔ́rɔ́mó vato anáá vá ámó ndíŋgirííŋ (3:21–4:25).
4. Vato vá Irɔŋgɔ vá mó tímbámó mpkámáká ra esɔ́tɔ́ (5:1–8:39).
5. Irɔŋgɔ a ma céŋgítyé Isayéere, vedá até na kɔ́rɔ́tɔ́tɔ́ (9:1–11:36).
6. Mpkámáká ra esɔ́tɔ́ yá andiŋgé (12:1–15:13).
7. Cómbéná ra Póoro na mbétíyé rá mamana (15:14–16:27).
Currently Selected:
Roméne Ŋgíŋgáánéná: tii
Highlight
Share
Copy
Want to have your highlights saved across all your devices? Sign up or sign in
© 2024, CABTAL