Roméne 6
6
Ogwé na até éyé é néménámó nyéŋgé, osɔ́tɔ́ esene éyé Kirítu
1Até éyé to ré járá é tiranámó eéné? Ye to geremenámó ojeene naáté yá nyéŋgé ombóta ójó anáá ntá ra Irɔŋgɔ e só riímíyé mbunu? 2Mbéndɔ́! Esené to ma gwé na até éyé é néménámó nyéŋgé, kó twiiní kówo to hítyámó osɔ́tɔ́ hée naáté yá nyéŋgé? 3Ye no káte tatará anáá visó bímé ává to ma duwáná na Kirítu, wó ámó na nugwé naá kówo to ma duwána? 4Na nduwáná to ma gwé bimé kó vá ma só títáná orɔŋgɔ naá ukú ójó anáá ámó Kirítu a ma honówá na raaté wa vigwé na niimí ná Tetáŋgá, visó hónó to geremenámó osɔ́tɔ́ mpkámáká ra esɔ́tɔ́. 5Kó ŋgé na nugwé náa to ma ríi retyérí naá, sɛ́ɛm honó, to mó hónowámó orɔŋgɔ náá. 6Óváno anáá moto ójó to ma ríi na póná, a ma ríi obáánérí orɔŋgɔ na Kirítu na koroso, ombótá ójó anáá nótó ra nyéŋgé e gwé, to ta ne rií hée sɔ́ mbékí rá nyéŋgé. 7Esené moto ójó kwéná nyéŋgé e ta ne me ambaana. 8Kó ŋgé to ámó kwéná na Kirítu, to jembámó anáá to né sɔ́tɔ́mó hónó orɔŋgɔ naá. 9Esené to jembámó anáá ámó Kirítu a ma honówá na raaté wa vigwé, a ta né ne gwé hée, nugwé no ta ne timbe ŋguru na nótó raá. 10Esené ará a ma gwé a ma gwé na wusó wa nyéŋgé oŋgendo omweesií, tetee ojó a hwenámó, kó a sɔ́tɔ́mó na wusó wá Irɔŋgɔ. 11Séem mwané kójo vinó hónó, ijímáno anáá no ma gwé na até éyé é néménámó nyéŋgé, kó na maráta ámá na Yésusu Kirítu, no sɔ́tɔ́mó na wusó wá Irɔŋgɔ. 12Nyéŋgé sɔ́ e ta ne géremena ojwé nótó rá vinó éjé e mó gwámó isí emó kó no ta ne géremena obyɔɔnɔ vambé vá vitámáká vyá nótó ra vinó. 13Nótó ra vinó e ta ne géremena onɔnɔwɔ na wusó wá nyéŋgé, na wéŋga ówó wobé, vedá késyáno onɔneena Irɔŋgɔ, ámó vato ává vá má hónówá na nugwé kó vá sɔ́tɔ́mó? Ŋgáno até éyé é ámó ndíŋgirííŋ na nótó ra vinó. 14Esené até mbéndɔ́ kéje e ne ámó nó jwé, no sɔ́tɔ́mó tetee ojó naáté yá ntá ra Irɔŋgɔ, nyéŋgé sɔ́ e ta ne timbe hée ŋguru na nótó ra vinó.
Worúkye ówó na nyéŋgé obundé yeŋga manɔnɔwɔ yá Irɔŋgɔ
15Kó até? Ye to vaŋgámó osémé esene éyé anáá até mbéndɔ́ kéje e só jwámó to ámó naáté yá ntá? Mbéndɔ́! 16No ta jembé anáá ará no béeryámó téwéré rá moto omo anáá no búndé mbékí ráa, no ámó mbékí rá mása ójó no me ovámó? Kaá ŋgé no ámó mbékí rá nyéŋgé, émwané yo endámó na vinó na nugwé, kó ŋgé no ovámó Irɔŋgɔ, na ámó mbékí ráa kó ómwané a eŋgámó anáá no rií ndíŋgirííŋ na aŋgísó ráa. 17Ŋgáno to no téŋgyé Irɔŋgɔ, esene éyé na póná no ma ríi mbékí rá nyéŋgé. Kó tetee ojó, no ma váá otémá rá vinó uŋgímé anáá no eŋga até éyé Irɔŋgɔ a súsámó na ehoóhana éyé no ma timbé. 18Vá má nó sútúné na nyéŋgé kó no má bundé mbékí rá wondíŋgirííŋ. 19Njárámó ámó vato vá járámó, ombóta ójó anáá no ová. Na póná, no ma váá nótó ra vinó iŋgimé ámó mbékí ra manyɔ́tɔ́ orɔŋgɔ na wobé úmú mó eŋgámó anáá no béyá ucé na Irɔŋgɔ, vedá tetee ojó, vaánó nótó ra vinó iŋgimé ámó mbékí na wusó wá wondíŋgirííŋ índi no sɔ́tɔ́ ámó Irɔŋgɔ a vaŋgámó.
20Ará no ma ríi mbékí rá nyéŋgé, no ta ma káte bísí na owo wó ámó ndíŋgirííŋ. 21Énáno vibómá vyá mamba ámá no katé eŋga táma mwané ámó má nó vaámó wuswéní tetee ojó! Mamba mwané ámá no ma eŋgá má endámó húmé na nugwé. 22Vedá tetee ojó vá o nó húrune na nyéŋgé kó no ámó na onɔneena ówó Irɔŋgɔ, ebomá éyé no buwámó é ámó anáá no eŋgámó mamba ámá má wɔ́tɔ́mó Irɔŋgɔ, mamba mwané má endámó na vinó na esɔ́tɔ́ éyé kɔ́rɔ́tɔ́tɔ́. 23Esené Máana ma nyéŋgé má ámó nugwé, vadá até éyé Irɔŋgɔ a eréenámó na sááá wó ámó esɔ́tɔ́ éyé kɔ́rɔ́tɔ́tɔ́ na nimé ra Yésusu Kirítu Okí wa visó.
Currently Selected:
Roméne 6: tii
Highlight
Share
Copy
Want to have your highlights saved across all your devices? Sign up or sign in
© 2024, CABTAL
Roméne 6
6
Ogwé na até éyé é néménámó nyéŋgé, osɔ́tɔ́ esene éyé Kirítu
1Até éyé to ré járá é tiranámó eéné? Ye to geremenámó ojeene naáté yá nyéŋgé ombóta ójó anáá ntá ra Irɔŋgɔ e só riímíyé mbunu? 2Mbéndɔ́! Esené to ma gwé na até éyé é néménámó nyéŋgé, kó twiiní kówo to hítyámó osɔ́tɔ́ hée naáté yá nyéŋgé? 3Ye no káte tatará anáá visó bímé ává to ma duwáná na Kirítu, wó ámó na nugwé naá kówo to ma duwána? 4Na nduwáná to ma gwé bimé kó vá ma só títáná orɔŋgɔ naá ukú ójó anáá ámó Kirítu a ma honówá na raaté wa vigwé na niimí ná Tetáŋgá, visó hónó to geremenámó osɔ́tɔ́ mpkámáká ra esɔ́tɔ́. 5Kó ŋgé na nugwé náa to ma ríi retyérí naá, sɛ́ɛm honó, to mó hónowámó orɔŋgɔ náá. 6Óváno anáá moto ójó to ma ríi na póná, a ma ríi obáánérí orɔŋgɔ na Kirítu na koroso, ombótá ójó anáá nótó ra nyéŋgé e gwé, to ta ne rií hée sɔ́ mbékí rá nyéŋgé. 7Esené moto ójó kwéná nyéŋgé e ta ne me ambaana. 8Kó ŋgé to ámó kwéná na Kirítu, to jembámó anáá to né sɔ́tɔ́mó hónó orɔŋgɔ naá. 9Esené to jembámó anáá ámó Kirítu a ma honówá na raaté wa vigwé, a ta né ne gwé hée, nugwé no ta ne timbe ŋguru na nótó raá. 10Esené ará a ma gwé a ma gwé na wusó wa nyéŋgé oŋgendo omweesií, tetee ojó a hwenámó, kó a sɔ́tɔ́mó na wusó wá Irɔŋgɔ. 11Séem mwané kójo vinó hónó, ijímáno anáá no ma gwé na até éyé é néménámó nyéŋgé, kó na maráta ámá na Yésusu Kirítu, no sɔ́tɔ́mó na wusó wá Irɔŋgɔ. 12Nyéŋgé sɔ́ e ta ne géremena ojwé nótó rá vinó éjé e mó gwámó isí emó kó no ta ne géremena obyɔɔnɔ vambé vá vitámáká vyá nótó ra vinó. 13Nótó ra vinó e ta ne géremena onɔnɔwɔ na wusó wá nyéŋgé, na wéŋga ówó wobé, vedá késyáno onɔneena Irɔŋgɔ, ámó vato ává vá má hónówá na nugwé kó vá sɔ́tɔ́mó? Ŋgáno até éyé é ámó ndíŋgirííŋ na nótó ra vinó. 14Esené até mbéndɔ́ kéje e ne ámó nó jwé, no sɔ́tɔ́mó tetee ojó naáté yá ntá ra Irɔŋgɔ, nyéŋgé sɔ́ e ta ne timbe hée ŋguru na nótó ra vinó.
Worúkye ówó na nyéŋgé obundé yeŋga manɔnɔwɔ yá Irɔŋgɔ
15Kó até? Ye to vaŋgámó osémé esene éyé anáá até mbéndɔ́ kéje e só jwámó to ámó naáté yá ntá? Mbéndɔ́! 16No ta jembé anáá ará no béeryámó téwéré rá moto omo anáá no búndé mbékí ráa, no ámó mbékí rá mása ójó no me ovámó? Kaá ŋgé no ámó mbékí rá nyéŋgé, émwané yo endámó na vinó na nugwé, kó ŋgé no ovámó Irɔŋgɔ, na ámó mbékí ráa kó ómwané a eŋgámó anáá no rií ndíŋgirííŋ na aŋgísó ráa. 17Ŋgáno to no téŋgyé Irɔŋgɔ, esene éyé na póná no ma ríi mbékí rá nyéŋgé. Kó tetee ojó, no ma váá otémá rá vinó uŋgímé anáá no eŋga até éyé Irɔŋgɔ a súsámó na ehoóhana éyé no ma timbé. 18Vá má nó sútúné na nyéŋgé kó no má bundé mbékí rá wondíŋgirííŋ. 19Njárámó ámó vato vá járámó, ombóta ójó anáá no ová. Na póná, no ma váá nótó ra vinó iŋgimé ámó mbékí ra manyɔ́tɔ́ orɔŋgɔ na wobé úmú mó eŋgámó anáá no béyá ucé na Irɔŋgɔ, vedá tetee ojó, vaánó nótó ra vinó iŋgimé ámó mbékí na wusó wá wondíŋgirííŋ índi no sɔ́tɔ́ ámó Irɔŋgɔ a vaŋgámó.
20Ará no ma ríi mbékí rá nyéŋgé, no ta ma káte bísí na owo wó ámó ndíŋgirííŋ. 21Énáno vibómá vyá mamba ámá no katé eŋga táma mwané ámó má nó vaámó wuswéní tetee ojó! Mamba mwané ámá no ma eŋgá má endámó húmé na nugwé. 22Vedá tetee ojó vá o nó húrune na nyéŋgé kó no ámó na onɔneena ówó Irɔŋgɔ, ebomá éyé no buwámó é ámó anáá no eŋgámó mamba ámá má wɔ́tɔ́mó Irɔŋgɔ, mamba mwané má endámó na vinó na esɔ́tɔ́ éyé kɔ́rɔ́tɔ́tɔ́. 23Esené Máana ma nyéŋgé má ámó nugwé, vadá até éyé Irɔŋgɔ a eréenámó na sááá wó ámó esɔ́tɔ́ éyé kɔ́rɔ́tɔ́tɔ́ na nimé ra Yésusu Kirítu Okí wa visó.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2024, CABTAL