Roméne 11
11
Irɔŋgɔ a ta ma váráŋgá Ísayéere
1Cúcámó sɔ́ anáá: Ye Irɔŋgɔ a ma váráŋgá noyɔŋɔ́ náá? Mbéndɔ́! Esené noó maté ndo ámó mwaná wa Ísayéere, na noyómó ná Abaraháma, na nú ra edɔŋgɔ ra Benseméne. 2Irɔŋgɔ a ta ma váráŋga noyɔŋɔ náa éné a ma késyé wijata kɔ́ɔ́m. Naáté yá va kárate ává mwáŋ mwáŋ, Eríyasa a sɔ́mɔ́nɔmó Ísayéere na Irɔŋgɔ, no geremenámó ojembe até éyé a ma járá. 3A ma járá anáá: «Okí, vá ma oná vahúmíye maró vɔɔ́ kó vá ma sasóná pandó rɔɔ́ rá mómí, noó moká kójo ŋgo ma cáná kó vá díŋgámó anáá váŋgoná.» 4Ŋgaráná ra Irɔŋgɔ e ámó eéné? Kéejé: «Ŋgo ma vétééná na wusó wámé vato toósini rácátó na umwesií, ává vá ta ma kúnéta inú na aŋgísó rá sambé ójó Baára.» 5Séem mwané kójo tetee ojó, mwaná wa nciisi wa vato a ámó ɔ́wɔ́ ójó Irɔŋgɔ a ma ijátá na usi wa otémá waá. 6Kó ŋgé Irɔŋgɔ a ma wó ijátá na usi wa otémá waá, wó ta ámó esene éyé ŋgeŋgéná ráwó í ámó wusi, wo a ríi naná usi wa otémá wa Irɔŋgɔ ka ne rií usi wa otémá. 7Naná wó tirevenámó eéné? Noyɔŋɔ ná Ísayéere nó ta ma tímbe até éyé nó katé sɔsɔ, vedá ava Irɔŋgɔ a ma ijátá, vámwané vá ma timbé. Vasɔ́ɔ́ avámó vá ta ma díŋge anáá vá ová. 8Esené va kárate ává mwáŋ mwáŋ vá járámó anáá: «Hwɔs tetee ojó, Irɔŋgɔ a ma eŋgá anáá peyɔ rawó yo enda otonó, a ma eŋgá anáá aŋgísó ráwó ka ená ítɔɔ etú ráwó honó ka ová.» 9Ahumu Dáviti honó ayáá: Ŋgá manyá máwó má búndé itámbó na wusó wáwó maté, mbúnjé, evévérá éyé vá vánɔ́ɔnɔmó ɔ́wɔ́, índi vá pwénísyevena ámó wó géremenámó. 10Ŋgá aŋgísó ráwó á béndavena, índi vá rií ka ne ená tɔɔ wandá, kó ŋgá honá anáá manja rawó e rií kúrúrú táma iŋgimé. 11Cúcámó sɔ́ anáá: Ye va Yúdene vá ma obá naáté yá itambó pɔ́ke na pɔ́ke? Mbéndɔ́! Vedá ámó vá ma suuwé etú, mayɔŋɔ amámó má ma sótyévéná, kaá naná kówo noyɔŋɔ ná Ísayéere no ma búndé no etá na unjíŋí. 12Etú ráa á ma turéná cí ra ndono vikáné vyá mesi, kó woba wáwó wó ma turéná ava ka rií va Yúdene vikáné vyá mesi. Táma mwané, ará Irɔŋgɔ a mó wó hétiyámó, mesi má mó cákámó o ne rií hée mbunu.
Ava ka rií va Yúdene vá hítyámó otímbe esɔ́tɔ́
13Tetee ojó, vinó ává ka rií va Yúdene, vinó káva njárámó na vinó. Ndo ámó onásá rá Yésusu na wusó vá ava ka rií va Yúdene. Manɔnɔwɔ mwané má ámó urukú na wusó wámé, 14kó nɔnɔwɔmó hɔrɔ́ piti anáá ŋgo né námó neétye hée unjíŋí rá va navéne vamé ává va Yúdene ukú ójó anáá vámó vá ríi sótyérí. 15Esené ará Irɔŋgɔ a ma wó bakétá, a ma wundé mií orɔŋgɔ na cí ra ndono. Kaá ará a mó wúndámó o wó wɔ́rɔ́, até kéye é mó tómbávenámó? Wó mó riyámó mámó wéŋga anáá ava vá ma gwé vá mó wúndana na esɔ́tɔ́.
Werété wá vekí na werété ówó vá béeryámó
16Ŋgé ŋgava ra beréte ra makésyé e ámó na wusó wá Irɔŋgɔ, beréte uŋgimé a ámó honó na wusó wáa. Kó ŋgé eŋgaŋgá ra werété womó e ámó na wusó wá Irɔŋgɔ, párá í ámó na wusó wáa honó. 17Noyɔŋɔ ná Ísayéere nó ámó amó werété ówó vá béeryámó, ówó vá má sómbá ŋgava ra párá emo ɔ́wɔ́. Mámó o ámó amó párá ra werété wá vekí kó vá ma wo sɔméyá na raaté wá párá íjí í ma cáná na werété ówó vá béeryámó, kó tetee ojó, orɔŋgɔ na párá imíji, o hítyámó obíkí na mpaŋá ra mebú ámá eŋgaŋgá ra werété omówo e turámó. 18Vedá mámó ka endá ovágíte ikiní na wusó wá párá íjí sómbé sómbé! O diŋgámó maté anáá ovágíte ikiní? Vedá até mámó kójo o byámó eŋgaŋgá, eŋgaŋgá kéje e wo byámó. 19O né járámó anáá: Vá má sombá párá imó ukú ójó anáá noó ndií sɔ́méyérí. 20Wó ámó vatɔ́ɔ́tɔ́. Vá má wó sómbá esene éyé í ta katé timbe ŋgɔ́tééná, kó mámó, o káŋgámó wótótó va werété esene éyé o timbámó ŋgɔ́tééná. Mámó ka vágíte ikiní, vedá o geremenámó otíné. 21Esené wó a ríi anáá Irɔŋgɔ a ma sómbá párá imó, ítɔɔ na werété ówó vá béeryámó, Irɔŋgɔ a hítyámó o wo eŋga sɛ́ɛm wa wandá. 22Tetee ojó, néméná: Irɔŋgɔ a nyemámó otémá kó a ta ámó honó na embyárá. A ta ámó na embyárá na ava vá ma obá, a je nyeme otémá na wusó wɔɔ́, ŋgé wo a sɔ́tɔ́ naáté yá usi waá wa otémá. Ka na naná, mámó honó oné sómbávenámó ámó párá ijomó. 23Vedá ŋgé isí emó va Yúdene vá atɔ́wɔ́ anáá vá atɔ́wɔ, Irɔŋgɔ a né wundámó o wó sɔ́meyá ná pandó éjé vá ma késyé orií ɔ́wɔ́ esene éyé a timbámó ŋguru ra weŋga ówó wandá mwané. 24Esené mámó o ma ríi párá ra werété wá vekí, kó vá ma wo sómbá o wo sɔmeyá na werété ówó vá béeryámó, wó ta ma rií wandá ówó na ndendéná mbáambáné. Va Yúdene vámwané vá ma ríi párá rá werété ówó vá béeryámó, kó Irɔŋgɔ a né wó sɔ́meyámó késék na werété ówó vá ma saaná ɔ́wɔ́?
Noyɔŋɔ ná Ísayéere nimé nó mó riyámó sotyérí
25Va mbísó, ndímbe éjé ndiŋgámó anáá ŋgo nó tíhíye kéejé, Ɔ́wɔ́ no ta né váwɔ́rɔ́ ámó vato vá peyɔ. Ŋgava ra noyɔŋɔ ná Ísayéere e mó e váráŋgámó wová, kó wandá mwané wó né riíríyámó ondo húmé árá mayɔŋɔ amámó má né wundenámó Irɔŋgɔ na eŋgoró. 26Na itíndíkáná mwané, noyɔŋɔ ná Ísayéere nimé no mó riyámó sótyéri ámó va kárate ává mwáŋ mwáŋ vá járámó anáá: Aata a mó endámó uré na Yerúsareme, a mó eŋgámó anáá mbɔŋɔ ra Yákɔwɔ ka ne béyá ucé. 27Iretye éyéŋgo né eŋgámó nawó ará ŋgo né uryámó nyéŋgé ráwó kéemé. 28Vá ma váráŋgá Usi wa Comó, vá ma búndé sɔ́ vambéembéná vá Irɔŋgɔ, naná na wusó wá wusi wá vinó. Wó je rií anáá Irɔŋgɔ a ma wó ijátá anáá vá rií noyɔŋɔ náa. A wó diŋgámó na wusó wá vakókó váwó. 29Esené Irɔŋgɔ a ta katé wunde owɔ́rɔ́ até éyé a ma erééná, a ta katé váráŋga ava a ma bérááná. 30Na póná no ta ma rií na mowá na Irɔŋgɔ, vedá tetee ojó, Irɔŋgɔ a má nó ová noóŋgo esene éyé va Yúdene vá ma suuwé etú. 31Wó ámó sɛ́ɛm na wusó wáwó. Tetee ojó, vá ma suuwé etu ukú ójó anáá Irɔŋgɔ a nó ová noóŋgó. Kaá tetee ojó, vámwané honó Irɔŋgɔ a hítyámó o wó ová noóŋgó. 32Irɔŋgɔ a ma eŋgá ukú ójó anáá vato bimé vá váráŋga wová ukú ójó anáá a tíhíye ámó a ovámó bimé noóŋgó.
Irɔŋgɔ a tómbámó moto
33Irɔŋgɔ a ámó ogónó na vátɔ́ɔ́tɔ! Peyɔ raá moto a ta hítí wibé, mbuŋgáná raá moto a ta hítí ojembe, cɔ́mbéna ráa, na ŋgeŋgéna raá moto a ta hítí otimisiye. Va kárata avá Mwáŋ mwáŋ vá járámó anáá: 34«Ané kójo a jembámó mbuŋgána ra Okí? Ané kójo ámó o mo hwá ndébɔ?» 35«Ané kójo a ma kesyé o mo hwá wandá womó, ombótá ójó anáa Irɔŋgɔ hónó a mo hwá?» 36Eeŋ wimé wó urámó na ómwané, kó ómwané kójo a ma koŋgá wimé na wusó wáa. Niimí na omó na Irɔŋgɔ na kɔ́rɔ́tɔ́tɔ́! Wó rií naná!
Currently Selected:
Roméne 11: tii
Highlight
Share
Copy
Want to have your highlights saved across all your devices? Sign up or sign in
© 2024, CABTAL
Roméne 11
11
Irɔŋgɔ a ta ma váráŋgá Ísayéere
1Cúcámó sɔ́ anáá: Ye Irɔŋgɔ a ma váráŋgá noyɔŋɔ́ náá? Mbéndɔ́! Esené noó maté ndo ámó mwaná wa Ísayéere, na noyómó ná Abaraháma, na nú ra edɔŋgɔ ra Benseméne. 2Irɔŋgɔ a ta ma váráŋga noyɔŋɔ náa éné a ma késyé wijata kɔ́ɔ́m. Naáté yá va kárate ává mwáŋ mwáŋ, Eríyasa a sɔ́mɔ́nɔmó Ísayéere na Irɔŋgɔ, no geremenámó ojembe até éyé a ma járá. 3A ma járá anáá: «Okí, vá ma oná vahúmíye maró vɔɔ́ kó vá ma sasóná pandó rɔɔ́ rá mómí, noó moká kójo ŋgo ma cáná kó vá díŋgámó anáá váŋgoná.» 4Ŋgaráná ra Irɔŋgɔ e ámó eéné? Kéejé: «Ŋgo ma vétééná na wusó wámé vato toósini rácátó na umwesií, ává vá ta ma kúnéta inú na aŋgísó rá sambé ójó Baára.» 5Séem mwané kójo tetee ojó, mwaná wa nciisi wa vato a ámó ɔ́wɔ́ ójó Irɔŋgɔ a ma ijátá na usi wa otémá waá. 6Kó ŋgé Irɔŋgɔ a ma wó ijátá na usi wa otémá waá, wó ta ámó esene éyé ŋgeŋgéná ráwó í ámó wusi, wo a ríi naná usi wa otémá wa Irɔŋgɔ ka ne rií usi wa otémá. 7Naná wó tirevenámó eéné? Noyɔŋɔ ná Ísayéere nó ta ma tímbe até éyé nó katé sɔsɔ, vedá ava Irɔŋgɔ a ma ijátá, vámwané vá ma timbé. Vasɔ́ɔ́ avámó vá ta ma díŋge anáá vá ová. 8Esené va kárate ává mwáŋ mwáŋ vá járámó anáá: «Hwɔs tetee ojó, Irɔŋgɔ a ma eŋgá anáá peyɔ rawó yo enda otonó, a ma eŋgá anáá aŋgísó ráwó ka ená ítɔɔ etú ráwó honó ka ová.» 9Ahumu Dáviti honó ayáá: Ŋgá manyá máwó má búndé itámbó na wusó wáwó maté, mbúnjé, evévérá éyé vá vánɔ́ɔnɔmó ɔ́wɔ́, índi vá pwénísyevena ámó wó géremenámó. 10Ŋgá aŋgísó ráwó á béndavena, índi vá rií ka ne ená tɔɔ wandá, kó ŋgá honá anáá manja rawó e rií kúrúrú táma iŋgimé. 11Cúcámó sɔ́ anáá: Ye va Yúdene vá ma obá naáté yá itambó pɔ́ke na pɔ́ke? Mbéndɔ́! Vedá ámó vá ma suuwé etú, mayɔŋɔ amámó má ma sótyévéná, kaá naná kówo noyɔŋɔ ná Ísayéere no ma búndé no etá na unjíŋí. 12Etú ráa á ma turéná cí ra ndono vikáné vyá mesi, kó woba wáwó wó ma turéná ava ka rií va Yúdene vikáné vyá mesi. Táma mwané, ará Irɔŋgɔ a mó wó hétiyámó, mesi má mó cákámó o ne rií hée mbunu.
Ava ka rií va Yúdene vá hítyámó otímbe esɔ́tɔ́
13Tetee ojó, vinó ává ka rií va Yúdene, vinó káva njárámó na vinó. Ndo ámó onásá rá Yésusu na wusó vá ava ka rií va Yúdene. Manɔnɔwɔ mwané má ámó urukú na wusó wámé, 14kó nɔnɔwɔmó hɔrɔ́ piti anáá ŋgo né námó neétye hée unjíŋí rá va navéne vamé ává va Yúdene ukú ójó anáá vámó vá ríi sótyérí. 15Esené ará Irɔŋgɔ a ma wó bakétá, a ma wundé mií orɔŋgɔ na cí ra ndono. Kaá ará a mó wúndámó o wó wɔ́rɔ́, até kéye é mó tómbávenámó? Wó mó riyámó mámó wéŋga anáá ava vá ma gwé vá mó wúndana na esɔ́tɔ́.
Werété wá vekí na werété ówó vá béeryámó
16Ŋgé ŋgava ra beréte ra makésyé e ámó na wusó wá Irɔŋgɔ, beréte uŋgimé a ámó honó na wusó wáa. Kó ŋgé eŋgaŋgá ra werété womó e ámó na wusó wá Irɔŋgɔ, párá í ámó na wusó wáa honó. 17Noyɔŋɔ ná Ísayéere nó ámó amó werété ówó vá béeryámó, ówó vá má sómbá ŋgava ra párá emo ɔ́wɔ́. Mámó o ámó amó párá ra werété wá vekí kó vá ma wo sɔméyá na raaté wá párá íjí í ma cáná na werété ówó vá béeryámó, kó tetee ojó, orɔŋgɔ na párá imíji, o hítyámó obíkí na mpaŋá ra mebú ámá eŋgaŋgá ra werété omówo e turámó. 18Vedá mámó ka endá ovágíte ikiní na wusó wá párá íjí sómbé sómbé! O diŋgámó maté anáá ovágíte ikiní? Vedá até mámó kójo o byámó eŋgaŋgá, eŋgaŋgá kéje e wo byámó. 19O né járámó anáá: Vá má sombá párá imó ukú ójó anáá noó ndií sɔ́méyérí. 20Wó ámó vatɔ́ɔ́tɔ́. Vá má wó sómbá esene éyé í ta katé timbe ŋgɔ́tééná, kó mámó, o káŋgámó wótótó va werété esene éyé o timbámó ŋgɔ́tééná. Mámó ka vágíte ikiní, vedá o geremenámó otíné. 21Esené wó a ríi anáá Irɔŋgɔ a ma sómbá párá imó, ítɔɔ na werété ówó vá béeryámó, Irɔŋgɔ a hítyámó o wo eŋga sɛ́ɛm wa wandá. 22Tetee ojó, néméná: Irɔŋgɔ a nyemámó otémá kó a ta ámó honó na embyárá. A ta ámó na embyárá na ava vá ma obá, a je nyeme otémá na wusó wɔɔ́, ŋgé wo a sɔ́tɔ́ naáté yá usi waá wa otémá. Ka na naná, mámó honó oné sómbávenámó ámó párá ijomó. 23Vedá ŋgé isí emó va Yúdene vá atɔ́wɔ́ anáá vá atɔ́wɔ, Irɔŋgɔ a né wundámó o wó sɔ́meyá ná pandó éjé vá ma késyé orií ɔ́wɔ́ esene éyé a timbámó ŋguru ra weŋga ówó wandá mwané. 24Esené mámó o ma ríi párá ra werété wá vekí, kó vá ma wo sómbá o wo sɔmeyá na werété ówó vá béeryámó, wó ta ma rií wandá ówó na ndendéná mbáambáné. Va Yúdene vámwané vá ma ríi párá rá werété ówó vá béeryámó, kó Irɔŋgɔ a né wó sɔ́meyámó késék na werété ówó vá ma saaná ɔ́wɔ́?
Noyɔŋɔ ná Ísayéere nimé nó mó riyámó sotyérí
25Va mbísó, ndímbe éjé ndiŋgámó anáá ŋgo nó tíhíye kéejé, Ɔ́wɔ́ no ta né váwɔ́rɔ́ ámó vato vá peyɔ. Ŋgava ra noyɔŋɔ ná Ísayéere e mó e váráŋgámó wová, kó wandá mwané wó né riíríyámó ondo húmé árá mayɔŋɔ amámó má né wundenámó Irɔŋgɔ na eŋgoró. 26Na itíndíkáná mwané, noyɔŋɔ ná Ísayéere nimé no mó riyámó sótyéri ámó va kárate ává mwáŋ mwáŋ vá járámó anáá: Aata a mó endámó uré na Yerúsareme, a mó eŋgámó anáá mbɔŋɔ ra Yákɔwɔ ka ne béyá ucé. 27Iretye éyéŋgo né eŋgámó nawó ará ŋgo né uryámó nyéŋgé ráwó kéemé. 28Vá ma váráŋgá Usi wa Comó, vá ma búndé sɔ́ vambéembéná vá Irɔŋgɔ, naná na wusó wá wusi wá vinó. Wó je rií anáá Irɔŋgɔ a ma wó ijátá anáá vá rií noyɔŋɔ náa. A wó diŋgámó na wusó wá vakókó váwó. 29Esené Irɔŋgɔ a ta katé wunde owɔ́rɔ́ até éyé a ma erééná, a ta katé váráŋga ava a ma bérááná. 30Na póná no ta ma rií na mowá na Irɔŋgɔ, vedá tetee ojó, Irɔŋgɔ a má nó ová noóŋgo esene éyé va Yúdene vá ma suuwé etú. 31Wó ámó sɛ́ɛm na wusó wáwó. Tetee ojó, vá ma suuwé etu ukú ójó anáá Irɔŋgɔ a nó ová noóŋgó. Kaá tetee ojó, vámwané honó Irɔŋgɔ a hítyámó o wó ová noóŋgó. 32Irɔŋgɔ a ma eŋgá ukú ójó anáá vato bimé vá váráŋga wová ukú ójó anáá a tíhíye ámó a ovámó bimé noóŋgó.
Irɔŋgɔ a tómbámó moto
33Irɔŋgɔ a ámó ogónó na vátɔ́ɔ́tɔ! Peyɔ raá moto a ta hítí wibé, mbuŋgáná raá moto a ta hítí ojembe, cɔ́mbéna ráa, na ŋgeŋgéna raá moto a ta hítí otimisiye. Va kárata avá Mwáŋ mwáŋ vá járámó anáá: 34«Ané kójo a jembámó mbuŋgána ra Okí? Ané kójo ámó o mo hwá ndébɔ?» 35«Ané kójo a ma kesyé o mo hwá wandá womó, ombótá ójó anáa Irɔŋgɔ hónó a mo hwá?» 36Eeŋ wimé wó urámó na ómwané, kó ómwané kójo a ma koŋgá wimé na wusó wáa. Niimí na omó na Irɔŋgɔ na kɔ́rɔ́tɔ́tɔ́! Wó rií naná!
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2024, CABTAL