Matyáasa 23
23
Yésusu a bémbétenámó vato na wusó wá vayéere vá mbéndɔ́ na va Pariséne
(Már 12:38-40; Rúk 11:39-52)
1Kó Yésusu a ma járá na vato na vihoóhóná vyáá anáá: 2«Vayéere vá mbéndɔ́ na va Pariséne kává vá gérenenámó otimisíye mbéndɔ́ ra Mósese. 3Ŋgáno kó no beerye até yimé éyé vá ma járá na vinó, wó je rií anáá vinó ka heyá ŋgeŋgéná ráwó esene éyé vá ma járá bɛ́ŋ na ojárá kó vá ta eŋgá até éyé vá ma járá. Vinó ká rií sɔ́ ámó vá mwané. 4Vá wótámó vikáné vyá vibyá onjekeyána na vikɔ́hé vyá vato, vá mwané maté vá váráŋgámó otáhá vibyá mwané tɔɔ na inɔ́ɔnɔ́ imwéesií. 5Vá eŋgámó mamba mimé bɛ́ŋ anáá indi vá watihíye na vato. Vá éŋgíyámó vaná vá vipóótó ává vá byámó na mónda ítɔɔ na ombɔɔ́ kó vá eŋgíyámó embavé ra cunú rawó. 6Ará vá endámó na vibínó vá díŋgámó núumámó na pandó rá jíní kó í rá makésyé kó hónó naáté yá byanje vyá mbásóóríyé vá eŋgámó sɛ́ɛm wa wandá. 7Vá ndiŋgámó anáá vato vá wó vatiyé na mowónjá, vá diŋgámó ará vato vá wó béránámó anáá oyéére. 8Kó na vinó, vinó ka atɔ́wɔ anáá vá no bérána anáá oyéére esene éyé anáá, no timbámó oyéére omwésií. Kó no amo bimé va navéne. 9Vinó ka bérána moto a moto na cí ówó anáá Tetáŋgá wa visó esene éyé anáá no timbámó bɛ́ŋ Tetáŋgá omwesií ójó na máná. 10Vinó ka eŋga hónó anáá vá nó bérána anáá ahúhíye esene éyé no timbámó bɛ́ŋ ahúhíye omwésií kójo Etómá yá Irɔŋgɔ. 11Ogóno ójó na raaté wa vinó a geremenamó orií yeŋga manɔnɔwɔ yá vinó 12esene éyé ojo a váneétyámó a mó ríyámó sisyérí, kó ojo a vásísyámó a mó ríyámó néétyérí.»
Noóŋgó na vayéere vá mbéndɔ́ orɔŋgɔ na va Pariséne
13Numerí na vinó ává vayéere vá mbéndɔ́ na vinó ává va pariséne, no ámó vampará, vinó ává no bendeenámó vato yiŋgááná éyé na Edɔŋgɔ éyé na máná! Vinó máte no ta iŋgááná, kó no ta micé ava vá díŋgámó anáá vá iŋgáana vá iŋgáana! 14Numerí na vinó, vinó ává vayéere vá mbéndɔ́ na va Pariséne, no ámó vampará, esene éyé no bɔwenámó kúsú rá vakótó até yimé éyé vá tímbámó kó no eŋgámó mbásóóríyé íjí í ráhaanámó ukú ójó anáá vá nó ená. Wandá mwané kówo Irɔŋgɔ a mó cákámó o nó pwénísye. 15Numerí na vinó ává vayéere vá mbéndɔ́ na vinó ává va Pariséne, no ámó vampará, esene éyé no endanámó eŋgendɔ na máŋá kó na vidɔŋgɔ íví na cí ra ndono iŋgimé ukú ójó anáá no timbé ítɔɔ bɛ́ŋ moto umweesií ojó a atɔ́wɔmó, kaá ará nó me wɔŋgɔ́mó, kó nó eŋgámó anáá a búndé moto ójó Irɔŋgɔ a geremenamó opwénísye eŋgendɔ eba o nó tómbá vinó máte! 16Numerí na vinó vaturé ává byewu, esene éyé no járámó anáá: Ŋgé moto a ryá na ebéráána yá yanje yá Irɔŋgɔ, wó ta ámó na mpí, wó je rií anáá ŋgé moto a ryá na ebérááná yá góoro ójó naáté yá yanje yá Irɔŋgɔ, a geremenamó weŋga até éyé a mó járá. 17Vinó ka rií byejá tɔɔ byewu! Até kéye é cákámó orií na mpí? Ye góoro kee yanje yá Irɔŋgɔ éyé yó eŋgámó anáá góoro mwané a rií wandá wá iki? 18Kó no járámó hée anáá: «Ŋgé moto a ryá na niyó ná pando ra mómí, wó ta ámó na mpí, ŋgé moto a jé ryá na niyó ná mómí éjé e ámó ɔ́wɔ́, a geremenamó weŋga até éyé a mó járá. 19No ámó byewu! Até eye é cákámó orií na mpí? Mómí kee pandó ra mómí éjé yo eŋgámó anáá mómí mwané e rií wandá wa iki? 20Jembáno sɔɔ́ anáá ojo a ryámó na niyó ná pandó ra mómí a ryámó na niyó ná pandó ra mómí orɔŋgɔ na motéé mwimé umú ɔ́wɔ́. 21Ojo a ryámó na niyó ná yanje yá Irɔŋgɔ a ryámó na niyó ná yanje yá Irɔŋgɔ kó na niyó ná Irɔŋgɔ ójó a ámó naáté yá yanje mwané. 22Ojo a ryámó na niyó na máná a ryámó na niyó na undií rá Irɔŋgɔ kó na niyó ná Irɔŋgɔ ójó a ámó na undií mwané. 23Numerí na vinó, vayéere vá mbéndɔ́ na vinó ává va pariséne, no ámó vampará, esene éyé no eréénámó taŋgó imweesií éjé na taŋgó yábɔ́tɔ́ rá ŋgono-mbárá, vísóo na ányoso, kó nó eŋgámó iresé na até éyé é cákámó orií na mpí na mbéndɔ́ ámó: Wondíŋgirííŋ, otémá rá noóŋgo, orií ówó kírítítí na Irɔŋgɔ, mamba ámá no geremenámó weŋga ka vaá iresé ɔ́wɔ́ káamáma ka je béríhye amámó. 24No ámó vaturé ává byewu, esene éyé no reŋámó mateyá anáá no uryé ombwéne, wó je rií anáá no menámó ikemerí! 25Numerí na vinó ává vayéere vá mbéndɔ́ na vinó ává va parise, no ámó vampará, esene éyé no sovámó nímé ra ndeya na nimé ra pána, wó je rií anáá naáté wó ámó táásé na motée úmú no ibánenámó vato, na umu nó bɔ́ɔnenámó vato na ŋguru. 26Aá uŋgewu wa Pariséne, maná osowa ndeya naáté ɔ́wɔ́ nimé hónó e né riyámó mpúbáná. 27Numeri na vinó ává vayéere vá mbéndɔ́ na vinó ává va pariséne, no ámó vampará, esene éyé no puranámó na vivéra iví vá ma siyé mpémé éjé pugúum nyéwéna na aŋgísó, wó je rií anáá naáté ví ámó táásé na vitété vyá vato ává vá ma gwáána kó hónó na kána rá motée mwimé úmú na manyɔ́tɔ́. 28Séem mwané kójo na naŋgáté, no eŋgámó anáá vato vá búŋgana anáá no ámó ndíŋgirííŋ, ndeke naáté no ámó táásé na vimpará orɔŋgɔ na mabé. 29Numerí na vinó ává vayéere vá mbéndɔ́ na vinó ává va parise, no ámó vampará, esene éyé no háámó vivérá vyá vahúmíye maro kó no síyámó mpémé na vivérá vyá vato ává ndíŋgirííŋ, 30kó no járámó anáá: Wá ríi to ma sɔ́tɔ́ na itíndíkáná ra va kókó vá visó, to ta ma hítí orií maráta nawó na wute ówó miné má vahúmíye maró. 31Naná wó ámó anáá vinó maté no tíhíyámó anáá no ámó vaná vá vato ává vá ma oná vahúmíye maro! 32Wó ámó wusi! Ndáno na wusó na maɔnɔɔ má vinó! Manáno até éyé vá vakókó vá vinó vá ma késyé! 33Nɔɔ́! Mbɔŋɔ ra péné! No ta hítí ovásaára pwénísi ra Irɔŋgɔ? 34Wanda mwané, kó ówó ŋgo né no toménámó, na vahúmíye mááro, na va vapeepéyɔ́ na vayéere vá mbéndɔ́. No né onámó vamo kó no ne bomanámó vámó na koroso, no ne núbámó vámó na cáwó naáté yá byanje vyá mbásóóríyé kó no né wó gúnánámó na eŋgórá eŋgórá, 35ukú ójó anáá miné mimé má vato ává ndíŋgirííŋ ámá sasésásé na cí okésyé ówó na nugwé ná Abére ójó a ma ríi ndíŋgirííŋ ondo húme na Cakaríyása, ombwene rá Barákíyá ójó no ma oná na raaté ójó na yanje yá Irɔŋgɔ na pándo ra mómí. 36Ŋgo nó ojánámó na vatɔ́ɔ́tɔ́ anáá wimé omówo wó né wundanámó okará rá vato ojó.»
Yésusu a véseényámó na wusó wá Yerúsareme
(Rúk 13:34-35)
37«Vinó ává vato ává na Yerúsareme! Vinó ává vato ává na Yerúsareme! Vinó ává no eŋgámó anáá vá oná vahúmíye maró no wunde woná vato ává Irɔŋgɔ a nó tóménámó na atááné, itíndíkáná iŋgime ŋgo katámó vaŋga anáá ŋgo nó wónjéena ámó ŋgɔɔ́ e wónjéenámó vaná váá na cí ráá ra embavé, kó no ta ma atɔ́wɔ! 38Kaá jembáno anáá Irɔŋgɔ a né nó céŋgítyenámó yanje yá vinó, 39esene éyé ŋgo nó ojánámó anáá, tetee ojó no ta né ne ŋgéná, ondo húmé ará no mó járámó anáá: Irɔŋgɔ a utana nosanjá na ojo a uramo na ebérááná yá Okí!»
Currently Selected:
Matyáasa 23: tii
Highlight
Share
Copy
Want to have your highlights saved across all your devices? Sign up or sign in
© 2024, CABTAL
Matyáasa 23
23
Yésusu a bémbétenámó vato na wusó wá vayéere vá mbéndɔ́ na va Pariséne
(Már 12:38-40; Rúk 11:39-52)
1Kó Yésusu a ma járá na vato na vihoóhóná vyáá anáá: 2«Vayéere vá mbéndɔ́ na va Pariséne kává vá gérenenámó otimisíye mbéndɔ́ ra Mósese. 3Ŋgáno kó no beerye até yimé éyé vá ma járá na vinó, wó je rií anáá vinó ka heyá ŋgeŋgéná ráwó esene éyé vá ma járá bɛ́ŋ na ojárá kó vá ta eŋgá até éyé vá ma járá. Vinó ká rií sɔ́ ámó vá mwané. 4Vá wótámó vikáné vyá vibyá onjekeyána na vikɔ́hé vyá vato, vá mwané maté vá váráŋgámó otáhá vibyá mwané tɔɔ na inɔ́ɔnɔ́ imwéesií. 5Vá eŋgámó mamba mimé bɛ́ŋ anáá indi vá watihíye na vato. Vá éŋgíyámó vaná vá vipóótó ává vá byámó na mónda ítɔɔ na ombɔɔ́ kó vá eŋgíyámó embavé ra cunú rawó. 6Ará vá endámó na vibínó vá díŋgámó núumámó na pandó rá jíní kó í rá makésyé kó hónó naáté yá byanje vyá mbásóóríyé vá eŋgámó sɛ́ɛm wa wandá. 7Vá ndiŋgámó anáá vato vá wó vatiyé na mowónjá, vá diŋgámó ará vato vá wó béránámó anáá oyéére. 8Kó na vinó, vinó ka atɔ́wɔ anáá vá no bérána anáá oyéére esene éyé anáá, no timbámó oyéére omwésií. Kó no amo bimé va navéne. 9Vinó ka bérána moto a moto na cí ówó anáá Tetáŋgá wa visó esene éyé anáá no timbámó bɛ́ŋ Tetáŋgá omwesií ójó na máná. 10Vinó ka eŋga hónó anáá vá nó bérána anáá ahúhíye esene éyé no timbámó bɛ́ŋ ahúhíye omwésií kójo Etómá yá Irɔŋgɔ. 11Ogóno ójó na raaté wa vinó a geremenamó orií yeŋga manɔnɔwɔ yá vinó 12esene éyé ojo a váneétyámó a mó ríyámó sisyérí, kó ojo a vásísyámó a mó ríyámó néétyérí.»
Noóŋgó na vayéere vá mbéndɔ́ orɔŋgɔ na va Pariséne
13Numerí na vinó ává vayéere vá mbéndɔ́ na vinó ává va pariséne, no ámó vampará, vinó ává no bendeenámó vato yiŋgááná éyé na Edɔŋgɔ éyé na máná! Vinó máte no ta iŋgááná, kó no ta micé ava vá díŋgámó anáá vá iŋgáana vá iŋgáana! 14Numerí na vinó, vinó ává vayéere vá mbéndɔ́ na va Pariséne, no ámó vampará, esene éyé no bɔwenámó kúsú rá vakótó até yimé éyé vá tímbámó kó no eŋgámó mbásóóríyé íjí í ráhaanámó ukú ójó anáá vá nó ená. Wandá mwané kówo Irɔŋgɔ a mó cákámó o nó pwénísye. 15Numerí na vinó ává vayéere vá mbéndɔ́ na vinó ává va Pariséne, no ámó vampará, esene éyé no endanámó eŋgendɔ na máŋá kó na vidɔŋgɔ íví na cí ra ndono iŋgimé ukú ójó anáá no timbé ítɔɔ bɛ́ŋ moto umweesií ojó a atɔ́wɔmó, kaá ará nó me wɔŋgɔ́mó, kó nó eŋgámó anáá a búndé moto ójó Irɔŋgɔ a geremenamó opwénísye eŋgendɔ eba o nó tómbá vinó máte! 16Numerí na vinó vaturé ává byewu, esene éyé no járámó anáá: Ŋgé moto a ryá na ebéráána yá yanje yá Irɔŋgɔ, wó ta ámó na mpí, wó je rií anáá ŋgé moto a ryá na ebérááná yá góoro ójó naáté yá yanje yá Irɔŋgɔ, a geremenamó weŋga até éyé a mó járá. 17Vinó ka rií byejá tɔɔ byewu! Até kéye é cákámó orií na mpí? Ye góoro kee yanje yá Irɔŋgɔ éyé yó eŋgámó anáá góoro mwané a rií wandá wá iki? 18Kó no járámó hée anáá: «Ŋgé moto a ryá na niyó ná pando ra mómí, wó ta ámó na mpí, ŋgé moto a jé ryá na niyó ná mómí éjé e ámó ɔ́wɔ́, a geremenamó weŋga até éyé a mó járá. 19No ámó byewu! Até eye é cákámó orií na mpí? Mómí kee pandó ra mómí éjé yo eŋgámó anáá mómí mwané e rií wandá wa iki? 20Jembáno sɔɔ́ anáá ojo a ryámó na niyó ná pandó ra mómí a ryámó na niyó ná pandó ra mómí orɔŋgɔ na motéé mwimé umú ɔ́wɔ́. 21Ojo a ryámó na niyó ná yanje yá Irɔŋgɔ a ryámó na niyó ná yanje yá Irɔŋgɔ kó na niyó ná Irɔŋgɔ ójó a ámó naáté yá yanje mwané. 22Ojo a ryámó na niyó na máná a ryámó na niyó na undií rá Irɔŋgɔ kó na niyó ná Irɔŋgɔ ójó a ámó na undií mwané. 23Numerí na vinó, vayéere vá mbéndɔ́ na vinó ává va pariséne, no ámó vampará, esene éyé no eréénámó taŋgó imweesií éjé na taŋgó yábɔ́tɔ́ rá ŋgono-mbárá, vísóo na ányoso, kó nó eŋgámó iresé na até éyé é cákámó orií na mpí na mbéndɔ́ ámó: Wondíŋgirííŋ, otémá rá noóŋgo, orií ówó kírítítí na Irɔŋgɔ, mamba ámá no geremenámó weŋga ka vaá iresé ɔ́wɔ́ káamáma ka je béríhye amámó. 24No ámó vaturé ává byewu, esene éyé no reŋámó mateyá anáá no uryé ombwéne, wó je rií anáá no menámó ikemerí! 25Numerí na vinó ává vayéere vá mbéndɔ́ na vinó ává va parise, no ámó vampará, esene éyé no sovámó nímé ra ndeya na nimé ra pána, wó je rií anáá naáté wó ámó táásé na motée úmú no ibánenámó vato, na umu nó bɔ́ɔnenámó vato na ŋguru. 26Aá uŋgewu wa Pariséne, maná osowa ndeya naáté ɔ́wɔ́ nimé hónó e né riyámó mpúbáná. 27Numeri na vinó ává vayéere vá mbéndɔ́ na vinó ává va pariséne, no ámó vampará, esene éyé no puranámó na vivéra iví vá ma siyé mpémé éjé pugúum nyéwéna na aŋgísó, wó je rií anáá naáté ví ámó táásé na vitété vyá vato ává vá ma gwáána kó hónó na kána rá motée mwimé úmú na manyɔ́tɔ́. 28Séem mwané kójo na naŋgáté, no eŋgámó anáá vato vá búŋgana anáá no ámó ndíŋgirííŋ, ndeke naáté no ámó táásé na vimpará orɔŋgɔ na mabé. 29Numerí na vinó ává vayéere vá mbéndɔ́ na vinó ává va parise, no ámó vampará, esene éyé no háámó vivérá vyá vahúmíye maro kó no síyámó mpémé na vivérá vyá vato ává ndíŋgirííŋ, 30kó no járámó anáá: Wá ríi to ma sɔ́tɔ́ na itíndíkáná ra va kókó vá visó, to ta ma hítí orií maráta nawó na wute ówó miné má vahúmíye maró. 31Naná wó ámó anáá vinó maté no tíhíyámó anáá no ámó vaná vá vato ává vá ma oná vahúmíye maro! 32Wó ámó wusi! Ndáno na wusó na maɔnɔɔ má vinó! Manáno até éyé vá vakókó vá vinó vá ma késyé! 33Nɔɔ́! Mbɔŋɔ ra péné! No ta hítí ovásaára pwénísi ra Irɔŋgɔ? 34Wanda mwané, kó ówó ŋgo né no toménámó, na vahúmíye mááro, na va vapeepéyɔ́ na vayéere vá mbéndɔ́. No né onámó vamo kó no ne bomanámó vámó na koroso, no ne núbámó vámó na cáwó naáté yá byanje vyá mbásóóríyé kó no né wó gúnánámó na eŋgórá eŋgórá, 35ukú ójó anáá miné mimé má vato ává ndíŋgirííŋ ámá sasésásé na cí okésyé ówó na nugwé ná Abére ójó a ma ríi ndíŋgirííŋ ondo húme na Cakaríyása, ombwene rá Barákíyá ójó no ma oná na raaté ójó na yanje yá Irɔŋgɔ na pándo ra mómí. 36Ŋgo nó ojánámó na vatɔ́ɔ́tɔ́ anáá wimé omówo wó né wundanámó okará rá vato ojó.»
Yésusu a véseényámó na wusó wá Yerúsareme
(Rúk 13:34-35)
37«Vinó ává vato ává na Yerúsareme! Vinó ává vato ává na Yerúsareme! Vinó ává no eŋgámó anáá vá oná vahúmíye maró no wunde woná vato ává Irɔŋgɔ a nó tóménámó na atááné, itíndíkáná iŋgime ŋgo katámó vaŋga anáá ŋgo nó wónjéena ámó ŋgɔɔ́ e wónjéenámó vaná váá na cí ráá ra embavé, kó no ta ma atɔ́wɔ! 38Kaá jembáno anáá Irɔŋgɔ a né nó céŋgítyenámó yanje yá vinó, 39esene éyé ŋgo nó ojánámó anáá, tetee ojó no ta né ne ŋgéná, ondo húmé ará no mó járámó anáá: Irɔŋgɔ a utana nosanjá na ojo a uramo na ebérááná yá Okí!»
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2024, CABTAL