Ŋgengéná 9
9
Sóoro a céndyámó otémá
1Na itíndíkáná mwané, Sóoro a ma ré sɔsɔ bɛ́ŋ anáá a túúriye a wunde woná vihoóhóná vyá Okí, kó a ma endá ená ogónó wa vacekiye mómí. 2O me súsé va kárate ává vá me hwámó ŋguru ra wiŋgáana ówó na byanje vyá mbásóóríyé íví na oŋgórá rá Damása, ukú ójó anáá ará a endámó ɔ́kɔ́, a etíyé vato ŋgé vakótó ŋgé vanómótó ává vá byɔ́ɔnɔmó pé ra Okí, ómwané o wó ambaana, o wó wótá masóŋɔ́ ondo etá nawó na Yerúsareme. 3Sóoro a rií na pé wenda ówó na Damása, a ma ríi a etá berebe na oŋgórá mwané, kó a ma híráná ubwiye ámó ekáné yá ineŋgí ondo uré ówó na máná é ma késyé onoma na kɔɔ́kɔ́ŋgɔ́ raá. 4Sóoro a ma edúmé na cí kó a ma ová mií emo e járá naá anáá: «Sóoro, Sóoro, wusó wá até kówo o tuúriyámó?» 5Kó Sóoro a ma súsé ayáá: «Okí, o ámó áné?» Kó mií e ma me wundíyé anáá: «Ndo ámó Yésusu ójó o tuúriyámó. 6Vedá hatééná índi wíŋgáana naáté yá oŋgórá, ɔ́wɔ́ vá né wo ojanámó até éyé o geremenámó weŋga.» 7Vato ává vá katé enda oŋgendɔ mwané orɔŋgɔ na Sóoro vá ma térémáná ka timbe ŋguru ra opese epéŋgé. Vá ma ré ována mií ka je ená moto. 8Sóoro a ma hatééná na cí kó ítɔɔ ámó a ma buné aŋgísó, a ta ma katé ne ená wandá a ma ríi a etá uŋgewu. Kó vato váa vá ma me turé na ombɔɔ́ wenda ówó naá na Damása. 9A ma túmbyé metúú mátátó uŋgewu, ka nyá wandá, ka vényú wandá.
10Na Damása ɔ́kɔ́, ehoóhóná emó é katé rií ɔ́wɔ́ ebérááná anáá Ananíyasa. Okí a ma me húméná aye naá anáá: «Ananíyasa!» Ananíyasa a ma wundyé anáá: «Okí, noó ojó!» 11Okí a ma járá naá anáá: «Ndá tetee ojó na onjɔ́ŋɔ́ ójó vá béráanámó anáá Eténé na eténé, íŋgááná na yanje yá Yúdasa, índi o súsé moto omo ójó na oŋgórá Tárasa ebérááná aá Sóoro. A ámó na ovásoóriye, 12kó ŋgo mó me tíhíye moto omo ebérááná anáá Ananíyasa a iŋgáana a me táréena embɔɔ́ ukú ójó anáá a wunde wená hée.» 13Ananíyasa a ma wundyé ayáá: «Okí, vato mbunu vá ma ŋgojáná oráŋá rá moto omójo owunde otɔ́ŋɔ́ wobé wimé ówó a má eŋgá vato ává vá wo atɔ́wɔmó na Yerúsareme. 14Ará a ámó hɔ́rɔ́, a mó uré eéná esene éyé vagónó vá vacekiye mómí vá mó me hwá ŋguru aá a ambaanana vato bimé ává vá tɔɔ́nɔmó ebérááná yɔɔ́.» 15Vedá Okí a ma járá na Ananíyasa anáá: «Ndá esene éyé ŋgo má ijátá moto omójo kó ŋgo né timbaanámó naá ukú ójó anáá mayɔŋɔ amámó má jémbe ebérááná yámé, ítɔɔ mahumu máwó na noyɔŋɔ ná ísayéere hónó. 16Noó maté ŋgo né me tíhíyámó etɔɔ yimé éyé a né geremenámó wená na wusó wámé.» 17Kó Ananíyasa a ma endá, wiŋgáana na yanje, otáréena Sóoro embɔɔ́ kaá a ma járá naá anáá: «Sóoro mbísó, Okí Yésusu ójó a mó wo húméná na pé éjé o katé uréna ɔ́wɔ́ a mó tómá ukú ójó anáá o wunde okésyé wená índi o rií táásé na Mwáŋ mwáŋ wa Ireréŋgi.» 18Na itíndíkáná mwané, motéé mó ma obáná na aŋgísó rá Sóoro mámó weŋga aá byesá, kó a ma wundé okésyé wená. Kaá a ma hatééná, oduwana. 19Kó a ma nyányá owunde owɔ́rɔ́ ŋguru.
Sóoro a ojámó maró má Irɔŋgɔ na Damása
Sóoro a ma túmbyé vaná vá metúú orɔŋgɔ na vihoóhóná íví na Damása. 20Kó kwa-kwa, a ma késyé woja na byanje vyá mbásóóríyé anáá Yésusu a ámó Mwaná Irɔŋgɔ. 21Bimé ává vá katé me vátɔ́rɔ́ vá ma ré kémbyé hɔrɔ́ vá súsé anáá: «Kesí moto ójó a katé túúriye vato ává vá atɔ́wɔmó Yésusu na Yerúsareme ojóo? Kó hónó noó anáá a mó uré eéná na ncee aá a ambaanana vato mwané índi a enda nawó na vagónó vá vacekiye mómí oo?» 22Kó Sóoro a katé járá hée na ipitííŋgímé, atíhíye aá Yésusu a ámó Etómá yá Irɔŋgɔ. Kó va Yúdene ává na Damása vá ta ma ne jembe até éyé vá ma hítí o me wundiye. 23Na nimé ra itíndíkáná ímó, va Yúdene vá ma wɔ́rɔ́ cómbéná orɔŋgɔ anáá vá onámó Sóoro, 24vedá wandá mwané wó ma obéná Sóoro na etú. Vá ma ré gíré ehótó ra oŋgórá na wutúú na wusí ukú ójó anáá vá me oná. 25Kó wutúú womó, vihoóhóna vyá Sóoro ví ma me váá naáté yá ekáné yá esáŋgá, o me sisyena na iyɔ́tɔ́ mpimi na mpimi ra iruŋge rá oŋgórá.
Sóoro a endámó na Yerúsareme
26Ará Sóoro a ma endá húmé na Yerúsareme, a ma diŋgé aá a iŋgáana na ipɔké rá vihoóhóná kó bimé vá katé me tiné esene éyé vá ta ma ré kaŋga anáá a ámó mwané ehoóhóná. 27Kó Baranabása a ma me wɔ́rɔ́ wenda naá na kɔ́ŋgɔ́ ra enásá, o wó tɔ́ŋéna ámó Okí a ma húméná Sóoro na pé, ámó Okí a ma járááná naá. Kó a ma wó tɔ́ŋéná hónó twiŋí owo Sóoro a ma ojá maró má Irɔŋgɔ na ebérááná yá Yésusu na ipitííŋgímé na Damása. 28Okésyé ówó isí eméye, Sóoro a katé rií na enásá, a naá a wɔsɔ orɔŋgɔ nawó na Yerúsareme, a oja Usi wa cómó na ipitííŋgímé na niyó na Okí. 29A ma bérúmáná hónó na va Yúdene ává vá ma járá to geréke kó a ma ré rényé nawó, vedá vá mwané vá ma ré sɔsɔ anáá vá me oná. 30Ará vatɔ́wɔ vá ma jembé náná, vá ma endá tíráana Sóoro na Cesaráyá kaá ɔ́kɔ́ vá ma me tómá Tárasa.
31Na itíndíkáná mwané, Iwónjá rá vatɔ́wɔ í ma ré rií dɔ́ŋgɔrɔ́ɔ́ŋ na Yúdeyá uŋgimé, na Gariréya kó na Samaríyá. Í ma ré góná í wúnde osɔ́tɔ́ na mová na Okí kó Mwáŋ mwáŋ wa Ireréŋgi a katé eŋga anáá vato ává vá atɔ́wɔmó Irɔŋgɔ vá wunde ováwúswíyána.
Pyéere a ondónámó Enéye
32Amó Pyéere a ma ré ndenda na edɔŋgɔ yimé, isí émó a ma endá na oŋgórá rá Rída ondo ená vatɔ́wɔ ává ɔ́kɔ́. 33Kó a ma etíyé moto omo ebérááná anáá Enéye. Moto mwané a ma ré rií embémbéte na ikúndé wétá maá méréma esene éyé a katé rií isúsúúru. 34Pyéere aye naá anáá: «Aá Enéye, Yésusu Kirítu a wo ondónámó! Hatééná índi mámó maté o héndá ikúndé yɔɔ́!» Kó Enéye a ma híráná ohateena. 35Vato bimé ává vá ma ré sɔ́tɔ́ na Rída na ava na edɔŋgɔ yá Saróno vá ma ená Enéye kó vá ma búndyé etémá na Okí.
Pyéere a hononámó Tabíta na nugwé
36Na oŋgórá rá Yópe, okótó omo a katé rií ɔ́wɔ́ ebérááná anáá Tabíta, na to geréke ó tírevenámó anáá Dorókasa «Kóŋgá.» A ma re rií ehoóhoná yá Yésusu. Okótó mwané a katé túmbyé itíndíkáná ráa íŋgímé na wéŋga ówó wusi, a aka hónó vawora. 37Kó na metúú mwané, Tabíta a ma obá enɔ́ ogwé. Na wéŋga ówó anáá vá mána otumbye mbimbe raá, vá ma endá me vaá na cómbá emo na máná ra yanje. 38Vihoóhóná íví na Yópe ví ma ová anáá Pyéere a katé rií na oŋgórá Rída, wó je rií anáá Yópe a ta rahá na Rída. Vá ma tómá sɔ́ vato vává índi va endá jará na pyéere anáá a uré kwa-kwa na vámwané na Yópe ɔ́kɔ́. 39Pyéere ka déŋgyé itíndíkáná a ma báréyá wenda. A enda húmé, vá ma endá naá na cómbá éjé na máná ra yanje. Kúsú íŋgímé í ma me endétyé na mbií hɔrɔ́ í me tíhíyána cunú íjí Tabíta a ma eŋgá hɔrɔ́ a hwené. 40Pyéere a ma húmyé moto uŋgimé na naŋgáté, ukú tyé munú na cí, ovásoóriye. Na nimé raá a ma búndyé aŋgísó na mbimbe ayáá: «Tabíta, hatééná!» Kó Tabíta a ma buné aŋgísó, ará a ma ená Pyéere a ma tómbá onuumana. 41Pyéere a ma me ambááná na ombɔɔ́ o me aka anáá a hateena, kó a ma bérááná vato ává vá ma ré atɔ́wɔ Irɔŋgɔ na kúsú íŋgímé o wó tíhíye Tabíta pwené. 42Vato bimé ává vá ma ré sɔ́tɔ́ na Yópe vá ma ová até éyé é ma tómbá, kó ombunu ó ma atɔ́wɔ́ Okí. 43Pyéere a ma túmbyé vikáné vyá metúú na Yópe. A katé rií na yanje yá Símono ójó a katé nɔnɔɔ vikoo.
Currently Selected:
Ŋgengéná 9: tii
Highlight
Share
Copy
Want to have your highlights saved across all your devices? Sign up or sign in
© 2024, CABTAL
Ŋgengéná 9
9
Sóoro a céndyámó otémá
1Na itíndíkáná mwané, Sóoro a ma ré sɔsɔ bɛ́ŋ anáá a túúriye a wunde woná vihoóhóná vyá Okí, kó a ma endá ená ogónó wa vacekiye mómí. 2O me súsé va kárate ává vá me hwámó ŋguru ra wiŋgáana ówó na byanje vyá mbásóóríyé íví na oŋgórá rá Damása, ukú ójó anáá ará a endámó ɔ́kɔ́, a etíyé vato ŋgé vakótó ŋgé vanómótó ává vá byɔ́ɔnɔmó pé ra Okí, ómwané o wó ambaana, o wó wótá masóŋɔ́ ondo etá nawó na Yerúsareme. 3Sóoro a rií na pé wenda ówó na Damása, a ma ríi a etá berebe na oŋgórá mwané, kó a ma híráná ubwiye ámó ekáné yá ineŋgí ondo uré ówó na máná é ma késyé onoma na kɔɔ́kɔ́ŋgɔ́ raá. 4Sóoro a ma edúmé na cí kó a ma ová mií emo e járá naá anáá: «Sóoro, Sóoro, wusó wá até kówo o tuúriyámó?» 5Kó Sóoro a ma súsé ayáá: «Okí, o ámó áné?» Kó mií e ma me wundíyé anáá: «Ndo ámó Yésusu ójó o tuúriyámó. 6Vedá hatééná índi wíŋgáana naáté yá oŋgórá, ɔ́wɔ́ vá né wo ojanámó até éyé o geremenámó weŋga.» 7Vato ává vá katé enda oŋgendɔ mwané orɔŋgɔ na Sóoro vá ma térémáná ka timbe ŋguru ra opese epéŋgé. Vá ma ré ována mií ka je ená moto. 8Sóoro a ma hatééná na cí kó ítɔɔ ámó a ma buné aŋgísó, a ta ma katé ne ená wandá a ma ríi a etá uŋgewu. Kó vato váa vá ma me turé na ombɔɔ́ wenda ówó naá na Damása. 9A ma túmbyé metúú mátátó uŋgewu, ka nyá wandá, ka vényú wandá.
10Na Damása ɔ́kɔ́, ehoóhóná emó é katé rií ɔ́wɔ́ ebérááná anáá Ananíyasa. Okí a ma me húméná aye naá anáá: «Ananíyasa!» Ananíyasa a ma wundyé anáá: «Okí, noó ojó!» 11Okí a ma járá naá anáá: «Ndá tetee ojó na onjɔ́ŋɔ́ ójó vá béráanámó anáá Eténé na eténé, íŋgááná na yanje yá Yúdasa, índi o súsé moto omo ójó na oŋgórá Tárasa ebérááná aá Sóoro. A ámó na ovásoóriye, 12kó ŋgo mó me tíhíye moto omo ebérááná anáá Ananíyasa a iŋgáana a me táréena embɔɔ́ ukú ójó anáá a wunde wená hée.» 13Ananíyasa a ma wundyé ayáá: «Okí, vato mbunu vá ma ŋgojáná oráŋá rá moto omójo owunde otɔ́ŋɔ́ wobé wimé ówó a má eŋgá vato ává vá wo atɔ́wɔmó na Yerúsareme. 14Ará a ámó hɔ́rɔ́, a mó uré eéná esene éyé vagónó vá vacekiye mómí vá mó me hwá ŋguru aá a ambaanana vato bimé ává vá tɔɔ́nɔmó ebérááná yɔɔ́.» 15Vedá Okí a ma járá na Ananíyasa anáá: «Ndá esene éyé ŋgo má ijátá moto omójo kó ŋgo né timbaanámó naá ukú ójó anáá mayɔŋɔ amámó má jémbe ebérááná yámé, ítɔɔ mahumu máwó na noyɔŋɔ ná ísayéere hónó. 16Noó maté ŋgo né me tíhíyámó etɔɔ yimé éyé a né geremenámó wená na wusó wámé.» 17Kó Ananíyasa a ma endá, wiŋgáana na yanje, otáréena Sóoro embɔɔ́ kaá a ma járá naá anáá: «Sóoro mbísó, Okí Yésusu ójó a mó wo húméná na pé éjé o katé uréna ɔ́wɔ́ a mó tómá ukú ójó anáá o wunde okésyé wená índi o rií táásé na Mwáŋ mwáŋ wa Ireréŋgi.» 18Na itíndíkáná mwané, motéé mó ma obáná na aŋgísó rá Sóoro mámó weŋga aá byesá, kó a ma wundé okésyé wená. Kaá a ma hatééná, oduwana. 19Kó a ma nyányá owunde owɔ́rɔ́ ŋguru.
Sóoro a ojámó maró má Irɔŋgɔ na Damása
Sóoro a ma túmbyé vaná vá metúú orɔŋgɔ na vihoóhóná íví na Damása. 20Kó kwa-kwa, a ma késyé woja na byanje vyá mbásóóríyé anáá Yésusu a ámó Mwaná Irɔŋgɔ. 21Bimé ává vá katé me vátɔ́rɔ́ vá ma ré kémbyé hɔrɔ́ vá súsé anáá: «Kesí moto ójó a katé túúriye vato ává vá atɔ́wɔmó Yésusu na Yerúsareme ojóo? Kó hónó noó anáá a mó uré eéná na ncee aá a ambaanana vato mwané índi a enda nawó na vagónó vá vacekiye mómí oo?» 22Kó Sóoro a katé járá hée na ipitííŋgímé, atíhíye aá Yésusu a ámó Etómá yá Irɔŋgɔ. Kó va Yúdene ává na Damása vá ta ma ne jembe até éyé vá ma hítí o me wundiye. 23Na nimé ra itíndíkáná ímó, va Yúdene vá ma wɔ́rɔ́ cómbéná orɔŋgɔ anáá vá onámó Sóoro, 24vedá wandá mwané wó ma obéná Sóoro na etú. Vá ma ré gíré ehótó ra oŋgórá na wutúú na wusí ukú ójó anáá vá me oná. 25Kó wutúú womó, vihoóhóna vyá Sóoro ví ma me váá naáté yá ekáné yá esáŋgá, o me sisyena na iyɔ́tɔ́ mpimi na mpimi ra iruŋge rá oŋgórá.
Sóoro a endámó na Yerúsareme
26Ará Sóoro a ma endá húmé na Yerúsareme, a ma diŋgé aá a iŋgáana na ipɔké rá vihoóhóná kó bimé vá katé me tiné esene éyé vá ta ma ré kaŋga anáá a ámó mwané ehoóhóná. 27Kó Baranabása a ma me wɔ́rɔ́ wenda naá na kɔ́ŋgɔ́ ra enásá, o wó tɔ́ŋéna ámó Okí a ma húméná Sóoro na pé, ámó Okí a ma járááná naá. Kó a ma wó tɔ́ŋéná hónó twiŋí owo Sóoro a ma ojá maró má Irɔŋgɔ na ebérááná yá Yésusu na ipitííŋgímé na Damása. 28Okésyé ówó isí eméye, Sóoro a katé rií na enásá, a naá a wɔsɔ orɔŋgɔ nawó na Yerúsareme, a oja Usi wa cómó na ipitííŋgímé na niyó na Okí. 29A ma bérúmáná hónó na va Yúdene ává vá ma járá to geréke kó a ma ré rényé nawó, vedá vá mwané vá ma ré sɔsɔ anáá vá me oná. 30Ará vatɔ́wɔ vá ma jembé náná, vá ma endá tíráana Sóoro na Cesaráyá kaá ɔ́kɔ́ vá ma me tómá Tárasa.
31Na itíndíkáná mwané, Iwónjá rá vatɔ́wɔ í ma ré rií dɔ́ŋgɔrɔ́ɔ́ŋ na Yúdeyá uŋgimé, na Gariréya kó na Samaríyá. Í ma ré góná í wúnde osɔ́tɔ́ na mová na Okí kó Mwáŋ mwáŋ wa Ireréŋgi a katé eŋga anáá vato ává vá atɔ́wɔmó Irɔŋgɔ vá wunde ováwúswíyána.
Pyéere a ondónámó Enéye
32Amó Pyéere a ma ré ndenda na edɔŋgɔ yimé, isí émó a ma endá na oŋgórá rá Rída ondo ená vatɔ́wɔ ává ɔ́kɔ́. 33Kó a ma etíyé moto omo ebérááná anáá Enéye. Moto mwané a ma ré rií embémbéte na ikúndé wétá maá méréma esene éyé a katé rií isúsúúru. 34Pyéere aye naá anáá: «Aá Enéye, Yésusu Kirítu a wo ondónámó! Hatééná índi mámó maté o héndá ikúndé yɔɔ́!» Kó Enéye a ma híráná ohateena. 35Vato bimé ává vá ma ré sɔ́tɔ́ na Rída na ava na edɔŋgɔ yá Saróno vá ma ená Enéye kó vá ma búndyé etémá na Okí.
Pyéere a hononámó Tabíta na nugwé
36Na oŋgórá rá Yópe, okótó omo a katé rií ɔ́wɔ́ ebérááná anáá Tabíta, na to geréke ó tírevenámó anáá Dorókasa «Kóŋgá.» A ma re rií ehoóhoná yá Yésusu. Okótó mwané a katé túmbyé itíndíkáná ráa íŋgímé na wéŋga ówó wusi, a aka hónó vawora. 37Kó na metúú mwané, Tabíta a ma obá enɔ́ ogwé. Na wéŋga ówó anáá vá mána otumbye mbimbe raá, vá ma endá me vaá na cómbá emo na máná ra yanje. 38Vihoóhóná íví na Yópe ví ma ová anáá Pyéere a katé rií na oŋgórá Rída, wó je rií anáá Yópe a ta rahá na Rída. Vá ma tómá sɔ́ vato vává índi va endá jará na pyéere anáá a uré kwa-kwa na vámwané na Yópe ɔ́kɔ́. 39Pyéere ka déŋgyé itíndíkáná a ma báréyá wenda. A enda húmé, vá ma endá naá na cómbá éjé na máná ra yanje. Kúsú íŋgímé í ma me endétyé na mbií hɔrɔ́ í me tíhíyána cunú íjí Tabíta a ma eŋgá hɔrɔ́ a hwené. 40Pyéere a ma húmyé moto uŋgimé na naŋgáté, ukú tyé munú na cí, ovásoóriye. Na nimé raá a ma búndyé aŋgísó na mbimbe ayáá: «Tabíta, hatééná!» Kó Tabíta a ma buné aŋgísó, ará a ma ená Pyéere a ma tómbá onuumana. 41Pyéere a ma me ambááná na ombɔɔ́ o me aka anáá a hateena, kó a ma bérááná vato ává vá ma ré atɔ́wɔ Irɔŋgɔ na kúsú íŋgímé o wó tíhíye Tabíta pwené. 42Vato bimé ává vá ma ré sɔ́tɔ́ na Yópe vá ma ová até éyé é ma tómbá, kó ombunu ó ma atɔ́wɔ́ Okí. 43Pyéere a ma túmbyé vikáné vyá metúú na Yópe. A katé rií na yanje yá Símono ójó a katé nɔnɔɔ vikoo.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2024, CABTAL