Ŋgengéná 7
7
Ítyene a wɔ́rɔ́mó enjárá
1Ogónó wa vacekiye mómí a ma súsé ítyene anáa: «Até éyé vá ma járá na wusó wɔɔ́ é ámó vatɔ́ɔ́tɔ́?» 2Ítyene a ma me wundíyé ayáá: «Va Tetáŋgá na va mbísó, óváno: Irɔŋgɔ wa niimí a ma húméná kókó wa visó ójó Abaraháma a rií na edɔŋgɔ yá Mesopotamíyá hɔ́rɔ́nɔ́ a árɔ́wɔ́ ka enda sɔ́tɔ́ na edɔŋgɔ Caráŋa. 3Kó a ma járá naá anáa: Úrúkyé edɔŋgɔ yɔɔ́ na noyómó nɔɔ́ índi wo enda na edɔŋgɔ éyé ŋgo né wo tíhíyámó. 4Abaraháma a ma urúkyé sɔ́ edɔŋgɔ yá va Karádeéne ondo nuumana na Caráŋa, kó na nimé ra nugwé na isyé, Irɔŋgɔ a ma me uryé na Caráŋa ondo me vaá na edɔŋgɔ éyé no sɔ́tɔ́mó ɔ́wɔ́ tetee ojó eyé. 5Eéná, Irɔŋgɔ a ta ma eréena Abaraháma tíyó ítɔɔ mwaná wa pumbú wa cí ójó anáá a táréena oŋgoró, a ma me tánéná bɛ́ŋ anáa a mó me hwámó edɔŋgɔ eyé na ómwané na vaná váa, ítɔɔ ámó Abaraháma a ta ma ré timbe mwaná na itíndíkáná mwané. 6Irɔŋgɔ a ma eŋgá hée naá anáa: Nda rɔɔ́ í mó sɔ́tɔ́mó na edɔŋgɔ yá múndú, ɔ́kɔ́ vá mó nɔ́nɔɔmó wumbékí kó vá mó wó tuúriyámó ondo húme na maá motete mwééné. 7Wó je rií anáa ŋgo mó jósyámó noyɔŋɔ éné nó mó wó bótámó mbékí, kó vá mó urúkyámó edɔŋgɔ mwané ondo nɔnɔwena na pandó ejé. 8Kó Irɔŋgɔ a ma eŋgá iretye nawó na Abaraháma, ndeme ra iretye mwané kéje bwenjí. Wandá mwané kówo Abaraháma na wéŋga ówó anáa a byáná Isáka a ma me anjá uhúmé ówó na metúú méréma. Séem mwané ojo Isáka a ma anjá Yákɔwɔ, Yákɔwɔ hónó wanja va kókó vá visó ává vábɔ́t na vává. 9Va kókó vá visó vá ma ré njíŋí navéne wawó ójó Yóseve kó vá ma me sérá anáá a enda na wumbékí na Egíptene, vedá Irɔŋgɔ a katé rií orɔŋgɔ́ na Yóseve, 10kó a ma me atá na vitɔɔ vyáá bimé. A ma nééná Yóseve peyɔ o wunde weŋga anáa Paráwóno ójó ahumu rá Egíptene a me ená wusi. Kó ahumu a ma néétyé Yóseve anáa ómwané kójo a etá onásá rá ahumu ájá na Egíptene a wunde onjwé yanje yá ahumu maté. 11Njeŋge e ma iŋgááná na Egíptene orɔŋgɔ na edɔŋgɔ yá Kanaáŋ. Vato vá katé ená etɔɔ mbunu kó vakókó vá visó va ta ma ne timbe manyá. 12Ará Yákɔwɔ a ma ová anáa manyá má ámó na Egíptene, a ma tómá vakókó vá visó oŋgendɔ rá makésyé. 13Ará vá ma endá oŋgendɔ ójó tii, Yóseve a ma eŋgá anáa va navéne vá me jembe ɔ́wɔ́ kówo Porɔ́wɔ́nɔ a ma jembé noyómó ná Yóseve. 14Yóseve a ma eŋgá anáa vá endá wɔ́rɔ́ isyé ójó Yákɔwɔ na yanje yáá yá vato yimé, vato mwané vá ma ríi mɔwɔ́ márátó na umwesií na vátáánó. 15Yákɔwɔ a ma endá sɔ́ na Egíptene, ɔ́kɔ́ kówo a ma endá gwé ítɔɔ vakókó vá visó hónó. 16Vá ma byáaná mbimbe ráwó na oŋgórá rá Sicéme kó vá ma wó títáná na evérá éyé Abaraháma a ma kusé na mwení na vaná vá Hamɔ́rɔ na Sicéme ɔ́kɔ́.
17Amó itíndíkáná íjí Irɔŋgɔ a ma geréméná onwíyé tánó raá éjé a ma eŋgéna Abaraháma í ma ríi yó étá kerana, noyɔŋɔ na visó nó ma késyé ogóná vá etá biíii na Egíptene, 18ondo húmé ará ahumu éndyé ájá ka jembe Yóseve á ma náátá na undií na Egíptene. 19Ahumu mwané á ma jéényé vakókó vá visó owunde o wó túúriye kó a ma eŋgá nawó na obiriki anáa vá céŋgítye mobɔbɔkɔ mwáwó mwá vaná índi mó rií ka sɔ́tɔ́. 20Na itíndíkáná mwané kíji Mósese a ma byánávéná, a nyeme, a wunde wenéyá na aŋgísó rá Irɔŋgɔ. Vá ma me gúníyé na yanje yá isyé ehé etató 21kaá ará vá ma me céŋgítyé, ŋgwande ra ahumu e ma me wɔ́rɔ́ o me gúníye ámó mwaná waá maté. 22Náná kówo Mósese a ma hóóhóná njembéná íŋgímé rá va Egíptene kó a katé rií na ŋguru na njáráténé ráá kó hónó na ŋgeŋgéná mamba raá. 23Ará Mósese a ma ríi a etá timbé maá mɔwɔ́ mááné kó a ma wɔ́rɔ́ cómbéná anáá a wundámó na raaté wa va Yúdene ává va navéne. 24Kó a ma ená mwaná wa Egíptene a tuúriye navéne omo, Mósese a ma kamáná naá, o me suŋge, woná mwaná wa Egíptene omójo. 25A ma ré buŋgana aá va navéne vá né nuútanámó anáá Irɔŋgɔ a ma katé diŋge anáá a wó atá na nimé rá ómwané ójó Mósese, kó va navéne vá ta ma me ová. 26Isí éyé tii, Mósese a ma ená va navéne vává vá nywáana kó a ma diŋgé anáá a vaá dɔ́ŋgɔrɔ́ɔ́ŋ na raaté wawó ayáá: Va mbérá vamé, vinó va navéne wusó wá até owo nó nywáanamo? 27Kó ojo a katé núbé sɔ́ɔ́ a ma gúné Mósese aye naá anáá: Áné kójo a mó wo tírímiye njwé ítɔɔ aá rɔ́yá na raaté wa visó? 28Ye o diŋgámó anáá oŋgoná ámó o má óná mwaná wa Egíptene isíjó? 29Ará Mósese a ma ová náná, kó a ma bwɔ́nɔ́ pandó indyé na edɔŋgɔ yá va Madyána, ɔ́kɔ́, a ma byáná embwene eba.
30Na nimé ra maá mɔwɔ́ mááné, éŋgerese a ma húméná Mósese na ekwété yá cí éyé na kɔ́ŋgɔ́ ra oŋgené ójó na Sínáyá, éŋgerese mwané a katé rií naáté yá virémbé vyá ihyáné na itutú yá vitíné vyá maráté. 31Kó Mósese a ma diŋgé anáá a kera índi a néména mpáŋá esene éyé a ma ré kémbyé wandá mwané kó a ovámó mií ra Okí e járá naá anáá: 32Ndo ámó Irɔŋgɔ wa va kókó vɔɔ́, Irɔŋgɔ wa Abaraháma, wa Isáka na wa Yákɔwɔ. Mósese tuutututu a ma búndyé wusó ka ne maa onéména. 33Kó Okí a ma járá naá anáá: Sútúné ŋgoo rɔɔ́ esene éyé pandó éjé o ámó ɔ́wɔ́ eméje e ámó cí éjé mwáŋ mwáŋ. 34Ŋgo má éná etɔɔ éyé noyɔŋɔ namé nó timbaanámó neyé na Egíptene kó ŋgo má óvá ámó vá ɔtɔmó, wandá mwané owo ŋgo mó síse anáá ŋgo enda wó atá. Kaá tetee ojó ŋgo wo tómámó na Egíptene 35Mósese mwané umwesií ójó vaná vá Isayéere vá ma váráŋgá hɔrɔ́ vá wúndiye aá: Áne kójo a mó wo tírímiye njwé ítɔɔ rɔ́yá wa visó? Ómwané kójo Irɔŋgɔ a ma tómá ámó njwé a wunde orií aata wa noyɔŋɔ náa na tévéré rá éŋgerese ójó a ma me húméná naáté yá itutú vitíné vyá maráté. 36Ómwané ojo a ma wó húmyé na edɔŋgɔ yá Egíptene hɔrɔ́ a eŋga mesimbá na mamba má okémbyé na edɔŋgɔ yá Egíptene, na máŋá éjé boótoto ítɔɔ na ekwété yá cí na táŋgó rá maá mɔwɔ́ mááné. 37Ómwané hée kójo a ma járá na vaná vá Isayéere anáá: Irɔŋgɔ a né nó tóménámó ahúmíye maró sɛ́ɛm ámó noó, a né me ijatámó na raaté wa vinó. 38Ómwané hée kójo na itíndíkáná rá iwónjá na ekwété yá cí, a ma ré téné na raaté ójó na va kókó na éŋgerese ójó a katé járáana naá na máná ra oŋgené rá Sináyá, ómwané hée kójo a ma endá wɔ́rɔ́ vipéŋgé vyá esɔ́tɔ́ ondo só hwá. 39Kó va kókó vá visó vá ta ma diŋge anáá vá me ová, vá ma me váráŋgá owunde okésyé obuŋgana anáá vá wúnde na Egíptene. 40Vá ma járá na Arɔ́ŋɔ naá anáá: O só héndénámó va sambé índi vá ndénda na wusó wá visó esene éyé Mósese ójó a má só húmyé na Egíptene to ta jembé até éyé é má me húméná. 41Kó vá ma héndá ehekere yá mwaná wa ndɔne o je késyé o me hwaána mómí o wunde weŋga ibínó, vá táka na wusó wá wandá ówó vá ma eŋgá na embɔɔ́ rawó. 42Kó Irɔŋgɔ a ma wó túmé nimé o wó míce anáá vá gúmíye mocócí mwá máná ámó ó ámó tiré-tíré na kárate wa va húmíye maró vá Irɔŋgɔ anáá:
Aá noyɔŋɔ ná ísayéere, ye noó kójo no ma ré pwáána nama na mómí ijomó?
Na ekwété yá cí na maá mɔwɔ́ mááné oo?
43No ma byá bɛ́ŋ erárá yá sambé wa vinó ójó Mɔrɔ́kɔ
na ehekere yá icócí yá sambé wa vinó ójó Repána,
ó ámó vihekere íví vinó maté no ma héndá anáá no gúmíye.
Wandá mwané kówo ŋgo né nó tómámó na vimboo urehí otómbá Babiróno.
44Na ekwété yá cí ɔ́kɔ́, va kókó vá visó vá ma ré timbe erárá yá obérúmama ówó na Irɔŋgɔ. Mósese a ma háá erárá mwané ámó Irɔŋgɔ a ma járá naá anáá a haá na eheyá éyé a ma ená. 45Va kókó vá visó na weŋga ówó anáá vá cékiye va tetáŋgá erárá mwané, va tetáŋgá vá ma iŋgáána neyé na edɔŋgɔ éyé Yósuwe a ma wó turé ɔ́wɔ́ hɔrɔ́ Irɔŋgɔ a máná gúné mayɔŋɔ ámá má katé rií na edɔŋgɔ mwané. Erárá mwané é ma ríi ɔ́wɔ́ ondo húmé na metúú má Dáviti. 46Dáviti a ma timbé ntá ra Irɔŋgɔ kó a ma súsé ŋguru éjé anáá a haá yanje yá Irɔŋgɔ wa Yákɔwɔ. 47Kó ombwene ráa ójó Sárómono kójo ó ma háá yanje yá Irɔŋgɔ. 48Wó je rií anáá Irɔŋgɔ ójó na máná urehí a ta sɔ́tɔ́ na byanje íví háyé-háyé na embɔɔ́ ra vato ámó a ma járá na uŋgúté rá ahúmíye maró waá, 49esene éyé Okí a ma járá anáá:
Máná e ámó undií rámé rá nohumu,
cí pandó éjé táryáanámó eŋgoró ɔ́wɔ́.
Eyáté yanje kéye no ámó o páyéna?
Ejaté pandó kéje ndo ámó osɔ́tɔ́ ɔ́wɔ́?
50Noó kójo ŋgo ma héndá motéé umúmu mwimé.»
51Ítyene a ma járá hée na vato vá yanje yá jósi anáá: «No ámó vato ává na icé mbé, no iténámó Irɔŋgɔ etéma na etú rá vinó. Itíndíkáná íŋgímé no pékáanamo na mwáŋ mwáŋ wa Ireréŋgi, no ámó sɛ́ɛm ámó va kókó vá vinó! 52Vá ma túúríyé vahúmíye maró vá Irɔŋgɔ bimé! Woná hónó ava vá ma tɔ́ŋɔ́ wuré wá ojo ndíŋgirííŋ kó tetee ojó no má kúsááná naá owunde o me oná. 53Irɔŋgɔ a ma tómá va éŋgerese váa anáá vá endá nó hwá mbéndɔ́ raá, vinó ka berye mbéndɔ́ mwané!»
Nugwé ná Ítyene
54Ará vato vá yanje yá jósi vá ma ová vipéŋgé mwané, kó vá ma késyé wovéna Ítyene urúndú hɔrɔ́ vá vándona vikárátá. 55Vedá ómwané táásé na mwáŋ mwáŋ wa Ireréŋgi, a katé néména máná, wená niimí ná Irɔŋgɔ, owunde wená Yésusu eténé na ombɔɔ́ rá enémé rá Irɔŋgɔ. 56Kó a ma járá ayáá: «Néménámó máná hwɔ́ɔ́ŋ kó núnámó ámó Mwaná moto a ámó eténé na ombɔɔ́ rá enémé rá Irɔŋgɔ.» 57Bimé vá ma késyé orume na ŋguru hɔrɔ́ vá ité etú ráwó. Kó vá ma suuwéná ítyene na nótó vá mwané bimé, 58worúkye naá na oŋgórá kaá okésyé o me twáná atááné. Vá ma micáná cunú ráwó na embɔɔ́ ra ombwene rá moto ebérááná anáá Sóoro. 59Vá rií na o me twáná ówó atááné náná, Ítyene a ma kooráná ayáá: «Okí Yésusu, aká ireréŋgi yámé.» 60Kó a ma tómbá ogurumana na munú orumeta na ŋguru anáá: «Okí, o wó jwámó nyéŋgé eméje!» Ará a ma járá vipéŋgé mwané, a ma tómbá ugwé.
Currently Selected:
Ŋgengéná 7: tii
Highlight
Share
Copy
Want to have your highlights saved across all your devices? Sign up or sign in
© 2024, CABTAL
Ŋgengéná 7
7
Ítyene a wɔ́rɔ́mó enjárá
1Ogónó wa vacekiye mómí a ma súsé ítyene anáa: «Até éyé vá ma járá na wusó wɔɔ́ é ámó vatɔ́ɔ́tɔ́?» 2Ítyene a ma me wundíyé ayáá: «Va Tetáŋgá na va mbísó, óváno: Irɔŋgɔ wa niimí a ma húméná kókó wa visó ójó Abaraháma a rií na edɔŋgɔ yá Mesopotamíyá hɔ́rɔ́nɔ́ a árɔ́wɔ́ ka enda sɔ́tɔ́ na edɔŋgɔ Caráŋa. 3Kó a ma járá naá anáa: Úrúkyé edɔŋgɔ yɔɔ́ na noyómó nɔɔ́ índi wo enda na edɔŋgɔ éyé ŋgo né wo tíhíyámó. 4Abaraháma a ma urúkyé sɔ́ edɔŋgɔ yá va Karádeéne ondo nuumana na Caráŋa, kó na nimé ra nugwé na isyé, Irɔŋgɔ a ma me uryé na Caráŋa ondo me vaá na edɔŋgɔ éyé no sɔ́tɔ́mó ɔ́wɔ́ tetee ojó eyé. 5Eéná, Irɔŋgɔ a ta ma eréena Abaraháma tíyó ítɔɔ mwaná wa pumbú wa cí ójó anáá a táréena oŋgoró, a ma me tánéná bɛ́ŋ anáa a mó me hwámó edɔŋgɔ eyé na ómwané na vaná váa, ítɔɔ ámó Abaraháma a ta ma ré timbe mwaná na itíndíkáná mwané. 6Irɔŋgɔ a ma eŋgá hée naá anáa: Nda rɔɔ́ í mó sɔ́tɔ́mó na edɔŋgɔ yá múndú, ɔ́kɔ́ vá mó nɔ́nɔɔmó wumbékí kó vá mó wó tuúriyámó ondo húme na maá motete mwééné. 7Wó je rií anáa ŋgo mó jósyámó noyɔŋɔ éné nó mó wó bótámó mbékí, kó vá mó urúkyámó edɔŋgɔ mwané ondo nɔnɔwena na pandó ejé. 8Kó Irɔŋgɔ a ma eŋgá iretye nawó na Abaraháma, ndeme ra iretye mwané kéje bwenjí. Wandá mwané kówo Abaraháma na wéŋga ówó anáa a byáná Isáka a ma me anjá uhúmé ówó na metúú méréma. Séem mwané ojo Isáka a ma anjá Yákɔwɔ, Yákɔwɔ hónó wanja va kókó vá visó ává vábɔ́t na vává. 9Va kókó vá visó vá ma ré njíŋí navéne wawó ójó Yóseve kó vá ma me sérá anáá a enda na wumbékí na Egíptene, vedá Irɔŋgɔ a katé rií orɔŋgɔ́ na Yóseve, 10kó a ma me atá na vitɔɔ vyáá bimé. A ma nééná Yóseve peyɔ o wunde weŋga anáa Paráwóno ójó ahumu rá Egíptene a me ená wusi. Kó ahumu a ma néétyé Yóseve anáa ómwané kójo a etá onásá rá ahumu ájá na Egíptene a wunde onjwé yanje yá ahumu maté. 11Njeŋge e ma iŋgááná na Egíptene orɔŋgɔ na edɔŋgɔ yá Kanaáŋ. Vato vá katé ená etɔɔ mbunu kó vakókó vá visó va ta ma ne timbe manyá. 12Ará Yákɔwɔ a ma ová anáa manyá má ámó na Egíptene, a ma tómá vakókó vá visó oŋgendɔ rá makésyé. 13Ará vá ma endá oŋgendɔ ójó tii, Yóseve a ma eŋgá anáa va navéne vá me jembe ɔ́wɔ́ kówo Porɔ́wɔ́nɔ a ma jembé noyómó ná Yóseve. 14Yóseve a ma eŋgá anáa vá endá wɔ́rɔ́ isyé ójó Yákɔwɔ na yanje yáá yá vato yimé, vato mwané vá ma ríi mɔwɔ́ márátó na umwesií na vátáánó. 15Yákɔwɔ a ma endá sɔ́ na Egíptene, ɔ́kɔ́ kówo a ma endá gwé ítɔɔ vakókó vá visó hónó. 16Vá ma byáaná mbimbe ráwó na oŋgórá rá Sicéme kó vá ma wó títáná na evérá éyé Abaraháma a ma kusé na mwení na vaná vá Hamɔ́rɔ na Sicéme ɔ́kɔ́.
17Amó itíndíkáná íjí Irɔŋgɔ a ma geréméná onwíyé tánó raá éjé a ma eŋgéna Abaraháma í ma ríi yó étá kerana, noyɔŋɔ na visó nó ma késyé ogóná vá etá biíii na Egíptene, 18ondo húmé ará ahumu éndyé ájá ka jembe Yóseve á ma náátá na undií na Egíptene. 19Ahumu mwané á ma jéényé vakókó vá visó owunde o wó túúriye kó a ma eŋgá nawó na obiriki anáa vá céŋgítye mobɔbɔkɔ mwáwó mwá vaná índi mó rií ka sɔ́tɔ́. 20Na itíndíkáná mwané kíji Mósese a ma byánávéná, a nyeme, a wunde wenéyá na aŋgísó rá Irɔŋgɔ. Vá ma me gúníyé na yanje yá isyé ehé etató 21kaá ará vá ma me céŋgítyé, ŋgwande ra ahumu e ma me wɔ́rɔ́ o me gúníye ámó mwaná waá maté. 22Náná kówo Mósese a ma hóóhóná njembéná íŋgímé rá va Egíptene kó a katé rií na ŋguru na njáráténé ráá kó hónó na ŋgeŋgéná mamba raá. 23Ará Mósese a ma ríi a etá timbé maá mɔwɔ́ mááné kó a ma wɔ́rɔ́ cómbéná anáá a wundámó na raaté wa va Yúdene ává va navéne. 24Kó a ma ená mwaná wa Egíptene a tuúriye navéne omo, Mósese a ma kamáná naá, o me suŋge, woná mwaná wa Egíptene omójo. 25A ma ré buŋgana aá va navéne vá né nuútanámó anáá Irɔŋgɔ a ma katé diŋge anáá a wó atá na nimé rá ómwané ójó Mósese, kó va navéne vá ta ma me ová. 26Isí éyé tii, Mósese a ma ená va navéne vává vá nywáana kó a ma diŋgé anáá a vaá dɔ́ŋgɔrɔ́ɔ́ŋ na raaté wawó ayáá: Va mbérá vamé, vinó va navéne wusó wá até owo nó nywáanamo? 27Kó ojo a katé núbé sɔ́ɔ́ a ma gúné Mósese aye naá anáá: Áné kójo a mó wo tírímiye njwé ítɔɔ aá rɔ́yá na raaté wa visó? 28Ye o diŋgámó anáá oŋgoná ámó o má óná mwaná wa Egíptene isíjó? 29Ará Mósese a ma ová náná, kó a ma bwɔ́nɔ́ pandó indyé na edɔŋgɔ yá va Madyána, ɔ́kɔ́, a ma byáná embwene eba.
30Na nimé ra maá mɔwɔ́ mááné, éŋgerese a ma húméná Mósese na ekwété yá cí éyé na kɔ́ŋgɔ́ ra oŋgené ójó na Sínáyá, éŋgerese mwané a katé rií naáté yá virémbé vyá ihyáné na itutú yá vitíné vyá maráté. 31Kó Mósese a ma diŋgé anáá a kera índi a néména mpáŋá esene éyé a ma ré kémbyé wandá mwané kó a ovámó mií ra Okí e járá naá anáá: 32Ndo ámó Irɔŋgɔ wa va kókó vɔɔ́, Irɔŋgɔ wa Abaraháma, wa Isáka na wa Yákɔwɔ. Mósese tuutututu a ma búndyé wusó ka ne maa onéména. 33Kó Okí a ma járá naá anáá: Sútúné ŋgoo rɔɔ́ esene éyé pandó éjé o ámó ɔ́wɔ́ eméje e ámó cí éjé mwáŋ mwáŋ. 34Ŋgo má éná etɔɔ éyé noyɔŋɔ namé nó timbaanámó neyé na Egíptene kó ŋgo má óvá ámó vá ɔtɔmó, wandá mwané owo ŋgo mó síse anáá ŋgo enda wó atá. Kaá tetee ojó ŋgo wo tómámó na Egíptene 35Mósese mwané umwesií ójó vaná vá Isayéere vá ma váráŋgá hɔrɔ́ vá wúndiye aá: Áne kójo a mó wo tírímiye njwé ítɔɔ rɔ́yá wa visó? Ómwané kójo Irɔŋgɔ a ma tómá ámó njwé a wunde orií aata wa noyɔŋɔ náa na tévéré rá éŋgerese ójó a ma me húméná naáté yá itutú vitíné vyá maráté. 36Ómwané ojo a ma wó húmyé na edɔŋgɔ yá Egíptene hɔrɔ́ a eŋga mesimbá na mamba má okémbyé na edɔŋgɔ yá Egíptene, na máŋá éjé boótoto ítɔɔ na ekwété yá cí na táŋgó rá maá mɔwɔ́ mááné. 37Ómwané hée kójo a ma járá na vaná vá Isayéere anáá: Irɔŋgɔ a né nó tóménámó ahúmíye maró sɛ́ɛm ámó noó, a né me ijatámó na raaté wa vinó. 38Ómwané hée kójo na itíndíkáná rá iwónjá na ekwété yá cí, a ma ré téné na raaté ójó na va kókó na éŋgerese ójó a katé járáana naá na máná ra oŋgené rá Sináyá, ómwané hée kójo a ma endá wɔ́rɔ́ vipéŋgé vyá esɔ́tɔ́ ondo só hwá. 39Kó va kókó vá visó vá ta ma diŋge anáá vá me ová, vá ma me váráŋgá owunde okésyé obuŋgana anáá vá wúnde na Egíptene. 40Vá ma járá na Arɔ́ŋɔ naá anáá: O só héndénámó va sambé índi vá ndénda na wusó wá visó esene éyé Mósese ójó a má só húmyé na Egíptene to ta jembé até éyé é má me húméná. 41Kó vá ma héndá ehekere yá mwaná wa ndɔne o je késyé o me hwaána mómí o wunde weŋga ibínó, vá táka na wusó wá wandá ówó vá ma eŋgá na embɔɔ́ rawó. 42Kó Irɔŋgɔ a ma wó túmé nimé o wó míce anáá vá gúmíye mocócí mwá máná ámó ó ámó tiré-tíré na kárate wa va húmíye maró vá Irɔŋgɔ anáá:
Aá noyɔŋɔ ná ísayéere, ye noó kójo no ma ré pwáána nama na mómí ijomó?
Na ekwété yá cí na maá mɔwɔ́ mááné oo?
43No ma byá bɛ́ŋ erárá yá sambé wa vinó ójó Mɔrɔ́kɔ
na ehekere yá icócí yá sambé wa vinó ójó Repána,
ó ámó vihekere íví vinó maté no ma héndá anáá no gúmíye.
Wandá mwané kówo ŋgo né nó tómámó na vimboo urehí otómbá Babiróno.
44Na ekwété yá cí ɔ́kɔ́, va kókó vá visó vá ma ré timbe erárá yá obérúmama ówó na Irɔŋgɔ. Mósese a ma háá erárá mwané ámó Irɔŋgɔ a ma járá naá anáá a haá na eheyá éyé a ma ená. 45Va kókó vá visó na weŋga ówó anáá vá cékiye va tetáŋgá erárá mwané, va tetáŋgá vá ma iŋgáána neyé na edɔŋgɔ éyé Yósuwe a ma wó turé ɔ́wɔ́ hɔrɔ́ Irɔŋgɔ a máná gúné mayɔŋɔ ámá má katé rií na edɔŋgɔ mwané. Erárá mwané é ma ríi ɔ́wɔ́ ondo húmé na metúú má Dáviti. 46Dáviti a ma timbé ntá ra Irɔŋgɔ kó a ma súsé ŋguru éjé anáá a haá yanje yá Irɔŋgɔ wa Yákɔwɔ. 47Kó ombwene ráa ójó Sárómono kójo ó ma háá yanje yá Irɔŋgɔ. 48Wó je rií anáá Irɔŋgɔ ójó na máná urehí a ta sɔ́tɔ́ na byanje íví háyé-háyé na embɔɔ́ ra vato ámó a ma járá na uŋgúté rá ahúmíye maró waá, 49esene éyé Okí a ma járá anáá:
Máná e ámó undií rámé rá nohumu,
cí pandó éjé táryáanámó eŋgoró ɔ́wɔ́.
Eyáté yanje kéye no ámó o páyéna?
Ejaté pandó kéje ndo ámó osɔ́tɔ́ ɔ́wɔ́?
50Noó kójo ŋgo ma héndá motéé umúmu mwimé.»
51Ítyene a ma járá hée na vato vá yanje yá jósi anáá: «No ámó vato ává na icé mbé, no iténámó Irɔŋgɔ etéma na etú rá vinó. Itíndíkáná íŋgímé no pékáanamo na mwáŋ mwáŋ wa Ireréŋgi, no ámó sɛ́ɛm ámó va kókó vá vinó! 52Vá ma túúríyé vahúmíye maró vá Irɔŋgɔ bimé! Woná hónó ava vá ma tɔ́ŋɔ́ wuré wá ojo ndíŋgirííŋ kó tetee ojó no má kúsááná naá owunde o me oná. 53Irɔŋgɔ a ma tómá va éŋgerese váa anáá vá endá nó hwá mbéndɔ́ raá, vinó ka berye mbéndɔ́ mwané!»
Nugwé ná Ítyene
54Ará vato vá yanje yá jósi vá ma ová vipéŋgé mwané, kó vá ma késyé wovéna Ítyene urúndú hɔrɔ́ vá vándona vikárátá. 55Vedá ómwané táásé na mwáŋ mwáŋ wa Ireréŋgi, a katé néména máná, wená niimí ná Irɔŋgɔ, owunde wená Yésusu eténé na ombɔɔ́ rá enémé rá Irɔŋgɔ. 56Kó a ma járá ayáá: «Néménámó máná hwɔ́ɔ́ŋ kó núnámó ámó Mwaná moto a ámó eténé na ombɔɔ́ rá enémé rá Irɔŋgɔ.» 57Bimé vá ma késyé orume na ŋguru hɔrɔ́ vá ité etú ráwó. Kó vá ma suuwéná ítyene na nótó vá mwané bimé, 58worúkye naá na oŋgórá kaá okésyé o me twáná atááné. Vá ma micáná cunú ráwó na embɔɔ́ ra ombwene rá moto ebérááná anáá Sóoro. 59Vá rií na o me twáná ówó atááné náná, Ítyene a ma kooráná ayáá: «Okí Yésusu, aká ireréŋgi yámé.» 60Kó a ma tómbá ogurumana na munú orumeta na ŋguru anáá: «Okí, o wó jwámó nyéŋgé eméje!» Ará a ma járá vipéŋgé mwané, a ma tómbá ugwé.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2024, CABTAL