Ŋgengéná 12
12
Nugwé ná Yáka na kambeena ra Pyéere
1Na metúú mwané, ahumu Eróde a ma vácúmé anáá a tuúriyámó Iwónjá rá vatɔ́wɔ. 2A ma eŋgá na visimbi vyáa anáá ví oná Yáka na yáápánó rá vitá. Yáka mwané a ma ríi navéne wa Yohánese. 3Kó na wéŋga ówó anáá a ená anáá wandá mwané wó ma ré wɔ́tɔ́ va Yúdene, a ma eŋgá hée anáá vá ambáana Pyéere na itíndíkáná ra ibínó yá va beréte ává ka na mboŋga. 4Kaá Eróde a ma eŋgá sɔ́ anáá vá ambáana Pyéere índi vá me nɔ na mboo, kaá otévére mukíví mwá visimbi mwééné úmú mó tímbámó hónó visimbi bííní-bííni anáá ví me gíré. A ma heyáná anáá vá me jósyé na aŋgísó rá vato hɔrɔ́ ibínó yá Pásáka yá tómbá. 5Vá ma vétééná sɔ́ Pyéere na yanje yá mboo, wó je rií anáá Iwónjá rá vatɔ́wɔ í katé vásoóriyena Irɔŋgɔ ɔ́wɔ́ na wusó wáa.
Éŋgerese wa Okí a húmyámó Pyéere na mboo
6Eróde a ma ríi a etá komesana anáá vá jósyé Pyéere. Kó na wutúú mwané, Pyéere a ma ré rií otonó na raaté wa visimbi vívé a rií wóté wóté na céne íbé, visimbi ivyomó ví gíré na ohótó. 7Kó bunúkú, Éŋgerese wa Okí a ma jiné kó yanje yá mboo é na késyé onoma na ineŋgí. Éŋgerese a ma táhétá Pyéere na bíndé anáá a me honona, kó a ma járá naá anáá: «Hatééna kwakwa!» Kó céne í ma sútúwaná na embɔɔ́ ra Pyéere. 8Kaá éŋgerese a ma járá naá anáá: «Byaá nkandá wɔɔ, owótá ŋgoo rɔɔ́.» Pyéere a ma eŋgá naná kó éŋgerese a ma uswíyé anáá: «Byaá cunú rɔɔ, índi o mbyɔɔnɔ.» 9Pyéere a ma urúkyé yanje yá mboo a byɔɔnɔ éŋgerese. Pyéere a ta ma ré buŋgana anáá até éyé éŋgerese a katé eŋga é katé rií vatɔ́ɔ́tɔ́, a ma ré núné anáá a katé reemana. 10Vá ma tómbá ikiví rá visimbi rá makésyé na iji tii kó vá ma jiné na ohótó rá itwínyí ójó ó pámó na oŋgórá: Ohótó rá itwínyí mwané ó ma bunúwé moká na wusó wáwó kó vá ma húmé. Wenda ówó vá ma endá na mamana má ekáné yá onjɔ́ŋɔ́, éŋgerese a ma híráná odáŋgétena Pyéere. 11Ɔ́wɔ́ kówo Pyéere a ma jembé anáá até éyé é katé tómbávena é katé rií vatɔ́ɔ́tɔ́ kó a ma járá anáá: «Kaá tetee ojó ŋgo mána jembe, wó ámó vatɔ́ɔ́tɔ́ anáá Okí a mó tómá éŋgerese waá ukú ójó anáá a cótyé na embɔɔ́ ra Eróde a wunde ocótyé na wobé wimé ówó noyɔŋɔ ná vayúdene nó mó díŋge anáá nó ŋgéŋga.» 12Ará a ma jembé até éyé é katé tómbávena, a ma endá na yanje Yá Mayéra, netí Yohánese ójó vá ma rová anáá Márákoso. Na yanje yá Maráyá mwané, vato mbunu vá ma váwónjééná ɔ́wɔ́ vá kóorana. 13Pyéere a ma gitétá na ohótó kó yeŋga manɔnɔwɔ emó éyé okótó, ebérááná anáá Róde é ma kerá anáá a bune. 14Ará a ma renjá mií ra Pyéere, a ta ma cáná bune ohótó, a ma maná wúnde na otétá na vitaka íví a ma ríi niví ondo tɔ́ŋéna vasɔ́ɔ́ anáá Pyéere a ámó na naŋgáté. 15Vasɔ́ɔ́ váye naá anáá: «O ámó yejá!» Ayáá «Mbéndɔ́ wó ámó vatɔ́ɔ́tɔ́!» Kó vá ma járá sɔ́ naá anáá: «Wó ámó éŋgerese waá.» 16Wó je rií anáá Pyéere a ma ré enda na wusó na ugite ówó ohótó. Kaá vá ma váyévé obune ohótó. Ará vá ma ená pyéere, vá ma kémbye mbunu. 17Pyéere a ma wó tíhíyé ndeme na ombɔɔ́ anáá vá támbá kó a ma wó tɔ́ŋéná ámó Okí a ma me húmyé na mboo. Kaá a ma járá hée nawó anáá: «Até éyéŋgo ré nó tɔ́ŋéna eyé, vinó wojana hónó Yáka na vasɔ́ɔ́ vatɔ́wɔ.» Kó a ma húmé wenda pandó indyeé. 18Ará ibeesí é ma aŋgówá, induutana é ma ríi na raaté wa visimbi esene éyé vá katé vásúsé até éyé é ma jinéná Pyéere. 19Eróde a ma eŋgá anáá vá me sɔsɔ kó vá ta ma me ɔŋgɔ́. Kó a ma késyé osúsé visimbi cúcáná, kaá weréenaa ŋguru anáá vá wó oná. Na nimé raá, a ma urúkyé na Yúdeyá wenda na Cesaráyá kó a ma túmbyé itíndíkáná imó ɔ́wɔ́.
Nugwé ná Eróde
20Eróde a katé ovéna vato ává na Tíiri na vato ává na Sídono mbésé etɔɔ. Kó vato mwané vá ma ovááná anáá vá endámó o me ená. Vá ma yááná Barátúsu ójó a katé gíré ohótó rá cómbá ra Eróde ukú ójó anáá vá endá húmé na aŋgísó ráa, kó vá ma súsé Eróde anáá vá héndá enjárá esene éyé manyá ámá na edɔŋgɔ yáwó má katé enda uráná na edɔŋgɔ yá Eróde. 21Kó vá ma ijátá isí éyé vá ma geréméná obérúme. Isí mwané, Eróde a ma byaá cunú raá ra nohumu, onuumana honó na síye waá wa ijwá kó a ma wɔ́rɔ́ enjárá, ojáráana na aŋgísó rá moto uŋgimé. 22Kó vato vá ma wundyé hɔrɔ́ vá rúme anáá: «Até moto kójo a káte járá, wó ámó sambé!» 23Kó bunúkú, éŋgerese wa Okí a ma wóbétá Eróde esene éyé a ma wɔ́rɔ́ niimí éné nó wúndenámó Irɔŋgɔ moká. Kó nɔɔ́ rá vekí í ma me bwésíyé, ahumu otómbá ogwé. 24Wó je rií anáá maró má Irɔŋgɔ má katé enda na wusó na ovásása. 25Na itíndíkáná mwané, Baranabása nawó na Sóoro vá ma ríi vá omana manɔnɔwɔ máwó na Yerúsareme. Kaá vá ma wɔ́rɔ́ Yohánese ójó vá ma rová anáá Márákoso kó vá ma etá.
Currently Selected:
Ŋgengéná 12: tii
Highlight
Share
Copy
Want to have your highlights saved across all your devices? Sign up or sign in
© 2024, CABTAL
Ŋgengéná 12
12
Nugwé ná Yáka na kambeena ra Pyéere
1Na metúú mwané, ahumu Eróde a ma vácúmé anáá a tuúriyámó Iwónjá rá vatɔ́wɔ. 2A ma eŋgá na visimbi vyáa anáá ví oná Yáka na yáápánó rá vitá. Yáka mwané a ma ríi navéne wa Yohánese. 3Kó na wéŋga ówó anáá a ená anáá wandá mwané wó ma ré wɔ́tɔ́ va Yúdene, a ma eŋgá hée anáá vá ambáana Pyéere na itíndíkáná ra ibínó yá va beréte ává ka na mboŋga. 4Kaá Eróde a ma eŋgá sɔ́ anáá vá ambáana Pyéere índi vá me nɔ na mboo, kaá otévére mukíví mwá visimbi mwééné úmú mó tímbámó hónó visimbi bííní-bííni anáá ví me gíré. A ma heyáná anáá vá me jósyé na aŋgísó rá vato hɔrɔ́ ibínó yá Pásáka yá tómbá. 5Vá ma vétééná sɔ́ Pyéere na yanje yá mboo, wó je rií anáá Iwónjá rá vatɔ́wɔ í katé vásoóriyena Irɔŋgɔ ɔ́wɔ́ na wusó wáa.
Éŋgerese wa Okí a húmyámó Pyéere na mboo
6Eróde a ma ríi a etá komesana anáá vá jósyé Pyéere. Kó na wutúú mwané, Pyéere a ma ré rií otonó na raaté wa visimbi vívé a rií wóté wóté na céne íbé, visimbi ivyomó ví gíré na ohótó. 7Kó bunúkú, Éŋgerese wa Okí a ma jiné kó yanje yá mboo é na késyé onoma na ineŋgí. Éŋgerese a ma táhétá Pyéere na bíndé anáá a me honona, kó a ma járá naá anáá: «Hatééna kwakwa!» Kó céne í ma sútúwaná na embɔɔ́ ra Pyéere. 8Kaá éŋgerese a ma járá naá anáá: «Byaá nkandá wɔɔ, owótá ŋgoo rɔɔ́.» Pyéere a ma eŋgá naná kó éŋgerese a ma uswíyé anáá: «Byaá cunú rɔɔ, índi o mbyɔɔnɔ.» 9Pyéere a ma urúkyé yanje yá mboo a byɔɔnɔ éŋgerese. Pyéere a ta ma ré buŋgana anáá até éyé éŋgerese a katé eŋga é katé rií vatɔ́ɔ́tɔ́, a ma ré núné anáá a katé reemana. 10Vá ma tómbá ikiví rá visimbi rá makésyé na iji tii kó vá ma jiné na ohótó rá itwínyí ójó ó pámó na oŋgórá: Ohótó rá itwínyí mwané ó ma bunúwé moká na wusó wáwó kó vá ma húmé. Wenda ówó vá ma endá na mamana má ekáné yá onjɔ́ŋɔ́, éŋgerese a ma híráná odáŋgétena Pyéere. 11Ɔ́wɔ́ kówo Pyéere a ma jembé anáá até éyé é katé tómbávena é katé rií vatɔ́ɔ́tɔ́ kó a ma járá anáá: «Kaá tetee ojó ŋgo mána jembe, wó ámó vatɔ́ɔ́tɔ́ anáá Okí a mó tómá éŋgerese waá ukú ójó anáá a cótyé na embɔɔ́ ra Eróde a wunde ocótyé na wobé wimé ówó noyɔŋɔ ná vayúdene nó mó díŋge anáá nó ŋgéŋga.» 12Ará a ma jembé até éyé é katé tómbávena, a ma endá na yanje Yá Mayéra, netí Yohánese ójó vá ma rová anáá Márákoso. Na yanje yá Maráyá mwané, vato mbunu vá ma váwónjééná ɔ́wɔ́ vá kóorana. 13Pyéere a ma gitétá na ohótó kó yeŋga manɔnɔwɔ emó éyé okótó, ebérááná anáá Róde é ma kerá anáá a bune. 14Ará a ma renjá mií ra Pyéere, a ta ma cáná bune ohótó, a ma maná wúnde na otétá na vitaka íví a ma ríi niví ondo tɔ́ŋéna vasɔ́ɔ́ anáá Pyéere a ámó na naŋgáté. 15Vasɔ́ɔ́ váye naá anáá: «O ámó yejá!» Ayáá «Mbéndɔ́ wó ámó vatɔ́ɔ́tɔ́!» Kó vá ma járá sɔ́ naá anáá: «Wó ámó éŋgerese waá.» 16Wó je rií anáá Pyéere a ma ré enda na wusó na ugite ówó ohótó. Kaá vá ma váyévé obune ohótó. Ará vá ma ená pyéere, vá ma kémbye mbunu. 17Pyéere a ma wó tíhíyé ndeme na ombɔɔ́ anáá vá támbá kó a ma wó tɔ́ŋéná ámó Okí a ma me húmyé na mboo. Kaá a ma járá hée nawó anáá: «Até éyéŋgo ré nó tɔ́ŋéna eyé, vinó wojana hónó Yáka na vasɔ́ɔ́ vatɔ́wɔ.» Kó a ma húmé wenda pandó indyeé. 18Ará ibeesí é ma aŋgówá, induutana é ma ríi na raaté wa visimbi esene éyé vá katé vásúsé até éyé é ma jinéná Pyéere. 19Eróde a ma eŋgá anáá vá me sɔsɔ kó vá ta ma me ɔŋgɔ́. Kó a ma késyé osúsé visimbi cúcáná, kaá weréenaa ŋguru anáá vá wó oná. Na nimé raá, a ma urúkyé na Yúdeyá wenda na Cesaráyá kó a ma túmbyé itíndíkáná imó ɔ́wɔ́.
Nugwé ná Eróde
20Eróde a katé ovéna vato ává na Tíiri na vato ává na Sídono mbésé etɔɔ. Kó vato mwané vá ma ovááná anáá vá endámó o me ená. Vá ma yááná Barátúsu ójó a katé gíré ohótó rá cómbá ra Eróde ukú ójó anáá vá endá húmé na aŋgísó ráa, kó vá ma súsé Eróde anáá vá héndá enjárá esene éyé manyá ámá na edɔŋgɔ yáwó má katé enda uráná na edɔŋgɔ yá Eróde. 21Kó vá ma ijátá isí éyé vá ma geréméná obérúme. Isí mwané, Eróde a ma byaá cunú raá ra nohumu, onuumana honó na síye waá wa ijwá kó a ma wɔ́rɔ́ enjárá, ojáráana na aŋgísó rá moto uŋgimé. 22Kó vato vá ma wundyé hɔrɔ́ vá rúme anáá: «Até moto kójo a káte járá, wó ámó sambé!» 23Kó bunúkú, éŋgerese wa Okí a ma wóbétá Eróde esene éyé a ma wɔ́rɔ́ niimí éné nó wúndenámó Irɔŋgɔ moká. Kó nɔɔ́ rá vekí í ma me bwésíyé, ahumu otómbá ogwé. 24Wó je rií anáá maró má Irɔŋgɔ má katé enda na wusó na ovásása. 25Na itíndíkáná mwané, Baranabása nawó na Sóoro vá ma ríi vá omana manɔnɔwɔ máwó na Yerúsareme. Kaá vá ma wɔ́rɔ́ Yohánese ójó vá ma rová anáá Márákoso kó vá ma etá.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2024, CABTAL