2 Korénte 9
9
Irɔŋgɔ a diŋgamo ojo a eréenámó na vitaka
1Na até éyé é néménámó yáka na wusó wá va atɔ́wɔ ává na Yerúsareme, wó ta ámó na mpí anáá ŋgo nó tírana. 2Njembámó usi wa vinó wa mbaŋgéná. Ŋgo ma vágíté ikiní na wusó wá vinó na vato ává na Maseduwána. Ŋgo ma járá nawó anáá: «Va atɔ́wɔ ává na edɔŋgɔ yá Akáya vá ámó berebe anáá vá eréena okésyé ówó mbeya éjé e má tómbá.» Kó ekáné yá njeŋge ra vinó éjé anáá no aka vasɔ́ɔ́ e ma turé noó otɔ́ŋɔ́ sáá anáá moto uŋgimé. 3Ndeke, ŋgo nó tóménámó va mbísó amáva, ukú ójó anáá no rií mwané cɛkcɛk ámó ŋgo mó járá. Na maró omójo, ŋgo ma vágíté ikiní na wusó wá vinó, wó ta geréméná orií na sásáá. 4Esené ŋgé vato ává na Maseduwána vá uré ka je nó etíye nó rií cɛkcɛk, to né riyámó kútúk na wuswéní na kána éjé to katé timbe ipitína vinó, kó vinó honó no né ovámó wuswéní ka búkyé! 5Wandá mwané kówo ŋgo má ená anáá va mbísó amáva vá géremenámó ojowa ɔkɔ́ na vinó. Vá né wónjéenámó até éyé no ma táná anáá no né neénámó. Ɔ́wɔ́ vato vá né enámó anáá no neénámó na usi wa otémá, até na mbésúmíyé. 6No geremenámó ojembe anáá: Ojo a nemámó dekétií, a buwámó dekétií, kaá ojo a nemámó mbunu, a buwámó mbunu. 7Amó moto a geremenamó weréena ámó a má sómbá naáté yá otémá ráa, ka na otémá rá wokáná tɔɔ obiriki, esene éyé Irɔŋgɔ a diŋgámó ojo a eréenámó na vitaka. 8Irɔŋgɔ a timbámó ŋguru ra o nó hwá mesi nyetete kána iŋgímé. Kó honó no né timbámó táma iŋgimé até éyé é géremenámó na vinó, kaá no né timbámó hée ukú ójó anáá vinó weréena na weŋga ówó wusi. 9Va kárate ává mwáŋ mwáŋ vá járámó anáá: «A eréenámó va worá mbunu, usi wa otémá waá a riyámó na kɔ́rɔ́tɔ́tɔ́.»
10Irɔŋgɔ kójo a eréenámó anema ombótá, kó a eréenámó honó wandá wá onyá. A né nó hwámó vinó honó ombótá, a né byeényámó ombótá mwané owunde weŋga anáá wó atána. Naná, usi wa otémá wa vinó a né umámó vibomá mbunu. 11Irɔŋgɔ a né nó búndyámó mbútí kána iŋgímé, kó no né hítyámó ohwáná. Ɔ́wɔ́ ombunu ó né téŋgyámó Irɔŋgɔ ará to né wó hwámó até éyé no né neénámó. 12Até éyé no neénámó, é sótyámó mayátá má va atɔ́wɔ ává na Yerúsareme. Na ŋgeŋgéná mwané, no wó hwámó até éyé é wó sɔ́sɔvenámó. Kó hée, no wó réryámó notó anáá vá téŋgyé Irɔŋgɔ na otémá ráwó uŋgímé. 13No tíhíyámó anáá no ámó na mowá na Usí wa Cómó wa Kirítu. No báyétámó até éyé no timbámó, na va atɔ́wɔ ává na Yerúsareme kó na bimé. Na ŋgeŋgéná mwané, vá né jembámó mpí ra manɔnɔwɔ amá kó vá né eréenámó Irɔŋgɔ niimí. 14Irɔŋgɔ a ma nó hwá mesi nyetete, wusó mwané, vá né vásoóriyámó na wusó wá vinó ukú ójó anáá vá nó tíhíye aŋdiŋgé ráwó. 15Ŋgáno to no téŋgyé Irɔŋgɔ na wusó wá mesi máa ámá ka heyá na wandá!
Currently Selected:
2 Korénte 9: tii
Highlight
Share
Copy
Want to have your highlights saved across all your devices? Sign up or sign in
© 2024, CABTAL
2 Korénte 9
9
Irɔŋgɔ a diŋgamo ojo a eréenámó na vitaka
1Na até éyé é néménámó yáka na wusó wá va atɔ́wɔ ává na Yerúsareme, wó ta ámó na mpí anáá ŋgo nó tírana. 2Njembámó usi wa vinó wa mbaŋgéná. Ŋgo ma vágíté ikiní na wusó wá vinó na vato ává na Maseduwána. Ŋgo ma járá nawó anáá: «Va atɔ́wɔ ává na edɔŋgɔ yá Akáya vá ámó berebe anáá vá eréena okésyé ówó mbeya éjé e má tómbá.» Kó ekáné yá njeŋge ra vinó éjé anáá no aka vasɔ́ɔ́ e ma turé noó otɔ́ŋɔ́ sáá anáá moto uŋgimé. 3Ndeke, ŋgo nó tóménámó va mbísó amáva, ukú ójó anáá no rií mwané cɛkcɛk ámó ŋgo mó járá. Na maró omójo, ŋgo ma vágíté ikiní na wusó wá vinó, wó ta geréméná orií na sásáá. 4Esené ŋgé vato ává na Maseduwána vá uré ka je nó etíye nó rií cɛkcɛk, to né riyámó kútúk na wuswéní na kána éjé to katé timbe ipitína vinó, kó vinó honó no né ovámó wuswéní ka búkyé! 5Wandá mwané kówo ŋgo má ená anáá va mbísó amáva vá géremenámó ojowa ɔkɔ́ na vinó. Vá né wónjéenámó até éyé no ma táná anáá no né neénámó. Ɔ́wɔ́ vato vá né enámó anáá no neénámó na usi wa otémá, até na mbésúmíyé. 6No geremenámó ojembe anáá: Ojo a nemámó dekétií, a buwámó dekétií, kaá ojo a nemámó mbunu, a buwámó mbunu. 7Amó moto a geremenamó weréena ámó a má sómbá naáté yá otémá ráa, ka na otémá rá wokáná tɔɔ obiriki, esene éyé Irɔŋgɔ a diŋgámó ojo a eréenámó na vitaka. 8Irɔŋgɔ a timbámó ŋguru ra o nó hwá mesi nyetete kána iŋgímé. Kó honó no né timbámó táma iŋgimé até éyé é géremenámó na vinó, kaá no né timbámó hée ukú ójó anáá vinó weréena na weŋga ówó wusi. 9Va kárate ává mwáŋ mwáŋ vá járámó anáá: «A eréenámó va worá mbunu, usi wa otémá waá a riyámó na kɔ́rɔ́tɔ́tɔ́.»
10Irɔŋgɔ kójo a eréenámó anema ombótá, kó a eréenámó honó wandá wá onyá. A né nó hwámó vinó honó ombótá, a né byeényámó ombótá mwané owunde weŋga anáá wó atána. Naná, usi wa otémá wa vinó a né umámó vibomá mbunu. 11Irɔŋgɔ a né nó búndyámó mbútí kána iŋgímé, kó no né hítyámó ohwáná. Ɔ́wɔ́ ombunu ó né téŋgyámó Irɔŋgɔ ará to né wó hwámó até éyé no né neénámó. 12Até éyé no neénámó, é sótyámó mayátá má va atɔ́wɔ ává na Yerúsareme. Na ŋgeŋgéná mwané, no wó hwámó até éyé é wó sɔ́sɔvenámó. Kó hée, no wó réryámó notó anáá vá téŋgyé Irɔŋgɔ na otémá ráwó uŋgímé. 13No tíhíyámó anáá no ámó na mowá na Usí wa Cómó wa Kirítu. No báyétámó até éyé no timbámó, na va atɔ́wɔ ává na Yerúsareme kó na bimé. Na ŋgeŋgéná mwané, vá né jembámó mpí ra manɔnɔwɔ amá kó vá né eréenámó Irɔŋgɔ niimí. 14Irɔŋgɔ a ma nó hwá mesi nyetete, wusó mwané, vá né vásoóriyámó na wusó wá vinó ukú ójó anáá vá nó tíhíye aŋdiŋgé ráwó. 15Ŋgáno to no téŋgyé Irɔŋgɔ na wusó wá mesi máa ámá ka heyá na wandá!
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2024, CABTAL