2 Korénte 6
6
1Visó ává to nɔnɔwɔmó orɔŋgɔ na Irɔŋgɔ, to nó súsámó anáá: Vinó ká micé ntá éjé Irɔŋgɔ a ma no erééna na sásáá. 2Esené Irɔŋgɔ a ma járá anáá:
Na itindinkáná ijí wusi, ŋgo ma ová mbásóóríyé rɔɔ,
kó na isí yá yáta ŋgo ma uré ondo wo ata.
Kaá tetee ojó, wó ámó sáá mpaŋá ra itíndíkáná,
wó ámó wusí ówó Irɔŋgɔ a só sótyámó.
3To ta diŋgé anáá vato vá mgbéetye manɔnɔwɔ má visó. Wandá mwané kówo to maámó anáá to rií ka vaá vindíndiŋ na pé rawó. 4To tíhíyámó na wandá wimé anáá to ámó vato vá mɔnɔnɔwɔ vá Irɔŋgɔ. Ɔ́wɔ́ to menevámó vitɔwɔ, makáná má otémá, wohwá, 5wonywa, mboo, induutana, vitɔwɔ vyá nótó, vikúríye, jáma wa manyá. 6To sɔ́tɔ́mó esɔ́tɔ́ éyé sáŋsáŋ, to tíhíyámó anáá to jembámó mamba má Irɔŋgɔ. To ámó na imeneve, na usi wa otémá. Ireréŋgi éyé Mwáŋ mwáŋ é ámó orɔŋgɔ na visó. To diŋgámó vasɔ́ɔ́ na otémá úmwéesií, 7To ojámó vatɔ́ɔ́tɔ́ na ŋguru ra Irɔŋgɔ. Ekperé éyé to wɔ́rɔ́mó é ámó weŋga ówó até éyé ndíŋgirííŋ na aŋgísó rá Irɔŋgɔ, ukú ójó anáá to nɔ vitá tɔɔ to váháŋgána. 8Vato vá só rúkyámó vá wúnde o só byéndye, vá só járénámó wobé vá só járéna honó wusisé. Vá só wɔ́rɔ́mó ámó vavááváná, ndeke to ojámó vatɔ́ɔ́tɔ́. 9Vá só wɔ́rɔ́mó ayáá vá ta só jembé wó je rií anáá bimé vá só jémbámó wusi. Vá só enámó ámó vigwé ndeke to hwenámó. Vá só pwénísyámó vedá ka só oná. 10Vá só májónámó etémá, ndeke visó to ámó bɛŋ naáté yá vitaka. Vá búŋganámó anáá to ámó vawora, ndeke to búndíyámó vasɔ́ɔ́ mbútí. Vá búŋganámó anáá to ta timbé wandá, ndeke to timbámó wimé. 11Va mbérá ává na korénte, to má járááná na visó ka tíné wandá, to má nó bunéná otémá rá visó nasesi. 12Otémá mwané ó ta ámó bendérí na wusó wá vinó, wó ámó etémá ra vinó kéje e ámó bendérí. 13Njarámó na vinó ámó isyé mwaná a járámó na vaná. Ŋgáno ámó visó: Vinó honó bunáno otémá rá vinó nasesi.
Atɔ́wɔ a geremenamó orií kírítítí na Irɔŋgɔ
14Vinó ka enda ovákékyé orɔŋgɔ na ava vá ta atɔ́wɔ́ Irɔŋgɔ na wandá womó ówó wó ta nó néméná. Até éyé é ámó ndíŋgirííŋ na até éyé é pékáanámó na Irɔŋgɔ mó ámó orií orɔŋgɔ? Ye ineŋgi é ámó orií orɔŋgɔ na mbínó? 15Ye Kirítu a hítyámó orií mií na na Saátana? Ye atɔ́wɔ a hítyámó orií ndata na ojo ka atɔ́wɔ Irɔŋgɔ?
16Eyáté iretye kéye é ámó ɔ́wɔ́ na Yanje yá Irɔŋgɔ na vihekere? Visó, to ámó yanje yá Irɔŋgɔ ójó a hwenámó? Irɔŋgɔ a ma járá anáá:
«Ŋgo mó sɔ́tɔ́mó noó owunde ondenda na raaté wawó.
Ŋgo mó riyámó Irɔŋgɔ wawó, kó vámwané vá mó riyámó noyɔŋɔ namé.»
17Wandá mwané kówo Okí a járámó anáá: «Orúkyáno vato amáva no enda urehí nawó!
Vinó ka táhá até éyé é ámó na manyɔ́tɔ́, kó noó ŋgo né nó atɔ́wɔmó.»
18Okí ójó ŋguru iŋgimé a járámó hée anáá: «Ŋgo mó riyámó isyé mwaná na wusó wá vinó, kó vinó no né riyámó embwene rame na ŋgwande ramé.»
Currently Selected:
2 Korénte 6: tii
Highlight
Share
Copy
Want to have your highlights saved across all your devices? Sign up or sign in
© 2024, CABTAL
2 Korénte 6
6
1Visó ává to nɔnɔwɔmó orɔŋgɔ na Irɔŋgɔ, to nó súsámó anáá: Vinó ká micé ntá éjé Irɔŋgɔ a ma no erééna na sásáá. 2Esené Irɔŋgɔ a ma járá anáá:
Na itindinkáná ijí wusi, ŋgo ma ová mbásóóríyé rɔɔ,
kó na isí yá yáta ŋgo ma uré ondo wo ata.
Kaá tetee ojó, wó ámó sáá mpaŋá ra itíndíkáná,
wó ámó wusí ówó Irɔŋgɔ a só sótyámó.
3To ta diŋgé anáá vato vá mgbéetye manɔnɔwɔ má visó. Wandá mwané kówo to maámó anáá to rií ka vaá vindíndiŋ na pé rawó. 4To tíhíyámó na wandá wimé anáá to ámó vato vá mɔnɔnɔwɔ vá Irɔŋgɔ. Ɔ́wɔ́ to menevámó vitɔwɔ, makáná má otémá, wohwá, 5wonywa, mboo, induutana, vitɔwɔ vyá nótó, vikúríye, jáma wa manyá. 6To sɔ́tɔ́mó esɔ́tɔ́ éyé sáŋsáŋ, to tíhíyámó anáá to jembámó mamba má Irɔŋgɔ. To ámó na imeneve, na usi wa otémá. Ireréŋgi éyé Mwáŋ mwáŋ é ámó orɔŋgɔ na visó. To diŋgámó vasɔ́ɔ́ na otémá úmwéesií, 7To ojámó vatɔ́ɔ́tɔ́ na ŋguru ra Irɔŋgɔ. Ekperé éyé to wɔ́rɔ́mó é ámó weŋga ówó até éyé ndíŋgirííŋ na aŋgísó rá Irɔŋgɔ, ukú ójó anáá to nɔ vitá tɔɔ to váháŋgána. 8Vato vá só rúkyámó vá wúnde o só byéndye, vá só járénámó wobé vá só járéna honó wusisé. Vá só wɔ́rɔ́mó ámó vavááváná, ndeke to ojámó vatɔ́ɔ́tɔ́. 9Vá só wɔ́rɔ́mó ayáá vá ta só jembé wó je rií anáá bimé vá só jémbámó wusi. Vá só enámó ámó vigwé ndeke to hwenámó. Vá só pwénísyámó vedá ka só oná. 10Vá só májónámó etémá, ndeke visó to ámó bɛŋ naáté yá vitaka. Vá búŋganámó anáá to ámó vawora, ndeke to búndíyámó vasɔ́ɔ́ mbútí. Vá búŋganámó anáá to ta timbé wandá, ndeke to timbámó wimé. 11Va mbérá ává na korénte, to má járááná na visó ka tíné wandá, to má nó bunéná otémá rá visó nasesi. 12Otémá mwané ó ta ámó bendérí na wusó wá vinó, wó ámó etémá ra vinó kéje e ámó bendérí. 13Njarámó na vinó ámó isyé mwaná a járámó na vaná. Ŋgáno ámó visó: Vinó honó bunáno otémá rá vinó nasesi.
Atɔ́wɔ a geremenamó orií kírítítí na Irɔŋgɔ
14Vinó ka enda ovákékyé orɔŋgɔ na ava vá ta atɔ́wɔ́ Irɔŋgɔ na wandá womó ówó wó ta nó néméná. Até éyé é ámó ndíŋgirííŋ na até éyé é pékáanámó na Irɔŋgɔ mó ámó orií orɔŋgɔ? Ye ineŋgi é ámó orií orɔŋgɔ na mbínó? 15Ye Kirítu a hítyámó orií mií na na Saátana? Ye atɔ́wɔ a hítyámó orií ndata na ojo ka atɔ́wɔ Irɔŋgɔ?
16Eyáté iretye kéye é ámó ɔ́wɔ́ na Yanje yá Irɔŋgɔ na vihekere? Visó, to ámó yanje yá Irɔŋgɔ ójó a hwenámó? Irɔŋgɔ a ma járá anáá:
«Ŋgo mó sɔ́tɔ́mó noó owunde ondenda na raaté wawó.
Ŋgo mó riyámó Irɔŋgɔ wawó, kó vámwané vá mó riyámó noyɔŋɔ namé.»
17Wandá mwané kówo Okí a járámó anáá: «Orúkyáno vato amáva no enda urehí nawó!
Vinó ka táhá até éyé é ámó na manyɔ́tɔ́, kó noó ŋgo né nó atɔ́wɔmó.»
18Okí ójó ŋguru iŋgimé a járámó hée anáá: «Ŋgo mó riyámó isyé mwaná na wusó wá vinó, kó vinó no né riyámó embwene rame na ŋgwande ramé.»
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2024, CABTAL