2 Korénte 4
4
Póoro na enásá ejomo vá sɔ́pɔ́mó
1Irɔŋgɔ, naáté yá usi wa otémá waá, a ma só hwá manɔnɔwɔ amá, wandá mwané kówo to ta sɔmɔ́ nótó. 2To ma váráŋgá ŋgeŋgéná rá wuswéní íjí vato vá tímbaanámó nijí hɔrɔ́ vá vásémana. To eŋgámó mamba eténé na eténé kó to ta téŋgémíyé maró má Irɔŋgɔ. Vedá to tíhíyámó vatɔ́ɔ́tɔ́ wusi na wusi, ukú ójó anáá ámó moto, na aŋgísó rá Irɔŋgɔ a jémbe naáté yá otémá ráa anáá to ámó vato vá ipití. 3Ítɔɔ naná, Usi wa Cómó ójó to ojámó a káŋgá bwébwé, a káŋgámó bwébwé na wusó wá ava vá dáŋgámó, 4ává vá ta atɔ́wɔ́ esene éyé ombé wa sambé ójó na cí ra ndono ejé a ma búndyé peyɔ rawó uŋgewu. Ɔ́wɔ́ vá ta ená ámó ineŋgí éyé naáté yá Usi wa Cómó é nanjámó. Wó ámó ineŋgí yá niimí ná Kirítu, ómwané ójó a ámó eheere yá Irɔŋgɔ. 5Mbéndɔ́, até éyé to ojanámó vato wo ta ámó visó maté, vedá to wó ojánámó Yésusu Kirítu ójó Okí. Kó visó, to ojámó, kó to ámó honó veŋga manɔnɔwɔ vá vinó na wusó wá Yésusu. 6Irɔŋgɔ a ma járá anáá: «Ŋgá ineŋgí é nóma naáté yá mbínó!» Kó ómwané maté kójo a ma nomá naáté yá etémá ra visó. A ma diŋgé anáá a só tíhíye ineŋgí, índi to jembe niimí náa éné nó nanjámó na móndá ra Kirítu. 7Vedá visó ává to byámó ekáné yá nukú mé mwané, to ámó amó va pána vá noma. Naná wó enéyámó wusi na wusi anáá ekáné yá ŋguru mwané yo endámó uré na Irɔŋgɔ, até na visó. 8Vato vá só bɔjɔmó pere iŋgímé, vedá vá ta só gorá. Vá só hwámó vindíndiŋ mbunu, vedá to ta yɔmbɔ́. 9Vá só tuúriyámó, vedá Irɔŋgɔ a ta só céŋgítyé. Vá só umbámó na cí, vedá vá ta hítí o só oná. 10Táma iŋgimé to byámó makáná má nugwé ná Yésusu na nótó ra visó, ukú ójó anáá esɔ́tɔ́ yá Yésusu yó enéyá honó na notó ra visó. 11To hwenámó, vedá to ámó táma iŋgimé berebe na nugwé na wusó wá Yésusu, ukú ójó anáá esɔ́tɔ́ yá Yésusu mwané yó enéyá na nótó ra visó éjé e geremenámó ogwé. 12Naná, nugwé nó nɔ́nɔwɔmó na visó, vedá esɔ́tɔ́ émwané é nɔ́nɔwɔ na vinó. 13Va kárate ává mwáŋ mwáŋ vá járámó anáá: «Ŋgo ma atɔ́wɔ́, wandá mwané kówo ŋgo ma járá.» Ŋgɔ́tɔ́wena mwané emwesií kéje e só púsyámó kó to járámó anáá, visó honó to atɔ́wɔmó, wandá mwané kówo to járámó. 14Esené to jembámó anáá, Irɔŋgɔ a ma honóná Okí Yésusu na nugwé. A mó só hónonámó visó honó na Yésusu, kó a mó só váámó orɔŋgɔ na vinó na kɔ́ŋgɔ́ raá. 15Até yimé éyé é tómbávenámó, é ámó na wusó wá vinó, ukú ójó anáá, ámó mesi má Irɔŋgɔ má endámó na wusó na ovásása, nó né riyámó nyetete ává no né me téŋgyámó, no wunde o me hwá niimí bimé orɔŋgɔ.
Niimí éné nó urámó nó ta mó mana
16Wandá mwané kówo to ta sɔmó nótó. Kó ítɔɔ notó ra visó yo vanyá egeré egeré, até éyé é ámó naáté yá visó é bundámó bɛ́ŋ mkpámáká isí yimé. 17Esené vitɔwɔ vyá visó íví tetee ojó ví ta nywá, kó ví ámó ɔ́wɔ́ bɛ́ŋ na mwaná wa itíndíkáná, vedá vitɔwɔ mwané ví káte só heéhendena ekáné yá niimí. Niimí mwané no ta mó mana, kó nó cákámó waŋgá otómbá vitɔwɔ vyá visó. 18Visó, to ta sɔsɔ́ até éyé vá ámó wená, vedá to sɔsɔmó mamba ámá vá ta ená. Esené até éyé vá ámó wená é ta riye téé, vedá mamba ámá vá ta ená má ámó ka na mamana.
Currently Selected:
2 Korénte 4: tii
Highlight
Share
Copy
Want to have your highlights saved across all your devices? Sign up or sign in
© 2024, CABTAL
2 Korénte 4
4
Póoro na enásá ejomo vá sɔ́pɔ́mó
1Irɔŋgɔ, naáté yá usi wa otémá waá, a ma só hwá manɔnɔwɔ amá, wandá mwané kówo to ta sɔmɔ́ nótó. 2To ma váráŋgá ŋgeŋgéná rá wuswéní íjí vato vá tímbaanámó nijí hɔrɔ́ vá vásémana. To eŋgámó mamba eténé na eténé kó to ta téŋgémíyé maró má Irɔŋgɔ. Vedá to tíhíyámó vatɔ́ɔ́tɔ́ wusi na wusi, ukú ójó anáá ámó moto, na aŋgísó rá Irɔŋgɔ a jémbe naáté yá otémá ráa anáá to ámó vato vá ipití. 3Ítɔɔ naná, Usi wa Cómó ójó to ojámó a káŋgá bwébwé, a káŋgámó bwébwé na wusó wá ava vá dáŋgámó, 4ává vá ta atɔ́wɔ́ esene éyé ombé wa sambé ójó na cí ra ndono ejé a ma búndyé peyɔ rawó uŋgewu. Ɔ́wɔ́ vá ta ená ámó ineŋgí éyé naáté yá Usi wa Cómó é nanjámó. Wó ámó ineŋgí yá niimí ná Kirítu, ómwané ójó a ámó eheere yá Irɔŋgɔ. 5Mbéndɔ́, até éyé to ojanámó vato wo ta ámó visó maté, vedá to wó ojánámó Yésusu Kirítu ójó Okí. Kó visó, to ojámó, kó to ámó honó veŋga manɔnɔwɔ vá vinó na wusó wá Yésusu. 6Irɔŋgɔ a ma járá anáá: «Ŋgá ineŋgí é nóma naáté yá mbínó!» Kó ómwané maté kójo a ma nomá naáté yá etémá ra visó. A ma diŋgé anáá a só tíhíye ineŋgí, índi to jembe niimí náa éné nó nanjámó na móndá ra Kirítu. 7Vedá visó ává to byámó ekáné yá nukú mé mwané, to ámó amó va pána vá noma. Naná wó enéyámó wusi na wusi anáá ekáné yá ŋguru mwané yo endámó uré na Irɔŋgɔ, até na visó. 8Vato vá só bɔjɔmó pere iŋgímé, vedá vá ta só gorá. Vá só hwámó vindíndiŋ mbunu, vedá to ta yɔmbɔ́. 9Vá só tuúriyámó, vedá Irɔŋgɔ a ta só céŋgítyé. Vá só umbámó na cí, vedá vá ta hítí o só oná. 10Táma iŋgimé to byámó makáná má nugwé ná Yésusu na nótó ra visó, ukú ójó anáá esɔ́tɔ́ yá Yésusu yó enéyá honó na notó ra visó. 11To hwenámó, vedá to ámó táma iŋgimé berebe na nugwé na wusó wá Yésusu, ukú ójó anáá esɔ́tɔ́ yá Yésusu mwané yó enéyá na nótó ra visó éjé e geremenámó ogwé. 12Naná, nugwé nó nɔ́nɔwɔmó na visó, vedá esɔ́tɔ́ émwané é nɔ́nɔwɔ na vinó. 13Va kárate ává mwáŋ mwáŋ vá járámó anáá: «Ŋgo ma atɔ́wɔ́, wandá mwané kówo ŋgo ma járá.» Ŋgɔ́tɔ́wena mwané emwesií kéje e só púsyámó kó to járámó anáá, visó honó to atɔ́wɔmó, wandá mwané kówo to járámó. 14Esené to jembámó anáá, Irɔŋgɔ a ma honóná Okí Yésusu na nugwé. A mó só hónonámó visó honó na Yésusu, kó a mó só váámó orɔŋgɔ na vinó na kɔ́ŋgɔ́ raá. 15Até yimé éyé é tómbávenámó, é ámó na wusó wá vinó, ukú ójó anáá, ámó mesi má Irɔŋgɔ má endámó na wusó na ovásása, nó né riyámó nyetete ává no né me téŋgyámó, no wunde o me hwá niimí bimé orɔŋgɔ.
Niimí éné nó urámó nó ta mó mana
16Wandá mwané kówo to ta sɔmó nótó. Kó ítɔɔ notó ra visó yo vanyá egeré egeré, até éyé é ámó naáté yá visó é bundámó bɛ́ŋ mkpámáká isí yimé. 17Esené vitɔwɔ vyá visó íví tetee ojó ví ta nywá, kó ví ámó ɔ́wɔ́ bɛ́ŋ na mwaná wa itíndíkáná, vedá vitɔwɔ mwané ví káte só heéhendena ekáné yá niimí. Niimí mwané no ta mó mana, kó nó cákámó waŋgá otómbá vitɔwɔ vyá visó. 18Visó, to ta sɔsɔ́ até éyé vá ámó wená, vedá to sɔsɔmó mamba ámá vá ta ená. Esené até éyé vá ámó wená é ta riye téé, vedá mamba ámá vá ta ená má ámó ka na mamana.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2024, CABTAL