1 Korénte Ŋgíŋgáánéná
Ŋgíŋgáánéná
Póoro kójo a ma tiréna iwónjá rá vatɔ́wɔ íjí na oŋgórá rá Korénte kárate ojó. Ómwané maté kójo a ma bondá iwónjá rá vatɔ́wɔ mwané, esene éyé a ma túmbyé bwaá mbímí na isímbí na oŋgórá rá Korénté a rií a oja Usi wa Cómó. Na itíndíkáná mwané, Korénte a katé rií ekáná yá oŋgórá rá mékíte, esene éyé vato vá katé ondo urána pandó iŋgímé na va sitíme váwó ɔ́wɔ́, ukú ójó anáá vá endá búndíye mekíte máwó. Amó oŋgórá mwané ó ma ríi ekáné yá oŋgórá, vato ává ɔ́wɔ́ vá katé sɔ́tɔ́ wobé etɔɔ. Vá katé eŋga ibamba, vá cácava na esɔ́tɔ́, vá gúmíye vihekere, va bótá vasɔ́ɔ́ mbékí na vambé vá mamba hée mbunu. Vato ává na Iwónjá rá vatɔ́wɔ íji Póoro a ma bóndá ɔ́kɔ́ vámwané honó vá katé eŋga vambé vá mamba ává vato ává na oŋgórá omójo vá katé eŋga. Kó vato vámó vá ma endá ondo ojana Póoro anáá Iwónjá rá vatɔ́wɔ íjí na Korénte yó eŋgámó mamba ámá ka nyeme, kó honó na raaté wawó cená í ámó ɔ́wɔ́ na esɔ́tɔ́ yá ováhéyána vámwané na vámwané. Iwónjá rá vatɔ́wɔ íjí na Korénte imíji í ma tiréná hónó Póoro kárate, naáté yá kárate mwané, vá ma me súsé anáá a wó hwaána ndébɔ́ na wusó wá nobá, na maró wa onyá ówó njámbó íjí vá mómyámó vihekere nijí. Kaá ɔ́wɔ́ kówo Póoro a ma je wó tírana kárate ojó, ukú ójó anáá a wó túre etú ámó vá katé timbe ombé wa esɔ́tɔ́ wa vato ává ná oŋgórá rá Korénte, a wó yeére ámó vá géremenámó osɔ́tɔ́ vámwané na vámwané naáté yá iwónjá, a wunde o wó hwá ŋgaráná na kárate ójó vá ma me tiréná.
Icé ra vipéŋgé ra kárate ojó
1. Mbétíyé na mesi ámá Irɔŋgɔ a só hwámó na nimé ra Kirítu (1:1-9)
2. Cená naáté yá Iwónjá rá vatɔ́wɔ íjí na Korénte (1:10–4:21).
3. Va atɔ́wɔ vá ta geréméná o vá eŋgáana wobé vámwané na vámwané (5:1–6:20).
4. Nobá (7:1-40).
5. Ogúmíye ówó vihekere (8:1–11:1).
6. Cɔ́téná éjé naáté yá Iwónjá rá watɔ́wɔ (11:2–14:40).
7. Ehonowa yá Kirítu (15:1-58).
8. Mwení na wusó wá Iwónjá rá vatɔ́wɔ íjí na Yerúsareme (16:1-4).
9. Póro a diŋgámó anáá a enda oŋgendɔ (16:5-12).
10. Tévéré rá mamana na mbétíyé (16:13-24).
Currently Selected:
1 Korénte Ŋgíŋgáánéná: tii
Highlight
Share
Copy
Want to have your highlights saved across all your devices? Sign up or sign in
© 2024, CABTAL
1 Korénte Ŋgíŋgáánéná
Ŋgíŋgáánéná
Póoro kójo a ma tiréna iwónjá rá vatɔ́wɔ íjí na oŋgórá rá Korénte kárate ojó. Ómwané maté kójo a ma bondá iwónjá rá vatɔ́wɔ mwané, esene éyé a ma túmbyé bwaá mbímí na isímbí na oŋgórá rá Korénté a rií a oja Usi wa Cómó. Na itíndíkáná mwané, Korénte a katé rií ekáná yá oŋgórá rá mékíte, esene éyé vato vá katé ondo urána pandó iŋgímé na va sitíme váwó ɔ́wɔ́, ukú ójó anáá vá endá búndíye mekíte máwó. Amó oŋgórá mwané ó ma ríi ekáné yá oŋgórá, vato ává ɔ́wɔ́ vá katé sɔ́tɔ́ wobé etɔɔ. Vá katé eŋga ibamba, vá cácava na esɔ́tɔ́, vá gúmíye vihekere, va bótá vasɔ́ɔ́ mbékí na vambé vá mamba hée mbunu. Vato ává na Iwónjá rá vatɔ́wɔ íji Póoro a ma bóndá ɔ́kɔ́ vámwané honó vá katé eŋga vambé vá mamba ává vato ává na oŋgórá omójo vá katé eŋga. Kó vato vámó vá ma endá ondo ojana Póoro anáá Iwónjá rá vatɔ́wɔ íjí na Korénte yó eŋgámó mamba ámá ka nyeme, kó honó na raaté wawó cená í ámó ɔ́wɔ́ na esɔ́tɔ́ yá ováhéyána vámwané na vámwané. Iwónjá rá vatɔ́wɔ íjí na Korénte imíji í ma tiréná hónó Póoro kárate, naáté yá kárate mwané, vá ma me súsé anáá a wó hwaána ndébɔ́ na wusó wá nobá, na maró wa onyá ówó njámbó íjí vá mómyámó vihekere nijí. Kaá ɔ́wɔ́ kówo Póoro a ma je wó tírana kárate ojó, ukú ójó anáá a wó túre etú ámó vá katé timbe ombé wa esɔ́tɔ́ wa vato ává ná oŋgórá rá Korénte, a wó yeére ámó vá géremenámó osɔ́tɔ́ vámwané na vámwané naáté yá iwónjá, a wunde o wó hwá ŋgaráná na kárate ójó vá ma me tiréná.
Icé ra vipéŋgé ra kárate ojó
1. Mbétíyé na mesi ámá Irɔŋgɔ a só hwámó na nimé ra Kirítu (1:1-9)
2. Cená naáté yá Iwónjá rá vatɔ́wɔ íjí na Korénte (1:10–4:21).
3. Va atɔ́wɔ vá ta geréméná o vá eŋgáana wobé vámwané na vámwané (5:1–6:20).
4. Nobá (7:1-40).
5. Ogúmíye ówó vihekere (8:1–11:1).
6. Cɔ́téná éjé naáté yá Iwónjá rá watɔ́wɔ (11:2–14:40).
7. Ehonowa yá Kirítu (15:1-58).
8. Mwení na wusó wá Iwónjá rá vatɔ́wɔ íjí na Yerúsareme (16:1-4).
9. Póro a diŋgámó anáá a enda oŋgendɔ (16:5-12).
10. Tévéré rá mamana na mbétíyé (16:13-24).
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2024, CABTAL