1 Korénte 16
16
Mwení na wusó wá Iwónjá rá vatɔ́wɔ íjí na Yerúsareme
1Na até éyé é néménámó mwení íjí í geremenámó owónjávena na wusó wá vatɔ́wɔ ává na Yerúsareme, vinó honó no geremenámó obyɔɔnɔ tévéré íjí ŋgo ma erééná na Mowónjá mwá vatɔ́wɔ úmú na Garatíya. 2Isí yá makésyé yá emánjéta yimé, ámó moto a geremenamó obaketa mwení íjí a né wónjámó na yanje yáá na abímí ájá a má timbé, ukú ójó anáá vá rií ka gíré anáá njine índi vá je wónjéena mwení. 3Ará ŋgo né jinámó, ŋgo né tómámó ava no má ijátá, kó ŋgo né wó hwámó va kárate vá ŋgíŋgáánéná ukú ójó anáá vá endá eréena mwení rá vinó na Yerúsareme. 4Wó a ríi mpí anáá noó honó ŋgo endá ɔkɔ́, vá né endámó orɔŋgɔ name.
Póoro a diŋgámó anáá a enda oŋgendɔ
5Ará ŋgo né urámó na vinó, ŋgo né tómbénámó na Maseduwána, esene éyéŋgo né cakámó edɔŋgɔ mwané. 6Ŋgo né túmbyámó metúú na vinó, yɔŋsi honó itíndíkáná ra isíné. Ɔ́wɔ́ no né hítyámó o ŋgaka anáá ŋgo enda na wusó na oŋgendɔ ramé. 7Esené ta diŋgé anáá ŋgo nó vákɔ́reta bɛ́ŋ na otómbá. Pityámó anáá ŋgo né riyámó na vinó itíndíkáná imó ŋgé Okí a atɔ́wɔ́. 8Vedá ŋgo né riyámó na Epése ondo húmé isí yá pantekóte. 9Ɔkɔ́ ŋgo má tímbe ekáné yá pé ra weŋga ówó ekáné yá manɔnɔwɔ, ítɔɔ ámó vambéembéná vá ámó mbunu ɔ́wɔ́. 10Timotéya a uré, vino weŋga ukú ójó anáá a rií wusi na raaté wa vinó, esene éyé a ámó na manɔnɔwɔ má Okí sɛ́ɛm ámó noó. 11Moto sɔ́ ka me byendye, vedá o me hwámáno até éyé é hítyámó weŋga anáá a enda ŋgétíye otémá dɔ́ŋgɔrɔ́ɔ́ŋ, esene éyé ŋgo me gírámó orɔŋgɔ na vasɔ́ɔ́ va mbísó. 12Na até éyé é néménámó mbísó wa visó ójó Aporóso, ŋgo katámó me sitiye anáá a uré na vinó orɔŋgɔ na vasɔ́ɔ́, kó a ta atɔ́wɔ́ anáá a uré tetee ojó, a né urámó ará a né timbámó itíndíkáná.
Tévéré rá mamana na mbétíyé
13Kúráno, no dyeene kírítítí na ŋgɔ́tééná, ríyáno na nomendá no timbe ŋguru. 14Ŋgáno wandá wimé na andiŋgé. 15Ŋgo námó nó súsé hée wandá wúndyé va mbísó. No jembámó anáá Setepanása na yanje yáa yá vato káva vá ma ríi makésyé wa vaatɔ́wɔ na edɔŋgɔ yá Akáya kó vá ma nɔnɔ́wéná vasɔ́ɔ́ va atɔ́wɔ. 16Ríyáno sɔ́ na mowá na vató ámó vámwané kó na bimé ává vá wɔ́rɔ́mó etɔɔ vá wúnde onɔnɔwɔ orɔŋgɔ nawó. 17Takámó ámó Setepanása na Porotunatúsu kó na Akayikúsu vá má uré, vá má nó héŋgíyé na kɔ́ŋgɔ́ rame 18kó vá má tombyé ireréŋgi yámé na í yá vinó. Jembéránánó sɔ́ mpí ra vato ámó vámwané.
19Mowónjá mwá vatɔ́wɔ úmú na cí ra Asíya mó nó vétíyámó. Akirása nawó na Pirísíka vá nó vétéyámó nasesi, Iwónjá rá vatɔ́wɔ íjí í váwójyáanámó na yanje yáwó honó í nó vétíyámó na ebérááná yá Okí. 20Va atɔ́wɔ bimé ává eéná vá nó vétíyámó. Ovávétíyánámáno vinó na vinó naáté yá wonavéne.
21Noó Póoro, tirámó mbétíyé ejé na ombɔɔ́ ramé. 22Ŋgé moto a ríi ka diŋge Okí, anyamá naá! Maránáta, úré Okí!
23Ŋgá ntá ra Okí Yésusu e rií na vinó.
24Ŋgo nó díŋgámó bimé naáté yá iretye éyé na Yésusu Kirítu.
Currently Selected:
1 Korénte 16: tii
Highlight
Share
Copy
Want to have your highlights saved across all your devices? Sign up or sign in
© 2024, CABTAL
1 Korénte 16
16
Mwení na wusó wá Iwónjá rá vatɔ́wɔ íjí na Yerúsareme
1Na até éyé é néménámó mwení íjí í geremenámó owónjávena na wusó wá vatɔ́wɔ ává na Yerúsareme, vinó honó no geremenámó obyɔɔnɔ tévéré íjí ŋgo ma erééná na Mowónjá mwá vatɔ́wɔ úmú na Garatíya. 2Isí yá makésyé yá emánjéta yimé, ámó moto a geremenamó obaketa mwení íjí a né wónjámó na yanje yáá na abímí ájá a má timbé, ukú ójó anáá vá rií ka gíré anáá njine índi vá je wónjéena mwení. 3Ará ŋgo né jinámó, ŋgo né tómámó ava no má ijátá, kó ŋgo né wó hwámó va kárate vá ŋgíŋgáánéná ukú ójó anáá vá endá eréena mwení rá vinó na Yerúsareme. 4Wó a ríi mpí anáá noó honó ŋgo endá ɔkɔ́, vá né endámó orɔŋgɔ name.
Póoro a diŋgámó anáá a enda oŋgendɔ
5Ará ŋgo né urámó na vinó, ŋgo né tómbénámó na Maseduwána, esene éyéŋgo né cakámó edɔŋgɔ mwané. 6Ŋgo né túmbyámó metúú na vinó, yɔŋsi honó itíndíkáná ra isíné. Ɔ́wɔ́ no né hítyámó o ŋgaka anáá ŋgo enda na wusó na oŋgendɔ ramé. 7Esené ta diŋgé anáá ŋgo nó vákɔ́reta bɛ́ŋ na otómbá. Pityámó anáá ŋgo né riyámó na vinó itíndíkáná imó ŋgé Okí a atɔ́wɔ́. 8Vedá ŋgo né riyámó na Epése ondo húmé isí yá pantekóte. 9Ɔkɔ́ ŋgo má tímbe ekáné yá pé ra weŋga ówó ekáné yá manɔnɔwɔ, ítɔɔ ámó vambéembéná vá ámó mbunu ɔ́wɔ́. 10Timotéya a uré, vino weŋga ukú ójó anáá a rií wusi na raaté wa vinó, esene éyé a ámó na manɔnɔwɔ má Okí sɛ́ɛm ámó noó. 11Moto sɔ́ ka me byendye, vedá o me hwámáno até éyé é hítyámó weŋga anáá a enda ŋgétíye otémá dɔ́ŋgɔrɔ́ɔ́ŋ, esene éyé ŋgo me gírámó orɔŋgɔ na vasɔ́ɔ́ va mbísó. 12Na até éyé é néménámó mbísó wa visó ójó Aporóso, ŋgo katámó me sitiye anáá a uré na vinó orɔŋgɔ na vasɔ́ɔ́, kó a ta atɔ́wɔ́ anáá a uré tetee ojó, a né urámó ará a né timbámó itíndíkáná.
Tévéré rá mamana na mbétíyé
13Kúráno, no dyeene kírítítí na ŋgɔ́tééná, ríyáno na nomendá no timbe ŋguru. 14Ŋgáno wandá wimé na andiŋgé. 15Ŋgo námó nó súsé hée wandá wúndyé va mbísó. No jembámó anáá Setepanása na yanje yáa yá vato káva vá ma ríi makésyé wa vaatɔ́wɔ na edɔŋgɔ yá Akáya kó vá ma nɔnɔ́wéná vasɔ́ɔ́ va atɔ́wɔ. 16Ríyáno sɔ́ na mowá na vató ámó vámwané kó na bimé ává vá wɔ́rɔ́mó etɔɔ vá wúnde onɔnɔwɔ orɔŋgɔ nawó. 17Takámó ámó Setepanása na Porotunatúsu kó na Akayikúsu vá má uré, vá má nó héŋgíyé na kɔ́ŋgɔ́ rame 18kó vá má tombyé ireréŋgi yámé na í yá vinó. Jembéránánó sɔ́ mpí ra vato ámó vámwané.
19Mowónjá mwá vatɔ́wɔ úmú na cí ra Asíya mó nó vétíyámó. Akirása nawó na Pirísíka vá nó vétéyámó nasesi, Iwónjá rá vatɔ́wɔ íjí í váwójyáanámó na yanje yáwó honó í nó vétíyámó na ebérááná yá Okí. 20Va atɔ́wɔ bimé ává eéná vá nó vétíyámó. Ovávétíyánámáno vinó na vinó naáté yá wonavéne.
21Noó Póoro, tirámó mbétíyé ejé na ombɔɔ́ ramé. 22Ŋgé moto a ríi ka diŋge Okí, anyamá naá! Maránáta, úré Okí!
23Ŋgá ntá ra Okí Yésusu e rií na vinó.
24Ŋgo nó díŋgámó bimé naáté yá iretye éyé na Yésusu Kirítu.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2024, CABTAL