Romanos 6

Marĩcã ñañarẽ tiriguemena Cristomenarã cõwõãrãrã abiro pʉtʉa 6:1-23

Wãmeõtiremenarã Cristomena ĩcãrõ nirã ea

1Manigʉ̃cã marĩrẽ ĩñamaĩrẽrẽ ĩñarã ¿daironope apeye marĩ ĩnemomasĩbogari? Marĩrẽ õpe sotoa ĩñamaĩnemoñerõcã bora ¿ñañarẽ tirere õpe tisãsurari?#3:5, 8; 6:15. 2¡Icãta tairo tiheriga! Merẽ marĩ ñañarẽ tirecʉtiremenapere Jesucristocã curusapʉ cõwõãriguemenarã marĩcã cʉ̃menarã cõwõãriarara abiro ninirã. Topʉare tora abiro bira nicaperacãrã ¿dairo binirã ñañarẽ tiremena nirucũmocãbogari?#6:2 Ati versículo aperore abiro ĩrugaro ya: Marĩ ñañarẽrẽ tiñerõcã tirugarere cõwõãria ũpʉ̃rã abiro tiere tihera niãyuro. Cristomena marĩcã cʉ̃cã curusapʉ cõwõãriguemenarã cʉ̃rẽ wedewõnirã cʉ̃menarã cõwõãriarara abiro pʉtʉara eariara ninirã (7:4, 6; Ga 2:19; Col 3:3; 1Pe 2:24). 3¿Jesucristoyara nirã earere eñorã wãmeõtiyoremenarã cʉ̃mena cõwõãriarara abiro wariguere mʉjã masĩheriri?#Hch 2:38; 8:16; 19:5. 4Marĩ wãmeõtiyora cʉ̃cã cõwõãriasiro yacũyoriarora abiro marĩcã cʉ̃menarã yacũyoriarara abiro wariara niwʉ̃. Tairora cʉ̃cã cõwõãriasirore Manigʉ̃ cʉ̃ye tutuaremenarã cʉ̃rẽ masõriarora abirora marĩcãrẽ cʉ̃menarã masãriarara abiro nirã eañerõcã tirigʉ niwĩ cʉ̃menarã mama nirẽcʉtirere cʉoaro ĩgʉ̃.#Ga 6:15; Ef 4:22-24; Col 2:12; 3:10. 5Marĩcã Jesucristomena ĩcãrõ nirã earemena cʉ̃cã cõwõã masãriarora abiro marĩcã cʉ̃menarã cõwõã masãrãrã abiro wariara ninirã mama nirẽcʉtiremena nirõãcu. 6Marĩ atiere masĩ. Cristocã curusapʉ cõwõãñerõcã marĩcã mamarõpʉ nirẽcʉtiriawãmerã cʉ̃mena curusapʉ cõwõãrõrã abiro wariaro niwʉ̃; marĩrẽ ñañarẽrẽ tiñerõcã tirugarere tiecã tutuare cʉorere docaticũmuñerõcã tiro. Ĩñerõcã marĩrẽ ñañarẽrẽ tiñerõcã tirugare dotiro docapʉra nirucũheriñerõcã tiro.#7:24; Ga 2:20; Ef 4:22; Col 3:9. 7Merẽ cõwõãria ũpʉ̃cã, tiũpʉ̃cã catiri ũpʉ̃pʉ nirĩwatoare ñañarẽ tirecʉtiriguere tiriarora abiro icãta tinemomasĩheriga. 8Tairo tira marĩ nirõrã Cristomena cõwõãriara ninirã “cʉ̃menarã catirucũrõãcu” ĩ masĩ. 9Tairora atiecãrẽ nirõrã “Jesucristocã cõwõãriasiro Manigʉ̃ cʉ̃rẽ upatuti masõ catiñerõcã tirigʉ niwĩ. Tairo tigʉ Jesucristo upatuti icãta cõwõãnemomasĩherigawi sua, merẽ cõwõãñerõcã tire tiecã tutuare cʉorere docaticũmuyoariasiro niñerõcã icãta cʉ̃rẽ upatuti cõwõãñerõcã timasĩheriroacu” ĩ masĩ marĩ.#Ap 1:18. 10Cʉ̃cã cõwõãrẽmenapere marĩcã ñañarẽ tirigue wapare wapatipetimocãbosagʉdagʉ cʉ̃ ĩcãrĩrã cõwõãdisuasurigʉ niwĩ. Buri cʉ̃cã cõwõãriasiro Manigʉ̃ cʉ̃rẽ masõ catiñerõcã tiriasiropere cʉ̃ Manigʉ̃cã borora abiro tigʉ cʉ̃cã peñarẽpere tirucũmocãwĩ.#Heb 7:27. 11Tiwãmerã abiro mʉjãcã ñañarẽrẽ tiñerõcã tirugarere cõwõãriarapʉra abiro niña. Jesucristomenarã cõwõãriarara abiro ninirã ñañarẽ ticucũriguere icãta tinemoherimocãña. Buripe cʉ̃mena ĩcãrõ ninirã catirara abiro Manigʉ̃cã tiñerõcã borora abirope cʉ̃cã peñarẽpere tirucũmocãña.#6:2; Ga 2:19. 12Mʉjã cotoarora ñañarẽ tiñerõcã tirugarere mʉjãya ũpʉ̃ cõwõãtiũpʉ̃rẽ dotirucũñerõcã tiherimocãña. Tairora mʉjãya ũpʉ̃cã mʉjãrẽ ñañarẽ tirugañerõcã tirecãrẽ icãta yʉherimocãña.#6:14; Sal 19:13; 119:133. 13Mʉjãye ũpʉ̃ maquẽrẽ ñañarẽrẽ tiremaquẽrẽ tirara abiro ñañarẽ tirecʉtirepere wiyoherimocãña. Buripe mʉjã Jesucristomena cõwõã upatuti catira nirã eariarara abiro mʉjãye ũpʉ̃ maquẽrẽ Manigʉ̃rẽ wiyoya cʉ̃cã bore ñurẽ wadorena tirucũmocãrãdara.#7:5; 12:1; Col 3:5; Stg 4:1. 14Anorã abiro atiere tiñerõcã ñañarẽ tire tiecã dotiro docape mʉjãrẽ cʉorucũheriga. Merẽ mʉjã Moisére dotire cũriguecã dotiro docape tiecã dotiepeyoribasoca niheri buripe Manigʉ̃cã marĩrẽ cʉ̃cã ĩñamaĩrẽmenape ñucametʉaro titamurõ docape nirã ña.#7:4, 6; 8:2; Ga 5:18.

Diamacã maquẽ nirẽpere padedecoteribasocara abiro nirã eare

15¿Marĩ dairo ĩrãgari? ¿Merẽ marĩ “Moisére dotire cũrigue doca niheri; Manigʉ̃cã marĩrẽ cʉ̃cã ĩñamaĩrẽmenape ñucametʉaro titamurõ docape nirã ña” ĩnirã ñañarẽ tirecʉtirere tisãsurari? ¡Icãta tairo tiherijomocãrõãcu!#1Co 9:21. 16Ãpĩcã dotirere ñurõ yʉrucũrẽmenarã cʉ̃rẽ padedecoteribasoca nirã earere, cʉ̃pecã cʉ̃jã nirũpʉ̃rã pʉtʉagʉ earere mʉjã ñurõ masĩga. Tiera abirora atiecã bi. Ñañarẽ tirepere yʉquetatura eara tiere padedecoteribasocara nirã eara tigawa. Tairo tira tieyewapamenarã pecamepʉ ñañarõ ticõãyoatere bʉara tigawa. Buri Manigʉ̃cã dotirepere queoro yʉrucũrã eara tiere padedecoteribasocara abiro nirã eara tigawa. Tairo tira tiemenarã cʉ̃ye diamacã maquẽ nirẽpere tirucũrã nirã eagawa.#Mt 6:24; Jn 8:34; 2Pe 2:19. 17Manigʉ̃rẽ “ñucametʉasu” ĩrãda. Mʉjãpe mamarõpʉre ñañarẽ tirecã dotiepeyoribasoca niriara nicaperacãrã mʉjãrẽ Jesucristoye quetire wedeñerõcã merẽ mʉjã mʉjãya yeripũnarĩpʉmenarã tiere ñurõ wedewõrã eariarapʉ ña.#1:8; 2Tm 1:13. 18Tairo tira mʉjã tora abiro ñañarẽ tirecʉtirere camewitira eariarapʉ ninirã marĩcʉoropere diamacã maquẽ ñurẽ nirẽpere padedecoteribasocara abiro nirã eariara ña.#8:2; Jn 8:32. 19Yʉ mʉjãrẽ atiere tʉomasĩñerõcã bogʉ mʉjãcã tʉomasĩtutuahera niñerõcã mʉjãrẽ basocacã wãcũrẽnomenape wederora abiro wede. Sʉgueropʉre nipetire mʉjãye ũpʉ̃ maquẽ ñañarẽ tirecã dotiepeyoremenarã nomiãmena, ʉmʉãmena, nipetire apeye ñañarẽnorẽ õpe ñañarõ tirucũmocãriaronorã marĩcʉoropere mʉjãye ũpʉ̃ maquẽ nipetirere Manigʉ̃rẽ wiyoya cʉ̃cã bore ñurẽ maquẽpe wadore tiradara. Tairo tira õpe cʉ̃cã bore ñurẽ wadorena tirucũwʉmʉãrucũmocãrõãcu.#6:13; 12:1. 20Mʉjã sʉgueropʉre ñañarẽ tirecã dotiepeyoribasoca ninirã ñurẽ diamacã maquẽ nirẽpere tiroboga ĩhera nigatiyu marĩcʉ̃.#Mt 6:24; Jn 8:34, 36. 21Mʉjã tora abiro ñañarẽrẽ tira ¿ñeno ñurẽrẽ bʉari? ¡Bʉaherigatiyu! Tairo tira marĩcʉoropere mʉjãcã ñañarẽ tirecʉtiriguere wãcũrã mʉjã boboga. Mʉjãcã tie ñañarẽrẽ tirigue wapamenarã mʉjã pecamepʉ ñañarõ ticõãyora nirã eabogatiyu.#7:5; 8:6, 13, 21. 22Marĩcʉoropere ñañarẽ tirecã dotiepeyoribasoca nirẽrẽ cametʉoyoriara ninirã Manigʉ̃yepere padederibasoca niãna sãriara ña. ¡Atie doca ñucametʉasu! Tora abiro cʉ̃yere padedecoteremenarã ñurẽrẽ tirucũrã nirã eañerõcã tiroacu. Siro catire petiherere cʉora eañerõcã tiroacu.#Jn 8:32; 1Co 7:22; 1Pe 2:16. 23Ñañarẽrẽ tirecʉtirano cʉ̃jãcã ñañarẽrẽ tire wapare pecamepʉ ñañarõ ticõãyoatere wapataragawa. Buri marĩ Nirũpʉ̃ Jesucristomena ĩcãrõ nirã earemenapere Manigʉ̃cã icãta wapa boro manirõrã catire petihere nʉnirẽrẽ cʉoroacu.#5:12, 21; Ga 6:7, 8.

Currently Selected:

Romanos 6: yui

Highlight

Copy