Romanos 2
2
Judío basocaye maquẽ 2:1–3:20
Manigʉ̃cã diamacã maquẽ nirẽmena ĩñabesere
1Tairo tira mʉjã no nirãnorẽ “cʉ̃jã ñañarẽrẽ tira ñawã” ĩ ĩñabeseherimocãña. Mʉjã tora abiro cʉ̃jãrẽ “cʉ̃jã ñañarẽrẽ tira ñawã” ĩ ĩñabesera mʉjãbasurupera ʉ̃sãcã ñañarẽrẽ tirara ña; tairo tinira wapa cʉorara ña ĩrã ya. Merẽ mʉjã cʉ̃jãcã tirecʉtiriwãmerã tirecʉtirara ña. Tairo tira tora abiro nirã ninirã ãpẽrãrẽ pẽrõgãno ĩñabesemasĩheriga.#Ro 1:20; Mt 7:1-2; Lc 6:37; Jn 8:7. 2Buri marĩ Manigʉ̃pe docare diamacã maquẽ nirẽmena ñañarẽ tiranorẽ cʉ̃cã ĩñabese “mʉjã wapa cʉorara ña” ĩriwãmerẽ ñurõ masĩ. 3Tora abiro niñerõcã mʉjãpe ãpẽrãrẽ “mʉjã ñañarẽrẽ tira ña” ĩ ĩñabesecaperacãrã, cʉ̃jãrã abirora tirecʉtira nimocãcaperacãrã “ʉ̃sãpʉare Manigʉ̃ ñañarõ tiherigawi” ĩ wãcũherimocãña. ¡Mʉjã tora abiro wãcũrã queoro wãcũrãmerã ya! Manigʉ̃ mʉjãcãrẽ mʉjãcã ñañarẽ tire wapare ñañarõ tigʉagawi.#Mt 7:3; Lc 18:9-14. 4Mʉjãcã tora abiro ñañarẽrẽ tira nicapetacã Manigʉ̃ cʉ̃cã bopacaĩñarẽmenape mʉjãrẽ ñañarõ tiheriñerõcã “ʉ̃sãrẽ ñañarõ tiheriwi” ĩ wãcũherimocãña. ¡Buripe doca mʉjã ñurõ tʉomasĩña! Cʉ̃ mʉjãcã ñañarẽ tirecʉtirere tairo nʉcãrucũmocãwĩ mʉjãcã ñañarẽ tirecʉtirere wãcũpasʉti mʉjãrẽ wasoañerõcã bogʉ. Tairo binigʉ̃ marĩcʉ̃ mʉjãrẽ mata ñañarõ tiheriwi.#Ez 18:23; 33:11; Ro 3:25; 11:22; Ef 1:7; 2:7; 1Tm 2:4; 2Pe 3:9.
5Buri mʉjãpe cʉ̃cã tairo ticapetacã cʉ̃rẽ cametʉanʉcãmocãrã icãta ñañarẽ tirecʉtirere wãcũpasʉti wasoaheri. Tora abiro tiremena mʉjãbasurupera sotoa Manigʉ̃cã mʉjãrẽ ñañarõ tiatere neõcũwʉmʉãrã ya. Tairo tigʉ Manigʉ̃ nipetira basocare ĩñabeseribʉreco eañerõcãrẽ cʉ̃cã mʉjãrẽ ĩcãrõpewãmemena ĩñabeserere eñogʉagawi. Tieyewapamenarã mʉjã bʉtoro ñañarõ tiyoãna pʉtʉaroacu.#Jud6; Ap 6:17. 6Tora abiro basoca nipetirare ĩñabesegʉ cʉ̃jã basocacãrõrẽ cʉ̃jãcã tiriawãmerĩcãrõmenarã cʉ̃jãrẽ queoro wapatigʉagawi.#Sal 62:11-12; Jer 17:10; Mt 16:27; Ro 14:10-11; 1Co 3:8; 2Co 5:10. 7Ñurẽrẽ tirucũriarapere catire petiherere nʉnigʉagawi cʉ̃mena nirucũmocãro ĩgʉ̃. Cʉ̃jãrã ñawã Manigʉ̃mena tairo nirucũmocãrugarere amarucũmocãrã tairora cʉ̃jãcã ñurẽrẽ tirucũrẽmena Manigʉ̃ cʉ̃cã ĩñacorore cʉ̃rẽ “mʉjã ñurẽrẽ tiayu” ĩrẽrẽ tʉorugarucũrã. 8Buri cametʉanʉcãrĩbasocapere diamacã maquẽ nirẽrẽ boheranorẽ buripe ñañarẽpe wadore tirugaranorẽ Manigʉ̃ cʉ̃jãmena cuagʉ cʉ̃jãrẽ bʉtoro ñañarõ tigʉagawi.#Ga 5:19-21; 2Ts 2:12. 9Nipetira ñañarẽ tirecʉtiranorẽ bʉtoro pũnirẽ tʉoiñarẽ, ñañarõ posarucũrẽ nirõãcu. Judío basocarena tairo waroacu; buri judío basoca niheracãrẽ tairora waroacu.#1Pe 4:17. 10Tiwãmerã nipetira ñurẽrẽ tirecʉtiranopecãrẽ Manigʉ̃ ñucametʉanʉcãrẽrẽ nʉnigʉgawi; “mʉjã ñurõ tiwʉ” ĩgʉagawi; tairora yerisãrẽmena nirucũñerõcã tigʉagawi. Judío basocarena tairo tigʉagawi; buri judío basoca niheracãrẽ tairora tigʉagawi.#Ro 1:16; 1Pe 1:7. 11Merẽ Manigʉ̃ judío basoca wadorena ñurõ timocã; judío basoca niherapere ñañarõ timocã tihegʉ ñawĩ. Buripe nipetirare ĩcãrõpewãme wado tigʉ ñawĩ.#Dt 10:17; Ga 2:6; Ef 6:9.
Judíoa ĩñerõcã dotire cũyorigue
12Nipetira judío basoca nihera Manigʉ̃cã Moisére dotire cũriguere cʉohericaperacãrã ñañarẽrẽ tirecʉtira tie dotire manirõrã Manigʉ̃rẽ ñañarõ ticõãyoroagawa; tairora judío basocacã Manigʉ̃cã Moisére dotire cũriguere cʉocaperacãrã ñañarẽrẽ tirecʉtira cʉ̃jãcã tie dotiremenarã Manigʉ̃rẽ ñañarõ ticõãyoroagawa.#Ro 3:19; 1Co 9:21. 13Merẽ Moisére dotire cũriguere cʉ̃jãcã masĩrẽmena wadora Manigʉ̃ cʉ̃jãrẽ “ñurã ñawã” ĩ ĩñaheriwi. Buripe doca tie nipetire dotirere queoro yʉranopere Manigʉ̃ “ñurã ñawã” ĩ ĩñawĩ.#Mt 7:21; Stg 1:22-25. 14Judío basoca nihera Manigʉ̃cã Moisére dotire cũriguere cʉohera nicaperacãrã cʉ̃jãye yeripũnarĩpʉ ĩriwãme cʉ̃jãbasurupe ñurẽrẽ tirecʉtiremena Moisére dotire cũriguere cʉorara abiro ñawã. 15Cʉ̃jãcã nirẽcʉtiremena Manigʉ̃cã dotirere cʉ̃jãya yeripũnarĩpʉ cʉorere eñowã. Tairo tira cʉ̃cã dotiriarora abiro tira tiere masĩrãrã abiro yawa. Basocacãrõrẽ cʉ̃jãcã ñurõ tirere o ñañarõ tirere cʉ̃jãye wãcũrẽrã cʉ̃jãrẽ cʉ̃jãcã tiariguere masĩñerõcã ya. Ñañarẽrẽ tiariasiro “wapa cʉora ña” ĩ masĩñerõcã ya. Ñurẽrẽ tiariaracãrẽ tairora “wapa cʉohera ña” ĩ masĩñerõcã ya.#Ro 1:19-20. 16Manigʉ̃ cʉ̃cã nipetira basocare ĩñabeseatibʉreco eañerõcã cʉ̃ macʉ̃ Jesucristore nipetiraye wãcũrẽrẽ masĩña manirẽpʉrena, ãpẽrãcã ĩñaheropʉ cʉ̃jãcã tiriguepʉrena ĩñabesedotigʉagawi; Manigʉ̃cã basocare cametʉore quetire yʉcã buegʉ wedeicãrõrã abiro.#Hch 10:42; 1Co 4:5.
17Mʉjã judío basocape “ʉ̃sã judío basoca nirã ya; Manigʉ̃cã Moisére dotire cũriguere wedewõrã nirã ya; tairora ãpẽrãsotoa Manigʉ̃yara nicametʉanʉcãrã nirã ya;#Ro 9:4. 18ʉ̃sã Manigʉ̃cã borere ñurõ masĩrã nirã ya; Moisécã dotire cũriguere masĩrã ninirã ʉ̃sã ñucametʉanʉcãrẽrẽ besemasĩrã nirã ya; 19tairora caperi ĩñabʉaherara abiro nirãrẽ siosʉguewʉmʉãmasĩrãrã abiro Manigʉ̃ye masĩherare buemasĩrã nirã ya; naĩtĩãrõpʉ nirãrẽ sĩãwocorora abiro diamacã maquẽrẽ masĩherare wedemasĩrã nirã ya; 20ʉ̃sã Moisére dotire cũriguere cʉora ninirã diamacã maquẽ nirẽrẽ masĩrã nirã ya” ĩrã ña mʉjã. Tairo tira “ʉ̃sã tʉomasĩherare, wĩmarãrã abiro nirãrẽ bueribasoca nirã ya” ĩ mʉjã.#2Tm 1:13. 21Buri topʉare mʉjã tora abiro ãpẽrãrẽ buecaperacãrã ¿dairo tira mʉjãbasurupe bueheriri? Mʉjã “yajaherimocãña” ĩcaperacãrã ¿dairo tira yajari?#Mt 23:3-4; Lc 11:46; Ga 6:3. 22Mʉjã, mʉjã nʉmosãrõmiã niheramena, mʉjã manʉsʉmʉã niheramena “came ñañarõ tiherimocãña” ĩ buecaperacãrã ¿dairo tira tairora yari? Basocacã queore weriarare boheri docaperacãrã ¿dairo tira cʉ̃jãrẽ wedewõrĩwiseri maquẽ nirẽrẽ yajari?#Dt 7:25. 23Mʉjã buri Manigʉ̃cã Moisére dotire cũriguere cʉomocãnirã “ʉ̃sã ãpẽrãsotoa nirã ña” ĩmocãcaperacãrã mʉjãcã tie dotirere cametʉanʉcãrẽmenarã ãpẽrãcãrẽ cʉ̃rẽ wedewõheriñerõcã tira ya. 24Manigʉ̃ye wederucũrẽrẽ ojayoriapũpʉ mʉjãcã tairo tirere abiro ĩ ojayo: «Mʉjãye wapamenarã judío basoca nihera Manigʉ̃rẽ ñañarõ tidocatuwa»#Is 52:5; Jer 36:20-23. ĩ ojayorigue ña.
25Mʉjãcã conerigʉ yapa macã caserore widetacõãrẽ ñujo mʉjãcã diamacãrã Manigʉ̃cã Moisére dotire cũriguere queoro yʉquetatura nirã niñerõcãpʉare. Buri mʉjãcã tie dotirere cametʉanʉcãñerõcã docare mʉjãcã conerigʉ yapa macã caserore widetacõãrẽ icãta wapamaniga; widecõãñamanirãrã abiro niñerõcã tiga.#Ga 5:3. 26Buri tamʉ judío basoca niherape conerigʉ yapa macã caserore widetacõãrẽrẽ tihera nicapetacã Manigʉ̃cã Moisére dotire cũriguere queoro yʉñerõcã Manigʉ̃ cʉ̃jãrẽ “yarara ñawã” ĩ ĩñawĩ cʉ̃jãcã cʉ̃jãya conerigʉ yapa macã caserore widecõãñamanirãrã nicapetacã.#Mt 12:50; Jn 15:14; Ro 8:3-4; 1Co 7:19; Ga 5:6; 6:15; Ef 2:11. 27Judío basoca niherape cʉ̃jãya conerigʉ yapa macã caserore widecõãyoyamaniriara nicaperacãrã Manigʉ̃cã dotirere queoro yʉmocãnirã mʉjã judío basocare tie dotirere cʉojorapere, conerigʉ yapa macã caserore widecõãrẽrẽ tijomocãrãpere mʉjãcã Moisére dotire cũriguere cametʉanʉcãrẽ wapamenarã cʉ̃jãrã mʉjãrẽ “mʉjã wapa cʉora ña” ĩrãgawa.#Mt 12:41. 28Judío basocʉ nigʉ̃ sotoa wadorena “yʉ judío basocʉ ña” ĩrẽmerã ña. Ĩñerõcã tairora conerigʉ yapa macã caserore widecõãrẽrẽ tigʉ ninigʉ̃ “yʉ judío basocʉ ña” ĩrẽmerã ña.#Mt 3:9; Ro 9:6; Jn 8:39; Ga 6:15. 29Judío basocʉ nijomocãrẽpe pupeape tʉoiñarẽpʉmena Manigʉ̃cã dotirere ʉsearemena tire ña. Ĩñerõcã conerigʉ yapa macã caserore widecõãrẽrẽ tigʉ nijorecã yeripũnapʉmena tʉoiña wasoare ña; basocacã dotire ojarecã tiremerã ña. Buripe Espíritu Santopʉra wasoañerõcã tire ña. Cʉ̃jã doca Manigʉ̃yara judío basocajoro ñawã. Basocacã cʉ̃jãrẽ “ñurã ñawã” ĩ ĩñahericapetacã Manigʉ̃pere “ñurã ñawã” ĩ cʉ̃cã ĩñayora ñawã.#Dt 10:16; Jer 4:4; Ro 9:6-8; 2Co 10:18; Flp 3:3; Col 2:11; 1Pe 3:4.
Currently Selected:
Romanos 2: yui
Highlight
Share
Copy
Want to have your highlights saved across all your devices? Sign up or sign in
© 2026, SIL Global. All rights reserved.
Romanos 2
2
Judío basocaye maquẽ 2:1–3:20
Manigʉ̃cã diamacã maquẽ nirẽmena ĩñabesere
1Tairo tira mʉjã no nirãnorẽ “cʉ̃jã ñañarẽrẽ tira ñawã” ĩ ĩñabeseherimocãña. Mʉjã tora abiro cʉ̃jãrẽ “cʉ̃jã ñañarẽrẽ tira ñawã” ĩ ĩñabesera mʉjãbasurupera ʉ̃sãcã ñañarẽrẽ tirara ña; tairo tinira wapa cʉorara ña ĩrã ya. Merẽ mʉjã cʉ̃jãcã tirecʉtiriwãmerã tirecʉtirara ña. Tairo tira tora abiro nirã ninirã ãpẽrãrẽ pẽrõgãno ĩñabesemasĩheriga.#Ro 1:20; Mt 7:1-2; Lc 6:37; Jn 8:7. 2Buri marĩ Manigʉ̃pe docare diamacã maquẽ nirẽmena ñañarẽ tiranorẽ cʉ̃cã ĩñabese “mʉjã wapa cʉorara ña” ĩriwãmerẽ ñurõ masĩ. 3Tora abiro niñerõcã mʉjãpe ãpẽrãrẽ “mʉjã ñañarẽrẽ tira ña” ĩ ĩñabesecaperacãrã, cʉ̃jãrã abirora tirecʉtira nimocãcaperacãrã “ʉ̃sãpʉare Manigʉ̃ ñañarõ tiherigawi” ĩ wãcũherimocãña. ¡Mʉjã tora abiro wãcũrã queoro wãcũrãmerã ya! Manigʉ̃ mʉjãcãrẽ mʉjãcã ñañarẽ tire wapare ñañarõ tigʉagawi.#Mt 7:3; Lc 18:9-14. 4Mʉjãcã tora abiro ñañarẽrẽ tira nicapetacã Manigʉ̃ cʉ̃cã bopacaĩñarẽmenape mʉjãrẽ ñañarõ tiheriñerõcã “ʉ̃sãrẽ ñañarõ tiheriwi” ĩ wãcũherimocãña. ¡Buripe doca mʉjã ñurõ tʉomasĩña! Cʉ̃ mʉjãcã ñañarẽ tirecʉtirere tairo nʉcãrucũmocãwĩ mʉjãcã ñañarẽ tirecʉtirere wãcũpasʉti mʉjãrẽ wasoañerõcã bogʉ. Tairo binigʉ̃ marĩcʉ̃ mʉjãrẽ mata ñañarõ tiheriwi.#Ez 18:23; 33:11; Ro 3:25; 11:22; Ef 1:7; 2:7; 1Tm 2:4; 2Pe 3:9.
5Buri mʉjãpe cʉ̃cã tairo ticapetacã cʉ̃rẽ cametʉanʉcãmocãrã icãta ñañarẽ tirecʉtirere wãcũpasʉti wasoaheri. Tora abiro tiremena mʉjãbasurupera sotoa Manigʉ̃cã mʉjãrẽ ñañarõ tiatere neõcũwʉmʉãrã ya. Tairo tigʉ Manigʉ̃ nipetira basocare ĩñabeseribʉreco eañerõcãrẽ cʉ̃cã mʉjãrẽ ĩcãrõpewãmemena ĩñabeserere eñogʉagawi. Tieyewapamenarã mʉjã bʉtoro ñañarõ tiyoãna pʉtʉaroacu.#Jud6; Ap 6:17. 6Tora abiro basoca nipetirare ĩñabesegʉ cʉ̃jã basocacãrõrẽ cʉ̃jãcã tiriawãmerĩcãrõmenarã cʉ̃jãrẽ queoro wapatigʉagawi.#Sal 62:11-12; Jer 17:10; Mt 16:27; Ro 14:10-11; 1Co 3:8; 2Co 5:10. 7Ñurẽrẽ tirucũriarapere catire petiherere nʉnigʉagawi cʉ̃mena nirucũmocãro ĩgʉ̃. Cʉ̃jãrã ñawã Manigʉ̃mena tairo nirucũmocãrugarere amarucũmocãrã tairora cʉ̃jãcã ñurẽrẽ tirucũrẽmena Manigʉ̃ cʉ̃cã ĩñacorore cʉ̃rẽ “mʉjã ñurẽrẽ tiayu” ĩrẽrẽ tʉorugarucũrã. 8Buri cametʉanʉcãrĩbasocapere diamacã maquẽ nirẽrẽ boheranorẽ buripe ñañarẽpe wadore tirugaranorẽ Manigʉ̃ cʉ̃jãmena cuagʉ cʉ̃jãrẽ bʉtoro ñañarõ tigʉagawi.#Ga 5:19-21; 2Ts 2:12. 9Nipetira ñañarẽ tirecʉtiranorẽ bʉtoro pũnirẽ tʉoiñarẽ, ñañarõ posarucũrẽ nirõãcu. Judío basocarena tairo waroacu; buri judío basoca niheracãrẽ tairora waroacu.#1Pe 4:17. 10Tiwãmerã nipetira ñurẽrẽ tirecʉtiranopecãrẽ Manigʉ̃ ñucametʉanʉcãrẽrẽ nʉnigʉgawi; “mʉjã ñurõ tiwʉ” ĩgʉagawi; tairora yerisãrẽmena nirucũñerõcã tigʉagawi. Judío basocarena tairo tigʉagawi; buri judío basoca niheracãrẽ tairora tigʉagawi.#Ro 1:16; 1Pe 1:7. 11Merẽ Manigʉ̃ judío basoca wadorena ñurõ timocã; judío basoca niherapere ñañarõ timocã tihegʉ ñawĩ. Buripe nipetirare ĩcãrõpewãme wado tigʉ ñawĩ.#Dt 10:17; Ga 2:6; Ef 6:9.
Judíoa ĩñerõcã dotire cũyorigue
12Nipetira judío basoca nihera Manigʉ̃cã Moisére dotire cũriguere cʉohericaperacãrã ñañarẽrẽ tirecʉtira tie dotire manirõrã Manigʉ̃rẽ ñañarõ ticõãyoroagawa; tairora judío basocacã Manigʉ̃cã Moisére dotire cũriguere cʉocaperacãrã ñañarẽrẽ tirecʉtira cʉ̃jãcã tie dotiremenarã Manigʉ̃rẽ ñañarõ ticõãyoroagawa.#Ro 3:19; 1Co 9:21. 13Merẽ Moisére dotire cũriguere cʉ̃jãcã masĩrẽmena wadora Manigʉ̃ cʉ̃jãrẽ “ñurã ñawã” ĩ ĩñaheriwi. Buripe doca tie nipetire dotirere queoro yʉranopere Manigʉ̃ “ñurã ñawã” ĩ ĩñawĩ.#Mt 7:21; Stg 1:22-25. 14Judío basoca nihera Manigʉ̃cã Moisére dotire cũriguere cʉohera nicaperacãrã cʉ̃jãye yeripũnarĩpʉ ĩriwãme cʉ̃jãbasurupe ñurẽrẽ tirecʉtiremena Moisére dotire cũriguere cʉorara abiro ñawã. 15Cʉ̃jãcã nirẽcʉtiremena Manigʉ̃cã dotirere cʉ̃jãya yeripũnarĩpʉ cʉorere eñowã. Tairo tira cʉ̃cã dotiriarora abiro tira tiere masĩrãrã abiro yawa. Basocacãrõrẽ cʉ̃jãcã ñurõ tirere o ñañarõ tirere cʉ̃jãye wãcũrẽrã cʉ̃jãrẽ cʉ̃jãcã tiariguere masĩñerõcã ya. Ñañarẽrẽ tiariasiro “wapa cʉora ña” ĩ masĩñerõcã ya. Ñurẽrẽ tiariaracãrẽ tairora “wapa cʉohera ña” ĩ masĩñerõcã ya.#Ro 1:19-20. 16Manigʉ̃ cʉ̃cã nipetira basocare ĩñabeseatibʉreco eañerõcã cʉ̃ macʉ̃ Jesucristore nipetiraye wãcũrẽrẽ masĩña manirẽpʉrena, ãpẽrãcã ĩñaheropʉ cʉ̃jãcã tiriguepʉrena ĩñabesedotigʉagawi; Manigʉ̃cã basocare cametʉore quetire yʉcã buegʉ wedeicãrõrã abiro.#Hch 10:42; 1Co 4:5.
17Mʉjã judío basocape “ʉ̃sã judío basoca nirã ya; Manigʉ̃cã Moisére dotire cũriguere wedewõrã nirã ya; tairora ãpẽrãsotoa Manigʉ̃yara nicametʉanʉcãrã nirã ya;#Ro 9:4. 18ʉ̃sã Manigʉ̃cã borere ñurõ masĩrã nirã ya; Moisécã dotire cũriguere masĩrã ninirã ʉ̃sã ñucametʉanʉcãrẽrẽ besemasĩrã nirã ya; 19tairora caperi ĩñabʉaherara abiro nirãrẽ siosʉguewʉmʉãmasĩrãrã abiro Manigʉ̃ye masĩherare buemasĩrã nirã ya; naĩtĩãrõpʉ nirãrẽ sĩãwocorora abiro diamacã maquẽrẽ masĩherare wedemasĩrã nirã ya; 20ʉ̃sã Moisére dotire cũriguere cʉora ninirã diamacã maquẽ nirẽrẽ masĩrã nirã ya” ĩrã ña mʉjã. Tairo tira “ʉ̃sã tʉomasĩherare, wĩmarãrã abiro nirãrẽ bueribasoca nirã ya” ĩ mʉjã.#2Tm 1:13. 21Buri topʉare mʉjã tora abiro ãpẽrãrẽ buecaperacãrã ¿dairo tira mʉjãbasurupe bueheriri? Mʉjã “yajaherimocãña” ĩcaperacãrã ¿dairo tira yajari?#Mt 23:3-4; Lc 11:46; Ga 6:3. 22Mʉjã, mʉjã nʉmosãrõmiã niheramena, mʉjã manʉsʉmʉã niheramena “came ñañarõ tiherimocãña” ĩ buecaperacãrã ¿dairo tira tairora yari? Basocacã queore weriarare boheri docaperacãrã ¿dairo tira cʉ̃jãrẽ wedewõrĩwiseri maquẽ nirẽrẽ yajari?#Dt 7:25. 23Mʉjã buri Manigʉ̃cã Moisére dotire cũriguere cʉomocãnirã “ʉ̃sã ãpẽrãsotoa nirã ña” ĩmocãcaperacãrã mʉjãcã tie dotirere cametʉanʉcãrẽmenarã ãpẽrãcãrẽ cʉ̃rẽ wedewõheriñerõcã tira ya. 24Manigʉ̃ye wederucũrẽrẽ ojayoriapũpʉ mʉjãcã tairo tirere abiro ĩ ojayo: «Mʉjãye wapamenarã judío basoca nihera Manigʉ̃rẽ ñañarõ tidocatuwa»#Is 52:5; Jer 36:20-23. ĩ ojayorigue ña.
25Mʉjãcã conerigʉ yapa macã caserore widetacõãrẽ ñujo mʉjãcã diamacãrã Manigʉ̃cã Moisére dotire cũriguere queoro yʉquetatura nirã niñerõcãpʉare. Buri mʉjãcã tie dotirere cametʉanʉcãñerõcã docare mʉjãcã conerigʉ yapa macã caserore widetacõãrẽ icãta wapamaniga; widecõãñamanirãrã abiro niñerõcã tiga.#Ga 5:3. 26Buri tamʉ judío basoca niherape conerigʉ yapa macã caserore widetacõãrẽrẽ tihera nicapetacã Manigʉ̃cã Moisére dotire cũriguere queoro yʉñerõcã Manigʉ̃ cʉ̃jãrẽ “yarara ñawã” ĩ ĩñawĩ cʉ̃jãcã cʉ̃jãya conerigʉ yapa macã caserore widecõãñamanirãrã nicapetacã.#Mt 12:50; Jn 15:14; Ro 8:3-4; 1Co 7:19; Ga 5:6; 6:15; Ef 2:11. 27Judío basoca niherape cʉ̃jãya conerigʉ yapa macã caserore widecõãyoyamaniriara nicaperacãrã Manigʉ̃cã dotirere queoro yʉmocãnirã mʉjã judío basocare tie dotirere cʉojorapere, conerigʉ yapa macã caserore widecõãrẽrẽ tijomocãrãpere mʉjãcã Moisére dotire cũriguere cametʉanʉcãrẽ wapamenarã cʉ̃jãrã mʉjãrẽ “mʉjã wapa cʉora ña” ĩrãgawa.#Mt 12:41. 28Judío basocʉ nigʉ̃ sotoa wadorena “yʉ judío basocʉ ña” ĩrẽmerã ña. Ĩñerõcã tairora conerigʉ yapa macã caserore widecõãrẽrẽ tigʉ ninigʉ̃ “yʉ judío basocʉ ña” ĩrẽmerã ña.#Mt 3:9; Ro 9:6; Jn 8:39; Ga 6:15. 29Judío basocʉ nijomocãrẽpe pupeape tʉoiñarẽpʉmena Manigʉ̃cã dotirere ʉsearemena tire ña. Ĩñerõcã conerigʉ yapa macã caserore widecõãrẽrẽ tigʉ nijorecã yeripũnapʉmena tʉoiña wasoare ña; basocacã dotire ojarecã tiremerã ña. Buripe Espíritu Santopʉra wasoañerõcã tire ña. Cʉ̃jã doca Manigʉ̃yara judío basocajoro ñawã. Basocacã cʉ̃jãrẽ “ñurã ñawã” ĩ ĩñahericapetacã Manigʉ̃pere “ñurã ñawã” ĩ cʉ̃cã ĩñayora ñawã.#Dt 10:16; Jer 4:4; Ro 9:6-8; 2Co 10:18; Flp 3:3; Col 2:11; 1Pe 3:4.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2026, SIL Global. All rights reserved.