Romanos 13
13
Nirũpãrãrẽ ñurõ yʉya
1Mʉjã nipetirapʉra atibʉreco macãrã nirũpãrã nirãnorẽ ñurõ yʉya. Merẽ icãta ĩcʉ̃nopera Manigʉ̃basurupera nirũpʉ̃ soneyoyamanirigʉno maniwĩ. Nipetira nirũpãrã nirãno cʉ̃cã soneyoriarano wadora ñawã.#Dn 2:21; Jn 19:11; Tit 3:1; 1Pe 2:13-17. 2Nirũpãrãrẽ cametʉanʉcãrã mʉjã Manigʉ̃cã dotire cũriguerena cametʉanʉcãrã tiroacu. Tairo tira tora abiro cametʉanʉcãrãno ñañarõ tiyoroagawa.#Tit 3:1. 3Nirũpãrã nirã basoca ñurẽrẽ tirecʉtirapere cuiremena niñerõcã tiramerã ñawã. Buripe basoca ñañarẽrẽ tirapere cuiremena niñerõcã tira ñawã. Tairo tira nirũpãrãrẽ cuiro manirõ nirugara mʉjã ñurẽrẽ tirecʉti niña. Mʉjãcã tairo tiñerõcã ĩñarã nirũpãrã mʉjãrẽ “mʉjã ñurõ tiawʉ” ĩrõãgawa.#1Pe 2:14. 4Merẽ nirũpãrã Manigʉ̃cã mʉjãye maquẽ niãtere titamudotigʉra cʉ̃cã cũyoriarapʉra ñawã. Tairo tira mʉjã ñañarõ tira cʉ̃jãrẽ cuiya. Nirũpãrã ñañarõ tirare ñañarõ tira Manigʉ̃cã dotirora abirora tira yawa. Merẽ Manigʉ̃ ñañarõ tiranorẽ ñañarõ tiaro ĩgʉ̃rã nirũpãrãrẽ cũrĩgʉ niwĩ.#1Ts 4:6. 5Tairo tiro marĩrẽ nirũpãrãcã dotiñerõcã wedewõrẽmena cʉ̃jãcã dotirere ñurõ yʉro bo. Ʉ̃sãrẽ ñañarõ tiri ĩrẽmena wadora tairo tiherimocãrõ bo. Buripe “Manigʉ̃ nirũpãrãcã dotirere ñurõ yʉñerõcã bowi” ĩ tʉoiñarẽmenape cʉ̃jãcã dotirere ñurõ yʉrada.#Ecl 8:2; 1Pe 2:19. 6Merẽ ãnijã nirũpãrã Manigʉ̃rẽ padedecoteribasocara ninirã cʉ̃jãrẽ tidotiriwãmerã cʉ̃jã yawa. Tairo tira nirũpãrãcã niyeru wapasedotirere mʉjã ñurõ wapatiya. 7Nipetirare nʉniboriwãmerã nʉniña. Cʉ̃jãcã wapatidotire niñerõcãno ¡tiere wapatiya! Cʉ̃jãcã apeyeno bora wapasere niñerõcãnorẽ ¡tiere wapatiya! Cuwiopesaremena ĩñayorano niñerõcã ¡cʉ̃jãrẽ cuwiopesaremena ĩñaña! Wãcũmaĩrẽmena ĩñayorano niñerõcã ¡cʉ̃jãrẽ wãcũmaĩrẽmena ĩñaña!#Mt 22:21; Mc 12:17; Lc 20:25.
8Icãta ãpẽrãrẽ wapamorẽ cʉoherimocãña. Buripe wapamorẽrẽ cʉorono tira cʉ̃jãrẽ maĩrẽpere cʉoya. Merẽ ĩcʉ̃no cʉ̃ cʉtiro nigʉ̃rẽ maĩgʉ̃no Moisére dotire cũrigue nipetirere queorora tigʉ yawí.#Ga 5:14; Col 3:14; Stg 2:8. 9Tie Moisére dotire cũrigue abiro ĩ: «Ãpĩ nʉmorẽ buirigo cʉtiherimocãña; basocare sĩãherimocãña; yajaherimocãña; ãpẽrãyepʉre ʉgoherimocãña»#Ex 20:13-17; Dt 5:17-21; Mt 19:18-19. ĩ. Buri atie dotirere ĩñerõcã apeyecãrẽ ĩcãrõrã neõnʉcõñerõcã abiro ĩrõ wadora pʉtʉa: «Mʉ cʉtiro nigʉ̃rẽ maĩña mʉbasurupe mʉcã maĩrõrã abiro» ĩrẽ pʉtʉa.#Lv 19:18; Mt 22:37-40; Ga 5:14. 10Merẽ maĩrẽrẽ cʉogʉra icãta ãpẽrãrẽ ñañarõ tiheriwi. Tairo tiro ãpẽrãrẽ maĩrẽ cʉorera Moisécã dotire cũrigue nipetirere queoro tipetiñerõcã tirora abiro ya.#Mt 22:39-40.
11Tairo tira mʉjã marĩcã nirĩbʉrecori wapacʉtiribʉrecorire wãcũnirãrã atie nipetirere ñurõ tiya. Merẽ mʉjã canirãrã abiro nirẽcʉtisiariarara ña. ¡Wãcãrĩwatoa easia! Marĩrẽ marĩcã ʉmʉãwesepʉ wariwatoa earodaro pẽrõgã dʉsa, marĩcã Jesucristore wedewõsocoriwatoapʉre dʉsariaro docapere pẽrõgã dʉsa.#1Co 7:29-30; Ef 5:14; 1Ts 5:5-6. 12¡Merẽ marĩrẽ atinowatoa earopʉ ya! Tairo tira tocãrõrã ñañarẽ tirere tidumocãrãda. Merẽ ñañarẽrẽ tirera naĩtĩãrẽpʉ nirucũrõrã abiro niñerõcã ya. Buripe ñurẽpere tirucũrãda; tiera bowerepʉ nirucũrõrã abiro niñerõcã ya. Ĩcʉ̃ oguegʉ camesĩãrẽ sutire wejesãñarõrã abiro marĩcã ñañarẽpere tiro manirõ ñurẽ maquẽ tire wadorena wãmocʉti tirucũmocãrãda.#Ef 5:11; 6:13-17; 1Ts 5:8; 1Jn 2:8. 13Tairo tira bʉrecomena bowere maquẽ diamacã maquẽ nirẽmena ñurẽrẽ tirecʉtirada. Boseyaribosebʉrecoripʉre cʉ̃jãcã nobore tirepʉre waherimocãrãda; mequẽdeherimocãrãda; ʉmʉã nomiãmena nomiãpecã ʉmʉãmena ñañarõ tiherimocãrãda; tienorẽna õpe tisãsuherimocãrãda; ãpẽrãmena came cuaseoherimocãrãda; ãpẽrãyere ʉgoherimocãrãda.#Ga 5:19-21; Ef 5:18; 1Ts 4:11-12. 14Buripe marĩ Nirũpʉ̃ Jesucristocã titamurẽmenape cʉ̃rã abiro ñurẽrẽ tirecʉtirada. Marĩrẽ atiũpʉ̃cã ñañarẽ ʉgaripearepere tiñerõcã tirere wãcũnʉnʉherara tiere piticõãmocãrãda.#Ga 3:27; 5:16; Ef 4:24.
Currently Selected:
Romanos 13: yui
Highlight
Share
Copy
Want to have your highlights saved across all your devices? Sign up or sign in
© 2026, SIL Global. All rights reserved.
Romanos 13
13
Nirũpãrãrẽ ñurõ yʉya
1Mʉjã nipetirapʉra atibʉreco macãrã nirũpãrã nirãnorẽ ñurõ yʉya. Merẽ icãta ĩcʉ̃nopera Manigʉ̃basurupera nirũpʉ̃ soneyoyamanirigʉno maniwĩ. Nipetira nirũpãrã nirãno cʉ̃cã soneyoriarano wadora ñawã.#Dn 2:21; Jn 19:11; Tit 3:1; 1Pe 2:13-17. 2Nirũpãrãrẽ cametʉanʉcãrã mʉjã Manigʉ̃cã dotire cũriguerena cametʉanʉcãrã tiroacu. Tairo tira tora abiro cametʉanʉcãrãno ñañarõ tiyoroagawa.#Tit 3:1. 3Nirũpãrã nirã basoca ñurẽrẽ tirecʉtirapere cuiremena niñerõcã tiramerã ñawã. Buripe basoca ñañarẽrẽ tirapere cuiremena niñerõcã tira ñawã. Tairo tira nirũpãrãrẽ cuiro manirõ nirugara mʉjã ñurẽrẽ tirecʉti niña. Mʉjãcã tairo tiñerõcã ĩñarã nirũpãrã mʉjãrẽ “mʉjã ñurõ tiawʉ” ĩrõãgawa.#1Pe 2:14. 4Merẽ nirũpãrã Manigʉ̃cã mʉjãye maquẽ niãtere titamudotigʉra cʉ̃cã cũyoriarapʉra ñawã. Tairo tira mʉjã ñañarõ tira cʉ̃jãrẽ cuiya. Nirũpãrã ñañarõ tirare ñañarõ tira Manigʉ̃cã dotirora abirora tira yawa. Merẽ Manigʉ̃ ñañarõ tiranorẽ ñañarõ tiaro ĩgʉ̃rã nirũpãrãrẽ cũrĩgʉ niwĩ.#1Ts 4:6. 5Tairo tiro marĩrẽ nirũpãrãcã dotiñerõcã wedewõrẽmena cʉ̃jãcã dotirere ñurõ yʉro bo. Ʉ̃sãrẽ ñañarõ tiri ĩrẽmena wadora tairo tiherimocãrõ bo. Buripe “Manigʉ̃ nirũpãrãcã dotirere ñurõ yʉñerõcã bowi” ĩ tʉoiñarẽmenape cʉ̃jãcã dotirere ñurõ yʉrada.#Ecl 8:2; 1Pe 2:19. 6Merẽ ãnijã nirũpãrã Manigʉ̃rẽ padedecoteribasocara ninirã cʉ̃jãrẽ tidotiriwãmerã cʉ̃jã yawa. Tairo tira nirũpãrãcã niyeru wapasedotirere mʉjã ñurõ wapatiya. 7Nipetirare nʉniboriwãmerã nʉniña. Cʉ̃jãcã wapatidotire niñerõcãno ¡tiere wapatiya! Cʉ̃jãcã apeyeno bora wapasere niñerõcãnorẽ ¡tiere wapatiya! Cuwiopesaremena ĩñayorano niñerõcã ¡cʉ̃jãrẽ cuwiopesaremena ĩñaña! Wãcũmaĩrẽmena ĩñayorano niñerõcã ¡cʉ̃jãrẽ wãcũmaĩrẽmena ĩñaña!#Mt 22:21; Mc 12:17; Lc 20:25.
8Icãta ãpẽrãrẽ wapamorẽ cʉoherimocãña. Buripe wapamorẽrẽ cʉorono tira cʉ̃jãrẽ maĩrẽpere cʉoya. Merẽ ĩcʉ̃no cʉ̃ cʉtiro nigʉ̃rẽ maĩgʉ̃no Moisére dotire cũrigue nipetirere queorora tigʉ yawí.#Ga 5:14; Col 3:14; Stg 2:8. 9Tie Moisére dotire cũrigue abiro ĩ: «Ãpĩ nʉmorẽ buirigo cʉtiherimocãña; basocare sĩãherimocãña; yajaherimocãña; ãpẽrãyepʉre ʉgoherimocãña»#Ex 20:13-17; Dt 5:17-21; Mt 19:18-19. ĩ. Buri atie dotirere ĩñerõcã apeyecãrẽ ĩcãrõrã neõnʉcõñerõcã abiro ĩrõ wadora pʉtʉa: «Mʉ cʉtiro nigʉ̃rẽ maĩña mʉbasurupe mʉcã maĩrõrã abiro» ĩrẽ pʉtʉa.#Lv 19:18; Mt 22:37-40; Ga 5:14. 10Merẽ maĩrẽrẽ cʉogʉra icãta ãpẽrãrẽ ñañarõ tiheriwi. Tairo tiro ãpẽrãrẽ maĩrẽ cʉorera Moisécã dotire cũrigue nipetirere queoro tipetiñerõcã tirora abiro ya.#Mt 22:39-40.
11Tairo tira mʉjã marĩcã nirĩbʉrecori wapacʉtiribʉrecorire wãcũnirãrã atie nipetirere ñurõ tiya. Merẽ mʉjã canirãrã abiro nirẽcʉtisiariarara ña. ¡Wãcãrĩwatoa easia! Marĩrẽ marĩcã ʉmʉãwesepʉ wariwatoa earodaro pẽrõgã dʉsa, marĩcã Jesucristore wedewõsocoriwatoapʉre dʉsariaro docapere pẽrõgã dʉsa.#1Co 7:29-30; Ef 5:14; 1Ts 5:5-6. 12¡Merẽ marĩrẽ atinowatoa earopʉ ya! Tairo tira tocãrõrã ñañarẽ tirere tidumocãrãda. Merẽ ñañarẽrẽ tirera naĩtĩãrẽpʉ nirucũrõrã abiro niñerõcã ya. Buripe ñurẽpere tirucũrãda; tiera bowerepʉ nirucũrõrã abiro niñerõcã ya. Ĩcʉ̃ oguegʉ camesĩãrẽ sutire wejesãñarõrã abiro marĩcã ñañarẽpere tiro manirõ ñurẽ maquẽ tire wadorena wãmocʉti tirucũmocãrãda.#Ef 5:11; 6:13-17; 1Ts 5:8; 1Jn 2:8. 13Tairo tira bʉrecomena bowere maquẽ diamacã maquẽ nirẽmena ñurẽrẽ tirecʉtirada. Boseyaribosebʉrecoripʉre cʉ̃jãcã nobore tirepʉre waherimocãrãda; mequẽdeherimocãrãda; ʉmʉã nomiãmena nomiãpecã ʉmʉãmena ñañarõ tiherimocãrãda; tienorẽna õpe tisãsuherimocãrãda; ãpẽrãmena came cuaseoherimocãrãda; ãpẽrãyere ʉgoherimocãrãda.#Ga 5:19-21; Ef 5:18; 1Ts 4:11-12. 14Buripe marĩ Nirũpʉ̃ Jesucristocã titamurẽmenape cʉ̃rã abiro ñurẽrẽ tirecʉtirada. Marĩrẽ atiũpʉ̃cã ñañarẽ ʉgaripearepere tiñerõcã tirere wãcũnʉnʉherara tiere piticõãmocãrãda.#Ga 3:27; 5:16; Ef 4:24.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2026, SIL Global. All rights reserved.