Romanos 11
11
Manigʉ̃cã Israelyabumacãrã ĩcãrãrẽ beserigue
1Marĩcʉorore upatutira sãĩñagʉ̃da tamʉ: Israelyabumacãrãcã cametʉanʉcãrẽ wapa ¿nirõrã Manigʉ̃ cʉ̃yamacã macãrãrẽ cʉ̃basurupera cʉ̃cã ñeriarare boherimocã tinigʉ̃ cʉ̃jãrẽ cõãmocãyuri? ¡Icãta cõãherijomocãrigʉ niwĩ! Yʉra Israelyabumacʉ̃, Abraham pãrãmi nitutiagʉ Benjamínyabumacʉ̃rã nigʉ̃ ya.#1Sa 12:22; Jer 31:37; 2Co 11:22; Flp 3:5. 2Merẽ Manigʉ̃ cʉ̃jã judío basocarena cʉ̃cã atibʉrecore tiatosʉgueropʉra cʉ̃cã ñeriarapʉare cʉ̃yamacã macãrãrã niñerõcã tirigʉ niwĩ; tairo tigʉ marĩcʉorore cʉ̃jãrẽ boherimocã tiheriwi.#1Re 19:10; Sal 94:19; Ro 8:29. ¿Manigʉ̃ye wederucũrẽrẽ ojayoriapũpʉ Elíacã Manigʉ̃rẽ ñubuerepʉre cʉ̃cã Israelyabumacãrãrẽ wedesãrigue maquẽrẽ mʉjã masĩheriri? Abiro ĩrigʉ niwĩ: 3«Yʉ Nirũpʉ̃, Israelyabumacãrã mʉye quetire wedesʉgueribasocare sĩãcõãpetimocãwã; waibʉcʉrare sĩã mʉrẽ soemʉõcopeorecãrẽ mʉtõdujiocopetimocãwã; tairo tigʉ yʉ ĩcʉ̃rã mʉye quetire wedesʉgueribasocʉ catiremena pʉtʉa, buri yʉcãrẽ tairora sĩãcõãrugara yawa»#1Re 19:10, 14. ĩrigʉ niwĩ. 4Manigʉ̃pe cʉ̃rẽ abiro ĩ yʉrigʉ niwĩ: «Mʉ ĩcʉ̃rã niheri. Merẽ yʉcã dicawocũyoariara Baalra abiro baugʉ weyorigʉre ãsʉ̃rʉ̃poperimena eacumuwa cʉ̃rẽ wedewõhera marĩcʉ̃ siete miljoro dʉsawa»#1Re 19:18. ĩ yʉrigʉ niwĩ. 5Tocawatoapʉre cʉ̃cã tiriarora abirora anocawatoapʉcãrẽ judío basoca Manigʉ̃cã nocʉ̃merã cʉ̃cã ĩñamaĩrẽmena ñeyoriara dʉsawa.#2Re 19:4; Ro 9:27. 6Cʉ̃ basocare cʉ̃cã ĩñamaĩrẽmena ñurõ tigʉ ninigʉ̃ cʉ̃jãrẽ beseyi. Cʉ̃jãcã tirecʉtire wapamenape cʉ̃jãrẽ beseheriyi. Tora abiro cʉ̃jãcã tirecʉtiremenape cʉ̃cã cʉ̃jãrẽ beseriasiropere cʉ̃cã ĩñamaĩrẽmena ñurõ tire wapamanirẽ nimocãboga.#4:4. 7¿Topʉare marĩ atiere daironope ĩbogari? Israelyabumacãrã cʉ̃jãcã tirecʉtiremenape Manigʉ̃rẽ “mʉjã ñurã wapa cʉoherara abiro nirã ea” ĩrẽrẽ cʉ̃jãcã amarẽrẽ icãta bʉaheririara niwã. Ãpẽrãpe Manigʉ̃cã ñeyoriarape tiere bʉariara niwã. Ãpẽrãpere icãta cʉ̃rẽ wedewõquetaturugahera niñerõcã Manigʉ̃ cʉ̃jãrẽ sotoa cʉ̃jãye yeripũnarĩpʉre wedewõquetatuherijomocãrã wañerõcã tiyugʉ#9:18, 31. 8Manigʉ̃ye wederucũrẽrẽ ojayoriapũpʉ ĩrõrã abirora. Abiro ĩ:
«Manigʉ̃ cʉ̃jãye yeripũnarĩpʉre tʉomasĩhera wañerõcã tirigʉ niwĩ.
Cʉ̃jãrẽ caperi ĩñaherara abiro, camuperi tʉoherara abiro wañerõcã tirigʉ niwĩ.
Pʉ marĩcʉoropʉcãrẽ tairora nirucũmocãwã»#Dt 29:4; Is 29:10; Mt 13:13-14.
ĩrẽ ña.
9Nirũpʉ̃ David ojariguecã yʉre atie maquẽrẽna wãcũñerõcã ya. Abiro ojarigʉ niwĩ:
«Israelyabumacãrãrẽ cʉ̃jãcã boseyaribosebʉricorimenarẽ
ñañarẽrẽ ticũmuñerõcã tiya cũmucũriaropʉre tamurãrã abiro.
Cʉ̃jãcã tora abiro tiremena cʉ̃jãrẽ
mʉcã ñañarõ tiyoanarã nirã eañerõcã.
10Cʉ̃jãrẽ tʉomasĩhera, caperi ĩñaherara abiro wañerõcã tiya.
Bʉrecoricãrõ nʉcʉ̃rẽrẽ ũmanirã
sõcʉ̃ pũniyorara abiro ñañarõ cametʉañerõcã tiya»#Sal 69:22-23.
ĩrigʉ niwĩ David Manigʉ̃rẽ.
Manigʉ̃cã judío basoca niherare cametʉore
11Tairora abiro ĩ sãĩñagʉ̃da tamʉ: ¿Judío basocacã Jesucristore wedewõheriñerõcã Manigʉ̃ cʉ̃jãrẽ boheri tinigʉ̃ cõãdiocomocãyuri? ¡Cʉ̃jãrẽ icãta cõãpetiheririgʉ niwĩ! Buripe judío basocacã cʉ̃rẽ cametʉanʉcãrẽmenape judío basoca niherapere cametʉogʉdagʉ tairo tirigʉ niwĩ. Tairo tirigʉ niwĩ cʉ̃cã cʉ̃jãrẽ ñurõ tirere judío basocapere tiere ĩña “ʉ̃sãcãrẽ tairora tiroboga” ĩ ĩñacũãrõ ĩgʉ̃. 12Judío basocacã Jesucristore wedewõheriñerõcã ãpẽrã atibʉreco macãrãpere ñurõ wariaro niwʉ̃. Cʉ̃jã judío basoca Manigʉ̃cã “yʉpũnarẽ paje ñurẽrẽ nʉnigʉ̃da” ĩriguere ñeheririara niwã. Judío basoca niherape ñeriara niwã. Buri topʉare Manigʉ̃cã nipetira judío basocare “mʉjã yʉpũnarã ña” cʉ̃cã ĩriwatoa eañerõcãrẽ ¡nipetira atibʉreco macãrãrẽ nocãrõ ñucametʉaro waroagari!#11:25. 13Marĩcʉoropere mʉjãrẽ judío basoca niherapere wedegʉda. Jesucristo yʉre mʉjãrẽ judío basoca niherarena cʉ̃ye quetire wededotigʉ cũwĩ. Yʉmenarẽ yʉcã tairo wedere wapapacare nirõ ya. Burijoro yʉcã wederemerã nirõ ya.#Hch 9:15; Ro 15:16. 14Yʉcã cʉ̃ye quetire mʉjãrẽ wederemena ĩcãrã yara judío basocare mʉjãmenarẽ dowe tʉoiñañerõcã tiruga Manigʉ̃cã mʉjãrẽ ñurõ tirere ĩñanirã cʉ̃jãcãrẽ Jesucristore wedewõrã eañerõcã tirugagʉ. Cʉ̃jãcãrẽ cʉ̃jãcã tora abiro cʉ̃rẽ wedewõrã earemenarã Manigʉ̃rẽ cametʉoyorara nirã earo ĩgʉ.#10:19; 1Co 9:22. 15Merẽ Manigʉ̃cã judío basocacã Jesucristore wedewõheriñerõcã cʉ̃jãrẽ cʉ̃cã boyoya manirã nirã eañerõcã tiremenape ãpẽrã atibʉreco macãrãpere cʉ̃jãcã Jesucristore wedewõrẽ cʉora earemenarã Manigʉ̃rẽ boyora nirã eañerõcã tiriaro niwʉ̃. Topʉare tiemenamañurẽ tairo wariasiro niñerõcã ¿dairo waroagari Manigʉ̃cã judío basocare cʉ̃jãcã Jesucristore wedewõrã earemena cʉ̃jãrẽ “mʉjã yarara ña” ĩriwatoa eañerõcãpere? ¡Cõwõãriarapʉra abiro nimoãriara Manigʉ̃mena catirere cʉora earoagawa!#Lc 15:24-32. 16Atiera abiro bi. Pan nisocoritire Manigʉ̃rẽ nʉniñerõcã ti pantire tiariabʉrʉa nipetiribʉrʉapʉra Manigʉ̃rẽ nʉniyoariabʉrʉara abiro pʉtʉaro ya. Tairora yucʉgʉ nʉcõrĩpʉra Manigʉ̃ye nirõ tigʉ dʉpʉri nipetirepʉcã Manigʉ̃ye wadora nirõ ya.#11:16 Ano abiro ĩrugaro ya: Judío basoca ñecʉ̃sʉmʉã Abraham, Isaac, Jacob tigʉ nʉcõrĩrã abiro Manigʉ̃yara ñawã. Cʉ̃jã pãrãmerã nitutiarape tigʉ dʉpʉrira abiro ninirã Manigʉ̃yara ñawã ĩrõ ya (Lv 23:10; Nm 15:18-19). 17Olivogʉ diamacãrã abiro nirã judío basocara ñawã. Cʉ̃jãcã tairo nirã nicapetacãrã Manigʉ̃ tigʉ maquẽ ĩcã dʉpʉrire patacõãrõrã abiro ĩcãrãrẽ cõãrigʉ niwĩ. Siro mʉjã judío basoca niherarena tidʉpʉricã niriarore macãrʉ̃cʉ̃ macãgʉ olivogʉ dʉpʉripere olivogʉjoropʉ netu tigʉpʉ wiridʉpʉrira abiro wañerõcã tirigʉ niwĩ. Tora abiro tinigʉ̃ mʉjã judío basoca niherare cʉ̃yarara nirã eañerõcã tirigʉ niwĩ. Tairo tira mʉjã judío basoca nihericaperacãrã Manigʉ̃cã Abraham pãrãmerã nitutiarare nʉnigʉ̃da ĩriguere ñeriara niwʉ̃.#Jer 11:17; Hch 2:39; Ef 2:11-12. 18Mʉjã cʉ̃cã tairo tiyoriara nimocãcaperacãrã “ʉ̃sã judío basocasotoapere ñurã ña” ĩ wãcũherimocãña. Merẽ judío basocara Manigʉ̃cã oteriagʉ olivogʉ diamacãrã abiro nirã ñawã. Mʉjãpe tigʉpʉ wiriadʉpʉrira abiro nirã ña. Mʉjãmerã ña cʉ̃jãrẽ tigʉ nʉcõrĩrã abiro nirãrẽ sio tuñerã. Cʉ̃jãpe ñawã tigʉ nʉcõrĩrã abiro ninirã mʉjãrẽ tigʉ dʉpʉrira abiro nirãrẽ tuñerã. 19Tairo tira mʉjãpe tora abiro nirã ninirã buri merẽ “Manigʉ̃ judío basocare ĩcãye ñañari dʉpʉrira abiro nirãrẽ patacõãgʉ̃rã abiro tisiayi ʉ̃sãpere judío basoca niherapere apegʉ dʉpʉri maquẽpʉra abiro nirãrẽ tigʉpʉ netu wirora abiro tiremenape cʉ̃yara nirã eañerõcã tigʉ” ĩ wãcũherimocãña. 20Tairora ña nirõpʉa. Buri cʉ̃jã Jesucristore wedewõherinirã wadora Manigʉ̃rẽ cõãyora nirã eariara niwã. Buri tamʉ mʉjãpe Jesucristore wedewõrẽ cʉora eanirã wadora cʉ̃yarara abiro nirã eariara ña. Tairo tira mʉjã “ʉ̃sã judío basocasotoapere ñurã nirã ña” ĩ wãcũherimocãña. Buripe tora abiro ĩherara Manigʉ̃rẽ ñurõ cuwiopesaremena wedewõña.#Jer 11:17; Ro 11:17; 12:16; 2Co 1:24; Ef 2:11-12. 21Cʉ̃jã judío basocajoromañurẽ olivogʉ diamacã maquẽ dʉpʉrira abiro nirã nisocoriaramañurẽ cʉ̃jãcã cʉ̃rẽ wedewõheriñerõcã ĩñagʉ̃ cʉ̃jãrẽ cõãmocãrigʉ niwĩ. Tairora mʉjãcãrẽ cʉ̃jãsirope cʉ̃yara nirã eariaracãrẽ mʉjãcã cʉ̃rẽ wedewõheriñerõcã ĩñagʉ̃ mʉjãrẽ cõãmocãgʉagawi. 22Mʉjã anorã abiro Manigʉ̃cã ñucametʉagʉ ninigʉ̃ cʉ̃cã bopacaĩñarẽmena ñurõ tirere ñurõ masĩña. Buri tairora cʉ̃cã queoro tiñerõcã bogʉ nirẽmenarã ñañarẽrẽ tirare cʉ̃cã ñañarõ cametʉañerõcã tigʉ nirẽrẽ ñurõ masĩña. Cʉ̃ merẽ queoro tiñerõcã bogʉ ninigʉ̃rã cʉ̃rẽ wedewõheririarare ñañari dʉpʉrire patacõãgʉ̃rã abiro cõãmocãrigʉ niwĩ. Mʉjãrẽ cʉ̃cã bopacaĩñarẽmenarã ñurõ yawí. Tairo tira mʉjã pitiro manirõ cʉ̃rẽ wedewõrucũmocãña. Mʉjãcã cʉ̃rẽ wedewõduñerõcã ñañari dʉpʉrire cʉ̃cã patacõãriarora abirora mʉjãcãrẽ cõãgʉagawi.#1Co 15:2; Jn 15:2; Heb 3:6. 23Judío basocacã cʉ̃jãcã icãta tʉomasĩrugaheririguere wasoa Jesucristore wedewõrã eañerõcã Manigʉ̃ cʉ̃cã ñañari dʉpʉrire patacõãriguere upatutira tamʉ tigʉjoropʉ netugʉra abiro tigʉagawi cʉ̃jãrẽ cʉ̃yarara nirã eañerõcã tigʉ. Merẽ cʉ̃ Manigʉ̃ wadora cʉ̃ye tutuaremena tiere tairo timasĩwĩ.#2Co 3:16. 24Mʉjã judío basoca niherajoromañurẽ olivo macãrʉ̃cʉ̃ macãgʉ dʉpʉrira abiro nirãpere Manigʉ̃ olivogʉjoropʉ netu cʉ̃yarara abiro nirã eañerõcã tirigʉ niwĩ. Mʉjãjoromañurẽ tairo tiyoriasiro niñerõcã ¡Manigʉ̃ nocãrõ judío basoca docare cʉ̃jãcã olivogʉjoro maquẽ dʉpʉrira niriara niñerõcã upatutira cʉ̃jãyagʉ olivogʉ diamacãpʉra cʉ̃jãrẽ netu cʉ̃yarara abiro nirã eañerõcã timasĩhegʉagari!
Nipetira Israelyabumacãrã cametʉoyoroagawa
25Yara Jesucristore wedewõrã Manigʉ̃ cʉ̃cã borora abirora tiatere sʉgueropʉ masĩñamaniriguere mʉjãrẽ masĩñerõcã bogʉ abiro ĩ wedegʉda: Mʉjãrẽ “ʉ̃sãpere judío basocasotoapere maĩwĩ” ĩñerõcã boheriga. Marĩcʉ̃ pajʉ judío basoca Manigʉ̃yere wedewõrugaheriwa. Pʉ judío basoca nihera Jesúye maquẽrẽ tʉopeti pajʉ cʉ̃rẽ wedewõrãno wedewõrã eariasiropʉ docare judío basocacã wedewõrã earoagawa.#Lc 21:24; Ro 9:18; 1Co 2:7-10; Ef 3:3, 5-6, 9; Ap 7:9. 26Atiecã abiro wañerõcã Manigʉ̃ nipetira Israelyabumacãrãrẽ cametʉogʉagawi Manigʉ̃ye wederucũrẽrẽ ojayoriapũpʉ ĩrõrã abirora. Abiro ĩ:
«Basocare cametʉoacʉ Jerusalén Sión wãmecʉtirimacã macãrãyabumena watigʉ nigʉagawi.
Cʉ̃jãrẽ Jacob pãrãmerã nitutiarare cʉ̃jãcã ñañarẽ tiriguere necõãgʉagawi.
27Cʉ̃jãcã ñañarẽ tiriguere acõboyoñerõcã
yʉcã tosʉgueropʉ ĩriarora abirora queoro waro tiroacu ĩwĩ Manigʉ̃»#Is 59:20-21.
ĩ ojayore ña.#Is 27:9; Jer 31:31-37; Heb 8:8; 10:16.
28Pajʉ judío basoca Jesucristore wedewõrugaherinirã Manigʉ̃menarẽ came ĩñatutiribasocara abiro ñawã. Manigʉ̃ cʉ̃jãrẽ tairo yawí mʉjãpere ñurõ tigʉ Jesucristore wedewõãro ĩgʉ̃. Buri cʉ̃jãrẽ tairo ticapeicã mamarõpʉra cʉ̃jã ñecʉ̃sʉmʉãrẽna beserigʉ ninigʉ̃ cʉ̃jã pãrãmerã nitutiarapʉcãrẽ maĩrucũmocãwĩ.#Dt 7:8; 9:5; 10:15; Ro 5:10; 9:5. 29Merẽ Manigʉ̃ cʉ̃cã judío basocare “nʉnigʉ̃da” ĩriguere nʉniherimocã tiherigawi. Cʉ̃ cʉ̃cã ñurẽ nʉnirẽrẽ icãta pʉtʉanemocã tiheriwi. Tairora cʉ̃cã beseyoriaracãrẽ acõbomocã tiheriwi.#Nm 23:19. 30Marĩcʉ̃ mʉjãcã tosʉgueropʉre Manigʉ̃rẽ cametʉanʉcãrãrã niriara niwʉ̃. Anocawatoapere judío basocacã Manigʉ̃rẽ cametʉanʉcãñerõcãrã Manigʉ̃ mʉjãpere cʉ̃ye bopacaĩñarẽmenarã ñurõ yawí.#Ef 2:2. 31Tairora judío basocacãrẽ waroacu. Marĩcʉoropere cʉ̃jã marĩcʉ̃ Manigʉ̃rẽ cametʉanʉcãwã. Buri siro Manigʉ̃ mʉjãrẽ bopacaĩñariarora abirora cʉ̃jãcãrẽ cʉ̃ye bopacaĩñarẽmenarã ñurõ tigʉagawi. 32Manigʉ̃ nipetira basocare cʉ̃jãcã cametʉanʉcãrã niñerõcã ĩñagʉ̃ cʉ̃jãrẽ biadopo cʉogʉra abiro cʉomocãrigʉ niwĩ. Tairo tigʉ nipetirare ĩcãrõpe wapa cʉora wado ñawã ĩ ĩñarigʉ niwĩ. Siropʉre cʉ̃cã tora abiro tiremena nipetira basocare cʉ̃cã ĩñamaĩrẽrẽ masĩrã earo ĩgʉ̃ tairo tirigʉ niwĩ.#3:9; 9:15; Ga 3:22-23. 33¡Manigʉ̃ nipetirere cʉocõãpetimocãgʉ̃rã ñawĩ! ¡Cʉ̃ye masĩrẽ, cʉ̃cã tʉomasĩrẽ daironocã ti queo cũtiyoya manirẽ paca nicametʉanʉcãrẽrã ña! Icãta ĩcʉ̃norã cʉ̃cã “abiro tigʉda” ĩ wãcũrẽrẽ tʉomasĩbogʉnocã manijomocãwĩ. Tairora cʉ̃cã tirere wedemasĩgʉ̃nocã maniwĩ. Cʉ̃ ĩcʉ̃rã masĩwĩ.#Job 11:7; Sal 36:6; 92:5; Ef 3:8. 34Tie maquẽrẽna Manigʉ̃ye wederucũrẽrẽ ojayoriapũpʉ abiro ĩ ojayoriaro niwʉ̃: «¿Noãno Manigʉ̃cã tʉoiñarẽrẽ masĩrĩ? ¿Noãnope cʉ̃rẽ “mʉcã abirope tiñerõcã ñuboga” ĩ wedemasĩbogari?#Job 36:22-23; Is 40:13-14; 1Co 2:16. 35¿Ĩcʉ̃no Manigʉ̃rẽ apeyeno nʉnimasĩmocã tinigʉ̃ cʉ̃rẽ “cʉ̃cã yʉre nʉniãrigue wapare yʉre cʉ̃rẽ nʉnicamerõ niga” ĩmasĩñerõcã tibogʉno ñarĩ?»#Job 41:11. ĩ ojayoriaro niwʉ̃. 36Queorojoropʉare cʉ̃ wadora atibʉreco maquẽ nipetirere bajuanepetirigʉ niwĩ. Cʉ̃mena wadora nipetirepʉra nirõ eariaro niwʉ̃. Tairo tiro nipetire cʉ̃ye wadora ña. Tairo tira nipetira cʉ̃ Manigʉ̃rẽ “mʉ ñucametʉasu” ĩ ʉseare nʉnirucũmocãrãda. Tairora tirada.#16:27; 1Co 8:6; Col 1:16; Heb 2:10; 13:21.
Currently Selected:
Romanos 11: yui
Highlight
Share
Copy
Want to have your highlights saved across all your devices? Sign up or sign in
© 2026, SIL Global. All rights reserved.
Romanos 11
11
Manigʉ̃cã Israelyabumacãrã ĩcãrãrẽ beserigue
1Marĩcʉorore upatutira sãĩñagʉ̃da tamʉ: Israelyabumacãrãcã cametʉanʉcãrẽ wapa ¿nirõrã Manigʉ̃ cʉ̃yamacã macãrãrẽ cʉ̃basurupera cʉ̃cã ñeriarare boherimocã tinigʉ̃ cʉ̃jãrẽ cõãmocãyuri? ¡Icãta cõãherijomocãrigʉ niwĩ! Yʉra Israelyabumacʉ̃, Abraham pãrãmi nitutiagʉ Benjamínyabumacʉ̃rã nigʉ̃ ya.#1Sa 12:22; Jer 31:37; 2Co 11:22; Flp 3:5. 2Merẽ Manigʉ̃ cʉ̃jã judío basocarena cʉ̃cã atibʉrecore tiatosʉgueropʉra cʉ̃cã ñeriarapʉare cʉ̃yamacã macãrãrã niñerõcã tirigʉ niwĩ; tairo tigʉ marĩcʉorore cʉ̃jãrẽ boherimocã tiheriwi.#1Re 19:10; Sal 94:19; Ro 8:29. ¿Manigʉ̃ye wederucũrẽrẽ ojayoriapũpʉ Elíacã Manigʉ̃rẽ ñubuerepʉre cʉ̃cã Israelyabumacãrãrẽ wedesãrigue maquẽrẽ mʉjã masĩheriri? Abiro ĩrigʉ niwĩ: 3«Yʉ Nirũpʉ̃, Israelyabumacãrã mʉye quetire wedesʉgueribasocare sĩãcõãpetimocãwã; waibʉcʉrare sĩã mʉrẽ soemʉõcopeorecãrẽ mʉtõdujiocopetimocãwã; tairo tigʉ yʉ ĩcʉ̃rã mʉye quetire wedesʉgueribasocʉ catiremena pʉtʉa, buri yʉcãrẽ tairora sĩãcõãrugara yawa»#1Re 19:10, 14. ĩrigʉ niwĩ. 4Manigʉ̃pe cʉ̃rẽ abiro ĩ yʉrigʉ niwĩ: «Mʉ ĩcʉ̃rã niheri. Merẽ yʉcã dicawocũyoariara Baalra abiro baugʉ weyorigʉre ãsʉ̃rʉ̃poperimena eacumuwa cʉ̃rẽ wedewõhera marĩcʉ̃ siete miljoro dʉsawa»#1Re 19:18. ĩ yʉrigʉ niwĩ. 5Tocawatoapʉre cʉ̃cã tiriarora abirora anocawatoapʉcãrẽ judío basoca Manigʉ̃cã nocʉ̃merã cʉ̃cã ĩñamaĩrẽmena ñeyoriara dʉsawa.#2Re 19:4; Ro 9:27. 6Cʉ̃ basocare cʉ̃cã ĩñamaĩrẽmena ñurõ tigʉ ninigʉ̃ cʉ̃jãrẽ beseyi. Cʉ̃jãcã tirecʉtire wapamenape cʉ̃jãrẽ beseheriyi. Tora abiro cʉ̃jãcã tirecʉtiremenape cʉ̃cã cʉ̃jãrẽ beseriasiropere cʉ̃cã ĩñamaĩrẽmena ñurõ tire wapamanirẽ nimocãboga.#4:4. 7¿Topʉare marĩ atiere daironope ĩbogari? Israelyabumacãrã cʉ̃jãcã tirecʉtiremenape Manigʉ̃rẽ “mʉjã ñurã wapa cʉoherara abiro nirã ea” ĩrẽrẽ cʉ̃jãcã amarẽrẽ icãta bʉaheririara niwã. Ãpẽrãpe Manigʉ̃cã ñeyoriarape tiere bʉariara niwã. Ãpẽrãpere icãta cʉ̃rẽ wedewõquetaturugahera niñerõcã Manigʉ̃ cʉ̃jãrẽ sotoa cʉ̃jãye yeripũnarĩpʉre wedewõquetatuherijomocãrã wañerõcã tiyugʉ#9:18, 31. 8Manigʉ̃ye wederucũrẽrẽ ojayoriapũpʉ ĩrõrã abirora. Abiro ĩ:
«Manigʉ̃ cʉ̃jãye yeripũnarĩpʉre tʉomasĩhera wañerõcã tirigʉ niwĩ.
Cʉ̃jãrẽ caperi ĩñaherara abiro, camuperi tʉoherara abiro wañerõcã tirigʉ niwĩ.
Pʉ marĩcʉoropʉcãrẽ tairora nirucũmocãwã»#Dt 29:4; Is 29:10; Mt 13:13-14.
ĩrẽ ña.
9Nirũpʉ̃ David ojariguecã yʉre atie maquẽrẽna wãcũñerõcã ya. Abiro ojarigʉ niwĩ:
«Israelyabumacãrãrẽ cʉ̃jãcã boseyaribosebʉricorimenarẽ
ñañarẽrẽ ticũmuñerõcã tiya cũmucũriaropʉre tamurãrã abiro.
Cʉ̃jãcã tora abiro tiremena cʉ̃jãrẽ
mʉcã ñañarõ tiyoanarã nirã eañerõcã.
10Cʉ̃jãrẽ tʉomasĩhera, caperi ĩñaherara abiro wañerõcã tiya.
Bʉrecoricãrõ nʉcʉ̃rẽrẽ ũmanirã
sõcʉ̃ pũniyorara abiro ñañarõ cametʉañerõcã tiya»#Sal 69:22-23.
ĩrigʉ niwĩ David Manigʉ̃rẽ.
Manigʉ̃cã judío basoca niherare cametʉore
11Tairora abiro ĩ sãĩñagʉ̃da tamʉ: ¿Judío basocacã Jesucristore wedewõheriñerõcã Manigʉ̃ cʉ̃jãrẽ boheri tinigʉ̃ cõãdiocomocãyuri? ¡Cʉ̃jãrẽ icãta cõãpetiheririgʉ niwĩ! Buripe judío basocacã cʉ̃rẽ cametʉanʉcãrẽmenape judío basoca niherapere cametʉogʉdagʉ tairo tirigʉ niwĩ. Tairo tirigʉ niwĩ cʉ̃cã cʉ̃jãrẽ ñurõ tirere judío basocapere tiere ĩña “ʉ̃sãcãrẽ tairora tiroboga” ĩ ĩñacũãrõ ĩgʉ̃. 12Judío basocacã Jesucristore wedewõheriñerõcã ãpẽrã atibʉreco macãrãpere ñurõ wariaro niwʉ̃. Cʉ̃jã judío basoca Manigʉ̃cã “yʉpũnarẽ paje ñurẽrẽ nʉnigʉ̃da” ĩriguere ñeheririara niwã. Judío basoca niherape ñeriara niwã. Buri topʉare Manigʉ̃cã nipetira judío basocare “mʉjã yʉpũnarã ña” cʉ̃cã ĩriwatoa eañerõcãrẽ ¡nipetira atibʉreco macãrãrẽ nocãrõ ñucametʉaro waroagari!#11:25. 13Marĩcʉoropere mʉjãrẽ judío basoca niherapere wedegʉda. Jesucristo yʉre mʉjãrẽ judío basoca niherarena cʉ̃ye quetire wededotigʉ cũwĩ. Yʉmenarẽ yʉcã tairo wedere wapapacare nirõ ya. Burijoro yʉcã wederemerã nirõ ya.#Hch 9:15; Ro 15:16. 14Yʉcã cʉ̃ye quetire mʉjãrẽ wederemena ĩcãrã yara judío basocare mʉjãmenarẽ dowe tʉoiñañerõcã tiruga Manigʉ̃cã mʉjãrẽ ñurõ tirere ĩñanirã cʉ̃jãcãrẽ Jesucristore wedewõrã eañerõcã tirugagʉ. Cʉ̃jãcãrẽ cʉ̃jãcã tora abiro cʉ̃rẽ wedewõrã earemenarã Manigʉ̃rẽ cametʉoyorara nirã earo ĩgʉ.#10:19; 1Co 9:22. 15Merẽ Manigʉ̃cã judío basocacã Jesucristore wedewõheriñerõcã cʉ̃jãrẽ cʉ̃cã boyoya manirã nirã eañerõcã tiremenape ãpẽrã atibʉreco macãrãpere cʉ̃jãcã Jesucristore wedewõrẽ cʉora earemenarã Manigʉ̃rẽ boyora nirã eañerõcã tiriaro niwʉ̃. Topʉare tiemenamañurẽ tairo wariasiro niñerõcã ¿dairo waroagari Manigʉ̃cã judío basocare cʉ̃jãcã Jesucristore wedewõrã earemena cʉ̃jãrẽ “mʉjã yarara ña” ĩriwatoa eañerõcãpere? ¡Cõwõãriarapʉra abiro nimoãriara Manigʉ̃mena catirere cʉora earoagawa!#Lc 15:24-32. 16Atiera abiro bi. Pan nisocoritire Manigʉ̃rẽ nʉniñerõcã ti pantire tiariabʉrʉa nipetiribʉrʉapʉra Manigʉ̃rẽ nʉniyoariabʉrʉara abiro pʉtʉaro ya. Tairora yucʉgʉ nʉcõrĩpʉra Manigʉ̃ye nirõ tigʉ dʉpʉri nipetirepʉcã Manigʉ̃ye wadora nirõ ya.#11:16 Ano abiro ĩrugaro ya: Judío basoca ñecʉ̃sʉmʉã Abraham, Isaac, Jacob tigʉ nʉcõrĩrã abiro Manigʉ̃yara ñawã. Cʉ̃jã pãrãmerã nitutiarape tigʉ dʉpʉrira abiro ninirã Manigʉ̃yara ñawã ĩrõ ya (Lv 23:10; Nm 15:18-19). 17Olivogʉ diamacãrã abiro nirã judío basocara ñawã. Cʉ̃jãcã tairo nirã nicapetacãrã Manigʉ̃ tigʉ maquẽ ĩcã dʉpʉrire patacõãrõrã abiro ĩcãrãrẽ cõãrigʉ niwĩ. Siro mʉjã judío basoca niherarena tidʉpʉricã niriarore macãrʉ̃cʉ̃ macãgʉ olivogʉ dʉpʉripere olivogʉjoropʉ netu tigʉpʉ wiridʉpʉrira abiro wañerõcã tirigʉ niwĩ. Tora abiro tinigʉ̃ mʉjã judío basoca niherare cʉ̃yarara nirã eañerõcã tirigʉ niwĩ. Tairo tira mʉjã judío basoca nihericaperacãrã Manigʉ̃cã Abraham pãrãmerã nitutiarare nʉnigʉ̃da ĩriguere ñeriara niwʉ̃.#Jer 11:17; Hch 2:39; Ef 2:11-12. 18Mʉjã cʉ̃cã tairo tiyoriara nimocãcaperacãrã “ʉ̃sã judío basocasotoapere ñurã ña” ĩ wãcũherimocãña. Merẽ judío basocara Manigʉ̃cã oteriagʉ olivogʉ diamacãrã abiro nirã ñawã. Mʉjãpe tigʉpʉ wiriadʉpʉrira abiro nirã ña. Mʉjãmerã ña cʉ̃jãrẽ tigʉ nʉcõrĩrã abiro nirãrẽ sio tuñerã. Cʉ̃jãpe ñawã tigʉ nʉcõrĩrã abiro ninirã mʉjãrẽ tigʉ dʉpʉrira abiro nirãrẽ tuñerã. 19Tairo tira mʉjãpe tora abiro nirã ninirã buri merẽ “Manigʉ̃ judío basocare ĩcãye ñañari dʉpʉrira abiro nirãrẽ patacõãgʉ̃rã abiro tisiayi ʉ̃sãpere judío basoca niherapere apegʉ dʉpʉri maquẽpʉra abiro nirãrẽ tigʉpʉ netu wirora abiro tiremenape cʉ̃yara nirã eañerõcã tigʉ” ĩ wãcũherimocãña. 20Tairora ña nirõpʉa. Buri cʉ̃jã Jesucristore wedewõherinirã wadora Manigʉ̃rẽ cõãyora nirã eariara niwã. Buri tamʉ mʉjãpe Jesucristore wedewõrẽ cʉora eanirã wadora cʉ̃yarara abiro nirã eariara ña. Tairo tira mʉjã “ʉ̃sã judío basocasotoapere ñurã nirã ña” ĩ wãcũherimocãña. Buripe tora abiro ĩherara Manigʉ̃rẽ ñurõ cuwiopesaremena wedewõña.#Jer 11:17; Ro 11:17; 12:16; 2Co 1:24; Ef 2:11-12. 21Cʉ̃jã judío basocajoromañurẽ olivogʉ diamacã maquẽ dʉpʉrira abiro nirã nisocoriaramañurẽ cʉ̃jãcã cʉ̃rẽ wedewõheriñerõcã ĩñagʉ̃ cʉ̃jãrẽ cõãmocãrigʉ niwĩ. Tairora mʉjãcãrẽ cʉ̃jãsirope cʉ̃yara nirã eariaracãrẽ mʉjãcã cʉ̃rẽ wedewõheriñerõcã ĩñagʉ̃ mʉjãrẽ cõãmocãgʉagawi. 22Mʉjã anorã abiro Manigʉ̃cã ñucametʉagʉ ninigʉ̃ cʉ̃cã bopacaĩñarẽmena ñurõ tirere ñurõ masĩña. Buri tairora cʉ̃cã queoro tiñerõcã bogʉ nirẽmenarã ñañarẽrẽ tirare cʉ̃cã ñañarõ cametʉañerõcã tigʉ nirẽrẽ ñurõ masĩña. Cʉ̃ merẽ queoro tiñerõcã bogʉ ninigʉ̃rã cʉ̃rẽ wedewõheririarare ñañari dʉpʉrire patacõãgʉ̃rã abiro cõãmocãrigʉ niwĩ. Mʉjãrẽ cʉ̃cã bopacaĩñarẽmenarã ñurõ yawí. Tairo tira mʉjã pitiro manirõ cʉ̃rẽ wedewõrucũmocãña. Mʉjãcã cʉ̃rẽ wedewõduñerõcã ñañari dʉpʉrire cʉ̃cã patacõãriarora abirora mʉjãcãrẽ cõãgʉagawi.#1Co 15:2; Jn 15:2; Heb 3:6. 23Judío basocacã cʉ̃jãcã icãta tʉomasĩrugaheririguere wasoa Jesucristore wedewõrã eañerõcã Manigʉ̃ cʉ̃cã ñañari dʉpʉrire patacõãriguere upatutira tamʉ tigʉjoropʉ netugʉra abiro tigʉagawi cʉ̃jãrẽ cʉ̃yarara nirã eañerõcã tigʉ. Merẽ cʉ̃ Manigʉ̃ wadora cʉ̃ye tutuaremena tiere tairo timasĩwĩ.#2Co 3:16. 24Mʉjã judío basoca niherajoromañurẽ olivo macãrʉ̃cʉ̃ macãgʉ dʉpʉrira abiro nirãpere Manigʉ̃ olivogʉjoropʉ netu cʉ̃yarara abiro nirã eañerõcã tirigʉ niwĩ. Mʉjãjoromañurẽ tairo tiyoriasiro niñerõcã ¡Manigʉ̃ nocãrõ judío basoca docare cʉ̃jãcã olivogʉjoro maquẽ dʉpʉrira niriara niñerõcã upatutira cʉ̃jãyagʉ olivogʉ diamacãpʉra cʉ̃jãrẽ netu cʉ̃yarara abiro nirã eañerõcã timasĩhegʉagari!
Nipetira Israelyabumacãrã cametʉoyoroagawa
25Yara Jesucristore wedewõrã Manigʉ̃ cʉ̃cã borora abirora tiatere sʉgueropʉ masĩñamaniriguere mʉjãrẽ masĩñerõcã bogʉ abiro ĩ wedegʉda: Mʉjãrẽ “ʉ̃sãpere judío basocasotoapere maĩwĩ” ĩñerõcã boheriga. Marĩcʉ̃ pajʉ judío basoca Manigʉ̃yere wedewõrugaheriwa. Pʉ judío basoca nihera Jesúye maquẽrẽ tʉopeti pajʉ cʉ̃rẽ wedewõrãno wedewõrã eariasiropʉ docare judío basocacã wedewõrã earoagawa.#Lc 21:24; Ro 9:18; 1Co 2:7-10; Ef 3:3, 5-6, 9; Ap 7:9. 26Atiecã abiro wañerõcã Manigʉ̃ nipetira Israelyabumacãrãrẽ cametʉogʉagawi Manigʉ̃ye wederucũrẽrẽ ojayoriapũpʉ ĩrõrã abirora. Abiro ĩ:
«Basocare cametʉoacʉ Jerusalén Sión wãmecʉtirimacã macãrãyabumena watigʉ nigʉagawi.
Cʉ̃jãrẽ Jacob pãrãmerã nitutiarare cʉ̃jãcã ñañarẽ tiriguere necõãgʉagawi.
27Cʉ̃jãcã ñañarẽ tiriguere acõboyoñerõcã
yʉcã tosʉgueropʉ ĩriarora abirora queoro waro tiroacu ĩwĩ Manigʉ̃»#Is 59:20-21.
ĩ ojayore ña.#Is 27:9; Jer 31:31-37; Heb 8:8; 10:16.
28Pajʉ judío basoca Jesucristore wedewõrugaherinirã Manigʉ̃menarẽ came ĩñatutiribasocara abiro ñawã. Manigʉ̃ cʉ̃jãrẽ tairo yawí mʉjãpere ñurõ tigʉ Jesucristore wedewõãro ĩgʉ̃. Buri cʉ̃jãrẽ tairo ticapeicã mamarõpʉra cʉ̃jã ñecʉ̃sʉmʉãrẽna beserigʉ ninigʉ̃ cʉ̃jã pãrãmerã nitutiarapʉcãrẽ maĩrucũmocãwĩ.#Dt 7:8; 9:5; 10:15; Ro 5:10; 9:5. 29Merẽ Manigʉ̃ cʉ̃cã judío basocare “nʉnigʉ̃da” ĩriguere nʉniherimocã tiherigawi. Cʉ̃ cʉ̃cã ñurẽ nʉnirẽrẽ icãta pʉtʉanemocã tiheriwi. Tairora cʉ̃cã beseyoriaracãrẽ acõbomocã tiheriwi.#Nm 23:19. 30Marĩcʉ̃ mʉjãcã tosʉgueropʉre Manigʉ̃rẽ cametʉanʉcãrãrã niriara niwʉ̃. Anocawatoapere judío basocacã Manigʉ̃rẽ cametʉanʉcãñerõcãrã Manigʉ̃ mʉjãpere cʉ̃ye bopacaĩñarẽmenarã ñurõ yawí.#Ef 2:2. 31Tairora judío basocacãrẽ waroacu. Marĩcʉoropere cʉ̃jã marĩcʉ̃ Manigʉ̃rẽ cametʉanʉcãwã. Buri siro Manigʉ̃ mʉjãrẽ bopacaĩñariarora abirora cʉ̃jãcãrẽ cʉ̃ye bopacaĩñarẽmenarã ñurõ tigʉagawi. 32Manigʉ̃ nipetira basocare cʉ̃jãcã cametʉanʉcãrã niñerõcã ĩñagʉ̃ cʉ̃jãrẽ biadopo cʉogʉra abiro cʉomocãrigʉ niwĩ. Tairo tigʉ nipetirare ĩcãrõpe wapa cʉora wado ñawã ĩ ĩñarigʉ niwĩ. Siropʉre cʉ̃cã tora abiro tiremena nipetira basocare cʉ̃cã ĩñamaĩrẽrẽ masĩrã earo ĩgʉ̃ tairo tirigʉ niwĩ.#3:9; 9:15; Ga 3:22-23. 33¡Manigʉ̃ nipetirere cʉocõãpetimocãgʉ̃rã ñawĩ! ¡Cʉ̃ye masĩrẽ, cʉ̃cã tʉomasĩrẽ daironocã ti queo cũtiyoya manirẽ paca nicametʉanʉcãrẽrã ña! Icãta ĩcʉ̃norã cʉ̃cã “abiro tigʉda” ĩ wãcũrẽrẽ tʉomasĩbogʉnocã manijomocãwĩ. Tairora cʉ̃cã tirere wedemasĩgʉ̃nocã maniwĩ. Cʉ̃ ĩcʉ̃rã masĩwĩ.#Job 11:7; Sal 36:6; 92:5; Ef 3:8. 34Tie maquẽrẽna Manigʉ̃ye wederucũrẽrẽ ojayoriapũpʉ abiro ĩ ojayoriaro niwʉ̃: «¿Noãno Manigʉ̃cã tʉoiñarẽrẽ masĩrĩ? ¿Noãnope cʉ̃rẽ “mʉcã abirope tiñerõcã ñuboga” ĩ wedemasĩbogari?#Job 36:22-23; Is 40:13-14; 1Co 2:16. 35¿Ĩcʉ̃no Manigʉ̃rẽ apeyeno nʉnimasĩmocã tinigʉ̃ cʉ̃rẽ “cʉ̃cã yʉre nʉniãrigue wapare yʉre cʉ̃rẽ nʉnicamerõ niga” ĩmasĩñerõcã tibogʉno ñarĩ?»#Job 41:11. ĩ ojayoriaro niwʉ̃. 36Queorojoropʉare cʉ̃ wadora atibʉreco maquẽ nipetirere bajuanepetirigʉ niwĩ. Cʉ̃mena wadora nipetirepʉra nirõ eariaro niwʉ̃. Tairo tiro nipetire cʉ̃ye wadora ña. Tairo tira nipetira cʉ̃ Manigʉ̃rẽ “mʉ ñucametʉasu” ĩ ʉseare nʉnirucũmocãrãda. Tairora tirada.#16:27; 1Co 8:6; Col 1:16; Heb 2:10; 13:21.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2026, SIL Global. All rights reserved.