Filipenses 4
4
Jesucristomena ʉsearucũmocãdotire
1Tairo tira mʉjã yara yʉcã bʉtoro maĩrã, yʉcã bʉtoro wãcũyora, yʉre ʉseañerõcã tira, yʉcã mʉjãrẽ wededisuarora abirora icãta pitiro manirõ wãcũtutuaremena marĩ Nirũpʉ̃rẽ wedewõrucũmocãña.#1Co 16:13; Flp 1:8, 27; 1Ts 2:19-20. 2Evodia docare, Síntique docare “mʉjãrõmiã marĩ Nirũpʉ̃rẽ wedewõrã nomiã ninirã mʉjãcã came ñurõ wãcũherere pitimocã ñurõ ĩcãrõpe wãcũrẽmena nirẽcʉtiya” ĩ sãĩco.#Flp 2:2. 3Mʉ yʉmenamacʉ̃cãrẽ yʉmena queoro padedegʉcãrẽ tairora “cʉ̃jãrõmiãrẽ ñurõ titamuña” ĩ sãĩco. Yʉcã Clementemena ĩñerõcã yʉre bapuramena Jesucristoye ñurẽ quetire wedeñerõcã cʉ̃jãrõmiãrã ʉ̃sãrẽ ñurõ titamuwã. Merẽ cʉ̃jã cʉ̃jãya wãmerĩrẽ catire petihere cʉoraya wãmerĩrẽ ojatuyoripũpʉ ojatuyoariapʉ ñawã.#Lc 10:20; Ap 3:5; 13:8. 4Mʉjã marĩ Nirũpʉ̃mena ninirã mʉjãrẽ cʉ̃cã ñurõ tirere cʉ̃mena tairo ʉsearucũrẽmena nirucũmocãña. Mʉjãrẽ cotoarora ĩ ¡Cʉ̃mena tairo ʉsearucũmocãña!#Ro 12:12; Flp 1:4; 2:18; 3:1. 5Nipetira basoca o ãpẽrã Jesúre wedewõrãpʉra mʉjãcã basoca ñurã nirẽrẽ, mʉjãcã ñurẽ ʉseare yeripũnarĩ cʉorere masĩãro. Mʉjã acõboherimocãña; merẽ Nirũpʉ̃cã upatuti watiato pẽrõgã dʉsa.#Heb 10:37; Stg 5:8-9; 1Jn 2:18; Ap 22:7, 12, 20. 6Mʉjã noborenogãmenarã wãcũpasʉtirecʉti niherimocãña. Buripe nipetire nobore mʉjãrẽ warenorẽ Manigʉ̃rẽ wede cʉ̃rẽ titamurẽ sãĩña. Mʉjã tora abiro ñubue sãĩrã acõboherara cʉ̃rẽ “mʉ ñucametʉasu” ĩ ʉseare nʉniña.#Mt 6:25; Lc 12:22; Ro 12:12; Ef 6:18; Col 4:2; 1Ts 5:17-18; 1Pe 5:7. 7Mʉjãcã tairo tiñerõcãrã Manigʉ̃ mʉjãrẽ wisiore birenowatoare cuiro manirõ Jesucristoye yerisãrẽmena tʉoiñatutuara nirẽcʉtiñerõcã tigʉagawi. Tie cʉ̃cã mʉjãrẽ yerisãrẽmena ñurõ nirẽcʉtiñerõcã tire basocacã tʉomasĩrã eahere ña; buri tie Jesucristoyara nirãpere cʉ̃jãya yeripũnarĩrẽ ñurõ queno, nobore birenowatoare Manigʉ̃cã marĩrẽ tʉomasĩcũtiyamanirĩwãmepe wãcũ patacãrẽ manirõ, cuiro manirõ ñurõ yerisãrẽmena nirẽcʉtiñerõcã tire ña.#Is 26:3; Jn 14:27; Ro 5:1; Col 3:15; 1Pe 1:5.
Ñurẽpe wadore wãcũdotire
8Yara yʉ mʉjãrẽ atiere wedetʉocogʉda. Mʉjã nipetire diamacã maquẽ nirẽrẽ, Manigʉ̃yere cuwiopesaremena ĩñarẽrẽ, diamacã maquẽ tirere, ñurẽrẽ, Manigʉ̃cã “ñurẽ ña” ĩ ĩñarẽrẽ, cʉ̃cã ĩñacorore queoro tirere, cʉ̃rẽ “mʉcã tire ñucametʉare ña” ĩ ʉseare nʉnirẽrẽ wãcũña. Atie nipetirere tiepe wadore wãcũña tiere tiradara.#1Ts 5:22; 1Pe 2:12. 9Mʉjãmena nigʉ̃pʉ yʉcã mʉjãrẽ bueriarora abirora, yʉcã mʉjãrẽ wederiarora abirora, yʉcã tirere mʉjãcã ĩñariarora abirora tiere tairo tirucũmocãña. Mʉjãcã tora abiro tiñerõcã Manigʉ̃ cʉ̃ye yerisãrẽmena niñerõcã tigʉ mʉjãrẽ cʉ̃ye yerisãrẽmena nirucũñerõcã tinigʉ̃ mʉjãmena tairo nirucũmocãgʉagawi.#Ro 15:33; Flp 3:17.
Filipo macãrãcã Pablore titamurigue
10Mʉjãcã yʉre yoariasiropʉ upatuti wãcũco titamuãriguemena yʉ bʉtoro marĩ Nirũpʉ̃rẽ “ñucametʉasu” ĩ ʉseare nʉni. Buri tora abiro ĩgʉ̃ cʉ̃jã yʉre acõboasura tigatiwa ĩgʉ̃merã ya; buripe yʉre wãcũrucũcaperacãrã daironope tinirã yʉre titamurẽ ticomasĩherigatiyu ĩgʉ̃ ya. 11Apewatoa yʉcã borere dʉsayogʉ nicapeicã mʉjãrẽ anorã abiro ĩgʉ̃ “tie yʉre dʉsa” ĩ patacãgʉ̃merã ya. Merẽ yʉ yʉcã cʉorenomenarã ʉsearipogʉpʉ nigʉ̃ ya.#1Tm 6:6. 12Apeyeno cʉohegʉra nirĩwatoanocãrẽ, paje cʉoremena nirĩwatoanocãrẽ yʉ ñurõ masĩgʉ̃pʉ nigʉ̃ ya. Tairora nonirẽ yʉre birenomenacãrẽ yʉ biripogʉpʉ nigʉ̃ ya; ʉamena nigʉ̃nocã, ñurõ yapigʉnocã o paje cʉoremenacãrẽ, cʉoherijoremenacãrẽ ʉsearemena nimasĩgʉ̃pʉ nigʉ̃ ya.#1Co 4:11; 2Co 11:9. 13Yʉ Jesucristomena yʉre tutuare nʉnigʉ̃menarã atie nipetire nonirẽ warenorẽ apõtĩõmasĩ.#Jn 15:5; 2Co 12:9. 14Buri tairo nicapetacã yʉre dairo timasĩña manirĩwatoa mʉjã yʉre titamurẽ ticora ñurõ tira tiriara niwʉ̃.#Flp 1:7. 15Mʉjã yʉcã masĩrõrã abirora atiere ñurõ masĩga. Mamarõpʉre yʉcã mʉjãya dita Macedonia ditamena ñurẽ Jesúye quetire wedesocogʉ wariwatoare mʉjãrã Filipo macãrã Jesúre wedewõrĩbumacãrã wadora yʉre titamuwʉ̃. Ãpẽrã Jesúre wedewõrĩbumacãrãpe cʉ̃jãcã ñurẽ quetire ñerẽ wapa yʉre titamurẽ ticoheririara niwã.#2Co 11:8-9. 16Mʉjãrã yʉre yʉcã Tesalónicapʉ nirĩwatoacãrẽ yʉcã apeyenorẽ boriwatoare tiere cʉoaro ĩrã ĩcãrĩmerã yʉre titamurẽ ticoriara niwʉ̃.#Hch 17:1-9; 2Co 8:1-5; 1Ts 2:9. 17Yʉ mʉjãrẽ tora abiro ĩgʉ̃ yʉre titamurẽ ticorucũrẽ wadore bogʉmerã ya. Manigʉ̃cã ĩñacorore ãpẽrãrẽ mʉjãcã titamurẽmenape sotoa cʉ̃ye ñurẽpere cʉoaro ĩgʉ̃ ya. Mʉjãcã tora abiro titamuñerõcã Manigʉ̃ mʉjãrẽ ñurõ titamugʉagawi.#Tit 3:14. 18Nipetire mʉjãcã yʉre ticoriguere yʉ ñepetiwʉ. Tairo tigʉ yʉcã borere cʉopetimocã. Buri mʉjãcã apeye Epafroditomena ticoariguemenape ñeno dʉsaro manirõ sotoa pairo cʉocametʉanʉcã. Tie mʉjãcã yʉre ticorigue Manigʉ̃rẽ nʉnirẽrã abiro ña. Cʉ̃cã ĩñacoropʉre sʉtiañurẽ busemʉõcoyorera abiro cʉ̃cã peñarẽ ña.#2:25; Ro 12:1; Ef 5:2; Heb 13:15-16; 1Pe 2:5. 19Tairo tigʉ ya Manigʉ̃ yʉcã padedebosagʉ icãta ñeno dʉsaro manirõ mʉjãrẽ nipetirere nʉnigʉagawi mʉjãcã Jesucristoyara niñerõcã. Tairo tigʉagawi cʉ̃cã cʉorere cʉ̃ye paca ñucametʉanʉcãrẽrẽ mʉjãrẽ cʉoaro ĩgʉ̃.#Sal 23:1; 2Co 9:8; Ef 1:7-8. 20Manigʉ̃ marĩ Pacʉre ʉmʉãwesepʉ nigʉ̃rẽ bʉrecoricãrõ “mʉ ñucametʉagʉ ña” ĩ ʉseare nʉnirucũmocãrãda. Tairora tirada.#Ro 11:36; Ga 1:4-5.
Pablocã uitʉocorigue
21Yʉ, nipetira marĩyara Jesucristore wedewõrã Manigʉ̃yamacã macãrãrẽ ñañarẽ cʉoherare ñudotico. Tairora marĩyara yʉmena nirãcã mʉjãrẽ ñudoticowa. 22Ĩñerõcã nipetira anomacãrã Manigʉ̃yaracã mʉjãrẽ ñudoticowa; bʉtorojoropʉare Roma macãrãya nirũpʉ̃ nirĩwire padedecoteribasoca Manigʉ̃yaracã mʉjãrẽ bʉtoro ñudoticowa. 23Marĩ Nirũpʉ̃ Jesucristo mʉjã nipetirare cʉ̃cã ĩñamaĩrẽmena mʉjãrẽ ñurõ titamurucũmocãro.
Tocãrõrã ña.
Pablo.
Currently Selected:
Filipenses 4: yui
Highlight
Share
Copy
Want to have your highlights saved across all your devices? Sign up or sign in
© 2026, SIL Global. All rights reserved.
Filipenses 4
4
Jesucristomena ʉsearucũmocãdotire
1Tairo tira mʉjã yara yʉcã bʉtoro maĩrã, yʉcã bʉtoro wãcũyora, yʉre ʉseañerõcã tira, yʉcã mʉjãrẽ wededisuarora abirora icãta pitiro manirõ wãcũtutuaremena marĩ Nirũpʉ̃rẽ wedewõrucũmocãña.#1Co 16:13; Flp 1:8, 27; 1Ts 2:19-20. 2Evodia docare, Síntique docare “mʉjãrõmiã marĩ Nirũpʉ̃rẽ wedewõrã nomiã ninirã mʉjãcã came ñurõ wãcũherere pitimocã ñurõ ĩcãrõpe wãcũrẽmena nirẽcʉtiya” ĩ sãĩco.#Flp 2:2. 3Mʉ yʉmenamacʉ̃cãrẽ yʉmena queoro padedegʉcãrẽ tairora “cʉ̃jãrõmiãrẽ ñurõ titamuña” ĩ sãĩco. Yʉcã Clementemena ĩñerõcã yʉre bapuramena Jesucristoye ñurẽ quetire wedeñerõcã cʉ̃jãrõmiãrã ʉ̃sãrẽ ñurõ titamuwã. Merẽ cʉ̃jã cʉ̃jãya wãmerĩrẽ catire petihere cʉoraya wãmerĩrẽ ojatuyoripũpʉ ojatuyoariapʉ ñawã.#Lc 10:20; Ap 3:5; 13:8. 4Mʉjã marĩ Nirũpʉ̃mena ninirã mʉjãrẽ cʉ̃cã ñurõ tirere cʉ̃mena tairo ʉsearucũrẽmena nirucũmocãña. Mʉjãrẽ cotoarora ĩ ¡Cʉ̃mena tairo ʉsearucũmocãña!#Ro 12:12; Flp 1:4; 2:18; 3:1. 5Nipetira basoca o ãpẽrã Jesúre wedewõrãpʉra mʉjãcã basoca ñurã nirẽrẽ, mʉjãcã ñurẽ ʉseare yeripũnarĩ cʉorere masĩãro. Mʉjã acõboherimocãña; merẽ Nirũpʉ̃cã upatuti watiato pẽrõgã dʉsa.#Heb 10:37; Stg 5:8-9; 1Jn 2:18; Ap 22:7, 12, 20. 6Mʉjã noborenogãmenarã wãcũpasʉtirecʉti niherimocãña. Buripe nipetire nobore mʉjãrẽ warenorẽ Manigʉ̃rẽ wede cʉ̃rẽ titamurẽ sãĩña. Mʉjã tora abiro ñubue sãĩrã acõboherara cʉ̃rẽ “mʉ ñucametʉasu” ĩ ʉseare nʉniña.#Mt 6:25; Lc 12:22; Ro 12:12; Ef 6:18; Col 4:2; 1Ts 5:17-18; 1Pe 5:7. 7Mʉjãcã tairo tiñerõcãrã Manigʉ̃ mʉjãrẽ wisiore birenowatoare cuiro manirõ Jesucristoye yerisãrẽmena tʉoiñatutuara nirẽcʉtiñerõcã tigʉagawi. Tie cʉ̃cã mʉjãrẽ yerisãrẽmena ñurõ nirẽcʉtiñerõcã tire basocacã tʉomasĩrã eahere ña; buri tie Jesucristoyara nirãpere cʉ̃jãya yeripũnarĩrẽ ñurõ queno, nobore birenowatoare Manigʉ̃cã marĩrẽ tʉomasĩcũtiyamanirĩwãmepe wãcũ patacãrẽ manirõ, cuiro manirõ ñurõ yerisãrẽmena nirẽcʉtiñerõcã tire ña.#Is 26:3; Jn 14:27; Ro 5:1; Col 3:15; 1Pe 1:5.
Ñurẽpe wadore wãcũdotire
8Yara yʉ mʉjãrẽ atiere wedetʉocogʉda. Mʉjã nipetire diamacã maquẽ nirẽrẽ, Manigʉ̃yere cuwiopesaremena ĩñarẽrẽ, diamacã maquẽ tirere, ñurẽrẽ, Manigʉ̃cã “ñurẽ ña” ĩ ĩñarẽrẽ, cʉ̃cã ĩñacorore queoro tirere, cʉ̃rẽ “mʉcã tire ñucametʉare ña” ĩ ʉseare nʉnirẽrẽ wãcũña. Atie nipetirere tiepe wadore wãcũña tiere tiradara.#1Ts 5:22; 1Pe 2:12. 9Mʉjãmena nigʉ̃pʉ yʉcã mʉjãrẽ bueriarora abirora, yʉcã mʉjãrẽ wederiarora abirora, yʉcã tirere mʉjãcã ĩñariarora abirora tiere tairo tirucũmocãña. Mʉjãcã tora abiro tiñerõcã Manigʉ̃ cʉ̃ye yerisãrẽmena niñerõcã tigʉ mʉjãrẽ cʉ̃ye yerisãrẽmena nirucũñerõcã tinigʉ̃ mʉjãmena tairo nirucũmocãgʉagawi.#Ro 15:33; Flp 3:17.
Filipo macãrãcã Pablore titamurigue
10Mʉjãcã yʉre yoariasiropʉ upatuti wãcũco titamuãriguemena yʉ bʉtoro marĩ Nirũpʉ̃rẽ “ñucametʉasu” ĩ ʉseare nʉni. Buri tora abiro ĩgʉ̃ cʉ̃jã yʉre acõboasura tigatiwa ĩgʉ̃merã ya; buripe yʉre wãcũrucũcaperacãrã daironope tinirã yʉre titamurẽ ticomasĩherigatiyu ĩgʉ̃ ya. 11Apewatoa yʉcã borere dʉsayogʉ nicapeicã mʉjãrẽ anorã abiro ĩgʉ̃ “tie yʉre dʉsa” ĩ patacãgʉ̃merã ya. Merẽ yʉ yʉcã cʉorenomenarã ʉsearipogʉpʉ nigʉ̃ ya.#1Tm 6:6. 12Apeyeno cʉohegʉra nirĩwatoanocãrẽ, paje cʉoremena nirĩwatoanocãrẽ yʉ ñurõ masĩgʉ̃pʉ nigʉ̃ ya. Tairora nonirẽ yʉre birenomenacãrẽ yʉ biripogʉpʉ nigʉ̃ ya; ʉamena nigʉ̃nocã, ñurõ yapigʉnocã o paje cʉoremenacãrẽ, cʉoherijoremenacãrẽ ʉsearemena nimasĩgʉ̃pʉ nigʉ̃ ya.#1Co 4:11; 2Co 11:9. 13Yʉ Jesucristomena yʉre tutuare nʉnigʉ̃menarã atie nipetire nonirẽ warenorẽ apõtĩõmasĩ.#Jn 15:5; 2Co 12:9. 14Buri tairo nicapetacã yʉre dairo timasĩña manirĩwatoa mʉjã yʉre titamurẽ ticora ñurõ tira tiriara niwʉ̃.#Flp 1:7. 15Mʉjã yʉcã masĩrõrã abirora atiere ñurõ masĩga. Mamarõpʉre yʉcã mʉjãya dita Macedonia ditamena ñurẽ Jesúye quetire wedesocogʉ wariwatoare mʉjãrã Filipo macãrã Jesúre wedewõrĩbumacãrã wadora yʉre titamuwʉ̃. Ãpẽrã Jesúre wedewõrĩbumacãrãpe cʉ̃jãcã ñurẽ quetire ñerẽ wapa yʉre titamurẽ ticoheririara niwã.#2Co 11:8-9. 16Mʉjãrã yʉre yʉcã Tesalónicapʉ nirĩwatoacãrẽ yʉcã apeyenorẽ boriwatoare tiere cʉoaro ĩrã ĩcãrĩmerã yʉre titamurẽ ticoriara niwʉ̃.#Hch 17:1-9; 2Co 8:1-5; 1Ts 2:9. 17Yʉ mʉjãrẽ tora abiro ĩgʉ̃ yʉre titamurẽ ticorucũrẽ wadore bogʉmerã ya. Manigʉ̃cã ĩñacorore ãpẽrãrẽ mʉjãcã titamurẽmenape sotoa cʉ̃ye ñurẽpere cʉoaro ĩgʉ̃ ya. Mʉjãcã tora abiro titamuñerõcã Manigʉ̃ mʉjãrẽ ñurõ titamugʉagawi.#Tit 3:14. 18Nipetire mʉjãcã yʉre ticoriguere yʉ ñepetiwʉ. Tairo tigʉ yʉcã borere cʉopetimocã. Buri mʉjãcã apeye Epafroditomena ticoariguemenape ñeno dʉsaro manirõ sotoa pairo cʉocametʉanʉcã. Tie mʉjãcã yʉre ticorigue Manigʉ̃rẽ nʉnirẽrã abiro ña. Cʉ̃cã ĩñacoropʉre sʉtiañurẽ busemʉõcoyorera abiro cʉ̃cã peñarẽ ña.#2:25; Ro 12:1; Ef 5:2; Heb 13:15-16; 1Pe 2:5. 19Tairo tigʉ ya Manigʉ̃ yʉcã padedebosagʉ icãta ñeno dʉsaro manirõ mʉjãrẽ nipetirere nʉnigʉagawi mʉjãcã Jesucristoyara niñerõcã. Tairo tigʉagawi cʉ̃cã cʉorere cʉ̃ye paca ñucametʉanʉcãrẽrẽ mʉjãrẽ cʉoaro ĩgʉ̃.#Sal 23:1; 2Co 9:8; Ef 1:7-8. 20Manigʉ̃ marĩ Pacʉre ʉmʉãwesepʉ nigʉ̃rẽ bʉrecoricãrõ “mʉ ñucametʉagʉ ña” ĩ ʉseare nʉnirucũmocãrãda. Tairora tirada.#Ro 11:36; Ga 1:4-5.
Pablocã uitʉocorigue
21Yʉ, nipetira marĩyara Jesucristore wedewõrã Manigʉ̃yamacã macãrãrẽ ñañarẽ cʉoherare ñudotico. Tairora marĩyara yʉmena nirãcã mʉjãrẽ ñudoticowa. 22Ĩñerõcã nipetira anomacãrã Manigʉ̃yaracã mʉjãrẽ ñudoticowa; bʉtorojoropʉare Roma macãrãya nirũpʉ̃ nirĩwire padedecoteribasoca Manigʉ̃yaracã mʉjãrẽ bʉtoro ñudoticowa. 23Marĩ Nirũpʉ̃ Jesucristo mʉjã nipetirare cʉ̃cã ĩñamaĩrẽmena mʉjãrẽ ñurõ titamurucũmocãro.
Tocãrõrã ña.
Pablo.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2026, SIL Global. All rights reserved.