Filipenses 2
2
Jesucristora abiro nidotire
1Cristora mʉjãrẽ cʉ̃yara nirãrẽ wãcũtutuamasĩrẽrẽ nʉniwĩ. Cʉ̃rã mʉjãrẽ ñurĩ yeripũnacʉti ʉseañerõcã yawí. Tairora Espíritu Santocã mʉjãmenarã nirucũmocãwĩ. Cristo mʉjãrẽ ñurõ ĩñamaĩnigʉ̃ bopacaĩñawĩ.#2Co 13:14; Col 3:12. 2Tairo tira yʉre ʉsearemena niñerõcã tiya mʉjãcã tirecʉtiremena yʉcã sãĩrõrã abiro tinirã. Abiro tiya: ĩcãrõmena came ñurõ niña; ĩcãrõmena came maĩrẽmena nirẽcʉtiya; ĩcãrõ wãcũrẽmena ĩñerõcã ĩcãrõpe boremena nirẽcʉtiya.#Jn 3:29; Ro 12:16; Flp 3:16; 4:2; 1Pe 3:8. 3Mʉjã “ãpẽrãsotoape ticametʉanʉcãrãda o ʉ̃sã ãpẽrãsotoa nirã ña” ĩrẽmenape tirecʉtiherimocãña. Buripe “ʉ̃sã buri nirã ña” ĩrẽmena ĩñerõcã mʉjãcãrõrã mʉjãbasurupe tʉoiñaboariaronorã ãpẽrãrẽ “ʉ̃sãsotoa wapacʉtira nirã ñawã” ĩrẽmenape tirecʉtiya.#Ro 12:10; Ga 5:26; 1Pe 5:5. 4Mʉjãye maquẽ niãte wadorena “ʉ̃sãrẽ ñurõ waro” ĩ amaherimocãña. Buripe mʉjãcãrõrã ãpẽrãye maquẽ ñurẽ niãtecãrẽ wãcũbosaya.#Ro 15:1-2. 5Mʉjãrẽ Jesucristocã tiriawãmerã abiro tiro bo. #Mt 11:29. 6Cʉ̃mañu Manigʉ̃rã abiro ĩcãrõpe nimocãcapeicã atibʉrecopʉre watigʉ, cʉ̃ Pacʉre “mʉ ĩcãrõpera nimocãgʉ̃da” ĩheririgʉ niwĩ.#Jn 1:1; 5:18; 2Co 4:4. 7Buripe tora abiro tirono tigʉ cʉ̃cã tora abiro nirẽrẽ pitimocã, marĩrã abiro atiũpʉ̃mena bajuanigʉ̃ ĩcʉ̃ padedecoteribasocʉra abiro sãrigʉ niwĩ.#Jn 1:14; 2Co 8:9; Ga 4:4; 1Tm 3:16; Heb 2:17. 8Tairo tigʉ marĩrã abiro ũpʉ̃cʉtigʉ buri nigʉ̃rã abiro nigʉ̃ ea, cʉ̃ Pacʉre ñurõ yʉnigʉ̃ cõwõãgʉ̃pʉ yʉtʉocorigʉ niwĩ. Basoca cʉ̃rẽ curusapʉ papatu sĩãriara niwã.#Mt 26:39; Jn 10:18; Heb 5:8; Is 53:3-9; Hch 8:32-33; Ro 5:19. 9Cʉ̃cã tairo tiñerõcãrã Manigʉ̃ cʉ̃rẽ upatuti masõmocã nipetirasotoa dotiacʉ sonerigʉ niwĩ. Ĩñerõcã ãpẽrãya wãmerĩsotoape nijomocãrĩwãme ñucametʉariwãme nʉnirigʉ niwĩ.#Hch 2:33, 36; Heb 2:9; 12:2; Is 52:13; Mt 28:18. 10Tairo tirigʉ niwĩ nipetira ʉmʉãwesepʉ nirã, nipetira ditaropʉ nirã ĩñerõcã ditaro docapʉ nirãcã cʉ̃jãya ãsʉ̃rʉ̃poperimena tiwãme cʉogʉ Jesúre cuwiopesaremena cʉ̃ apõtĩõrõ eacumuã,#Ro 14:11; Is 14:23; Ef 1:21; 1Pe 3:22. 11tairora nipetirara “Jesucristo marĩ Nirũpʉ̃ ñawĩ” ĩãtora abiro. Ĩñerõcã “Manigʉ̃ Jesucristo pacʉ ñucametʉasuwi” ĩ cʉ̃rẽ wedewõ basapeoatora abiro.#Jn 13:13; Hch 2:36.
Jesucristore wedewõrã cʉ̃yere tairo tirucũmocãrõ bo
12Tairo tira yara yʉcã maĩrã, yʉcã mʉjã watoapʉ niñerõcãmañurẽ mʉjã Manigʉ̃rẽ ñurõ yʉrucũmocãwʉ̃. Tairo tira tiwãmerã marĩcʉoro docare yʉcã yoaropʉ niñerõcã mʉjã cʉ̃ Manigʉ̃rẽ sotoa ñurõ yʉrucũmocãña. Manigʉ̃rã mʉjãrẽ cametʉorigʉ niwĩ. Tairo tira cuwiopesaremena, ñurõ masĩrẽmena cʉ̃yere tirucũmocãña. #Ef 6:5; Flp 1:5; Ro 1:5; 2Ts 1:8. 13Atiere tairora tigʉagawi ĩrẽmena mʉjã tiya, merẽ cʉ̃ Manigʉ̃rã mʉjãrẽ cʉ̃cã ĩñamaĩrẽmena cʉ̃cã ñurẽrẽ tiñerõcã borere mʉjãrẽ tirugañerõcã yawí. Tora abiro mʉjãrẽ titamuwĩ cʉ̃cã tiñerõcã borere tiaro ĩgʉ̃.#2Co 3:5. 14No mʉjãcã tirecãrõrẽ tira ũrũrũãrẽ manirõmena tairora paje wederiguecʉti cametutiherara tiya.#Ro 14:1; 1Co 10:10. 15Tairo tiya mʉjã basoca ñurã, cʉ̃jã ñañarẽ cʉohera ñañare tiariara ñawã ĩyoyamanirã nirãdara. Tairora mʉjã basoca ñañacametʉara watoare tiheriborenorẽna tirawatoare Manigʉ̃ pũna niña. Mʉjã, mʉjãcã ñurẽ tirecʉtiremena cʉ̃jã ñañarẽrẽ tirecʉtira watoare atibʉrecore ñocõãcã naĩtĩarõrẽ bowebaterora abiro mʉjãcã ñurõ bowebate niña.#Mt 5:14, 16, 45; Ef 5:1, 8. 16Mʉjã ʉsearemena basocare ñurẽ catire petiherere nʉnirẽ quetire wederucũmocãña cʉ̃jãcã tiere tʉomasĩ wedewõãtora abiro. Mʉjãcã tairo tiñerõcã Cristocã upatuti watiribʉreco eañerõcã yʉ mʉjãmena bʉtoro ʉseagʉacu. Tairo tigʉ yʉ “burijoro Filipo macãrãrẽ bueyu” ĩmasĩhericu.#1:6; 2Co 1:14; 1Ts 2:19. 17Basocacã mʉjãrẽ ñañarõ ticapetacã mʉjã Jesucristore wedewõrucũmocãña. Mʉjãcã wedewõrẽ cʉore Manigʉ̃rẽ ñurẽrẽ nʉnirõrã abiro ña. Tairo tiro yʉcã Jesucristoye quetire wedere wapa yʉre sĩãñerõcã ya di Manigʉ̃rẽ ñurẽ nʉnirẽrẽ vinomena piopeoyorera abiro nʉninemosotoapeore nirõãcu.#Ex 29:38-43; Nm 15:5-10. Tairo wañerõcã yʉ ʉseagʉacu. Mʉjãcãrẽ ʉseañerõcã tigʉacu.#Ro 12:1; 15:16; Col 1:24; 2Tm 4:6. 18Tairo tiro mʉjãcãrẽ tiwãmerã yʉmenarã ʉseara nirõ bo.
Timoteo ĩñerõcã Epafrodito
19Marĩ Nirũpʉ̃ Jesúcã boñerõcã nocãrõgãmerã mʉjã cʉtiropʉ Timoteore ticogʉda. Mʉjãrẽ topʉ wãcũtutuañerõcã ti, yʉcãrẽ tairora coepʉtʉajeagʉ mʉjãye quetire wedepʉtʉajearemena yʉre ʉseañerõcã tiaro ĩgʉ̃.#Ro 16:21. 20Ãpĩ Timoteora abiro nigʉ̃ yʉcã wãcũrõrã abiro mʉjãrẽ ñurõ wãcũgʉ̃no maniwĩ; cʉ̃ wadora mʉjãye maquẽrẽ mʉjãrẽ ñurõ wañerõcã bogʉ bʉtoro wãcũrẽcʉtiwi.#1Co 16:10. 21Merẽ nipetirapʉra cʉ̃jãye maquẽ niãte wadore amarã ñawã; Jesucristoye maquẽpere icãta amaheriwa.#1Co 10:24. 22Mʉjã Timoteore cʉ̃cã queoro tigʉ nirẽrẽ masĩsia. Ĩcʉ̃ pacʉmena padedegʉra abiro cʉ̃ yʉre yʉcã Jesucristoye quetire wedeñerõcã yʉre wedetamʉwĩ.#1Co 4:17; 1Tm 1:2; 2Tm 1:2. 23Tairo tigʉ nocãrõmerã yʉre ano biatere masĩrõsiro cʉ̃rẽ mʉjã cʉtiropʉ ticosiroticogʉda. 24Bigʉpʉa marĩ Nirũpʉ̃ yʉre titamuñerõcã nocãrõmerã mʉjãrẽ yʉbasurupera ĩñagʉ̃ wagʉacu ĩ.#Flp 1:25. 25Ĩñerõcã aperore marĩyagʉre mʉjãcã yʉre titamudotira ticoyorigʉ Epafroditore Timoteomena mʉjã cʉtiropʉ ticoro boga ĩ wãcũ. Cʉ̃ yʉre yʉcã Jesucristoye quetire wedeñerõcã wedetamuwĩ ĩñerõcã tairora yʉre “Jesucristoye quetire queorora ña” ĩtamugʉ̃ bʉtoro tutuaromena titamuwĩ.#Flp 4:18. 26Cʉ̃ mʉjãrẽ bʉtoro ĩñarugagʉ wãcũpasʉtiremena ñawĩ. Cʉ̃cã pũniriguecʉtiarigue quetire mʉjãcã tʉoariguere masĩgʉ̃ eanigʉ̃ “cʉ̃jã yʉre wãcũ wãcũpasʉtigawa” ĩ wãcũrẽcʉtiwi. 27Queorora ña. Bʉtoro biwi. Cõwõãbusu cametʉawi. Cʉ̃cã tairo pũniriguecʉticapetacã Manigʉ̃pe cʉ̃rẽ bopacaĩñanigʉ̃ cʉ̃rẽ cametʉañerõcã tiwi. Cʉ̃ wadorena tairo tiheriwi; yʉcãrẽ tairora bopacaĩñawĩ cʉ̃cã cõwõãñerõcã yʉ̃cã mʉnʉãrõ niãriarosotoape wãcũpasʉtiri ĩgʉ̃. 28Tairo tigʉ cʉ̃rẽ patacãrẽmena mʉjã cʉtiropʉ tipʉtʉocogʉda mʉjãcã cʉ̃rẽ ĩña ʉseara niãtora abiro. Ĩñerõcã tairora mʉjãcã cʉ̃rẽ ʉseare quetire tʉogʉ yʉcã wãcũpasʉtihegʉra ʉseatora abiro. 29Cʉ̃cã mʉjã cʉtiropʉ eañerõcã cʉ̃ marĩ Nirũpʉ̃ Jesucristoyagʉre ñurõ ʉsearemena boca ñeña. Tiwãmerã nipetira cʉ̃rã abiro nirãrẽ ñurõ cuwiopesaremena ĩñaña.#1Co 16:18; 1Tm 5:17. 30Epafrodito Jesucristoyere padedemoãrigʉno cʉ̃ye catirere diobusu cametʉawi. Mʉjãcã yʉre titamuboariguere titamunigʉ̃ tairo wawi.
Currently Selected:
Filipenses 2: yui
Highlight
Share
Copy
Want to have your highlights saved across all your devices? Sign up or sign in
© 2026, SIL Global. All rights reserved.
Filipenses 2
2
Jesucristora abiro nidotire
1Cristora mʉjãrẽ cʉ̃yara nirãrẽ wãcũtutuamasĩrẽrẽ nʉniwĩ. Cʉ̃rã mʉjãrẽ ñurĩ yeripũnacʉti ʉseañerõcã yawí. Tairora Espíritu Santocã mʉjãmenarã nirucũmocãwĩ. Cristo mʉjãrẽ ñurõ ĩñamaĩnigʉ̃ bopacaĩñawĩ.#2Co 13:14; Col 3:12. 2Tairo tira yʉre ʉsearemena niñerõcã tiya mʉjãcã tirecʉtiremena yʉcã sãĩrõrã abiro tinirã. Abiro tiya: ĩcãrõmena came ñurõ niña; ĩcãrõmena came maĩrẽmena nirẽcʉtiya; ĩcãrõ wãcũrẽmena ĩñerõcã ĩcãrõpe boremena nirẽcʉtiya.#Jn 3:29; Ro 12:16; Flp 3:16; 4:2; 1Pe 3:8. 3Mʉjã “ãpẽrãsotoape ticametʉanʉcãrãda o ʉ̃sã ãpẽrãsotoa nirã ña” ĩrẽmenape tirecʉtiherimocãña. Buripe “ʉ̃sã buri nirã ña” ĩrẽmena ĩñerõcã mʉjãcãrõrã mʉjãbasurupe tʉoiñaboariaronorã ãpẽrãrẽ “ʉ̃sãsotoa wapacʉtira nirã ñawã” ĩrẽmenape tirecʉtiya.#Ro 12:10; Ga 5:26; 1Pe 5:5. 4Mʉjãye maquẽ niãte wadorena “ʉ̃sãrẽ ñurõ waro” ĩ amaherimocãña. Buripe mʉjãcãrõrã ãpẽrãye maquẽ ñurẽ niãtecãrẽ wãcũbosaya.#Ro 15:1-2. 5Mʉjãrẽ Jesucristocã tiriawãmerã abiro tiro bo. #Mt 11:29. 6Cʉ̃mañu Manigʉ̃rã abiro ĩcãrõpe nimocãcapeicã atibʉrecopʉre watigʉ, cʉ̃ Pacʉre “mʉ ĩcãrõpera nimocãgʉ̃da” ĩheririgʉ niwĩ.#Jn 1:1; 5:18; 2Co 4:4. 7Buripe tora abiro tirono tigʉ cʉ̃cã tora abiro nirẽrẽ pitimocã, marĩrã abiro atiũpʉ̃mena bajuanigʉ̃ ĩcʉ̃ padedecoteribasocʉra abiro sãrigʉ niwĩ.#Jn 1:14; 2Co 8:9; Ga 4:4; 1Tm 3:16; Heb 2:17. 8Tairo tigʉ marĩrã abiro ũpʉ̃cʉtigʉ buri nigʉ̃rã abiro nigʉ̃ ea, cʉ̃ Pacʉre ñurõ yʉnigʉ̃ cõwõãgʉ̃pʉ yʉtʉocorigʉ niwĩ. Basoca cʉ̃rẽ curusapʉ papatu sĩãriara niwã.#Mt 26:39; Jn 10:18; Heb 5:8; Is 53:3-9; Hch 8:32-33; Ro 5:19. 9Cʉ̃cã tairo tiñerõcãrã Manigʉ̃ cʉ̃rẽ upatuti masõmocã nipetirasotoa dotiacʉ sonerigʉ niwĩ. Ĩñerõcã ãpẽrãya wãmerĩsotoape nijomocãrĩwãme ñucametʉariwãme nʉnirigʉ niwĩ.#Hch 2:33, 36; Heb 2:9; 12:2; Is 52:13; Mt 28:18. 10Tairo tirigʉ niwĩ nipetira ʉmʉãwesepʉ nirã, nipetira ditaropʉ nirã ĩñerõcã ditaro docapʉ nirãcã cʉ̃jãya ãsʉ̃rʉ̃poperimena tiwãme cʉogʉ Jesúre cuwiopesaremena cʉ̃ apõtĩõrõ eacumuã,#Ro 14:11; Is 14:23; Ef 1:21; 1Pe 3:22. 11tairora nipetirara “Jesucristo marĩ Nirũpʉ̃ ñawĩ” ĩãtora abiro. Ĩñerõcã “Manigʉ̃ Jesucristo pacʉ ñucametʉasuwi” ĩ cʉ̃rẽ wedewõ basapeoatora abiro.#Jn 13:13; Hch 2:36.
Jesucristore wedewõrã cʉ̃yere tairo tirucũmocãrõ bo
12Tairo tira yara yʉcã maĩrã, yʉcã mʉjã watoapʉ niñerõcãmañurẽ mʉjã Manigʉ̃rẽ ñurõ yʉrucũmocãwʉ̃. Tairo tira tiwãmerã marĩcʉoro docare yʉcã yoaropʉ niñerõcã mʉjã cʉ̃ Manigʉ̃rẽ sotoa ñurõ yʉrucũmocãña. Manigʉ̃rã mʉjãrẽ cametʉorigʉ niwĩ. Tairo tira cuwiopesaremena, ñurõ masĩrẽmena cʉ̃yere tirucũmocãña. #Ef 6:5; Flp 1:5; Ro 1:5; 2Ts 1:8. 13Atiere tairora tigʉagawi ĩrẽmena mʉjã tiya, merẽ cʉ̃ Manigʉ̃rã mʉjãrẽ cʉ̃cã ĩñamaĩrẽmena cʉ̃cã ñurẽrẽ tiñerõcã borere mʉjãrẽ tirugañerõcã yawí. Tora abiro mʉjãrẽ titamuwĩ cʉ̃cã tiñerõcã borere tiaro ĩgʉ̃.#2Co 3:5. 14No mʉjãcã tirecãrõrẽ tira ũrũrũãrẽ manirõmena tairora paje wederiguecʉti cametutiherara tiya.#Ro 14:1; 1Co 10:10. 15Tairo tiya mʉjã basoca ñurã, cʉ̃jã ñañarẽ cʉohera ñañare tiariara ñawã ĩyoyamanirã nirãdara. Tairora mʉjã basoca ñañacametʉara watoare tiheriborenorẽna tirawatoare Manigʉ̃ pũna niña. Mʉjã, mʉjãcã ñurẽ tirecʉtiremena cʉ̃jã ñañarẽrẽ tirecʉtira watoare atibʉrecore ñocõãcã naĩtĩarõrẽ bowebaterora abiro mʉjãcã ñurõ bowebate niña.#Mt 5:14, 16, 45; Ef 5:1, 8. 16Mʉjã ʉsearemena basocare ñurẽ catire petiherere nʉnirẽ quetire wederucũmocãña cʉ̃jãcã tiere tʉomasĩ wedewõãtora abiro. Mʉjãcã tairo tiñerõcã Cristocã upatuti watiribʉreco eañerõcã yʉ mʉjãmena bʉtoro ʉseagʉacu. Tairo tigʉ yʉ “burijoro Filipo macãrãrẽ bueyu” ĩmasĩhericu.#1:6; 2Co 1:14; 1Ts 2:19. 17Basocacã mʉjãrẽ ñañarõ ticapetacã mʉjã Jesucristore wedewõrucũmocãña. Mʉjãcã wedewõrẽ cʉore Manigʉ̃rẽ ñurẽrẽ nʉnirõrã abiro ña. Tairo tiro yʉcã Jesucristoye quetire wedere wapa yʉre sĩãñerõcã ya di Manigʉ̃rẽ ñurẽ nʉnirẽrẽ vinomena piopeoyorera abiro nʉninemosotoapeore nirõãcu.#Ex 29:38-43; Nm 15:5-10. Tairo wañerõcã yʉ ʉseagʉacu. Mʉjãcãrẽ ʉseañerõcã tigʉacu.#Ro 12:1; 15:16; Col 1:24; 2Tm 4:6. 18Tairo tiro mʉjãcãrẽ tiwãmerã yʉmenarã ʉseara nirõ bo.
Timoteo ĩñerõcã Epafrodito
19Marĩ Nirũpʉ̃ Jesúcã boñerõcã nocãrõgãmerã mʉjã cʉtiropʉ Timoteore ticogʉda. Mʉjãrẽ topʉ wãcũtutuañerõcã ti, yʉcãrẽ tairora coepʉtʉajeagʉ mʉjãye quetire wedepʉtʉajearemena yʉre ʉseañerõcã tiaro ĩgʉ̃.#Ro 16:21. 20Ãpĩ Timoteora abiro nigʉ̃ yʉcã wãcũrõrã abiro mʉjãrẽ ñurõ wãcũgʉ̃no maniwĩ; cʉ̃ wadora mʉjãye maquẽrẽ mʉjãrẽ ñurõ wañerõcã bogʉ bʉtoro wãcũrẽcʉtiwi.#1Co 16:10. 21Merẽ nipetirapʉra cʉ̃jãye maquẽ niãte wadore amarã ñawã; Jesucristoye maquẽpere icãta amaheriwa.#1Co 10:24. 22Mʉjã Timoteore cʉ̃cã queoro tigʉ nirẽrẽ masĩsia. Ĩcʉ̃ pacʉmena padedegʉra abiro cʉ̃ yʉre yʉcã Jesucristoye quetire wedeñerõcã yʉre wedetamʉwĩ.#1Co 4:17; 1Tm 1:2; 2Tm 1:2. 23Tairo tigʉ nocãrõmerã yʉre ano biatere masĩrõsiro cʉ̃rẽ mʉjã cʉtiropʉ ticosiroticogʉda. 24Bigʉpʉa marĩ Nirũpʉ̃ yʉre titamuñerõcã nocãrõmerã mʉjãrẽ yʉbasurupera ĩñagʉ̃ wagʉacu ĩ.#Flp 1:25. 25Ĩñerõcã aperore marĩyagʉre mʉjãcã yʉre titamudotira ticoyorigʉ Epafroditore Timoteomena mʉjã cʉtiropʉ ticoro boga ĩ wãcũ. Cʉ̃ yʉre yʉcã Jesucristoye quetire wedeñerõcã wedetamuwĩ ĩñerõcã tairora yʉre “Jesucristoye quetire queorora ña” ĩtamugʉ̃ bʉtoro tutuaromena titamuwĩ.#Flp 4:18. 26Cʉ̃ mʉjãrẽ bʉtoro ĩñarugagʉ wãcũpasʉtiremena ñawĩ. Cʉ̃cã pũniriguecʉtiarigue quetire mʉjãcã tʉoariguere masĩgʉ̃ eanigʉ̃ “cʉ̃jã yʉre wãcũ wãcũpasʉtigawa” ĩ wãcũrẽcʉtiwi. 27Queorora ña. Bʉtoro biwi. Cõwõãbusu cametʉawi. Cʉ̃cã tairo pũniriguecʉticapetacã Manigʉ̃pe cʉ̃rẽ bopacaĩñanigʉ̃ cʉ̃rẽ cametʉañerõcã tiwi. Cʉ̃ wadorena tairo tiheriwi; yʉcãrẽ tairora bopacaĩñawĩ cʉ̃cã cõwõãñerõcã yʉ̃cã mʉnʉãrõ niãriarosotoape wãcũpasʉtiri ĩgʉ̃. 28Tairo tigʉ cʉ̃rẽ patacãrẽmena mʉjã cʉtiropʉ tipʉtʉocogʉda mʉjãcã cʉ̃rẽ ĩña ʉseara niãtora abiro. Ĩñerõcã tairora mʉjãcã cʉ̃rẽ ʉseare quetire tʉogʉ yʉcã wãcũpasʉtihegʉra ʉseatora abiro. 29Cʉ̃cã mʉjã cʉtiropʉ eañerõcã cʉ̃ marĩ Nirũpʉ̃ Jesucristoyagʉre ñurõ ʉsearemena boca ñeña. Tiwãmerã nipetira cʉ̃rã abiro nirãrẽ ñurõ cuwiopesaremena ĩñaña.#1Co 16:18; 1Tm 5:17. 30Epafrodito Jesucristoyere padedemoãrigʉno cʉ̃ye catirere diobusu cametʉawi. Mʉjãcã yʉre titamuboariguere titamunigʉ̃ tairo wawi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2026, SIL Global. All rights reserved.