Gálatas 4
4
Marĩcʉorore marĩ sua dotiepeyoribasoca niheri buripe Manigʉ̃pũnape ña
1Mʉjãrẽ abiro ĩ wedegʉ anorã abiro ĩrugagʉ ya: marĩcʉ̃ macʉ̃ cʉ̃ pacʉ̃cã cʉorere cʉopetiacʉ nicapeicãrã cʉ̃cã wĩmagʉ̃ nirẽye wapamena wadora ĩcʉ̃ nobogʉ cʉ̃ pacʉsʉmʉãya dotiepeyoribasocʉra abiro nimocãgawi; queorojoropʉare nipetirere pacʉcã cʉorere cʉopetiacʉ nimocãcapeicãrã marĩcʉ̃ tiere dotimasĩhegʉ nimocãgawi.#1Co 14:20; Flp 3:15. 2Cʉ̃ ãpẽrãcã dotiro docapʉ nigawi; cʉ̃jãpʉra cʉ̃rẽ cotera ĩñanʉõ cʉ̃rẽ bue tigawa pʉ cʉ̃cã masãtuwajea pacʉcã nipetire cʉ̃yere wiyoatiwatoa eariwatoapʉ, cʉ̃cã tie pacʉyere dotigʉ nigʉ̃ eariwatoapʉ tairo nigʉ̃ eagawi.#Mt 20:8; Lc 8:3. 3Marĩcãrẽ anorã abirora biriaro niwʉ̃; marĩcʉ̃ marĩcã Jesucristore wedewõrã eatosʉgueropʉre. Marĩ ñecʉ̃sʉmʉãcã atibʉreco maquẽ dotire tutuare cʉorecã tidotirere cʉ̃jãcã tiwʉmʉãtiriguere marĩcã tiquetatuanirãrã wĩmagʉ̃cã niriarora abiro ãpẽrãcã dotiro docapʉ nirã eanirã dotiepeyoribasocara abiro niriara niwʉ̃.#Col 2:8, 20; Heb 5:12. 4Buri marĩcã tairo niriasiro nicapetacãrã merẽ Manigʉ̃basurupepʉra tibʉreco niñerõcã tairo tigʉacu ĩ cʉ̃cã queocũrĩabʉreco eariwatoamenarã queorora cʉ̃ macʉ̃rẽ atibʉrecopʉre ticorigʉ niwĩ. Cʉ̃rẽ atibʉrecopʉre ticogʉ ĩcõ nomiõpʉmena bajuañerõcã tirigʉ niwĩ. Manigʉ̃ Macʉ̃ marĩcã tirora abiro bajuagʉ earigʉ ninigʉ̃ judío basoca dotire doca nigʉ̃ earigʉ niwĩ.#Jn 1:1-18; 3:16; Mt 5:17; Ro 1:1-6; Ef 1:10; 1Jn 4:14; Tit 2:11-14. 5Manigʉ̃ cʉ̃ macʉ̃rẽ ticorigʉ niwĩ cʉ̃menarã marĩrẽ Moisére dotire cũrigue dotiro docapʉ nirãrẽ cametʉogʉ eagʉ. Tairo tinigʉ̃ marĩrẽ necʉogʉ earigʉ niwĩ cʉ̃pũnarã nirã eañerõcã tigʉ.#Jn 1:12; Ro 8:15; Ef 1:5, 7. 6Tairo tigʉ Manigʉ̃ marĩcã cʉ̃pũna nirã eañerõcãrã cʉ̃ macʉ̃ Jesucristomenarã Espíritu Santore ticorigʉ niwĩ marĩya yeripũnarĩpʉ marĩmenarã nirucũmocãgʉ̃ earo ĩgʉ̃. Tairo tigʉ cʉ̃ Espíritu Santora marĩpʉre nirucũgʉ̃ earigʉra marĩrẽ marĩcã Manigʉ̃rẽ ñubueñerõcã «Pacʉ» ĩ pisumasĩrã nirã eañerõcã yawí.#Ro 5:5; 8:9, 15; Mt 27:50; Lc 11:2; Mc 14:16; Ef 1:13-14. 7Marĩ Manigʉ̃cã Jesucristomenarã cametʉoyora eariara ninirã ãpẽrãyara dotiepeyoribasocara abiro niheri sua. Buripe Manigʉ̃pũna nirã eara ya. Tairo tira marĩ cʉ̃cã borora abirora cʉ̃pũna nimasĩrã eanirãrã cʉ̃ Manigʉ̃cã Jesucristomenarã “yʉpũna nirãrẽ nipetire ñurẽrẽ nʉnigʉacu” ĩriguere ñemasĩãnarã nirã eara ya.
Pablocã Jesúre wedewõrã Galacia ditapʉ nirãrẽ bʉtoro wãcũrẽcʉtirigue
8Mʉjã tosʉgueropʉre Manigʉ̃rẽ ĩñamasĩhera ninirã ãpẽrãnorẽna cʉ̃jãcã manirã ñawã ĩrãnorẽna wedewõmocãriara niwʉ̃. Queorojoropʉare mʉjã cʉ̃jã manirã niherarena tairo wedewõpãmamocãrã cʉ̃jãcã dotire doca ninirã dotiepeyoribasocara abiro nirã tiriara niwʉ̃. Manigʉ̃joroperena wedewõheririara niwʉ̃.#Ro 1:25; 1Co 8:4-6; 12:2; Ef 2:12; 1Ts 4:4-5. 9Marĩcʉoropere sua mʉjã Manigʉ̃rẽ ñurõ ĩñamasĩrã eariara nirã ya; o ĩheropere Manigʉ̃pe docare mʉjã ñurõ ĩñamasĩyorara nirã eariara nirã ya. ¡Mʉjãcã tora abiro nirã eariasiro nimocãcapetacãrã buri yʉpe mʉjãrẽ tʉomasĩhegʉ cati!
¿Dairo binirã tamʉ mʉjã marĩ ñecʉ̃sʉmʉãcã atibʉreco maquẽ dotirere cʉ̃jãcã tiwʉmʉãtiriguerena tiecã buri nirẽ nicapetacãrã, bopacare tutuare cʉohere nicapetacãrã tiere tipitiriara nimocãcaperacãrã cotoarora tiere tiquetatura eanirã tiere dotiepeyoribasocara abiro nirã earugara yari tamʉ?#1Co 8:3; 13:12; Col 2:20-21. 10Yʉ mʉjãrẽ tʉo. Mʉjã Manigʉ̃cã cametʉoatere wapatarugara judío basocacã bosebʉrecori tirecʉtironorã tirecʉtiayuro. Tiere wapacʉtire bosebʉrecori tʉoiñanirã mʉjã yerisãrĩbʉrecoricãrõ, muĩpʉ̃ã bajuarecãrõ, dairo nirẽ bosebʉrecoricãrõ, cʉmarĩcãrõ bosebʉrecori tipeorecʉtiayuro.#Nm 28:11-15; Is 1:13-14; Ex 12:18; Ro 14:5; Col 2:16. 11Mʉjãcã tora abiro tirecʉtiremena yʉ mʉjãrẽ bʉtoro wãcũrẽcʉtigʉ nigʉ̃ eagʉ ya. Tairo tigʉ tiere wãcũgʉ̃ mʉjã watoapʉre ñurẽ quetire yʉcã wedegʉ eariguere: Cʉ̃jãrẽ yʉ tiere yegʉjorora wedegʉ tiyuri ĩgʉ̃ “tie wapamanirẽ pʉtʉaro tiga ba” ĩ yʉ bʉtoro cui tʉoiñarẽcʉtigʉra nigʉ̃ eagʉ ya.#Ga 2:2; 5:2, 4; 1Ts 3:5. 12Yara yʉ mʉjãrẽ yʉcã tirora abiro tiñerõcã bo. Mʉjã judío basoca niherinirã Moisére dotire cũriguere tiheririara niwʉ̃. Yʉcã judío basocʉ nicapeicãrã mʉjãcã tirora abirora tie dotirere tiheri. Tairo tigʉ yʉcã tirora abirora mʉjãcãrẽ tiere tiheriñerõcãrã bo. Merẽ yʉcã mʉjã cʉtiropʉ Jesucristoye quetire bueñerõcã mʉjã yʉre ñañarõ tira eaheriwʉ.#1Co 9:21-22; 2Co 2:5. 13Mʉjã masĩga. Yʉ diaquĩgʉ̃no mʉjã Galacia macãrã cʉtirore pʉtʉagʉ eawʉ. Tairo tigʉ topʉ ninigʉ̃ mʉjãrẽ Jesucristoye ñurẽ quetire wedesocogʉ eawʉ.#Hch 13:14; 14:23; 16:6; 1Co 2:3; 2Co 12:7; Ga 1:6. 14Ya diaremena mʉjãrẽ yʉcã bʉtoro wisiore biro eañerõcã ticapetacãrã mʉjãpe yʉre “diarepigʉni ñawĩ” ĩnirã domocã, boherimocã tiheriwʉ. Buripe tora abiro tirono tira Manigʉ̃rẽ wedecoteribasocʉre tirara abiro o Jesucristobasurupere tirara abiro yʉre mʉjãyawiseripʉre ñurõ boca ñewʉ̃.#Mt 10:40; Lc 10:16. 15¡Mʉjã tocawatoapʉre ñurõ ʉseara ñurõ wañerõcã tiyora nimiwʉta no! ¿Mʉjãrẽ tie dairo wari sua? ¿Dairo tira mʉjã sua tocawatoapʉre ñurõ ʉsearemena niriarora abiro niheriri? Mʉjãrẽ yʉ queorora wede. Mʉjã yʉre bʉtoro maĩwʉ̃; tairo maĩrã noboremenarã yʉre titamumasĩrã nirã eara timiwʉ̃ o timasĩrẽ niñerõcãnopʉare mʉjãye caperipʉrena odewe yʉre nʉnimasĩãnapʉra nirã timiwʉ̃.#Mc 2:4. 16Mʉjãcã ĩñañerõcã ¿mʉjãrẽ diamacã maquẽ nirẽrẽ yʉcã queoro nirĩwãmerã wederemena wadora yʉ mʉjãmenarẽ came ĩñatutigʉra abiro pʉtʉagʉ eagʉ yari o diamacã maquẽ nirẽrẽ wedeñerõcã tʉorugahera yari quepa?#Am 5:10. 17Cʉ̃jã ĩritoremena bueribasoca mʉjãrẽ judío basocaye dotirere yʉquetatuñerõcã tirugaribasoca marĩcʉorore mʉjãrẽ bʉtoro titamurugarara abiro tira yawa; queorojoropʉare cʉ̃jãcã mʉjãrẽ tora abiro bʉtoro titamurugare ñurĩwãme cʉ̃jãcã tirugaremerã ña. Buripe mʉjãrẽ ʉ̃sãmenarẽ dicawatiñerõcã tirugara yawa. Ĩñerõcã ʉ̃sãcã buerere mʉjãcã tiquetaturere pitiñerõcã tinirã cʉ̃jãcã buerepere tiquetatuñerõcã bora yawa. Tairo tirugara yawa mʉjãrẽ ʉ̃sãpere titamurõno tira cʉ̃jãpere titamumasĩrãrã nirã eañerõcã bora.#Ro 10:2; 2Co 11:2; Ga 1:6-9. 18Ãpẽrãcã mʉjãrẽ ñurõ titamurugañerõcã ñujo; buri ñurõ tirugariwãmemena tiñerõcãpʉare ĩñerõcã toquẽrĩpʉra tairo tirucũmocãñerõcãpʉare. Buri tiere tira yʉcã topʉ mʉjãmena nirĩwatoa wadore tairo tiritoherimocãrõ bo. 19Yʉpũna yʉcã maĩrã yʉ mʉjãrẽ Jesucristore wedewõtutuara eanirã cʉ̃cã nirẽcʉtiriarora abiro nirã eañerõcã bosãgʉ̃ ĩcõ nomiõ cocã wĩmagʉ̃ ñeãtosʉguero bʉtoro pũniyorora abiro yʉcã tamʉ upatuti bʉtoro pũniyogʉra abiro mʉjãrẽ wãcũpasʉtigʉ bʉtoro ñañarõ cametʉagʉ ya. Pʉ mʉjãcã Jesucristore ñurõ wedewõtutua cʉ̃cã nirẽcʉtiriarora abirora nirã eañerõcãpʉra yʉ yerisãgʉ̃ eagʉacu.#Ro 8:29; 1Co 4:15; 2Co 3:18; Ef 4:13; Flp 3:10; 1Jn 2:1. 20Yʉ marĩcʉorora to mʉjã cʉtiropʉ nigʉ̃ earugamiga ano yʉcã wederere mʉjãcã wãcũrĩwãmerẽna apewãmepe mʉjãrẽ ñurõ wedemasĩgʉ̃ eagʉdagʉ. Yʉ yoaropʉ ninigʉ̃ mʉjãmenarẽ dairo timasĩhegʉ cati.
Agarye#4:21 Agar, Abraham nʉmo Saraya padedecoteribasoco niyugo. Marĩcʉ̃ Sara wĩmagʉ̃ bʉamasĩherinigõ Agare Abrahamrẽ wiyoyugo cʉ̃mena apayosa niãtora abiro. Tairo tigo Agar wĩmagʉ̃ Ismael wãmecʉtigʉre cʉoyugo. Buri Ismael Manigʉ̃cã Abrahamrẽ nʉnigʉ̃da ĩyorigʉmerã niyugʉ. Sirope Sara ĩcʉ̃ wĩmagʉ̃ Isaac wãmecʉtigʉre pũnacʉtiyugo. Cʉ̃rã Manigʉ̃cã nʉnigʉda ĩyorigʉ niyugʉ. maquẽ ĩñerõcã Saraye maquẽ
21Mʉjã Moisére dotire cũriguere yʉquetaturugarano tiere tiremenarã Manigʉ̃mena ñurõ pʉtʉara earugara yʉre ĩcãwãme wedeya. Mʉjã tiere bue ticaperacãrã ¿Moisécã Abrahamye maquẽrẽ ojariguere wãcũheriri marĩcʉ̃?#Lc 16:29; Ga 2:16. 22Tie Manigʉ̃ye wederucũrẽrẽ ojayoriapũpʉ abiro ojayorigue ña: “Abraham pʉ̃ãrã pũnacʉtirigʉ niwĩ; ĩcʉ̃rẽ dotiepeyoribasocomena cʉorigʉ niwĩ. Ãpĩpere cʉ̃ nʉmo diamacãmena dotiepeyoribasoco nihegomena cʉorigʉ niwĩ” ĩ.#Gn 16:1-15; 21:2-9. 23Dotiepeyoribasoco macʉ̃ bajuarigʉ cocã ãpẽrã nomiãcã cʉoriwãmerã abiro wĩmagʉ̃ bʉa cʉoyorigʉ niyi. Buri dotiepeyoribasoco nihego macʉ̃pe Manigʉ̃ Abrahamrẽ “mʉnʉmo ĩcʉ̃ wĩmagʉ̃ cʉogoagago” ĩriguecã queoro biro eañerõcãpere co pũnamanigõpʉ nicapeocãrã cocã cʉogʉ earigʉ niyugʉ.#Gn 17:15-21; 18:10-15; Ro 9:7; Heb 11:11. 24Atie abiro birigue pʉawãme wederugaro ya: Ãnijã pʉ̃ãrãrõmiãrã ñawã Manigʉ̃cã basocare pʉãwãmerĩmena “abiro tigʉda” cʉ̃cã ĩpʉtʉariguere eñorã; dotire cũyorigue nirẽrẽ ĩñerõcã Manigʉ̃cã “mʉjãrẽ ñurõ wañerõcã tigʉda” ĩrẽrẽ eñorã. Agar nirigora ñagõ Manigʉ̃cã judío basocare “mʉjãrẽ abiro tigʉda” ĩcũnigʉ̃ Sinaí buropʉ Moisére dotire cũriguera abiro nirẽrẽ eñogõ. Cocã tairo dotiepeyoribasoco niriasiro niñerõcãrã co macʉ̃cã dotiepeyoribasocʉra nigʉ̃ earigʉ niwĩ. Tairo tira Moisécã dotire cũriguere tirano co macʉ̃ niriarora abiro dotiepeyoribasoca ñawã. Dotiepeyoribasocara abiro nirã eara tie dotire docapʉ ñawã.#Dt 33:2; Ro 7:6; Ga 5:1-3. 25Merẽ Agar nirigora Arabia ditapʉ nirĩburo Sinaírã abiro nigõ ñagõ; marĩcʉorore tora Jerusalén macã nirõ ya. Cocã co macʉ̃mena dotiepeyoribasoco niriarora abirora nipetira tomacãrã tie dotirere tirano tie dotire doca nirã eanirã dotiepeyoribasocara abiro nirã eara yawa. 26Buri Sarape Manigʉ̃cã “mʉjãrẽ ñurõ wañerõcã tigʉda” ĩcũriguere mamarẽ eñogõ ñagõ. Tairo tigo cora cocã dotiepeyoribasoco niheririarora abiro Jerusalén ʉmʉãwesepʉ nirĩmacã macãrã Jesucristore wedewõrãrẽ ñeno dotire doca niherare eñogõ ñagõ. Tairo tira marĩ Jesucristore wedewõrã Sara macʉ̃ niriarora abiro nirã ña. Moisécã dotirere tinirã tie docapʉ ninirã dotiepeyoribasocara abiro nirãmerã ña.#Is 2:2; Heb 12:22-23; Ap 3:12; Flp 3:20. 27Merẽ co Saraye maquẽrẽna Manigʉ̃ye wederucũrẽrẽ ojayoriapũpʉ abiro ĩ:
«¡Mʉ ĩcõ nomiõ pũnamanigõ nicapeocãrã ʉseaya!
¡Mʉ ĩcõ nomiõ apeora abiro cocã wĩmagʉ̃ cʉoatosʉguero pũnirõ tʉoiñagõrã abiro tʉoiñañahericapeocãrã ʉseaya!
¡Mʉ ĩcõ nomiõ “pũnamanigõ ñagõ” ĩ cõãyorigope apeo manʉcʉtigo pãrãmerã cʉorosotoape
mʉpe siropʉre mʉpãrãmerãrẽ pajʉ cʉocametʉagoacu!»
ĩ ojayorigue ña.#Is 54:1.
28Yara mʉjã Jesucristore wedewõrã Manigʉ̃cã Abrahamrẽ “mʉrẽ abiro tigʉda” ĩyorigʉ macʉ̃ Isaara abiro nirã ña. Mʉjãrẽ cʉ̃rã abiro nirã ña ĩ; merẽ Manigʉ̃ Abrahamrẽ “mʉrẽ abiro tigʉda” ĩrigue doca bajuariasiro niñerõcãrã mʉpãrãmerã pajʉ nirõãgawa cʉ̃cã ĩriarora abirora marĩpʉcãrẽ Abraham pũnarã abiro wañerõcã yawí.#Hch 3:25; Ro 9:7-8; Ga 3:29. 29Tocawatoapʉre Abrahamcã Agarmena ãpẽrã nomiãcã cʉoriwãmerã abiro wĩmagʉ̃ bʉa cʉoyorigʉ Sara macʉ̃ Isaare Espíritu Santoye tutuaremena bajuarigʉre ñañarõ tirugagʉ quetaturigʉ niwĩ. Anocawatoacãrẽ tiwãmerã bi: Moisére dotire cũriguere tiquetaturibasoca marĩrẽ Jesucristore wedewõrãrẽ ĩñatutira, ñañarõ tirugara quetatuwa.#Gn 21:9; Sal 83:5-6; Hch 13:50; 1Ts 2:14-16. 30Buri merẽ Manigʉ̃ cʉ̃ye wederucũripũpʉ Abrahamrẽ abiro ĩrigʉ niwĩ: «Dotiepeyoribasoco macʉ̃ mʉyere cʉogʉ eacʉ nimasĩheriwi. Mʉnʉmo dotiepeyoribasoco nihego macʉ̃pe doca mʉyemena pʉtʉapetigʉ eamasĩãcʉra ñawĩ. Tairo tigʉ dotiepeyoribasocore co macʉ̃menarã wiocomocãña» ĩyi.#Gn 21:10-12. 31Tairo tira yara marĩcã tairiwãmerã dotiepeyoribasoco pãrãmerã niherinirã dotire doca nirã niheri. Buripe Jesucristore wedewõrã ninirã Sara dotiepeyoribasoco nihego pãrãmerã nitutiarape ña. Sara macʉ̃ cʉ̃ pacʉyere cʉogʉ eamasĩgʉ̃ niriarora abirora marĩcã Manigʉ̃cã cʉ̃pũnarẽ nʉniãtere cʉomasĩrã nirã earoacu.#Ro 4:13-25; Ga 3:7, 9, 29.
Currently Selected:
Gálatas 4: yui
Highlight
Share
Copy
Want to have your highlights saved across all your devices? Sign up or sign in
© 2026, SIL Global. All rights reserved.
Gálatas 4
4
Marĩcʉorore marĩ sua dotiepeyoribasoca niheri buripe Manigʉ̃pũnape ña
1Mʉjãrẽ abiro ĩ wedegʉ anorã abiro ĩrugagʉ ya: marĩcʉ̃ macʉ̃ cʉ̃ pacʉ̃cã cʉorere cʉopetiacʉ nicapeicãrã cʉ̃cã wĩmagʉ̃ nirẽye wapamena wadora ĩcʉ̃ nobogʉ cʉ̃ pacʉsʉmʉãya dotiepeyoribasocʉra abiro nimocãgawi; queorojoropʉare nipetirere pacʉcã cʉorere cʉopetiacʉ nimocãcapeicãrã marĩcʉ̃ tiere dotimasĩhegʉ nimocãgawi.#1Co 14:20; Flp 3:15. 2Cʉ̃ ãpẽrãcã dotiro docapʉ nigawi; cʉ̃jãpʉra cʉ̃rẽ cotera ĩñanʉõ cʉ̃rẽ bue tigawa pʉ cʉ̃cã masãtuwajea pacʉcã nipetire cʉ̃yere wiyoatiwatoa eariwatoapʉ, cʉ̃cã tie pacʉyere dotigʉ nigʉ̃ eariwatoapʉ tairo nigʉ̃ eagawi.#Mt 20:8; Lc 8:3. 3Marĩcãrẽ anorã abirora biriaro niwʉ̃; marĩcʉ̃ marĩcã Jesucristore wedewõrã eatosʉgueropʉre. Marĩ ñecʉ̃sʉmʉãcã atibʉreco maquẽ dotire tutuare cʉorecã tidotirere cʉ̃jãcã tiwʉmʉãtiriguere marĩcã tiquetatuanirãrã wĩmagʉ̃cã niriarora abiro ãpẽrãcã dotiro docapʉ nirã eanirã dotiepeyoribasocara abiro niriara niwʉ̃.#Col 2:8, 20; Heb 5:12. 4Buri marĩcã tairo niriasiro nicapetacãrã merẽ Manigʉ̃basurupepʉra tibʉreco niñerõcã tairo tigʉacu ĩ cʉ̃cã queocũrĩabʉreco eariwatoamenarã queorora cʉ̃ macʉ̃rẽ atibʉrecopʉre ticorigʉ niwĩ. Cʉ̃rẽ atibʉrecopʉre ticogʉ ĩcõ nomiõpʉmena bajuañerõcã tirigʉ niwĩ. Manigʉ̃ Macʉ̃ marĩcã tirora abiro bajuagʉ earigʉ ninigʉ̃ judío basoca dotire doca nigʉ̃ earigʉ niwĩ.#Jn 1:1-18; 3:16; Mt 5:17; Ro 1:1-6; Ef 1:10; 1Jn 4:14; Tit 2:11-14. 5Manigʉ̃ cʉ̃ macʉ̃rẽ ticorigʉ niwĩ cʉ̃menarã marĩrẽ Moisére dotire cũrigue dotiro docapʉ nirãrẽ cametʉogʉ eagʉ. Tairo tinigʉ̃ marĩrẽ necʉogʉ earigʉ niwĩ cʉ̃pũnarã nirã eañerõcã tigʉ.#Jn 1:12; Ro 8:15; Ef 1:5, 7. 6Tairo tigʉ Manigʉ̃ marĩcã cʉ̃pũna nirã eañerõcãrã cʉ̃ macʉ̃ Jesucristomenarã Espíritu Santore ticorigʉ niwĩ marĩya yeripũnarĩpʉ marĩmenarã nirucũmocãgʉ̃ earo ĩgʉ̃. Tairo tigʉ cʉ̃ Espíritu Santora marĩpʉre nirucũgʉ̃ earigʉra marĩrẽ marĩcã Manigʉ̃rẽ ñubueñerõcã «Pacʉ» ĩ pisumasĩrã nirã eañerõcã yawí.#Ro 5:5; 8:9, 15; Mt 27:50; Lc 11:2; Mc 14:16; Ef 1:13-14. 7Marĩ Manigʉ̃cã Jesucristomenarã cametʉoyora eariara ninirã ãpẽrãyara dotiepeyoribasocara abiro niheri sua. Buripe Manigʉ̃pũna nirã eara ya. Tairo tira marĩ cʉ̃cã borora abirora cʉ̃pũna nimasĩrã eanirãrã cʉ̃ Manigʉ̃cã Jesucristomenarã “yʉpũna nirãrẽ nipetire ñurẽrẽ nʉnigʉacu” ĩriguere ñemasĩãnarã nirã eara ya.
Pablocã Jesúre wedewõrã Galacia ditapʉ nirãrẽ bʉtoro wãcũrẽcʉtirigue
8Mʉjã tosʉgueropʉre Manigʉ̃rẽ ĩñamasĩhera ninirã ãpẽrãnorẽna cʉ̃jãcã manirã ñawã ĩrãnorẽna wedewõmocãriara niwʉ̃. Queorojoropʉare mʉjã cʉ̃jã manirã niherarena tairo wedewõpãmamocãrã cʉ̃jãcã dotire doca ninirã dotiepeyoribasocara abiro nirã tiriara niwʉ̃. Manigʉ̃joroperena wedewõheririara niwʉ̃.#Ro 1:25; 1Co 8:4-6; 12:2; Ef 2:12; 1Ts 4:4-5. 9Marĩcʉoropere sua mʉjã Manigʉ̃rẽ ñurõ ĩñamasĩrã eariara nirã ya; o ĩheropere Manigʉ̃pe docare mʉjã ñurõ ĩñamasĩyorara nirã eariara nirã ya. ¡Mʉjãcã tora abiro nirã eariasiro nimocãcapetacãrã buri yʉpe mʉjãrẽ tʉomasĩhegʉ cati!
¿Dairo binirã tamʉ mʉjã marĩ ñecʉ̃sʉmʉãcã atibʉreco maquẽ dotirere cʉ̃jãcã tiwʉmʉãtiriguerena tiecã buri nirẽ nicapetacãrã, bopacare tutuare cʉohere nicapetacãrã tiere tipitiriara nimocãcaperacãrã cotoarora tiere tiquetatura eanirã tiere dotiepeyoribasocara abiro nirã earugara yari tamʉ?#1Co 8:3; 13:12; Col 2:20-21. 10Yʉ mʉjãrẽ tʉo. Mʉjã Manigʉ̃cã cametʉoatere wapatarugara judío basocacã bosebʉrecori tirecʉtironorã tirecʉtiayuro. Tiere wapacʉtire bosebʉrecori tʉoiñanirã mʉjã yerisãrĩbʉrecoricãrõ, muĩpʉ̃ã bajuarecãrõ, dairo nirẽ bosebʉrecoricãrõ, cʉmarĩcãrõ bosebʉrecori tipeorecʉtiayuro.#Nm 28:11-15; Is 1:13-14; Ex 12:18; Ro 14:5; Col 2:16. 11Mʉjãcã tora abiro tirecʉtiremena yʉ mʉjãrẽ bʉtoro wãcũrẽcʉtigʉ nigʉ̃ eagʉ ya. Tairo tigʉ tiere wãcũgʉ̃ mʉjã watoapʉre ñurẽ quetire yʉcã wedegʉ eariguere: Cʉ̃jãrẽ yʉ tiere yegʉjorora wedegʉ tiyuri ĩgʉ̃ “tie wapamanirẽ pʉtʉaro tiga ba” ĩ yʉ bʉtoro cui tʉoiñarẽcʉtigʉra nigʉ̃ eagʉ ya.#Ga 2:2; 5:2, 4; 1Ts 3:5. 12Yara yʉ mʉjãrẽ yʉcã tirora abiro tiñerõcã bo. Mʉjã judío basoca niherinirã Moisére dotire cũriguere tiheririara niwʉ̃. Yʉcã judío basocʉ nicapeicãrã mʉjãcã tirora abirora tie dotirere tiheri. Tairo tigʉ yʉcã tirora abirora mʉjãcãrẽ tiere tiheriñerõcãrã bo. Merẽ yʉcã mʉjã cʉtiropʉ Jesucristoye quetire bueñerõcã mʉjã yʉre ñañarõ tira eaheriwʉ.#1Co 9:21-22; 2Co 2:5. 13Mʉjã masĩga. Yʉ diaquĩgʉ̃no mʉjã Galacia macãrã cʉtirore pʉtʉagʉ eawʉ. Tairo tigʉ topʉ ninigʉ̃ mʉjãrẽ Jesucristoye ñurẽ quetire wedesocogʉ eawʉ.#Hch 13:14; 14:23; 16:6; 1Co 2:3; 2Co 12:7; Ga 1:6. 14Ya diaremena mʉjãrẽ yʉcã bʉtoro wisiore biro eañerõcã ticapetacãrã mʉjãpe yʉre “diarepigʉni ñawĩ” ĩnirã domocã, boherimocã tiheriwʉ. Buripe tora abiro tirono tira Manigʉ̃rẽ wedecoteribasocʉre tirara abiro o Jesucristobasurupere tirara abiro yʉre mʉjãyawiseripʉre ñurõ boca ñewʉ̃.#Mt 10:40; Lc 10:16. 15¡Mʉjã tocawatoapʉre ñurõ ʉseara ñurõ wañerõcã tiyora nimiwʉta no! ¿Mʉjãrẽ tie dairo wari sua? ¿Dairo tira mʉjã sua tocawatoapʉre ñurõ ʉsearemena niriarora abiro niheriri? Mʉjãrẽ yʉ queorora wede. Mʉjã yʉre bʉtoro maĩwʉ̃; tairo maĩrã noboremenarã yʉre titamumasĩrã nirã eara timiwʉ̃ o timasĩrẽ niñerõcãnopʉare mʉjãye caperipʉrena odewe yʉre nʉnimasĩãnapʉra nirã timiwʉ̃.#Mc 2:4. 16Mʉjãcã ĩñañerõcã ¿mʉjãrẽ diamacã maquẽ nirẽrẽ yʉcã queoro nirĩwãmerã wederemena wadora yʉ mʉjãmenarẽ came ĩñatutigʉra abiro pʉtʉagʉ eagʉ yari o diamacã maquẽ nirẽrẽ wedeñerõcã tʉorugahera yari quepa?#Am 5:10. 17Cʉ̃jã ĩritoremena bueribasoca mʉjãrẽ judío basocaye dotirere yʉquetatuñerõcã tirugaribasoca marĩcʉorore mʉjãrẽ bʉtoro titamurugarara abiro tira yawa; queorojoropʉare cʉ̃jãcã mʉjãrẽ tora abiro bʉtoro titamurugare ñurĩwãme cʉ̃jãcã tirugaremerã ña. Buripe mʉjãrẽ ʉ̃sãmenarẽ dicawatiñerõcã tirugara yawa. Ĩñerõcã ʉ̃sãcã buerere mʉjãcã tiquetaturere pitiñerõcã tinirã cʉ̃jãcã buerepere tiquetatuñerõcã bora yawa. Tairo tirugara yawa mʉjãrẽ ʉ̃sãpere titamurõno tira cʉ̃jãpere titamumasĩrãrã nirã eañerõcã bora.#Ro 10:2; 2Co 11:2; Ga 1:6-9. 18Ãpẽrãcã mʉjãrẽ ñurõ titamurugañerõcã ñujo; buri ñurõ tirugariwãmemena tiñerõcãpʉare ĩñerõcã toquẽrĩpʉra tairo tirucũmocãñerõcãpʉare. Buri tiere tira yʉcã topʉ mʉjãmena nirĩwatoa wadore tairo tiritoherimocãrõ bo. 19Yʉpũna yʉcã maĩrã yʉ mʉjãrẽ Jesucristore wedewõtutuara eanirã cʉ̃cã nirẽcʉtiriarora abiro nirã eañerõcã bosãgʉ̃ ĩcõ nomiõ cocã wĩmagʉ̃ ñeãtosʉguero bʉtoro pũniyorora abiro yʉcã tamʉ upatuti bʉtoro pũniyogʉra abiro mʉjãrẽ wãcũpasʉtigʉ bʉtoro ñañarõ cametʉagʉ ya. Pʉ mʉjãcã Jesucristore ñurõ wedewõtutua cʉ̃cã nirẽcʉtiriarora abirora nirã eañerõcãpʉra yʉ yerisãgʉ̃ eagʉacu.#Ro 8:29; 1Co 4:15; 2Co 3:18; Ef 4:13; Flp 3:10; 1Jn 2:1. 20Yʉ marĩcʉorora to mʉjã cʉtiropʉ nigʉ̃ earugamiga ano yʉcã wederere mʉjãcã wãcũrĩwãmerẽna apewãmepe mʉjãrẽ ñurõ wedemasĩgʉ̃ eagʉdagʉ. Yʉ yoaropʉ ninigʉ̃ mʉjãmenarẽ dairo timasĩhegʉ cati.
Agarye#4:21 Agar, Abraham nʉmo Saraya padedecoteribasoco niyugo. Marĩcʉ̃ Sara wĩmagʉ̃ bʉamasĩherinigõ Agare Abrahamrẽ wiyoyugo cʉ̃mena apayosa niãtora abiro. Tairo tigo Agar wĩmagʉ̃ Ismael wãmecʉtigʉre cʉoyugo. Buri Ismael Manigʉ̃cã Abrahamrẽ nʉnigʉ̃da ĩyorigʉmerã niyugʉ. Sirope Sara ĩcʉ̃ wĩmagʉ̃ Isaac wãmecʉtigʉre pũnacʉtiyugo. Cʉ̃rã Manigʉ̃cã nʉnigʉda ĩyorigʉ niyugʉ. maquẽ ĩñerõcã Saraye maquẽ
21Mʉjã Moisére dotire cũriguere yʉquetaturugarano tiere tiremenarã Manigʉ̃mena ñurõ pʉtʉara earugara yʉre ĩcãwãme wedeya. Mʉjã tiere bue ticaperacãrã ¿Moisécã Abrahamye maquẽrẽ ojariguere wãcũheriri marĩcʉ̃?#Lc 16:29; Ga 2:16. 22Tie Manigʉ̃ye wederucũrẽrẽ ojayoriapũpʉ abiro ojayorigue ña: “Abraham pʉ̃ãrã pũnacʉtirigʉ niwĩ; ĩcʉ̃rẽ dotiepeyoribasocomena cʉorigʉ niwĩ. Ãpĩpere cʉ̃ nʉmo diamacãmena dotiepeyoribasoco nihegomena cʉorigʉ niwĩ” ĩ.#Gn 16:1-15; 21:2-9. 23Dotiepeyoribasoco macʉ̃ bajuarigʉ cocã ãpẽrã nomiãcã cʉoriwãmerã abiro wĩmagʉ̃ bʉa cʉoyorigʉ niyi. Buri dotiepeyoribasoco nihego macʉ̃pe Manigʉ̃ Abrahamrẽ “mʉnʉmo ĩcʉ̃ wĩmagʉ̃ cʉogoagago” ĩriguecã queoro biro eañerõcãpere co pũnamanigõpʉ nicapeocãrã cocã cʉogʉ earigʉ niyugʉ.#Gn 17:15-21; 18:10-15; Ro 9:7; Heb 11:11. 24Atie abiro birigue pʉawãme wederugaro ya: Ãnijã pʉ̃ãrãrõmiãrã ñawã Manigʉ̃cã basocare pʉãwãmerĩmena “abiro tigʉda” cʉ̃cã ĩpʉtʉariguere eñorã; dotire cũyorigue nirẽrẽ ĩñerõcã Manigʉ̃cã “mʉjãrẽ ñurõ wañerõcã tigʉda” ĩrẽrẽ eñorã. Agar nirigora ñagõ Manigʉ̃cã judío basocare “mʉjãrẽ abiro tigʉda” ĩcũnigʉ̃ Sinaí buropʉ Moisére dotire cũriguera abiro nirẽrẽ eñogõ. Cocã tairo dotiepeyoribasoco niriasiro niñerõcãrã co macʉ̃cã dotiepeyoribasocʉra nigʉ̃ earigʉ niwĩ. Tairo tira Moisécã dotire cũriguere tirano co macʉ̃ niriarora abiro dotiepeyoribasoca ñawã. Dotiepeyoribasocara abiro nirã eara tie dotire docapʉ ñawã.#Dt 33:2; Ro 7:6; Ga 5:1-3. 25Merẽ Agar nirigora Arabia ditapʉ nirĩburo Sinaírã abiro nigõ ñagõ; marĩcʉorore tora Jerusalén macã nirõ ya. Cocã co macʉ̃mena dotiepeyoribasoco niriarora abirora nipetira tomacãrã tie dotirere tirano tie dotire doca nirã eanirã dotiepeyoribasocara abiro nirã eara yawa. 26Buri Sarape Manigʉ̃cã “mʉjãrẽ ñurõ wañerõcã tigʉda” ĩcũriguere mamarẽ eñogõ ñagõ. Tairo tigo cora cocã dotiepeyoribasoco niheririarora abiro Jerusalén ʉmʉãwesepʉ nirĩmacã macãrã Jesucristore wedewõrãrẽ ñeno dotire doca niherare eñogõ ñagõ. Tairo tira marĩ Jesucristore wedewõrã Sara macʉ̃ niriarora abiro nirã ña. Moisécã dotirere tinirã tie docapʉ ninirã dotiepeyoribasocara abiro nirãmerã ña.#Is 2:2; Heb 12:22-23; Ap 3:12; Flp 3:20. 27Merẽ co Saraye maquẽrẽna Manigʉ̃ye wederucũrẽrẽ ojayoriapũpʉ abiro ĩ:
«¡Mʉ ĩcõ nomiõ pũnamanigõ nicapeocãrã ʉseaya!
¡Mʉ ĩcõ nomiõ apeora abiro cocã wĩmagʉ̃ cʉoatosʉguero pũnirõ tʉoiñagõrã abiro tʉoiñañahericapeocãrã ʉseaya!
¡Mʉ ĩcõ nomiõ “pũnamanigõ ñagõ” ĩ cõãyorigope apeo manʉcʉtigo pãrãmerã cʉorosotoape
mʉpe siropʉre mʉpãrãmerãrẽ pajʉ cʉocametʉagoacu!»
ĩ ojayorigue ña.#Is 54:1.
28Yara mʉjã Jesucristore wedewõrã Manigʉ̃cã Abrahamrẽ “mʉrẽ abiro tigʉda” ĩyorigʉ macʉ̃ Isaara abiro nirã ña. Mʉjãrẽ cʉ̃rã abiro nirã ña ĩ; merẽ Manigʉ̃ Abrahamrẽ “mʉrẽ abiro tigʉda” ĩrigue doca bajuariasiro niñerõcãrã mʉpãrãmerã pajʉ nirõãgawa cʉ̃cã ĩriarora abirora marĩpʉcãrẽ Abraham pũnarã abiro wañerõcã yawí.#Hch 3:25; Ro 9:7-8; Ga 3:29. 29Tocawatoapʉre Abrahamcã Agarmena ãpẽrã nomiãcã cʉoriwãmerã abiro wĩmagʉ̃ bʉa cʉoyorigʉ Sara macʉ̃ Isaare Espíritu Santoye tutuaremena bajuarigʉre ñañarõ tirugagʉ quetaturigʉ niwĩ. Anocawatoacãrẽ tiwãmerã bi: Moisére dotire cũriguere tiquetaturibasoca marĩrẽ Jesucristore wedewõrãrẽ ĩñatutira, ñañarõ tirugara quetatuwa.#Gn 21:9; Sal 83:5-6; Hch 13:50; 1Ts 2:14-16. 30Buri merẽ Manigʉ̃ cʉ̃ye wederucũripũpʉ Abrahamrẽ abiro ĩrigʉ niwĩ: «Dotiepeyoribasoco macʉ̃ mʉyere cʉogʉ eacʉ nimasĩheriwi. Mʉnʉmo dotiepeyoribasoco nihego macʉ̃pe doca mʉyemena pʉtʉapetigʉ eamasĩãcʉra ñawĩ. Tairo tigʉ dotiepeyoribasocore co macʉ̃menarã wiocomocãña» ĩyi.#Gn 21:10-12. 31Tairo tira yara marĩcã tairiwãmerã dotiepeyoribasoco pãrãmerã niherinirã dotire doca nirã niheri. Buripe Jesucristore wedewõrã ninirã Sara dotiepeyoribasoco nihego pãrãmerã nitutiarape ña. Sara macʉ̃ cʉ̃ pacʉyere cʉogʉ eamasĩgʉ̃ niriarora abirora marĩcã Manigʉ̃cã cʉ̃pũnarẽ nʉniãtere cʉomasĩrã nirã earoacu.#Ro 4:13-25; Ga 3:7, 9, 29.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2026, SIL Global. All rights reserved.