Efesios 4
4
Jesúre wedewõrãrẽ ĩcãrõmena nidotire
1Tairo tigʉ marĩ Nirũpʉ̃ Jesucristore padedebosagʉ cʉ̃ye quetire wedere wapamena peresupʉ nigʉ̃ yʉ mʉjãrẽ Manigʉ̃ cʉ̃cã cʉ̃yara niãro ĩgʉ̃ cʉ̃cã sioyoriarare cʉ̃cã mʉjãrẽ niñerõcã boriarora abirora niña ĩ sãĩ.#Flp 1:27; Col 1:10. 2“Ãpẽrãsotoa ña” ĩrõ manirõ, ãpẽrãrẽ ñurõmena tirecʉtira, nʉcʉ̃ñarẽmena nirã, ãpẽrãrẽ came maĩrẽmena nirã, ãpẽrãcã queoro tiheriñerõcã ĩñarã cʉ̃jãmena cua tiherara niña.#Ga 6:2; Col 3:12-13. 3Espíritu Santora mʉjãrẽ ĩcãrõ nirã eañerõcã yawí. Tairo tira tie ĩcãrõmena nirẽ cʉ̃mena watirere cʉorucũmocãrãdara mʉjãcã tiro eatuarocãrõ nipetirare came ñurõ nirẽcʉtiñerõcã tiremena ĩcãrõrã nirucũmocãña. 4Marĩ Cristore wedewõrĩbumacãrã ĩcãũpʉ̃rã#Ef 1:23; 2:16. ña. Marĩcã ñerigʉ Espíritu Santo marĩpʉre nigʉ̃cã ĩcʉ̃rã ñawĩ, Manigʉ̃cã cʉ̃yarare cʉ̃cã sioriarare nʉnigʉ̃da ĩriguere marĩcã yuerecã ĩcãrõrã nirõrã abiro. 5Marĩ Nirũpʉ̃ Jesucristocã ĩcʉ̃rã ñawĩ; marĩcã Jesucristore wedewõrẽcã ĩcãwãmerã ña; marĩcã cʉ̃yara nirẽrẽ eñorẽ ocomena wãmeõtirecã ĩcãwãmerã ña. 6Manigʉ̃ marĩ nipetira Pacʉcã ĩcʉ̃rã ñawĩ; cʉ̃rã marĩ nipetirare Nirũpʉ̃ nigʉ̃ ñawĩ; marĩpʉmena cʉ̃ye maquẽrẽ yawí ĩñerõcã marĩ nipetirare marĩpʉre cʉ̃ya Espíritu Santomenarã ñawĩ.#1Co 8:6. 7Buri tairo nicapetacã Cristo cʉ̃cã marĩrẽ nʉnirugariwãmerã marĩ nipetiracãrõrẽ timasĩrẽrẽ merĩã wado nʉnirigʉ niwĩ Manigʉ̃yere ñurõ timasĩrã niãro ĩgʉ̃.#Ro 12:1; 1Co 12:11. 8Tairosãñurõrã Manigʉ̃ye wederucũrẽrẽ ojaripũpʉcãrẽ wede. Abiro ĩ:
«Cʉ̃rẽ ĩñatutirare cʉ̃cã camesĩã cametʉanʉcãriasiro
emʉãrõpʉ mʉãwagʉ, cʉ̃cã ñeriarare cʉ̃siro newayugʉ.
Tosiro basocare ñurẽrẽ nʉniyugʉ»#Sal 68:18.
ĩ ojayo.
9¿Dairo ĩrugaro yari tie “emʉãrõpʉ mʉãwayugʉ” ĩrẽ? Merẽ “Jesucristo atiditapʉ duiatirigʉ niwĩ” ĩrõ ya.#Jn 1:14; 3:13; Flp 2:6-8. 10Cʉ̃rã atiditapʉre duiatirigʉra ñawĩ ʉmʉãwesepʉ mʉãwa nipetirasotoa Nirũpʉ̃ nigʉ̃ earigʉ. Tairo tigʉ niãriaropʉre dotimasĩgʉ̃ ñawĩ. 11Cʉ̃ Jesucristora marĩ nipetira cʉ̃yara nirãrẽ timasĩrẽrẽ nʉnirigʉ niwĩ. Ĩcãrãrẽ bese cʉ̃ye quetire bueribasoca wañerõcã tirigʉ niwĩ. Ãpẽrãrẽ Manigʉ̃ye quetire wederibasoca, ãpẽrãrẽ basocare cametʉore ñurẽ quetire wedecamesãnarẽ ĩñerõcã ãpẽrãrẽ cʉ̃rẽ wedewõrãrẽ cote bueribasoca bueanarẽ wañerõcã tirigʉ niwĩ.#1Co 12:18, 28. 12Anorã abiro tirigʉ niwĩ cʉ̃jãrẽ Manigʉ̃yamacã macãrãrẽ bue, marĩrẽ Manigʉ̃ye maquẽrẽ ñurõ padedemasĩrã nirã eañerõcã tiaro ĩgʉ̃. Ĩñerõcã mari Cristore wedewõrãrẽ ĩcãũpʉ̃rã abiro nirãrẽ bʉtiwʉmʉãrõrã abiro cʉ̃rẽ wedewõtutuara, marĩbasurupecã came ñurõ nimasĩrãrã nirã eañerõcã tiaro ĩgʉ̃ tie timasĩrẽrẽ cʉ̃jãrẽ nʉnirigʉ niwĩ.#Ro 12:4-5; 1Co 12:12-27; 1Pe 2:5. 13Tora abiro marĩcã Jesucristore wedewõrẽ cʉoremenarã, cʉ̃ Manigʉ̃ Macʉ̃ nigʉ̃rẽ ñurõ masĩrã earemenarã ñurõ bʉtituarara abiro marĩ nipetira ĩcãrõmena nirã earoacu. Cristoye maquẽrẽ õpemena ñurõ tʉomasĩnemowʉmʉã cʉ̃rã abiro nirã earoacu. 14Tairo tira wĩmarãrã abiro marĩcʉorore ĩcãwãme wãcũ, nocãrõgãmerã merĩãwãme wãcũrãrã abiro ĩritoyoborara abiro nihericu. Ĩritomemarã cʉ̃jãye buere ĩritoremena marĩrẽ ĩritomasĩheriroagawa. Tie cʉ̃jãye buere queoro niherere wedewõñerõcã timasĩheriroagawa. Marĩ doriacũmuãrã abiro wĩno tutuarecã ocoturimena uparo ticũmuãrẽ papucoyorora abiro nihericu. 15Marĩpere came maĩrẽmena, queoro ĩrẽmena, diamacã maquẽ Manigʉ̃yere wedero bo, bʉtiwʉmʉãrãrã abiro õpemena cʉ̃ye maquẽrẽ ñurõ tiwʉmʉã, cʉ̃menarã ĩcãrõrã ñurõ nirucũrãrã nirã earadara. Cristorã ñawĩ cʉ̃rẽ wedewõrĩbumacãrã Nirũpʉ̃, nipetira dʉpowʉ.#Ef 1:22; Col 1:18. 16Ĩcã ũpʉ̃ maquẽ nipetirepʉra queoro padedeñerõcã ti ũpʉ̃ ñurĩũpʉ̃, tutuariũpʉ̃ niga. Tora abirora ña marĩ Jesucristore wedewõrĩbumacãrãcãrẽ. Cʉ̃rã marĩ Nirũpʉ̃ nipetira dʉpowʉ nigʉ̃rã, marĩrẽ marĩcãrõrẽ timasĩrẽrẽ nʉnirigʉ niwĩ bʉtiwʉmʉãrãrã abiro õpemena cʉ̃rẽ maĩwʉmʉãrẽmena, marĩbasurupecã came maĩwʉmʉãrẽmena, cʉ̃ye maquẽrẽ ñurõ tiwʉmʉãrẽmena, cʉ̃rẽ wedewõrĩbu tutuaribu nirõ earo ĩgʉ̃.#Col 2:19.
Marĩcã nirẽcʉtirere wasoaro bo
17Tairo tira marĩcʉorore yʉcã wederere ñurõ tʉoya. Marĩ Nirũpʉ̃ yʉre dotire nʉnirẽmenarã mʉjãrẽ abiro ĩ wede: Mʉjã tocãrõrã Manigʉ̃rẽ masĩheracã tirecʉtirenorẽ tipitiya. Cʉ̃jã cʉ̃jãcã noboro wãcũpãmarẽ wapamanirẽmena nirẽcʉtiwa. 18Cʉ̃jã Manigʉ̃yere tʉorugahera, masĩrugahera ñawã. Tairo tira cʉ̃jã naĩtĩãrẽpʉ nirãrã abiro ñawã; Manigʉ̃cã catire mama nʉnirẽrẽ cʉohera ñawã. 19Cʉ̃jãcã ñañarẽ tirere bobo tʉoiñaherapʉ ñawã; cʉ̃jãya ũpʉ̃rĩcã ñañarẽ tirugarepere tirucũrã ñawã; cʉ̃jãcã tirugarecãrõ ñañarẽrẽ tirucũmocãwã. Icãta ñañarẽrẽ tipitiheriwa. 20Buri mʉjãpere mʉjãcã Jesucristore wedewõrã eañerõcã mʉjãrẽ “tiwãmerã abiro nirẽcʉtiya” ĩ bueherigatiyuwa. 21Mʉjã nirõrã Jesúye quetire tʉogatiyu. Tiere tʉo cʉ̃mena ĩcãrõ nirã eañerõcãrẽna cʉ̃jã mʉjãrẽ cʉ̃ye diamacã maquẽ nirẽrẽ bueriara niwã cʉ̃cã borora abirope nirẽcʉtiaro ĩrã. 22Mʉjãcã tosʉgueropʉ nirẽcʉtiriawãmepere “tie ñañarẽ mʉjãcã tirecʉtire bʉcʉniguẽrẽ tocãrõrã piticõãmocãña” ĩ bueyoriara niwʉ̃. Tocawatoapʉre tie mʉjãrẽ ñañarẽ ʉgaripeañerõcã tirera ñañarẽpere tiñerõcã tinirõ mʉjãye catirere ĩritocõã ñañarõ ticõãriaro niwʉ̃. 23Cʉ̃jã mʉjãrẽ “Manigʉ̃rẽ mʉjãye catirere wasoañerõcã tiya ñurẽ wãcũrẽ cʉora nirãdara” ĩ buegatiyuwa.#Ro 12:2. 24Manigʉ̃ marĩrẽ cʉ̃cã borora abirora cʉ̃ye mama nirẽcʉtiremena niñerõcã yawí tiemena ãpẽrãrẽ ñurõ tiremena nirẽcʉtira cʉ̃cã ĩñacorore ñañarẽ cʉohera niãro ĩgʉ̃. Tairo tira sutiro bʉcʉroniãrõrẽ cõã mamarõpere wasoa sãñarõrã abiro sʉgueropʉ ñañarẽ ticucũriguere piticõã mama tirecʉtirepere tirecʉtiya. 25Tairo tira mʉjãbasurupe tocãrõrã came ĩritoya. Ĩritorono tira buripe mʉjãyagʉre queorora wedeya. Merẽ marĩ nipetira ĩcã ũpʉ̃ maquẽrã abiro nirã ña.#Ro 12:5. 26Mʉjã cuara ñañarẽrẽ tiherimocãña. Niãriabʉreco cuanajĩõãherimocãña#Stg 1:19-20. 27wãtĩã nirũpʉ̃rẽ mʉjãrẽ ñañarẽrẽ tiñerõcã tiri ĩrã. 28Tosʉgueropʉ yajarepigʉ nirigʉ icãta upatuti yajanemoherimocãro. Buripe ñurõ cʉ̃ya wãmorĩmena padedearo cʉ̃cã nirĩbʉrecori borere cʉogʉdagʉ. Tora abiro tigʉ cʉ̃cã padede wapataremena bopacarare titamumasĩgʉagawi.#Hch 20:35; 1Ts 4:11; 2Ts 3:12. 29Ñañarẽrẽ wederucũherimocãña. Ñurẽpe wadore wederucũña mʉjãcã wederucũrẽrẽ tʉoranorẽ cʉ̃jãye yeripũnarĩpʉre titamuborenope wadore. Tiere tʉora cʉ̃jãcã ñurõ nirẽcʉtiroagawa.#Col 3:8. 30Ñañarẽ tiremena, ñañarõ wederucũrẽmena mʉjã Espíritu Santore Manigʉ̃cã mʉjãpʉre nidotigʉ nʉniyorigʉre wãcũpasʉtiñerõcã tiherimocãña. Espíritu Santo Manigʉ̃cã mʉjãrẽ cʉ̃yara nirẽrẽ eñogʉ̃ nʉnirigʉra ñawĩ cʉ̃cã queoro cametʉo yapatiribʉreco niñerõcã marĩrẽ cʉ̃menarã ĩñamasĩgʉ̃da cʉ̃cã nʉniyorigʉ.#Ef 1:13; Lc 21:28; Ro 3:24. 31Nipetire cua tʉoiñarẽnorẽ, cuaremena caribi wederucũrẽrẽ, cua cametutirere ĩñerõcã caribi ĩtutirecãrẽ tocãrõrã cõãmocãña. Ñañarẽrẽ tirecãrẽ tocãrõrã tipitiya.#Col 3:8; Tit 3:2-3; Stg 4:11. 32Buripe bopacaĩñarẽmena came ñurõ titamuña. Manigʉ̃cã mʉjãrẽ mʉjãcã ñañarẽ tirecʉtiriguere Cristomena acõboriarora abirora ãpẽrãcã mʉjãrẽ ñañarõ tirere mʉjãcã acõboya.#Mt 6:14-15; Mc 11:25; 2Co 2:10; Col 3:12-13.
Currently Selected:
Efesios 4: yui
Highlight
Share
Copy
Want to have your highlights saved across all your devices? Sign up or sign in
© 2026, SIL Global. All rights reserved.
Efesios 4
4
Jesúre wedewõrãrẽ ĩcãrõmena nidotire
1Tairo tigʉ marĩ Nirũpʉ̃ Jesucristore padedebosagʉ cʉ̃ye quetire wedere wapamena peresupʉ nigʉ̃ yʉ mʉjãrẽ Manigʉ̃ cʉ̃cã cʉ̃yara niãro ĩgʉ̃ cʉ̃cã sioyoriarare cʉ̃cã mʉjãrẽ niñerõcã boriarora abirora niña ĩ sãĩ.#Flp 1:27; Col 1:10. 2“Ãpẽrãsotoa ña” ĩrõ manirõ, ãpẽrãrẽ ñurõmena tirecʉtira, nʉcʉ̃ñarẽmena nirã, ãpẽrãrẽ came maĩrẽmena nirã, ãpẽrãcã queoro tiheriñerõcã ĩñarã cʉ̃jãmena cua tiherara niña.#Ga 6:2; Col 3:12-13. 3Espíritu Santora mʉjãrẽ ĩcãrõ nirã eañerõcã yawí. Tairo tira tie ĩcãrõmena nirẽ cʉ̃mena watirere cʉorucũmocãrãdara mʉjãcã tiro eatuarocãrõ nipetirare came ñurõ nirẽcʉtiñerõcã tiremena ĩcãrõrã nirucũmocãña. 4Marĩ Cristore wedewõrĩbumacãrã ĩcãũpʉ̃rã#Ef 1:23; 2:16. ña. Marĩcã ñerigʉ Espíritu Santo marĩpʉre nigʉ̃cã ĩcʉ̃rã ñawĩ, Manigʉ̃cã cʉ̃yarare cʉ̃cã sioriarare nʉnigʉ̃da ĩriguere marĩcã yuerecã ĩcãrõrã nirõrã abiro. 5Marĩ Nirũpʉ̃ Jesucristocã ĩcʉ̃rã ñawĩ; marĩcã Jesucristore wedewõrẽcã ĩcãwãmerã ña; marĩcã cʉ̃yara nirẽrẽ eñorẽ ocomena wãmeõtirecã ĩcãwãmerã ña. 6Manigʉ̃ marĩ nipetira Pacʉcã ĩcʉ̃rã ñawĩ; cʉ̃rã marĩ nipetirare Nirũpʉ̃ nigʉ̃ ñawĩ; marĩpʉmena cʉ̃ye maquẽrẽ yawí ĩñerõcã marĩ nipetirare marĩpʉre cʉ̃ya Espíritu Santomenarã ñawĩ.#1Co 8:6. 7Buri tairo nicapetacã Cristo cʉ̃cã marĩrẽ nʉnirugariwãmerã marĩ nipetiracãrõrẽ timasĩrẽrẽ merĩã wado nʉnirigʉ niwĩ Manigʉ̃yere ñurõ timasĩrã niãro ĩgʉ̃.#Ro 12:1; 1Co 12:11. 8Tairosãñurõrã Manigʉ̃ye wederucũrẽrẽ ojaripũpʉcãrẽ wede. Abiro ĩ:
«Cʉ̃rẽ ĩñatutirare cʉ̃cã camesĩã cametʉanʉcãriasiro
emʉãrõpʉ mʉãwagʉ, cʉ̃cã ñeriarare cʉ̃siro newayugʉ.
Tosiro basocare ñurẽrẽ nʉniyugʉ»#Sal 68:18.
ĩ ojayo.
9¿Dairo ĩrugaro yari tie “emʉãrõpʉ mʉãwayugʉ” ĩrẽ? Merẽ “Jesucristo atiditapʉ duiatirigʉ niwĩ” ĩrõ ya.#Jn 1:14; 3:13; Flp 2:6-8. 10Cʉ̃rã atiditapʉre duiatirigʉra ñawĩ ʉmʉãwesepʉ mʉãwa nipetirasotoa Nirũpʉ̃ nigʉ̃ earigʉ. Tairo tigʉ niãriaropʉre dotimasĩgʉ̃ ñawĩ. 11Cʉ̃ Jesucristora marĩ nipetira cʉ̃yara nirãrẽ timasĩrẽrẽ nʉnirigʉ niwĩ. Ĩcãrãrẽ bese cʉ̃ye quetire bueribasoca wañerõcã tirigʉ niwĩ. Ãpẽrãrẽ Manigʉ̃ye quetire wederibasoca, ãpẽrãrẽ basocare cametʉore ñurẽ quetire wedecamesãnarẽ ĩñerõcã ãpẽrãrẽ cʉ̃rẽ wedewõrãrẽ cote bueribasoca bueanarẽ wañerõcã tirigʉ niwĩ.#1Co 12:18, 28. 12Anorã abiro tirigʉ niwĩ cʉ̃jãrẽ Manigʉ̃yamacã macãrãrẽ bue, marĩrẽ Manigʉ̃ye maquẽrẽ ñurõ padedemasĩrã nirã eañerõcã tiaro ĩgʉ̃. Ĩñerõcã mari Cristore wedewõrãrẽ ĩcãũpʉ̃rã abiro nirãrẽ bʉtiwʉmʉãrõrã abiro cʉ̃rẽ wedewõtutuara, marĩbasurupecã came ñurõ nimasĩrãrã nirã eañerõcã tiaro ĩgʉ̃ tie timasĩrẽrẽ cʉ̃jãrẽ nʉnirigʉ niwĩ.#Ro 12:4-5; 1Co 12:12-27; 1Pe 2:5. 13Tora abiro marĩcã Jesucristore wedewõrẽ cʉoremenarã, cʉ̃ Manigʉ̃ Macʉ̃ nigʉ̃rẽ ñurõ masĩrã earemenarã ñurõ bʉtituarara abiro marĩ nipetira ĩcãrõmena nirã earoacu. Cristoye maquẽrẽ õpemena ñurõ tʉomasĩnemowʉmʉã cʉ̃rã abiro nirã earoacu. 14Tairo tira wĩmarãrã abiro marĩcʉorore ĩcãwãme wãcũ, nocãrõgãmerã merĩãwãme wãcũrãrã abiro ĩritoyoborara abiro nihericu. Ĩritomemarã cʉ̃jãye buere ĩritoremena marĩrẽ ĩritomasĩheriroagawa. Tie cʉ̃jãye buere queoro niherere wedewõñerõcã timasĩheriroagawa. Marĩ doriacũmuãrã abiro wĩno tutuarecã ocoturimena uparo ticũmuãrẽ papucoyorora abiro nihericu. 15Marĩpere came maĩrẽmena, queoro ĩrẽmena, diamacã maquẽ Manigʉ̃yere wedero bo, bʉtiwʉmʉãrãrã abiro õpemena cʉ̃ye maquẽrẽ ñurõ tiwʉmʉã, cʉ̃menarã ĩcãrõrã ñurõ nirucũrãrã nirã earadara. Cristorã ñawĩ cʉ̃rẽ wedewõrĩbumacãrã Nirũpʉ̃, nipetira dʉpowʉ.#Ef 1:22; Col 1:18. 16Ĩcã ũpʉ̃ maquẽ nipetirepʉra queoro padedeñerõcã ti ũpʉ̃ ñurĩũpʉ̃, tutuariũpʉ̃ niga. Tora abirora ña marĩ Jesucristore wedewõrĩbumacãrãcãrẽ. Cʉ̃rã marĩ Nirũpʉ̃ nipetira dʉpowʉ nigʉ̃rã, marĩrẽ marĩcãrõrẽ timasĩrẽrẽ nʉnirigʉ niwĩ bʉtiwʉmʉãrãrã abiro õpemena cʉ̃rẽ maĩwʉmʉãrẽmena, marĩbasurupecã came maĩwʉmʉãrẽmena, cʉ̃ye maquẽrẽ ñurõ tiwʉmʉãrẽmena, cʉ̃rẽ wedewõrĩbu tutuaribu nirõ earo ĩgʉ̃.#Col 2:19.
Marĩcã nirẽcʉtirere wasoaro bo
17Tairo tira marĩcʉorore yʉcã wederere ñurõ tʉoya. Marĩ Nirũpʉ̃ yʉre dotire nʉnirẽmenarã mʉjãrẽ abiro ĩ wede: Mʉjã tocãrõrã Manigʉ̃rẽ masĩheracã tirecʉtirenorẽ tipitiya. Cʉ̃jã cʉ̃jãcã noboro wãcũpãmarẽ wapamanirẽmena nirẽcʉtiwa. 18Cʉ̃jã Manigʉ̃yere tʉorugahera, masĩrugahera ñawã. Tairo tira cʉ̃jã naĩtĩãrẽpʉ nirãrã abiro ñawã; Manigʉ̃cã catire mama nʉnirẽrẽ cʉohera ñawã. 19Cʉ̃jãcã ñañarẽ tirere bobo tʉoiñaherapʉ ñawã; cʉ̃jãya ũpʉ̃rĩcã ñañarẽ tirugarepere tirucũrã ñawã; cʉ̃jãcã tirugarecãrõ ñañarẽrẽ tirucũmocãwã. Icãta ñañarẽrẽ tipitiheriwa. 20Buri mʉjãpere mʉjãcã Jesucristore wedewõrã eañerõcã mʉjãrẽ “tiwãmerã abiro nirẽcʉtiya” ĩ bueherigatiyuwa. 21Mʉjã nirõrã Jesúye quetire tʉogatiyu. Tiere tʉo cʉ̃mena ĩcãrõ nirã eañerõcãrẽna cʉ̃jã mʉjãrẽ cʉ̃ye diamacã maquẽ nirẽrẽ bueriara niwã cʉ̃cã borora abirope nirẽcʉtiaro ĩrã. 22Mʉjãcã tosʉgueropʉ nirẽcʉtiriawãmepere “tie ñañarẽ mʉjãcã tirecʉtire bʉcʉniguẽrẽ tocãrõrã piticõãmocãña” ĩ bueyoriara niwʉ̃. Tocawatoapʉre tie mʉjãrẽ ñañarẽ ʉgaripeañerõcã tirera ñañarẽpere tiñerõcã tinirõ mʉjãye catirere ĩritocõã ñañarõ ticõãriaro niwʉ̃. 23Cʉ̃jã mʉjãrẽ “Manigʉ̃rẽ mʉjãye catirere wasoañerõcã tiya ñurẽ wãcũrẽ cʉora nirãdara” ĩ buegatiyuwa.#Ro 12:2. 24Manigʉ̃ marĩrẽ cʉ̃cã borora abirora cʉ̃ye mama nirẽcʉtiremena niñerõcã yawí tiemena ãpẽrãrẽ ñurõ tiremena nirẽcʉtira cʉ̃cã ĩñacorore ñañarẽ cʉohera niãro ĩgʉ̃. Tairo tira sutiro bʉcʉroniãrõrẽ cõã mamarõpere wasoa sãñarõrã abiro sʉgueropʉ ñañarẽ ticucũriguere piticõã mama tirecʉtirepere tirecʉtiya. 25Tairo tira mʉjãbasurupe tocãrõrã came ĩritoya. Ĩritorono tira buripe mʉjãyagʉre queorora wedeya. Merẽ marĩ nipetira ĩcã ũpʉ̃ maquẽrã abiro nirã ña.#Ro 12:5. 26Mʉjã cuara ñañarẽrẽ tiherimocãña. Niãriabʉreco cuanajĩõãherimocãña#Stg 1:19-20. 27wãtĩã nirũpʉ̃rẽ mʉjãrẽ ñañarẽrẽ tiñerõcã tiri ĩrã. 28Tosʉgueropʉ yajarepigʉ nirigʉ icãta upatuti yajanemoherimocãro. Buripe ñurõ cʉ̃ya wãmorĩmena padedearo cʉ̃cã nirĩbʉrecori borere cʉogʉdagʉ. Tora abiro tigʉ cʉ̃cã padede wapataremena bopacarare titamumasĩgʉagawi.#Hch 20:35; 1Ts 4:11; 2Ts 3:12. 29Ñañarẽrẽ wederucũherimocãña. Ñurẽpe wadore wederucũña mʉjãcã wederucũrẽrẽ tʉoranorẽ cʉ̃jãye yeripũnarĩpʉre titamuborenope wadore. Tiere tʉora cʉ̃jãcã ñurõ nirẽcʉtiroagawa.#Col 3:8. 30Ñañarẽ tiremena, ñañarõ wederucũrẽmena mʉjã Espíritu Santore Manigʉ̃cã mʉjãpʉre nidotigʉ nʉniyorigʉre wãcũpasʉtiñerõcã tiherimocãña. Espíritu Santo Manigʉ̃cã mʉjãrẽ cʉ̃yara nirẽrẽ eñogʉ̃ nʉnirigʉra ñawĩ cʉ̃cã queoro cametʉo yapatiribʉreco niñerõcã marĩrẽ cʉ̃menarã ĩñamasĩgʉ̃da cʉ̃cã nʉniyorigʉ.#Ef 1:13; Lc 21:28; Ro 3:24. 31Nipetire cua tʉoiñarẽnorẽ, cuaremena caribi wederucũrẽrẽ, cua cametutirere ĩñerõcã caribi ĩtutirecãrẽ tocãrõrã cõãmocãña. Ñañarẽrẽ tirecãrẽ tocãrõrã tipitiya.#Col 3:8; Tit 3:2-3; Stg 4:11. 32Buripe bopacaĩñarẽmena came ñurõ titamuña. Manigʉ̃cã mʉjãrẽ mʉjãcã ñañarẽ tirecʉtiriguere Cristomena acõboriarora abirora ãpẽrãcã mʉjãrẽ ñañarõ tirere mʉjãcã acõboya.#Mt 6:14-15; Mc 11:25; 2Co 2:10; Col 3:12-13.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2026, SIL Global. All rights reserved.