Hechos 12
12
Santiagore sĩã, Pedrore peresupʉ sonerigue
1Tibʉrecorire Herodes#12:1 Ãni Herodes wãmecʉtiyugʉ Herodes Agripa I. Cʉ̃ ñecõ judío basoco niyugo. Tairo tigʉ judío basocamenamacʉ̃ niyugʉ. Judea dita nirũpʉ̃ ĩcãrã Jesúre wedewõrãrẽ ñañarõ tigʉdagʉ ñedotiyugʉ. 2Tairo tigʉ Juan sõwʉ̃ Santiagore saderipĩmena sĩãdotiyugʉ. 3Judío basoca Jesúre wedewõhera cʉ̃rẽ sĩãñerõcã ĩñarã bʉtoro ʉseayura. Cʉ̃jãcã tairo ʉseañerõcã ĩñagʉ̃ Pedrocãrẽ ñedotiyʉgʉ. Atie wayuro judío basocacã pan pumasãñerõcã tiremena ajiaro manirõ yaribosebʉreco niñerõcã.#12:3 Atibosebʉreco apewãmerẽ Pascua bosebʉreco wãmecʉtiyuro. 4Cʉ̃rẽ ñeãriasiro Herodes peresu tiriwipʉ sonedotiyugʉ. Tiwipʉre surara bapubisariburi cʉ̃rẽ wasoa coteyura. Ĩcãbure bapubisara surara niyura. Herodes: “Pascua bosebʉrecosiro#12:4 Pascua bosebʉreco wayuro ĩcãbʉrecosʉguero pan pumasãñerõcã tiremena ajiayamanirẽ yaribosebʉreco niñerõcã. basocacã ĩñacoropʉ cʉ̃rẽ newioco sĩãdotigʉda” ĩ wãcũmiyugʉ. 5Tairo tira surarape Pedrore peresupʉ nigʉ̃rẽ ñurõ acuta coterucũmocãyura. Cʉ̃cã tiwipʉ nirĩwatoa Jesúre wedewõrãpe bʉtoro tutuaromena Manigʉ̃rẽ cʉ̃rẽ sãĩbosarucũmocãyura.
Manigʉ̃rẽ wedecoteribasocʉ Pedrore peresu nigʉ̃rẽ wiocorigue
6Herodecã Pedrore “Mename basoca ĩñacoropʉ newiocogʉda” ĩrĩ ñamirẽ Pedro pʉ̃ãrã surara decopʉ pʉada cõmedamena wãmorĩrẽ siatuyoarigʉ caniyugʉ. Ãpẽrã pʉ̃ãrã surarape tiwi sopepʉto witiarore coteyura. 7Wãcũña manirõ ĩcʉ̃ Manigʉ̃rẽ wedecoteribasocʉ Pedrocã peresu nirĩtatiapʉ bajuayugʉ. Cʉ̃cã topʉ bajuañerõcã ñurõ bowebateasuyuro. Cʉ̃rẽ tucare:
—Boyero wãcã wʉmʉnʉcãña ―ĩyugʉ.
Cʉ̃cã tairo ĩrẽmenarã cõmedari Pedroye wãmorĩrẽ siatuyoarigue ãduiasuyuro.
8—Mʉya sutirore, dʉposuticãrẽ sãñaña ―ĩyugʉ.
Pedrocã sãñatuwaremena ĩña cʉ̃rẽ ĩyugʉ tamʉ:
—Sutiro sotoamacãrõ asipusurore sãñaña. Jamʉ yʉmena watiya ―ĩyugʉ.
9Pedro Manigʉ̃rẽ wedecoteribasocʉcã cʉ̃rẽ tirere “quẽrõpʉra abiro ĩñagʉ̃ baunirõ waro ya” ĩmasĩhericapeicã cʉ̃siro quetatuwitiayugʉ. 10Surara cotera nisocorare cametʉa, siro macãrãcãrẽ cametʉa tiwi mama sãwaro cõme sopepãma cʉtiro cʉ̃jãcã eawaremena tisope basurupe pãwõãsuyuro. Tisopepʉtore cametʉawitiasuyura. Yoasãñurõ waremena Manigʉ̃rẽ wedecoteribasocʉ ditiasuyugʉ. Pedro ĩcʉ̃rã pʉtʉayugʉ.
11Cʉ̃cã ditiañerõcãpʉra ñurõ tʉomasĩnʉcãjea abiro wãcũyugʉ: “Diamacãrã niãyu yʉcã ĩñarigue. Nirõrã Manigʉ̃ yʉre cametʉodotigʉ ĩcʉ̃ cʉ̃rẽ wedecoteribasocʉre ticoayi. Herodere, nipetira judío basoca Jesúre wedewõherare yʉre ñañarõ tirugarere acutagʉ ticoayuwi” ĩ wãcũyugʉ Pedro.
12Cʉ̃ tiere ñurõ tʉomasĩjea Maríayawipʉ Juan o aperore Marcos wãmecʉtigʉ pacoyawipʉ wayugʉ. Pajʉ Jesúre wedewõrã tiwipʉ neãponirã Manigʉ̃rẽ ñubue Pedrore saĩbosara tiyura. 13Topʉ eagʉ tiwi sãrõ sopepʉtore doteyugʉ. Cʉ̃cã doteñerõcã tiwimacãrãrẽ padedecoteribasoco Rode wãmecʉtigo: “¿Noã ñarĩ?” ĩgõ ĩñagõ eayugo. 14Pedrocã wederucũrẽrẽ tʉomasĩ bʉtoro ʉseago cʉ̃rẽ pãwõsonecorono tigo camecʉtʉsãwa to neãporare:
—Pedro sopepʉ niãwĩ ―ĩ wedeyugo.
15Cocã tairo ĩñerõcã nipetira core:
—¡Mʉ tairo ĩmequẽdemocãgõ ya! ―ĩyura.
Cope:
—Queoro ĩgõ ya ―ĩyugo.
Cocã “sopepʉtopʉre Pedrora niãwĩ” ĩrucũñerõcã tʉora cʉ̃jãpe:
—To docare Pedrore cotegʉ Manigʉ̃rẽ wedecoteribasocʉ niatiyi ―ĩyura.
16Cʉ̃jãcã tairo ĩrucũrĩwatoa Pedrope sopepʉtopʉra dote pisurucũyugʉ. Siro cʉ̃jã sopere pãwõrã Pedrore to nucũgʉ̃rẽ ĩñayura. Cʉ̃rẽ ĩñarã ʉcʉasuyura. 17Pedrope wãmomena sẽwẽyugʉ cʉ̃jãrẽ “disuaya” ĩgʉ̃. Tairo tituwa Manigʉ̃cã cʉ̃rẽ peresupʉ nigʉ̃rẽ newitiariguere wedeyugʉ: “Tiere Santiagore, ãpẽrã Jesúre wedewõrãrẽ wedera waya” ĩyugʉ. Ĩtuwa tiwipʉ niãrigʉ witiwa warisuayugʉ aperopʉ.
18Boweriwatoa niñerõcã peresu tiriwipʉre Pedroca maniñerõcã ĩñarã surara cotera bʉtoro ʉcʉa “¿Pedrore dairo wayuriye?” ĩ cʉ̃jãbasurupe came sãĩñayura. 19Herodes Pedrocã maniñerõcã tʉogʉ cʉ̃rẽ amadotiyugʉ. Cʉ̃rẽ bʉaheriñerõcã ĩñagʉ̃ Herodes Pedrore cotemoãriarare bʉtoro sãĩña cʉ̃jãrẽ sĩãdotimocãyugʉ. Tiesiro Herodes Judea ditapʉ niãrigʉ Cesareapʉ nigʉ̃ warisuayugʉ.
Herodecã cõwõãrigue
20Herodes Tiro, Sidón wãmecʉtirimacãrĩ macãrãmena bʉtoro cuagʉ tiyugʉ. Cʉ̃jã Herodeya dita maquẽrẽ yarigue wapatira niyura. Tairo tiñerõcã ĩñarã cʉ̃jãbasurupe wederucũpʉtʉa Herodes cʉtiropʉ wa tiere quenorã wayura. Topʉ eawara Herodeyawire coteribasocʉ Blasto wãmecʉtigʉre titamurẽ sãĩyura. Cʉ̃:
—Cʉ̃jãrẽ titamugʉ̃da ―ĩyugʉ.
Cʉ̃cã tairo ĩñerõcã tʉora:
—Herodere wederucũbosaya ʉ̃sã cʉ̃mena ñurõ nirugara cati ―ĩyura cʉ̃rẽ.
21Tairo tigʉ Herodes:
—Ĩcãbʉreco mʉjãrẽ wederucũgʉ̃da ―ĩyugʉ.
Cʉ̃cã ĩriabʉreco eañerõcã Herodes cʉ̃ye nirũpʉ̃ suti ñurẽrẽ sãña nirũpʉ̃ duiripĩrõpʉ eanuãjea basocare wederucũyugʉ.
22Cʉ̃cã tairo wederucũñerõcã tʉora basoca cʉ̃rẽ ñurõ peñaro ĩrã:
—Ãni ano wederucũgʉ̃ basocʉ merã ñawĩ. Ĩcʉ̃ manigʉ̃ ñawĩ ―ĩ caribiyura.
23Tairo ĩriwatoamenarã mata Manigʉ̃rẽ wedecoteribasocʉ Herodere pũnirĩgue tumocãyugʉ cʉ̃cã “Manigʉ̃merã ña” ĩhere wapa.
Siro tie wapamena becoa yayo cõwõãsuyugʉ.#12:23 Atie abiro biyuro cʉma 44 Jesucristocã bajuariasiro ĩcã bosebʉreco niñerõcã. Basocacã “Ãni ĩcʉ̃ manigʉ̃ ñawĩ” ĩ ʉseapeoremena mata diare bʉa cʉtamisĩpʉ becoa yayo ĩcãõpʉcʉ̃ñe bʉrecorisiro cõwõãsuyugʉ.
24Tiesiro Jesúre wedewõrã Manigʉ̃ye maquẽrẽ wede buewõnoñerõcã nipetiropʉ tie sesayuro. Tairo tira pajʉ Jesúre wedewõnemoyura.
25Bernabé, Saulo Jerusalénpʉ Jesúre wedewõrãrẽ titamutuwa Antioquíapʉra camepʉtʉara Juan o aperore Marcos wãmecʉtigʉcãrẽ#12:25 Juan o aperore Marcos wãmecʉtigʉ niyugʉ Bernabé pacomacʉ̃ (Col 4:10). newayura.
Currently Selected:
Hechos 12: yui
Highlight
Share
Copy
Want to have your highlights saved across all your devices? Sign up or sign in
© 2026, SIL Global. All rights reserved.
Hechos 12
12
Santiagore sĩã, Pedrore peresupʉ sonerigue
1Tibʉrecorire Herodes#12:1 Ãni Herodes wãmecʉtiyugʉ Herodes Agripa I. Cʉ̃ ñecõ judío basoco niyugo. Tairo tigʉ judío basocamenamacʉ̃ niyugʉ. Judea dita nirũpʉ̃ ĩcãrã Jesúre wedewõrãrẽ ñañarõ tigʉdagʉ ñedotiyugʉ. 2Tairo tigʉ Juan sõwʉ̃ Santiagore saderipĩmena sĩãdotiyugʉ. 3Judío basoca Jesúre wedewõhera cʉ̃rẽ sĩãñerõcã ĩñarã bʉtoro ʉseayura. Cʉ̃jãcã tairo ʉseañerõcã ĩñagʉ̃ Pedrocãrẽ ñedotiyʉgʉ. Atie wayuro judío basocacã pan pumasãñerõcã tiremena ajiaro manirõ yaribosebʉreco niñerõcã.#12:3 Atibosebʉreco apewãmerẽ Pascua bosebʉreco wãmecʉtiyuro. 4Cʉ̃rẽ ñeãriasiro Herodes peresu tiriwipʉ sonedotiyugʉ. Tiwipʉre surara bapubisariburi cʉ̃rẽ wasoa coteyura. Ĩcãbure bapubisara surara niyura. Herodes: “Pascua bosebʉrecosiro#12:4 Pascua bosebʉreco wayuro ĩcãbʉrecosʉguero pan pumasãñerõcã tiremena ajiayamanirẽ yaribosebʉreco niñerõcã. basocacã ĩñacoropʉ cʉ̃rẽ newioco sĩãdotigʉda” ĩ wãcũmiyugʉ. 5Tairo tira surarape Pedrore peresupʉ nigʉ̃rẽ ñurõ acuta coterucũmocãyura. Cʉ̃cã tiwipʉ nirĩwatoa Jesúre wedewõrãpe bʉtoro tutuaromena Manigʉ̃rẽ cʉ̃rẽ sãĩbosarucũmocãyura.
Manigʉ̃rẽ wedecoteribasocʉ Pedrore peresu nigʉ̃rẽ wiocorigue
6Herodecã Pedrore “Mename basoca ĩñacoropʉ newiocogʉda” ĩrĩ ñamirẽ Pedro pʉ̃ãrã surara decopʉ pʉada cõmedamena wãmorĩrẽ siatuyoarigʉ caniyugʉ. Ãpẽrã pʉ̃ãrã surarape tiwi sopepʉto witiarore coteyura. 7Wãcũña manirõ ĩcʉ̃ Manigʉ̃rẽ wedecoteribasocʉ Pedrocã peresu nirĩtatiapʉ bajuayugʉ. Cʉ̃cã topʉ bajuañerõcã ñurõ bowebateasuyuro. Cʉ̃rẽ tucare:
—Boyero wãcã wʉmʉnʉcãña ―ĩyugʉ.
Cʉ̃cã tairo ĩrẽmenarã cõmedari Pedroye wãmorĩrẽ siatuyoarigue ãduiasuyuro.
8—Mʉya sutirore, dʉposuticãrẽ sãñaña ―ĩyugʉ.
Pedrocã sãñatuwaremena ĩña cʉ̃rẽ ĩyugʉ tamʉ:
—Sutiro sotoamacãrõ asipusurore sãñaña. Jamʉ yʉmena watiya ―ĩyugʉ.
9Pedro Manigʉ̃rẽ wedecoteribasocʉcã cʉ̃rẽ tirere “quẽrõpʉra abiro ĩñagʉ̃ baunirõ waro ya” ĩmasĩhericapeicã cʉ̃siro quetatuwitiayugʉ. 10Surara cotera nisocorare cametʉa, siro macãrãcãrẽ cametʉa tiwi mama sãwaro cõme sopepãma cʉtiro cʉ̃jãcã eawaremena tisope basurupe pãwõãsuyuro. Tisopepʉtore cametʉawitiasuyura. Yoasãñurõ waremena Manigʉ̃rẽ wedecoteribasocʉ ditiasuyugʉ. Pedro ĩcʉ̃rã pʉtʉayugʉ.
11Cʉ̃cã ditiañerõcãpʉra ñurõ tʉomasĩnʉcãjea abiro wãcũyugʉ: “Diamacãrã niãyu yʉcã ĩñarigue. Nirõrã Manigʉ̃ yʉre cametʉodotigʉ ĩcʉ̃ cʉ̃rẽ wedecoteribasocʉre ticoayi. Herodere, nipetira judío basoca Jesúre wedewõherare yʉre ñañarõ tirugarere acutagʉ ticoayuwi” ĩ wãcũyugʉ Pedro.
12Cʉ̃ tiere ñurõ tʉomasĩjea Maríayawipʉ Juan o aperore Marcos wãmecʉtigʉ pacoyawipʉ wayugʉ. Pajʉ Jesúre wedewõrã tiwipʉ neãponirã Manigʉ̃rẽ ñubue Pedrore saĩbosara tiyura. 13Topʉ eagʉ tiwi sãrõ sopepʉtore doteyugʉ. Cʉ̃cã doteñerõcã tiwimacãrãrẽ padedecoteribasoco Rode wãmecʉtigo: “¿Noã ñarĩ?” ĩgõ ĩñagõ eayugo. 14Pedrocã wederucũrẽrẽ tʉomasĩ bʉtoro ʉseago cʉ̃rẽ pãwõsonecorono tigo camecʉtʉsãwa to neãporare:
—Pedro sopepʉ niãwĩ ―ĩ wedeyugo.
15Cocã tairo ĩñerõcã nipetira core:
—¡Mʉ tairo ĩmequẽdemocãgõ ya! ―ĩyura.
Cope:
—Queoro ĩgõ ya ―ĩyugo.
Cocã “sopepʉtopʉre Pedrora niãwĩ” ĩrucũñerõcã tʉora cʉ̃jãpe:
—To docare Pedrore cotegʉ Manigʉ̃rẽ wedecoteribasocʉ niatiyi ―ĩyura.
16Cʉ̃jãcã tairo ĩrucũrĩwatoa Pedrope sopepʉtopʉra dote pisurucũyugʉ. Siro cʉ̃jã sopere pãwõrã Pedrore to nucũgʉ̃rẽ ĩñayura. Cʉ̃rẽ ĩñarã ʉcʉasuyura. 17Pedrope wãmomena sẽwẽyugʉ cʉ̃jãrẽ “disuaya” ĩgʉ̃. Tairo tituwa Manigʉ̃cã cʉ̃rẽ peresupʉ nigʉ̃rẽ newitiariguere wedeyugʉ: “Tiere Santiagore, ãpẽrã Jesúre wedewõrãrẽ wedera waya” ĩyugʉ. Ĩtuwa tiwipʉ niãrigʉ witiwa warisuayugʉ aperopʉ.
18Boweriwatoa niñerõcã peresu tiriwipʉre Pedroca maniñerõcã ĩñarã surara cotera bʉtoro ʉcʉa “¿Pedrore dairo wayuriye?” ĩ cʉ̃jãbasurupe came sãĩñayura. 19Herodes Pedrocã maniñerõcã tʉogʉ cʉ̃rẽ amadotiyugʉ. Cʉ̃rẽ bʉaheriñerõcã ĩñagʉ̃ Herodes Pedrore cotemoãriarare bʉtoro sãĩña cʉ̃jãrẽ sĩãdotimocãyugʉ. Tiesiro Herodes Judea ditapʉ niãrigʉ Cesareapʉ nigʉ̃ warisuayugʉ.
Herodecã cõwõãrigue
20Herodes Tiro, Sidón wãmecʉtirimacãrĩ macãrãmena bʉtoro cuagʉ tiyugʉ. Cʉ̃jã Herodeya dita maquẽrẽ yarigue wapatira niyura. Tairo tiñerõcã ĩñarã cʉ̃jãbasurupe wederucũpʉtʉa Herodes cʉtiropʉ wa tiere quenorã wayura. Topʉ eawara Herodeyawire coteribasocʉ Blasto wãmecʉtigʉre titamurẽ sãĩyura. Cʉ̃:
—Cʉ̃jãrẽ titamugʉ̃da ―ĩyugʉ.
Cʉ̃cã tairo ĩñerõcã tʉora:
—Herodere wederucũbosaya ʉ̃sã cʉ̃mena ñurõ nirugara cati ―ĩyura cʉ̃rẽ.
21Tairo tigʉ Herodes:
—Ĩcãbʉreco mʉjãrẽ wederucũgʉ̃da ―ĩyugʉ.
Cʉ̃cã ĩriabʉreco eañerõcã Herodes cʉ̃ye nirũpʉ̃ suti ñurẽrẽ sãña nirũpʉ̃ duiripĩrõpʉ eanuãjea basocare wederucũyugʉ.
22Cʉ̃cã tairo wederucũñerõcã tʉora basoca cʉ̃rẽ ñurõ peñaro ĩrã:
—Ãni ano wederucũgʉ̃ basocʉ merã ñawĩ. Ĩcʉ̃ manigʉ̃ ñawĩ ―ĩ caribiyura.
23Tairo ĩriwatoamenarã mata Manigʉ̃rẽ wedecoteribasocʉ Herodere pũnirĩgue tumocãyugʉ cʉ̃cã “Manigʉ̃merã ña” ĩhere wapa.
Siro tie wapamena becoa yayo cõwõãsuyugʉ.#12:23 Atie abiro biyuro cʉma 44 Jesucristocã bajuariasiro ĩcã bosebʉreco niñerõcã. Basocacã “Ãni ĩcʉ̃ manigʉ̃ ñawĩ” ĩ ʉseapeoremena mata diare bʉa cʉtamisĩpʉ becoa yayo ĩcãõpʉcʉ̃ñe bʉrecorisiro cõwõãsuyugʉ.
24Tiesiro Jesúre wedewõrã Manigʉ̃ye maquẽrẽ wede buewõnoñerõcã nipetiropʉ tie sesayuro. Tairo tira pajʉ Jesúre wedewõnemoyura.
25Bernabé, Saulo Jerusalénpʉ Jesúre wedewõrãrẽ titamutuwa Antioquíapʉra camepʉtʉara Juan o aperore Marcos wãmecʉtigʉcãrẽ#12:25 Juan o aperore Marcos wãmecʉtigʉ niyugʉ Bernabé pacomacʉ̃ (Col 4:10). newayura.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2026, SIL Global. All rights reserved.