1 Corintios 12
12
Espíritu Santocã timasĩrẽrẽ nʉnirẽ
1Yara yʉ mʉjãrẽ Espíritu Santocã timasĩrẽ nʉnirẽ maquẽrẽ masĩñerõcã boga.#Ro 1:13; 1Co 14:1, 37. 2Jesucristore mʉjãcã wedewõhera nirĩwatoapʉre queore weyoriararena cʉ̃jãcã icãta catira nihericapetacãrã, cʉ̃jãcã wederucũhera nirã nicapetacãrã cʉ̃jãpere wedewõrã eañerõcã tiyonirã mʉjã cʉ̃jãrẽna wedewõ mawisiriara niwʉ̃.#Sal 115:5; 1Ts 1:9. 3Tairo tigʉ yʉ mʉjãrẽ atie maquẽrẽna wedegʉ ya ñurõ tʉomasĩñerõcã bogʉ. Abiro ña: icãta ĩcʉ̃no Espíritu Santocã masĩrẽ nʉnirẽmena wederucũgʉ̃no “Jesúre ñañarõ watẽrĩcãro” ĩmasĩherijomocãgawi. Tairora ãpĩcã Espíritu Santocã masĩrẽ nʉnirẽmenarã wederucũhericapeicã “Jesús marĩ Nirũpʉ̃ ñawĩ” ĩmasĩherijomocãgawi. Espíritu Santocã masĩrẽ nʉnirẽmena wederucũgʉ̃ wadora “Jesús marĩ Nirũpʉ̃rã ñawĩ” ĩmasĩgawi.#Mt 16:17; Mc 9:39; Jn 4:2-3; 15:26; 20:28. 4Manigʉ̃ye timasĩrẽrẽ Espíritu Santocã nʉnirẽ paje wãmerĩ nimocã. Buri atie nipetire Espíritu Santocã nʉnimasĩrẽ wadora ña.#Ro 12:4-7; Heb 2:4. 5Marĩ Nirũpʉ̃ Jesucristore paje wãmerĩmena padedebosare nimocã. Buri cʉ̃ ĩcʉ̃ Nirũpʉ̃rẽna padedebosare nirõ ya cʉ̃ wadora cʉ̃rẽ wedewõrãrẽ merĩãwãme wado timasĩrẽrẽ nʉniriasiro niñerõcã.#Ef 4:11. 6Marĩrẽ Manigʉ̃yere padedere ĩcãwãme niheri paje wãmerĩ nimocã. Buri marĩ nipetirapʉre cʉ̃ye tutuaremenarã tie nipetirere marĩpʉmenarã ñurõ timasĩñerõcã tigʉ cʉ̃ Manigʉ̃ wadora ñawĩ. 7Nipetira Jesúre wedewõrãcãrõrẽ Manigʉ̃ merĩãwãmerĩ wado timasĩrẽrẽ nʉniwĩ Espíritu Santore mʉjãmenarã ñawĩ ĩ eñogʉ̃. Tairo yawí cʉ̃cã tie timasĩrẽrẽ marĩrẽ nʉnirẽmenarã marĩ Jesúre wedewõrãbasurupere came ñurõ titamuãro ĩgʉ̃.#Ef 4:7; 1Pe 4:10-11. 8Ĩcãrãrẽ Manigʉ̃ cʉ̃ya Espíritu Santomenarã cʉ̃ye maquẽrẽ ñurõ masĩrẽmena wederucũmasĩrẽrẽ cʉora eañerõcã yawí. Tairora ãpẽrãrẽ Espíritu Santomenarã cʉ̃ye maquẽrẽ ñurõ pupea tʉomasĩrẽmena buemasĩrẽrẽ cʉora eañerõcã yawí.#1Co 2:6-7; 2Co 8:7; Ro 12:6-8. 9Ãpẽrãrẽ Espíritu Santomenarã ʉ̃sãrẽ “Manigʉ̃cã titamuñerõcãrã tiere timasĩrõãcu” ĩ wedewõmasĩrẽrẽ cʉora eañerõcã yawí. Ãpẽrãcãrẽ cʉ̃menarã diare cʉorare cʉ̃jãye pũnirĩguere cametʉomasĩrẽrẽ cʉora eañerõcã yawí.#12:28, 30; 1Co 13:2; 2Co 4:13; Mt 17:19-20. 10Tairora ãpẽrã tiẽñorẽrẽ timasĩrẽrẽ ñerã eawa. Ĩñerõcã ãpẽrã cʉ̃ Manigʉ̃cã wededotirere ñurõ wedemasĩrẽrẽ ñerã eawa. Ãpẽrãpe “ãnijã wãtĩ tutuaremena abiro yawa; ãnijãpe Espíritu Santoye tutuaremena abiro yawa” ĩ ĩñabesemasĩrẽrẽ ñerã eawa. Ãpẽrãcã ãpẽrãya basocaburi wederucũriʉserire wederucũmasĩrẽrẽ ñerã eawa. Tairora ãpẽrã basocaburi wederucũriʉserimena wederucũrẽrẽ “abiro ĩrugaro ya” ĩ wedemasĩrẽrẽ ñerã eawa.#Hch 2:4, 6, 11; 10:4; 11:28; 21:10-11; 13:1-2; Ro 12:6; 1Co 14:9-10; 1Jn 4:1-6. 11Buri atie nipetire timasĩrẽre nʉnigʉ̃ Espíritu Santo wadora ñawĩ. Tairo tigʉ cʉ̃ wadora wedewõrãcãrõrẽ “atie timasĩrẽ cʉ̃rẽ ñuruga” ĩnigʉ̃ cʉ̃cã nʉnirugariwãmerã nʉnimasĩgʉ̃ ñawĩ.#2Co 10:13; Heb 2:4; Ef 4:7.
Marĩ nipetira Jesucristore wedewõrã ĩcãũpʉ̃ maquẽrã abiro nirẽ
12Ĩcãũpʉ̃ maquẽ paje ña. Paje nicaperocãrã ĩcãũpʉ̃rã nirõ ya. Cristomenacãrẽ tairora bi. Marĩ cʉ̃rẽ wedewõrã pajʉ nicaperacãrã cʉ̃menarẽ ĩcãũpʉ̃ macãrãrã abiro nirã ña.#Ro 12:4-5; Ga 3:16; Ef 1:22-23; 3:2-6; 4:3-6, 11-16, 25; Col 2:19; 3:14-15. 13Tiwãmerã marĩ nipetira cʉ̃rẽ wedewõrã judío basoca nirã, judío basoca nihera, dotiepeyoribasoca o dotiepeyoribasoca nihera ĩcãũpʉ̃rã abiro nirã earadara Espíritu Santo ĩcʉ̃menarã wãmeõtiyora eawʉ. Tairo tira marĩ nipetirapʉra Espíritu Santo ĩcʉ̃rẽna cʉo.#1Co 10:1-4; Jn 7:37-39; Ga 3:28; Ro 10:12; Ef 2:18; Col 3:11. 14Ĩcãũpʉ̃ maquẽ ĩcã wãmerã niheri paje nimocã. 15Apewatoa tiro dʉpo abiro ĩrõ eaboga “yʉpʉa wãmo niherinirõ ũpʉ̃ macãrõ niheri” ĩboga. Buri tora abiro ĩrẽmena wadora tidʉpo tiũpʉ̃ macãrõ nirõ eamasĩheri biheriga. Tidʉpo ti ũpʉ̃ macãrõrã nirõ ya. 16Tairora apewatoa camuperocã “yʉpʉa cape niherinirõ ũpʉ̃ macãrõ niheri” ĩrõ eaboga. Buri ti camupero tora abiro ĩrẽmena wadora ti ũpʉ̃ macãrõ nimasĩheri biheriga. Ti camupero ti ũpʉ̃ macãrõ nirõ ya. 17Marĩya ũpʉ̃ cape wadora niñerõcãpʉare ¿dairo tinirã tʉoboyuri? Tairora marĩya ũpʉ̃ camupero wado niñerõcãcãrẽ ¿dairo tinirã wĩnimasĩboyuri? 18Queorojoropʉare Manigʉ̃ marĩya ũpʉ̃rĩrẽ tigʉ “topera cʉ̃jãrẽ queoro earoacu” ĩmasĩnigʉ̃ marĩye ũpʉ̃ maquẽrẽ to niãtiwãmerã turigʉ niwĩ.#12:11, 28. 19Nipetire marĩya ũpʉ̃ maquẽ nirẽno ĩcã wãmerã niñerõcãnopʉare ĩcãũpʉ̃no nirõ eamasĩheribogatiyu. 20Queorojoropʉare ĩcãũpʉ̃ paje dicawatiregãpato cʉo cʉoropʉa. Buri bicapetacãrã ĩcãũpʉ̃ maquẽ ninirõ ĩcãũpʉ̃rã nirõ earo ya.#12:14. 21Cape, wãmorẽ “yʉ mʉrẽ boheri” ĩmasĩheriga. Tiwãmerã dʉpowʉcã, dʉporire “yʉ mʉjãrẽ boheriga” ĩmasĩheriga. 22Buripe doca abirope bi. Marĩya ũpʉ̃ maquẽrẽ marĩcã “tie tutuahere ña” ĩ ĩñarẽpera doca sotoape marĩcã bʉtoro boyorejorora nirõ ya. 23Tairora marĩya ũpʉ̃ maquẽ bʉtorojoro baunitutuaheri buri nirẽpere ñurõ bauñerõcã bora ñurõpʉra quenomocã. Apeyecãrẽ marĩcã eñoherenopʉcãrẽ basocare ĩñaherimocãro ĩrã tiere acutara ñurõpʉra sutire sãñamocã. 24Buripe marĩya ũpʉ̃ maquẽ ñurõ baunirõpʉ marĩcã cʉojomocãrẽpere ñurõ quenoherijomocã. Merẽ Manigʉ̃rã marĩya ũpʉ̃ maquẽrẽ tigʉ marĩye ũpʉ̃ maquẽ buri nirẽgãperena bʉtoro nijomocãrẽrã abirope ñurõ quenomasĩãtiwãmerẽ tisiarigʉ niwĩ. Tairo tira marĩcã icãta ĩcʉ̃ Jesúyagʉre “buri nigʉ̃ ñawĩ; tairo tira cʉ̃rẽ boheri” ĩmasĩheriga. 25Tairo tisiarigʉ niwĩ ĩcãũpʉ̃ macãrãrã abiro came bataherara ĩcãrõrã nimocã, came ñurõ titamurẽmenape nirucũmocãro ĩgʉ̃. 26Ĩcãrõno marĩya ũpʉ̃ macãrõ ñañarõ posañerõcã ti ũpʉ̃ maquẽ nipetirepʉra ñañarõ posapetimocã o pũnirẽ tʉoiñapetimocã. Tairora ĩcãrõnorẽna ñurõ quenoñerõcãcãrẽ apeye nipetirepʉra ñurõ ʉsea tʉoiñapetimocã. 27Mʉjãrẽ atiere abiro ĩgʉ̃ anorã abiro ĩrugagʉ ya. Marĩ nipetira Jesucristore wedewõrã cʉ̃ya ũpʉ̃ macãrãrã nirã ya. Tora abiro ninirã ĩcã ũpʉ̃ maquẽrã abiro marĩcã marĩcãrõ merĩã wado nicaperacãrã cʉ̃ya ũpʉ̃ macãrãrã nirã eara ya.#Ro 12:5; Ef 1:23; 4:12; 5:30; Col 1:18, 24. 28Manigʉ̃ Jesucristore wedewõrĩbu macãrã watoapʉre ãnijãrẽ niñerõcã borigʉ niwĩ: nisʉguerare Jesucristocã cʉ̃ye quetire buedotigʉ cũyoriarare; cʉ̃jãsirorena cʉ̃cã wededotirere wedeanarẽ; cʉ̃jãsiropere cʉ̃yere bueanarẽ; sirore tiẽñorẽrẽ tianarẽ; ãpẽrãrẽ diare cʉorare cametʉoanarẽ; ãpẽrãrẽ basocare titamuãnarẽ; dotiribasoca niãnarẽ ĩñerõcã basocaburi wederucũriʉserire wederucũãnarẽ niñerõcã borigʉ niwĩ.#12:9-10; Hch 6:1-6; 13:1; Ro 12:6-8; Ef 2:20; 3:5; 4:11. 29Marĩ nipetirapʉrena ĩcãrõpe tianarẽna cũheririgʉ niwĩ. Tairo tira nipetirapʉra Jesucristocã cʉ̃ye quetire buedotigʉ cũyoriara niheri. Tairora nipetirapʉra cʉ̃cã wededotirere wederibasoca niheri. Nipetirapʉra cʉ̃yere bueribasoca niheri ĩñerõcã tairora nipetirapʉra tiẽñorẽrẽ timasĩrã niheri. 30Cotoarora nipetirapʉra Manigʉ̃ye tutuaremena diarare cametʉomasĩrẽrẽ cʉoheriwa. Nipetirapʉra basocaburi wederucũriʉserire wederucũmasĩheriwa ĩñerõcã nipetirapʉra basocaburi wederucũriʉserire wederucũmasĩrãcã wederucũrẽrẽ abiro ĩrugaro ya ĩmasĩrãnocã maniwã.#12:10. 31Tairo tigʉ yʉ mʉjãrẽ Espíritu Santocã timasĩrẽ nʉnirẽrẽ cʉorugara mʉjãrẽ bʉtoro titamumasĩborenopere cʉorugara niña ĩ.#1Co 14:1, 39; Ga 5:22.
Buri yʉpe marĩcʉorore apeye ñucametʉanʉcãrẽ nirẽrẽ mʉjãrẽ buegʉda.
Currently Selected:
1 Corintios 12: yui
Highlight
Share
Copy
Want to have your highlights saved across all your devices? Sign up or sign in
© 2026, SIL Global. All rights reserved.
1 Corintios 12
12
Espíritu Santocã timasĩrẽrẽ nʉnirẽ
1Yara yʉ mʉjãrẽ Espíritu Santocã timasĩrẽ nʉnirẽ maquẽrẽ masĩñerõcã boga.#Ro 1:13; 1Co 14:1, 37. 2Jesucristore mʉjãcã wedewõhera nirĩwatoapʉre queore weyoriararena cʉ̃jãcã icãta catira nihericapetacãrã, cʉ̃jãcã wederucũhera nirã nicapetacãrã cʉ̃jãpere wedewõrã eañerõcã tiyonirã mʉjã cʉ̃jãrẽna wedewõ mawisiriara niwʉ̃.#Sal 115:5; 1Ts 1:9. 3Tairo tigʉ yʉ mʉjãrẽ atie maquẽrẽna wedegʉ ya ñurõ tʉomasĩñerõcã bogʉ. Abiro ña: icãta ĩcʉ̃no Espíritu Santocã masĩrẽ nʉnirẽmena wederucũgʉ̃no “Jesúre ñañarõ watẽrĩcãro” ĩmasĩherijomocãgawi. Tairora ãpĩcã Espíritu Santocã masĩrẽ nʉnirẽmenarã wederucũhericapeicã “Jesús marĩ Nirũpʉ̃ ñawĩ” ĩmasĩherijomocãgawi. Espíritu Santocã masĩrẽ nʉnirẽmena wederucũgʉ̃ wadora “Jesús marĩ Nirũpʉ̃rã ñawĩ” ĩmasĩgawi.#Mt 16:17; Mc 9:39; Jn 4:2-3; 15:26; 20:28. 4Manigʉ̃ye timasĩrẽrẽ Espíritu Santocã nʉnirẽ paje wãmerĩ nimocã. Buri atie nipetire Espíritu Santocã nʉnimasĩrẽ wadora ña.#Ro 12:4-7; Heb 2:4. 5Marĩ Nirũpʉ̃ Jesucristore paje wãmerĩmena padedebosare nimocã. Buri cʉ̃ ĩcʉ̃ Nirũpʉ̃rẽna padedebosare nirõ ya cʉ̃ wadora cʉ̃rẽ wedewõrãrẽ merĩãwãme wado timasĩrẽrẽ nʉniriasiro niñerõcã.#Ef 4:11. 6Marĩrẽ Manigʉ̃yere padedere ĩcãwãme niheri paje wãmerĩ nimocã. Buri marĩ nipetirapʉre cʉ̃ye tutuaremenarã tie nipetirere marĩpʉmenarã ñurõ timasĩñerõcã tigʉ cʉ̃ Manigʉ̃ wadora ñawĩ. 7Nipetira Jesúre wedewõrãcãrõrẽ Manigʉ̃ merĩãwãmerĩ wado timasĩrẽrẽ nʉniwĩ Espíritu Santore mʉjãmenarã ñawĩ ĩ eñogʉ̃. Tairo yawí cʉ̃cã tie timasĩrẽrẽ marĩrẽ nʉnirẽmenarã marĩ Jesúre wedewõrãbasurupere came ñurõ titamuãro ĩgʉ̃.#Ef 4:7; 1Pe 4:10-11. 8Ĩcãrãrẽ Manigʉ̃ cʉ̃ya Espíritu Santomenarã cʉ̃ye maquẽrẽ ñurõ masĩrẽmena wederucũmasĩrẽrẽ cʉora eañerõcã yawí. Tairora ãpẽrãrẽ Espíritu Santomenarã cʉ̃ye maquẽrẽ ñurõ pupea tʉomasĩrẽmena buemasĩrẽrẽ cʉora eañerõcã yawí.#1Co 2:6-7; 2Co 8:7; Ro 12:6-8. 9Ãpẽrãrẽ Espíritu Santomenarã ʉ̃sãrẽ “Manigʉ̃cã titamuñerõcãrã tiere timasĩrõãcu” ĩ wedewõmasĩrẽrẽ cʉora eañerõcã yawí. Ãpẽrãcãrẽ cʉ̃menarã diare cʉorare cʉ̃jãye pũnirĩguere cametʉomasĩrẽrẽ cʉora eañerõcã yawí.#12:28, 30; 1Co 13:2; 2Co 4:13; Mt 17:19-20. 10Tairora ãpẽrã tiẽñorẽrẽ timasĩrẽrẽ ñerã eawa. Ĩñerõcã ãpẽrã cʉ̃ Manigʉ̃cã wededotirere ñurõ wedemasĩrẽrẽ ñerã eawa. Ãpẽrãpe “ãnijã wãtĩ tutuaremena abiro yawa; ãnijãpe Espíritu Santoye tutuaremena abiro yawa” ĩ ĩñabesemasĩrẽrẽ ñerã eawa. Ãpẽrãcã ãpẽrãya basocaburi wederucũriʉserire wederucũmasĩrẽrẽ ñerã eawa. Tairora ãpẽrã basocaburi wederucũriʉserimena wederucũrẽrẽ “abiro ĩrugaro ya” ĩ wedemasĩrẽrẽ ñerã eawa.#Hch 2:4, 6, 11; 10:4; 11:28; 21:10-11; 13:1-2; Ro 12:6; 1Co 14:9-10; 1Jn 4:1-6. 11Buri atie nipetire timasĩrẽre nʉnigʉ̃ Espíritu Santo wadora ñawĩ. Tairo tigʉ cʉ̃ wadora wedewõrãcãrõrẽ “atie timasĩrẽ cʉ̃rẽ ñuruga” ĩnigʉ̃ cʉ̃cã nʉnirugariwãmerã nʉnimasĩgʉ̃ ñawĩ.#2Co 10:13; Heb 2:4; Ef 4:7.
Marĩ nipetira Jesucristore wedewõrã ĩcãũpʉ̃ maquẽrã abiro nirẽ
12Ĩcãũpʉ̃ maquẽ paje ña. Paje nicaperocãrã ĩcãũpʉ̃rã nirõ ya. Cristomenacãrẽ tairora bi. Marĩ cʉ̃rẽ wedewõrã pajʉ nicaperacãrã cʉ̃menarẽ ĩcãũpʉ̃ macãrãrã abiro nirã ña.#Ro 12:4-5; Ga 3:16; Ef 1:22-23; 3:2-6; 4:3-6, 11-16, 25; Col 2:19; 3:14-15. 13Tiwãmerã marĩ nipetira cʉ̃rẽ wedewõrã judío basoca nirã, judío basoca nihera, dotiepeyoribasoca o dotiepeyoribasoca nihera ĩcãũpʉ̃rã abiro nirã earadara Espíritu Santo ĩcʉ̃menarã wãmeõtiyora eawʉ. Tairo tira marĩ nipetirapʉra Espíritu Santo ĩcʉ̃rẽna cʉo.#1Co 10:1-4; Jn 7:37-39; Ga 3:28; Ro 10:12; Ef 2:18; Col 3:11. 14Ĩcãũpʉ̃ maquẽ ĩcã wãmerã niheri paje nimocã. 15Apewatoa tiro dʉpo abiro ĩrõ eaboga “yʉpʉa wãmo niherinirõ ũpʉ̃ macãrõ niheri” ĩboga. Buri tora abiro ĩrẽmena wadora tidʉpo tiũpʉ̃ macãrõ nirõ eamasĩheri biheriga. Tidʉpo ti ũpʉ̃ macãrõrã nirõ ya. 16Tairora apewatoa camuperocã “yʉpʉa cape niherinirõ ũpʉ̃ macãrõ niheri” ĩrõ eaboga. Buri ti camupero tora abiro ĩrẽmena wadora ti ũpʉ̃ macãrõ nimasĩheri biheriga. Ti camupero ti ũpʉ̃ macãrõ nirõ ya. 17Marĩya ũpʉ̃ cape wadora niñerõcãpʉare ¿dairo tinirã tʉoboyuri? Tairora marĩya ũpʉ̃ camupero wado niñerõcãcãrẽ ¿dairo tinirã wĩnimasĩboyuri? 18Queorojoropʉare Manigʉ̃ marĩya ũpʉ̃rĩrẽ tigʉ “topera cʉ̃jãrẽ queoro earoacu” ĩmasĩnigʉ̃ marĩye ũpʉ̃ maquẽrẽ to niãtiwãmerã turigʉ niwĩ.#12:11, 28. 19Nipetire marĩya ũpʉ̃ maquẽ nirẽno ĩcã wãmerã niñerõcãnopʉare ĩcãũpʉ̃no nirõ eamasĩheribogatiyu. 20Queorojoropʉare ĩcãũpʉ̃ paje dicawatiregãpato cʉo cʉoropʉa. Buri bicapetacãrã ĩcãũpʉ̃ maquẽ ninirõ ĩcãũpʉ̃rã nirõ earo ya.#12:14. 21Cape, wãmorẽ “yʉ mʉrẽ boheri” ĩmasĩheriga. Tiwãmerã dʉpowʉcã, dʉporire “yʉ mʉjãrẽ boheriga” ĩmasĩheriga. 22Buripe doca abirope bi. Marĩya ũpʉ̃ maquẽrẽ marĩcã “tie tutuahere ña” ĩ ĩñarẽpera doca sotoape marĩcã bʉtoro boyorejorora nirõ ya. 23Tairora marĩya ũpʉ̃ maquẽ bʉtorojoro baunitutuaheri buri nirẽpere ñurõ bauñerõcã bora ñurõpʉra quenomocã. Apeyecãrẽ marĩcã eñoherenopʉcãrẽ basocare ĩñaherimocãro ĩrã tiere acutara ñurõpʉra sutire sãñamocã. 24Buripe marĩya ũpʉ̃ maquẽ ñurõ baunirõpʉ marĩcã cʉojomocãrẽpere ñurõ quenoherijomocã. Merẽ Manigʉ̃rã marĩya ũpʉ̃ maquẽrẽ tigʉ marĩye ũpʉ̃ maquẽ buri nirẽgãperena bʉtoro nijomocãrẽrã abirope ñurõ quenomasĩãtiwãmerẽ tisiarigʉ niwĩ. Tairo tira marĩcã icãta ĩcʉ̃ Jesúyagʉre “buri nigʉ̃ ñawĩ; tairo tira cʉ̃rẽ boheri” ĩmasĩheriga. 25Tairo tisiarigʉ niwĩ ĩcãũpʉ̃ macãrãrã abiro came bataherara ĩcãrõrã nimocã, came ñurõ titamurẽmenape nirucũmocãro ĩgʉ̃. 26Ĩcãrõno marĩya ũpʉ̃ macãrõ ñañarõ posañerõcã ti ũpʉ̃ maquẽ nipetirepʉra ñañarõ posapetimocã o pũnirẽ tʉoiñapetimocã. Tairora ĩcãrõnorẽna ñurõ quenoñerõcãcãrẽ apeye nipetirepʉra ñurõ ʉsea tʉoiñapetimocã. 27Mʉjãrẽ atiere abiro ĩgʉ̃ anorã abiro ĩrugagʉ ya. Marĩ nipetira Jesucristore wedewõrã cʉ̃ya ũpʉ̃ macãrãrã nirã ya. Tora abiro ninirã ĩcã ũpʉ̃ maquẽrã abiro marĩcã marĩcãrõ merĩã wado nicaperacãrã cʉ̃ya ũpʉ̃ macãrãrã nirã eara ya.#Ro 12:5; Ef 1:23; 4:12; 5:30; Col 1:18, 24. 28Manigʉ̃ Jesucristore wedewõrĩbu macãrã watoapʉre ãnijãrẽ niñerõcã borigʉ niwĩ: nisʉguerare Jesucristocã cʉ̃ye quetire buedotigʉ cũyoriarare; cʉ̃jãsirorena cʉ̃cã wededotirere wedeanarẽ; cʉ̃jãsiropere cʉ̃yere bueanarẽ; sirore tiẽñorẽrẽ tianarẽ; ãpẽrãrẽ diare cʉorare cametʉoanarẽ; ãpẽrãrẽ basocare titamuãnarẽ; dotiribasoca niãnarẽ ĩñerõcã basocaburi wederucũriʉserire wederucũãnarẽ niñerõcã borigʉ niwĩ.#12:9-10; Hch 6:1-6; 13:1; Ro 12:6-8; Ef 2:20; 3:5; 4:11. 29Marĩ nipetirapʉrena ĩcãrõpe tianarẽna cũheririgʉ niwĩ. Tairo tira nipetirapʉra Jesucristocã cʉ̃ye quetire buedotigʉ cũyoriara niheri. Tairora nipetirapʉra cʉ̃cã wededotirere wederibasoca niheri. Nipetirapʉra cʉ̃yere bueribasoca niheri ĩñerõcã tairora nipetirapʉra tiẽñorẽrẽ timasĩrã niheri. 30Cotoarora nipetirapʉra Manigʉ̃ye tutuaremena diarare cametʉomasĩrẽrẽ cʉoheriwa. Nipetirapʉra basocaburi wederucũriʉserire wederucũmasĩheriwa ĩñerõcã nipetirapʉra basocaburi wederucũriʉserire wederucũmasĩrãcã wederucũrẽrẽ abiro ĩrugaro ya ĩmasĩrãnocã maniwã.#12:10. 31Tairo tigʉ yʉ mʉjãrẽ Espíritu Santocã timasĩrẽ nʉnirẽrẽ cʉorugara mʉjãrẽ bʉtoro titamumasĩborenopere cʉorugara niña ĩ.#1Co 14:1, 39; Ga 5:22.
Buri yʉpe marĩcʉorore apeye ñucametʉanʉcãrẽ nirẽrẽ mʉjãrẽ buegʉda.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2026, SIL Global. All rights reserved.