Maleka 16
16
Ukubuka kwa Jesu
(Mateu28.1-8; Luka24.1-12; Joani20.1-10)
1Lyo Nsabata aa selilamani, Maliya Magadalena ne Maliya nyina Jemusi na Salome kale bagula amafuta ganunka lwini, buti bakaje no kasinga icitupu ca Jesu. 2Mwijuba lye tanzi lyo nsunda ijuba aa se lilan’atuli, kale baja kwibita, 3mi kale balibuzagula mwa cabo, “Nini uju saka akagalumune ibwe kucinzi ce bita?” 4Kono aa balogolosa kale babona buti ibwe ili kalili inene lwini lila galumunwi. 5Aa se balaenji mwibita, kale ba bona umuloba nazwesi mu bizwato byo kutuba nazimene ku mulyo, mi kale bakomokwa lwini.
6Umuloba kale abata buti, “Muleke ku komokwa, ni Jesu gwa Nazaleta mushaka, uju naga kankaminwa. Ala buki! Tamuli mumuno. Ngamulole umu naba mulalika. 7Kono mukaje muka gambaguze bazigigwa bakwe no Pitolosi buti, ‘Gasa jenda abuso bwenu kuja kwa Galileya. Koko kuti na mukamubone kuja ubu naga mitela.
8Mi kale bazwao no kusunduluka kwibita bututuma no kukomokwa lwini ici cilatendaali kwabo, mi kale babula icigambo ukuti naba joga lwini.
Jesu aa libonaaza kwa Maliya Magadalena
(Mateu28.9-10; Joani20.11-18)
[9Jesu aa sala buki mwijuba lye tanzi lyo Nsunda, kale ga bonaala tansila ku Maliya Magadalena, uju naga zwisigwa amayauma ga toswanwe na gobile (7). 10Kale akaja ka gambaguza aba kabakalanga naje aba kabatondoka no kulila. 11Aa seba la shugwi buti Jesu mumi, mi Maliya Magadalena ala muboni, taa na bazumina.
Jesu ali bonaaza ku bazigigwa bobile
(Luka24.13-35)
12Ao bulyo kale ga libonaaaza muci bumbigwa cimwinya ku bazigigwa bobile aa kaba kwesi ukujenda mwilonga. 13Mi kale ba bogola no kagambaguza bonse, kono taa naba bazumina.
Jesu ali bonaaza kube kumi na kakole
(Mateu28.16-20; Luka24.36-49; Joani20.19-23)
14Ao Jesu kale ga libonaaza ku bekumi na kakole, aa kaba kwesi ukulya kale aba jukukila kabaka lyo kubula intumelo no myojo mikukutu, ukuti taa naba zumina kwa babo naba mubona nala buki ku bafwu. 15Mi Jesu kale atyo kwabo buti, “Mukaje mwilonga lyonse mutandaze amajwi amalotu ku bibumbigwa byonse. 16Gense uju azumina no kukolobezigwa kuti na jojesigwe, kono uju tazumini kuti na kanigwe. 17Mi kwaba bazumina, aga ngo mamakazo aga naga jende nabo, kuti nabatande amayauma mwi zina lyangu, kuti naba gambe mwindini ja andene andene, 18kuti naba kwate amajoka, mi ati na banywa cintu conse ciyaga taa naci bakubaze, kuti naba tule amaganja gabo abalwele, mi kuti na balwaluke.”
Jesu aa kambamina kwigulu
(Luka24.50-53)
19Cwale Umfumu Jesu aa salamani kugamba kwabo, kale akambamina kwigulu no kakala kwi ganja lyo mulyo lya Nyambe. 20Mi abazigigwa kale baja butandaza mwi longa lyonse, mi Umfumu kabeleka nabo noku likolwisisa ijwi ko kuumpilila amamakazo. Ameni.]
Currently Selected:
Maleka 16: TBTP
Highlight
Share
Copy
Want to have your highlights saved across all your devices? Sign up or sign in
The Word For The World International
Maleka 16
16
Ukubuka kwa Jesu
(Mateu28.1-8; Luka24.1-12; Joani20.1-10)
1Lyo Nsabata aa selilamani, Maliya Magadalena ne Maliya nyina Jemusi na Salome kale bagula amafuta ganunka lwini, buti bakaje no kasinga icitupu ca Jesu. 2Mwijuba lye tanzi lyo nsunda ijuba aa se lilan’atuli, kale baja kwibita, 3mi kale balibuzagula mwa cabo, “Nini uju saka akagalumune ibwe kucinzi ce bita?” 4Kono aa balogolosa kale babona buti ibwe ili kalili inene lwini lila galumunwi. 5Aa se balaenji mwibita, kale ba bona umuloba nazwesi mu bizwato byo kutuba nazimene ku mulyo, mi kale bakomokwa lwini.
6Umuloba kale abata buti, “Muleke ku komokwa, ni Jesu gwa Nazaleta mushaka, uju naga kankaminwa. Ala buki! Tamuli mumuno. Ngamulole umu naba mulalika. 7Kono mukaje muka gambaguze bazigigwa bakwe no Pitolosi buti, ‘Gasa jenda abuso bwenu kuja kwa Galileya. Koko kuti na mukamubone kuja ubu naga mitela.
8Mi kale bazwao no kusunduluka kwibita bututuma no kukomokwa lwini ici cilatendaali kwabo, mi kale babula icigambo ukuti naba joga lwini.
Jesu aa libonaaza kwa Maliya Magadalena
(Mateu28.9-10; Joani20.11-18)
[9Jesu aa sala buki mwijuba lye tanzi lyo Nsunda, kale ga bonaala tansila ku Maliya Magadalena, uju naga zwisigwa amayauma ga toswanwe na gobile (7). 10Kale akaja ka gambaguza aba kabakalanga naje aba kabatondoka no kulila. 11Aa seba la shugwi buti Jesu mumi, mi Maliya Magadalena ala muboni, taa na bazumina.
Jesu ali bonaaza ku bazigigwa bobile
(Luka24.13-35)
12Ao bulyo kale ga libonaaaza muci bumbigwa cimwinya ku bazigigwa bobile aa kaba kwesi ukujenda mwilonga. 13Mi kale ba bogola no kagambaguza bonse, kono taa naba bazumina.
Jesu ali bonaaza kube kumi na kakole
(Mateu28.16-20; Luka24.36-49; Joani20.19-23)
14Ao Jesu kale ga libonaaza ku bekumi na kakole, aa kaba kwesi ukulya kale aba jukukila kabaka lyo kubula intumelo no myojo mikukutu, ukuti taa naba zumina kwa babo naba mubona nala buki ku bafwu. 15Mi Jesu kale atyo kwabo buti, “Mukaje mwilonga lyonse mutandaze amajwi amalotu ku bibumbigwa byonse. 16Gense uju azumina no kukolobezigwa kuti na jojesigwe, kono uju tazumini kuti na kanigwe. 17Mi kwaba bazumina, aga ngo mamakazo aga naga jende nabo, kuti nabatande amayauma mwi zina lyangu, kuti naba gambe mwindini ja andene andene, 18kuti naba kwate amajoka, mi ati na banywa cintu conse ciyaga taa naci bakubaze, kuti naba tule amaganja gabo abalwele, mi kuti na balwaluke.”
Jesu aa kambamina kwigulu
(Luka24.50-53)
19Cwale Umfumu Jesu aa salamani kugamba kwabo, kale akambamina kwigulu no kakala kwi ganja lyo mulyo lya Nyambe. 20Mi abazigigwa kale baja butandaza mwi longa lyonse, mi Umfumu kabeleka nabo noku likolwisisa ijwi ko kuumpilila amamakazo. Ameni.]
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Word For The World International