1Makolinte 15
15
Ukubuka kwa Kilesite ku bafwu
1Bakwangu, cwale nasa shaka uku mi bulusa Amajwi Malotu aga nana tandaza kwenu, aga namwa tambula no bu mugongwela kwago. 2Ka gago Majwi Malotu namwa jojisigwa, ati namu zundamina kwijwi nana tandaza kwenu, mi ukuzumina kwenu kwa mbwashula.
3Ukuti nana mi tambika tanzi byo butokwa ibi nana tambula, buti Kilesite naga fwa kebaka lyo bibi byetu, sinagwe ubu ku n’olelwe mu man’olo, 4buti naga zikigwa, mi kale abuka mwijuba lyatatu, ubu ku n’olelwe mu man’olo. 5Mi kale gali bonaaza kwa Kefasi ne ku bekumi na bobile. 6Mi kale galibonaaza kame ku bantu kaba itilila imyanda ja tosane (500) mwi nako jonke, ubungi bamwinya kwabo basi joja, mi bamwinya naba fwa. 7Mi kale gali bonaaza kwa Jemusi, mi kame no ku batumigwa bonse.
8Mi ku mamaninino ga babo bonse, kale ga libonaaza kame kwangu, ime nanili ciomo. 9Ukuti ime tanili go butokwa ku batumigwa, mi tani jelele uku kugigwa umutumigwa, ukuti nana pengisa inkeleke ja Nyambe. 10Kono ko nkumbu ja Nyambe kobuli ni kalile, mi inkumbu jakwe kwangu, taa nana jiwegwa uku takutusi cimwinya, kono nana beleka kuita bonse, mi tali nime, kono inkumbu ja Nyambe jikele kwangu. 11Cwale nanga nime, kampa abo, ceco tu tandaza mi ceco namwa zumina.
Ukubuka kwetu ku bafwu
12Cwale ati na kutandazigwa buti Kilesite naga busigwa kuzwa ku bafwu, cinzi bamwinya aa batyo buti takuli ukubuka ku bafwu? 13Ati takuli ukubuka ku bafwu, kambe Kilesite naje taa nala buki ku bafwu. 14Mi ati Kilesite taa naga buka, ukutandaza kwetu kwa mbwashula, mi najo intumelo jenu nja mbwashula. 15Mukunungako, kame kuti ku gwanaale buti tuli bampki ba Nyambe bo manya, ukuti natwa paka bya Nyambe buti Kilesite naga buka ku bafwa, kanti taa naga mubusa, ati aba nabafwu taba buki. 16Cwale ati abafwu taba buki, Kilesite naje taa naga buka. 17Mi ati Kilesite taa naga buka, intumelo jenu ja mbwashula, mi musikele mu bibi byenu. 18Cwale babo aba naba fwila kwa Kilesite nabajunda. 19Ati mwa bobuno ubumi bulyo tuli kwesi insepo kwa Kilesite, tuli kwesi ubumpai kuita abantu bonse.
20Kono cwale Kilesite naga buka ku bafwu, ibiyango cetanzi ca babo na bafwa. 21Ukuti ulufwu nalwa keza ko muntu, no kubuka ko bafwu ka muntu nakwa keza. 22Ukuti abantu bonse basa fwa kebaka lya Adama, mi bonse kuti naba jojisigwe ka Kilesite. 23Kono umuntu gense kuti na buke mwi nako jakwe, Kilesite iciyango cetanzi kwabo bonse, mi mpaa nakwize aba bakele kwakwe bonse mwi nako nagwiza kajo. 24Cwale amamaninino kuti naga geze, Kilesite aa na tambike Umubuso kwa Nyambe Tata, aa sala jundisi ubumfumu bonse, no bujendesi ne nguzu. 25Ukuti ali jelele ukujendesa kutwala aa natule aba bamulwisa mwisiko lyo matende gakwe. 26Umulwisi go mamaninino na jundisigwe lufwu. 27Ukuti “Nyambe naga tula ibintu byonse mwisiko lyo matende gakwe.” Cwale aa kutyo buti “Ibintu byonse” nabya tuligwa mwisiko lya lyakwe, cintu ci bonisa buti ije Nyambe tali tuliko, uju naga tula ibintu byonse mwisiko lya Klesite. 28Mi ibintu byonse aa sebila tuligwi mwisiko lyakwe, mi Kilesite kuti na tuligwe munguzu jakwe, uju naga tula ibintu byonse mwisiko lyakwe, buti Nyambe atule ibintu byonse ku bantu bonse.
29Cwale ati takuli ukubuka ku bafwu, cinzi naba tende babo aba naba kolobezigwa ko bafwu? Ati abafwu taa na babuke, cinzi abantu aa ba kolobezigwa kabo? 30Mi neswe cinzi aa tujoja mu makababu inako jonse? 31Bakwangu, nili gongweze, aa nisi kwesi inako jo kulitunta kenu kwa Kilesite Jesu Mfumwetu. 32Aa nana lwa ne binyama mu munzi gwa Efese ko mukwa go buntu bulyo, cinzi nana gwana? Ati abafwu taba buki, sinagwe ubu kutyo buti, “Tulye no kunywa, ukuti ijona kuti na tufwe.”
33Muleke ukuomigwa, ibitendantu bimagoju bwasa jona ibitendantu ibilotu. 34Mubogwele ku migajalo jenu jo bugomba, mi muleke ukutenda icibi, nasa gamba bobo mu ku migenisa, ukuti bamwinya taba zekelele Nyambe.
Umubili nagu buke
35Kono jumwinya kuti abuze buti, “Buti ba bukila abafwu? Mu mufutanzi go mubili naba keze kago?” 36Ubugelo bwenu! Ici ubyala ta cijoje, bwita acifwa. 37Mi aa ubyala, tobyali umubili ugu gu keza, kono lubuto, bunga lo buloto kampa ulungi bulyo. 38Kono Nyambe gasa luwa umubili ubu ashakila, mi gasa wa ulu buto umubili ko mufuta gwalo.
39Mi imibili taji likozete jonse, abantu bali kwesi imibili jo kulikoza, imibili jo ibipagu bili kwesi imibili ji andene, no bijuni, mane mibili je inswii. 40Mi kojili kame imibili ja kwigulu ne mibili ja ansi, kono kubega ko mibili ja kwigulu ja kulikoza, mi ukubega ko mibili ja ansi taji likozete. 41Mi ukubega kwe juba kwa kulikoza, ne tuba lyo ntungwezi lingi, ukuti ituba lyo lutungwezi ta lu likozite ne tuba lya lumwinya ulutungwezi.
42Cwale bobo naku kalile no kubuka ko bafwu. Umubili gu byaligwa kuti nagu bole, mi nagu buke uku tagu bolite. 43Kuti gu byaligwe nagu nyazaala, mi gu buke nagu kwesi ituba, gwasa byelwa bufokolite, mi gu buke bukwesi inguzu. 44Gwasa byalwa naguli umubili gwe nyama, mi kuti gu buke naguli umubili go moya. Ati ko guli umubili gwe nyama, kame ko guli umubili go moya. 45Ukuti kulin’olitwe buti, “Adama umuntu gwe tanzi naga tendigwa umuntu ajoja, mi Adama go mamaninino, uju nagaba ubumi bo moya. 46Cetaanzi tali ca moya, kono ca nyama, co moya casa umpilila co nyama. 47Umuntu gwe tanzi evu lya ansi naga zwa, mi umuntu gwa bili kwigulu azwa. 48Ubu akalile umuntu gwa ansi, mi ne bantu ba ansi bobo bakalile, mi ubu gekalile umuntu gwa kwigulu, mi ne bantu ba kwigulu bobo bekalile. 49Mi sinagwe ubu tukozele iciswaniso co muntu gwa ansi, kuti natu koze bobo iciswaniso co muntu gwa kwigulu. 50Cwale bakwangu, nasa mi lugwila buti, inyama ne malowa tabi goli uku jobola Umubuso gwa Nyambe, kampa ici cibola kujobola ici taciboli. 51Mutegeleze, nasa mi lugwila intaba ji bikitwe, twense taa natu lale, kono twense bulyo natu zolwe, 52mwi nako jonke mu kukowa ko linsho, mu ntolombita jo mamaninino. Ukuti intolombita kuti naji shugwaale, mi abafwu kuti naba buke uku taba bolite, mi kuti naba zoligwe. 53Ukuti ici cibola naci jabale uku sabola, mi ici cifwa, naci jabale ku safwa. 54Mi ici cibola, inako aa naci jabale ukusabola, mi ici cifwa ci jabale uku safwa, mi kuti nakwize umugambagwilo gu lin’olitwe buti, “Ulufwu nalwa minigwa ku kugolwa.
55“Igwe gwe lufwu uku gola kwako kwibo kuli?
Igwe gwe lufwu akamona kako kwibo kali?”
56Mi akamona ko lufwu cibi, mi inguzu jo cibi mulao. 57Cwale tulumbe Nyambe uju gatuwa ukugola ko Mfumwetu Jesu Kilesite. 58Cwale bakwangu bashakigwa, mu gongole, muleke ukujoga, mi inako jonse mugongolekeze mu musebezi go Mfumu, ukuti mu lizekelele buti umusebezi gwenu mu Mfumu tali gwa mbwashula.
Currently Selected:
1Makolinte 15: TBTP
Highlight
Share
Copy
Want to have your highlights saved across all your devices? Sign up or sign in
The Word For The World International
1Makolinte 15
15
Ukubuka kwa Kilesite ku bafwu
1Bakwangu, cwale nasa shaka uku mi bulusa Amajwi Malotu aga nana tandaza kwenu, aga namwa tambula no bu mugongwela kwago. 2Ka gago Majwi Malotu namwa jojisigwa, ati namu zundamina kwijwi nana tandaza kwenu, mi ukuzumina kwenu kwa mbwashula.
3Ukuti nana mi tambika tanzi byo butokwa ibi nana tambula, buti Kilesite naga fwa kebaka lyo bibi byetu, sinagwe ubu ku n’olelwe mu man’olo, 4buti naga zikigwa, mi kale abuka mwijuba lyatatu, ubu ku n’olelwe mu man’olo. 5Mi kale gali bonaaza kwa Kefasi ne ku bekumi na bobile. 6Mi kale galibonaaza kame ku bantu kaba itilila imyanda ja tosane (500) mwi nako jonke, ubungi bamwinya kwabo basi joja, mi bamwinya naba fwa. 7Mi kale gali bonaaza kwa Jemusi, mi kame no ku batumigwa bonse.
8Mi ku mamaninino ga babo bonse, kale ga libonaaza kame kwangu, ime nanili ciomo. 9Ukuti ime tanili go butokwa ku batumigwa, mi tani jelele uku kugigwa umutumigwa, ukuti nana pengisa inkeleke ja Nyambe. 10Kono ko nkumbu ja Nyambe kobuli ni kalile, mi inkumbu jakwe kwangu, taa nana jiwegwa uku takutusi cimwinya, kono nana beleka kuita bonse, mi tali nime, kono inkumbu ja Nyambe jikele kwangu. 11Cwale nanga nime, kampa abo, ceco tu tandaza mi ceco namwa zumina.
Ukubuka kwetu ku bafwu
12Cwale ati na kutandazigwa buti Kilesite naga busigwa kuzwa ku bafwu, cinzi bamwinya aa batyo buti takuli ukubuka ku bafwu? 13Ati takuli ukubuka ku bafwu, kambe Kilesite naje taa nala buki ku bafwu. 14Mi ati Kilesite taa naga buka, ukutandaza kwetu kwa mbwashula, mi najo intumelo jenu nja mbwashula. 15Mukunungako, kame kuti ku gwanaale buti tuli bampki ba Nyambe bo manya, ukuti natwa paka bya Nyambe buti Kilesite naga buka ku bafwa, kanti taa naga mubusa, ati aba nabafwu taba buki. 16Cwale ati abafwu taba buki, Kilesite naje taa naga buka. 17Mi ati Kilesite taa naga buka, intumelo jenu ja mbwashula, mi musikele mu bibi byenu. 18Cwale babo aba naba fwila kwa Kilesite nabajunda. 19Ati mwa bobuno ubumi bulyo tuli kwesi insepo kwa Kilesite, tuli kwesi ubumpai kuita abantu bonse.
20Kono cwale Kilesite naga buka ku bafwu, ibiyango cetanzi ca babo na bafwa. 21Ukuti ulufwu nalwa keza ko muntu, no kubuka ko bafwu ka muntu nakwa keza. 22Ukuti abantu bonse basa fwa kebaka lya Adama, mi bonse kuti naba jojisigwe ka Kilesite. 23Kono umuntu gense kuti na buke mwi nako jakwe, Kilesite iciyango cetanzi kwabo bonse, mi mpaa nakwize aba bakele kwakwe bonse mwi nako nagwiza kajo. 24Cwale amamaninino kuti naga geze, Kilesite aa na tambike Umubuso kwa Nyambe Tata, aa sala jundisi ubumfumu bonse, no bujendesi ne nguzu. 25Ukuti ali jelele ukujendesa kutwala aa natule aba bamulwisa mwisiko lyo matende gakwe. 26Umulwisi go mamaninino na jundisigwe lufwu. 27Ukuti “Nyambe naga tula ibintu byonse mwisiko lyo matende gakwe.” Cwale aa kutyo buti “Ibintu byonse” nabya tuligwa mwisiko lya lyakwe, cintu ci bonisa buti ije Nyambe tali tuliko, uju naga tula ibintu byonse mwisiko lya Klesite. 28Mi ibintu byonse aa sebila tuligwi mwisiko lyakwe, mi Kilesite kuti na tuligwe munguzu jakwe, uju naga tula ibintu byonse mwisiko lyakwe, buti Nyambe atule ibintu byonse ku bantu bonse.
29Cwale ati takuli ukubuka ku bafwu, cinzi naba tende babo aba naba kolobezigwa ko bafwu? Ati abafwu taa na babuke, cinzi abantu aa ba kolobezigwa kabo? 30Mi neswe cinzi aa tujoja mu makababu inako jonse? 31Bakwangu, nili gongweze, aa nisi kwesi inako jo kulitunta kenu kwa Kilesite Jesu Mfumwetu. 32Aa nana lwa ne binyama mu munzi gwa Efese ko mukwa go buntu bulyo, cinzi nana gwana? Ati abafwu taba buki, sinagwe ubu kutyo buti, “Tulye no kunywa, ukuti ijona kuti na tufwe.”
33Muleke ukuomigwa, ibitendantu bimagoju bwasa jona ibitendantu ibilotu. 34Mubogwele ku migajalo jenu jo bugomba, mi muleke ukutenda icibi, nasa gamba bobo mu ku migenisa, ukuti bamwinya taba zekelele Nyambe.
Umubili nagu buke
35Kono jumwinya kuti abuze buti, “Buti ba bukila abafwu? Mu mufutanzi go mubili naba keze kago?” 36Ubugelo bwenu! Ici ubyala ta cijoje, bwita acifwa. 37Mi aa ubyala, tobyali umubili ugu gu keza, kono lubuto, bunga lo buloto kampa ulungi bulyo. 38Kono Nyambe gasa luwa umubili ubu ashakila, mi gasa wa ulu buto umubili ko mufuta gwalo.
39Mi imibili taji likozete jonse, abantu bali kwesi imibili jo kulikoza, imibili jo ibipagu bili kwesi imibili ji andene, no bijuni, mane mibili je inswii. 40Mi kojili kame imibili ja kwigulu ne mibili ja ansi, kono kubega ko mibili ja kwigulu ja kulikoza, mi ukubega ko mibili ja ansi taji likozete. 41Mi ukubega kwe juba kwa kulikoza, ne tuba lyo ntungwezi lingi, ukuti ituba lyo lutungwezi ta lu likozite ne tuba lya lumwinya ulutungwezi.
42Cwale bobo naku kalile no kubuka ko bafwu. Umubili gu byaligwa kuti nagu bole, mi nagu buke uku tagu bolite. 43Kuti gu byaligwe nagu nyazaala, mi gu buke nagu kwesi ituba, gwasa byelwa bufokolite, mi gu buke bukwesi inguzu. 44Gwasa byalwa naguli umubili gwe nyama, mi kuti gu buke naguli umubili go moya. Ati ko guli umubili gwe nyama, kame ko guli umubili go moya. 45Ukuti kulin’olitwe buti, “Adama umuntu gwe tanzi naga tendigwa umuntu ajoja, mi Adama go mamaninino, uju nagaba ubumi bo moya. 46Cetaanzi tali ca moya, kono ca nyama, co moya casa umpilila co nyama. 47Umuntu gwe tanzi evu lya ansi naga zwa, mi umuntu gwa bili kwigulu azwa. 48Ubu akalile umuntu gwa ansi, mi ne bantu ba ansi bobo bakalile, mi ubu gekalile umuntu gwa kwigulu, mi ne bantu ba kwigulu bobo bekalile. 49Mi sinagwe ubu tukozele iciswaniso co muntu gwa ansi, kuti natu koze bobo iciswaniso co muntu gwa kwigulu. 50Cwale bakwangu, nasa mi lugwila buti, inyama ne malowa tabi goli uku jobola Umubuso gwa Nyambe, kampa ici cibola kujobola ici taciboli. 51Mutegeleze, nasa mi lugwila intaba ji bikitwe, twense taa natu lale, kono twense bulyo natu zolwe, 52mwi nako jonke mu kukowa ko linsho, mu ntolombita jo mamaninino. Ukuti intolombita kuti naji shugwaale, mi abafwu kuti naba buke uku taba bolite, mi kuti naba zoligwe. 53Ukuti ici cibola naci jabale uku sabola, mi ici cifwa, naci jabale ku safwa. 54Mi ici cibola, inako aa naci jabale ukusabola, mi ici cifwa ci jabale uku safwa, mi kuti nakwize umugambagwilo gu lin’olitwe buti, “Ulufwu nalwa minigwa ku kugolwa.
55“Igwe gwe lufwu uku gola kwako kwibo kuli?
Igwe gwe lufwu akamona kako kwibo kali?”
56Mi akamona ko lufwu cibi, mi inguzu jo cibi mulao. 57Cwale tulumbe Nyambe uju gatuwa ukugola ko Mfumwetu Jesu Kilesite. 58Cwale bakwangu bashakigwa, mu gongole, muleke ukujoga, mi inako jonse mugongolekeze mu musebezi go Mfumu, ukuti mu lizekelele buti umusebezi gwenu mu Mfumu tali gwa mbwashula.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Word For The World International