Lukku 20
20
Inguzu Zya Jesu Zizwa Kuli
(Mateyu 21:23-27; Makko 11:27-33)
1Mulibumwi buzuba, Jesu naakali kuyiisya bantu mulubuwa lwaŋanda yaLeza akukambawuka makani mabotu, bapayizi bapati abayiisyi bamulawu abaalu bakamuzida 2mpawo bakati kulinguwe, “Twaambile mbweendelezi buli mbuchita aabo zintu eezi, nikuba kuti ngwani wakakupa bweendelezi oobu.”
3Wakabavwiila wati, “Andime lubo ndiyoobuzya mubuzyo; lino mundaambile, 4lubbapatizyo lwaJoni lwakazwa kujulu na naakuti kubantu?”
5Mpawo bakaambuula kuli umwi awumwi, kabati, “Kuti twaamba kuti, ‘Kuzwa kujulu,’ ulaamba kuti, ‘Nkaamboonzi nimutakwe mwakamusyoma?’ 6“Pesi kuti twaamba kuti, ‘Kuzwa kubantu,’ bantu boonse balatudonkola mabwe; nkaambo balasyoma kuti Joni wakali musinsimi.” 7Aboobo bakavwiila kuti tabazizi pe.
8Mpawo Jesu wakati kulimbabo, “Andime tandikomwaambile kuti abweendelezi buli mbundichita aabo zintu eezi.”
Chikozyanisyo Chabasikuyalila Bamuunda Wamasansa
(Mateyu 21:33-46; Makko 12:1-12)
9Alimwi wakatalika kwaambila bantu chikozyanisyo eechi wati: “Mwaalumi wakabyala muunda wamasansa, mpawo wakawusiya mumaanza abasikuyalila, mpawo wakaya kunyika iimbi kwachiindi chilamfu. 10Chiindi nichakasika, wakatuma umwi mulanda wakwe kuli basikuyalila muunda, kuti beelede bakamuchelele michelo yamasansa; pesi basikuyalila bakamuuma, alimwi bamwanda katakwe nchalaacho pe. 11Alimwi wakatuma uumbi mulanda; alakwe bakamuuma lubo mpawo bakamusyonsya kapati chakumufwisya bweeme, akumwaanda katakwe nchalaacho pe. 12Mpawo wakatuma wataatu; ooyu bakamuchisa mpawo bakamuwaalila anze amuunda. 13Eelyo muni wamuunda wamasansa wakati, ‘Ndichite biyeni? Ndiyootuma mwanaangu ngundiyandisya; ambweni bayomulemeka.’ 14Pesi basikuyalila nibakamubona, bakambuula chabochabo bati, “Ooyu ngusikukona; atumujeye, kuchitila kuti lukono lube lwesu.’ 15Mpawo bakamutandila kunze amuunda wamasansa mpawo bamujeya.
Niinzi muni wamuunda nzyayoobachita? 16Uyooza mpawo akabanyonyoone aabo basikuyalila mpawo uyoobweza muunda wamasansa akawupe bamwi.”
Nibakamvwa eechi, bakati, “Leza ulazikaka!”
17 #
Int 118:22-23; Inch 4:11; 1 Pit 2:6-7. Pesi Jesu wakabazilikila wati, “Niinzi eelyo eecho chilembedwe:
‘Chiyako eecho bayaki nchibakakaka
nchichakaba musemo waŋanda.’
18Kufumbwa ooyo utakawide achiyako eecho uyootyoka muzidyunku; pesi kuti lyawida ali umwi liyoomupwaya.”
Makani Akutelela Mutelo
(Mateyu 22:15-22; Makko 12:13-17)
19Bayiisyi bamulawu abapayizi bapati bakeezya kumujata muchiindi nchicheecho, pesi bakayoowa bantu; nkaambo bakayeeya kuti walikwamba chikozyanisyo eechi atala ambabo. 20Aboobo bakamubelelela, mpawo bakatuma basikutweela, bakalikubaanga mbasikumuswiilizya baluleme, kuti batole majwi aakwe woonse atala anzyakali kwaamba, kuchitila kuti bamutole kubeendelezi akuli beendelezya mulawu. 21Bakabuzya kuti, “Muyiisi, tulizi kuti ulaambuula akuyiisya mukasimpe, alimwi tutondeezyi kusalula, pesi kasimpe uyiisya nzila yaLeza. 22Zilimumulawu na kuti tupe mutelo kumweendelezyi waRoma, naakuti peepe?”
23Pesi wakabona bumpenengu bwabo, alimwi wakati kulimbabo, 24“Ngamunditondeezye kkobili, ani mukozyano abulembo oobu mbubwani?”
Bakati, “Mbubwa Siza.”
25Wakati kulimbabo, “Eelyo ngamupe Siza zintu zyaSiza, alimwi mupe Leza ezyo zyaLeza.”
26Alimwi taakwe nibakakonzya pe kumujata kunembo lyabantu azeezyo nzyakaamba; pesi bakagamba kunsandulo yakwe mpawo bakawumuna.
Makani Abubuke Kwabafu
(Mateyu 22:23-33; Makko 12:18-27)
27Mpawo kwakasika bwami babaSejusi, aabo baamba kuti taakwe bubuke, 28Mpawo bakamubuzya mubuzyo, kabati, “Muyiisi, Mozesi wakatulembela kuti naa mukulana wafwa, kalaamwanakazi pesi katakwe bana, mwanikaakwe weelede akwate mwanakazi mpawo azyalile mukulana wakwe bana. 29Lino kwakali bakulana bakwe bali musanu ababili; mutaanzi nguwakakwata mwanakazi, mpawo wakafwa katakwe bana pe; 30eelyo wabili 31awatatu wakakwata, mbuli boonse balimusanu ababili takukwe nibakasiya bana pe mpawo wakafwa. 32Kumamanino alakwe mwanakazi wakazofwa. 33Kububuke bwabafu, nkikaako, uyooba mwanakazi wani? Nkaambo bali musanu ababili wali mwanakazi wabo.”
34Alimwi Jesu wakati kulimbabo, “Bana bachiindi eechino balakwata akukwatwa; 35pesi aabo bayoobalwa kuti balacheelelo kuti bakanjile muchiindi eechino akububuke kuzwa kubafu nikuba kukwata nikuba kukwatwa, 36nkaambo tabakwe nibayoofwa limbi pe, nkaambo baleelene abaangelo tabakwati alimwi mbana baLeza, kabali bana babubuke. 37Pesi bafwide balabusigwa, nikuba Mozesi wakatondezya, mumalembe atala achiteyo, aawo mpakayiita kuti Mwami nguLeza waAbburahamu aLeza waAyizekki aLeza waJakkobbu. 38Lino tee Leza wabafu pe, pesi wabawumi; nkaambo boonse mbawuumi mulinguwe.”
39Alimwi bamwi babalembi bakamuvwiila bati, “Muyiisi, waambuula kabotu.” 40Nkaambo teebakachili kuyanda kumubuzya uumbi mubuzyo pe.
Makani Atala AKkirisitu
(Mateyu 22:41-46; Makko 12:35-37)
41Pesi Jesu wakati kulimbabo, “Ngabalaamba biyeni kuti Kkirisitu Mwana waDevidi? 42Nkaambo Devidi mwini waamba kuti muBbuku lyaNtembawuzyo,
‘Mwami wakati kuMwami wangu,
Kkala kuluboko lwangu lwakululyo,
43Mane ndikabikke basinkondonyokwe kundyato zyamawulu aako.’
44Devidi umwiita kuti nguMwami; aboobo mwana wakwe biyeni?”
Jesu Uchenjezya Atala Abayiisi Bamulawu
(Mateyu 23:1-36; Makko 12:38-40)
45Alimwi Jesu bantu kabamvwide wakati kuli basikwiiya bakwe, 46Amuchenjelele bayiisyi bamulawu, bayanda kuzwaata midabba milamfu, alimwi bayanda kujuzigwa mumasena akusambalila bayandisya zyuuno zili ajulu muzikombelo zyabaJuda amubusena bwabulemu kumapobwe, 47baleena mumaanda abamukabafu amukulipunayizya kabachita nkombyo zilamfu. Bayoopegwa chisubulo chipati.
Currently Selected:
Lukku 20: TTP
Highlight
Share
Copy
Want to have your highlights saved across all your devices? Sign up or sign in
The Word for the World International
Lukku 20
20
Inguzu Zya Jesu Zizwa Kuli
(Mateyu 21:23-27; Makko 11:27-33)
1Mulibumwi buzuba, Jesu naakali kuyiisya bantu mulubuwa lwaŋanda yaLeza akukambawuka makani mabotu, bapayizi bapati abayiisyi bamulawu abaalu bakamuzida 2mpawo bakati kulinguwe, “Twaambile mbweendelezi buli mbuchita aabo zintu eezi, nikuba kuti ngwani wakakupa bweendelezi oobu.”
3Wakabavwiila wati, “Andime lubo ndiyoobuzya mubuzyo; lino mundaambile, 4lubbapatizyo lwaJoni lwakazwa kujulu na naakuti kubantu?”
5Mpawo bakaambuula kuli umwi awumwi, kabati, “Kuti twaamba kuti, ‘Kuzwa kujulu,’ ulaamba kuti, ‘Nkaamboonzi nimutakwe mwakamusyoma?’ 6“Pesi kuti twaamba kuti, ‘Kuzwa kubantu,’ bantu boonse balatudonkola mabwe; nkaambo balasyoma kuti Joni wakali musinsimi.” 7Aboobo bakavwiila kuti tabazizi pe.
8Mpawo Jesu wakati kulimbabo, “Andime tandikomwaambile kuti abweendelezi buli mbundichita aabo zintu eezi.”
Chikozyanisyo Chabasikuyalila Bamuunda Wamasansa
(Mateyu 21:33-46; Makko 12:1-12)
9Alimwi wakatalika kwaambila bantu chikozyanisyo eechi wati: “Mwaalumi wakabyala muunda wamasansa, mpawo wakawusiya mumaanza abasikuyalila, mpawo wakaya kunyika iimbi kwachiindi chilamfu. 10Chiindi nichakasika, wakatuma umwi mulanda wakwe kuli basikuyalila muunda, kuti beelede bakamuchelele michelo yamasansa; pesi basikuyalila bakamuuma, alimwi bamwanda katakwe nchalaacho pe. 11Alimwi wakatuma uumbi mulanda; alakwe bakamuuma lubo mpawo bakamusyonsya kapati chakumufwisya bweeme, akumwaanda katakwe nchalaacho pe. 12Mpawo wakatuma wataatu; ooyu bakamuchisa mpawo bakamuwaalila anze amuunda. 13Eelyo muni wamuunda wamasansa wakati, ‘Ndichite biyeni? Ndiyootuma mwanaangu ngundiyandisya; ambweni bayomulemeka.’ 14Pesi basikuyalila nibakamubona, bakambuula chabochabo bati, “Ooyu ngusikukona; atumujeye, kuchitila kuti lukono lube lwesu.’ 15Mpawo bakamutandila kunze amuunda wamasansa mpawo bamujeya.
Niinzi muni wamuunda nzyayoobachita? 16Uyooza mpawo akabanyonyoone aabo basikuyalila mpawo uyoobweza muunda wamasansa akawupe bamwi.”
Nibakamvwa eechi, bakati, “Leza ulazikaka!”
17 #
Int 118:22-23; Inch 4:11; 1 Pit 2:6-7. Pesi Jesu wakabazilikila wati, “Niinzi eelyo eecho chilembedwe:
‘Chiyako eecho bayaki nchibakakaka
nchichakaba musemo waŋanda.’
18Kufumbwa ooyo utakawide achiyako eecho uyootyoka muzidyunku; pesi kuti lyawida ali umwi liyoomupwaya.”
Makani Akutelela Mutelo
(Mateyu 22:15-22; Makko 12:13-17)
19Bayiisyi bamulawu abapayizi bapati bakeezya kumujata muchiindi nchicheecho, pesi bakayoowa bantu; nkaambo bakayeeya kuti walikwamba chikozyanisyo eechi atala ambabo. 20Aboobo bakamubelelela, mpawo bakatuma basikutweela, bakalikubaanga mbasikumuswiilizya baluleme, kuti batole majwi aakwe woonse atala anzyakali kwaamba, kuchitila kuti bamutole kubeendelezi akuli beendelezya mulawu. 21Bakabuzya kuti, “Muyiisi, tulizi kuti ulaambuula akuyiisya mukasimpe, alimwi tutondeezyi kusalula, pesi kasimpe uyiisya nzila yaLeza. 22Zilimumulawu na kuti tupe mutelo kumweendelezyi waRoma, naakuti peepe?”
23Pesi wakabona bumpenengu bwabo, alimwi wakati kulimbabo, 24“Ngamunditondeezye kkobili, ani mukozyano abulembo oobu mbubwani?”
Bakati, “Mbubwa Siza.”
25Wakati kulimbabo, “Eelyo ngamupe Siza zintu zyaSiza, alimwi mupe Leza ezyo zyaLeza.”
26Alimwi taakwe nibakakonzya pe kumujata kunembo lyabantu azeezyo nzyakaamba; pesi bakagamba kunsandulo yakwe mpawo bakawumuna.
Makani Abubuke Kwabafu
(Mateyu 22:23-33; Makko 12:18-27)
27Mpawo kwakasika bwami babaSejusi, aabo baamba kuti taakwe bubuke, 28Mpawo bakamubuzya mubuzyo, kabati, “Muyiisi, Mozesi wakatulembela kuti naa mukulana wafwa, kalaamwanakazi pesi katakwe bana, mwanikaakwe weelede akwate mwanakazi mpawo azyalile mukulana wakwe bana. 29Lino kwakali bakulana bakwe bali musanu ababili; mutaanzi nguwakakwata mwanakazi, mpawo wakafwa katakwe bana pe; 30eelyo wabili 31awatatu wakakwata, mbuli boonse balimusanu ababili takukwe nibakasiya bana pe mpawo wakafwa. 32Kumamanino alakwe mwanakazi wakazofwa. 33Kububuke bwabafu, nkikaako, uyooba mwanakazi wani? Nkaambo bali musanu ababili wali mwanakazi wabo.”
34Alimwi Jesu wakati kulimbabo, “Bana bachiindi eechino balakwata akukwatwa; 35pesi aabo bayoobalwa kuti balacheelelo kuti bakanjile muchiindi eechino akububuke kuzwa kubafu nikuba kukwata nikuba kukwatwa, 36nkaambo tabakwe nibayoofwa limbi pe, nkaambo baleelene abaangelo tabakwati alimwi mbana baLeza, kabali bana babubuke. 37Pesi bafwide balabusigwa, nikuba Mozesi wakatondezya, mumalembe atala achiteyo, aawo mpakayiita kuti Mwami nguLeza waAbburahamu aLeza waAyizekki aLeza waJakkobbu. 38Lino tee Leza wabafu pe, pesi wabawumi; nkaambo boonse mbawuumi mulinguwe.”
39Alimwi bamwi babalembi bakamuvwiila bati, “Muyiisi, waambuula kabotu.” 40Nkaambo teebakachili kuyanda kumubuzya uumbi mubuzyo pe.
Makani Atala AKkirisitu
(Mateyu 22:41-46; Makko 12:35-37)
41Pesi Jesu wakati kulimbabo, “Ngabalaamba biyeni kuti Kkirisitu Mwana waDevidi? 42Nkaambo Devidi mwini waamba kuti muBbuku lyaNtembawuzyo,
‘Mwami wakati kuMwami wangu,
Kkala kuluboko lwangu lwakululyo,
43Mane ndikabikke basinkondonyokwe kundyato zyamawulu aako.’
44Devidi umwiita kuti nguMwami; aboobo mwana wakwe biyeni?”
Jesu Uchenjezya Atala Abayiisi Bamulawu
(Mateyu 23:1-36; Makko 12:38-40)
45Alimwi Jesu bantu kabamvwide wakati kuli basikwiiya bakwe, 46Amuchenjelele bayiisyi bamulawu, bayanda kuzwaata midabba milamfu, alimwi bayanda kujuzigwa mumasena akusambalila bayandisya zyuuno zili ajulu muzikombelo zyabaJuda amubusena bwabulemu kumapobwe, 47baleena mumaanda abamukabafu amukulipunayizya kabachita nkombyo zilamfu. Bayoopegwa chisubulo chipati.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Word for the World International