Mateyo 22
22
Kaambyo ka pobwe lya bwiinga
(Luuka 14.15-24)
1Jesu wakabaambila mu twaambyo ati, 2“Bwami bwaku julu buli mbuli mwami wakapangila mwanakwe pobwe lya bwiinga. 3Wakatuma basebenzhi bakwe kwiita boonse abo bakatambwa ku pobwe, pesi bakakaka kuza. 4Alimwi wakatuma basebenzhi bambi waamba ati, “Amubaambile abo batambilwe kwaamba zhakulya zhabambwa ono. Basune bangu a abombe bainine bajaigwa kale, zhoonse zhabambwa kale. Kamuza ku pobwe lya bwiinga. 5Pesi taaku nibakamunvila, aumwi wakaunka ku munda alimwi aumwi wakaukna kumpindu zhakwe. 6Amane bambi bakashaala bakabajata basebenzhi akubauma alimwi a kubajaya. 7Mwami nakanva wakakalala, wakatuma bashikalumamba bakwe akujaya bajai abo akutenta minzhi yabo yoonse. 8Amane wakaambila basebenzhi bakwe kwamba, “Pobwe lya bwiinga lyabambwa ono, pesi bantu bakatambwa tabana kuza. 9Kamuunka mu mazhila mutambe bantu baanji ku pobwe.’ 10Ono basebenzhi bakaunka mu minzhi akubuganya bantu boonse mbubakajana, batakalinga kabotu a bakalinga kabotu. Amane ng'anda ya bwiinga yakazula beenzu yoonse.
11“Pesi Mwami nakanjila kubona beenzu, wakabona musankwa watakalinga kusamina chisani cha bwiinga. 12Wakamubuzha ati, ‘Umweenzuma wanjila buti muno kotachite chisani cha bwiinga?’ Pesi musankwa wakabula chakwaamba. 13Amane Mwami wakaambila basebezhi bakwe ati, “Amumwaange kumyeendo akumaanza mumuwaale anze amunshinzhe, awo mpweshi anokulila a kulumanya meno.’ ”
14Jesu mukumanizha wakaamba ati, “Mbaanji batambilwe pesi basalilwe mbashoonto.”
Makani akupa mitelo
(Maako 12.13-17; Luuka 20.20-26)
15Bamane ba Faliisi bakaunka kuli Jesu mukumusola a mubuzho. 16Bakatuma bashichiiya bakwe atomwe a Ba Helodi. “O Muii, tulizhi kwaamba uli muntu waamba zhanchobeni, kakutaaku akuyeyela bantu nchibayeeya. ono ulayisha kabotu bantu nzhila ya Leza yanchobeni. 17Twaambile, ina wayeeya buti? Saa chili mu mulawo kwaaamba katupa mitelo kumwendelezhi munene waku Looma? Naa tutapi?”
18Pesi Jesu wakazhiba mizeezo yabo, wakaamba ati, “Imwe nubashikupaupa amenso, nkambo nzhi mutekunsola? 19Amutondezha maali ngumupa mitelo,”
bakamuletela ka koini, 20Alimwi wakababuzha ati, “Nchiwa chabani ichi? Alimwi ndiina lyabani ili?”
21Bakanviila ati, “Nzha Kaisala,” “Amupe zha Kaisala kuli Kaisala azhalo zha Leza kuli Leza.”
22Amane nibakanva bakakankamana. Amane bakamushiya a kuunka.
Makani akubuka kuzwa ku bafu
(Maako 12.18-27; Luuka 20.27-40)
23Buzuba bweenka abalo Basadukki bakaza baamba ati, taaku kubuka kuzwa kubafu bakaza kuli Jesu amubuzho. 24Bakaamba ati, “O Muii,” Mozesi wakatwaambila ati, “Naa mukwanu musankwa wafa, amana washiya mukaintu katachite mwaana, musankwa mukwabo shikufa ulyelele kukwata mukamufu, kwaamba amuzhalile baana baitwa kwaamba mbamufu. 25Ono, kwakalinga bamukowa bali chiloba, munene wakakwata amana wafa katana kuzhala mwaana, amane mukwabo wakamukwata mukamufu mukaintu. 26Chintu chomwi chakachitika alimwi kuli wabili a watatu kushikila ku wa chiloba. 27Kumamanino mukaintu wakafa. 28Ono chiindi chakubuka kuzwa kubafu ulakuba mukaintu wabaani? Nkambo boonse bali chiloba bakamukwata.”
29Jesu wakanviila ati, “Mulisowekele nkambo tamuzhi malembe naa nguzu zha Leza. 30Baakubuka bafile, tabakakwati naa kukwatwa, balakuba mbuli ba ngele ku julu 31Pesi kumakani a kubuka kwa bafu, saa tamuna kubala Leza mbwaamba kuli ndimwe, 32‘Ndime Leza wa Abulahamu, a Leza wa Izeki a Leza wa Jakobo.’ Ngu Leza wa bantu bapona kutaashi bafile.”
33Mbunga niyakanva, yakakankamana kunjiisho yakwe.
Mulawo unene
(Maako 12.28-34; Luuka 10.25-28)
34Bama Faliisi nibakanva kwaamba Jesu wabaumuzha ba Sadukki, bakalinga kubungene atomwi. 35Umwi wabo muii wa mulawo, wakasunka Jesu a mubuzho. 36“O muii, ino nguli mulawo unene a milawo ya Leza?”
37Jesu wakabanviila ati, “Yanda Leza wako amoyo wako oonse, a muuya wako oonse, a mizeezo yako yoonse.’ 38Uyu ngu mulawo wakutaanguna alimwi unene. 39Alimwi wabili uyandika ulimbuli nguyo, ‘Yanda shimukobonyoko bwenka mbuli mboliyanda.’ 40Yoonse milawo ya Mozesi anjiishyo zhaba shinshimi mpuzhijanika a milawo iyi yobilo.”
Mubuzho ali Mesiya
(Maako 12.35-37; Luuka 20.41-44)
41Bama Faliisi nibakabungana atomwe, Jesu wakababuzha ati, 42“Ino mulayeeya buti ku makani a Mesiya? Ino ngu Mwana a nii?”
Bakakanviila ati, “Ngu Mwana Devedi,”
43Jesu wakabuzha ati, “Ino nkambo nzhi anu, Devedi wakaamba ati, “Muuya wakamunjila ku mwiita ati ‘Mwami?’
44“Mwami wakaamba ku Mwami wangu,
Kkala kululyo lwangu, kushikila nkabike bashinkondonyoko kuunshi amampata ako.’ 45Naa Devedi wakamwiita ati, ‘Mwami,’ ino Mesiya inga wababuti Mwana a Devedi alimwi?”
46Taaku naba omwi wakamunviila mubuzho wakwe Jesu, alimwi kuzwila ku chiindi icho, taaku naba omwi wakainduluka kubuzha mubuzho uli onse alimwi.
Currently Selected:
Mateyo 22: STP
Highlight
Share
Compare
Copy
Want to have your highlights saved across all your devices? Sign up or sign in
The Word For The World International
Mateyo 22
22
Kaambyo ka pobwe lya bwiinga
(Luuka 14.15-24)
1Jesu wakabaambila mu twaambyo ati, 2“Bwami bwaku julu buli mbuli mwami wakapangila mwanakwe pobwe lya bwiinga. 3Wakatuma basebenzhi bakwe kwiita boonse abo bakatambwa ku pobwe, pesi bakakaka kuza. 4Alimwi wakatuma basebenzhi bambi waamba ati, “Amubaambile abo batambilwe kwaamba zhakulya zhabambwa ono. Basune bangu a abombe bainine bajaigwa kale, zhoonse zhabambwa kale. Kamuza ku pobwe lya bwiinga. 5Pesi taaku nibakamunvila, aumwi wakaunka ku munda alimwi aumwi wakaukna kumpindu zhakwe. 6Amane bambi bakashaala bakabajata basebenzhi akubauma alimwi a kubajaya. 7Mwami nakanva wakakalala, wakatuma bashikalumamba bakwe akujaya bajai abo akutenta minzhi yabo yoonse. 8Amane wakaambila basebenzhi bakwe kwamba, “Pobwe lya bwiinga lyabambwa ono, pesi bantu bakatambwa tabana kuza. 9Kamuunka mu mazhila mutambe bantu baanji ku pobwe.’ 10Ono basebenzhi bakaunka mu minzhi akubuganya bantu boonse mbubakajana, batakalinga kabotu a bakalinga kabotu. Amane ng'anda ya bwiinga yakazula beenzu yoonse.
11“Pesi Mwami nakanjila kubona beenzu, wakabona musankwa watakalinga kusamina chisani cha bwiinga. 12Wakamubuzha ati, ‘Umweenzuma wanjila buti muno kotachite chisani cha bwiinga?’ Pesi musankwa wakabula chakwaamba. 13Amane Mwami wakaambila basebezhi bakwe ati, “Amumwaange kumyeendo akumaanza mumuwaale anze amunshinzhe, awo mpweshi anokulila a kulumanya meno.’ ”
14Jesu mukumanizha wakaamba ati, “Mbaanji batambilwe pesi basalilwe mbashoonto.”
Makani akupa mitelo
(Maako 12.13-17; Luuka 20.20-26)
15Bamane ba Faliisi bakaunka kuli Jesu mukumusola a mubuzho. 16Bakatuma bashichiiya bakwe atomwe a Ba Helodi. “O Muii, tulizhi kwaamba uli muntu waamba zhanchobeni, kakutaaku akuyeyela bantu nchibayeeya. ono ulayisha kabotu bantu nzhila ya Leza yanchobeni. 17Twaambile, ina wayeeya buti? Saa chili mu mulawo kwaaamba katupa mitelo kumwendelezhi munene waku Looma? Naa tutapi?”
18Pesi Jesu wakazhiba mizeezo yabo, wakaamba ati, “Imwe nubashikupaupa amenso, nkambo nzhi mutekunsola? 19Amutondezha maali ngumupa mitelo,”
bakamuletela ka koini, 20Alimwi wakababuzha ati, “Nchiwa chabani ichi? Alimwi ndiina lyabani ili?”
21Bakanviila ati, “Nzha Kaisala,” “Amupe zha Kaisala kuli Kaisala azhalo zha Leza kuli Leza.”
22Amane nibakanva bakakankamana. Amane bakamushiya a kuunka.
Makani akubuka kuzwa ku bafu
(Maako 12.18-27; Luuka 20.27-40)
23Buzuba bweenka abalo Basadukki bakaza baamba ati, taaku kubuka kuzwa kubafu bakaza kuli Jesu amubuzho. 24Bakaamba ati, “O Muii,” Mozesi wakatwaambila ati, “Naa mukwanu musankwa wafa, amana washiya mukaintu katachite mwaana, musankwa mukwabo shikufa ulyelele kukwata mukamufu, kwaamba amuzhalile baana baitwa kwaamba mbamufu. 25Ono, kwakalinga bamukowa bali chiloba, munene wakakwata amana wafa katana kuzhala mwaana, amane mukwabo wakamukwata mukamufu mukaintu. 26Chintu chomwi chakachitika alimwi kuli wabili a watatu kushikila ku wa chiloba. 27Kumamanino mukaintu wakafa. 28Ono chiindi chakubuka kuzwa kubafu ulakuba mukaintu wabaani? Nkambo boonse bali chiloba bakamukwata.”
29Jesu wakanviila ati, “Mulisowekele nkambo tamuzhi malembe naa nguzu zha Leza. 30Baakubuka bafile, tabakakwati naa kukwatwa, balakuba mbuli ba ngele ku julu 31Pesi kumakani a kubuka kwa bafu, saa tamuna kubala Leza mbwaamba kuli ndimwe, 32‘Ndime Leza wa Abulahamu, a Leza wa Izeki a Leza wa Jakobo.’ Ngu Leza wa bantu bapona kutaashi bafile.”
33Mbunga niyakanva, yakakankamana kunjiisho yakwe.
Mulawo unene
(Maako 12.28-34; Luuka 10.25-28)
34Bama Faliisi nibakanva kwaamba Jesu wabaumuzha ba Sadukki, bakalinga kubungene atomwi. 35Umwi wabo muii wa mulawo, wakasunka Jesu a mubuzho. 36“O muii, ino nguli mulawo unene a milawo ya Leza?”
37Jesu wakabanviila ati, “Yanda Leza wako amoyo wako oonse, a muuya wako oonse, a mizeezo yako yoonse.’ 38Uyu ngu mulawo wakutaanguna alimwi unene. 39Alimwi wabili uyandika ulimbuli nguyo, ‘Yanda shimukobonyoko bwenka mbuli mboliyanda.’ 40Yoonse milawo ya Mozesi anjiishyo zhaba shinshimi mpuzhijanika a milawo iyi yobilo.”
Mubuzho ali Mesiya
(Maako 12.35-37; Luuka 20.41-44)
41Bama Faliisi nibakabungana atomwe, Jesu wakababuzha ati, 42“Ino mulayeeya buti ku makani a Mesiya? Ino ngu Mwana a nii?”
Bakakanviila ati, “Ngu Mwana Devedi,”
43Jesu wakabuzha ati, “Ino nkambo nzhi anu, Devedi wakaamba ati, “Muuya wakamunjila ku mwiita ati ‘Mwami?’
44“Mwami wakaamba ku Mwami wangu,
Kkala kululyo lwangu, kushikila nkabike bashinkondonyoko kuunshi amampata ako.’ 45Naa Devedi wakamwiita ati, ‘Mwami,’ ino Mesiya inga wababuti Mwana a Devedi alimwi?”
46Taaku naba omwi wakamunviila mubuzho wakwe Jesu, alimwi kuzwila ku chiindi icho, taaku naba omwi wakainduluka kubuzha mubuzho uli onse alimwi.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
The Word For The World International