रोम 9
9
इसोर आर उनिरेन होड़को
1सा़रियाक् इञ रोड़ेदा मा़सिरे बा़ञ एड़ेकाना सोनोत जिउरे इञाक् साँवबाक्डायाक् इञ साँवते गोहाय एमेदा बा़ङमा, 2आ़डि माराङ भाबना आर बिन मुचा़त्आक् दुकगे इञाक् मोनेरे मेनाक्आ। 3एनतेंञ कोयकेया, इञरेन बोयहा मिसराको, मेताक्मे, मानवा लेकाते इञरेन पेड़ाको खा़तिरते इञ आपनारगे बाड़े मा़सि ठेन खोन साराप बेगारिच् इञ होयोक्। 4ओनको दो इसराएलि होड़ कानाको, ओनकोवाक्गे होपोन रेयाक् एकतिया़रितेत् दो आर ठोनोक आर बोनदोबोसको आर नियोम रेयाक् एमोगोक् आर सेवातेत् आर गोक्आक्को दो। 5ओनकोरेनगे हापड़ामको दो आर मा़सि हों मानवा लेकाते ओनको खोनगे, ओने उनि सानामाक्को चेतानरे मेनाय, इसोरगे, जायजुग हा़बिच् सारहाविच। आमेन।
6एनरेहों इसोराक् काथा डिगा़उ आकाना, ओनकामा बाङ कान। एनते इसराएल खोन जानामाकान सानाम होड़ इसराएलि दोको बाङ काना, 7आबराहाम रेन बोंस कानरेहों सानामगे होपोन दोको बाङकाना, मेनखान, इसोर दो आबराहामे मेतादेया “इसाहाकरे बोंस दोको ञुमोगोक्तामा।” #जेनेसिस 21:12 8मेताक्मे, होड़मो रेन गिदरा़ दोको बाङकाना, इसोररेन गिदरा़को दो, मेनखान गोक्आक्रेन गिदरा़कोगे बोंस मेनते दोको लेखाक् काना। 9एनते गोक्आक् दो नोक्ओंय नोवागे, “निया़ ओकतेकोरेञ हिजुक्आ आर सारा दो कोड़ा गिदरा़ये ताहेनताया।” #जेनेसिस 18:10; 21:2
10आर ओना एसकार दो बाङा, मेनखान रेबेका हों ओने उनि मित् होड़ मेताक्मे, आबोरेन बाबा इसाहाक होतेते होड़मोरेये ञावानरे, 11एनते जावा गिदरा़ आ़उरिकिन जानामोक्रे आर बोगे बा़ड़िच् जाहानाक् आ़उरिकिन का़मिरेगे, जेमोन बाक्छाव लेकाते इसोराक् निटजोङ तेङगो टारहावक्, का़मिकोते दो बाङ, मेनखान होक्होयिच् होतेतेगे। 12उनरे रेबेकाय मेतादेया, बाङमा, “माराङिच् दो हुडिञिच् ठेन गोलामे खाटावक्आ।”#जेनेसिस 25:13 13ओलआकान लेका, “जाकब दोञ दुला़ड़केदेया, मेनखान एसाव दोञ कुरुदआदेया।”#मालाकि 1:2,3 14चेत् एनडेखानबो मेना? बाङ दो इसोर ठेन बेबिचा़र मेनाक्? ओहोवा, 15उनि दो एनते मोसेये मेताय काना, “ओकोय होड़ इञ दायावाय, उनिगेञ दायावाया; आर ओकोय होड़ इञ माँयाँवाय, उनिगेञ माँयाँवाया।” #एकसोडस 33:19 16ओना इया़ते मानवाकोवाक् मोनेते से कुरुमुटुते दो बाङ टारहावक् काना मेनखान इसोर रेयाक् दायातेगे टारहावक् काना। 17एनते सोनोत सोसतोर दो फारावे मेताय काना, नोवा ला़गित्गेञ तेङगोकेत्मेया, जेमोन आमरे इञाक् दाड़ेञ उदुग आर जेमोन इञाक् ञुतुम गोटा धा़रतिरे ला़इ पासनावक्।#एकसोडस 9:16 18एनडेखान ओकोय माँयाँवाये मेनजोङकान, उनिये माँयाँवाया आर ओकोये केटेजेय मेनजोङकान उनिये केटेजेया।
इसोराक् एदरे आर माँयाँ
19एनडेखानेम मेता़ञा, “इसोर दो चेदाक् नित होंए दुक्सि काना? एनते उनियाक् निटाक् दो ओकोय बाय तेङगो दाराम?” 20हें मा हेंगे, मेनखान ए मानवा, आम दोम चेलेकानते बाङ इसोर उपा़रते दोम रोड़ रुवा़ड़ेत्कान? गाड़हावाक् दो गागाड़हाविच्ए मेनकेया, “नोनका दो चेदाक्एम बेनावकेदेञा।”#जेसाया 29:16; 45:9 21से कुङका़ल दो हासा चेतानरे एकतिया़रि बा़नुक्ताया इना़ ढिमबा़ खोनगे मित् भाजान दो मानोतोक्आक् ला़गित् आर एटाक्आक् दो बेमानोतोक्आक् ला़गित् बेनावा मेनते?#जेसाया 64:8
22आर जुदि इसोर, आयाक् एदरे उदुग ला़गित् आर आयाक् दाड़े बाडाय ओचोय ला़गित् मोने मेनाक्तायते नोसटोक् ला़गित् तेयार ठिकआकान एदरे रेयाक् भाजानको आ़डि सोबोरितेये साहावकेत् खान,#का़हतुक 16:4 23आर जेमोन माँयाँ रेयाक् भाजानको, ओने ओकाको ठोनोक ला़गित्ए तेयार लाहावाकात् ताहेंकान, आयाक् ठोनोक रेयाक् धोने बाडाय ओचोको, मेताक्मे, आबोगे। 24ओने ओकोय एकेन जिहुदिको मोद खोन दो बाङ, मेनखान जिहुदि बाहरेरेनको खोन होंए होहोवात्बोन? 25चेत्लेका होसेया पुथिरे होंए मेनेदा,
“इञरेन पोरजा बाङ कानको दो,
इञरेन पोरजाञ मेताकोवा,
आर बाङ दुला़ड़ आकात्को,
होड़कोञ दुला़ड़कोवा।#होसिया़ 2:23
26आर नोनका होयोक्आ, ओका ठा़इरेये मेतात्को, आपे दो इञरेन पोरजा दोपे बाङकाना,
ओंडेगे जिवेत् इसोररेन होपोनकोको बिका़उक्आ।”#होसिया़ 1:10
27आर जेसाया दो इसराएलको रेयाङे होहोयेदा, “इसराएल होपोनको रेयाक् लेखा दो जालापुरि रेयाक् गितिल उना़क्लेनरे हों, एकेन सारेजोक्कोगेको बाञचावक्आ। 28एनते प्रोभु दो सा़त आर खाटोयते आयाक् काथा धा़रतिरेये पुरा़वा।” #जेसाया 10:22; 23 29आर जेसायाय रोड़ लाहावाकात् लेका, “सानाम दाड़ेयिच् प्रोभु दो बोंस आलोय सारेच् दोहोवाबोन खान, सोदोमरेन लेकाबोन होयकोक्आ आर गोमोरारेन तुलुच् बोन सोमानकोक्आ होनाङ।” #जेसाया 1:9
इसराएल ला़गित् पावलाक् कोयजोङ
30चेत् एनडेखानबो मेना? जिहुदि बाहरेरेनको, ओने ओनको बिक्चा़र दो बाको खुदा़वेत् ताहेंकान, मित्टेच् सा़रियाक्को साप् ञामआना, मेताक्मे बिसवा़सते सुक्हिगे। 31मेनखान इसराएलको, ओकोय सा़रियाक् रेयाक् नियोमको खुदा़वेत् ताहेंकान, ओना नियोम दो बाको तिया़क् लाक्आ। 32चेत् इया़ते? एनते बिसवा़सते दो बाङ, बिचकोम का़मिको लेकातेको खुदा़वेत् ताहेंकाना। ओनको दो “तोक्होत्आक् धिरिरेको तोहोत्एना।”#जेसाया 28:16 33ओलआकानलेका,
“ञेलपे, सियोनरे तोक्होत्आक् धिरि,
आर ता़क्किच्आक् चाटा़इनिञ दोहोयेदा,
ओकाते दो ओनकोको भिन्दा़ड़ोक् कान।
आर उनिरे पा़तिया़उक्इच् दो बाङगेये लाजाव ओचोक्आ।”#जेसाया 28:16
Currently Selected:
रोम 9: NTSPt25
Highlight
Share
Copy
Want to have your highlights saved across all your devices? Sign up or sign in
The New Testament Books in Santhali Language © The Word for the World International and Santhali Translation Project, Nepal, 2025
