रोम 1
1
जोहार काथा
1पावल मा़सि जिसुरेन गोलाम, आपोसतोल होयोक् ला़गित् होहो ओचोवाकान, बाछाव बेगार आकान इसोराक् भागे सोमबात ला़गित् 2ओकाटाक् आच्रेन ना़बिको होतेते सोनोत सोसतोरकोरेये गोक् लाहावाकात्।
3आच्रेन होपोन रेयाक्, ओने उनि दो मानवा जोनोम लेकाते दा़उद बोंसरेये जानामेन, 4इसोररेन होपोन दाड़े सालाक्ए निटेन, सोनोततेत् रेयाक् जिउ लेकाते गोच्को खोनाक् जिवेत् बेरेत्ते मेताक्मे, जिसु मा़सि आबोरेन प्रोभु रेयाक्; 5ओने उनि होतेते दायाले ञामआकात् आर आपोसतोल हुदा़गे, सानाम दिसा़मरेन होड़को तालारे उनि ञुतुमते बिसवा़स रेयाक् बाताव होय ओचोय ला़गित्। 6ओने ओनको मोदरे आपे हों जिसु मा़सिरेन होहो ओचोवाकानको कानपे। 7रोमरे मेनाक्पे, इसोररेन जोतो दुला़ड़िया़को, होहो ओचोवाकानको सोनोतको ला़गित्, दाया आपे तुलुच् बाड़े ताहेंनमा आर सुलुकगे इसोर आबोरेन बाबा आर प्रोभु जिसु मा़सि ठेन खोन।
पावलाक् गुनमानाव कोयजोङ
8सानाम खोन माड़ाङरे, जिसु मा़सि होतेते आपे सानामको ञुतुमते इञरेन इसोरिञ गुनमानाव जोहाराय काना, आपेयाक् बिसवा़स गोटा धा़रतिरे ला़इ साडेक्कान इया़ते 9एनते इञरेन गोहा दो इसोरगे, ओने उनि इञाक् जिउरे उनि रेन होपोन रेयाक् भागे सोमबातरेञ सेवावायकान, चेत्लेका मित्तालाविञ दिसा़येत्पेया, ओने जावगे इञाक् कोयजोङकोरेञ नेहोंरोक्कानते, 10जाहाँलेकाते इसोर रेयाक् मोनेते आपे ठेन दिना़मिञ सेन ञामजोङ।
11एनते आपे ञेलपे दो आ़डि सानाञ काना, जेमोन जाहान जिउवानाक् दाया दानिञ एम हा़टिञापे आपे दिड़हो ओचोपेया मेनते। 12मेताक्मे, आपे साँवते इञ हों सोङगेतेयाक् दिल आर भोरसा होयोक्तिञ, आबो देनेबानार रेयाक् बिसवा़स होतेते, आपेयाक्ते हों आर इञाक्ते हों। 13आर ए बोयहा मिसराको, बाङ सानाञकाना आपे आजानपे ताहेन, आ़डि धाव आपे ठेन चालाक् इञ निटआना मेनते आर नित हा़बिच् इञ आकोट आकाना, जेमोन आर आर जिहुदि बाहरेरेनकोरे लेका आपे तालारे हों तिन उडिच् जोञ ञाम। 14रिन मेनाक्ताय होड़ लेका दा़यिक का़ना़ञ। जुना़निको ला़गित् हों आर बेबुज जा़तको ला़गित् हों आकेलानको ला़गित् हों आर बेबुजको ला़गित् हों 15ओनकागे इञ लेक दोञ खाड़ागेया आपे रोमरे मेनाक्पेको हों भागे सोमबात जा़हिरापे ला़गित्।
भागे सोमबात रेयाक् दाड़ेतेत्
16एनते भागे सोमबात रेयाक् दो बा़ञ लाजावक् काना, चेदाक्जे ओना दो मिमित् पा़तिया़उक्को ला़गित् बाञचावक् रेयाक् इसोराक् मित्टेन दाड़े काना, जिहुदिको ला़गित् हों पा़हिल आर जिहुदि बाहरेरेनको ला़गित् हों। 17एनते ओनारे इसोराक् भा़क्ला़इतेत् सोदोरोक् काना, बिसवा़सते पा़तिया़उक् ला़गित्गे, चेत् लेका ओलआकान, मेनखान सा़रियिच् दो पा़तिया़उतेगे जिवेत्ए ताहेन।
मानवाकोवाक् का़इ
18एनते इसोराक् एदरे दो सेरमा खोन सोदोरोक् काना, मानवाकोवाक् जोतो बेभोकति आर बा़ड़िच्आक्को उपा़रते ओने ओनको बा़ड़िच्आक्ते सा़रियाक्तेत्को एसेत् दोहोयेत्; 19चेदाक्जे इसोर बाडायोक्आक् रेयाक् आ़किल दो ओनकोवाक् ओनतोररे सोदोरगेया, इसोरगे ओनाय सोदोरात्को इया़ते 20चेदाक्जे उनियाक् बाङ ञेल ञामोक्आक्को, मेताक्मे, उनियाक् जायजुग दाड़े आर इसोरतेत् दो धा़रति सिरजा़उ खोन का़मियाक्कोते बुजहा़उक्कानते पुसटा़उ ञेल ओरोमोक् काना जेमोन आलोको आ़न्डुङ दाड़ेयाक्। 21एनते ओनको दो इसोर बाडाये तुलुच् इसोर मेनकाते बाङ दोको ठोनोकादेया आर बाङ दोको गुनमानाव जोहारआदेया, मेनखान आकोवाक् हुदिसजोङकोरेको आ़उड़ि पा़था़उड़ियेना आर ओनकोवाक् बेबुज ओनतोर ञुतेनताकोवा। 22आकेलानको मेनोगोक्कान तुलुच्को लेलहायेना, 23आर बिनमारावक् इसोराक् ठोनोक दोको फेरावकेदा मारावक् मानवा आर चेंड़ेंको आर पोन जाङगावानको आर लेञोंक् टुन्डा़ङकोवाक् मुरहुत् रेयाक् मुठा़नते।
24ओना इया़ते इसोर दो आकोवाक् ओनतोर रेयाक् लालोचकोरेये सोपरोतकात्कोवा बेसाफावाक् ला़गित् जेमोन आकोरेगे ओनकोवाक् होड़मो बेमानोतोक्ताको। 25ओनको दो इसोराक् सा़रियाक्तेत् दो एड़ेयाक्तेको बोदोलकेदा आर सिरजा़वाक्गे डोबोक् आरको सेवावादा, सिसिरजा़विच् बाङकाते, ओने उनि जायजुग हा़बिच्ए सारहावानिच् कान। आमेन।
26ओना इया़ते इसोर दो निला़जिया़ लालोचकोरेये सोपरोतकात्कोवा एनते ओनकोरेन मायजिउ होड़को दो जोनोम बेवहार दो उलटा़वाक्तेको बोदोलकेदा। 27आर ओनकागे हेरेल होड़को हों मायजिउको तुलुच् जोनोम बेवहार बा़गिकाते आको आकोरे आकोवाक् रिजतेको जालजालावेना; हेरेल हेरेल लाजावपाड़ावाक्को का़मियेत् आर आकोवाक् दुसटा़मि रेयाक् कुड़ा़इ दो आकोरेगेको एच्जोङकाना।#लेबितिकुस 18:22; 20:13
28आर चेत्लेका ओनको दो बाडायजोङरे इसोरे ताहेनताको लेक बाको बुजहा़उलेत्, ओनका लेका इसोर दो बेठिकाक्को का़मिया मेनते छिया़क् मोन गोबोलरेये आलाय गिडिकात्कोवा। 29जोतो लेकान का़इ, दुसटा़मि, लालोच् आर बा़ड़िच्तेको पेरेच्एना, हिसका़, खुन, का़फा़रिया़उ, एड़े आर बा़क्ड़िच्आक्तेको तुहेत्एना; चुक्गलिको, 30ओकताचिक्न्ता़को इसोर हिक्रखा़को, बेमाक्नोतको, धोमोकको, आक्दोपको, बा़ड़िच्आक् ञाम तोतोत्को, एङगा आपा बेबाक्तावको, 31बेबुजको, बोनदोबोस रा़क्पुत्को, बिन दुला़ड़को आर कुमाँयाँको, 32ओने ओनको इसोराक् आ़न आ़रि बाडाय तुलुच्, बाङमा, ओनकानाक् का़क्मिको दो गोच् ओचोक् लेक कानाको, ओनाकोगेको का़मियेत्, ओना एसकार दो बाङ, मेनखान ओनकान का़क्मिको होंको कुसियाकोकाना।
Currently Selected:
रोम 1: NTSPt25
Highlight
Share
Copy
Want to have your highlights saved across all your devices? Sign up or sign in
The New Testament Books in Santhali Language © The Word for the World International and Santhali Translation Project, Nepal, 2025
