माथ 23
23
सोसतोर बाडायको आर फा़रिसिकोय चेतावेत्को
(मा़र १२:३८-४०; लु ११:३९-५२; २०:४५-४७)
1आदो जिसु गादेल होड़को आर आच्रेन चेलाकोय गालमारावात्कोवा, 2मेतात्कोवाय, सोसतोर बाडायको आर फा़रिसिको दो मोसेयाक् दुड़ुप् मा़चिरे दुड़ुबोक् रेयाक् एकतिया़रि ताहेंकानताकोवा। 3ओना इया़ते जाहानाक्गेको मेतापे, ओनाको सानाम दो का़मिपे आर दोहोयपे, मेनखान ओनकोवाक् का़मि लेका दो आलोपे का़मिया; एनते रोड़ दोको रोड़गेया मेनखान बाको पुरा़वा। 4हामाल बोजहाकोको तोला, आर होड़कोवाक् तारेनरेको लादेया, मेनखान आको दो का़टुप्ते हों ओना बाको लाड़ाव लेगाया। 5ओनको दो सानाम का़मिको का़मियेदा होड़को ठेन ञेल ओचोक् ला़गित्, एनते आकोवाक् ता़बिज मा़न्दा़लिको ला़टुया, आर आकोवाक् किचरिच् आ़डि तिरित्को दा़सिया। 6भोजकोरे लाहा ठा़ँइ, सुना़गोगकोरे लाहारे दुड़ुबोक्को कुसिक्आ, 7हाट बाजारकोरे जोहार ओचोक् आर होड़को ठेन “रब्बाइ”#23:7 रब्बाइ (गुरु) मेन ओचोक्को बा़सुताक् काना। 8मेनखान आपे दो “गुरु” आलोपे ञुम ओचोक्आ, एनते मित्गोटेनगेयाय आपेरेन गुरु दो, आर आपे दो जोतोपे बोयहा काना। 9आर धा़रतिरे आपेरेन बाबा मेनते ओकोय हों आलोपे मेताकोवा, एनते मित्गोटेनगेयाय आपेरेन बाबा दो, ओकोय दो सेरमारे मेनाय। 10आर आ़क्युरको हों आलोपे ञुम ओचोक्आ, एनते मित्गोटेनगेयाय आपेरेन आक्युरिच् दो, मेताक्मे मा़सिगे। 11आपे मोदरे माराङिच् दो आपेरेन साप्दाप्इच्ए होयोक्मा। 12आर जाहाँय आच्तेये उसुलोक्, उनि दोए चोपोत् ओचोक्आ, आर जाहाँयगे आच्तेये चोपोदोक्, उनि दोए उसुल ओचोक्आ।
13“हाय आपे सोसतोर बाडायको आर फा़रिसिको, फा़सिया़राको दो, एनते आपे दो होड़को सामाङरे सेरमा राजपे सिञ एसेत्एत् काना। आपे हों बापे बोलोक् काना, आर बोलोक्कानको हों बापे बोलो ओचोवाको काना।”
14“हाय आपे सोसतोर बाडायको आर फा़रिसिको, फा़सिया़राको दो, एनते रा़ँडि मायजिउकोवाक् ओड़ाक् दुवा़रकोपे जोम उजा़ड़ेदा, आर होड़ बेदा हों झा़ल झा़लपे कोयजोङा, एनते आपे दो बा़ड़ति सा़जा़इयोक् हुकुमपे ञामा।”#23:14 आदोम मारेनाक् ओलाक् कोरे नोवा का़लि बा़नुक्आ 15हाय, आपे सोसतोर बाडायको आर फा़रिसिको, फा़सिया़राको दो, एनते मित् होड़ चेलाये ला़गित् जालापुरि आर ओत पे दाँड़ाँ आ़चुरेदा, आर चेलाए होयलेनरे आपे खोन दोबड़ागे नोरोक रेन होकदारपे होय ओचोयेदे काना।
16हाय, आपे काँड़ाँ आ़क्युरको ओनेपे मेनेत्, जाहाँय होड़ कोयजोङ ओड़ाक् ञुतुमतेये किरिया़लेन खान, चेत् हों बाङ काना, मेनखान जाहाँय होड़ कोयजोङ ओड़ाक् रेयाक् सोना ञुतुमतेये किरिया़लेन खान, उनि दोए दा़यिकोक्आ। 17ए लेलहा आर काँड़ाँको, ओकाटाक् माराङा, सोना से सोनाय सोनोतकेत् कोयजोङ ओड़ाक्? 18आर पे मेना, जाहाँय होड़ पिंड ञुतुमतेये किरिया़ लेन खान, चेत् हों बाङ काना, मेनखान जाहाँय होड़ ओना चेतानरे मेनाक् सामाङाक् ञुतुमतेये किरिया़लेन खान, उनि दो ओनातेये तोलोक्आ। 19ए काँड़ाँको, ओकाटाक् माराङा, सामाङाक् से सामाङाक्ए सोनोतेत्कान पिंड? 20ओना इया़ते जाहाँय पिंड ञुतुमतेये किरिया़क्कान, उनि दो ओना ञुतुमते आर ओना चेतानरे मेनाक् सानामाक् ञुतुमतेये किरिया़क्काना। 21आर जाहाँय कोयजोङ ओड़ाक् ञुतुमतेये किरिया़क्कान, उनि दो ओना ञुतुमते आर ओनारे ताहेनकानिच् ञुतुमतेये किरिया़क् काना। 22आर जाहाँय सेरमा ञुतुमतेये किरिया़क् कान, उनि दो इसोराक् सिङघा़सोन ञुतुमते आर ओनारे दुड़ुप्आकानिच् ञुतुमतेये किरिया़क् काना। 23हाय, आपे सोसतोर बाडायको आर फा़रिसिको, फा़सिया़राको दो, एनते पुदिना, मुहरि, आर जिरा़ रेयाक् गेल हा़टिञ खोन मित् हा़टिञ दोपे एमेदा,#लेबितिकुस २७:३० मेनखान आ़न रेयाक् आसोल आसोलाक्को दोपे बा़गिआकावादा, मेताक्मे, बिचा़र, माँयाँ आर पा़तिया़र नोवाको का़मि आर ओनाको आलो बा़गियाक् लेक ताहेंकान तापेया। 24ए काँड़ाँ आ़क्युरको, सिकड़िंच् दोपे छाकाव गिडिएया, मेनखान उँट दोपे उत् गोत्कायकाना।
25हाय, आपे सोसतोर बाडायको आर फा़रिसिको, फा़सिया़राको दो एनते बा़टि आर था़रि रेयाक् बाहरेतेत् दोपे साफायेदा, मेनखान भितरि दो लुलुट आर बिन साम्बड़ावते पेरेच् आकाना। 26ए काँड़ाँ फा़रिसिको बा़टि रेयाक् भितरितेत् साफा माड़ाङपे, जेमोन ओना रेयाक् बाहरेतेत् हों साफाक्. 27हाय, आपे सोसतोर बाडायको आर फा़रिसिको, फा़सिया़राको दो, एनते पोताव पोंड आकात् कोबोर लेकानापे, ओने ओनाको बाहरेमा मोजगे ञेलोक्कान, मेनखान भितरि दो गोच् होड़कोवाक् जाङ आर सानाम लेकान बेसाफावाक्ते पेरेच् आकाना। 28ओनकागे आपे हों बाहरे दो होड़को ठेन भागे मापे ञेलोक्कान, मेनखान भितरि दो फा़सिया़रा आर बा़ड़िच्आक्तेपे पेरेच् आकाना।
29हाय, आपे सोसतोर बाडायको आर फा़रिसिको, फा़सिया़राको दो, एनते ना़बिकोवाक् तोपाकोपे तोलेदा आर भागेनकोवाक् कोबोर धिरिकोपे साजावेदा। 30आरपे मेनेदा, आबोरेन हापड़ामको बिदा़लरे बाड़ेबोन ताहेंलेन खान, ना़बिकोवाक् माँयाँम जोरोयरे ओहोबोन सेलेत्लेना। 31ओनाते आपनार रेयाङगे गोहापे एमेदा, ना़बिकोको खुनलेत्कोरेन होपोन कानापे मेनते। 32मा एनडेखान आपेरेन हापड़ामकोवाक् का़इ रेयाक् का़मिको पुरा़उपे। 33ए बिञको, का़रिना़ङगिनकोरेन होपोन, नोरोक रेयाक् सा़जा़इ खोन चेकातेपे ञिर बाञचावक्आ? 34ओना इया़ते ञेलपे, इञ दो ना़बिको आर आकेलानको आर सोसतोर बाडायको आपे ठेनिञ कोललेत्कोवा, ओनको मोदरे आदोम दोपे गोच्कोवा आरपे कुरुसकोवा, आर ओनको मोदोरे आदोमको दो आपेयाक् सुना़गोगकोरेपे कोडराकोवा आर नागराहा नागराहापे खेदकोवा। 35जेमोन धा़रतिरे जोरोवाकान सानाम भागेको रेयाक् माँयाम आपेरे पाड़ावक्, भागे हाबेल रेयाक् माँयाँम खोन बाराखिया़ होपोन साकारिया़ रेयाक् माँयाम हा़बिच्, ओने उनि कोयजोङ ओड़ाक् आर पिंड तालारेपे खुनलेदे।#जेनेसिस ४:८; २ बिबोरोन २४:२०-२१ 36सा़रिगेञ मेतापेकाना, नोवाको जोतोगे नोवा बिदा़लरेनकोरे पाड़ावक्आ।
जेरुसालेम उपा़रते जिसुवाक् दुला़ड़
(लु १३:३४-३५)
37ए जेरुसालेम, ए जेरुसालेम, ना़बिको गोगोच्इच् आर आम ठेन कोलको धिरिते तितिञिच्, तिन धाव आमरेन होपोनको हा़र सामटावकोञ मेनवाना, सिम एङगा आच्रेन होपोनको फा़ँकड़ाँक् लाताररेये गुङगुत्को लेका, मेनखान आम दो बाम रेबेनलेना। 38ञेलपे आपेयाक् ओड़ाक् दो आपे ला़गित् उजा़ड़गे बा़गि ओटोक् काना। 39एनतेञ मेतापेकाना, नित खोनाक् आदो बाङगेपे ञेलेञा आ़उरिपे मेन हा़बिच्, भोरानगेयाय प्रोभु ञुतुमते दाराकानिच् दो।
Currently Selected:
माथ 23: NTSPt25
Highlight
Share
Copy
Want to have your highlights saved across all your devices? Sign up or sign in
The New Testament Books in Santhali Language © The Word for the World International and Santhali Translation Project, Nepal, 2025
माथ 23
23
सोसतोर बाडायको आर फा़रिसिकोय चेतावेत्को
(मा़र १२:३८-४०; लु ११:३९-५२; २०:४५-४७)
1आदो जिसु गादेल होड़को आर आच्रेन चेलाकोय गालमारावात्कोवा, 2मेतात्कोवाय, सोसतोर बाडायको आर फा़रिसिको दो मोसेयाक् दुड़ुप् मा़चिरे दुड़ुबोक् रेयाक् एकतिया़रि ताहेंकानताकोवा। 3ओना इया़ते जाहानाक्गेको मेतापे, ओनाको सानाम दो का़मिपे आर दोहोयपे, मेनखान ओनकोवाक् का़मि लेका दो आलोपे का़मिया; एनते रोड़ दोको रोड़गेया मेनखान बाको पुरा़वा। 4हामाल बोजहाकोको तोला, आर होड़कोवाक् तारेनरेको लादेया, मेनखान आको दो का़टुप्ते हों ओना बाको लाड़ाव लेगाया। 5ओनको दो सानाम का़मिको का़मियेदा होड़को ठेन ञेल ओचोक् ला़गित्, एनते आकोवाक् ता़बिज मा़न्दा़लिको ला़टुया, आर आकोवाक् किचरिच् आ़डि तिरित्को दा़सिया। 6भोजकोरे लाहा ठा़ँइ, सुना़गोगकोरे लाहारे दुड़ुबोक्को कुसिक्आ, 7हाट बाजारकोरे जोहार ओचोक् आर होड़को ठेन “रब्बाइ”#23:7 रब्बाइ (गुरु) मेन ओचोक्को बा़सुताक् काना। 8मेनखान आपे दो “गुरु” आलोपे ञुम ओचोक्आ, एनते मित्गोटेनगेयाय आपेरेन गुरु दो, आर आपे दो जोतोपे बोयहा काना। 9आर धा़रतिरे आपेरेन बाबा मेनते ओकोय हों आलोपे मेताकोवा, एनते मित्गोटेनगेयाय आपेरेन बाबा दो, ओकोय दो सेरमारे मेनाय। 10आर आ़क्युरको हों आलोपे ञुम ओचोक्आ, एनते मित्गोटेनगेयाय आपेरेन आक्युरिच् दो, मेताक्मे मा़सिगे। 11आपे मोदरे माराङिच् दो आपेरेन साप्दाप्इच्ए होयोक्मा। 12आर जाहाँय आच्तेये उसुलोक्, उनि दोए चोपोत् ओचोक्आ, आर जाहाँयगे आच्तेये चोपोदोक्, उनि दोए उसुल ओचोक्आ।
13“हाय आपे सोसतोर बाडायको आर फा़रिसिको, फा़सिया़राको दो, एनते आपे दो होड़को सामाङरे सेरमा राजपे सिञ एसेत्एत् काना। आपे हों बापे बोलोक् काना, आर बोलोक्कानको हों बापे बोलो ओचोवाको काना।”
14“हाय आपे सोसतोर बाडायको आर फा़रिसिको, फा़सिया़राको दो, एनते रा़ँडि मायजिउकोवाक् ओड़ाक् दुवा़रकोपे जोम उजा़ड़ेदा, आर होड़ बेदा हों झा़ल झा़लपे कोयजोङा, एनते आपे दो बा़ड़ति सा़जा़इयोक् हुकुमपे ञामा।”#23:14 आदोम मारेनाक् ओलाक् कोरे नोवा का़लि बा़नुक्आ 15हाय, आपे सोसतोर बाडायको आर फा़रिसिको, फा़सिया़राको दो, एनते मित् होड़ चेलाये ला़गित् जालापुरि आर ओत पे दाँड़ाँ आ़चुरेदा, आर चेलाए होयलेनरे आपे खोन दोबड़ागे नोरोक रेन होकदारपे होय ओचोयेदे काना।
16हाय, आपे काँड़ाँ आ़क्युरको ओनेपे मेनेत्, जाहाँय होड़ कोयजोङ ओड़ाक् ञुतुमतेये किरिया़लेन खान, चेत् हों बाङ काना, मेनखान जाहाँय होड़ कोयजोङ ओड़ाक् रेयाक् सोना ञुतुमतेये किरिया़लेन खान, उनि दोए दा़यिकोक्आ। 17ए लेलहा आर काँड़ाँको, ओकाटाक् माराङा, सोना से सोनाय सोनोतकेत् कोयजोङ ओड़ाक्? 18आर पे मेना, जाहाँय होड़ पिंड ञुतुमतेये किरिया़ लेन खान, चेत् हों बाङ काना, मेनखान जाहाँय होड़ ओना चेतानरे मेनाक् सामाङाक् ञुतुमतेये किरिया़लेन खान, उनि दो ओनातेये तोलोक्आ। 19ए काँड़ाँको, ओकाटाक् माराङा, सामाङाक् से सामाङाक्ए सोनोतेत्कान पिंड? 20ओना इया़ते जाहाँय पिंड ञुतुमतेये किरिया़क्कान, उनि दो ओना ञुतुमते आर ओना चेतानरे मेनाक् सानामाक् ञुतुमतेये किरिया़क्काना। 21आर जाहाँय कोयजोङ ओड़ाक् ञुतुमतेये किरिया़क्कान, उनि दो ओना ञुतुमते आर ओनारे ताहेनकानिच् ञुतुमतेये किरिया़क् काना। 22आर जाहाँय सेरमा ञुतुमतेये किरिया़क् कान, उनि दो इसोराक् सिङघा़सोन ञुतुमते आर ओनारे दुड़ुप्आकानिच् ञुतुमतेये किरिया़क् काना। 23हाय, आपे सोसतोर बाडायको आर फा़रिसिको, फा़सिया़राको दो, एनते पुदिना, मुहरि, आर जिरा़ रेयाक् गेल हा़टिञ खोन मित् हा़टिञ दोपे एमेदा,#लेबितिकुस २७:३० मेनखान आ़न रेयाक् आसोल आसोलाक्को दोपे बा़गिआकावादा, मेताक्मे, बिचा़र, माँयाँ आर पा़तिया़र नोवाको का़मि आर ओनाको आलो बा़गियाक् लेक ताहेंकान तापेया। 24ए काँड़ाँ आ़क्युरको, सिकड़िंच् दोपे छाकाव गिडिएया, मेनखान उँट दोपे उत् गोत्कायकाना।
25हाय, आपे सोसतोर बाडायको आर फा़रिसिको, फा़सिया़राको दो एनते बा़टि आर था़रि रेयाक् बाहरेतेत् दोपे साफायेदा, मेनखान भितरि दो लुलुट आर बिन साम्बड़ावते पेरेच् आकाना। 26ए काँड़ाँ फा़रिसिको बा़टि रेयाक् भितरितेत् साफा माड़ाङपे, जेमोन ओना रेयाक् बाहरेतेत् हों साफाक्. 27हाय, आपे सोसतोर बाडायको आर फा़रिसिको, फा़सिया़राको दो, एनते पोताव पोंड आकात् कोबोर लेकानापे, ओने ओनाको बाहरेमा मोजगे ञेलोक्कान, मेनखान भितरि दो गोच् होड़कोवाक् जाङ आर सानाम लेकान बेसाफावाक्ते पेरेच् आकाना। 28ओनकागे आपे हों बाहरे दो होड़को ठेन भागे मापे ञेलोक्कान, मेनखान भितरि दो फा़सिया़रा आर बा़ड़िच्आक्तेपे पेरेच् आकाना।
29हाय, आपे सोसतोर बाडायको आर फा़रिसिको, फा़सिया़राको दो, एनते ना़बिकोवाक् तोपाकोपे तोलेदा आर भागेनकोवाक् कोबोर धिरिकोपे साजावेदा। 30आरपे मेनेदा, आबोरेन हापड़ामको बिदा़लरे बाड़ेबोन ताहेंलेन खान, ना़बिकोवाक् माँयाँम जोरोयरे ओहोबोन सेलेत्लेना। 31ओनाते आपनार रेयाङगे गोहापे एमेदा, ना़बिकोको खुनलेत्कोरेन होपोन कानापे मेनते। 32मा एनडेखान आपेरेन हापड़ामकोवाक् का़इ रेयाक् का़मिको पुरा़उपे। 33ए बिञको, का़रिना़ङगिनकोरेन होपोन, नोरोक रेयाक् सा़जा़इ खोन चेकातेपे ञिर बाञचावक्आ? 34ओना इया़ते ञेलपे, इञ दो ना़बिको आर आकेलानको आर सोसतोर बाडायको आपे ठेनिञ कोललेत्कोवा, ओनको मोदरे आदोम दोपे गोच्कोवा आरपे कुरुसकोवा, आर ओनको मोदोरे आदोमको दो आपेयाक् सुना़गोगकोरेपे कोडराकोवा आर नागराहा नागराहापे खेदकोवा। 35जेमोन धा़रतिरे जोरोवाकान सानाम भागेको रेयाक् माँयाम आपेरे पाड़ावक्, भागे हाबेल रेयाक् माँयाँम खोन बाराखिया़ होपोन साकारिया़ रेयाक् माँयाम हा़बिच्, ओने उनि कोयजोङ ओड़ाक् आर पिंड तालारेपे खुनलेदे।#जेनेसिस ४:८; २ बिबोरोन २४:२०-२१ 36सा़रिगेञ मेतापेकाना, नोवाको जोतोगे नोवा बिदा़लरेनकोरे पाड़ावक्आ।
जेरुसालेम उपा़रते जिसुवाक् दुला़ड़
(लु १३:३४-३५)
37ए जेरुसालेम, ए जेरुसालेम, ना़बिको गोगोच्इच् आर आम ठेन कोलको धिरिते तितिञिच्, तिन धाव आमरेन होपोनको हा़र सामटावकोञ मेनवाना, सिम एङगा आच्रेन होपोनको फा़ँकड़ाँक् लाताररेये गुङगुत्को लेका, मेनखान आम दो बाम रेबेनलेना। 38ञेलपे आपेयाक् ओड़ाक् दो आपे ला़गित् उजा़ड़गे बा़गि ओटोक् काना। 39एनतेञ मेतापेकाना, नित खोनाक् आदो बाङगेपे ञेलेञा आ़उरिपे मेन हा़बिच्, भोरानगेयाय प्रोभु ञुतुमते दाराकानिच् दो।
Currently Selected:
:
Highlight
Share
Copy
Want to have your highlights saved across all your devices? Sign up or sign in
The New Testament Books in Santhali Language © The Word for the World International and Santhali Translation Project, Nepal, 2025