माथ 14
14
जोहान बाबा़प्तिसिच्ए गोच्ओचोयेन
(मा़र ६:१४-२९; लु ९:७-९)
1ओना जोखेच् पोनोन दिसा़म चाक्लाविच् हेरोद दो जिसु रेयाङ उना़न ए आँजोमकेदा, 2आर आच्रेन गुतिकोय मेतात्कोवा, नुय दो जोहान बाबा़प्तिसिच् कानाय; उनिगे गोच्को खोने जिवेत् बेरेत् आकाना, ओना इया़ते जोतो नोवा दाड़े का़मिको उनि होतेते होयोक् काना।
3एनते हेरोद दो जोहान साप्कातेये तोललेदेया आर हाजोतरेये दोहोलेदेया आच् बोयहा फिलिप रिनिच् हेरोदिया़ इया़ते। 4एनते जोहान दो हेरोद ए मेतादे ताहेंकाना, उनि दोहोये दो बाङ गानोक्तामा।#लेबितिकुस 18:16; 20:21 5ओना इया़ते उनि गोजे सानायेकान ताहेंकाना, मेनखान दिसा़म होड़े बोतोरात्कोवा, ओनको दो एनते मित्टेन ना़बिगे उनिको बुजहा़उ एदेकान ताहेंकाना।
6आर हेरोद रेयाक् जोनोम दिन सेटेरेनरे, हेरोदिया़रेन होपोनेरात दो ओनको तालारेये एनेच् एना, आर हेरोद ए कुसि ओचोकेदेया, 7ओनाते किरिया़कातेये गोक्आदेया जाहानाक्गेये खोज, ओना एमाय ला़गित्। 8आर उनि दो एङगाततेत् ठेन सिखा़उ माड़ाङ एनतेये मेनकेदा, “जोहान बाबा़प्तिसिच् रेयाक् बोहोक् देन नोंडे था़रिरे एमा़ञमे।”
9आर राज ए मोन दुक एनरेहों, गोक् लाहा आकावादे इया़ते आर आच् सोंगेते दुड़ुप् आकानको इया़ते ओना एमाय रेयाक्ए हुकुमकेदा, 10आर हाजोतरे होड़ कोलकाते जोहानाक् बोहोक्ए माक् ओचोकेदा। 11आर उनियाक् बोहोक् था़रिरे आ़गुकाते कुड़िको एमादेया, आर उनि दो एङगाततेत्ए इदिआदेया। 12आदो उनिरेन चेला हेच्काते मा़ँड़िंको इदिकेदा आरको तोपाकात् ताया, आर सेनकाते जिसुको ला़इयादेया।
जिसु मोंड़ें हाजार होड़े जोम बि ओचोयेत्को
(मा़र ६:३०-४४; लु ९:१०-१७; जोहा ६:१-१४)
13आदो जिसु ओनाय आँजोमकेत् खान ओंडे खोन ला़उका़ते मित्टेन हाहाङकार जायगातेये सा चालावेना, आर गादेल होड़ दो ओना आँजोमकाते नागराहाको खोन ताड़ामतेको पाँजा केदेया। 14आदो ला़उका़ खोन ओडोक हेच्एनते आ़डि गादेल होड़े ञेलकेत्कोवा, आर ओनकोरे माँयाँ हेच्आदेया, आर ओनकोरेन रुगिकोय बोगेकेत्कोवा। 15आ़युबोक् जोखेच् चेलाको हेच्कातेको मेतादेया, नोवा जायगा दो हाहाङकारगेया आर कु बेलायेना, ओनाते होड़को बिदा़काकोमे बाड़े, जेमोन आतोकोते सेनकाते जोमाक्को किरिञजोङ। 16मेनखान जिसुइ मेतात्कोवा, चेत्, बाको चालाक्आ, आपे बाड़े जोमाक् एमाकोपे। 17ओनकोको मेतादेया, मोंड़ें गोटेच् पिठा़ आर बारया हाको छाडा नोंडे दो चेत् हों बा़नुक् ताबोना। 18आदोए मेतात्कोवा देन ओनाको नोंडे इञ ठेन आ़गुइपे। 19आदो गादेल होड़ घाँसरे दुड़ुप् ए हुकुमात्कोवा, आर ओना मोंड़ेंगोटेच् पिठा़ आर बारया हाको आताङकाते सेरमा सेच् बेङगेत् राकाप्काते इसोरे गुनमान जोहारादेया, आर पिठा़ केचाक्काते चेलाकोय एमात्कोवा, आर चेलाको दो गादेल होड़को, एमात्कोवा, 20आर सानामकोको जोमकेदा आरको बियेना आर ओना केचाक्को रेयाक् सारेच्आक् दो गेलबार फा़तिया़क् पेरेच्को हालाङ जारवाकेदा। 21आर जोजोमको दो मोंड़ें हाजार गान हेरेल होपोनको ताहेंकाना, मायजिउको आर गिदरा़को छाडा।
जिसु दाक् चेतानतेये ताड़ामेत्
(मा़र ६:४५-५६; जोहा ६:१५-२१)
22आदो जिसु ओनको गादेल होड़ बिदा़कोते, चेलाको दो ला़उका़रे देजोक् आर दोरयाँव ओनपारोमते चालाव लाहाक्ए उदगा़उ गोत्कात्कोवा। 23आर गादेल होड़े बिदा़केत्को खान कोयजोङ ला़गित् बुरुते आच्मोतोगेये देच् एना, आर ञुहुमेन खान ओंडे एसकारगेये ताहेंकाना। 24मेनखान ला़उका़ दो उनरे ताला दोरयाँवरे ताहेंकाना। ढेवकोते इकोच्सोकोजोक् कान, एनते होय दो लाहा सेच् खोन ताहेंकाना।
25आदो जिसु सेताक् पे बाजा खोन तुरुइ बाजा ओकते दोरयाँव चेतान चेतानते ताड़ामते ओनको ठेन ए हेच्एना। 26आर चेलाको दो दोरयाँव चेतानरे ताड़ामको ञेलकेदे खान तोरासेनतेको मेनकेदा, “भुत कानाय” आर बोतोरतेको किकिया़उकेदा। 27खान जिसु दो रोड़ गोत्केत्ते ओनकोय मेतात्कोवा, “दिल जोङपे इञ कानगेयाञ, आलोपे बोतोरोक्आ।” 28पातरासे रोड़ रुवा़ड़केदा, “ए प्रोभु, आम कानगे खानेम, दाक् दाक्ते आम ठेन चालाक् हुकुमा़ञमे।” 29आदो जिसुइ मेनकेदा, “मा हिजुक्मे।” आदो पातरास ला़उका़ खोन फेडकाते दाक् चेतान चेतानतेये ताड़ामकेदा, आर जिसु सेच्ए चालावेना। 30मेनखान पातरास दो होय ञेलतेये बोतोरेना, आर उनुमोक् ए एहोप् एन खाने किकिया़उ गोत्केदा, “ए प्रोभु बाञचाविञमे” 31आर साटमेनते जिसु दो ति तिया़रकातेये साप् गोत्केदेया, आरे मेतादेया “ए नासे नासे पा़तिया़उक्इच्, चाक्एम दिगधा़येना?” 32आर ला़उका़रेकिन देच्एन खान होय दो थिर एना। 33आर ला़उका़रे ताहेंकानको दो सेवावादेतेको मेतादेया, “सा़रिगे आम दो इसोररेन होपोन कानाम।”
गेनेसारेतरे रुगिकोय बोगेयेत्को
(मा़र ६:५३-५६)
34आर जिसु आर उनिरेन चेलाको पारोमेनते, गेनेसारेत टोठातेको हेच् एना। 35आर ओना टोठारेन होड़ जिसुको ओरोमकेदे खान ओना बेड़हायतेयाक् टोठाते होड़को कोलकेत्कोवा, आर जोतो रुगिको उनि ठेनको आ़गुकेत्कोवा, 36आरको नेहोंरादेया जेमोन उनियाक् किचरिच् रेयाक् एकेन आञचारतेत्को जोटेत् ञामताय, आर तिना़क्को जोटेत्लेत्ताय, ओनको दोको बोगेयेना।
Currently Selected:
माथ 14: NTSPt25
Highlight
Share
Copy
Want to have your highlights saved across all your devices? Sign up or sign in
The New Testament Books in Santhali Language © The Word for the World International and Santhali Translation Project, Nepal, 2025
माथ 14
14
जोहान बाबा़प्तिसिच्ए गोच्ओचोयेन
(मा़र ६:१४-२९; लु ९:७-९)
1ओना जोखेच् पोनोन दिसा़म चाक्लाविच् हेरोद दो जिसु रेयाङ उना़न ए आँजोमकेदा, 2आर आच्रेन गुतिकोय मेतात्कोवा, नुय दो जोहान बाबा़प्तिसिच् कानाय; उनिगे गोच्को खोने जिवेत् बेरेत् आकाना, ओना इया़ते जोतो नोवा दाड़े का़मिको उनि होतेते होयोक् काना।
3एनते हेरोद दो जोहान साप्कातेये तोललेदेया आर हाजोतरेये दोहोलेदेया आच् बोयहा फिलिप रिनिच् हेरोदिया़ इया़ते। 4एनते जोहान दो हेरोद ए मेतादे ताहेंकाना, उनि दोहोये दो बाङ गानोक्तामा।#लेबितिकुस 18:16; 20:21 5ओना इया़ते उनि गोजे सानायेकान ताहेंकाना, मेनखान दिसा़म होड़े बोतोरात्कोवा, ओनको दो एनते मित्टेन ना़बिगे उनिको बुजहा़उ एदेकान ताहेंकाना।
6आर हेरोद रेयाक् जोनोम दिन सेटेरेनरे, हेरोदिया़रेन होपोनेरात दो ओनको तालारेये एनेच् एना, आर हेरोद ए कुसि ओचोकेदेया, 7ओनाते किरिया़कातेये गोक्आदेया जाहानाक्गेये खोज, ओना एमाय ला़गित्। 8आर उनि दो एङगाततेत् ठेन सिखा़उ माड़ाङ एनतेये मेनकेदा, “जोहान बाबा़प्तिसिच् रेयाक् बोहोक् देन नोंडे था़रिरे एमा़ञमे।”
9आर राज ए मोन दुक एनरेहों, गोक् लाहा आकावादे इया़ते आर आच् सोंगेते दुड़ुप् आकानको इया़ते ओना एमाय रेयाक्ए हुकुमकेदा, 10आर हाजोतरे होड़ कोलकाते जोहानाक् बोहोक्ए माक् ओचोकेदा। 11आर उनियाक् बोहोक् था़रिरे आ़गुकाते कुड़िको एमादेया, आर उनि दो एङगाततेत्ए इदिआदेया। 12आदो उनिरेन चेला हेच्काते मा़ँड़िंको इदिकेदा आरको तोपाकात् ताया, आर सेनकाते जिसुको ला़इयादेया।
जिसु मोंड़ें हाजार होड़े जोम बि ओचोयेत्को
(मा़र ६:३०-४४; लु ९:१०-१७; जोहा ६:१-१४)
13आदो जिसु ओनाय आँजोमकेत् खान ओंडे खोन ला़उका़ते मित्टेन हाहाङकार जायगातेये सा चालावेना, आर गादेल होड़ दो ओना आँजोमकाते नागराहाको खोन ताड़ामतेको पाँजा केदेया। 14आदो ला़उका़ खोन ओडोक हेच्एनते आ़डि गादेल होड़े ञेलकेत्कोवा, आर ओनकोरे माँयाँ हेच्आदेया, आर ओनकोरेन रुगिकोय बोगेकेत्कोवा। 15आ़युबोक् जोखेच् चेलाको हेच्कातेको मेतादेया, नोवा जायगा दो हाहाङकारगेया आर कु बेलायेना, ओनाते होड़को बिदा़काकोमे बाड़े, जेमोन आतोकोते सेनकाते जोमाक्को किरिञजोङ। 16मेनखान जिसुइ मेतात्कोवा, चेत्, बाको चालाक्आ, आपे बाड़े जोमाक् एमाकोपे। 17ओनकोको मेतादेया, मोंड़ें गोटेच् पिठा़ आर बारया हाको छाडा नोंडे दो चेत् हों बा़नुक् ताबोना। 18आदोए मेतात्कोवा देन ओनाको नोंडे इञ ठेन आ़गुइपे। 19आदो गादेल होड़ घाँसरे दुड़ुप् ए हुकुमात्कोवा, आर ओना मोंड़ेंगोटेच् पिठा़ आर बारया हाको आताङकाते सेरमा सेच् बेङगेत् राकाप्काते इसोरे गुनमान जोहारादेया, आर पिठा़ केचाक्काते चेलाकोय एमात्कोवा, आर चेलाको दो गादेल होड़को, एमात्कोवा, 20आर सानामकोको जोमकेदा आरको बियेना आर ओना केचाक्को रेयाक् सारेच्आक् दो गेलबार फा़तिया़क् पेरेच्को हालाङ जारवाकेदा। 21आर जोजोमको दो मोंड़ें हाजार गान हेरेल होपोनको ताहेंकाना, मायजिउको आर गिदरा़को छाडा।
जिसु दाक् चेतानतेये ताड़ामेत्
(मा़र ६:४५-५६; जोहा ६:१५-२१)
22आदो जिसु ओनको गादेल होड़ बिदा़कोते, चेलाको दो ला़उका़रे देजोक् आर दोरयाँव ओनपारोमते चालाव लाहाक्ए उदगा़उ गोत्कात्कोवा। 23आर गादेल होड़े बिदा़केत्को खान कोयजोङ ला़गित् बुरुते आच्मोतोगेये देच् एना, आर ञुहुमेन खान ओंडे एसकारगेये ताहेंकाना। 24मेनखान ला़उका़ दो उनरे ताला दोरयाँवरे ताहेंकाना। ढेवकोते इकोच्सोकोजोक् कान, एनते होय दो लाहा सेच् खोन ताहेंकाना।
25आदो जिसु सेताक् पे बाजा खोन तुरुइ बाजा ओकते दोरयाँव चेतान चेतानते ताड़ामते ओनको ठेन ए हेच्एना। 26आर चेलाको दो दोरयाँव चेतानरे ताड़ामको ञेलकेदे खान तोरासेनतेको मेनकेदा, “भुत कानाय” आर बोतोरतेको किकिया़उकेदा। 27खान जिसु दो रोड़ गोत्केत्ते ओनकोय मेतात्कोवा, “दिल जोङपे इञ कानगेयाञ, आलोपे बोतोरोक्आ।” 28पातरासे रोड़ रुवा़ड़केदा, “ए प्रोभु, आम कानगे खानेम, दाक् दाक्ते आम ठेन चालाक् हुकुमा़ञमे।” 29आदो जिसुइ मेनकेदा, “मा हिजुक्मे।” आदो पातरास ला़उका़ खोन फेडकाते दाक् चेतान चेतानतेये ताड़ामकेदा, आर जिसु सेच्ए चालावेना। 30मेनखान पातरास दो होय ञेलतेये बोतोरेना, आर उनुमोक् ए एहोप् एन खाने किकिया़उ गोत्केदा, “ए प्रोभु बाञचाविञमे” 31आर साटमेनते जिसु दो ति तिया़रकातेये साप् गोत्केदेया, आरे मेतादेया “ए नासे नासे पा़तिया़उक्इच्, चाक्एम दिगधा़येना?” 32आर ला़उका़रेकिन देच्एन खान होय दो थिर एना। 33आर ला़उका़रे ताहेंकानको दो सेवावादेतेको मेतादेया, “सा़रिगे आम दो इसोररेन होपोन कानाम।”
गेनेसारेतरे रुगिकोय बोगेयेत्को
(मा़र ६:५३-५६)
34आर जिसु आर उनिरेन चेलाको पारोमेनते, गेनेसारेत टोठातेको हेच् एना। 35आर ओना टोठारेन होड़ जिसुको ओरोमकेदे खान ओना बेड़हायतेयाक् टोठाते होड़को कोलकेत्कोवा, आर जोतो रुगिको उनि ठेनको आ़गुकेत्कोवा, 36आरको नेहोंरादेया जेमोन उनियाक् किचरिच् रेयाक् एकेन आञचारतेत्को जोटेत् ञामताय, आर तिना़क्को जोटेत्लेत्ताय, ओनको दोको बोगेयेना।
Currently Selected:
:
Highlight
Share
Copy
Want to have your highlights saved across all your devices? Sign up or sign in
The New Testament Books in Santhali Language © The Word for the World International and Santhali Translation Project, Nepal, 2025