माथ 10
10
जिसुरेन गेलबार चेलाकोवाक् का़मि
(मा़र ३:१३-१९; ६:७-१३; १३:९-१३; लु ६:१२-१६; ९:१-६; १२:२-९; २१:१२-१७)
1आदो जिसु आच्रेन चेलाको होहो सोरकाते बेसाफा जिउको चेतानरे एकतिया़रिये एमात्कोवा, ओनको ओडोक गिडिको ला़गित्, आर सानाम लेकान रोग बिघिन आर सानाम लेकान रुवा़ हासो बोक्गे ला़गित्।
2ओनको गेलबार आपोसतोलकोवाक् ञुतुम दो नोक्ओंय; पा़हिल दो पातरासको मेताय सिमोन आर उनिरे बोयहा आ़न्द्रियास, आर साबदायरेन होपोन जाकब आर उनिरेन बोयहा जोहान। 3फिलिप आर बारथोलोमाय, थोमास आर मा़सुल उक्ठा़विच् माथाय, आलफायरेन होपोन जाकब आर थाद्दाय, 4कानानि सिमोन आर जिहुदा़ इसकारियोत ओने उनि जिसुइ सोपरोतकेदे।
5नोको गेलबारको जिसुइ कोलकेत्कोवा आरे हुकुमात्कोवा, “जिहुदि बाहरेरेन होड़को सेनाक् होरते आलोपे मोहंडाक्आ, आर सा़मा़रिकोवाक् ओका नागराहाते हों आलोपे बोलोक्आ। 6बिचकोम इसराएल घारोंजरेन आत् भिडिको ठेन चालाक्पे। 7आर सेन इदिक्ते पोरचाराकोपे, मेनपे, ‘सेरमा राज दो सोर आकाना।’#लुक १०:४-१२; मा़रकुस १०:८-११; लुक ९:३-५ 8रुगिको बोगेकोपे, गोच्को जिवेत् बेरेत्कोपे, मुरहुच् जोमको साफाकोपे, बा़ड़िच् जिउको ओडोक गिडिकोपे, मोसतेतेपे ञामआकादा, मोसतेतेगे एमाकोपे। 9आपेयाक् गा़ञ्जिया़रे सोना से रुपा़ से तामबा पोयसा आलोपे सोमोलजोङा, 10आर होरते ला़गित् खुति हों आलो, बारया आङगरोप हों आलो, खारपा हों आलो, ठेङगा हों आलो, का़क्मियिच् दो एनते कुड़ा़इ ञाम लेक आनिच् कानाय।#१ कोरिन्थिको ९:१४; १ तिमोथि ५:१८
11“आर जाहाँ नागराहा से आतोतेगेपे बोलोक् सुटिकपे ओनारे ओकोये लेक काना, आपे आताङ दारामपे ला़गित् आर ओंडे ताहेनपे आ़उरिपे ओडोक चालाक् हा़बिच्, 12आर ओना ओड़ाक्तेपे बोलोक्रे जोहाराकोपे। 13आर ओना ओड़ाक्रेनको लेकगे खान आपेयाक् सुलुक ओनकोरे पाड़ावक्मा, मेनखान बाङको लेक खान आपेयाक् सुलुक दो आपे ठेनगे आ़चुर रुवाड़ोक्मा। 14आर जाहाँयगे बाय आताङदारामपे आर आपेयाक् काथा हों बाय आँजोम ओना ओड़ाक् से नागराहा खोन पे ओडोकोक्रे आपेयाक् जाङगा रेयाक् धुड़ि कोटा ओटोकाक्पे। 15सा़रिगेञ मेतापेकाना, बिचा़र दिनरे ओना नागराहा रेयाक् खोन सोदोम आर गोमोरा रेयाक्गे बोरोङ साहावक्आ।”#माथाय ११:२४; जेनेसिस १९:२४-२८
दाराकानाक् सानतावको रेयाङ ओकते
(मा़र १३:९-१३; लु २१:१२-१७)
16“ञेलपे इञ दो भिडिको लेकाञ कोलेत्पेया हुनडा़रको तालारे, आदो बिञ लेका हुसिया़रोक्पे, आर पोताम लेका सोड़ा होयोक्पे।#लुक १०:३ 17मेनखान होड़को खोन चेहाव आकान ताहेनपे, एनते माराङ बा़इसिकोरेको सोपरोतपेया, आर सुना़गोगकोरेको कोडरापेया।#मा़रकुस १३:९-११; लुक १२:११,१२; २१:१२-१५ 18इञ खा़तिरते दिसा़म चाक्लावको आर रापाजको ठेन आर जिहुदि बाहरेरेन होड़को ठेन गोहाक् ला़गित्को इदिपेया। 19मेनखान सोपरोतपेरे आलोपे गुनिभा़बिक्आ चेत्लेका से चेत्पे रोड़ा मेनते, एनते ओकाको रोरोड़ होयोक्तापेया, ओना घा़ड़िच्गे ला़इयापेया। 20आपे दो एनते रोरोड़को दोपे बाङकाना, मेनखान आपेरेन बाबारेन जिउगे आपेरे रोरोड़िच् दो।”
21“बोयहा दो बोयहाततेत् ए सोपरोतेया गोच् ओचोये ला़गित्, आर आपात दो होपोनतेत् आर होपोनको दो एङगात आपातको उपा़रतेको तेङगोना आरको गोच् ओचोकोवा।#मा़रकुस १३:१२; लुक २१:१६ 22आपे दो इञ ञुतुमते सानाम होड़को ठेन पे कुरुद ओचोक्आ, मेनखान ओकोय मुचा़त् हा़बिच् ए टारहावक् उनिगेये बाञचावक्आ।#माथाय २४:९-१३ 23मित् नागराहारेको खेदपे खान एटाक्ते दा़ड़पे, एनते सा़रिगेञ मेतापेकाना, इसराएल दिसा़म रेयाक् नागराहाको ओहोगेपे दाँड़ाँ चाबालेया मानवा होपोने हिजुक् हा़बिच्ते दो।”
24“चेला दो गुरु खोन बाय माराङा आर गोलाम हों किसा़ँड़ खोन दो बाङ। 25चेला ला़गित् निया़गे ढेरा, आच्रेन गुरु लेकाय होयोक्, आर गोलाम दो आच्रेन किसा़ँड़ लेका, ओड़ाक् किसा़ँड़गे बेलसेबुलको#10:25 बेलसेबुल:- सायतानाक् ञुतुम, भुतकोरेन सोरदार से मुखिया़ मेन आकावादे खान उनि घारोंजरेनको दो तिना़क् आरतेत्गे बाको मेताकोवा?”#माथाय ९:३४; १२:२४; मा़रकुस ३:२२; लुक ११:१५
आलोपे बोतोरोक्आ
26“ओनाते आलोपे बोतोराकोवा एनते दानाङ आकान चेत्गे बा़नुक्आनेच् ओकाटाक् बाङ सोदोरोक् आर ओकोवाक् चेत्गे बा़नुक्आनेच् ओकाटाक् बाङ बाडाय ञामोक्। 27ओकाटाक् ञुतरेञ ला़इयापेकान, ओना दो मारसालरे रोड़पे, आर ओकाटाक् लुतुरतेपे आँजोमेत् ओना दो छातकोरे खोन ला़इसाडेपे। 28आर ओकोय होड़मोको गोजा आर जिउ दो बाको गोच् दाड़ेयाक्आ ओनको दो आलोपे बोतोराकोवा, बिचकोम ओकोय जिउ आर होड़मो बानारगे नोरोकरे नोसटोय ला़गित् दाड़े मेनाक्ताय उनिगे बोतोरायपे। 29बारया घाड़वा मित् पायसाते बाकिन आ़खरिञोक् काना? एन हों ओनको मोदरे मित्गोटेच् हों ओतरे बाय ञुरुक्आ, आपेरेन बाबा बाय आड़ाक्ले खान दो। 30एनते आपेयाक्मा बोहोक् उप् हों सानाम लेखा आकानतापे।#लुक 12:7 31ओनाते आलोपे बोतोरोक्आ, आपे दो आयमा घाड़वाको खोन बा़ड़तिपे दामाना।”
मा़सिये आँगोचे आर बाङे रेयाङ
(लु १२:८-९)
32“ओनाते होड़को सामाङरे इञे आङगोचिञ मित्के मित् होड़ दो इञ हों सेरमारे मेनाय आ़पुञ सामाङरेञ आङगोचेया। 33मेनखान होड़को सामाङरे इञे बाङेञ मित्के मित् होड़ दो इञ हों सेरमारे मेनाय आ़पुञ सामाङरेञ बाङेया।”
34“आलोपे बुजहा़वा इञ दो धा़रतिते सुलुक आ़गुञ हेच् आकाना, सुलुक आ़गु दो बा़ञ हेच् आकाना, बिचकोम तारवाड़े चाक्लावगे। 35एनते बेगार ओक्चोगेञ हेच् आकाना होपोन दो आपात खोन, आर होपोनेरा दो एङगात खोन, आर किमिनतेत् दो हानहारतेत् खोन। 36आर होड़रेन बा़इरि दो आच् घारोंजरेनकोगेको होयोक्आ।#मिका़ 7:6 37एङगात से आपातगे इञ खोन बा़ड़ति दुक्ला़ड़िच् दो इञ लेक दोए बाङ काना, आर होपोन से होपोनेरातगे इञ खोन बा़ड़ति दुक्ला़ड़िच् दो इञ लेक दोए बाङ काना। 38आर ओकोय आयाक् कुरुस हातावतायते बाय पाँजाञा, उनि दो इञ लेक दोए बाङ काना।#माथाय 16:24; मा़रकुस 8:34; लुक 9:23 39ओकोय आयाक् जिविये बाचलाव, उनि दोए खुवा़उताया; आर ओकोय आयाक् जिवि इञ इया़तेये खुवा़उताय उनि दोए ञामताया।”#माथाय 16:25; मा़रकुस 8:35; लुक 9:24; 17:33; जोहान 12:25
कुड़ा़इ
(मा़र ९:४१)
40आपे आक्ताङिच् दो इञे आताङिञा आर इञ आक्ताङिच् दो कोलआकादिञिच्गेये आताङेया।#लुक 10:16; जोहान 13:20; मा़रकुस 9:37; लुक 9:48 41ना़बि ञुतुमते मित्टेन ना़बि आक्ताङिच् दो ना़बि रेयाक् कुड़ा़इ ए ञामा, आर भागे होड़ मेनते मित्टेन भागे होड़ आक्ताङिच् भागे होड़ रेयाक् कुड़ा़ये ञामा। 42आर जाहाँयगे नोको का़टिच्को मोदरे मित् होड़, इञरेन चेला मेनकाते एकेन मित् बा़टि रेयाड़ दाक् ए एमाय, सा़रिगेञ मेतापेकाना, उनि दो ओका लेकाते हों आयाक् कुड़ा़इ ओहोय बागदावलेया।
Currently Selected:
माथ 10: NTSPt25
Highlight
Share
Copy
Want to have your highlights saved across all your devices? Sign up or sign in
The New Testament Books in Santhali Language © The Word for the World International and Santhali Translation Project, Nepal, 2025
