जोहा 20
20
जिसुइ जिवेत् बेरेत्एन
(माथ 28:1-8; मा़र 16:1-8; लु 24:1-12)
1आदो हापता रेयाक् पा़हिल दिन आ़डि सेताक्रे ञुत ताहेंकानरेगे मागदालिनि मा़रिया़म दो कोबोर ठेने हेच्एना आर धिरि दो कोबोर खोन ओचोक्आकाने ञेलेत्काना। 2आदो ञिर सेनकाते सिमोन पातरास आर जिसुइ दुला़ड़ेदेकान ताहेंकान एटागिच् चेला ठेने चालावेना आरे मेताकिन काना, “प्रोभु दो कोबोर खोनको इदिआकादेया आर बाले बाडाया ओकारेको दोहोवाकादेया।”
3आदो पातरास आर उनि एटाक् चेला दो ओडोककाते कोबोर सेच्किन चालाव इदियेना, 4आर उनकिन दो मित्तेकिन दा़ड़ इदिकेदा, आर उनि एटागिच् चेला दो पातरास खोन ञिर लाहायेनते कोबोर ठेने सेटेर माड़ाङेना 5आर एङगोत्कातेये ओयोङकेत् खाने ञेलेत्काना चिरा़ मुसना़ किचरिच्को दोहोआकान, मेनखान बाय बोलोलेना।
6आदो सिमोन पातरास हों उनि तायोमतेये सेटेरेना आर कोबोरतेये बोलोयेना आरे ञेलेत्काना चिरा़ मुसना़ किचरिच्को दोहोआकान, 7आर जिसु बोहोक्रे ताहेंकान गामछा दो चिरा़ मुसना़ किचरिच्को साँवते दो बाङ, मेनखान गुड़हे सामटावकाते मित् सेच्रे जुदा़गे दोहोवाकाना। 8खान कोबोर ठेने सेटेर माड़ाङलेन उनि दोसारिच् चेला होंए बोलोयेना आरे ञेलकेदा आरे पा़तिया़वेना; 9एनते एनरेहों सोसतोर बाको बाडायाकात् ताहेंकाना उनि दो गोच्को खोन बेरेत् रुवा़ड़ोक् होयोक्ताया मेनते। 10आदो उनकिन चेला दोकिन रुवा़ड़ चालावेना।
जिसु मागदालिनि मा़रिया़म ठेने सोदोरेन
(माथ 28:9-10; मा़र 16:9-11)
11मेनखान मा़रिया़म दो कोबोर ठेन बाहरेरे तेङगोवाकाने राक्जोङकान ताहेंकाना; आर राराक् तुलुच् एङगोत्काते कोबोरे ओयोङकेदा; 12आर पोंडाक् होरोक्आकावान बारया दुत दुड़ुप्आकाने ञेलकेत्किना, मित् दो बोहोक् सेच्रे आर मित् दो जाङगा सेच्रे, ओकारे जिसुवाक् होड़मो दोहोआकान ताहेंकान।
13उनकिन दोकिन मेतादेया, “हेंदा गो, चेदाक्एम राक्एदा?” मेतात्किनाय, “इञरेन प्रोभुको इदिआकादेया आर बा़ञ बाडाया ओकारेको दोहोवाकादेया।” 14नोवाको मेनकाते तायोमसेच्ए आ़चुरेना आर जिसु तेङगोवाकाने ञेलेकाना, मेनखान बाय बाडायलेदा जिसुकानाय मेनते। 15जिसुइ मेतादेया, “हेंदा गो, चेदाक्एम राक्एदा? ओकोयेम ञाम बाड़ायदेकाना?” उनि दो बागवान मा़लिये बादकेदेतेये मेतादेया, “ए बाबा, आमेम इदिआकादे खान ला़इया़ञमे ओकारेम दोहोवाकादेया, आदोञ इदियेया।” 16जिसुइ मेतादेया, “मा़रिया़म,” उनि दो आ़चुरेनते इबरितेये मेतादेया, “रा़ब्बुनि” मेताक्मे, “ए गुरु।” 17जिसुइ मेतादेया, “आलोम हा़ड़ुबिञा, एनते बाबा ठेन आ़उरिञ राकाप् चालाक्आ; मेनखान इञरेन बोयहाको ठेन सेनकाते मेताकोम, इञ दो इञरेन बाबा आर आपेरेन बाबा आर इञरेन इसोर आर आपेरेन इसोर ठेनिञ राकाप् चालाक्काना।” 18मागदालिनि मा़रिया़म दो सेनकाते चेलाकोय जाहिरात्कोवा, बाङमा प्रोभुञ ञेलआकादेया आर नोवाकोय मेतादेया मेनतेये ला़इयात्कोवा।
चेलाको ठेन जिसुइ सोदोरेन
(माथ 28:16-20; मा़र 16:14-18; लु 24:36-49)
19आदो एनहिलोक् हापता रेयाक् पा़हिल दिन आठवार हिलोक् जोखेच्, चेलाको ताहेंकान ठेनाक् सिलपिञको जिहुदिको बोतोरते सिञआकात्रे जिसुइ हेच्एना आर तालारे तेङगोयेनतेये मेतात्कोवा, “सुलुकापेमा।” 20आर ओना मेनकाते ति किन आर कोखाय उदुक्आत्कोवा। खानगे चेलाको प्रोभुको ञेलकेदेतेको रा़सका़येना। 21आदो जिसु आरहोंए मेतात्कोवा, “सुलुकापेमा; चेत्लेका बाबा इञे कोलआकादिञ, ओनकागे इञ हों आपेञ कोलेत्पेया।” 22आर नोवा मेनकाते साँहेंत्ए ओङात्कोवा आरे मेतात्कोवा, “सोनोत जिउ हातावजोङपे। 23जाहाँयकोवाक् का़इपे इका़इताको, ओना दो इका़आकाय ताहेनताकोवा; आर जाहाँयकोवाक् का़इपे ताहें ओचोयताको, खान ओना दो ताहेंआकान ताहेनताकोवा।”
जिसु आर थोमा
24मेनखान गेलबारको मोदरेन मित् होड़, जावाको मेताय थोमा दो जिसुइ हेच्लेनरे ओनको साँवते बाय ताहेंकाना। 25आदो ओनको एटाक् चेलाको ला़इयादेया, प्रोभुले ञेलआकादेया। मेनखान उनि दोए मेतात्कोवा, उनियाक् ति किनरे जा़ला़इ चिनहा़ बा़ञ ञेलले खान आर जा़ला़इ भुगा़क्रे का़टुप् बा़ञ गुतुले खान आर इञाक् ति उनियाक् कोखारे बा़ञ सोक् लेखान, ओहोगेञ पा़तिया़उलेना।
26आर इरा़ल माँहाँ तायोम उनिरेन चेलाको दो आरहों ओड़ाक् भितरिरेको ताहेंकाना, आर ओनको साँवते थोमा हों। जिसु दो सिलपिञ सिञआकात्रेये हेच्एना आर तालारे तेङगोयेतेये मेनकेदा, “सुलुकापेमा।” 27ओनाकाते थोमाय मेतादेया, “नोते का़टुप् आ़गुइताम आर ति किन ञेलतिञमे आर आमाक् ति तिया़रकाते कोखारे सोगेञमे आर बिन पा़तिया़उक्इच् दो आलोम होयोक्आ बिचकोम पा़तिया़उक्इच्गे।” 28थोमाय रोड़ रुवा़ड़केदा, “ए इञरेन प्रोभु, ए इञरेन इसोर।”
29जिसु दो उनिये मेतादेया, “ञेलआकादिञतेम पा़तिया़उ आकाना? बिन ञेलते पा़तिया़उक्कोगेको भा़गाना।”
नोवा पुथि ओलेन रेयाक् जोस
30आयमा उता़र एटाक् चिनहा़को जिसु दो आच्रेन चेलाको सामाङरेये का़मिलेदा ओने ओनाको नोवा पुथिरे बाङ ओल आकान; 31मेनखान नोवाको दो ओल आकाना जेमोनपे पा़तिया़उक् जिसु दो मा़सि, इसोररेन होपोन कानाय मेनते आर जेमोन पा़तिया़उक्ते उनि ञुतुमते जियोन ताहेनतापे।
Currently Selected:
जोहा 20: NTSPt25
Highlight
Share
Copy
Want to have your highlights saved across all your devices? Sign up or sign in
The New Testament Books in Santhali Language © The Word for the World International and Santhali Translation Project, Nepal, 2025
जोहा 20
20
जिसुइ जिवेत् बेरेत्एन
(माथ 28:1-8; मा़र 16:1-8; लु 24:1-12)
1आदो हापता रेयाक् पा़हिल दिन आ़डि सेताक्रे ञुत ताहेंकानरेगे मागदालिनि मा़रिया़म दो कोबोर ठेने हेच्एना आर धिरि दो कोबोर खोन ओचोक्आकाने ञेलेत्काना। 2आदो ञिर सेनकाते सिमोन पातरास आर जिसुइ दुला़ड़ेदेकान ताहेंकान एटागिच् चेला ठेने चालावेना आरे मेताकिन काना, “प्रोभु दो कोबोर खोनको इदिआकादेया आर बाले बाडाया ओकारेको दोहोवाकादेया।”
3आदो पातरास आर उनि एटाक् चेला दो ओडोककाते कोबोर सेच्किन चालाव इदियेना, 4आर उनकिन दो मित्तेकिन दा़ड़ इदिकेदा, आर उनि एटागिच् चेला दो पातरास खोन ञिर लाहायेनते कोबोर ठेने सेटेर माड़ाङेना 5आर एङगोत्कातेये ओयोङकेत् खाने ञेलेत्काना चिरा़ मुसना़ किचरिच्को दोहोआकान, मेनखान बाय बोलोलेना।
6आदो सिमोन पातरास हों उनि तायोमतेये सेटेरेना आर कोबोरतेये बोलोयेना आरे ञेलेत्काना चिरा़ मुसना़ किचरिच्को दोहोआकान, 7आर जिसु बोहोक्रे ताहेंकान गामछा दो चिरा़ मुसना़ किचरिच्को साँवते दो बाङ, मेनखान गुड़हे सामटावकाते मित् सेच्रे जुदा़गे दोहोवाकाना। 8खान कोबोर ठेने सेटेर माड़ाङलेन उनि दोसारिच् चेला होंए बोलोयेना आरे ञेलकेदा आरे पा़तिया़वेना; 9एनते एनरेहों सोसतोर बाको बाडायाकात् ताहेंकाना उनि दो गोच्को खोन बेरेत् रुवा़ड़ोक् होयोक्ताया मेनते। 10आदो उनकिन चेला दोकिन रुवा़ड़ चालावेना।
जिसु मागदालिनि मा़रिया़म ठेने सोदोरेन
(माथ 28:9-10; मा़र 16:9-11)
11मेनखान मा़रिया़म दो कोबोर ठेन बाहरेरे तेङगोवाकाने राक्जोङकान ताहेंकाना; आर राराक् तुलुच् एङगोत्काते कोबोरे ओयोङकेदा; 12आर पोंडाक् होरोक्आकावान बारया दुत दुड़ुप्आकाने ञेलकेत्किना, मित् दो बोहोक् सेच्रे आर मित् दो जाङगा सेच्रे, ओकारे जिसुवाक् होड़मो दोहोआकान ताहेंकान।
13उनकिन दोकिन मेतादेया, “हेंदा गो, चेदाक्एम राक्एदा?” मेतात्किनाय, “इञरेन प्रोभुको इदिआकादेया आर बा़ञ बाडाया ओकारेको दोहोवाकादेया।” 14नोवाको मेनकाते तायोमसेच्ए आ़चुरेना आर जिसु तेङगोवाकाने ञेलेकाना, मेनखान बाय बाडायलेदा जिसुकानाय मेनते। 15जिसुइ मेतादेया, “हेंदा गो, चेदाक्एम राक्एदा? ओकोयेम ञाम बाड़ायदेकाना?” उनि दो बागवान मा़लिये बादकेदेतेये मेतादेया, “ए बाबा, आमेम इदिआकादे खान ला़इया़ञमे ओकारेम दोहोवाकादेया, आदोञ इदियेया।” 16जिसुइ मेतादेया, “मा़रिया़म,” उनि दो आ़चुरेनते इबरितेये मेतादेया, “रा़ब्बुनि” मेताक्मे, “ए गुरु।” 17जिसुइ मेतादेया, “आलोम हा़ड़ुबिञा, एनते बाबा ठेन आ़उरिञ राकाप् चालाक्आ; मेनखान इञरेन बोयहाको ठेन सेनकाते मेताकोम, इञ दो इञरेन बाबा आर आपेरेन बाबा आर इञरेन इसोर आर आपेरेन इसोर ठेनिञ राकाप् चालाक्काना।” 18मागदालिनि मा़रिया़म दो सेनकाते चेलाकोय जाहिरात्कोवा, बाङमा प्रोभुञ ञेलआकादेया आर नोवाकोय मेतादेया मेनतेये ला़इयात्कोवा।
चेलाको ठेन जिसुइ सोदोरेन
(माथ 28:16-20; मा़र 16:14-18; लु 24:36-49)
19आदो एनहिलोक् हापता रेयाक् पा़हिल दिन आठवार हिलोक् जोखेच्, चेलाको ताहेंकान ठेनाक् सिलपिञको जिहुदिको बोतोरते सिञआकात्रे जिसुइ हेच्एना आर तालारे तेङगोयेनतेये मेतात्कोवा, “सुलुकापेमा।” 20आर ओना मेनकाते ति किन आर कोखाय उदुक्आत्कोवा। खानगे चेलाको प्रोभुको ञेलकेदेतेको रा़सका़येना। 21आदो जिसु आरहोंए मेतात्कोवा, “सुलुकापेमा; चेत्लेका बाबा इञे कोलआकादिञ, ओनकागे इञ हों आपेञ कोलेत्पेया।” 22आर नोवा मेनकाते साँहेंत्ए ओङात्कोवा आरे मेतात्कोवा, “सोनोत जिउ हातावजोङपे। 23जाहाँयकोवाक् का़इपे इका़इताको, ओना दो इका़आकाय ताहेनताकोवा; आर जाहाँयकोवाक् का़इपे ताहें ओचोयताको, खान ओना दो ताहेंआकान ताहेनताकोवा।”
जिसु आर थोमा
24मेनखान गेलबारको मोदरेन मित् होड़, जावाको मेताय थोमा दो जिसुइ हेच्लेनरे ओनको साँवते बाय ताहेंकाना। 25आदो ओनको एटाक् चेलाको ला़इयादेया, प्रोभुले ञेलआकादेया। मेनखान उनि दोए मेतात्कोवा, उनियाक् ति किनरे जा़ला़इ चिनहा़ बा़ञ ञेलले खान आर जा़ला़इ भुगा़क्रे का़टुप् बा़ञ गुतुले खान आर इञाक् ति उनियाक् कोखारे बा़ञ सोक् लेखान, ओहोगेञ पा़तिया़उलेना।
26आर इरा़ल माँहाँ तायोम उनिरेन चेलाको दो आरहों ओड़ाक् भितरिरेको ताहेंकाना, आर ओनको साँवते थोमा हों। जिसु दो सिलपिञ सिञआकात्रेये हेच्एना आर तालारे तेङगोयेतेये मेनकेदा, “सुलुकापेमा।” 27ओनाकाते थोमाय मेतादेया, “नोते का़टुप् आ़गुइताम आर ति किन ञेलतिञमे आर आमाक् ति तिया़रकाते कोखारे सोगेञमे आर बिन पा़तिया़उक्इच् दो आलोम होयोक्आ बिचकोम पा़तिया़उक्इच्गे।” 28थोमाय रोड़ रुवा़ड़केदा, “ए इञरेन प्रोभु, ए इञरेन इसोर।”
29जिसु दो उनिये मेतादेया, “ञेलआकादिञतेम पा़तिया़उ आकाना? बिन ञेलते पा़तिया़उक्कोगेको भा़गाना।”
नोवा पुथि ओलेन रेयाक् जोस
30आयमा उता़र एटाक् चिनहा़को जिसु दो आच्रेन चेलाको सामाङरेये का़मिलेदा ओने ओनाको नोवा पुथिरे बाङ ओल आकान; 31मेनखान नोवाको दो ओल आकाना जेमोनपे पा़तिया़उक् जिसु दो मा़सि, इसोररेन होपोन कानाय मेनते आर जेमोन पा़तिया़उक्ते उनि ञुतुमते जियोन ताहेनतापे।
Currently Selected:
:
Highlight
Share
Copy
Want to have your highlights saved across all your devices? Sign up or sign in
The New Testament Books in Santhali Language © The Word for the World International and Santhali Translation Project, Nepal, 2025